Innehållsförteckning för 02 June 2022 från Huisgenoot

1 ‘DIS VERBY, MAAR ONS LIEFDE BLY’ Neels van Jaarsveld en Florinda Hearn het mekaar in die eerste seisoen van Op my eish! gevind. Hul verhouding is verby, maar hul liefde bly staan Wanneer gaan mense leer? Hierdie verhoudings wat met programme begin werk 90% van die tyd nie uit nie. Dis nie die manier om jou lewensmaat te soek nie. Op die ou end staan albei met eier op hul gesig. BEULAH Ek geniet hierdie programme sommer baie. Daar is maar altyd baie verhoudings in die wêreld wat nie uitwerk nie. Hoekom moet die mense nou altyd sleg praat hieroor? Ek is bly die twee is nog vriende. ELLA Maak soos party nasies. Laat die ouer garde jou pasmaat soek. Dan trou julle, raak later lief vir mekaar en live…

MIN babas word met ’n ekstra duim gebore. Maar Cher yl-Ann Mostert het tot op die ouderdom van drie met twee duime aan haar linkerhand gespog. “My leeu” het sy dit gedoop, want sy het in die fliek The Lion King gesien selfs die koning van die diere het ’n ekstra klein kloutjie. Haar man, André, hou tot vandag ’n botteltjie byderhand met dié verskrompelde stukkie vinger, nael en al, daarin. Dit is verwyder toe sy nog ’n kleuter was, maar hulle hou dit in ’n glasbotteltjie. Haar linkerduim is egter nie al liggaamsdeel waarvan sy ’n ekstra stel het nie. Veertien jaar nadat haar bykomende duim verwyder is, het sy uitgevind daar is ander, veel meer intieme dele wat sy in duplikaat ontvang het. En dié keer was dit…

Die beslissing het veral vir vroue verreikende gevolge aangesien hulle histories gewoonlik die huweliksmaat is wat minder geld en bates verdien, sê Vhuthuhawe. Elmarie voeg ook by dat dit juis op hierdie gronde is dat hulle gevoel het hul kliënt se saak moet aangehoor word. “Ons het gevoel dis onregverdig vir ons kliënt om nie enige finansiële vergoeding te kry wat haar bydrae tot die huwelik erken nie.” Nogtans is die beste raad vir vroue om te probeer om finansieel onafhanklik te wees sodat hulle weet hulle sal eendag veilig wees wat ook al die status van hul huwelik mag wees, sê Shani. “Histories en tradisioneel is vroue gesien as tuisteskeppers en het hulle nie dieselfde geleenthede as hul eggenote gehad om hul bates op te bou nie. Baie vroue…

VOORKOMS 1 KLASSIEK Rangskik jou strooikussings van groot na klein vir ’n klassieke voorkoms. Begin agter met twee kontinentale kussings, pak dan ’n laag van twee kleiner strooikussings en eindig met ’n klein rugkussing. Hou die kussings in dieselfde kleurpalet, maar speel met subtiele patrone en ontwerpe om die prentjie mooi af te rond. VOORKOMS 2 KLEURBLOK Hou by drie skakerings en sluit kleur in op grond van ander elemente in jou slaapkamer. Ongelyke getalle laat ’n bed interessant lyk. Hier word drie strooikussings gebruik in ryk winterskakerings wat by elemente in die vertrek aansluit. VOORKOMS 3 MINIMALISTIES As jy eenvoud verkies, span vier standaardkussings in as die koppenent van jou bed. Deur bloot ’n onderkussing by te voeg skep jy diepte, interessantheid en kleur terwyl jy dit steeds prakties…

AS JY onbetaalde of agterstallige skuld het, sal dit op jou kredietrekord wys en gaan jy in die toekoms sukkel om enige lening of finansiering te kry. Dis nou benewens enige regsprobleme wat jy dalk ook kan hê. Voornemende werkgewers kyk ook na jou kredietrekord as die pos waarvoor jy aansoek doen finansies behels. Onthou, skuld verdwyn nie self nie. As jy slegte skuld het, stel dit reg met hierdie vier stappe. 1 WEET HOEVEEL JY AAN WIE SKULD Maak ’n lys van jou skuld – alles van kredietkaarte, studentelenings en persoonlike lenings tot motorlenings. Teken aan wat jy aan wie verskuldig is, die rentekoers en die maandelikse paaiement. As jy onseker is oor wat alles uitstaande is, trek jou kredietrekord aanlyn by enige kredietburo. Jou betaalgeskiedenis en uitstaande bedrae rakende…

TWEELING 21 MEI – 20 JUNIE Jy sal waarskynlik weer kan huppel van vreugde wanneer jou heersende planeet, Mercurius, ophou agteruit beweeg. As jy voel jy is van sosiale in-teraksie en stimulasie ontneem, kan jy jouself gelukkig in die sosiale media herskep. As jy regsake het om aan aandag te gee, sal dit wys wees om alle aspekte van die saak behoorlik na te vors en dit nie blindelings aan te pak nie. Beoefen selfbeheersing en geduld. GELUKKIGE NOMMERS 2, 20, 30, 42, 29, 11 KREEF 21 JUN – 21 JUL As jy geweifel het om oor ’n sekere kwessie tot ’n besluit te kom, sal jy bly wees om te hoor dat met dié dat Mercurius reguit beweeg jy die nodige inligting behoort te hê om ’n belangrike besluit…

1 Die Amerikaanse dansrockgroep het in 2015 hul debuutsnit, “Cake by the Ocean”, uitgereik, wat ’n groot treffer was. Hulle het onlangs weer groot sukses gehad met die danstreffer “Dancing Feet” saam met die Noorweegse DJ Kygo. Die oorwurm is al meer as 45 miljoen keer op Spotify geluister en die musiekvideo is al amper 7 miljoen keer op You-Tube gekyk. Nou is hulle terug met nóg ’n aansteeklike snit, “Move” – hul eerste nuwe liedjie in vier jaar. 2 Die groep bestaan deesdae uit die hoofsanger, Joe Jonas, die tromspeler, Jack Lawless, en kitaarspeler, JinJoo Lee. Die basspeler, Cole Whittle, wat aanvanklik deel van die groep was toe dit in 2015 gestig is, is nou nie meer daar nie. Die groep het in 2018 ’n blaaskans gevat en Cole…

ZARINE Roodt besluit om op haar eie die Camino Portugués te stap op die vooraand van haar 60ste verjaardag. Dis helaas nie heelpad die spirituele ervaring waarop sy gehoop het nie, veral nie as ’n mens jou lewe lank nog weggeskram het van fisieke aktiwiteit nie. Vier jaar het al verloop sedert sy die Camino gestap het en een ding staan soos ’n paal bo water. “Van die insigte waartoe ek tydens die Camino gekom het, het vastrapplek in my psige gekry: veral een, en dit is dat ek my eie manier van doen moet vertrou. Ek beskryf dit as ‘own way’ – en dit is nie ’n hardkoppige, egotistiese manier nie, maar ’n sagte, intuïtiewe aanvoeling. Ek moet my oordeel vertrou oor wat vir my reg is. En ek…

Toe ’n besonder woeste storm Tafelbaai naby Kaapstad in 1773 tref, was die seilskip De Jonge Thomas, wat in die baai op anker gelê het, in ’n baie slegte posisie. Die kaptein, Barend Lameren, het besluit om die skip ten gronde te laat loop terwyl hy nog die plek daarvoor kon kies. Hy het die laaste ankertou gesny en die skip het by Woodstockstrand naby die Soutriviermonding op die sand gedryf. Daar het die golwe gou veroorsaak dat dit begin opbreek. Van die matrose aan boord het kus toe probeer swem, maar die rivier het sterk afgekom; baie van hulle is daarom dieper die see ingetrek en het verdrink. Mense het op die strand staan en kyk hoe matrose aan die skip vasklou – en party het gewag om iets…

REEKSE ICE AGE: SCRAT TALES Dié reeks bestaan uit ses splinternuwe animasiekortflieks oor Scrat, die ongelukkige sabeltand-eekhoring van die Ice Age flieks. Scrat is nou ’n pa, en hy kom sommer gou agter om ’n ouer te wees is nie aldag maklik nie. Hy en sy oulike, ondeunde seuntjie, Baby Scrat, sit lekker vas. Die twee baklei veral oor ’n akker. En dis natuurlik ’n teer sakie vir arme Scrat, want hy probeer al sedert die eerste Ice Age-fliek in 2002 sy hande op daardie akker kry. THE PROUD FAMILY: LOUDER AND PROUDER Dié opvolgreeks van die geliefde en bekroonde animasiereeks The Proud Family (2001) volg die avonture én rampe van die 14-jarige Penny Proud en haar gesin. Hulle leef in die 2020’s en dit bring nuwe loopbaanhoogtepunte vir haar…

KOEKSTRUIF, tuinmaak en ’n verhoogstuk met Helen Mirren – meer Brits as dit kan jy beswaarlik kry. En dít is hoe koningin Elizabeth se landgenote ’n historiese geleentheid gedenk vir die vrou wat nie net die gesig van Brittanje is nie; sy vier ook vanjaar ’n historiese 70 jaar op die Britse troon. Haar heerskappy duur reeds ses jaar langer as dié van koningin Victoria, Brittanje se vorige rekordhouer, en kom baie naby daaraan om die 72 jaar van Frankryk se koning Louis XIV, die vors met die langste opgetekende heerskappy ooit, in te haal. Die Britte, wat in ieder geval lief is vir statigheid en seremonies, ontsien dus geen uitspattigheid nie. Koningin Elizabeth II se platinumjubileum, soos die geleentheid bekend staan, word al sedert 6 Februarie gevier – toe…

1 TREVOR EN MINKA ‘VERBY’ Die komediant TREVOR NOAH (38) en Euphoria-ster MINKA KELLY (41) het blykbaar hul verhouding van twee jaar beëindig. Volgens ’n skindertong naby aan hulle was die Suid-Afrikaanse vermaakster “te gefokus op werk en het hy nie genoeg tyd vir ’n verhouding gehad nie”. Die bron sê Minka sou “eerder enkellopend wees as om haar tyd met die verkeerde ou te mors”. Dit klink nie juis of hulle op goeie voet uitmekaar is nie … 2 MAYE VERSKUIF DIE GRENSE Die 74-jarige supermodel MAYE MUSK het geskiedenis gemaak as die oudste model wat op die voorblad van Sports Illustrated se swemdraguitgawe verskyn het. Die model en ma van Elon Musk (50) sê sy hoop haar voorbladverskyning sal die gesprek oor ouderdom en “bikini-lywe” herdefineer. “Vroue is bang vir…

DIE woonstel is pynlik netjies. Silwerskoon kombuistoonbanke. Nie ’n vuil koppie in sig nie. Vanuit een van die kamers ruik ’n mens die soet reuk van wierook. Sedert sy dogter vermoor is, maak Lance Hess obsessief huis skoon. “Dit help my om dinge te verwerk,” verduidelik hy. “As ek stilsit, gaan my gedagtes op loop.” Die afgelope drie jaar moes Lance probeer saamleef met iets wat geen pa ooit wil ervaar nie: die wete dat sy 18-jarige dogter, Jesse, deur ’n familielid verkrag is, waarna haar mond met ’n sokkie en ’n kussingsloop toegestop en sy met ’n gordel verwurg is. Vroeg in 2019 was Jesse se lewe nog die ene belofte; haar ouers se trots. Sy was ’n eerstejaarstudent aan die Universiteit van Wes-Kaapland en het ’n woonstel in…

In ’n geval soos Cheryl-Ann s’n groei ’n babadogtertjie se twee baarmoeders reeds terwyl sy in haar ma se baarmoeder ontwikkel. Volgens die Wêreldgesondheidsorganisasie kan dit voorkom by tot een uit elke 3 000 vroue; oftewel sowat 100 miljoen vroue wêreldwyd. Dié vroue se verdubbelings verskil onderling. Sommige het net een van die verdubbelings in die voortplantingsorgane, ander het al drie: baarmoeder, serviks en vagina. Cheryl-Ann se spesialis-ginekoloog, dr. Dawie Slabbert van die Panorama-hospitaal in Kaapstad se noordelike voorstede, het by navraag aan Huisgenoot bevestig dat sy met dié toestand lewe. EKSTRA BRONNE: ABCNEWS.GO.COM, WOMENSHEALTHMAG.COM, TIKTOK.COM, WEBMD.COM, DAILYMAIL.CO.UK…

BOTTERSKORSIEEN-BOKMELKKAASLASAGNE GENOEG VIR 8 MENSE BEREIDING EN GAARMAAK: 3 UUR ◗ 3,4 kg botterskorsies, in die lengte gehalveer (sien wenk)60 ml (¼ k) olyfolie, plus ekstra◗ sout en peper, na smaak◗ 4 middelslagpreie, in dun skywe gesny◗ 4 knoffelhuisies, fyngedruk◗ 2,5 ml (½ t) fyn neutmuskaat◗ 1 kg ferm ricottakaas◗ 3 eiergele◗ 5 ml (1 t) fyngerasperde suurlemoenskil◗ 100 g fyngerasperde parmesaankaas◗ 250 ml (1 k) room◗ 60 ml (¼ k) fyngekapte vars salieblare◗ 22,5 ml (1½ e) fyngekapte vars grasuie◗ 6½ vars lasagnevelle◗ 150 g sagte bokmelkkaas ROKETSLAAI ◗ 10 ml (2 t) suurlemoensap◗ 5 ml (1 t) heelkorrelmosterd◗ 22,5 ml (1½ e) olyfolie◗ 100 g roketblare◗ 60 ml (¼ k) pampoenpitte, gerooster 1 Voorverhit die oond tot 200 °C. 2 Pak die botterskorsiehelftes met die skilkant na bo…

DIE SWEETPAK Lyk 90’s-cool in ’n bypassende sweetpakstel. Jy kan enigiets en alles in hierdie ontspanningsdrag doen; dit lyk moeiteloos mooi en is veelsydig en gemaklik – en dus perfek vir ontspan tuis of inkopies doen. WENK Dra ’n swart of wit T-hemp by jou sweetpak vir ’n eenvoudige maar sjiek voorkoms. SPRING IN ’N SPANBROEK Spanbroeke verleen dimensie aan jou winterlae en is boonop gemaklik. Dié veeldoelige item kan jy met gemak tuis en op uitstappies dra. Jy kan selfs ’n ligte oefensessie in dié gemaklike staatmaker kafdraf. KRY ’N KLEEFBROEK Kleefbroeke is effens dikker as spanbroeke, en jy hoef jou nie te bekommer oor ’n deurskynsituasie nie. Dit is gemaklik en kan vir enige geleentheid gestileer word. Dra ontspanne of formele items daarby en skep ’n maklike, daaglikse…

KOMBERSE & DEKENS: WAT’S DIE VERSKIL? Die doel wat dit dien, is wat hulle verskillend maak. ’n Kombers is tipies dikker en bedoel vir gebruik op ’n bed, terwyl ’n deken gewoonlik dun en veeldoelig is – dit word gebruik as ’n ekstra laag teen die koue en werk ook goed as dekorbykomstigheid. KRY DIT HIER ARANDA.CO.ZA, 011-693-3721; DESIGNSTORE.CO.ZA, 071-670-2575; HERTEXHAUS.CO.ZA, 021-948-4764; KNUS.CO, 087-550-7600; MR PRICE HOME MRPHOME.COM, 0800-212-535; SHEETSTREET.COM, 0800-212-535; THECOTTONCOMPANY.CO.ZA, 060-505-7894; VOLPES.CO.ZA, 041-402-6800; WOOLWORTHS.CO.ZA, 0860-022-002; YUPPIECHEF.COM, 0861-702-4969…

1 Die belangrikste is om te weet hoekom jy ’n Caminoroete wil gaan stap, want daar is fantastiese staproetes in ons eie land. Maar indien dit wel ’n Camino-roete is wat jy wil stap, en een wat in Santiago de Compostela tot ’n einde loop, onthou daar is verskillende roetes. Ek het die Camino Portugués vanaf Porto gestap omdat dit minder bekend en dus stiller is. Die Camino wat in St. Jean Pied de Port in Frankryk begin, is waarskynlik die bekendste een en baie besig. 2 Gesels met mense wat reeds so ’n roete gestap het. ’n Deurleefde ervaring is beter as enige inligting wat jy in boeke en op die internet sal opspoor. 3 Die regte stapskoene is onontbeerlik. En stapsokkies met ’n dubbele binnelaag wat wry wing uitskakel – die…

BROODNODIGE VERANDERING “Ag nee,” sug Koos toe hy die Maandag sy kosblik oopmaak. “Kaastoebroodjies!” Die Dinsdag kla Koos weer: “Ag nee, nóg kaastoebroodjies.” Woensdag: “Ai tog! Al wéér kaastoebroodjies.” En Donderdag: “Ek haat hierdie kaastoebroodjies.” Sy maat Stoffel, behoorlik siek vir dié daaglikse klaaglied, laat hoor vies: “Koos, as jy nie van kaastoebroodjies hou nie, sê vir jou vrou sy moenie vir jou kaastoebroodjies maak nie.” “Dit sal nie help nie, my vriend,” antwoord Koos met nog ’n diep sug. “Ek maak self my toebroodjies.” LYNETTE POSTHUMUS KOUE PAMPOEN Gert: “Ek gaan my vanaand soos ’n spook aantrek en jou suster bangmaak.” Louis: “Nee man, sy sal groter skrik as jy kom nes jy is.” LEWENSGEHALTE Ek sê vir my kinders dat ek nooit in ’n vegetatiewe toestand wil leef…

1 Watter land is vroeër Oos-Pakistan genoem? 2 Os du Randt is een van twee Springbokke wat twee keer die Wêreldbeker kon lig. Wie is die ander een? 3 Wat word die toring van ’n moskee genoem? 4 Wat is die hoofstad van Duitsland? 5 Tot watter groep het die sanger Harry Styles behoort voor sy sololoopbaan? ANTWOORDE 1. Bangladesj 2. FransSteyn(in2007en2019). OsduRandt wasin1995en2007indiewen-Bokspan. 3. Minaret 4. Berlyn 5. OneDirection BRONNE NEWSFORKIDS.NET, SCIENCEALERT.COM, THEGUARDIAN.COM, BBC.COM, EDITION.CNN.COM, NETWERK24.COM, MIELIESTRONK.COM, SAHISTORY.ORG.ZA, BLAAUWBERG.NET, COLLINSDICTIONARY.COM…

1 Hy is ’n groot Spider-Man-aanhanger. “Vandat hulle in 2018 die eerste swart Spider-Man, Miles Morales, in Spider-Man: Into the Spider-Verse geskep het, is hy my gunsteling.” 2 Sy TikTok-profiel – @superheroin-training – is geïn  spireer deur sy liefde vir Marvel. “Ek is mal oor Marvel én superhelde en wil graag eendag ’n rol as ’n superheld vertolk. ’n Superheld wat nog leer, is iemand wat gedurig groei en nooit tevrede is nie. Dis hoe ek my lewe sien. Dis my reis van heeltyd groei.” 3 Hy dink al van kleintyd af Spider-Man is cool. “Ek het altyd Spider-Manspeletjies op my PlayStation gespeel. Ek hou van hom, want hy is vriendelik, behulpsaam en ’n inspirasie.” 4 As hy ’n superheldkrag kon hê, sou dit wees om te kan vlieg. “Maar nie vlieg soos Spider-Man nie,…

‘VIR ’N VERHOOR OM SO OP SOSIALE MEDIA GEVOER TE WORD, IS NIE GESOND NIE’ SENSITIEWE lesers wees gewaarsku: Die hofsaak tussen Johnny Depp en Amber Heard kan jou hare laat rys. Dis nie net omdat daar bewerings van skokkende geweld is nie; daar is ook aantygings wat die smerigste egskeiding na ’n piekniek laat klink. As alles wat in die hof gesê is waar is, het Amber eendag op Johnny se kant van hul bed ontlas om hom ’n streep te trek. Hulle het dwelms soos MDMA op hul troue bedien. Hy het haar seksueel aangerand met ’n bottel. Sy het ’n stuk van sy vinger met ’n wodkabottel afgesny en ’n sigaret in sy gesig doodgedruk. Dít als word beweer in die hofsaak, tans onderweg, waar dié twee…

BLOMME wat ’n plaas se geld kos, regte rendiere by hul jaarlikse Kersbyeenkomste en hele sportstadions vir hul makieties. Selfs mense wat hulle nie kan verdra nie, moet erken die Kardashians en Jenners weet hoe om partytjie te hou. Dit is dan ook geen wonder dat KOURTNEY KARDASHIAN se troue, met Dolce & Gabbana as borg, oor drie dae plaasgevind het nie. Die meeste van die trougevolg en gaste was in klere van dié luukse modehuis uitgevat. Die bruid het ’n korsetminirok van byna R30 000 en ’n dramatiese sluier gedra toe sy op maat van “Ave Maria” by die asemrowende Castello Brown in Portofino, Italië, in die paadjie afgestap het om met TRAVIS BARKER (46) te trou. Al was die plegtigheid taamlik intiem, was Kourtney (43) en Travis se…

Huisgenoot Loopbane is ’n ontsettend praktiese en bruikbare boek wat jou help om ’n loopbaanrigting te kies wat by jou persoonlikheid en talente pas én wat jou kans verbeter om ’n pos in die uitdagende Suid-Afrikaanse mark los te slaan. WENKE BY DOSYNE » Hoe om ’n loopbaan te kies » Waar om te studeer » Hoe om vir jou studies te betaal » Hoe om jou CV op te stel » Hoe om ’n onderhoud te slaag » Opsies as jy nie matriek het nie » Opsies as jy oorsee wil werk » Die gesogste loopbane in SA DIGITAAL Laai dit af by magzter.com. BEL 021-406-4962 E-POS koop@huisgenoot.com Gaan na www.media24shop.com…

DIT was in baie opsigte ’n droomlewe – die geleentheid om haar groot liefde, toneelspel, te kan uitleef in die eerste Afrikaanse telenovelle, Arendsvlei. Maar agter die skerms het ’n reeks traumas die aktrise Melanie du Bois die afgelope jare gery tot sy by breekpunt was. Verlede jaar het dinge so erg geraak dat sy ’n paniekaanval gekry het terwyl sy bestuur het. “Ek het gehiperventileer en ’n vriend gebel om my te kom help om my motor te bestuur en my huis toe te neem. Dis alles tekens en my liggaam wat sê iets is nie reg nie en ek moet na my geestesgesondheid kyk,” vertel Melanie, wat openlik gesels oor haar reis met bipolêre gemoedsteuring en angstigheid. Eindelik was die tyd vir Ronel reg om te groet, en…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘VERAL TWEELINGE KAN ERG KOMPETEREND RAAK, EN SOMS IS JALOESIE ’N GROOT DEEL DAARVAN’– IRMA MY TWEELINGSUS KNOU MY AF, SLAAP BY MY MAN V Van kleins af kon ek nooit iets sonder my tweelingsussie doen nie. Sy was nog altyd die mooi een, die sportiewe een, die maer een. My ma het ons altyd vergelyk en ek moes dikwels by haar hoor…

Omskep dit in ’n geleentheid Ons het almal innerlike dialoog wat ons gedagtes en optrede rig, maar jy kan jou innerlike stemmetjie as ’n vriend pleks van ’n vyand beskou. “Praat met jouself nes jy met ’n vriend sal praat,” sê die Johannesburgse berader Belinda Gruenbaum. “Aanvaar nuttige gedagtes en gooi die res weg.” Die deursneemens het elke dag sowat 60 000 gedagtes, sê die Kaapse sielkundige Rosa Bredenkamp. “Jy het dus 60 000 kanse om jou selfbeeld op te bou of af te breek.” Leer jou innerlike kritikus ken Wees bewus wanneer jou kritikus hul verskyning maak, sê Belinda. Identifiseer die plek, tye en gebeure of mense wat dit veroorsaak. “Dit sal jou help om daarvoor voor te berei en met strategieë vorendag te kom om negatiewe gedragspatrone te…

BIETJIE BENONI LIANIE MAY Die sangeres is terug met ’n nuwe, energieke enkelsnit. “As ek my Benoni wys, dan maak ek my hare los, steek ’n vuurtjie aan en geniet die lewe saam met my pelle! Ons lewe net een keer! Hoe lyk dit as jy jou Benoni wys?” skryf sy op Instagram. Van haar aanhangers kan nie genoeg kry van die snit nie. “’n Man gaan mos sy sokkies aan die brand skoffel op die liedjie,” laat een aanlyn hoor. Nog een het sommer “30 keer” in een rit daarna geluister.…

GROOT BLOKRAAI NO 2 442 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER GESINSLID IS TER SPRAKE? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan…

KLEIN DORPIE, GROOT DROME Tevin (25), oftewel @superherointraining soos hy op TikTok bekendstaan, laat sy 9,8 miljoen followers regop sit én skaterlag met sy skreeusnaakse reaksies op video’s wat mense reg oor die wêreld laat praat. In een video trek ’n busbestuurder ’n passasier wat uitklim net betyds terug in die bus oomblikke voor ’n kar hulle byna raak ry. In ’n ander red ’n polisieman ’n verlore eendjie uit ’n drein en besorg dié terug by sy ma. “Dis video’s wat jou wys hoe kort die lewe is, maar ook hoe ons dit moet waardeer. Ek wil mense inspireer met my inhoud waarop ek reageer. En daar’s ook snaakse inhoud,” sê Tevin. Hy is so gewild dat Harper’s Bazaar hom al as een van hul gunsteling-TikTokkers aangewys het. Sy…

SUID-AFRIKA het geen gebrek aan grensverskuiwende uitvindsels wat die wêreld ’n beter plek gemaak het nie – van gom wat die héle pad maan toe gevlieg het tot mediese toestelle wat al baie lewens gered het. Hier kan jy meer uitvind oor ’n paar van hulle. HET JY GEWEET? Die uitvinder van Vodacom sePlease Call Me-diens, NkosanaMakate, het sy saak in die hooggeregshof gewen waarvolgensdie seldiensmaatskappy hommoet vergoed met ’n deel van dieR70 miljard wat gegenereer is asgevolg van oproepe wat mensegemaak het in reaksie opPlease CallMe-boodskappe. DIE KLEEFDEEG PRATLEY PUTTY George Montague Pratley van Krugersdorp het die bekende kleefdeeg Pratley Putty in die 1960’s ontwikkel. Dis oorspronklik gebruik as ’n niegeleier (isolator) en kleefmiddel vir koperkomponente om as veelsydige alternatief vir skroewe, moere en gewone kleefmiddels te dien. Die…

ONS KAN WEER REIS Die Hotel-aktrise en haar man, ANDRIES PRETO-RIUS, het onlangs afgesit Amerika toe om ’n Christelike fees in Kansas by te woon. Hulle het toe sommer besluit om twee weke lank daar vakansie te hou. Hul eenjarige dogtertjie, Harper, is in dié tyd tuis in Pretoria deur haar twee oumas versorg. Simoné en Andries het nog altyd ’n punt daarvan gemaak om vroeg in hul lewe pro-aktief te wees oor reis. “Ons het nie gedink ons gaan so vroeg ná ons babatjie weer kan reis nie,” vertel Simoné. “Ons was eintlik van plan om haar saam te bring, maar dit sou moeilik gewees het om haar oral saam te vat.” HALLO, NEW YORK Die paartjie het ook ’n draai in New York gemaak. Simoné het daar haar…