Innehållsförteckning för 07 July 2022 från Huisgenoot

1 ‘KOS WAS NOG ALTYD DAAR VIR MY Kos bied al 30 jaar lank vir haar vertroosting, skryf Adele Vorster in haar boek Tien voor een, waarin sy eerlik en met humor oor haar verslawing praat Dis die stille verslawing wat dikwels nie soos die ander verslawings erken word nie. Maar onthou: Ook met kosverslawing is daar ander slagoffers – die mense wat saam met die verslaafdes en hul obsessies moet leef. MARIETA Adele, moenie mense wat probeer goed voel oor hulself afbreek nie. Jou stelling “Meeste maer mense is so ernstig. Hulle is maer, maar hulle bekke is dik,” is ver van die waarheid. Fokus op jou eie lewe en al die mooi om jou. JOEY Iemand met hierdie probleem kry ek so jammer. En al die mense met…

IN DIE 1970’s, ’n ander tyd en era in Suid-Afrika, het ’n jong Denise Newman in ’n teater by Langstraat 44 in die hartjie van Kaapstad gewerk. In dié klein teater het sy elke Vrydag- en Saterdagaand gehelp om kaartjies te verkoop, pouses in die restaurant gewerk en ná elke vertoning die teater help skoonmaak. Sy het dit alles gedoen sodat sy die teaterproduksies gratis “oor en oor en oor” kon kyk. Want toe al het die liefde vir toneelspel in die tiener se siel begin kriewel. Op daardie aande sou die laaste bus huis toe tienuur van die Parade af vertrek. Dan sou Denise blitsvinnig hardloop van die teater na die bus toe, waar die bestuurder geduldig vir haar sou wag om haar terug te neem na haar ouerhuis…

HOENDER-OONDGEREG GENOEG VIR 4 MENSE BEREIDING: 15 MIN. GAARMAAK: 35 MIN. 30 ml (2 e) olyfolie8 hoenderboudjies1 x 500 g-fles tamatiepastasous250 ml (1 k) hoenderaftreksel30 ml (2 e) origanum, gekap, plus ekstra blare vir voorsit10 ml (2 t) strooisuiker sout en peper1 x 280 g-fles artisjokke in pekel, gedreineer en gehalveer½ k groen olywe KOESKOES 250 ml (1 k) koeskoes15 ml (1 e) olyfolie250 ml (1 k) kookwater (of hoenderaftreksel)2 lang stingeluie, fyngekap60 ml (¼ k) gekapte pietersielie 1 Voorverhit die oond tot 180 °C. 2 Verhit die olie oor hoë hitte in ’n groot braaipan. Verbruin die hoenderboudjies 4-6 min. terwyl jy dit gereeld draai. Skep dit dan in ’n oondvaste kastrol. Giet die tamatiepastasous, aftreksel, origanum en strooisuiker oor. Geur met sout en peper. 3 Bedek met tinfoelie…

GINSENG Ginseng kan nuwe lewe in moeë en geplooide vel blaas en pigmentasie help vervaag. SLAKSLYM Dit bied wonderlike bevogtiging danksy die hoë waterinhoud. BYEHARS Byehars oftewel propolis bevat antioksidante sowel as antibakteriese en anti-inflammatoriese eienskappe. NAELKRUID Dié bestanddeel staan ook as “gotu kola” (Centella asiatica) bekend. Dit is ryk aan antioksidante en aminosure en kan die vel streel, bevog en genees en terselfdertyd vlekke takel en plooie bestry. SOETHOUTWORTEL Hierdie bestanddeel help met hiperpigmentasie en hou die vel gesond en bevog. RYS Rys is propvol aminosure en voedingstowwe wat die vel genees. Dit het die potensiaal om selvernuwing te versnel en vog in jou vel te herstel.…

TOE haar ma laat weet sy is in die hospitaal opgeneem met ’n vermoedelike galaanval, het Fran Blandy nie die ergste verwag nie. Haar ma, Carol Moller, het ’n bietjie gesukkel om te slaap, maar het geen ernstige gesondheidsprobleme gehad nie, en daar was dus oor die algemeen “geen gevaarligte nie”. Maar toe laat weet Carol sy het akute pankreatitis. Fran het op Tzaneen, Limpopo, grootgeword, maar sy het toe al ’n geruime tyd in die buiteland gewoon. Sy was weens die pandemie in Argentinië vasgekeer en kon nie na Carol, wat in 2011 na Australië verhuis het, reis nie. “Sy kon my nie bel nie, want sy het nie haar foonlaaier in die hospitaal gehad nie. Ek was bekommerd, maar nie te bekommerd nie,” vertel Fran (38). Maar Carol…

KREEF 21 JUNIE – 21 JULIE Dit kan ’n belangrike week vir jou wees, en jy moet die yster smee terwyl dit warm is. Geleenthede duik op in jou loopbaan; probeer om dit raak te sien soos dit opduik en bekamp jou geneigdheid as Kreef om eerder te wag en kyk. Dis tans ’n geval van môrestond het goud in die mond, en met die planete in jou guns, moet jy alles insit. Vat ’n blaaskans tydens die volmaan op die 13de wanneer emosies hoog loop. GELUKKIGE NOMMERS 13, 27, 48, 52, 45, 20 LEEU 22 JUL – 22 AUG Dit sal nie skade doen om saam met ’n vriend te dagdroom oor waarheen jy graag wil reis wanneer jy die kans en geld kry om dit te bekostig nie.…

JACK HARLOW Dit gons deesdae behoorlik oor dié Amerikaanse rapper danksy sy no. 1-treffer “First Class”. Die liedjie is in die eerste week van uitreiking meer gestroom as Adele se treffersnit “Easy on Me”. Jack (24) is deesdae so gewild dat hy ’n rol losgeslaan het in die opvolgfliek van die 1992-basketbalkomedie White Men Can’t Jump. Hier is alles wat jy oor hom moet weet. 1 Hy gebruik die voormalige Black Eyed Peas-lid Fergie se liedjie “Glamorous” in “First Class”. Dit het sy tweede no. 1-treffer op die Billboard Hot 100-trefferlys geword en was ook die eerste hip-hop-liedjie wat vanjaar boaan die trefferlys geboer het. 2 Jack word gereeld vergelyk met die rapper Eminem, met wie hy al saamgewerk het, en hy is al vir drie Grammy-pryse benoem. 3 Hy…

OP JOU MERKE, GEREED … SWEET! ’n Mens het nie ’n gim of duur oefenmasjiene nodig om fiks en gesond te bly nie. Isma-eel (24), ’n persoonlike afrigter van Kaapstad, deel gereeld op sy TikTok-profiel, @sycefit, maklike oefenvideo’s wat jy sommer tjoeftjaf by die huis kan doen. Sit dus neer jou selfoon, skakel die televisie af en knyp 10 minute af om dié maklike vyf oefeninge saam met Isma-eel te doen. Maak seker jy het ’n oefenmat of kombers byderhand. Doen elke oefening 30 sekondes. Rus dan 30 sekondes en herhaal die oefening nog drie keer. KRY HIER HULP As jy nie lekker die oefeninge alleen kan baasraak nie, moenie bekommerd wees nie. Sodra hierdie uitgawe van Huisgenoot in die winkels beskikbaar is, gaan Isma-eel ’n video op sy TikTok-profiel…

‘MY VRIENDIN WAS SO BANG, SY HET BEDANK NADAT HULLE HAAR MILJOENE BETAAL HET OM HAAR MOND TE HOU’ IN DIE rofstoei-kammaland wat hy help skep het, is omtrent niks taboe nie: bloed, sweet, seks, chauvinisme, rugstekery en selfs sluipmoordaanvalle op boeliebase is als in die WWE-sage verweef. Wat Vince McMahon en sy draaiboekskrywers al alles in en om die World Wrestling Entertainment-kryt laat ontvou het, laat die wildste sepie mak lyk. Maar nou lyk dit asof ’n skande in die werklike lewe “Mr. McMahon” en dié in sy binnekring dalk duur te staan kan kom. Daar was al in die jare vóór die #MeToo-beweging bewerings van seksoortredings teen die 76-jarige windmakerige promotor, maar daar het nie veel van gekom nie. Maar nou ondersoek die WWE-direksie bewerings dat Vince, die…

DIE meeste ooms sal op die ouderdom van 91 klou aan die vrou wat hulle het. Veral as daardie vrou een van die wêreld se beroemdste modelle is, ’n volle 26 jaar jonger as hy. Maar nie Rupert Murdoch nie. Die multimiljardêr en mediamagnaat is op pad skeihof toe om sy huwelik met die blonde Jerry Hall (65) ongedaan te maak, en hoewel niemand seker is wat die rede vir die egskeiding is nie, meen die skindertonge dit kom waarskynlik van Rupert se kant af. “Ná die pandemie het hy ’n bietjie na haar begin hap,” sê iemand in die binnekring. “Hulle was taamlik geïsoleer in die inperking, want Rupert moes baie versigtig wees met sy gesondheid. Hulle het baie tyd in mekaar se geselskap deurgebring. “Maar daar was nooit…

IN BAIE opsigte is hy weer die seuntjie wat hy was. Maar snags, wanneer hy slaap, hou die vyfjarige Marno sy handjies soms digby sy keel. “Ek dink daar is dalk ’n deel in sy kop wat weet iets het met hom gebeur,” vertel sy ma. Ook vir Helga Muller voel die lewe deesdae veel meer soos die ou dae. Sy is tuis met gewone ma-dinge besig. Dán vou sy wasgoed op, dán moet sy gou ’n vreemde kat uit die woonstel laat. ’n Rukkie later vra sy verskoning vir die speelgoed wat op die sitkamervloer rondlê. Marno en sy boetie, Zaydin (7), speel met karretjies in ’n ander vertrek terwyl ’n animasieprent op die televisie haar woonstel in Brakpan met kinderklanke vul. Vir die meeste mense is daar niks…

PATROONPERFEKSIE Speel met patrone en lig jou kurwes uit. MONOCHROOM Monochrome uitrustings het die loopplanke van modehuise soos Versace en Max Mara oorheers en is ’n moet vir jou winterklerekas. Dra items van dieselfde skakerings saam vir ’n cool weergawe van die trend. Dit sal jou kurwes vlei en in ’n kits slanker laat vertoon. NOMMERPAS Kies motiewe wat by mekaar pas vir ’n eenvormige voorkoms. Bou ’n kleurskema uit die primêre kleure in jou motiewe en dra los items in die kleurmotief vir ’n bypassende geheel. MOTIEFMOOI ’n Treffende motief lyk goed in lae saam met neutrale kleure soos bruingrys en taan. Dra dit saam met donker skakerings vir ’n eenvormige voorkoms wat die koppe laat draai. SUBTIELE PASMAATS Hou jou motiewe subtiel deur soortgelyke vorms en patrone te…

KRY DIT HIER ACWELL BY SEOUL OF TOKYO; COSRX BY SEOUL OF TOKYO; HEIMISH BY TAKEALOT; HOLIKA HOLIKA BY SUPERBALIST; IT’S SKIN BY SUPERBALIST; LANEIGE BY THE GLO FACTORY; MISSHA BY SEOUL OF TOKYO; MR PRICE 080-021-2535; OHK! BEAUTY BY MR PRICE; SEOULOFTOKYO.CO.ZA; SUPERBALIST.COM; TAKEALOT.COM; THEGLOFACTORY.CO.ZA; TIA’M BY SEOUL OF TOKYO; TONYMOLY BY SUPERBALIST HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. IS MY KÊREL TE JONK? V Ek is 40 jaar oud, die ma van twee tienerseuns en ook twee kleinkinders. My man is verlede jaar oorlede. Nou het ek iemand ontmoet wat 10 jaar jonger as ek is. Ons is baie lief vir mekaar. Ek is bang vir seerkry. Wat kan ek daaromtrent doen? ’n Bietjie bang A Geen mens kan die seerkry…

DIE ONSIGBARE POU Deur ZIRK VAN DEN BERG Kwela Boeke, R205* “’n Briljante Bellville-bromance met baie bagasie,” noem die joernalis Deon Maas Die onsigbare pou op die omslag. Dit is Zirk van den Berg, wat al die W.A. Hofmeyr-prys en drie kykNET-Rapportpryse gewen het, se agtste Afrikaanse roman (hy skryf ook in Engels). Dit is die verhaal van ’n outjie van Bellville wat ’n Afrikaanse popster word en die klasmaat wat hom help om dit te word. George Oberholzer was op skool al anders as die ander kinders – en die een wat dit besef het, was ’n skoolmaat, Sybie de Waal. Jare later word Sybie deur ’n uitgewer gevra om, ná “hierdie verskriklike ding wat gebeur het”, George, of Ober soos hy as popster beroemd was, se biografie te…

KEN JOU MENSE Ma aan seun: Weet jy wie Napoleon is? Seun: Nee, Ma. Ma: Jy moet meer aandag aan jou skoolwerk gee. Seun: Weet Ma wie tannie Susan is? Ma: Nee. Seun: Ma moet meer aandag aan Pa gee. LYNETTE, BETHAL NAAKTE WAARHEID Die mooi model vir ’n wulpse mannetydskrif word gevra of sy gedurende die fotosessie iets aangehad het. “Natuurlik, ja, die verwarmer,” antwoord sy verbaas. E. MOELICH GROOT DAG “Baie geluk!” sê die bruidegom se pa. “Ek is seker jy sal terugkyk na vandag as die gelukkigste dag van jou lewe.” Verbaas antwoord die bruidegom: “Maar ek trou eers môre.” “Presies,” antwoord sy pa. JOHANNA RADEMEYER YWERIGE OOIEVAAR Sannie: “Jy onthou van Alice-hulle wat verlede jaar ’n tweeling gehad het? Hulle het vandag ’n drieling gekry.” Bettie:…

Die idee vir ’n fietstoer deur Frankryk is deur ’n joernalis uitgedink. Géo Lefèvre en sy redakteur, Henri Desgrange, het gehoop so ’n wedren sal help met die verkope van hul sukkelende sportkoerant. Die roete was ’n sirkelroete van meer as 2 400 km deur die land. Daar was ses skofte, met ’n gemiddelde van sowat 400 km per skof. Daardie eerste wedren het baie anders gelyk as die Tour de France wat ons deesdae op TV sien. Die paaie was dikwels nie geteer nie, die ryers het nie valhelms gedra nie, en almal het alleen deelgeneem, nie as deel van ’n span soos vandag nie. Daar was nie voertuie wat die ryers gevolg het en kon help met energiedrankies of herstelwerk nie. Die skofte was baie verder, wat beteken…

Legkaart Knip die dele uit en plak dit op ’n skoon vel papier of bord om die prentjie van die ponie te vorm. Help vir Andile tot by sy robot Soek 10 verskille Pas die skaduwee Vind hulle! Dié 15 items is in die prentjie onder versteek. Vind hulle almal. Maak robotvingerpoppe Wanneer dit weer ’n reënerige middag is, kan jy en jou vriende ’n storie opmaak met hierdie karakters en elkeen ’n rol speel. Knip elke robot versigtig langs die stippellyn uit, draai dit om jou vinger en plak dit agter vas sodat dit om jou vinger bly. ANTWOORDE Pas die skaduwee 2.…

ADRIAN MANKOPAN, 40, MOTIVERINGSPREKER, GEORGE ‘EK WAS nie baie happy as ’n kind nie. Vandat ek verstand gehad het, was ek ongelukkig. Mense het dit nooit van my geweet nie. Ek was altyd die joker en het almal aan die lag gemaak. Ja, in my kinderjare op Ceres was daar goeie herinneringe, maar vir my en die wêreld wat ek in my kop gehad het, was daar net ongelukkigheid. Ek het ’n groot liefde vir lees. Dit het begin met my ma se romantiese boeke wat sy by die biblioteek uitgeneem het. Ons het daai tyd nie elektrisiteit gehad nie, en ek het saans by die kers haar boeke gelees. Maar wat het ek geweet van romanse. Later was ek deel van ’n biblioteek wat elke maand vir my kinderboeke…

NIE te lank gelede nie staan ’n 16-jarige seun op ’n verhoog voor ’n spul kameras en luister hoe mense vir hom sê hy sal nie veel bereik nie. Hy het nie die “vertroue” of “ervaring” om as ’n solokunstenaar sukses te behaal nie. Ja, hy is oulik, en ja, hy kan sing, maar dié outjie moenie te hoopvol wees nie – hy het nie daardie iéts wat nodig is nie. Dít was in 2010 op die Britse program The X Factor – en die outjie was Harry Styles. Sedertdien moes die beoordelaars wat al daai dinge oor hom gesê het al behoorlik hul woorde sluk. Want Harry is vandag een van die wêreld se gewildste popsterre – geliefd onder tieners, hul ouers en almal tussenin. As dit by sterstatus…

SY IS op Vryheidsdag gebore – 27 April verlede jaar. Heel gepas het haar ouers haar Lirie gedoop – ’n naam wat “vryheid” beteken. Maar vandag is dié naam bittersoet vir haar ouers, Mauriché en Mynhardt van der Merwe. Want op 14 maande is klein Lirie die gevangene van ’n toestand wat haar van die borsbeen af onder toe verlam gelaat het – en haar dokters kan dit nog nie medies verduidelik nie. Die geruis van masjiene is vandag hoorbaar deur die gesin se huis in Boksburg, maar dis eers wanneer ’n mens Lirie se kamer binnestap dat die volle werklikheid van haar toestand jou tref. Die prettige lamas teen die muur wat Mauriché (26) self vir haar dogtertjie se kamer geverf het, word oorskadu deur die ventilator wat haar…

VAN K-pop tot Netflix se Squid Game – daar is die afgelope paar jaar ’n toenemende fassinasie met alles wat Koreaans is – en die skoonheidsbedryf is geen uitsondering nie. Koreaanse skoonheidsorg, bekend as “K-beauty”, is al ’n hele ruk lank ’n obsessie onder jong velsorgfynproewers. Nou is dit ook ’n groot speler in die skoonheidsbedryf. Die klem is op bevogtiging, sagwerkende bestanddele en ’n natuurlike gloed van binne. Jou skoonheidsroetine sluit waarskynlik reeds van die produkte in of is beïnvloed deur produkte wat as Koreaanse skoonheidsneigings begin het – of dit ’n bladmasker, essens of BB-room is. Maar waaroor gaan die bohaai? WAT IS K-BEAUTY? Dis ’n sambreelterm vir die Koreaanse invloed op velsorg, skoonheidsbehandelings, roetines, leefstyl en produkte wat in Suid-Korea ontstaan. Met die benadering vel eerste, grimering…

TAFEL- & BEDLAMPE WAT’S DIE VERSKIL? LESSENAARLAMPE het gewoonlik ’n slank ontwerp sodat dit nie te veel ruimte op jou lessenaar in beslag neem nie. Baie van dié tipe lampe is verstelbaar wat draairigting en hoogte betref sodat jy dit kan gebruik om op spesifieke take te fokus. Hou jou ligbron hoër as jou kop, maar buite jou siglyn. TAFEL- EN BEDLAMPE het gewoonlik groter lampskerms en voetstukke. Dit is bedoel om omringende beligting vir ’n ruimte te verskaf, sonder die direkte lig wat tipies is van lessenaarlampe, en is gewoonlik aanvullend tot ander beligting in ’n vertrek. Dit maak ook goeie leeslampe langs die bed, mits die lig hoër is as jou siglyn. LESSENAAR-LAMPE KRY DIT HIER @HOME HOME.CO.ZA 0860-834-834; CLMHOME.CO.ZA 021-856-0484; DECOFURNSA.CO.ZA 087-049-4155; DESIGNSTORE.CO. ZA 071-670-2575; ICONOMYONLINE.COM 081-219-0576;…

IS JOU versekeringspolis moeilik om te verstaan? Dit sal help as jy dié 15 algemene terme verstaan. 1 JOU PREMIE Dit is die maandelikse bedrag wat jy betaal om dekking te kan he, of dit nou is vir korttermynversekering (motor- of huisdekking) of langtermynversekering (lewens-, begrafnis- of gevreesdesiektedekking). Die premiebedrag hang af van dinge soos jou salaris, ouderdom, beroep en mediese geskiedenis. As die polishouer nie die premie betaal nie, word die dekking gekanselleer. 2 ’N PREMIELADING ’n Ekstra bedrag wat by jou premie gevoeg word weens enige verhoogde risiko wat jy kan he. ’n Algemene voorbeeld is gevaarlike sportsoorte soos valskermspring of diepseeduik. 3 UITSLUITING Iets wat spesifiek nie deur jou versekeringspolis gedek word nie. Enige uitsluitings word gewoonlik in jou kontrak uitgestippel. As jy jou eie lewe neem,…

1 Hy het homself op 15 leer tromme speel omdat hy gedink het tromspelers is “die coolste ouens”. 2 Hy en sy vrou, Keleigh, het verlede jaar ’n bruidspaar in Taylor Swift se musiekvideo “I Bet You Think about Me” gespeel. 3 Hy wou eintlik ’n professionele bofbalspeler gewees het. 4 Miles en sy Divergent- medester Shailene Woodley (30) is dik pelle. 5 Hy het nie ’n Instagram-profiel nie. “Ek moes al hoor as ek ’n Instagram-rekening het, sal ek meer rolle en borgskappe kry. Ek wil my aanhangersbasis deur flieks, en nét flieks, bou.” BRONNE: NEWYORKER.COM, CELEBRITY.NINE.COM.AU, COLLIDER.COM, THELIST.COM, VANITYFAIR.COM…

GROOT BLOKRAAI № 2 447 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter soort kombers is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan…

1 Watter naam is in 2018 aan Grahamstad in die Oos-Kaap gegee? 2 Die kolibrie kan iets doen wat geen ander voël kan doen nie – wat is dit? 3 In watter wêreldstad is die Charles de Gaullelughawe geleë? 4 Watter soort dier is Baloo in die fliek The Jungle Book? 5 Watter uiters gewilde K-popgroep het in Junie aangekondig hulle gaan ’n ruk lank op hul sololoopbane fokus? ANTWOORDE 1 Makhanda 2 Kolibries kan agteruit vlieg. 3 Parys, Frankryk 4 ’n Beer 5 BTS BRONNE THEGUARDIAN.COM, SCIENCEALERT.COM, LIVESCIENCE.COM, HISTORY.COM, LETOUR.COM, PROCYCLINGSTATS.COM, NYTIMES.COM, STATISTA.COM…

DIE laaste keer dat Lisa Marie Presley haar pa gesien het, was sy nege jaar oud en hy het op die badkamervloer gelê. Sy meisie, Ginger Alden, was langs hom op die vloer en het probeer om die 42-jarige Koning van Rock and Roll by te bring nadat hy ’n oordosis voorskrifmedisyne geneem het. “Dit was vieruur die oggend. Ek was veronderstel om te slaap,” onthou Elvis Presley se dogter dié laaste oomblikke saam met haar pa. Hoewel Lisa Marie (54) in die voorafgaande jare goeie tye in haar pa se fantasiepaleis, Graceland, beleef het en sy mooi herinneringe aan hom kon koester, het dié laaste beeld van haar pa lank by haar gespook. Elvis is in 1977 dood, en sy dogter dra al 45 jaar lank swaar aan die…

#SIELSGENOTE Handré en Marise se paaie het die eerste keer gekruis toe hulle nog op hoërskool was. Hulle is nou al 10 jaar saam en vier in Desember hul vyfde huweliksherdenking. “Ek is getroud met my beste vriend. Handré is werklik die ongelooflikste man wat ek al in my lewe ontmoet het,” koer Marise. “Ek bewonder elke dag hoe hard hy werk, die manier hoe hy my en die mense om hom hanteer en sy kalm geaardheid in ’n redelike stresvolle beroep,” sê sy. “Handré maak altyd seker ek is gelukkig, en hy gee vir my die ruimte om te wees wie ek is as ’n individu, en dis iets wat ek baie waardeer.” EWIGE REISIGERS Die twee hou daarvan om ander lande te verken en deel gereeld hul reisavonture…

1 KENDALL EN DEVIN SE PAADJIES SKEI Die model KENDALL JENNER (26) en die basketbalspeler DEVIN BOOKER (25) het uitgemaak ná twee jaar saam. ’n Bron sê: “Kendall en Devin is onlangs deur ’n rowwe tyd en is al sowat ’n week en ’n half uitmekaar.” Die bron sê al het die twee die uitstappie Italië toe vir Kourtney Kardashian en Travis Barker se troue geniet, het dinge weer slegter begin gaan toe hulle weer tuis was. “Toe hulle by die huis kom, het hulle begin voel hulle is nie op dieselfde golflengte nie en besef hulle het baie uiteenlopende leefstyle,” sê die bron. 2 KATE BUSH WEER BOAAN DIE TREFFERLYSTE Die kluisenaaragtige Britse popster KATE BUSH (63) beskryf haar terugkeer tot boaan musiektrefferlyste as “nogal skokkend” nadat die Netflix-drama…

BEN AFFLECK “Dit het my lank gevat om grondliggend, diep, sonder ’n greintjie twyfel, aan myself te erken ek is ’n alkoholis. Die volgende drankie sal nie anders wees nie.” – Ben Affleck, ster van The Way Back TOM HARDY “Dit was vir my moeilik genoeg om te sê: Ek is ’n alkoholis. Maar dit is ontsettend moeilik om te bly ophou.” – Die Venom-akteur Tom Hardy oor die 17 jaar wat hy nugter is JADA PINKETT SMITH “Ek het besef ek drink twee bottels wyn op die rusbank, en ek het gesê: Jada, ek dink ons het ’n probleem … Van daardie dag af het ek drank net so gelos.” – Die geselsprogramaanbieder Jada Pinkett Smith ANTHONY HOPKINS “Ek het op ’n ramp afgestuur, ek was besig om my…