Innehållsförteckning för 16 Sep 2021 från Huisgenoot

1 ‘HELP! MY MEISIE SLAAN MY’ Baie mans wat deur vroue aangerand word, swyg daaroor uit skaamte. ’n Gautengse sakeman praat oor sy ontberings om so die stigma te besweer Ek is so jammer dat jy deur so iets moes gaan. Hou moed, die regte een sal oor jou pad kom. Vir haar wil ek net sê: Ek skaam my vir jou. Hoekom weerhou hy die vrou se naam? Mans moet teen haar gewaarsku word. AMANDA Ja, daar is vroue wat hul mans slaan, nes daar mans is wat hul vroue slaan. Dis ook verkeerd om vroue te verdedig wat dit doen. Dit is hoekom mans wat dit oorkom, stilbly, want hulle word óf uitgelag óf daarvoor blameer. Dis hartseer. SPOOK Daar is baie vroue wat hul mans aanrand. Dit is…

’N GOEIE skool is aan die hart van ’n hegte gemeenskap. Dis waar jou kinders opgevoed en geslyp word om hulle die beste kans op sukses te gee wanneer hulle die wêreld as jong volwassenes binnevaar. Dit is waar goeie waardes en beginselvaste rigtingwysers vir die grootmenslewe ingeprent word. En aan die kern van ’n goeie skool is ’n toegewyde, gesonde onderwyserskorps – en ’n hoof wat sy span suksesvol kan lei. Dekades lank was die Hoërskool Eldoraigne dié skool in Centurion. Ouers het tougestaan om hul kinders daar in te skryf. Maar toe begin die uittog van onderwysers. En gou was die leerders ook blykbaar nie gelukkig nie. Sedert Januarie 2015 het 153 onderwysers by dié skool bedank – en dikwels nie vir groener weivelde in ander stede of…

‘WAT MY ALTYD SAL BYBLY IS DIE SIRENES, AL DIE MENSE WAT GEBID HET EN DIE SWART WOLK OOR DIE HELE STAD’ DIT was die dag wat ’n geskokte wêreld nooit sal vergeet nie: 11 September 2001, toe die terreurgroep Al-Kaïda gekaapte passasiersvliegtuie soos missiele vol mense teen die Verenigde State van Amerika se grootste magsimbole vasgeslinger het. Vandag, presies 20 jaar ná “9/11”, is die verskriklike tonele steeds helder in die mensdom se kollektiewe geheue: Die vliegtuie wat laag oor Manhattan skeur en in reusevuurbolle in die twee torings van die World Trade Center (WTC) vasvlieg; die onheilspellende swart rookpilare; loeiende sirenes; vlugtende New Yorkers bedek met grys as, en die desperates wat hulself van ’n duiselingwekkende hoogte uit die geboue se vensters werp om van die vlamme weg…

DIE ENKELBAND Niks is meer in die kol vir die lente as ’n bermudabroek nie. Kies een met tekstuur en gee jou uitrusting ’n preppie-voorkoms met ’n gebreide toppie, wit oorhemp en enkelbandsandale. AANGLIPSANDALE Glip in ’n tuniekrok en aanglipsandale wat gemaklik en perfek is vir die warmer weer. Dis ook veelsydig genoeg om as ontspanne drag te dra of op te dollie. DIE DIKSOOLPLAKKIE Natuurlike skakerings is steeds ’n groot trend en dit geld ook vir hierdie skoene. Dra linne en breistowwe daarby vir ’n ontspanne voorkoms en rond dit af met wit diksoolplakkies. ENKELBANDPLAKKIE Vir ’n vroulike, sagte voorkoms is die valletjiesromp en pofmoutoppie ’n moet vir die lente. ’n Syserpie, byderwetse handsak en enkelbandplakkies in dieselfde skakerings sal die voorkoms mooi afrond. VERSIERDE SANDALE Staan uit met…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel VAN SUPERHELD TOT GESINSMAN Hy is veral bekend as die Dothraki-leier Khal Drogo in Game of Thrones en Aquaman op die silwerdoek. Nou hang die Hollywoodster Jason Momoa (42) sy superheldpak op om die eerste keer ’n doodgewone pa te speel in sy nuwe aksierillerfliek, Sweet Girl. Die akteur speel Ray Cooper, wie se vrou aan kanker sterf. Hy neem wraak op die farmaseutiese maatskappy wat hy glo verantwoordelik is vir haar dood. In die proses plaas hy homself én sy tienerdogter in gevaar. Die rol was perfek omdat hy self ’n pa is, sê hy. Hy en sy vrou, Lisa Bonet (53), het twee kinders, Lola (14) en Nakoa-Wolf (12).…

GROOT BLOKRAAI NO 2 405 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN WHITE GLO PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter klipsoort is ter sprake? Een gelukkige wenner ontvang ’n geskenkpak ter waarde van R500 van White Glo Gebruik White Glo-tandepasta en -tandstrokies en speel klaar met vlekke en verkleuring. White Glo-produkte bevat geaktiveerde houtskool wat tandvlekke weens koffie, rook, wyn en veroudering verwyder. Die tandepasta en strokies laat tandemalje wit en verfris die asem. White Glo-produkte is peroksiedvry en glad nie skadelik vir emalje nie. Dit is dus ookvir mense met sensitiewe tande geskik. NEEM SO DEEL Vul die blokraai korrek in, skryf die letters in die kleurblokke…

@mags4science 509 000 followers 4,6 miljoen likes Ontmoet die science nerd Maggie. Sy verduidelik vir jou als oor wetenskap. Haar video’s is pret en sy sorg dat jy moeilike wetenskapterme maklik onder die knie kry. Sy het op kollege besef wetenskap is nie net vir slimkoppe nie, sê Maggie. “Ek het besef ek kan mense bekendstel aan wetenskap sonder om hulle klein te laat voel.” Wat sy jou kan leer Waaruit bestaan vlamme? En is dit moontlik om deur tyd te reis? @paigelayle 2,5 miljoen followers 63,5 miljoen likes Paige Hennekam (21) van Kanada deel haar ervaringe as iemand wat met outisme leef. As jy iemand op die spektrum ken of net beter wil verstaan, sal Paige se opvoedkundige TikToks jou baie help. Wat sy jou kan leer Wat om…

JY SOU ’n ouma waarskynlik nie sommer as ’n spiertier beskryf nie. Maar kyk na die blokkies op Joan MacDonald se maag en haar armspiere wat bult – wie kan dan stry dat sy een is? En dít op 75. Boonop was sy net ’n paar jaar gelede nog allermins so viets en fiks en het sy eers in haar 70’s die transformasie van gewoon tot “genugtig!” ondergaan. Dit het als begin omdat sy ag geslaan het op waarskuwings oor haar gesondheid – en nou voel sy beter as ooit. Ja, sy weet sommige mense beskou haar dalk as oor die muur, sê Joan, maar wat haar betref, is daar sommer nog baie wat sy kan bereik. En sy glo sy kan mense wat die helfte so jonk is as…

SY WAS ’n parmantige pokkel van vyf jaar oud toe sy kykers se harte die eerste keer gesteel het met haar kordate houding en gevatte sêgoed. Honey Boo Boo, soos sy alombekend geword het, was gou een van die sterre van Toddlers and Tiaras, die werklikheidsprogram waarin ouers feitlik enigiets sal doen om hul kinders in prinsessies om te tower om ’n voet in die deur na die glansryke wêreld van skoonheidskompetisies te kry. En of dit nou danksy haar bekkigheid was of nie: Die jong Honey Boo Boo, oftewel Alana Thompson, het inderdaad ’n paar skoonheidstitels vir juniors gewen. Kykers kon nie genoeg van dié klein rissiepit kry nie. Dit was geen verrassing toe sy in 2012 haar eie program op TV kry nie. In Here Comes Honey Boo…

PRINSES SOFIA SWEDE (36) Die hertogin van Värmland is die vrou van prins Carl Philip, die seun van die Sweedse koning Carl XVI Gustaf. Voor sy in 2015 met Carl Philip getroud is, was Sofia Hellqvist ’n model en het sy in die Sweedse program Paradise Hotel ’n hoofrol vertolk. Haar uitrustings voldoen aan ’n sekere koninklike standaard, maar sy is nie bang om die jongste trends, helder kleure of bykomstighede wat ’n stelling maak in haar klerekas in te sluit nie. PRINSES TATIANA GRIEKELAND & DENEMARKE (40) Dié boorling van Venezuela kan maklik met ’n tiara en skouerband op die rooitapyt pryk, al verkies sy jeans en tekkies. Voor Tatiana met prins Nikolaos van Griekeland en Denemarke getroud is, het sy in die modereklame-bedryf vir die Belgiese ontwerper Diane…

KALEY CUOCO en KARL COOK se egskeiding is glo selfs vir hulle ’n skok. Vroeër vandeesmaand het die ster van The Flight Attendant en haar vervreemde man in ’n gesamentlike verklaring gesê hulle “slaan verskillende rigtings” in. Maar vriende sê die twee het doodgelukkig gelyk toe hulle hulle ’n paar maande gelede gesien het en daar was geen aanduiding dat hulle sou skei nie. “Die egskeiding voel skielik. Dit is regtig baie skokkend,” sê die bron. Kaley (35), ’n kranige perderuiter, het in 2016 met Karl (30), ook ’n perderuiter, begin uitgaan. Hulle het laat in 2017 verloof geraak en in Junie die volgende jaar by ’n perdestal naby San Diego, Kalifornië, afgehaak met net goeie vriende en familie as hul trougaste.…

VANDAG is hier g’n sprake van trousenuwees nie – die tweede keer is mos baie minder spannend as die eerste keer. Veral as jy weer met dieselfde vrou – jou lewensmaat van twee dekades – trou. “Lekker man, lekker!” sê die sanger en Kwêla-veldaanbieder Pieter Koen vrolik waar hy in sy swart troupak vir die kamera pronk. “Twintig jaar gelede het ek dieselfde ding gedoen!” Dis sowat twee uur voor sy trouseremonie, maar die bruidegom is so ontspanne soos kan kom. “Ek is so kalm soos ’n psalm!” sê Pieter. En dis geen wonder nie. Hy ken immers die vrou wat onder in die paadjie vir hom gaan wag deur en deur, en ná twee dekades as man en vrou weet hy (47) en Lotie (45) wat die getroude lewe…

HAAR naam is afkomstig van die Griekse “philippos”, wat “’n liefde vir perde” beteken. En gesels jy met Philippa Johnson-Dwyer, besef jy gou: Perde is onlosmaaklik deel van haar lief en leed. Want elke keer dat die lewe haar afgegooi het, het sy altyd weer in die saal geklim. En daar was nie net een of twee moeilike terugslae nie; daar was sommer báie. Dié Paralimpiese ruiter se agtste plek in die finaal van die dressage-kompetisie by die Paralimpiese Spele in Tokio, Japan, was dalk nie die uitkoms waarop sy gehoop het nie. Tog was Philippa (46) net so verheug as toe sy in 2008 goud by die Spele in Beijing gewen het. Want ondanks al die terugslae in haar lewe bespeur jy nooit ’n sweempie swaarmoedigheid by dié boorling…

KERRIEKLAPPERVARKKEBABS As jy van ’n vleisgereg met ’n bietjie byt hou, is dié kebabs met tabasco so reg in jou kraal. LEWER 6 KEBABS BEREIDING: 10 MIN. MARINEER: 1 UUR GAARMAAK: 25 MIN. ◗ 400 ml klappermelk◗ 45 ml (3 e) sojasous◗ 5-10 ml (1-2 t) tabascosous na smaak◗ 15 ml (1 e) bruinsuiker◗ 5 ml (1 t) sout◗ 2,5 ml (½ t) fyn witpeper◗ 5 ml (1 t) masala◗ 150 ml kondensmelk, yskoud◗ 1 kg varkboud of -blad, in 3 cm-blokkies gesny◗ 12 repies streepspek◗ 30 ml (2 e) suurlemoen-envinkelsout (sien resep regs) 1 Bring die klappermelk, soja- en tabascosous, bruinsuiker, sout, peper en masala tot kookpunt en laat kook 10 min. sodat die geure kan ontwikkel. 2 Verwyder van die hitte, giet in ’n glasbak en voeg die…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. SUSTER REGEER HUISHOUDING V My ouers maak na my mening te veel toelating vir my ouer suster se geestesgesondheid. Sy regeer die huishouding met haar buie. Ek weet nie meer wat om te doen nie. My ouers wil haar tevrede stel en dink nie aan my behoeftes nie. Ek word nie mishandel nie, net sonder liefde behandel. Nogtans het die situasie vir my onuithoudbaar geword, aangesien my suster my haar vyand gemaak het. Ek moet die huis verlaat om al my varkies op hok te hou, maar weet nie hoe nie. Ek studeer aanlyn. K op D A Liefdeloosheid…

EK LIKE JOU STYL ANDREW DAVIES Andrew se debuutenkelsnit vertel die storie van hoe leeg die lewe vir ’n man kan voel sonder sy vrou. In hierdie ligte popliedjie sing dié 34-jarige sanger vir enigeen wat hul verhouding of huwelik geniet en wil koester. Ek kan myself nie indink met ’n lewe sonder jou, ek kan myself nie indink as jy nie hier wil bly, is lirieke wat sommer dadelik met jou hart sal praat. SOOS DIE MAAN DIRK ROEPER Jy het sy stem waarskynlik al by ’n trouonthaal gehoor. Dirk is deel van die groep The Morning After wat die afgelope 13 jaar by troues optree. Nou maak hy naam as solosanger met “Soos die maan”, ’n sagterock-liefdesballade uit sy eie pen. “Die hooftema is die skoonheid van ’n…

PER ONGELUK Wim beland met sy motor in ’n sloot nadat dit by ’n kruising teen ’n ander motor gebots het. Terwyl hy al steunend uit sy onderstebo ryding kruip, buk die ander bestuurder besorgd langs hom. “Het jy seergekry?” vra hy. “Ek weet nie,” antwoord Wim. “Ek sal my prokureur moet vra.” ANTON, BELLVILLE ONGELUKSVOËL Net toe ek in my kar klim, sien ek ’n duik. Maar daar’s ook ’n briefie op die voorruit met ’n vrou se telefoonnommer. “Ek is so jammer ek het jou motor gestamp,” sê sy toe ek haar bel. “Moenie bekommerd wees nie,” stel ek haar gerus. “Ek is seker ons versekeraars sal alles kan uitpluis.” “Dankie dat jy verstaan,” sê sy en voeg by: “Jy is soveel vriendeliker as die man in wie…

1. HY MAAK MUSIEK IN SY SLAAPKAMER Tesher (25) het “Jalebi Baby” in sy slaapkamer in sy tuisstad, Toronto in Kanada, opgeneem. Dit was ’n wegholtreffer en het soos ’n veldbrand aanlyn versprei nadat hy dit in November verlede jaar uitgereik het. Op TikTok alleen is video’s waarin “Jalebi Baby” gebruik is, al 1 miljard keer gekyk. Selfs die Amerikaanse musiekster Jason Derulo (31) is ’n aanhanger. Jason het dit weer saam met Tesher opgeneem en die musiekvideo is al meer as 63 miljoen keer op You-Tube gekyk. Jason dans tot die bhangra – ’n Indiese volksdans wat gereeld in Bollywood-flieks gesien word. “Dis die eerste keer in die geskiedenis dat ’n hoofstroomsuperster die bhangra-dans doen,” sê Tesher. 2. DIE BESTE VAN ALBEI WÊRELDE Tesher se regte naam is Hitesh…

SY HET presies geweet wat van haar verwag word toe sy Billie Jean King se minnares word: Bly op die agtergrond en moenie te veel aandag trek nie. Dit was in die vroeë 1970’s en Marilyn Barnett het maar alte goed besef die wêreld is nie reg daarvoor dat een van sy grootste vrouesportsterre erken sy verkies vroue bo mans nie. Dus het Billie Jean vir haar meisie gesê sy moes alles doen wat sy kon om hul verhouding ’n geheim te hou. Deur Marilyn as haar “sekretaresse en toerbestuurder” aan te stel kon hulle saam deur die wêreld reis en hotelkamers deel terwyl hulle toernooie bywoon sonder om te veel agterdog te wek. Maar kort voor lank het Marilyn ongelukkig begin voel oor haar rol en seker gemaak sy…

MA SE POP Wayne en Aisha se dogtertjie, SALMA, is in Julie gebore. Hulle het ook ’n driejarige seuntjie, Khalid. Haar tweede swangerskap was baie makliker as haar eerste een, sê Aisha. “Ek het geweet wat om te verwag en dit het dinge baie makliker gemaak,” sê sy. Wayne was nog in Engeland, waar hy vir die Engelse krieketspan Northamptonshire speel, toe Salma in Kaapstad gebore is. “Haar geboorte was baie emosioneel,” vertel Aisha. Die egpaar is Moslem en is versot op tradisionele Islamitiese name. “Ons het ’n bietjie navorsing gedoen oor ’n paar tradisionele name en ’n lys saamgestel van die name waarvan ons hou. Ek het twee vroue met die naam Salma ontmoet, en ons het besluit dit is ’n teken dat ons haar Salma moet noem. Dit…

Vyf jaar nadat hul paaie geskei het, duur die bitter toesigstryd tussen ANGELINA JOLIE en BRAD PITT steeds voort. Die akteur het in Mei ’n oorwinning behaal toe hy voorlopig gesamentlike toesig oor hul vyf minderjarige kinders, Pax (17), Zahara (16), Shiloh (15) en hul tweeling, Vivienne en Knox (13), toegestaan is. Hul oudste, Maddox (20), is vrygestel van toesigonderhandelings. Die bevel het egter gekom van regter John Ouderkirk wat, volgens Angie se regspan, “versuim het om verskeie professionele, sake- en finansiële verhoudings” met Brad bekend te maak. Daarom het die 46-jarige aktrise toe voltydse toesig oor hul kinders behou en Brad (57) het besoekregte gehad. Maar Brad was nie tevrede met dié reëling nie en het ’n desperate versoekskrif gerig aan die hooggeregshof in Kalifornië om die saak te…

’n Verlowing is moontlik vir die popsangeres BRITNEY SPEARS in die vooruitsig nadat SAM ASGHARI, haar kêrel van die afgelope vyf jaar, vroeër vandeesmaand in ’n Cartier-juwelierswinkel in Los Angeles gewaar is. Tydens die inkopie-uitstappie het die 27-jarige ’n verkoopskonsultant gevra om verskeie stukke uit ’n vertoonkas te haal sodat hy dit van naby kon bekyk. Dit het onder meer ’n diamantring ingesluit wat vermoedelik vir die 39-jarige vrou in sy lewe is. Die sangeres en model het vir mekaar begin ogies maak nadat hy in 2016 in die musiekvideo vir haar liedjie “Slumber Party” verskyn het.…

SY WAS die soort vrou wat haarself sou verontrief om ander by te staan; die soort mens wat enigiets vir haar naastes sou doen. Toe haar ouer broer en sy vrou ’n paar weke gelede siek word met covid-19, het Babita Deokaran hulle genooi om by háár huis te kom isoleer. Daar was niemand anders om na ouboet Sunil en sy vrou om te sien nie, het Babita gedink. Sy het meer as genoeg plek tuis gehad en het daarop aangedring om hulle te ondersteun terwyl hulle teen die siekte baklei. Maar ’n dubbele tragedie het ná daardie liefdesdaad afgespeel. En op ’n wrede manier het albei tragiese sterftes met die pandemie verband gehou, maar op verskillende maniere. Want Sunil het sy stryd teen covid-19 verloor, en nou, net weke…

ENKELBANDE Maak ’n modestelling in enkelbandsandale. Dis ontspanne, sjiek en pas by enigiets in jou klerekas. Kies aardse skakerings en dra dit by enigiets van jeans en T-hemde tot rokke. AANGLIPSANDALE Byderwetse aanglipsandale is hier om te bly. Van versierdes tot helderkleuriges – aanglipsandale het die afgelope jaar in die pandemie en inperking stapelitems geword. En jy hoef dit nie hierdie seisoen weg te pak nie. Kies ’n paar met versierde bande vir ’n vars voorkoms. DIKSOOL Diksoolsandale het vanjaar die loopplanke van groot modehandelsname soos Altuzarra en Sacai oorheers. Dis byderwets en beskikbaar in verskillende style – van enkelbande tot plakkiestyle. Dis die perfekte balans tussen styl en gemak en kan vir enige geleentheid gestileer word. PLAKKIES Of jy daarvan hou of dit verpes, plakkies is hier om te…

BELÊ IN DIE TOEKOMS Om plaaslik te koop is ’n wonderlike manier om in die toekoms van Suid-Afrika te belê, sê Vusani Ravele, stigter van die aanlyn dekorwinkel Native Décor (links). “Dis eenvoudig – lei jou bure se tuin ook nat as jy ’n mooi uitsig soek!” sê hy. Sy reis tot by sy suksesvolle dekorhandelsnaam het in sy sitkamer begin nadat hy vir Valentynsdag 2015 ’n koordlose boor gekry het – hy het begin eksperimenteer met houtdekoritems en nooit weer teruggekyk nie. “Ek wens mense kan besef dat dit baie uitdagend is om mooi items te skep én met die pryse van ingevoerde items mee te ding. Waardering vir plaaslike kunstenaars is wel aan die toeneem – kleinhandelaars kry ook meer van hul produkte van plaaslike vervaardigers. Hoe sigbaarder…

DIT voel dalk partykeer vir jou asof jy nooit die geldlas van daardie langtermynlening van jou skouers gaan afkry nie. As jy maar net daardie maandelikse paaiement vir iets anders kon gebruik… Maar hou moed: Daar is maniere om daardie skuld vinniger af te betaal. Ons kyk na vier planne wat jy kan beraam. 1 STORT ELKE EKSTRA SENT IN DIE LENING Probeer om elke maand meer as die minimum vereiste paaiement te betaal. Jy kan byvoorbeeld ’n deel van jou werkbonus of enige ekstra inkomste daarvoor gebruik – wat ook al jy kan afknyp. Hoe meer jy maandeliks terugbetaal, hoe minder gaan jy eindelik aan rente betaal. ■ Voorbeeld Jy het 10 jaar (120 maande) oor van jou huislening en skuld R500 000. Jou rentekoers is 10%. Maar die…

THE WHITE LOTUS Satiriese komediedrama. The New Yorker noem dié reeks een van die bestes van die jaar. Die ses episodes gaan oor die wel en wee van die personeel en gaste by die eksklusiewe Hawaise oord The White Lotus. Murray Bartlett speel die oordbestuurder, Armond. Hy was voorheen aan dwelms verslaaf, maar is al vyf jaar skoon. Die 9-1-1-aktrise Connie Britton speel die skatryk Nicole Mossbacher, ’n hooffinansiële beampte van ’n soekenjin. Maar as sy so skatryk is, hoekom deel sy en haar gesin ’n eenslaapkamer-blyplek tydens hul vakansie? Ook met Jolene Purdy. 1 SEISOEN. 18TSDN. BESKIKBAAR OP SHOWMAX CLICKBAIT Drama. In dié reeks van agt episodes word die gesinsman Nick Brewer (Adrian Grenier) ontvoer. Ná sy ontvoering duik die pa van twee se gesig in ’n video op die…

25 TRAPPE NA BENEDE Deur MADELEIN RUST (Lapa, R265*) Waaroor gaan jou storie? “René Roux, die swartskaapdogter van die Verster-familie, vul haar trustfondsinkomste aan deur voor te gee dat sy ’n fortuinverteller is. Ná die moord op een van haar kliënte, ’n rykmansvrou wat vas geglo het haar man gaan haar vermoor, begin die poppe dans en die lyke een-een val. Terselfdertyd word René beproef deur nagmerries oor haar boetie se dood gedurende haar kinderjare. Daarmee saam kom onverstaanbare herinneringe en dan onwelkome vrae oor die verlede en haar aandeel in alles. Waarom roep die kelder in die Bayswaterhuis haar so? Wat wag daar onder – 25 trappe na benede?” Wat was die impetus vir die verhaal? “Ek wou my met hierdie boek begewe in domestic noir as subkategorie van…

MAAGD 23 AUG – 22 SEP Dit lyk of jy oorgehaal en gereed is om uit te vind wat skuil agter ’n kwessie wat jou op die oomblik nogal baie pla. Al is jy waarskynlik een van die beste ontleders wat daar is, moet jy ook vasstel of jy nie intussen ’n obsessie oor hierdie saak ontwikkel het nie. As jy boonop te krities oor jouself en jou verwagtings is, is jy op koers na ’n moontlike mislukking. Neem liewer ’n blaaskans van jou daaglikse roetine en gedagtepatrone, en gee jouself die kans om jou eie onvolmaaktheid te verstaan en te vergewe. GELUKKIGE NOMMERS 48, 35, 47, 40, 45, 11 WEEGSKAAL 23 SEP – 22 OKT Dit kan vandeesweek alte maklik wees om jouself jammer te kry en veral te…

HY IS baie dinge, maar ’n mamma se seuntjie is hy beslis nie. Dié appel val sommer baie ver van die boom af… Daar is baie Hollywoodsterre wat op die kruin van hul sukses hul ma’s se lof besing en vertel van die ondersteuning wat hulle kleintyd gekry het toe hulle oor ’n loopbaan in die glanswêreld begin droom het. Trouens, op ’n kol was daar ’n neiging onder die sterre om by rooitapytgeleenthede op te daag met hul ma’s aan hul sy sodat sy haar kind se sukses saam met hulle kan vier. Dan het akteurs en regisseurs gestraal van geluk en vertel: Hiér is die vrou wat my gehelp het om bo uit te kom. Maar dit is beslis nie die boodskap wat Quentin Tarantino (58) oor sy…

SY IS nie die soort koninklike wat gereeld op tydskrifvoorblaaie pryk nie. Trouens, sy word selde in die openbaar gesien, en benewens ’n amptelike geleentheid af en toe is sy veel meer agter die skerms as haar Britse eweknieë. Maar Beatrice Borromeo van Monaco gaan nie ongesiens verby onder mense wat die mode fyn dophou nie – die glanstydskrif Tatler het haar onlangs as die stylvolste Europese koninklike aangewys. Dié 36-jarige het in 2015 ’n lid van die Monegaskiese koninklike familie geword toe sy met Pierre Casiraghi (33), die jongste seun van prinses Caroline van Hannover (64), getrou het. Haar trourokke – vier om presies te wees – het haar stylstatus bevestig. Sy het twee rokke deur Valentino vir haar burgerlike plegtigheid in Monaco gedra en twee deur Armani Privé…

WILLEM BOTHA Die lewe van ’n koninklike is moeilik, veral as jy onder 'n vergrootglas leef, meen Willem. Maar dié sanger en fotograaf sou graag prins Harry van 10 jaar gelede wil wees. “Hy het soveel vir mense in nood gedoen en nie in die perfekte boksie gepas nie. En ek wou nog altyd in ’n regte polowedstryd met perde wees.” NICOLE FORTUIN Die aktrise van Die boekklub-faam sal graag plekke met prins Harry se vrou, Meghan Markle, wil ruil. “Ons het toneelspeel in gemeen en hoewel sy baie teenreaksie gekry het, het sy nou die beste van twee wêrelde,” meen Nicole. “Sy het met 'n prins getrou, is ’n goeie voorbeeld van verteenwoordiging, en het twee pragtige kinders.” CATO LOUW Dié TV- en radiovrou sal graag vir ’n dag…