Innehållsförteckning för 25 August 2022 från Huisgenoot

1 ‘JY KAN GLIMLAG DEUR JOU PYN’ Chester Williams se 52ste verjaardag was moeilik vir sy vrou, Maria. Sy en hul kinders mis hom elke dag, maar probeer gelukkig wees Maria, ek weet hoe lief jy en Chester vir mekaar was. Ek het op my rusdae by Panorama-apteek gewerk. Eers vir jou leer ken en later julle twee saam. Wat ’n stunning paartjie. SARIEN “Gone but not forgotten.” Hy was ’n ware sportlegende en het ’n pragtige siel gehad. Mag jy vrede vind, en mag die pragtige herinneringe aan jou lewe saam met Chester jou voed. God se seën aan jul familie. BERONICE As jy nog nooit jou lewensmaat verloor het nie, sal jy nie die pyn verstaan nie. Ook nie die groot leemte wat dit laat en die eensaamheid nie.…

Sedert sy in April vanjaar teruggekeer het na die openbare oog, het Charlene haar beste voetjie voorgesit met ’n reeks gesofistikeerde en sjiek uitrustings. 1. DIE BESOEK AAN DIE POUS Vir ’n ontmoeting met die pous in Julie het die prinses baie stylvol gelyk in ’n swart midlengterok met deursigtige moue, ’n swart sluier en ’n groot kruishangertjie om die nek. 2. ROOI KRUIS-GALA Sy het koninklik gelyk in ’n blou Prada-rok met ’n fyn blompatroon by die jaarlikse gala in Julie. Sy het daarmee saam ’n vlieëndeskoenlapperhalssnoer gedra deur Van Cleef & Arpels. 3. MONTE-CARLO-TV-FEES Vir die openingseremonie van dié jaarlikse fees in Junie het sy ’n asemrowende groen enkelskouerrok deur Lanvin gedra. 4. F1-GRAND PRIX-UITRUSTING 1 Sy het haar terugkeer in Mei na die jaarlikse F1-geleentheid gemaak in…

Gestoomde MIELIEBROOD LEWER 4 BRODE / BEREIDING: 15 MIN. / GAARMAAK: 40 MIN. ◗ 4-6 soetmielies of mielies met blare, of 6 k suikermieliepitte (vars of bevrore)◗ 125 ml (½ k) suiker◗ 30 ml (2 e) botter of margarien, gesmelt◗ 30 ml (2 e) bruismeel 1 Sny die pitte van die stronke af in ’n mengbak. (Jy sal sowat 6 koppies nodig hê.) Was die blare en sit dit eenkant om die brood in toe te draai. Druk die pitte met ’n houtlepel of vurk fyn tot glad. 2 Voeg die suiker, gesmelte botter of margarien en bruismeel by en meng tot ’n deegagtige dikte. Knie die deeg sowat 10 min. in die bak tot gemeng. 3 Verdeel die deeg in vier stukke en vou elke stuk in ’n mielieblaar…

TROU is nie perdekoop nie, lui die gesegde. Vir bejaardes kan dit selfs ingewikkelder wees omdat hulle reeds ’n lang finansiële geskiedenis het en moontlik kinders wat insae in hul sake wil hê. Hier is vyf dinge om te onthou as julle as senior burgers wil afhaak. 1 WEES EERLIK OOR JUL FINANSIËLE GESONDHEID Op ’n gevorderde ouderdom het enigiemand mos al dekades se aftreespaargeld en bates opgebou, reg? Moenie glo nie. Jy kom dalk te laat agter jou nuwe huweliksmaat het nog bitter min gespaar of het baie skuld maar geen vaste inkomste meer nie. Maak dus eers seker van die volgende: ● Of jou voorgenome huweliksmaat finansieel selfversorgend is of afhanklik van jou gaan wees. ● Het hy/sy ’n neseier? ● Hoeveel skuld het die persoon – en…

AANHANGERS van die trefferreeks Game of Thrones het reg oor die wêreld gejubel toe die nuus bekend word dat ’n uitloperreeks op pad is. En nou, drie jaar nadat ons laas die bloedige intriges van Westeros meegemaak het, is die langverwagte House of the Dragon eindelik hier. Dis gegrond op die skrywer George R.R. Martin se boek Fire & Blood, en vertel die agtergrondstorie van hoe House Targaryen eeue lank die septer in Westeros geswaai het. In Game of Thrones het kykers net twee Targaryens gesien: Viserys (Harry Lloyd), wat deur Khal Drogo (Jason Momoa) doodgemaak is, en Daenerys (Emilia Clarke), oftewel Khaleesi – die Moeder van Drake. Die splinternuwe reeks speel af 200 jaar voor die gebeure in Game of Thrones en gaan ’n bietjie die Targaryens se familiepolitiek…

DIE MEISIE MET UITROEPTEKENS IN HAAR OË EN ANDER STORIES PAN MACMILLAN R99* Dié 28 lekkerleesverhale gaan oor die oomblik wanneer twee mense mekaar vir die eerste keer ontmoet. Jy ontmoet hier interessante karakters soos: ■ Devon Daniels kry nie rigting ná matriek nie, en sy ma, “die networking queen”, kry vir hom werk in die mall. “Voor hy kon sê ‘Maar voete gross my uit’, was hy reeds in die grilgroen hempie met die Shoe Magic-logo op.” Drie weke lank verveel hy hom morsdood – tot ’n meisie in ’n rolstoel kom pienk tekkies soek. ■ Ruan gaan studeer ná skool in Nederland, en toe sy ma laat weet hulle het nie geld om hom vir die somervakansie te laat huis toe kom nie, moet hy vinnig werk soek…

MAAGD 23 AUG – 22 SEP Terwyl jou heersende planeet, Mercurius, deur jou teken beweeg het, het jy waarskynlik goed oor jouself gevoel en ’n oop gemoed gehad. Maar Mercurius verander nou van teken, en dit kan jou dalk eers ’n bietjie ongemaklik laat voel. Voeg daarby ’n gespanne aspek tussen die son in jou teken en die oorlogstoker Mars, en jy kan ietwat senuagtig en prikkelbaar wees. Werkdruk is van so ’n aard dat jy kan voel jy het nie tyd vir bederf nie. GELUKKIGE NOMMERS 23, 35, 44, 51, 39, 32 WEEGSKAAL 23 SEP – 22 OKT Die hoogte-en laagtepunte van vriendskappe sal jou vandeesweek besig hou. Vir jou lyk die lewe op die beste tye soos ’n fyn balans, en jy kan party vriende as veeleisend en…

NOG TEMAS ■ TROOSKOS■ NOMMERPLAATPRET■ BEKENDE JANNE EN JANNIES■ DRANKIES IN LIEDJIES S ROOSNAME■ GELIEFDE TV-REEKSE PLUS ’n spesiale afdeling vir kinders! BESTEL SO BEL 021-406-4962 E-POS koop@huisgenoot.com Gaan na www.media24shop.com…

1 Watter Deense skrywer het kinderstories soos “Die klein meermin” en “Die lelike eendjie” geskryf? 2 Waar of onwaar: Die chemiese element stikstof is ’n metaal. 3 ’n Chauffeur is ’n … 4 Watter een van hierdie vervaardig nie karre nie? A: Ford B: Sony C: Toyota D: Honda 5 Van watter skulpvis kom pêrels? ANTWOORDE 1 Hans Christian Andersen 2 Onwaar. Ditis’ngas. 3 Persoonlike motorbestuurder 4 B: Sony 5 ’n Oester BRONNE NYTIMES.COM, BBC.CO.UK, INDY100.COM, THEATLANTIC.COM, TIMEFORKIDS.COM, SMITHSONIANMAG.COM, NPR.ORG, NATIONALGEOGRAPHIC.ORG, KIDS.BRITANNICA.COM, SCITECHDAILY.COM…

LAVENTEL is ’n blomstruik met amper 50 spesies wat tot die mentfamilie behoort. Die gewone of Engelse laventel (Lavandula angustifolia) is die bekendste. Laventel word dikwels in tuine geplant vir sy mooi kleur, lekker geur, gehardheid en immergroen blare, en dit blom feitlik heeljaar. DIE PLANT GEWONE LAVENTEL 30-90 cm BLOMAAR MET BLOMME ’n Blomaar kom aan die bokant van ’n stingel voor; dit is die deel waaraan die blomme vas is. HABITAT EN VERSPREIDING • Laventel is inheems aan die Mediterreense streek (Spanje, Frankryk en Italië) en Noordoos-Afrika. • Dit groei in baie verskillende klimaatstreke soos in Australië, Noord- en Suid-Amerika en ander dele van Europa. • Dit hou ook van Suid-Afrika se warm, sonnige klimaat. Hier word laventel in baie streke kommersieel gekweek. STINGEL Die stingels wat uit…

’EK HET nie met brandewyn grootgeword nie – in ons huis is daar eerder wyn gedrink. Veral soetwyn. Voor ek by Distell begin werk het, sou ek dalk hier en daar ’n brandewyn-en-Coke gedrink het, maar ek het nie rêrig ’n idee gehad wat brandewyn behels nie. Selfs voor my onderhoud by Distell het ek niks van hout of brandewyn geweet nie. Maar ek het gaan oplees en navorsing gedoen. Ek het die beste onderhoud van my lewe gehad, en in 2006 as houtspesialis by Distell begin werk. Johan Venter was destyds die hoof van brandewyn. Hy was tot ’n groot mate Meneer Brandewyn in Suid-Afrika. Dis hy wat my geleer het om brandewyn te proe. Die eerste keer wat ek regtig brandewyn gedrink het, was in 2006. Dit was…

BAIE jare gelede was Jaseen de Jongh van die Weskusdorp Atlantis ’n belowende jong rugbyspeler. Maar toe loop dinge skeef. Die invloed van die verkeerde vriende was een van die dinge wat Jaseen sy fokus laat verloor het en sy rugbydae het oorgewaai sonder dat hy sy volle potensiaal bereik het. ’n Mens sou dink Jaseen sou nooit weer van rugby kon droom nie. Maar toe gebeur iets onverwags. Jaseen en sy vrou, Jamilla, kry twee bulletjies wat gek is oor rugby. ’n “Tornado in die huis”, beskryf Jamilla dié klein woelwaters wat van jongs af van niks anders as balsport wou hoor nie. En nou, lang jare nadat Jaseen sy eie drome moes groet, is die egpaar beloon met nie net een nie, maar twee rugbysuksesverhale onder hul dak.…

DIE Kaapse akteur BOBBYSTUUR-MAN, wat bekend is vir sy rol as Langes in die telenovelle Arendsvlei, en sy verloofde, NICOLE GRANTHAM, het vroeër die maand in ’n intieme seremonie by die Skilpadvlei-wynlandgoed op Stellenbosch afgehaak. Bobby en sy onderwyseres-liefie was meer as ’n jaar en ’n half lank ’n paartjie voor hulle in Junie verlede jaar in die Majik-woud in Durbanville in die noordelike voorstede van Kaapstad verloof geraak het. Die bruid het op hul groot dag gestraal in ’n swart skepping met kantafwerkings deur die modeontwerper Olivia Mgada, terwyl die bruidegom uitgevat was in ’n bypassende swart pak. “Ek het gevoel soos ’n prinses wat in ’n kasteelgang afhardloop,” sê Nicole. “Ons troue was nie tradisioneel nie, maar ongelooflik in sy eie reg,” voeg Bobby by. Onder die gaste…

NÁ DIE eerste botsing was ANNE HECHE (53) nog ongedeerd. Sy het in haar blou Mini Cooper deur die buurt Mar Vista in Los Angeles gejaag voor sy teen die motorhuis van ’n huis gebots en ’n ander motor getref het. Inwoners wat op die eerste ongeluk reageer het, het Anne uit die motor probeer kry, maar sy het geweier, die motor in trurat gesit en weggejaag. ’n Halfuur later was daar nog ’n botsing – en dié een sou noodlottig wees. Sy het teen ’n dubbelverdiepinghuis vasgeploeg voor haar kar in vlamme uitgebars het. Sy was in ’n kritieke toestand en is later breindood verklaar. Anne was volgens die owerhede nie tydens die ongeluk onder die invloed van drank nie, maar bloedtoetse het spore van kokaïen en fentaniel gewys.…

1 RITA ORA HAAK AF Ná gerugte en berigte dat die sangeres RITA ORA (31) en die Thor: Love and Thunder-regisseur TAIKA WAITITI (46) afgehaak het, het ’n bron bevestig die paartjie is inderdaad op ’n “baie klein” plegtigheid getroud. Op onlangse foto’s op sosiale media dra Taika ’n trouring. Die twee het hul verhouding verlede jaar bekendgemaak nadat hulle in April 2021 die eerste keer romanties aan mekaar verbind is toe die “Ritual”-sangeres ’n foto geplaas het waarop sy en Taika mekaar omhels. 2 CAMILA HET ’N NUWE KÊREL CAMILA CABELLO (25) is onlangs saam met dietegno-entrepreneur AUSTIN KEVITCH (31) opgemerk. Camila en Austin, stigter van die afspraakapp Lox Club Inc, het sowat twee maande gelede die eerste keer gerugte van ’n romanse laat ontstaan toe hulle saam in Los Angeles…

DIT lyk meer soos ’n ramptoneel as ’n kamer in ’n gastehuis. Die vertrek is bestrooi met klere, vullis, leë drankbottels, glase, selfs kondome wat uit hul verpakking verwyder is. Plek-plek is dit duidelik dat iemand binne die kamer vuur gemaak het. Die mikrogolfoond se bord lê stukkend en ’n waaier is gebreek. Is dit hoe inbrekers ’n plek los, wonder ’n mens nadat jy na die foto’s van die chaos gekyk het? Of is dit ’n dwelmhool wat deur die polisie deursoek is? Nee, sê die eienaar van die gastehuis. Dis hoe een van haar kamers gelyk het nadat Lee Thompson, die 34-jarige hartebreker wat in die maatsoekreeks The Bachelor South Africa deelnemers se knieë lam gemaak het, daar oorgebly het. Lee is onder die publiek dalk bekend as…

“Ndavi Nokeri was van die begin af in my topdrie. Sy was ook die publiek se liefling, en op die aand het sy nie teleurgestel nie. Haar ongelooflike antwoorde onder druk in die vraag-en-antwoord-sessie het bewys sy is meer as net ’n mooi gesig. “Met ons ontmoeting in die eerste van drie beoordelingsessies het sy na my toe gekom en ’n drukkie gevra. ‘I’m having a fan girl moment. It’s an honour to meet you,’ was haar presiese woorde aan my. Sy is warm en nederig en het ’n innemende persoonlikheid wat jou dadelik spesiaal laat voel – en dis ’n wonderlike eienskap van ’n Mej. Suid-Afrika. Sy gaan suksesvol wees, want sy wil Suid-Afrika in sy diversiteit verteenwoordig en haar vermoë om haar uitstekend uit te druk het haar…

FRAAI VERSIER Bederf jouself met ietsie spesiaals soos ’n prentjiemooi bra met diamanté-detail of kant wat jou sal laat smeul. WENK Versierde onderklere wat onder hemde, bloese en toppies met uitsnydetail uitloer, lyk treffend. NAATLOSE BRA Hierdie soort bra’s is gemaklik en diskreet onder klere. Dit pas goed by T-hemde en stywe rokke. WENK Pas die kleur van jou top by jou bra vir ’n eenvormige voorkoms. BRA-TOPPIES Informele maar sjiek bratoppies is ’n maklike opsie vir ’n aktiewe leefstyl. Dit pas lekker gemaklik, en dié met riffelstof of naatlose opsies is ’n wonderlike stapel-item vir jou alledaagse uitrustings. WENK Dié soort bra is ideaal vir ligte oefensessies en saam met ontspanne drag. DRAADBRA Dié klassieke styl bra is ’n moet vir diegene met groter borste. Die draad lig die…

DIGITAAL Laai dit af by magzter.com BEL 021-406-4962 E-POS koop@huisgenoot.com Gaan na www.media24shop.com…

KYK, MA, EK’S OP TV! Maitreyi (20) laat ons lekker saam lag én huil in die derde seisoen van haar tienerkomediereeks, Never Have I Ever op Netflix. Die aktrise speel die Indies-Amerikaanse tienermeisie Devi Vishwakumar wat sukkel om voort te gaan nadat haar pa tragies by haar orkesrepetisie gesterf het. In die jongste seisoen moet Devi die druk van die lewe op hoërskool én al die drama by die huis trotseer terwyl sy ook verlief raak. Maitreyi se ouers is Tamil en het in hul 20’s weens die oorlog in Sri Lanka na Kanada gevlug. Maitreyi is daar in die stad Mississauga gebore waar sy al haar lewe lank bly. Sy het ná hoërskool besluit om toneel te speel. Minder as ’n jaar later het sy haar eerste rol in…

DALK is jy een van daardie mense wie se huis so vol opgaargoed is dat dit soos ’n skrootwerf lyk. En dit maak jou gelukkig. Jy hóú van die familiefoto’s en die inspirerende aanhalings wat teen elke beskikbare muurruimte hang. Jy is líéf vir die kaggelgoedjies wat op jou gordynkap en kaste en rakke staan. Jou vloere kreun onder die stapels ou tydskrifte wat jy nie oor jou hart kan kry om weg te gooi nie. As dít jou huis be-skryf, is die kans goed iemand het jou die afgelope jare vertel iets ernstigs skort met jou. Gewilde binneversierghoeroes soos Marie Kondo sê jy moet jou huis stroop tot dit ’n Zen-kalmte uitstraal. Enigiets besiger as ’n hospitaalsaal is plein kitsch, sê dié afskalers. ‘ONS KAN ONS HUISE VUL MET…

HY WAS al dikwels in sy lewe in die nuus. Eers danksy sy flinke voetwerk op die sokkerveld, maar in onlangse jare oor die een persoonlike skandaal ná die ander. En die jongste bewerings is die ergste nog. Dié keer is die sportster Ryan Giggs (48) in Manchester in die beskuldigdebank op aanklag dat hy sy eksmeisie mishandel het. Kate Greville (36), wat van 2017 tot 2020 met die voormalige Manchester United-speler uitgegaan het, maak skokkende bewerings oor hul “toksiese” verhouding. Hy word daarvan aangekla dat hy Kate en haar suster, Emma Greville, in ’n stryery by hul huis in November 2020 aangerand het toe Kate besig was om uit te trek. Van die ander klagte sluit in gedrag wat manipulerend en obsessief is, en as hy skuldig bevind word,…

TOE ’n verwoestende sikloon Bangladesj in 1991 tref, kon ’n jong egpaar van Pietermaritzburg nie net toekyk hoe die mense daar ly nie. Hulle moes iéts doen, het Imtiaz en Zohra Sooliman gevoel. Toe rol dié dokter en voorskoolonderwyseres moue op. Skenkings van kos, klere, en ander benodigdhede is ingesamel om Bangladesj toe te stuur. Maar eers moes hulle ’n plan maak om dit daar te kry. “Die regering het ons toe ’n skip gegee waarmee ons die goedere kon vervoer. Al wat hulle gevra het, was dat ons op pad ’n paar vragmotors in Turkye aflaai,” vertel Zohra (58) vandag by ’n hotel in die Kaapse voorstad Nuweland waar sy met ’n sakebesoek bly. In Turkye het die Soolimans besluit om ’n Sufi-sjeg te besoek waarvan ’n vriend in…

OM ’N koninklike te wees is ’n heel ander lewe as wat die meeste van ons ooit sal ken. Maar ten spyte van die weelderige leefstyl bly ook die koninklikes maar net mens. En wanneer donker dae tref, draai hulle nes die res van ons na hul geliefdes. Vra maar vir prinses Charlene van Monaco. Sy is die afgelope paar jare deur diep waters. Sy het met haar gesondheid gesukkel en moes aanhou wal gooi teen gerugte dat haar huwelik ineenstort. Maar nou keer sy terug na die openbare lewe – en dis haar familie en geloof wat haar tot hier gedra het, vertel sy eksklusief uit die Pienk Paleis in Monaco aan Huisgenoot. “Ek is deur ’n baie moeilike tydperk, maar ek is gelukkig dat ek die ondersteuning en…

NET soos die verfbespatte borde wat kunstenaars se meesterstukke inspireer, is grimeerpalette ontwerp om ons innerlike Monet uit te bring. Die probleem is dat nie almal ’n kwas so selfversekerd soos ’n kunstenaar kan inspan nie. En hoewel veelkleurige palette fantasties kan lyk, voel ons dikwels te geïntimideer om enigiets meer te doen as daarna te staar. En eindelik verdwyn dit in die stowwerige onderste laai, en ons keer terug na ons vertroude sampioenkleurige oogskadu. Gelukkig is die nuutste keuses vir ooglede, lippe en wange makliker om te gebruik as ooit, vleiender as wat jy jou kan voorstel, en so goed saamgestel dat jy elke skakering sal wil gebruik. Oë Een, twee, drie, vier Solo Gebruik vir: Inkleur. Kry die voorkoms: Gebruik ’n donsige borsel en vee oor die ooglid…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘DAAR IS ’N GOUE REËL VIR PAARTJIES OP PAD KANSEL TOE: BEPLAN JUL HUWELIK VOOR JULLE DIE ONTHAAL BEPLAN’– IRMA MY SKOONPA DRYF ONS TEEN DIE MURE UIT V Ek en my man is meer as ’n jaar getroud en regtig baie gelukkig. Die enigste ding wat haper, is my skoonpa. Hy kom soms so ontydig hier aan en dan verander die atmosfeer…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel IN DIE KOLLIG / REEKS / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE 1 Keke was onlangs die stem van die ruimtevaarder Izzy Hawthorne in die animasiefliek Lightyear. Sy is nou te sien in haar grootste rol nóg – in Jordan Peele se nuwe gruwelfliek, Nope. Keke (28) speel Emerald Haywood, wat saam met haar ouer broer, OJ (Daniel Kaluuya), spook om hul oorlede pa se perdeplaas te behou. Eendag is hulle oortuig dat hulle ’n vreemde vlieënde voorwerp gewaar en probeer dit op film vaslê. Dié moderne Western kry reeds groot lof onder resensente, wat dit 82% op die resensiewebtuiste Rotten Tomatoes gee. 2 Keke het…

LIG DIE DAK Sy eerste enkelsnit, “Johnnie Blou”, was ’n treffer wat goue status bereik het en tot dusver al 1,3 miljoen keer op die stroomdiens Spotify geluister is. Toe volg “Geheueverlies”. Nou is ELOFF se derde enkelsnit, “Witblits”, hier en aanhangers is mal daaroor. Die tong-in-die-kies liedjie gaan oor ’n wintie stadsjapie wat op soek is na verbode liefde, maar daar is natuurlik struikelblokke. Hy vind oplaas aanvaarding – en dit op ’n lekker plaaspartytjie waar die witblits loop. Los daai sneakers. Sit Ricus op die speakers. Trek ’n lekker kortbroek aan. Raak verlore in die camo. Pick-up lines vir ammo. Ons gaan rokkies jag, sing hy. Eloff het sy jongste oorwurm saam met Nick Jordaan en Hugo Ludik van Muse Studio geskryf en vervaardig. En dis so reg in…

MA’S SE GRYS HARE “Ek het ’n rekening hier vir ’n stukkende stoel van die Beer-familie. Weet jy iets hiervan?” – Gouelokkies se ma “Mike, kan jy nie soos ander kinders op die mure verf nie? Weet jy hoe moeilik dit is om daai goed van die plafon af te kry?” – Michelangelo se ma “Hompie, ek het al honderd keer vir jou gesê om nie op daardie wal te sit nie. Maar sal jy na my luister? Nee!” – Hompie Kedompie se ma JOHANNA RADEMEYER TOETSLOPIE Ek het vir my vriend gesê hy moet my meisie uitlok om te sien of sy my sal verneuk. Hulle trou Saterdag. WOLLIE, PRETORIA LIEFDESPEL As jy ’n vrou se hart wil wen, moet jy maar oop kaarte speel met haar. Kredietkaart, Visakaart,…

GROOT BLOKRAAI NO 2 454 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1000. VRAAG: Watter soort voertuig is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan…

‘VIND WAT JOU GELUKKIG MAAK EN GEE DIT JOU ALLES. AANVAAR DIE KOMPLIKASIES, MAAR SOEK OOK DIE VREUGDE’ AL HERKEN jy nie dadelik haar naam nie, het jy waarskynlik haar werk gesien. When Harry Met Sally …, You’ve Got Mail, Sleepless in Seattle – dit is drie van die Amerikaanse draaiboekskrywer Nora Ephron se bekendste rolprente, en dit is die rede dat sy dikwels daarvoor krediet kry dat sy die 1990’sromkom uitgevind het. Nora was die een wat miljoene fliekgangers help sien het dit is nooit te laat om jou drome te volg of jouself in ’n nuwe mens te verander nie. “Moenie bang wees nie. Jy kan altyd van plan verander. Ék weet: Ek het al vier loopbane en drie mans gehad,” het sy in 1996 in ’n toespraak…

VAN kleins af het sy die soort bevoorregte lewe geniet waarvan die meeste mense net kan droom. In haar skatryk ouers se groot huis is sy van kop tot tone bederf; sy is na ’n spogskool gestuur en vakansies was ’n lewe van stralers en vyfsteroorde. ’n Mens sou dink dat Clare Brown ook die res van haar lewe in weelde, glans en gemak sou baai. Sy het immers ’n hele R138 miljoen geërf van haar pa, die Australiese aandelemakelaar Christopher Hylton Brown (75), toe hy vroeg vanjaar oorlede is. Maar toe tref die fynskrif haar, want die afgelope klompie maande het Clare (26) op ’n moeilike manier geleer hoe dit voel om arm te wees. Sy deel nou ’n vervalle tweeslaapkamerhuis in ’n krotbuurt van Sydney met haar lewensmaat,…

DIE musieklegende Taliep Petersen en die Kaapse sangeres Madeegha Anders se musikant-seun, ASHUR PETERSEN, en sy meisie, KAUTHAR, het onlangs voor 120 gaste in die kleurvolle, historiese Bo-Kaap in die Moederstad getrou. Ashur het die groot nuus met ’n TikTok-video bekendgemaak. “Ons was op die regte tyd op die regte plek,” sê hy oor hul ontmoeting. Kauthar is baie privaat en is van Australië, vertel hy. “Ek het die jawoord gevra drie weke nadat ons mekaar ontmoet het,” verklap Ashur. “Wanneer jy weet, weet jy.” Die hoogtepunt van hul groot dag was om troufoto’s saam met sy bruid te neem op die voetbrug in Kaapstad wat na sy beroemde pa vernoem is. Hy raak nog gewoond daaraan om Kauthar nou sy vrou te noem, sê hy. “Ek is so opgewonde…