Innehållsförteckning för 23 June 2022 från Huisgenoot

1 ‘JY KÁN LEEF MET MEERVOUDIGE SKLEROSE’ As die lewe klappe uitdeel moet jy opstaan, sê Thys die Bosveldklong. En dis presies wat die sanger doen, want hy is weer terug op die verhoog Dit is sulke ware en wyse woorde. Die lewe klap ’n mens soms so hard dat jy val dat jy hik, maar bly lê kan jy nie. Die lewe wil gelewe word. Baie sterkte en beste wense vir jou, Thys. ELSABE Thysie, jy lyk stunning! Jy is en bly ’n wenner. Hou jy net aan om so sterk te wees, asseblief, en ons sal aanhou om jou te ondersteun en vas te hou en in ons gebede te hou. ANITA Hou aan veg, Thys. Ek is in 2013 gediagnoseer. My neuroloog het vir my gesê MS gaan…

SY PREWEL sag: “Ek is jammer. Ek is net jammer.” Die rooikopvrou sit in die hoof se kantoor hier in die kleuterskool op Brakpan. Haar netjiese kuif bons oor haar wenkbroue. Haar sagte blou grimering raam moedelose oë. Jolandi Venter (37) is al 10 jaar lank ’n kleuterskoolonderwyseres. Sy is lief vir kinders, sy verstaan hulle, en sy wéét hoe om na hulle om te sien. Maar nou het ’n fratsongeluk op die speelterrein haar lewe omgekeer. ’n Ongeluk soos sy nog nooit gesien het nie. ’n Ongeluk wat geëindig het met die byna lewelose liggaampie van klein Marno Muller (5) op die glyplank waar sy toesig gehou het. Die land is die afgelope tyd aangegryp deur die verhaal van dié kind wat gewurg het toe sy klere aan die…

AS JY deur Adele Vorster se woonstel stap – selfs al is sy nie tuis nie – sal jy dadelik agterkom hier woon ’n vrou wat haar lewe met bont meisiedinge vul. Op die sitkamerbank sit ’n Teletubby, ’n teddiebeer en ’n gelapte skaap op ’n ry uitgestal. Die koffietafel is vol kerse, beelde en ’n brander vir lekkerruikolie. Winnie-the-Pooh rus op die bed. Op die balkon, wat sy ook as studeerkamer gebruik, is die suurlemoengeel mure beplak met potblou engelvlerke, en die slagspreuk “Follow your dreams”. Niks in dié vrolike woonplek sal ’n mens dus voorberei op die donker kol in ’n hoek van die einste balkon nie: die rak waarop Adele haar dagboeke van die afgelope meer as 20 jaar – swart A4-skryfboeke met rooi rugkante – bêre.…

Patrone Van swart-en-wit tot kleurvolle spatsels van abstrakte en geometriese motiewe – hierdie treffende styl is ’n goeie manier om dimensie aan ’n klassieke silhoeët of item te gee vir ’n helder, eklektiese voorkoms. ROKKE Daar is ’n patroonrok vir elke styl en persoonlikheid. Of jy hou van strepe, kolle of abstrakte motiewe – gee jou dagdrag ’n kleurinspuiting met dié opsies wat jy as ontspanne of deftige drag kan inspan. LOS ITEMS Treffende grafiese motiewe was gewild by ontwerpershuise soos Jean Paul Gaultier en Miaou se modevertonings. Bly in die modekol en meng dié maklik-om-oor-te-gooiitems met jou winterdrag vir ’n paar sjiek voorkomste.…

GROOTTE Pas kopomtrek van 43-47 (48-52; 53-56) cm Werklike voltooide wydte 45 (50; 55) cm Volle lengte voor rand opgeslaan is 35 (39; 39) cm BENODIGDHEDE ■ 1 x 100 g-bol Elle Pure Gold-dubbeldraad in Titanium, kleur no. 201 (kleur A, vir rand) ■ 1 x 100 g-bol Elle Pure Gold-dubbeldraad in Stonewash, kleur no. 212 (kleur B, vir kroon) ■ 4,5 mm- en 5,5 mm-breipenne ■ Gekleurde merker ■ Tapisserienaald SPANNING 22 ste en 24 rye = 10 cm oor knoopst-pat met 5,5 mm-breipenne. Dubbelbreidraad word gewoonlik met 4 mm-breipenne gebrei, maar dié ontwerp word met dikker penne gebrei sodat die steekpat los is en die breiwerk meer rekbaar. MUSSIE Stel 94 (110; 120) ste op met 4,5 mm-breipenne en kleur A. 1e ry (RK) R1, * met breidraad…

OF JOU aftreedrome bewaarheid sal word, hang baie af van hoe jy vir daardie opwindende hoofstuk van jou lewe beplan. Baie voltydse werknemers behoort natuurlik tot pensioenfondse, maar is dit genoeg? Of dalk is jy een van die sorgsames wat jou pensioenfonds aanvul deur in uittreeannuïteite te belê vir daardie ekstra gemoedsrus – maar pret oor die hoof sien. Dan is daar die sorgeloses wat die kontantdeel van hul pensioen dadelik vat en rojaal bestee sonder om te dink aan onvoorsiene lewenskrisisse. Kom ons kyk na vyf “aftreepersoonlikhede”. Watter een is jy? En hoe raak dit jou spaarplanne? 1 AVONTUURSOEKERS Dit is mense wat hul goue jare op die swerfpaaie wil deurbring, hetsy plaaslik of in die buiteland. Waarop moet hulle bedag wees? Avontuursoekers is tipies meer aggressiewe beleggers wat hul…

GROOT BLOKRAAI NO 2445 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter mengeldrankie is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na media24shop.com,…

Jy het dalk nog nie van Mumtaz Mahal gehoor nie, maar haar dood op 17 Junie 1631 was die inspirasie vir een van die bekendste monumente ter wêreld. Toe sy dood is met die geboorte van die paartjie se 14de kind, was haar man, die Mogol-keiser Shah Jahan, so hartseer dat hy haar nagedagtenis wou eer met ’n besonderse mausoleum. (Sien Woord van die Week.) Dit was die saadjie vir die Taj Mahal in Agra, Indië – wat vandag dié land se bekendste gebou is, en ’n groot toeristetrekpleister met duisende mense wat jaarliks daarheen stroom om ’n foto daar te neem. Die gebou word beskou as ’n uitstekende voorbeeld van Mogol-argitektuur, ’n samestelling tussen Indiese, Persiese en Islamitiese style. Bouwerk het in 1632 begin. Al die geboue en versierwerk…

KNAAGDIERE is van die diere wat die wydste oor ons planeet versprei is. Hoewel hulle nie oorspronklik oral voorgekom het nie, het hulle saam met mense na ander wêrelddele gereis en nuwe plekke beset sodat hulle nou byna oral tuis is. Knaagdiere het hul naam te danke aan hul voorste snytande wat nooit ophou groei nie. Daarom moet dié diertjies gedurig aan harde voorwerpe knaag om hul snytande af te slyt sodat hulle die regte lengte kan wees om te kan eet. As hulle nie knaag nie, kan die voortande in ’n spiraal begin groei. Byna die helfte van alle soogdiere is knaagdiere, en hulle kom in alle vorms en groottes voor – van die kleinste muisie en hamsters tot stekelrige ystervarke, bewers en die grootste knaagdier van almal, die…

Saray Khumalo het geskiedenis gemaak as die eerste swart vrou van Afrika wat die kruin van Everest bereik het. In dié uittreksel vertel sy hoe dit regtig is om deel te wees van so ’n ekspedisie – van die kos in die kamp tot hoe klimmers dit regkry om toilet toe te gaan sonder dat hul boude afvries SPANWERK Wanneer jy klim, is jy afhanklik van die mense in jou span. Dus kyk julle mekaar goed uit op jul eerste ontmoeting. Wat soos sosiale interaksie en beleefde geselsies lyk, is veel meer as dit. Met my eerste poging in 2014 (saam met Sibusiso Vilane van Suid-Afrika, wat in 1996 die eerste swart man was wat Everest tot heel bo uitgeklim het) het ons ekspedisie uit mense van verskeie ouderdomme en…

Sodra die simptome begin, is die toestand gewoonlik reeds chronies, wat beteken die lyer kan nooit ten volle “genees” word nie, sê Daniel. Maar dis nie die einde van die wêreld nie. “Dit kan suksesvol deur sekere ingrypings behandel word. Nes met enige steuring moet ’n mens waaksaam bly dat die persoon nie ou gewoontes hervat nie.” ◾ Kognitiewe gedragsterapie Hierdie soort terapie poog om die manier te verander waarop ’n persoon dink en optree, en was taamlik suksesvol as ’n behandeling vir opgaarders, sê Sumayyah. “Die terapeut sal die individu help om deur enige trauma of emosionele oorsake vir die opgaargedrag te werk. “Hierdie terapie help ook die individu om hanteringsmeganismes aan te leer om die angs te bestuur wat hulle voel wanneer hulle van hul besittings probeer ontslae…

MET ’n warm omhelsing groet sy jou by die voordeur voor sy omdraai en met ’n uitbundige gebaar na die laan getooi in herfskleure beduie. Dan roep sy: “Welkom hier in die armholte van die hemel!” Dis hemels hier in die prentjiemooi Banhoekvallei aan die voet van die Helshoogtepas. Dis waarom Dorette Potgieter van Egoli-faam en haar dogter, Lia Luna Li (12), twee jaar gelede van Kaapstad af hierheen verhuis het. Hulle wou nader aan die natuur woon en nuwe vriende ontmoet. Hier, omarm deur die berge, het hulle dit alles gevind. Maar die wip in die mooie aktrise se stap, die vonkel in haar oog en die ekstragroot glimlag verklap dat sy meer as net ’n nuwe woning hier gevind het. Ná ’n paar jare waarin haar lewe gewentel…

LYNELLE KENNED Lynelle en JOHN ASHMORE, ’n dokter en wêreldgesondheidsnavorser, is al twee maande lank ’n paartjie. “Ons het in Maart op Tinder gematch (daar is hoop) en ná twee weke se marathonoproepe en boodskappe heen en weer het ons eindelik afgespreek om mekaar in persoon te ontmoet vir ’n stappie op Tafelberg in Kaapstad,” vertel dié TVaanbieder en aktrise. Die res is geskiedenis. “Ons het geresoneer met mekaar se lewensuitkyk en ervaringe. Ons geniet mekaar se persoonlikhede en geselskap vreeslik.” MILA GUY & BENNIE FOURIE Dié Hotel-medesterre is ná ’n vriendskap van ses jaar nou gekys. “Ons spot nou dat hy ses jaar vir my gewag het, maar ek glo regtig in die Here se tydsberekening,” het Mila al aan Huisgenoot gesê. “Bennie is ’n lawwe siel. Hy is…

‘Jou troue is die droomtroue! En om dit by jou huis te hê maak dit soveel meer spesiaal en sentimenteel’– BRITNEY SE MA, LYNN DIE eerste amptelike foto’s van BRITNEY SPEARS se troue met SAM ASGHARI (28) laat hul groot dag soos ’n sprokie lyk. Maar die sprokiestroue was nie sonder drama nie. Britney (40) se eksman Jason Alexander het ongenooid by die trouplek opgedaag ure voor die plegtigheid sou begin. Sekuriteitswagte het hom later buite die eiendom bedwing. Die sangeres was glo “ontsteld” oor Jason (met wie sy in 2004 net ’n paar dae getroud was) se poging om die huwelik te probeer ontwrig, maar vasbeslote dat dit nie haar groot dag sou bederf nie. Haar eks was nie die enigste een wat nie die gastelys gehaal het nie.…

JASSE EN ROKKE Wasige wit winteruitrustings is die mode van die oomblik. Kraakvars wit jasse en rokke is ’n moet en sal jou deftig en klassiek koel laat lyk op uitstappies of op kantoor. WENK Swart en goue skoene en juweliersware is die perfekte pasmaats vir ’n wit palet. Waag ’n bietjie met jou handsak en skoene in kontrasterende helder kleure. WENK Lyk sjiek in ’n wit baadjie en wyepypbroek vir ’n deftige dagvoorkoms wat geskik is vir die kantoor of ’n aandjie uit. KRY DIT HIER ACKERMANS 0860-900-100; EXACT 0860-834-834; FOSCHINI 0860-834-834; IDENTITY 021-460-2400; MANGOSHOP.MANGO.COM/ZA; QUEENSPARK 021-460-9400; THE FIX 0860-834- 834; TRUWORTHS 021-460-2300; WOOLWORTHS 0860-022-002; ZARA.COM/ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU…

DIS ’n gevoel wat ons almal ken: Iemand se naam ontgaan jou, al wéét jy jy ken dit. Of die een of ander alledaagse woord sit op die puntjie van jou tong, maar jy kan dit net nie gesê kry nie. Of dalk kom jy by die winkelsentrum uit en kan voor die dood nie onthou waar jy jou kar parkeer het nie. Dis tekens van breinnewels, geestelike uitputting of die “somtyds”-siekte (soms onthou jy; soms glad nie) – en wat ook al jy dit wil noem, dit lyk asof dit met ouderdom toeneem. Dis nie noodwendig ’n teken van vroeë demensie nie, sê dr. Gary Small, hoof van die UCLA Longevity Centre in Amerika. Maar dit beteken wel jy moet jou verstand opskerp, sê Gary, ook die skrywer van…

OPSIE 1 GEDRUKTE TYDSKRIF R112.67 per maand DIE GEDRUKTE TYDSKRIF WORD WEEKLIKS B Y JOU HUIS AFGELEWER OF VIR JOU GEPOS. OPSIE 2 DIGITAAL R99 per maand TOEGANG TOT HUISGENOOT.COM EN ONS E-TYDSKRIF OP JOU REKENAAR, TABLET OF SELFOON, ASOOK ALS OP NETWERK24. OP JOU VOORSTOEP OF OP JOU SKERM! OPSIE 3 DRUK & DIGIT AAL R137.67 per maand • DIE TYDSKRIF WORD WEEKLIKS B Y JOU HUIS AFGELEWER OF VIR JOU GEPOS • JY KR Y OOK TOEGANG TOT HUISGENOOT.COM EN ONS VOLLEDIGE E-TYDSKRIF (WAT NES DIE GEDRUKTE TYDSKRIF LYK). • TOEGANG TOT BEELD, DIE BURGER, RAPPORT, VOLKSBLAD EN 27 PLAA SLIKE K OERANTE IN ELEKTRONIESE FORMAAT. • ONBEPERKTE TOEGANG TOT DIGITALE TYDSKRIF - INHOUD EN 10 AFRIKAANSE TYDSKRIFTE IN ELEKTRONIESE FORMAAT. OM IN TE TEKEN SMS “Huisgenootplus” en…

DIT GONS OOR ELVIS-LIEDJIE Doja Cat is ongetwyfeld een van die vuurwarmste vroulike rappers van die oomblik. Die Grammy-bekroonde sangeres van treffers soos “Streets” en “Woman” is ook verantwoordelik vir die nuwe liedjie “Vegas” – die eerste enkelsnit wat uitgereik is van Baz Luhrmann se komende fliek, Elvis, wat op die lewe van die koning van rock, Elvis Presley, gegrond is. Die liedjie bevat dele van die blues-ikoon Big Mama Thornton se 1952-treffer “Hound Dog”, wat Elvis ook opgeneem het. Dit was een van die grootste treffers van sy loopbaan. In Doja se musiekvideo sing die aktrise en sangeres Shonka Dukureh, wat Big Mama in die fliek speel, die lirieke van “Hound Dog”. Van die ander musieksterre wat op die rolprent se klankbaan gehoor word, sluit in die rapper Eminem,…

SEDEBEWAKER ’n Groepie belangstellendes is byeen om ’n geleentheid te vier. Die dominee sit sy arm om sy vrou en sê: “Kan julle glo, ek lewe nou al ’n hele 60 jaar lank saam met hierdie dierbare mens!” Vreemdeling: “En het julle besluit om nou te trou?” KASOEPIE KUBERVRYERS Dogter: “Pa, ek wil trou.” Pa: “Hoe so, my kind?” Dogter: “Pa, ek het ’n man op Facebook ontmoet. Ons het baie gesels op WhatsApp en verloof geraak op Skype.” Pa: “Ai, my kind. Beste is, trou op Skype, kondig dit aan op Twitter, hou wittebrood met Netflix en bly sommer in die kuberruim.” E. MOELICH HERRIE IN DIE HIERNAMAALS Ná haar man se dood laat Hanna die woorde “Rus in vrede” op sy grafsteen graveer. Maar toe die prokureur haar…

Jy hoef nie jou oë moeg te maak om jou brein fiks te hou nie! Huisgenoot se Blokraaie in groot druk is ’n fantastiese besigblyboek vir woordliefhebbers wat nie meer so fyn kan kyk nie. In die vierde uitgawe kry jy ’n uitgesoekte versameling Huisgenoot-blokraaie in al hul glorie – al verskil is die leidrade is aansienlik groter en ’n fees om te lees! Vul jou dae met blokraaipret uit die boonste rakke. GEWONE GROOTTE DIGITAAL Laai dit af by magzter.com BEL 021-406-4962 E-POS koop@huisgenoot.com Gaan na www.media24shop.com…

DIE seiljagvaarder Kenichi Horie het op 83 die oudste mens geword wat in een sitting in ’n seiljag oor die Stille Oseaan gevaar het – met ander woorde sonder om by enige hawe langs die pad te stop. Dit het hom meer as twee maande geneem om van Kalifornië tot by Japan te vaar. Kenichi het sy familie minstens een keer per dag gebel sodat hulle hulle nie oor hom bekommer nie. Dit is nie die eerste keer dat Kenichi ’n rekord verbeter nie. In 1962, toe hy 23 jaar oud was, het hy die eerste mens geword wat in een sitting oor die Stille Oseaan gereis het. Toe het hy van Japan na Kalifornië gevaar – en was daar nie soos vandag ’n GPS om hom te help koers…

1 Wat was die naam van die Britse rockgroep wat uit Paul McCartney, John Lennon, Ringo Starr en George Harrison bestaan het? 2 Watter Nederlandse skilder het een van sy ore afgesny? 3 Vir watter provinsiale span speel die Springbokkaptein, Siya Kolisi, rugby? 4 Hoeveel maande van die jaar het 31 dae? 5 Wat is die hoofstad van die VSA? ANTWOORDE 1 The Beatles 2 Vincent van Gogh 3 Die Sharks 4 Sewe 5 Washington, DC BRONNE THEGUARDIAN.COM, NETWERK24.COM, DAILYMAVERICK.COM, DOGONEWS.COM, GUINNESSWORLDRECORDS.COM, BBC.COM, BRITANNICA.COM, COLLINSDICTIONARY.COM…

HOEWEL die grootrietrot (Thryonomys swinderianus) “rot” in sy naam het, is dié eienaardig diere nader verwant aan ystervarke as aan rotte. Die grootrietrot is nie ’n ware rot nie; slegs knaagdiere wat aan die genus Rattus behoort, word as rotte beskou. Grootrietrotte is een van die grootste knaagdierspesies in Afrika en is net-net kleiner as die Suid-Afrikaanse ystervark. HABITAT EN VERSPREIDING • Grootrietrotte woon naby vleie en rivier-beddings waar daar digte riete en lang grasse is.• Hulle is ook algemeen in plantasies en landbougebiede.• Hulle kom net in Afrika suid van die Sahara voor en word in die meeste dele van Suid-Afrika gevind, behalwe in die suidwestelike deel van die land.• Grootrietrotte is veral algemeen in KwaZulu-Natal aangesien hulle baie hou van riete soos die suikerplantasies wat daar voorkom. GROOTTE…

DIE voormalige Mej. Suid-Afrika TAMARYN GREEN het in April met die entrepreneur ZE NXUMALO op die Quoin Rock-wynlandgoed op Stellenbosch afgehaak. Die dokter en model het in drie skeppings gestraal op haar spogtroue, wat deur ’n rits bekendes bygewoon is. Die Nxumalo’s het onlangs afgesit Frankryk toe om in die stad van liefde uit te span. Hulle het onder meer ’n draai gemaak by die bekende Eiffeltoring en die Louvre-museum in Parys. Die stylvolle Tamaryn het soos gewoonlik ook haar beste modevoet voorgesit. Op een foto wat sy op Instagram gedeel het, smeul sy in ’n sexy rooi nommertjie. Op ’n ander geniet sy die Paryse naglewe. Praat van gelukkig!…

BEN AFFLECK en JENNIFER LOPEZ se bymekaargevoegde gesin lyk heel gelukkig saam. Dié akteurspaar is onlangs saam met hul vyf kinders in ’n inkopiesentrum in Los Angeles afgeneem. Ben se kinders by sy eksvrou, Jennifer Garner, – Violet (16), Seraphina (13) en Samuel (10) – was daar, asook Jennifer se kinders by haar eksman Marc Anthony, die tweeling Emme en Max (14). Ben (49) en Jennifer (52) het hande vasgehou en liefdevol vir mekaar gekyk terwyl hulle in die winkels rondgesnuffel het. ‘Ek is lief vir my loopbaan, maar niks is vir my meer vervullend as dat ek my gesin kan bou saam met iemand wat ek innig liefhet nie en wat net so toegewyd is aan die gesin en aan mekaar soos wat ek is’– JENNIFER LOPEZ…

GEDURENDE hul verhouding van 17 jaar het die houe meestal agter geslote deure op haar neergereën – in die slaapkamer, op kantoor, in die kar… Dan het sy maar elke keer die tekens van haar mishandeling met ’n groot sonbril en grimering vir die wêreld weggesteek. Later het sy vir haar twee seuntjies ook verbloem wat Pappa aan haar doen; nie eens haar ouers het geweet hoe die man wat sy liefgehad het haar pap slaan en verneder nie. “Ek het dit altyd vir almal weggesteek. Toegesmeer. Gemaak asof dit nie gebeur het nie. Hoekom? Om hóm te beskerm! Omdat hy my elke keer belowe het dit sal nooit weer gebeur nie,” vertel Nicoleen Swart (35) vandag oor die man wat haar verinneweer het; die man wat onlangs landwyd die…

HOM betrap jy nie sommer onkant nie, want in sy lewe het hy al terugslae en triomf in oormaat beleef. In 1988 het hy sy regterarm en oog verloor in ’n motorbomontploffing in Maputo – die werk van veiligheidsagente van die apartheidsregering. Uit die puin van daardie sluipmoordpoging het hy verrys tot een van die hoofargitekte van ons demokratiese Grondwet. Van ’n jong regsgeleerde in ballingskap het dié strugglefiguur gevorder tot ’n regter van die konstitusionele hof. Deur die jare het hy ook al daaraan gewoond geraak dat wildvreemdes hom wil ontmoet. Maar die oomblik toe een van die wêreld se bekendste glanspare by die deur instap, het selfs die onverstoorbare Albie Sachs byna op sy rug geval. Dit was 2018 in New York, sê Albie (87) vandag hier in…

HOENDER-EN-CHORIZO- POTJIE MET ORZO GENOEG VIR 4-6 MENSE BEREIDING: 30 MIN. GAARMAAK: 1 UUR, ASOOK RUSTYD BRAAI 8 hoenderdyeolie vir bedruipingseesout en vars gemaalde swartpeper200 g chorizo2 rooi soetrissies, gehalveer en ontpit POTJIE olyfolie vir braai1 groot ui, geskil en fyngekap3 knoffelhuisies, fyngekap3 ansjovisfilette, fyngekap15 ml (1 e) paprika2 takkies vars roosmaryn, fyngekap30 ml (2 e) rooiwynasyn1 x 400 g-blikkie heel tamaties,fyngedruk250 ml (1 k) water15 ml (1 e) bruinsuiker200 g ontpitte swart olywe100 g kappertjiesaad ORZO 250 g orzo-pastarys, gaargemaak volgens die aanwysings op die verpakkingolyfolie vir bedruiping ’n groot hand vol vars grasuie, gekap’n groot handvol vars basilie, gekapskil en sap van 1 suurlemoenseesout en vars gemaalde swartpeper 1 Braai Bedruip die hoenderdye met die olie en geur met sout en peper. 2 Braai die hoender en chorizo…

DIE winter kan een van die skadelikste seisoene vir jou hare wees. Maak nie saak watter soort of tekstuur hare jy het nie, wanneer die kwik begin daal, is dit vir jou hare moeiliker om vog te behou, en dit maak dit droër as wat dit gewoonlik in die warmer maande sou wees. Voeg daarby die kunsmatige hitte van haarstileerders, binnenshuise verhitting en mus dra, en jy sit met bros punte, irriterende wegstaanhare of ’n skilferige kopvel. Net soos jou klerekas nog ’n paar lae nodig het of jou vel ’n ekstra dosis vogtigheid en beskerming om die koue te klop, verg jou hare ook bykomende sorg om die kouer maande baas te raak. Hier is wenke om jou pragtige kroon in die wintertyd glansend en gesond te hou. HERSIEN…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. SEPIE IS VIR MY GEVAARLIK V Ná my seun se dood vier jaar gelede het ek myself begin sny. Ná ’n onlangse episode in ’n plaaslike sepie oor ’n karakter wat haarself sny, het ek skielik die begeerte gehad om dit weer te doen. Ek weet dis nie reg nie, maar dit raak soos ’n verslawing. Ek is nou weer vasgevang in die…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel IN DIE KOLLIG / REEKSE / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE WELKOM TERUG Teen dié tyd ken jy hom as Andre Johnson, ’n pa van vyf in die sitkom Black-ish, waarvan die laaste seisoen tans op DStv Catch Up gesien kan word. Maar moenie vrees nie. Ná meer as ’n dekade is Anthony (51) nou ook terug as die speurder Kevin Bernard in die 21ste seisoen van die misdaaddramareeks Law & Order. Hy het dié rol in drie seisoene – 2008 tot 2010 –vertolk. Anthony het twee weke voor Black-ish klaar vervaardig is na Dick Wolf, die skepper van Law & Order, uitgereik. “Hulle het…

GESEËND IS DIÉ WAT TREUR Saamgestel deur SUSAN JORDAAN R220* “Charlene was my eerste meisie, die jongste van skipper Pieter en ant Bettie se nege kinders; die mollige een met die cleavage en glinsterende oë uit Alabamastraat in South End. Ons was 31 jaar getroud toe sy vir die groot operasie by die groot hospitaal moes gaan.” Die joernalis Julian Jansen vertel hoe sy die operasie nie oorleef het nie; hoe, toe hy die deel van die rekening gaan betaal wat die mediese fonds nie gedek het nie, hy en die klerk gehuil het toe sy sê die chirurg het hom dit kwytgeskeld; hoe dit nou vier jaar later nie makliker raak nie, “net sagter”. In Geseënd is dié wat treur skryf bekendes en onbekendes oor hul verlies en rou. “Ons…

KREEF 21 JUNIE – 21 JULIE Dit blyk ’n tyd van diep nadenking vir jou te wees, en jy het nooit ’n probleem om tyd in jou eie geselskap deur te bring nie, veral as dit tuis met jou naaste en geliefste familie is. Aangesien jy binnekort verjaar, sal dit ’n goeie tyd wees om voornemens vir die nuwe jaar duidelik te stel, om aan te pas wat jy verlede jaar gedink het jy wou hê, en om huidige wense en begeertes ’n bietjie meer sekuur en akkurater vas te stel. GELUKKIGE NOMMERS 6, 23, 41, 50, 32, 8 DIE KREEF ONTSYFER ◾ Jy het ’n liefde vir oudhede en silwer. ◾ Jy hou van luukshede in die slaapkamer en badkamer. ◾ Jou geliefdes beteken die wêreld vir jou. ◾…

SYFERSTORIES 50 Dit is hoeveel jaar lank die Amerikaner Donald Gorske al minstens een Big Mac per dag eet. Hy het in dié tydperk net agt dae misgeloop. Donald eet selfs party dae twee van hierdie burgers. Hy hou ook die wêreldrekord vir die mens wat al die meeste Big Macs geëet het – sy amptelike syfer trek al verby die 32 000 burgers. 765 Dit is hoeveel bungeespronge die Fransman Francois-Marie Dibon in 24 uur gedoen het – ’n nuwe wêreldrekord. Hy het die vorige rekord van 430 spronge ná net 12 uur oortref. Francois-Marie het vanaf ’n brug in Perthshire, Skotland, gebungee. 20 miljoen Dit is hoeveel geld in dollar ’n man by die sangeres Mariah Carey wil hê omdat hy sê haar treffer van 1994 “All I…

HOE haal visse asem? Wat is lawa? En hoekom moet ons groente eet? Athina Jansen kan jou kinders al dié dinge vertel wanneer hulle saam met haar – én Palawa die kameelperd en Paloeka die leeu – in hul spesiale boomhuis kuier. Dié bruisende jong aktrise vertolk die rol van Bibi in Huisgenoot se nuwe Afrikaanse aanlyn kinderprogram, Die Babbelbende, en sy beantwoord elke dag speel-speel saam met haar dieremaats en hul verkennersvriend Ben (gespeel deur die akteur Wian Taljaard) ’n “vraag van die dag” om die kleingoed meer oor ons wonderlike wêreld te leer. Deur die jare het elke geslag ’n vriendelike “tannie”, soos Wielie Walie se Tannie Magda en Pumpkin Patch se Laurel, gehad wat saam met ’n klomp poppemaats vir die jongklomp geleer het hoe om van…

HULLE ryg die een TikTok-video ná die ander uit en hul Instagram het hordes volgelinge. Hulle is net so gekonfyt soos 16-jariges op sosiale media – en moenie dink hulle is skrikkerig vir die nuutste tegnologie nie. Trouens, hierdie “ grandfluencers”, oftewel bejaarde beïnvloeders, se aanlyn lewens steek gewone mense soos ek en jy in die skande. Hulle benut hul vrye tyd en dit wat tegnologie bied ten volle – en wen in die proses wêreldwyd volgelinge en aanhangers. Grandfluencers verwys na beïnvloeders ouer as 65 wat aanlyn platforms gebruik om stereotipes rondom ouderdom verkeerd te bewys. Toe die covid-19-pandemie veroorsaak dat ouer mense nie hul kinders of kleinkinders kon sien nie, het baie van hulle tegnologie omhels. En as gevolg hiervan het daar die afgelope twee jaar ál meer…

DIE sanger en liedjieskrywer MAJOZI en die vrou in sy lewe, DANIELA ING, het onlangs in ’n intieme seremonie in die Mount Nelson-hotel in Kaapstad afgehaak – dieselfde plek waar haar ouers ook getrou het. Majozi het op 20 Mei verlede jaar die jawoord gevra en presies ’n jaar later het hulle voor die kansel gestaan. Tien gaste was by die hotel om die spoggerige bruilof by te woon. Met dié dat Daniela al in verskeie lande gewoon het, het meer as 100 mense op vyf vastelande die seremonie aanlyn gevolg. “Die dag toe ons ons lewe aan mekaar toegewy het voor God, familie en vriende was die grootste seën. Ons is so dankbaar dat ons so ’n oorvloed van liefde ervaar het en dat dit reg oor die wêreld…