Innehållsförteckning för 11 August 2022 från Huisgenoot

1 ‘EK IS NIE MEER DIE MEISIETJIE IN 7DE LAAN’ Die aktrise Amalia Uys gesels oor haar rol as die hardekwas Jana Greyling in die M-Net-reeks Desert Rose – en ook oor die naaktonele Briljante reeks met fenomenale akteurs en aktrises. Kan nie wag vir seisoen 2 nie! Dit was net ’n paar sekondes van naaktonele; nie ’n hele reeks daarvan nie. Mense moet dit in die konteks van haar rol sien. Sy was briljant. HENRIËTTE Sy is ’n briljante aktrise. Ek verstaan nie al die kritiek nie. Dit was tog nie naastenby dieselfde as iets soos Fifty Shades of Grey nie, waaroor baie mense gaande was (openlik of in die geheim). Welgedaan, Amalia. MARIE Die reeks en toneelspel was werklik besonders. Maar die naaktonele was onnodig en in swak smaak,…

IS JOU wese jin of jang? Is jy sag dramaties of teatraal romanties? As dit vir jou Grieks klink, het jy nog nie van die Kibbe-liggaamsvormneiging gehoor nie. Van die jongklomp op TikTok tot hul ma’s wat nog op Facebook uithang, probeer hul Kibbe-“beeld-identiteit” bepaal. Dié reeks liggaamstipes strek veel verder as die appel-, peer-en uurglasvorm waarvan jy beslis al gehoor het. Die gier is ’n hedendaagse herskepping van ’n idee wat eintlik al 40 jaar oud is. Dit het ontstaan toe die New Yorkse stilis David Kibbe se boek David Kibbe’s Metamorphosis: Discover Your Image Identity and Dazzle as Only You Can verskyn het. Dié stylbybel van 1987 kategoriseer vroue in vyf “beeld-identiteite”: dramaties, klassiek, natuurlik, seunsagtig en romanties. Die groep waarin jy val, word bepaal volgens hoeveel “jin”-(vroulike)…

Boodskapper Gabriella Berdugo wys hoe meer kleure en patrone, hoe beter. Sy dra ’n pienk uitklokblombroek deur P.A.R.O.S.H., ’n geel Avavav-hemp, pienk Yuul Yie-skoene, ’n groen Chanel-kwilthandsak en ’n Kenzo-sonbril vir ’n fotosessie in Parys. Getooi Die beïnvloeder Emilie Joseph dra ’n groen blokkiestop met pofmoue deur Rejina Pyo saam met ’n denimromp deur Mango, bruin knielengtestewels deur Paris Texas en ’n getooide groen Zarahandsak in haar tuisstad, Parys. Drasak Die stilis Almudena Lapique lyk sjiek in ’n swart rolhalstop en ’n oorgroot blokkiesbaadjie, bypassende kortbroek, ’n neonpers woljas, swart sokkies en insteekskoene by ’n geel Prada-sak vir ’n straatstylfotosessie in Parys. Onderarm Die stilis Ellie Delphine van Parys dra ’n grys sweetpakbroek deur Norma Kamali en oranje oorgroot woljas deur Mariam Al Sibai saam met ’n veelkleurige serp deur…

NOG WENKE VAN DIE KENNERS ◼ Plaas ’n spieël teen ’n muur of langs ’n venster sodat dit die uitsig en natuurlike lig weerkaats. ◼ Verskeie tafel-en vloerlampe en hangligte met sagte lig pleks van skerp oorhoofse lig skep ’n kalm en knus atmosfeer. ◼ Moenie muurkuns ver uitmekaar spasieer nie. Rangskik ’n paar daarvan saam – dit het groter trefkrag en laat die ruimte minder vol voel. ◼ Beddegoed kan ’n reuseverskil maak, nie net aan die voorkoms van jou slaapkamer nie, maar ook die gehalte van jou slaap. Dit is ’n praktiese en nodige verbetering vir jou huis. ◼ Die byvoeg van bêreplekke soos stoele en skinkborde kan die hele voorkoms opkikker – jy kan jou afstandbeheerder saam met kerse of blomme op ’n koffietafel rangskik. ◼ Verhelder…

● Jy wonder of jou bobene groter is as jou vriendin s’n. ● Jy raak obsessief oor jou vriendin se versorgde wenkbroue en is bekommerd dat joune ’n bietjie yl lyk. ● Jy is jaloers wanneer jy ’n kollega se nuwe motor sien. ● Jy raak op Oujaarsaand bedruk omdat jy nie die afgelope jaar genoeg bereik het nie. ● Jy sien ’n vriendin saam met haar maat en dink hulle lyk meer verlief as jy en jou maat. ● Jy voel skuldig wanneer ’n kollega ’n supergesonde middagete werk toe bring. ● Jy voel skuldig as jy iemand verbysteek terwyl julle draf en wonder of hulle jou oordeel. ● Jy kyk altyd hoe oud ’n bekende is as jy ’n onderhoud lees om te sien of hulle ouer of…

LEEU 22 JUL – 22 AUG Kosmiese spanning is duidelik en jy word dalk direk geraak deur die teenwoordigheid van die kosmiese polisieman, Saturnus, en die planeet van rebellie, Uranus. Probeer nie toelaat dat dit jou van stryk bring nie, veral aangesien jy uithouvermoë en veerkragtigheid aan jou kant het. Gelukkig is die liefdesdiva, Venus, ook die diplomaat en maak sy haar vandeesweek in jou teken tuis. Dit behoort baie van die verwagte felheid te demp. GELUKKIGE NOMMERS 8, 30, 51, 52, 44, 27 MAAGD 23 AUG – 22 SEP Gesondheidsverwante kwessies kom dalk vandeesweek onder jou aandag. Dit sal beter wees om voorkomend pleks van regstellend op te tree deur te kyk watter gewoontes wat jou welstand benadeel jy so gou moontlik kan verander. Dit is dalk net wat…

LIEF KARLIEN VAN JAARSVELD & JACOB SWANN Vir die blues/folksanger Jacob Swann se jongste enkelsnit span hy met Karlien kragte saam, en die eindresultaat is ’n liedjie wat die liefde in al sy glorie vier. Die twee musikante se stemme komplementeer mekaar goed en dit het beslis trefferpotensiaal. TIL U ZOE KO Die 21-jarige New Yorker se jongste enkelsnit gaan oor ’n verhouding wat nie uitwerk nie. Nou sit sy met ’n gebroke hart wat sy nie wil hê nie. Dis ’n popliedjie met ’n alternatiewerockgevoel. Haar musiek sal jou herinner aan dié van musieksterre soos Olivia Rodrigo en Tate McRae. INNIE BOLAND MIDDELVINGER, JACK PAROW & YOUNGSTACPT Vir hul jongste snit het die rappers YoungstaCPT en Jack Parow met Middelvinger saamgewerk. Die hip-hop-liedjie is perfek vir daardie sonnige dae,…

KARPROBLEME Toe my tjor die soveelste keer langs die pad gaan staan, laat ek dit na ’n werktuigkundige insleep en staal my vir die ergste toe hy kort daarna bel. Werktuigkundige: “Ons weet nou wat fout is met jou kar. Die goeie nuus is dat die probleem maklik is om te herstel.” Ek: “Wat is die slegte nuus dan?” Werktuigkundige: “Dit gaan jou baie geld kos … Jou brandstof het opgeraak.” WOLLIE, PRETORIA LAASTE RUSPLEK Dominee: “Hoekom so hartseer?” Man: “My hond is dood. Sal Dominee hom asseblief begrawe?” Dominee: “Ek is jammer, broer, ons begrawe nie diere nie. Probeer die AGS oorkant die straat.” Man: “Goed, maar dink dominee hulle sal ’n donasie van R10 000 aanvaar?” Dominee: “My maggies, broer, kom sit. Pleks jy sê dis ’n NGhondjie!”…

GOEDVOELMUSIEK Teen dié tyd het jy seker al êrens Nicky se jongste treffer, “Sunroof”, gehoor. Dis al meer as 176 miljoen keer op Spotify geluister, dis in 7,3 miljoen TikTok-video’s gebruik én het onlangs die no. 17-plek op die Billboard Hot 100-trefferlys in Amerika gehaal. En dis maar net die tweede liedjie wat dié sanger van Kalifornië tot dusver uitgereik het. “Ek wou hê die liedjie moet aansteeklik wees en in jou kop vassteek wanneer jy aan iemand dink,” sê Nicky (22). Wel, dit het hy beslis reggekry. SY INSPIRASIE Hoe het “Sunroof” ontstaan? “Ek was in my slaapkamer op kollege en was regtig siek,” onthou hy. “Ek wou iets maak wat my goed sou laat voel. Ek was toe net op die punt om klaar te maak met kollege,…

Op huisgenoot.com kan kinders nou die nuwe aanlyn Afrikaanse kinderprogram Die Babbelbende kyk. In dié videoreeks ondersoek die karakters Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer leer oor ons wonderlike wêreld. Besoek huisgenoot.com, kies dan “HG Junior” en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is sowat 12 minute lank. Op naweke deel ons aanlyn ’n omnibus van vyf episodes. Huisgenoot.com is deel van Netwerk24, en jy moet registreer om die episodes van Die Babbelbende te kyk. Besoek netwerk24.com om te registreer of laai die app in jou app-winkel af. Kom leer ken Die Babbelbende – en geniet hul vrolike…

KARLIEN VAN JAARSVELD ■ Hoe voel dit om deel te wees van die nuwe seisoen? Dit het nogal gekom as ’n verrassing. Ek het gevoel ek is amper te oud vir dit, maar hier gaan ons! ■ Watter jaar het jy die eerste keer deelgeneem, en wat het jy toe geleer wat jy nou wil toepas? Ek dink dit was 2015 of 2016. Ek kon nie ’n palmblaar in ’n mandjie vleg nie, so ek sal moet leer vleg. ■ Wat is jou grootste sterkpunt en waarna soek jy in ’n spanmaat? Ek kan goed luister en hou daarvan om saam met mense te werk. Ek soek iemand met ’n goeie geheue wat puzzles kan bou en swem. ■ Wie dink jy sal jou grootste kompetisie wees? Die aanbieder Jonathan…

SY IS seker een van die bekendste blondines wat daar al ooit was – Marilyn Monroe. En nou kry die aktrise ANA DE ARMAS kans om dié Hollywood-ikoon se skoene vol te staan in Blonde, die eersdaagse biofliek gegrond op Joyce Carol Oates se topverkoperroman wat die lewe van Norma Jeane herverbeel. Maar nadat Netflix die lokprent gedeel het, het talle op Twitter na die aktrise gekap wat vir die rol gekies is. Sommige het die 34-jarige Ana se Kubaanse aksent gekritiseer, terwyl ander meen “sy lyk glad nie soos Marilyn Monroe nie”. Ana, ’n Golden Globe-benoemde aktrise wat in 2015 leer Engels praat het, het “’n jaar lank” die legendariese blonde aktrise se Hollywood-aksent met die dialek-afrigter Jessica Drake probeer vervolmaak. Die regisseur Andrew Dominik het vinnig gereageer en…

ELKE aand trek hy sy selfoon nader en begin nog ’n dagboekinskrywing. Aand ná aand, al 652 dae lank. Daar is een inskrywing vir elke dag sedert 17 Oktober 2020 toe sy gesin se lewe onherroeplik verander het. Alrich Willis begin sy inskrywings meestal só: “Goeienaand almal, net ’n bietjie nuus oor Chelse se vordering vandag, met geen klagtes van enigeen van ons by die huis nie.” Dan dokumenteer hy die klein vorderings wat sy dogter, Chelse-Leigh, daardie dag gemaak het. “Hierdie video is gisteraand van Chelse geneem waar sy haar kop vir meer as vyf minute regop gehou het.” Of: “Sy het kos met rys in geëet. Dit het goed gegaan, sy het net lank gevat om die rys te eet omdat sy nog nie gewoond is aan vaste…

t – teelepel/s e – eetlepel/s k – koppie/s YOLANI is ’n fyngebaksjef en mede-eienaar van die restaurant Kole & Deeg op Tulbagh. Sy was voorheen die aanbieder van Spyskaart op SABC2 en is deesdae medeaanbieder van Kookpunt op VIA (DStv-kanaal 147) saam met die sjef en restauranteienaar Chris Erasmus. Yolani kook graag plantgebaseerde geregte tuis saam met haar sjef-man, Anwar Abdullatief, en sy hou daarvan om met nuwe geure te eksperimenteer. In haar volgende lewe sou sy graag ’n veganis wou wees. GEKRUMMELDE STOKVIS en SALSA GENOEG VIR 4 MENSE / BEREIDING: 20 MIN. / GAARMAAK: 4 MIN. ◗ 150 g fyn klapper◗ 50 g panko-brood krummels◗ sout en peper na smaak◗ 250 ml (1 k) meel◗ 2 eiers geklits◗ 150 g vars stokvisfilette◗ olie vir diepbraai SALSA ◗…

Produkte beskikbaar vanaf 9 Augustus 2022, slegs in uitgesoekte winkels en aanlyn by mrpricehome.com Ondernemend en dapper is waaraan ons dink wanneer ons hierdie colab-reeks bewonder. Ons het geweet Adene sal nommerpas wees vir ons Vrouedagreeks – sy is 'n ongelooflik inspirerende sakevrou wat ses jaar gelede haar eie blommeplaas in haar agterplaas begin het, wat sedertdien in 6 hektaar blomme en ’n florerende plaaslike besigheid ontluik het! Die inspirasie agter die reeks is ’n kombinasie van Adene se twee passies – blomme en fotografie. Dahlias – Adene se gunstelingblom – vertoon opvallend op die ontwerpe en gee aan die reeks 'n vroulike en romantiese gevoel. “Ek het altyd geweet ek wil vir myself werk … Ek hou daarvan om vry te wees om my eie visie te volg.” Staan…

Vir ons Vrouedag-colab het ons saam met Keneilwe verdwaal in 'n mistieke, magiese wêreld. Keneilwe se unieke perspektief op kreatiwiteit was inspirerend en het gelei tot 'n reeks wat die verbeelding vrye teuels gee. Keneilwe is 'n liefhebber van lewenslange leer en ontwikkeling wat ʼn weerspieëling is van haar reis as ʼn kunstenaar. Haar kuns neem die vorm aan van wisselende selfportrette wat die krag en skoonheid van vroue verteenwoordig. Keneilwe put inspirasie uit die wêreld om haar, die mense daarin en haar selfontwikkeling. Wispelturigheid en fantasie ontmoet in hierdie reeks wat ook elemente van grunge vertoon. Volg haar by @ke_neil_we “My kreatiewe proses is radikaal intuïtief.” Produkte beskikbaar vanaf 9 Augustus 2022, slegs in uitgesoekte winkels en aanlyn by mrpricehome.com Staan ’n kans om te WEN! BESOEK ONS OP…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘MY HART WAS GEBROKE OOR MY VROU, MAAR EK HET ANDER BLY HELP’– WEWENAAR MAN ALLEEN NÁ MAAT SE DOOD Weduwees het onlangs hul ervaring in hierdie rubriek gedeel om die pad vorentoe sonder ’n geliefde huweliksmaat vir ander makliker te probeer maak. Vandeesweek is dit die wewenaars se beurt. Kenners sê mans ervaar die verlies van ’n huweliksmaat baie anders as vroue omdat…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel KOM ONS BRAAI: CELEBS Kookprogram. In hierdie uitloperreeks van die supergewilde Kom ons braaireeks spook twee gesinne dit uit om as die braaikampioene aangewys te word. Daar is ’n kinkel: In elke episode kom klop bekende glanspersoonlikhede aan die deelnemers se deure en kuier saam om die braaivleisvuur om hul geregte te beoordeel. In die eerste episode word die vure in Krugersdorp en op Hartbeespoort aangesteek. Die Scholtz-gesin sit paptert en skaaptjops voor, terwyl die Liebenbergs skaaprib en picanha op die kole gooi. En die bekende gesigte wat ’n draai kom maak om hul kos te proe? Niemand anders nie as die sangers Gerhard Steyn en Jay du Plessis. Ander sterre…

‘N PADDA wat in ’n kastrol kookwater gesit word, spring blitsvinnig uit. Navorsers het egter bevind as jy ’n padda in ’n kastrol koue water sit en die hitte bietjie vir bietjie opdraai, pas sy inwendige termostaat met verdrag daarby aan. Eindelik brand die padda dood. So verduidelik Cathy Park Kelly die titel van haar roerende, ontstellende en eindelik hoopgewende boek. Sy het dit aanvanklik vir haarself geskryf kort nadat sy by die man weg is wat haar mishandel het. Sy wou probeer sin maak van wat sy deurgemaak het. “Ek het die dagboeke gelees wat ek gedurende ons agt jaar lange verhouding geskryf het en ek het besef ek wou dit wat ek geleer het met ander mense deel. Ek wou iets nuttigs maak van daardie hoofstuk in my…

GROOT BLOKRAAI WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. NO 2452 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: Watter taal is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na media24shop.com,…

GEBOELIE, NES TERENCE Kyle (20) is van Bredasdorp in die Wes-Kaap, maar woon deesdae in Kaapstad. Hy was al in die Netflix-trefferreeks Blood & Water te sien, maar is veral bekend vir sy rol as die leerder Terrence Prinsloo in Arendsvlei. “Terrence is in matriek aan die Hoërskool Arendsvlei en sukkel om vriende te maak en hy word geboelie,” vertel Kyle. “Ek is ook op skool geboelie, so die karakter is baie na aan my hart. Mense hou van Terrence en dit maak my gelukkig.” SUPERSNAAKS ÉN GEWILD Terrence begin nou ál snaakser word, sê hy. Kyle geniet komedie en dis juis sy snaakse kant wat hom so gewild maak op TikTok nadat hy in 2018 by dié app aangesluit het. “Ek wys my persoonlikheid op my TikTok-profiel. Dis waar…

KORING word in feitlik alle wêrelddele as een van die heel belangrikste grane verbou. In Suid-Afrika is dit ná mielies die graangewas wat die tweede meeste gekweek word. Baie dinge wat ons daagliks geniet, word van koring gemaak: brood, ontbytkos, pasta en koek, om maar ’n paar te noem. Hier’s ’n blitskykie na hoe “die goue graan” verbou word. DIE SEWE STAPPE 1 VOORBEREIDING VAN DIE LANDERYE Die grond kan met ’n ploeg en trekker omgedolwe word om dit in kleiner stukkies op te breek en onkruid te help verwyder. Vandag word sade dikwels direk geplant met moderne plantmasjiene wat gelyktydig plant en bemes – dus sonder dat daar eers geploeg word. 2 SAAITYD ● Koring word verbou uit saad wat met ’n plantmasjien geplant word. Hiermee kan vore (slote) in die…

HULLE is bleeksiele met ambisie; die baanbrekers in die binnekring wat die koers van ons lewe in die internet-era bepaal. En terwyl die innoverende idees van ouens soos Elon Musk, Sergey Brin, Jeff Bezos, Mark Zuckerberg en Bill Gates ons wêreld verander het, het hulle so skatryk geword dat hulle oënskynlik enigiets kan kry of doen wat hul hart begeer. En dís volgens kritici nie altyd die toonbeeld van mooi, edel, ordentlike óf aanvaarbare gedrag nie. Want, blyk dit, van die grootkoppe van Silicon Valley gedra hulle soms maar bra sleg. Die jongste berig oor die manewales van die tegnoreuse behels ’n beweerde affair tussen die Tesla-en SpaceX-baanbreker Elon Musk (51) en Nicole Shanahan (33), die vrou van die Googlemedestigter Sergey Brin. Die publikasie The Wall Street Journal (WSJ) het…

1 SJOE, CINDY, WAT ’N LYF! Daar is al 30 jaar verby sedert sy een van die wêreld se bekendste supermodelle was, maar ’n mens sou dit skaars kon raai as jy na ’n onlangse bikini-selfie van CINDY CRAWFORD (56) kyk. Op die foto staar die ma van twee smeulend in die verte terwyl sy in ’n swart bikini poseer wat haar plat maag en lenige bene vertoon. Dit is in die suide van Frankryk geneem, waar sy saam met haar man van 24 jaar, die sakeman en gewese model Rande Gerber (60), vakansie hou. 2 EERSTE MAN SÊ DIT SAL NIE HOU NIE Bennifer 2.0 is tot egskeiding gedoem, sê JENNIFER LOPEZ (53) se eerste man. OJANI NOA (48) beweer sy eksvrou “is lief vir verlief wees”, maar verloor belangstelling wanneer…

‘SUZIE,” staan dit in rooi drukletters op haar boksbroekie geskryf toe sy in die kryt klim. En dan reën die houe neer. Daar in die bokskryt dink sy met elke hou wat val aan die magtelose vrou wat destyds deur haar eie man tot ’n bloederige pappery geslaan is. Suzie was haar ouma, vertel die aktrise Angelique Gerber ná die tyd. Sý was die magtelose vrou wat jare lank wreed deur haar man mishandel is; so wreed dat sy soms weke lank donker kneusplekke aan haar lyf moes verbloem. Daarom wou die trane net nie ophou val toe Angelique op 30 Julie as die wenner van ’n spanningsvolle boksgeveg tussen haar en die sangeres Tasché aangewys is nie. Sy het ter wille van ’n geldinsameling vir liefdadigheid in die kryt…

AS SESJARIGE dogtertjie het sy verwonderd deur die venster van die hofgebou op Umzinto aan die suidkus van KwaZulu-Natal geloer na die mans met hul swart togas en strak gesigte wat binne met gewigtige sake besig was. “Ek het vir my pa gesê ek wil die persoon in daardie toga wees,” onthou sy, “en hy’t vir my gesê: ‘Dis ’n staatsaanklaer.’ En dit was dit. Ek het van daardie dag af nooit van plan verander nie.” Vandag, op die ouderdom van 51, is adv. Andrea Johnson al deeglik bekend met die verantwoordelikhede wat jy saam met daardie toga dra. En nou is sy gewikkel in wat bes moontlik die belangrikste en uitdagendste opdrag van haar regsloopbaan sal wees. Die eens verwonderde dogtertjie is pres. Cyril Ramaphosa se keuse as nuwe…

RAAK KREATIEF MET KLEUR Ek is dol oor kleur! Dit is net iets wat my gelukkig maak. Maar dit beteken nie ’n Smartieboks vol lukrake kleure nie. ’n Maklike truuk wanneer jy kleur in ’n ruimte gebruik, is om ’n streng kleurpalet te gebruik: Kies een dominante kleur (byvoorbeeld blou) en twee sekondêre kleure (byvoorbeeld geel en groen). In hierdie scenario kan jy ’n pragtige helderbou aksentmuur verf en die blou op ’n paar strooikussings, mat of rusbank herhaal-en sodoende die blou die dominante kleur maak. Gebruik geel as ’n warm wit aan die res van die mure en voeg ’n spatsel heldergeel by in ’n dekoritem of twee om die geel muur te komplementeer. Kies groen met plante en dalk muurkuns. Gebruik skakerings en teksture van elk. Nou het…

Produkte beskikbaar vanaf 9 Augustus 2022, slegs in uitgesoekte winkels en aanlyn by mrpricehome.com “’n Mens kry altyd daardie stukkie waarna jy op soek is in Mr Price Home.” Deur die jare het Adene haar sakeonderneming plaaslik uitgebrei in ʼn grootliks mansbeheerde boerderybedryf, maar telkens bewys dat haar florerende onderneming ʼn suksesverhaal is. Adene beplan om haar blommeryk oorsee uit te brei en haar pragtige blomme met die res van die wêreld te deel. Volg haar by @adeneflowers…

SOMS voel dit dalk vir jou of jy begrawe word deur die maandelikse taak om jou rekeninge te bestuur. En dan is dit mos alte maklik om daardie koevert of e-pos vir later te los. Maar voor jy jou kom kry, is die betaalsperdatum verby en dan het jy ’n groter ergernis. Weens laat betalings kan jy ’n boete op die lyf loop, en dit mors natuurlik met jou begroting as jy volgende maand dubbel moet betaal omdat jy agter is met ’n paaiement. En hoe later hoe kwater, want jou rente hoop op. Moenie vir jouself sê jy is nie in staat om jou rekeninge te administreer nie. Hierdie vyf wenke maak dit maklik. 1 BÊRE AL JOU REKENINGE OPEEN PLEK Die meeste mense kry deesdae hul rekeninge per e-pos,…

WAAROOR GAAN DIT? Die Oscarbekroonde rolprentmaker Chris Williams, wat verantwoordelik was vir lokettreffers soos Bolt (2008), Big Hero 6 (2014) en Moana (2016), is die regisseur van dié animasieprent. In ’n era toe angswekkende gediertes die see bewandel het, was monsterjagters gevierde helde – en niemand was meer geliefd as die groot Jacob Holland (stem verskaf deur Karl Urban) nie. Maar toe die jong meisie Maisie Brumble (Zaris-Angel Hator) haar op sy legendariese skip versteek, sit hy met ’n onverwagte bondgenoot opgesaal. Saam gaan hulle dan op ’n epiese reis na ongekende waters en maak sommer saam-saam geskiedenis. WAT ONS DAARVAN DINK Dié fliek is vir enigeen ouer as 10. Maar dis nie oor enigiets vreemds nie; dis oor die ryk storie wat ’n bietjie meer ingewikkeld is vir dié…

1 Waar of onwaar: Ysberge word van soutwater gevorm. 2 As 27 jelliebone gelykop tussen drie mense verdeel word, hoeveel sal elke mens kry? 3 Aan watter land is pandas inheems – China of Japan? 4 Teen wat beskerm die nette in die see by Durban swemmers? 5 Watter orgaan pomp bloed deur die liggaam? ANTWOORDE 1. Onwaar – ysberge word uit vars water gevorm. 2. 9 3. China 4. Haaie 5. Die hart BRONNE BUSINESSINSIDER.CO.ZA, THEGUARDIAN.COM, EDITION.CNN.COM, VICE.COM, KEW.ORG, KIDS.BRITTANICA.COM, DAILYMAIL.CO.UK…

JASON WEBB (28), JOHANNESBURG, SA SE “DRIFTING”-KAMPIOEN ‘EK HET nie met speelgoedkarretjies gespeel toe ek klein was nie. Ek het met die regte goed gespeel. My pa het ’n werkswinkel in Kaapstad gehad en het dit steeds. Elke dag ná skool, naweke en skoolvakan-sies het ek my pa in die werkswinkel gehelp met die karre en sy gereedskap vir hom aangegee. Ons was byna elke naweek by die renbaan en selfs in die week soms. My familie is groot op motorsport, en vandat ek kan onthou, was ek maar altyd by ’n baan iewers. My broer het motocross gedoen. So, toe ek ’n baba was, was ek en my ouers en broer by die baan. Ek is gebore in dit, maar ek het nooit gedink ek sou in drifting ingaan…

BILL GATES Die Microsoft-stigter moes al heelwat ongemaklike bewerings trotseer. Toe sy huwelik van 27 jaar met Melinda verlede jaar skielik geëindig het, is Bill (66) met bewerings oor kaal swembadpartytjies, ontkleedanseresse en ontrouheid gekap. As ’n Harvard-student het hy graag “in Boston se berugte Combat Zone met sy pornovertonings, ontkleeplekke en prostitute” uitgehang, sê Bill se biograaf, James Wallace. Toe Bill na Seattle getrek het om Microsoft te begin, het hy “wilde vrygeselpartytjies” by sy huis gehou en “danseresse van kaalbasklubs gehuur om na sy huis te kom en kaal saam met sy vriende in die swembad te swem”, skryf James. ANDY RUBIN Die man wat die Android-slimfoonsagteware uitgevind het, is by Google – wat sy maatskappy gekoop het – in die pad gesteek ná ’n ondersoek in 2014…

DIE wêreld se knieë was lam die oomblik toe hy sy eerste verskyning op die silwerdoek maak. Daardie ondeunde oë, die gebeitelde spiere, die charisma, die skewe glimlag … Wie kon Thelma verkwalik toe sy halsoorkop op hom verlief raak, al was hy toe al die tyd ’n skobbejak wat al haar geld gesteel het? Brad Pitt (58) het dalk net ’n klein rol in die kultusfliek Thelma & Louise gehad, maar dit was genoeg om ’n voet in die deur te kry – en van daar was dit al die pad boontoe. Hy het ons meegevoer in Troy, laat lag in Moneyball, laat huil in Legends of the Fall, ons het hom ondersteun in Fight Club en was saam met hom met afgryse vervul in Seven. En nou verkyk…

Besoek eisteddfod.huisgenoot.com om aanlyn deel te neem. Jou deelname gee jou toegang tot ’n unieke meesterklas vir die afdeling waarvoor jy inskryf. In dié aanlyn klas deel ’n topkunstenaar wenke, voorbeelde en omvattende inligting wat jou sal help om jou talent te slyp en voor te berei vir jou optrede. Daar is vier afdelings: Prosa, Poësie, Sang en Redenaars, en jy kan vir net een afdeling inskryf of meer as een kategorie. Toegang tot elke aanlyn meesterklas en deelname kos R120. Jy kan jou video van jou optrede direk op die webblad laai. Dit sal gesluit wees vir die publiek en net die beoordelaars sal daarna kan kyk. Die beoordelaars sal na afloop van die kompetisie na alle deelnemers se optredevideo’s kyk en toekenningsertifikate uitreik. Kategoriewenners wen elk R1 500…

NOT OKAY-PREMIÈRE, NY NOPE-PREMIÈRE, LONDEN UNICEF-GALA, CAPRI HOUSE OF THE DRAGON-PREMIÈRE, LA SURFACE-PREMIÈRE, NY…