Innehållsförteckning för 14 July 2022 från Huisgenoot

1 DERICK EN NÁDINE SE RAAISEL VERDIEP Derick Hougaard glo twee gesellinne is omgekoop om te sê hy het die sangeres Nádine met hulle verkul – en hy hou vol hy het nie As mense nie aan mekaar getrou kan wees nie, hoekom is hulle saam? Bly dan eerder alleen en gun daardie ander persoon die geleentheid om iemand in sy of haar lewe te hê wat net vir hulle sal omgee. MADELEIN Ai, ek kry die mense jammer wie se privaat lewe altyd in die openbaar uitgelap moet word. My en jou lewe is privaat; gun dit tog maar vir ander ook. TANIA Derick is nie die soort mens wat enige vuil wasgoed in die openbaar was nie. Of wat ander probeer te na kom nie. Hy is ’n gentleman…

EMMERHOED Dra ’n speelse pienk deftig-informele pak saam met ’n geel hemp om ’n cool, sjiek kombinasie te skep wat vol persoonlikheid is. Dit sal ook op kantoor of op straat die koppe laat draai. WOLLERIG Klop die koue in styl met wollerige winterhoede met ’n buiteluggevoel. Lyk moeiteloos cool deur ’n riffelbreistof-rolnektop en klokbroek in neutrale kleure af te rond met ’n knooptrui, donsige jas en kunspelshoed vir ’n treffende modeoomblik. MUS Speel met pers en dra jou mus by ’n cool kleurfamilievoorkoms saam met ’n rekbroek en kappietop. Rond dit af met ’n roesbruin jas en modieuse tekkies vir ’n treffende bessiekleur-wintervoorkoms. FEDORA Swart en wit is ’n klassieke, veelsydige kleurkombinasie. Dra ’n swart fedora saam met vloeiende, speelse swart en wit stukke om ’n parmantige, sjiek kleurblok-uitrusting…

AS JONG getroudes spaar julle dalk reeds vir groot toekomstige uitgawes soos ’n huis, nuwe gesinsmotor of daai droomvakansie. Hoekom nie ook vir die koms van jul pienkvoet nie? Hier is sewe stappe wat jy kan volg. 1 MAAK ’N AFSON-DERLIKE BABA-REKENING OOP Sit geld weg in ’n afsonderlike rekening waar jy dit nie impulsief kan bestee nie, byvoorbeeld deur ’n maandelikse debietorder wat van jou rekening afgaan sodra jou salaris inbetaal word. Jy kan die babarekening aan jou alledaagse rekening koppel of ’n afsonderlike rekening oopmaak – maak net seker die rentekoers wat jy daarop verdien, is meer as jou bankfooie. 2 OPPAS MET VOORAF BABA-KOPIES Spaar pleks daarvan om onnodige babagoed te koop. Sekere toerusting is natuurlik noodsaaklik, soos ’n bababed en karstoeltjie, maar daar is baie items wat jy…

HET JY GEWEET? Chris Hemsworth was so byna nie Thor nie. Brad Pitt, Kevin McKidd, Channing Tatum en selfs die rofstoeier Triple H en Daniel Craig, oftewel James Bond, was van die akteurs wat vir die rol oorweeg is. Chris moes ook sy jonger broer, Liam, aanvat nadat hy ook die kortlys gemaak het om Thor te speel. “Ons het albei al die pad van Australië hierheen gekom om dit teen mekaar uit te spook,” sê Chris. DIE SEUN VAN ASGARD IS TERUG Die Australiese hartebreker CHRIS HEMSWORTH keer terug vir sy vierde Thor-fliek, en dié keer het hy sy pelle saamgebring. Aan die begin van Thor: Love and Thunder is ons held moeg daarvoor om, wel, die held te wees en wil hy homself ontdek. “Dié hande is eens…

SÊ DIT SO: a-ma-teur ’n Amateur is iemand wat iets as stokperdjie beoefen en nie as sy werk nie. Iemand wat ’n sport beoefen is ’n amateur tot hy ’n salaris daardeur verdien; dan word hy ’n beroepspeler. Die woord word ook gebruik vir iemand wat nie besonder goeie vaardighede in ’n sekere vakgebied of aktiwiteit het nie, en net bolangs weet hoe om iets te doen. SYFERSTORIES 1 200 Dit is hoe oud die oorblyfsels van ’n moskee is wat in die Negev-woestyn in die suide van Israel ontdek is. Argeoloë het dit as ’n moskee uitgeken danksy sekere kenmerke van die boustyl. Die ontdekking help geskiedkundiges en argeoloë om beter te verstaan hoe die godsdiens van dié streek deur die jare van Judaïsme en Christenskap na Islam verander…

HET JY GEWEET? Dove Cameron is nie die sangeres se regte naam nie. Haar doopnaam is Chloe Celeste Hosterman. Sy het die naam ‘Dove’ gebruik om hulde te bring aan haar pa, Phillip, wat vir haar in haar kinderjare dié noemnaam gegee het. Sy was net 15 toe hy oorlede is. 1 KOEBAAI, DISNEY EN HALLO, SANGWÊRELD Ons het Dove leer ken as die karakters Liv en Maddie in die gewilde Disney Channel-reeks Liv and Maddie. Sy het haar so goed van haar taak gekwyt dat sy in 2018 haar eerste Emmy-beeldjie gewen het vir dié einste rolle. Dove was ook al te sien as Mal in die Descendants-fliekreeks. Deesdae laat sy mense regop sit met haar stem. Die 26-jarige sangeres se onlangse liedjie “Boyfriend” het die een ná die…

BERNICE WEST Die sangeres en haar kêrel van die afgelope drie jaar, die akteur en dramaturg JAN-NES ERASMUS, het onlangs tydens ’n vakansie in Zanzibar verloof geraak. Bernice het snuf in die neus gekry dat Jannes dalk iets in die mou voer toe hy sê hulle moet foto’s op die prentjiemooi strand gaan neem – en dít nadat hulle die vorige aand ook daar foto’s geneem het. “Hy het ’n bietjie gejaag vir die sonsondergang wat my laat wonder het,” vertel sy. Bernice het in trane uitgebars toe hy die jawoord vra toe die son sak. “Jannie het my smaak so goed opgesom met die ring! Wat dit vir my so spesiaal maak, is dat dit iets is wat hy self ontwerp en laat maak het. Daar is net so…

DIE AKTRISE BRYCE DALLAS HOWARD was ’n pragtige strooimeisie in ’n groen rok en met ’n blommekroon op haar kop op haar suster, PAIGE HOWARD, se onlangse troue met die kunstenaar Tim Abou-Nasr. Die ster van Jurassic World Dominion het ’n stralende foto van haar en haar kleinsus, ook ’n aktrise, geplaas by die troue wat in Central Park in New York plaasgevind het. Bryce is nie die enigste ster wat uit die kollig getree het om vir ’n geliefde as strooimeisie op te tree nie. Hier is nog ’n paar wat dit gedoen het. BBRONNE: DAILYMAIL.CO.UK, TODAY.COM, USMAGAZINE.COM, BRIDES.COM, ELLE.COM, PEOPLE.COM, HARPERSBAZAAR.COM…

HY BESKRYF homself as net “’n gewone outjie van Pietersburg”, maar die taak wat nou op sy skouers rus, is allesbehalwe gewoon – om die skoene vol te staan van een van die bekendste maar ook een van die mees omstrede pastore in Suid-Afrika. Nee, sê Retief Booysen, hy het geen begeerte om Andries Enslin as die “nuwe gesig” van die Albertonse LewenSentrum te vervang nie. Tog het hy vanjaar die leisels van dié bekende Afrikaanse gemeentes oorgeneem, drie jaar nadat Andries die kerk onder ’n wolk verlaat het. Bewerings van “wanbestuur” en van ’n “onbetaamlike verhouding” met ’n getroude vrou is teen Andries gemaak, kort voor hy, sy vrou, Vikki, en hul vier kinders hulle in Austin, Texas, gaan vestig het. “Andries was en is steeds die ‘visionêre leier’…

t – teelepel/s e– eetlepel/s k – koppie/s LEMOEN-GEGEURDE BOTTERSKORSIE-SOP met SUURLE-MOEN-EN-TIEMIE-BROODSTOKKIES GENOEG VIR 8 MENSE / BEREIDING: 15 MIN. / GAARMAAK: 45 MIN. SOP ◗ 15 ml (1 e) elk botter en olie◗ 2 uie, gekap◗ 2 knoffelhuisies, gekap◗ 5 cm-stuk vars gemmer◗ 1 kaneelstok (opsioneel)◗ 5 ml (1 t) elk fyn komyn en paprika◗ 15 ml (1 e) geroosterde masala◗ 1 kg geskilde botter-skorsieblokkies◗ 500 ml (2 k) elk hoenderaftreksel en rooibostee◗ fyngerasperde skil van 1 lemoen◗ 30 ml (2 e) lemoen-sap◗ 30 ml (2 e) meel◗ 1 x 400 ml-blik klappermelk of 250 ml (1 k) room◗ sout, na smaak BROODSTOKKIES ◗ 1 baguette of 1 cia-batta, in dun skywe gesny◗ 125 ml (½ k) botter◗ fyngerasperde skil van 1 suurlemoen◗ 4-6 knoffelhuisies, fyngekap◗ 15 ml (1…

‘DIS OOK OUKEI AS JY ’N DAG BELEEF WAT JY NIE UIT DIE BED UIT KAN OPSTAAN NIE’– IRMA OM TE WEDUWEE V Liewe lesers, As gevolg van die groot getal briewe wat ek die afgelope ruk van weduwees ontvang het, het ek gaan aanklop by weduwees wat ek ken. Ek het hulle gevra wat is die een enkele ding omtrent hul weduweeskap wat hulle kan deel met lesers wat hulle in dieselfde bootjie bevind. Ek begin by myself: Die inperking het begin net nadat my man oorlede is. Ek het gou besef om afgesonder te wees van vriende en familie, wat vir my vroeg in my rouproses so onontbeerlik was, kon potensieel ’n groot impak op my hê. Ek het dus ’n plan van aksie saamgestel om my besig…

KREEF 21 JUNIE – 21 JULIE Die subtiele onderstrominge in jou liefdeslewe sal nie vandeesweek by jou verbygaan nie. Probeer die simptome lees soos wat dit opduik, maar op-pas dat jou lewendige verbeelding jou nie dinge laat sien wat nie daar is nie. Dit is basies ’n tyd vir ou wonde heel, hetsy deur verraad of onopsetlike seermaak. Vergifnis is dalk die moeilikste ding om voor te mik, maar dit is ’n seker manier van aangaan en die verlede agterlaat. GELUKKIGE NOMMERS 2, 17, 42, 48, 39, 6 LEEU 22 JUL – 22 AUG Op die beste van tye is dit nie die slimste idee om met vriende sake te doen nie. Jy leer dalk vandeesweek die waardevolle les dat mens nie plesier met sake moet meng nie. Gevolglik kan…

REPUTASIE By ’n spoggerige onthaal stel die sosiale vlinder haarself aan ’n bekende politikus voor. “Ek het al so baie van jou gehoor,” maak sy geselsies. “Dit mag dalk so wees,” antwoord hy, “maar jy kan niks bewys nie!” HESTER, NAMIBIË KATELFIKS Manie se vrou het begin kla dat hy nie meer so liefdevol in die bed is nie, en hy gaan spreek toe sy dokter daaroor. “Jy het onfiks geword, Manie,” verduidelik die dokter. “Ek stel voor jy stap elke dag minstens 5 km, ek is seker jou prestasies sal verbeter.” Ná 10 dae bel die dokter vir Manie. “Hoe gaan dit nou met jou en jou vrou se liefdeslewe?” wil hy weet. “Nee, hoe kan dokter nou so iets vra?” kom die antwoord. “Ek volg mos jou raad…

Die eerste tennistoernooi by Wimbledon het op 9 Julie 1877 afgeskop. Dis deur die All England Croquet and LawnTennis Club aangebied, enWimbledon was toe ’n buurt aan die buitewyke van Londen. Die klub is al in 1868 daar gestig, oorspronklik om croquet te bevorder, maar hulle het later tennis begin aanbied toe die sport ál gewilder geword het. Daar het 22 amateurspelers (Sien Woord van die Week) ingeskryf vir die eerste toernooi, wat net ’n manskompetisie was, maar net 21 van hulle het opgedaag. Die eindstryd is aanvanklik vir Maandag 16 Julie geskeduleer, maar moes geskuif word toe dit op dié dag reën. W. Spencer Gore het die eerste Wimbledon maklik gewen. In 1884 is ’n vrouetoernooi ook ingestel, en die nasionale mansdubbelspelkompetisie is ook by Wimbledon gespeel. Hierdie beroemde…

FLIEK STREET GANG: HOW WE GOT TO SESAME STREET VIR OUDERDOMME: 10+ KYK DIT OP: SHOWMAX Wie ken nié Sesame Street nie? Dié reeks is die kinderprogram met die meeste kykers in die wêreld. Dit het al ’n rekord 214 Emmy-pryse en 11 Grammys gewen en spog met twee sterre op die Hollywood Walk of Fame. As jy of jou ouers met die reeks grootgeword het, is dié dokkie ’n moet-sien. Dit gaan oor die program se beginjare in 1969 en hoe dit die afgelope vyf dekades jong kykers se lewens verander het. Kan jy glo 150 miljoen kinders het al Sesame Street op TV gekyk? Dis in 70 tale wêreldwyd te sien – ook hier in Suid-Afrika. REEKS JURASSIC WORLD: CAMP CRETACEOUS VIR OUDERDOMME: 10+ KYK DIT VANAF 21…

HY DRAF dalk deesdae vir die rugbyklub Gloucester in Engeland uit, maar toe die voormalige Leeuslosvoorspeler RUAN ACKERMANN onlangs afhaak met sy meisie, die model KIRSTY O’CONNELL, het die twee dit hier op Suid-Afrikaanse bodem op die Bosjes-trouvenue buite Worcester gedoen. Om ’n troue te beplan terwyl jy in die buiteland woon kom beslis nie sonder uitdagings nie, maar Kirsty het elke oomblik daarvan geniet. “Ek het die troubeplanning baie geniet en het soveel liefde en detail in elke stap van die beplanning ingesit,” vertel sy. Hul groot dag was “geseënd en vol liefde”, sê die paartjie. Hulle het voor 50 gaste trou aan mekaar beloof. Om sy spanmaat en goeie vriend, Jaco Kriel, as ’n strooijonker te hê was baie spesiaal, vertel Ruan. “Jaco is al deur soveel aan…

TYD vir die wittebrood! Byna drie maande nadat BROOKLYN BECKHAM en die aktrise NICOLA PELTZ in April op die glansryke Palm Beach in Florida afgehaak het, hou die pasgetroudes nou vakansie in die weelderige Saint-Tropez in die suide van Frankryk. Die egpaar, wat albei sedert hul troue die van Peltz-Beckham aangeneem het, het dolverlief gelyk terwyl hulle die stad verken het. Op een van hul daguitstappies het die twee middagete by Club 55, ’n deftige hotel langs die strand, geëet. Brooklyn (23) en Nicola (27) gebruik sosiale media om hul aanhangers op hoogte van hul reise te hou en het ’n mooi oomblik van die restaurant af met hul volgelinge gedeel. ’n Kunstenaar het die Elvis Presley-lied “Can’t Help Falling In Love” begin sing terwyl hulle aan die eet was.…

WANNEER presies dit gebeur het, kan sy vandag nie meer onthou nie – maande later maak die dag en tyd in elk geval nie saak nie. Iets het aan haar gemoed gekrap, onthou sy nog. Eintlik weke aanmekaar. En die skielike besef was nes ’n skoot yskoue water in die gesig: Sy het die vrou in die spieël nie meer herken nie – en daar was niks meer van haar oor om te gee nie. “Ek het nie meer geweet wie ek is nie,” sê die aktrise Angelique Gerber (39) vandag. “Ek was 38 jaar oud en ek het myself nie meer geken nie. En dít was vir my ’n wekroep. Ek wou myself weer vind; ek wou weer seker wees oor wie en wat ek is.” ’n Jaar gelede…

JY HOEF nie ver te soek vir hartseer verhale oor kinders wat weens leeruitdagings deur die krake van ’n veels te onbuigsame opvoedingstelsel val nie. Maar tog is daar opvoeders met die regte hart en wil om hul lewens aan dié kinders te wy – mans en vroue wat hul gewig in goud werd is. Mense soos Jevonn Cloete (29), die waarnemende adjunkhoof van die Rusthof-leerondersteuningskool in die Strand, wat onlangs benoem is vir die Afrika-unie se prys as beste opvoeder op ons vasteland. Hy is een van net twee Suid-Afrikaners in die wedloop om dié eer. En luister jy na Jevonn se lewensverhaal kom jy gou agter: Spesiale onderrig is inderdaad sy roeping eerder as beroep. Want was dit nie vir een onverwagte oomblik nie, vertel hy, was hy…

FEDORAS Fedoras is ’n deftiger opsie vir jou hoedekas. Dit gee dadelik ’n tikkie sjiekheid, byderwetsheid en elegansie aan winterrokke en jasvoorkomste. Belê in fedorahoede van nubuck of vilt in neutrale kleure om dit maklik saam met jou winteruitrustings te meng en pas. ARMMANS-PETTE Voeg ’n bietjie Europese flair en styl by jou voorkoms met ’n treffende retro-armmanspet. Dit gee jou uitrustings ’n speelse en sjiek afronding. Kies effekleure in tweed of kunsleer, of staan uit met versierde pette. Dra dit by ’n vroulike rok of langbroek-en-jaskombinasie vir ’n moeiteloos afgeronde voorkoms. MUSSE Hierdie eenvoudige en klassieke winterstaatmaker is die beste manier om jou kop in styl warm te hou. Van kabels tot pompoms en riffels, musse in alle kleure is ’n moet vir jou klerekas en ideaal om informele…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel Die gewilde Real Housewives-franchise het in 2006 in die skatryk Orange County in Kalifornië begin. Nou, 16 jaar later, is dit wêreldwyd supergewild met 21 uitloperreekse oraloor. Hier op eie bodem het ons al die weelderige lewens van Suid-Afrika se eie skatryk vroue in The Real House wives of Durban en The Real Housewives of Johannesburg leer ken. Nou is dit Kaapstad se beurt. Ontmoet die sewe vroue wat vir al die drama gaan sorg: ■ BEGIN SONDAG 10 JULIE OM 19:00 OP MZANSI MAGIC (DSTV-KANAAL 161) BEVERLEY STEYN Dié entrepreneur en sakevrou is in KwaZulu-Natal gebore en het vyf jaar gelede Kaap toe verhuis. Sy het ’n swak vir ontwerpershandelsname,…

EK HET op my lessenaar drie nuwe boeke deur die geliefde skrywer Helene de Kock: Elisabet se oorlog, Stella en Keur 7. Ek vra haar hoe dit voel om haar boeke só gereeld in winkels te sien. “’n Mens is net baie dankbaar. Ek besef goed dat alles net genade is,” sê sy. “Dit bly nuut en lekker.” Helene woon in Midstream naby Pretoria saam met haar man, dr. Jos de Kock, en hulle het drie kinders. Helene het aan Tukkies studeer en het ’n Ph.D. in skryfkuns aan die Noordwes-Universiteit verwerf. Sy skryf voltyds en vertel die skrywery het al in haar tweede jaar (1963) op universiteit begin toe sy vir Huisgenoot kortverhale geskryf het. “Ek het in alle erns in my 30’s begin skryf ná die geboorte…

GROOT BLOKRAAI NO 2 448 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter soort vaartuig is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan…

1 Wat is die hoofstad van Australië? 2 Wie is dié SA swemmer wat by die Spele in Tokio ’n goue medalje gewen het? 3 In watter land het die gedigvorm die haikoe ontstaan? 4 In watter land is kimchi – gefermenteerde kool – ’n belangrike deel van mense se daaglikse dieet? 5 Wie is tans Suid-Afrika se minister van gesondheid? ANTWOORDE  1 Canberra 2 Tatjana Schoenmaker  3 Japan. ’n haikoe bestaan uit 17 lettergrepe. 4 Albei Koreas, Noorden Suid.  5 Dr. Joe Phaahla BRONNE SPACE.COM, NYTIMES.COM, NETWERK24.COM, THEGUARDIAN.COM, KIDSNEWS.COM.AU, HISTORY.COM, COLLINSDICTIONARY.COM, SCIENCEALERT.COM…

SY KLIEF deur die glashelder water voor sy met moeitelose grasie aan die einde van elke lengte omdraai. Heen en weer, tot haar hand triomfantelik aan die swembadrand raak en sy na die groot digitale telbord opkyk. Nog ’n oorwinning in die sak vir die belowende jong middel-afstandswemmer. So het menige aanhanger al vir Lia Thomas, die ster van die Universiteit van Pennsilvanië se swemspan, in aksie gesien. Maar nou lyk dit asof haar blink toekoms kan verdamp. Ingevolge ’n nuwe beslissing deur Fina, die internasionale beheerliggaam vir watersport, sal Lia (22) nie aan toekomstige kompetisies vir vroue mag deelneem nie. Die rede? As transgender atleet het sy volgens die owerhede haar geslagsoorgang te laat in haar lewe gemaak om as vrou te mag meeding. Volgens die beleidsbeslissing kan transgender…

Die Sharks-rugbyspeler CURWIN BOSCH en sy meisie, ASHLEIGH FRANCIS, het onlangs sy 25ste verjaardag met ’n romantiese naweekwegbreek by die Springbok Lodge op Ladysmith in KwaZulu-Natal gevier. “Ons kon nie vir ’n meer ontspannende of vervullende tyd weg gevra het nie. Om in die natuur te wees skep vir ons so ’n rustigheid,” sê Curwin. Die lekkerste deel was om soggens op wildritte te gaan en die Groot Vyf te sien. “Daar is niks beter as om na ’n sonsopkoms in die bos te kyk met ’n koppie koffie in die hand nie. Die aandete onder die sterre was onvergeetlik en die beesstertpotjie was die kersie op die beste verjaardag.” Hulle is al byna ’n jaar saam en hoop om in die toekoms meer saam te reis. “Ash is beslis…

1 CHARLENE EN ALBERT VIER HUL HUWELIKSHERDENKING PRINS ALBERT (64) en prinses CHARLENE (44) vier hul 11de huweliksherdenking – ten spyte van al die bespiegeling oor probleme tussen hulle. Vroeër vandeesmaand het Monaco se koninklike egpaar ’n nuwe foto bekendgestel om die mylpaal te gedenk. Op die foto hou hulle hande vas in die paleistuin. Die prinses lyk asemrowend in ’n blougroen, vollengte plooirok deur Louis Vuitton. Charlene het die foto op Instagram gedeel met die byskrif “Gelukkige huweliksherdenking” en ’n hartjie-emoji daarby. 2 HUL PAAIE SKEI ANNA KENDRICK en BILL HADER het blykbaar uitgemaak. Bronne beweer die akteurs het hul verhouding van byna twee jaar net so stil beëindig soos wat dit begin het. Dit is onbekend wanneer hulle amptelik begin uitgaan het, maar ’n bron na aan die twee…

MEGAN FOX (36) het onthul sy en haar verloofde, MACHINE GUN KELLY (MGK), kry professionele hulp om hom sy probleme te help oorkom. “Ons het elke vorm van terapie onder die son beproef,” sê die aktrise. “Party daarvan is baie moeilik. Ons terapeut sê ’n verhouding is basies die proses van mekaar afbreek, maar die meeste mense het nie die hulpmiddels om mekaar weer op te bou nie.” Sy het haar hart oopgemaak nadat MGK (regte naam Colson Baker) in sy Hulu-dokumentêr, Machine Gun Kelly’s Life in Pink, vertel het hy het in Julie 2020 sy eie lewe probeer neem. Hy gee besonderhede van sy stryd met depressie ná sy pa se dood en hoe hy sy eie lewe probeer neem het terwyl hy met Megan oor die foon gepraat…