Innehållsförteckning för 13 October 2022 från Huisgenoot

1 ‘BOYS WILL BE BOYS’ TOE NAAKFOTO UITLEK So reageer Jacques Potgieter, ’n oudrugbyspeler, nadat ’n naakfoto van hom aanlyn versprei is. Volgens hom was dit ’n grappie tussen hom en sy vriende Jacques, moenie almal oor dieselfde kam skeer met jou opmerking nie. Daar is nog goeie mans. Maar jy, aan die ander kant, nie so baie nie, wil dit vir my lyk. Leer verantwoordelikheid en word tog nou groot, ou seun. CARLA Ek voel regtig bitter jammer vir sy vrou. Eerlikwaar, hierdie soort mense moet tog net grootword. DAPHNE Seuns word nooit groot nie, hul speelgoed raak net ál duurder. Dit is tog waarom hulle so ’n besondere spesie is. “We girls just love them.” Toe, wil iemand stry? BURNADETTE As volwassenes is ons almal steeds maar net mense.…

Haaiwagte, kameras en hommeltuie wat haaie se aktiwiteite ontleed, word dikwels ingespan sodat mense gewaarsku kan word om uit die water te bly wanneer haaie daar bedrywig is. Dis ook van die maatreëls wat oorweeg word om te keer dat nog iemand in die omgewing van Plettenbergbaai deur ’n haai gebyt word. Die plaaslike Bitou-munisipaliteit, die Nasionale Seereddingsinstituut en Plett Tourism werk saam daaraan om ’n aksieplan te formuleer wat hul strande kan beveilig. Die munisipaliteit het ook vroeër vanjaar ’n ondersoek goedgekeur na strukture soos ’n sogenaamde haaiskans om te kyk of dit kan help. ’n Peiling onder Durbanse en Kaapstadse strandgangers wat voorverlede jaar gedoen is, het getoon 90% van die mense wat ondervra is, glo verkeerdelik dat haainette dié diere van die strand af wegkeer, vertel prof.…

TJOEF, gaan die krag af die oomblik toe Eskom se André de Ruyter in die Dainfern-gholflandgoed se klubhuis instap. Sy skalkse glimlag sê hy snap die ironie. “Jammer, dis beurtkrag. Die kragopwekker gaan nou inskop,” maak die kelner verskoning – onbewus van met wie hy praat. André glimlag net. “Ek het soveel simpatie,” sê hy saggies. Dan, hierdie keer harder: “Cappuccino, asseblief. Ek kort kafeïen.” Hy het duidelik nóg ’n harde week agter die rug. Beurtkrag dryf Suid-Afrikaners tot raserny, en as hoof van die sukkelende kragreus is André pal in die spervuur. Eskom het ’n nuwe direksie, maar ook daaroor heers verdeeldheid. Enersyds word die nuwelinge geloof; andersyds is daar kommer oor enige moontlike bande met sekere staatsamptenare. Boonop is André se kritici die josie in omdat hy steeds…

KRUMMELVARK-FILET met SOETRISSIEPUREE GENOEG VIR 4 MENSE / BEREIDING: 15 MIN. / GAARMAAK: 15 MIN. Hierdie spoggerige varkfilet is nie net lekker sappig en sag nie; dis ook binne ’n ommesientjie gaar. Boonop is dit baie bekostigbaar. Die spinasie-enkaasvulsel en bros krummel gaan heerlik saam met die soetrissiepuree. VULSEL ◗ ½ ui, gekap◗ 1 knoffelhuisie, fyngedruk◗ olyfolie◗ 125 g spinasie, gekap◗ 200 g wit cheddarkaas, gerasper FILETTE ◗ 2 groterige varkfilette, so 800 g, in dik porsies van sowat 4 cm gesny◗ sout en peper, na smaak SPESERYSMEERSEL ◗ 10 ml (2 t) paprika◗ 1,25 ml (¼ t) brandrissievlokkies (opsioneel)◗ 10 ml (2 t) fyngedrukte knoffel◗ 5 ml (1 t) bruinsuiker◗ 5 ml (1 t) uiesout◗ 45 ml (3 e) olyfolie KRUMMEL ◗ 250 g growwe witbroodkrummels◗ 15 ml (1…

NOUDAT ons ons winterklere en verwarmers begin wegpak, is dit tyd vir ’n nodige lenteskoonmaak. Daar’s niks beter as om jou skoonheidsgewoontes te verfris en nuwe lewe in jou daaglikse roetine te blaas nie. Dit kan wissel van jou geliefde skoonheidstoerusting skoonmaak tot om vars nuwe toevoegings aan te skaf. Hier verduidelik ons jou hoe jy jou skoonheidsprogram kan aanpas vir die sonniger dae wat voorlê. UIT MET DIE OUD Een van die moeilikste dinge om te doen, veral as jou voorraad vir jou baie kosbaar is, is om dit weg te gooi. Maar die items hét ’n vervaldatum, en as jy dit ná hierdie datum aanhou gebruik, loop jy die gevaar vir puisies en bakteriële infeksies. Maskara moet ná drie maande weggegooi word, vloeibare omlyner en verbloemer ná ses…

TROU IS NIE PERDEKOOP NIE My ouma en oupa was jare vooruit in hul opvatting oor wat ’n huwelik is. Ouma het voltyds gewerk en verseg om huisvrou te speel. Hulle is in 1939 getroud, die ganse mensdom was besig om te herstel van ’n verskriklike depressie en lande was op pad om hulle in die Tweede Wêreldoorlog te begewe. Dit was dus ekonomies slim dat sy gewerk het. Ouma het geglo jy voed ’n man se brose ego met wat hy wil hoor en ervaar, maar agteraf doen jy alles oor soos jy dit wil hê, sonder dat hy ooit uitvind. Oupa het op sy beurt geglo die een met die natuurlike leierseienskappe behoort in beheer te wees op die tuisfront, maar nie alle mans is natuurlike leiers nie.…

1 Camila (28) se groot deurbraak was as die karakter Veronica Lodge in die tienerdramareeks Riverdale. 2 Maya (24) se ouers is die Hollywood-akteurs Uma Thurman en Ethan Hawke. Uma en Ethan het mekaar in 1997 op die stel van die fliek Gattaca ontmoet en ’n jaar later afgehaak. Hul paadjies het in 2003 geskei ná ’n huwelik van vyf jaar. 3 Maya sing ook. Haar nuwe liedjie “Driver” is glo geïnspireer deur haar ouers se mislukte huwelik. 4 Die karakter Russ in die fliek, wat deur Rish Shah (26) gespeel word, is geïnspireer deur Heath Ledger se karakter in die romkom 10 Things I Hate about You. Hy spog met blou hare in Do Revenge wat elke 10 dae opgeknap moes word. 5 Die Game of Thrones-ster Sophie Turner (26) het ook ’n kameerolletjie…

“Wat soek die cops so vroeg by jou?” vra Warren. “Is dit een of ander high-profile storie?” Die sportjoernalis sit sy werksak langs sy lessenaar neer en haal sy rekenaar uit. Ami trek haar muesli nader. Neem ’n vinnige hap. Sy is rasend honger ná vanoggend se swemsessie. Sy wil die berig oor Liela Oloffson se verdwyning skryf, voor Dennis dalk met die kompetisie ook gaan praat, en dan wil sy ry om met Jan Bakker te gaan gesels. Warren trek aan die kraag van sy vuilwit polohemp. “Komaan. Is dit iets juicy?” “Nogal,” gee sy toe. Die man irriteer die hel uit haar uit, meestal omdat hy heeltyd vassteek by haar swemloopbaan, maar sy gaan nie hierdie storie lank kan wegsteek nie. “Is dit iemand wat ons ken?” Hy…

WEEGSKAAL 23 SEP – 22 OKT ’n Gesinsaangeleentheid verg dringende aandag as jy nie wil hê ’n kwessie moet die huishouding op ’n negatiewe wyse oorheers nie. Dit is altyd beter dat geheime uitkom eerder as om dinge te laat broei en dit te laat vererger. Dinge lyk belowend in jou persoonlike lewe, wat jou ook gevestig en veilig laat voel. Dit bly ’n uitstekende tyd vir ’n mooimaaksessie, nuwe voorkoms of haarstyl. JOU GELUKKIGE NOMMERS 8, 20, 24, 26, 21, 11 SKERPIOEN 23 OKT – 21 NOV Iemand kan vandeesweek iets sê wat jou onbedoeld kwets. Jy is ’n uiters sensitiewe mens; moet dus nie probeer wraak neem nie, veral as dit in jou werksomgewing gebeur het. Jou liefdeslewe lyk tans stabiel en bestendig; dus sal jou huislewe minstens…

Oktoberfest is ’n makietie (sien Woord van die Week) wat twee weke lank duur en in die Duitse stad München gehou word. Dit eindig op die eerste Sondag van Oktober. Dis die eerste keer op 12 Oktober 1810 gehou om die huwelik van prins Ludwig van Beiere en prinses Therese van Sakse-Hildburghausen te vier. Almal in München is dié dag genooi om vyf dae lank soveel te eet en te drink as wat hulle wou, en verskeie stalletjies is opgerig om die mense van bier en kos te voorsien. Op die laaste dag is ’n perderesies gehou op ’n oop stuk grond bekend as “Therese se grasperk” oftewel Theresienwiese. Vandag nog word die Oktoberfest op dié stuk grond gehou. Die oorspronklike fees was so ’n treffer dat dit nou elke…

DIE pakke wat ruimtevaarders op hul ruimtewandelings dra, beskerm hulle teen die uiterste temperature (tussen −120 °C en 120 °C) in die ruimte. Dit verskaf ook suurstof aan hulle omdat daar nie lug in die ruimte is nie. Ruimtepakke beskerm hulle ook teen beserings van botsings met klein stukkies stof en rotsdeeltjies – mikrometeoriete wat veel vinniger as ’n koeël beweeg. VERTOON-EN-BEHEER-MODULE • Bevat ’n digitale vertoonpaneel en al die skakelaars, meters, kleppe en LCD-skerms wat nodig is om die lewensonder-steuningstelsel te beheer. • Die ruimtevaarder gebruik dit om dinge soos temperatuur, volume en suurstof te verstel. HANDSKOENE • Ruimtevaarders moet met voorwerpe kan werk en dit optel. Hul handskoene het buigbare blokke vir maklike beweging en rubbervingerpunte vir ’n stewige greep op dinge. • Die vingers is die deel…

Op huisgenoot.com kan kinders nou die nuwe aanlyn Afrikaanse kinderprogram Die Babbelbende kyk. In dié videoreeks onder soek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is sowat 12 minute lank. Huisgenoot.com is deel van Netwerk24, en jy moet registreer om die episodes van Die Babbelbende te kyk. Besoek netwerk24.com om te registreer of laai die app in jouapp-winkel af. Kom leer ken Die Babbelbende – en geniet hul vrolike geselskap saam met ons!…

R3 MILJARD Die totale loketinkomste van al haar flieks ten tyde van haar dood. 91-61-86 Die mates (in sentimeter) van Marilyn se bors, middel en heupe: 36–24–34 in duim. R133 MILJOEN Die inkomste wat haar boedel in 2020 volgens Forbes verdien het. Dit maak haar die 13de rykste dooie vermaakster. R3,2 MILJARD Die prys betaal vir Andy Warhol se portret van haar op ’n veiling vanjaar. Dis die hoogste bedrag wat al ooit vir ’n Amerikaanse kunswerk betaal is. 29 In soveel rolprente het sy verskyn. BRONNE: VANITYFAIR.COM, LATIMES.COM, NYTIMES.COM, APNEWS.COM, VOGUE.COM, THE-HOLLYWOOD-REPORTER.COM, USWEEKLY.COM, THETELEGRAPH.CO.UK, PEOPLE.COM…

SY IS die ene selfvertroue wanneer sy in die paneel van Uit die slaapkamer gesels oor die soort kooidinge wat baie ander mense laat bloos. Sy glo immers ook dat gesonde intimiteit jou verhoudingslewe met jou lewensmaat verryk. “Ek het altyd gewonder hoekom seks te so taboe is wanneer dit eintlik so ’n groot deel van die mens is,” vertel die sangeres, aktrise en aanbieder Bianca le Grange (41). En toe sy genader is om aan die VIA-program deel te neem, “het dit gevoel dis die regte tyd in my lewe”. Want sy ken die belangrikheid van ’n standvastige verhouding in ál sy aspekte. Deur die storms van onlangse jare het sy en haar man, die akteur David Johnson (41), mekaar staande gehou. Eers die pandemie, wat hulle van werk…

MINKI VAN DER WESTHUI-ZEN en haar man, die oudrugbyspeler ERNST JOUBERT, het in 2011 vir die eerste keer in die prentjiemooi Griekeland uitgespan. Die egpaar het onlangs ná 11 jaar weer teruggekeer na dié gewilde vakansiebestemming – en dié keer het hulle hul drie dogters, KATERIEN (9), ELISE (8) en ELSA (4), ook op hul Griekse avontuur saamgeneem. “Dit was heerlik om rustig te kon wees, en ons het albei gesê dit was loshande ons lekkerste en gunstelingvakansie. Dit was ook ’n groot voorreg om dit saam met ons dogtertjies te kon doen,” vertel Minki. Haar kroos was stroopsoet op al die bootritte, staptogte en ure lange vlugte. “Hulle het so goed gereis, en ek reken ons het omtrent die vakansie 70 km gestap,” sê die model en TV-aanbieder. “Errie…

KAHN MORBEE Die voormalige The Voice SA-afrigter en hoofsanger van The Parlotones woon deesdae in Nederland. Kahn het onlangs op Instagram aangekondig dat hy ná drie jaar sy M.B.A.-graad deur die Henleysakeskool voltooi het. “Die enigste rede hoekom ek dit gedoen het, is omdat ek ’n hoed-ou is en die geleentheid geniet om ’n plat pet te dra wat belaglik lyk met ’n stuk tou wat aan die kant hang,” spot hy. NDAVI NOKERI Ndavi het enkele maande voor sy onlangs as Mej. Suid-Afrika gekroon is ’n B.Com.-graad in beleggingsbestuur aan die Universiteit van Pretoria behaal. “Opvoeding is vir my baie belangrik,” sê sy. “My pa het nooit skool klaargemaak nie en het gesukkel om werk te kry. Dit het beteken my ouer sibbes kon nie die beste gehalte onderwys…

KYLIE JENNER 5 Voorkomste Die ster het seker gemaak alle oë is op haar in ’n reeks sexy uitrustings.…

WANNEER ’n mens in die restaurant instap, merk jy dit dadelik op: kerse, blomme en krale gerangskik om foto’s van ’n glimlaggende brunet. Dis hoe Diego Milesi, die eienaar van Ferdinando’s Pizza in Kaapstad, sy lewensmaat wil onthou – vol skoonheid en vreugde. Hoe hy haar beslis nie wil onthou nie, is hoe hy haar die laaste keer gesien het: dood op ’n strand nadat ’n haai haar gebyt het. Huiwerig, asof die pyn nog te vlak lê, begin Diego vertel van die dag toe die liefde van sy lewe deur ’n grootwithaai doodgemaak is. Hy, Kimon Bisogno en hul tweejarige dogtertjie, Luna, het net die vorige aand op Plettenbergbaai aangekom vir ’n luilekker vakansie. Kimon was die oggend van 25 September vroeg uit die vere. Sy wou die water…

IN 2012 het een van Binnelanders se gewildste karakters, suster Elise, uit die bloute uit die program verdwyn. In dié verkorte, geredigeerde uittreksel uit haar nuwe boek, Agter my glimlag, vertel die aktrise Lindie Stander waar sy was in die dae nadat sy die sepie verlaat het weens depressie, haar kokaïenmisbruik en haar soveelste poging om haar eie lewe te neem. Ernst Swart (Binnelanders se publisiteitshoof) kom haal my by die hospitaal. Ons is op pad Elim-kliniek toe. KykNET betaal vir die 28 dae dat ek hier gaan wees. Dis soos in die fliek 28 Days met Sandra Bullock wat ek jare gelede gekyk het. Ek neem aan ek kan ná rehabilitasie weer terugkeer Binnelanders toe. Of dis die hoop. Dis ’n proses om opgeneem te word. Hulle deursoek ál…

DAGROKKE: Maak ’n stelling in helder kleure en patrone. PATRONE Niks vergestalt die somer soos mooi patrone nie. Slaan die asem weg in helder blomme en kleurvolle patrone met ’n afronding wat reg is vir partytjie hou. Kies neutrale bykomstighede om te sorg jou veelkleurige patroonrok steel die kollig of staan uit met lewendige bykomstighede in kleure wat die patroon komplementeer. EENVOUDIG Maak ’n sterk stelling in tekstuurryke rokke met plooie, valle of ruchewerk in lewendige, treffende kleure soos helder lemmetjie en neon of opvallende pienk en rooi. AANDROKKE: Dollie jou op en dans die nag om in hierdie sjiek partytjierokke. PARTYTJIEMOOI Laat die koppe draai in pienk en pers en alles tussenin vir ’n sagte, flirterige afronding. KIES ’N JUWEEL Smaraggroen skakerings is ideaal vir die aand – dit…

HUISVERBANDE is nie ál wat mense saam uitneem nie – “medeondertekening” van kredietlenings is algemeen. Die voordeel daarvan is dat julle saam dalk ’n groter lening toegestaan sal word. Maar wees versigtig, want as die ander party nie hul leningsverpligtinge nakom nie, kan jy met die gebakte pere sit. Hier is ses dinge wat jy moet weet voor jy teken. 1 IS MEDEONDER-TEKENING EN BORG TEKEN DIESELFDE? In ’n neutedop: nee! ● As jy borg teken vir ’n vriend se leningsaansoek, stem jy in om wetlik verantwoordelik te wees vir sy skuld. Die krediteur staan die lening toe volgens net die aansoeker se bekostigbaarheids-vermoë, en die lening verskyn net op die aansoeker se kredietrekord. So jy skuld nie self die geld nie, en jy hoef geen terugbetalings te maak as jou…

Skud jou vere reg vir die eerste Musiekindaba vir Afrikaanse musiek wat van 30 November tot 3 Desember op Stellenbosch plaasvind. Die Musiekindaba bestaan uit toesprake, onderhoude, paneelge-sprekke en werksessies, en die doel is om saam oplossings vir ’n beter en volhoubaarder musiekbedryf te kry, sê Karen Meiring, direkteur van die Musiekindaba. Die publiek kry die kans om mense te ontmoet soos die Noot vir noot-aanbieder, EMO ADAMS, DAVID KRAMER en Pierre Greeff van Die HeuwelsFantasties.Diegeleentheid bestaan uit gesprek-en opleidingsessies wat die volgende insluit: ◼ Forte: waar kundiges op verskeie vakgebiede soos David Kramer en prof. Johan Fourie oor die musieklandskap praat. ◼ Encore: ’n gespreksreeks met musikante soos Anton Goosen, Coenie de Villiers en Kurt Darren. ◼ Presto-presto: ’n interaktiewe gespreksreeks rondom kwessies en oplossings in die bedryf. ◼…

GROOT BLOKRAAI WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. NO 2 461 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. VRAAG: Watter groot SA stad is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel,…

1 In watter land is pho, ’n stomende sop van vis en noedels, ’n tradisionele gereg? 2 Waar of onwaar: Die tradisionele Britse Kersfeesgereg bekend as “mince pies” bevat vleis. 3 Hoeveel keëls word aan die einde van ’n keëlbaan opgestel voor jy jou bal rol? 4 Watter diersoorte se mannetjie word ’n ram genoem? 5 As Japie 200 suigysies het en hy eet 30, hoeveel sal hy oorhou? ANTWOORDE 1 Viëtnam 2 Onwaar – dis pasteie gevul met vrugte  3 Tien 4 Skape en bokke 5 170 BRONNE APNEWS.COM, JAPANTIMES.CO.JP, GOODNEWSNETWORK.ORG, DAILYMAIL.CO.UK, EDITION.CNN.COM, KIDSNEWS.COM.AU, PEOPLE.COM, ALJAZEERA.COM, KWTX.COM…

ROK EN ROL Kim Kardashian het ’n streng dieet gevolg sodat sy kon pas in die rok waarin Marilyn in 1962 vir Kennedy “Happy Birthday” gesing het. Kim het dit vanjaar na die Metgala gedra. Die rok is oorspronklik in 1999 vir ’n rekordbedrag van $1,26 miljoen (toe R8 m.) opgeveil. Ripley’s Believe It or Not het dit in 2016 vir $5 miljoen gekoop, en dis na raming nou $10 miljoen (R180 m.) werd. BOEKEVAT Haar Joodse gebedeboek is vir $26 250 (R368 000) verkoop, dubbel die afslaer se eerste skatting. Sy het haar tot die Judaïsme bekeer toe sy met Arthur Miller getroud is. GOODBYE, NORMA’S JEANS Die ontwerper Tommy Hilfiger het die jeans wat Marilyn in River of No Return gedra het in 1999 vir $37 000 (R226…

HOE GEREELD BYT HULLE? Hoewel Plettenbergbaai vanjaar al twee noodlottige haaiaanvalle gehad het, is dit die eerste keer in 11 jaar dat haaie mense hier doodbyt. In 2011 het die branderplankryer Tim van Heerden in ’n haaiaanval gesterf. Ja, sê kenners, haaiaanvalle neem wêreldwyd toe, maar dis nie omdat haaie aggressiewer raak nie. Prof. Justin O’Riain, die direkteur van die Universiteit van Kaapstad se Institute for Communities and Wildlife in Africa, verwys na die International Shark Attack File, ’n omvattende databasis van alle haaibytvoorvalle wêreldwyd. Dit toon dat die toename in haaiaanvalle voortvloei uit die feit dat meer mense deesdae by die see ontspan en swem. “Maar terselfdertyd beteken verbeterde reaksietye ná haai voorvalle en verbeterde mediese ingryping dat die persentasie noodlottige bytvoorvalle afgeneem het”, vertel Justin aan Huisgenoot. Tussen…

AS JY nie van beter geweet het nie, sou jy kon sweer die twee vroue hier voor jou is ’n ma en haar dogter – hulle lyk dan op ’n druppel na mekaar. Almal sê so. Daar’s hul eenderse modekeuses en glansende gitswart lokke. Albei vroue het heelwat selfvertroue en hulle klink selfs na mekaar. O, en gee jy hulle die geleentheid, poseer albei met ’n pruilmond vir die kameralens. Maar die skoonheid Tereza Troskie-Herbst het natuurlik nooit ’n dogter van haar eie gehad nie. Reinette Harms (32) is bloot ’n vriendin, of so het die twee die buitewêreld die afgelope paar weke vertel. Maar vir Tereza, verklap hulle vandag in ’n eksklusiewe onderhoud met Huisgenoot, is sy soveel meer: Reinette is ’n surrogaatma – sy is die vrou wat…

STRAAL IN DIE SON 1 LOSLIT-LUREX Halternekrokke is weer hoogmode. Vloeiende materiale met ’n effense glans, soos lurex, is ’n sjiek toevoeging tot jou somerklerekas. Volg die trend met ’n los gedrapeerde maksirok by bleek bykomstighede. 2 HEMPROK Jy kan nooit ’n fout maak met ’n blaarpatroon vir die somer nie. Kies ’n mini-hemprok met pofmoue en rond dit af met groen bykomstighede in donkerder kleure om op die partytjie die oog te vang. 3 EENSKOUER Speelse blompatrone in heldergroen is flirterig en vroulik. Rond hierdie fleurige dwarsbaanbeltrok af met tikkies diamanté vir glans. 4 WIT WONDER Die somer is die beste tyd vir wit. Lyk asemrowend in dié anglaisebabapoprok saam met modieuse platformhakskoene en roosgoue diamanté-bykomstighede. GLINSTER IN DIE AAND 5 SILWERBLINK Skep ’n smeulende, sjiek voorkoms met glinsterende silwer stukke. Hou dit modieus…

SOMS voel dit asof ’n olifant jou getrap het. Jou rug is seer, jou skouers trek op ’n knop, jou nek kla as jy dit net wil draai … en dit alles bloot van heeldag stilsit voor ’n lessenaar of toonbank. Die gesondheidsprobleme wat so ’n sittery meebring, is wyd bekend. Dit sluit ’n vergrote risiko vir hoë bloeddruk, hartprobleme, diabetes en selfs beroertes in. Kenners meen egter jy kan dié probleme teenwerk deur meer te beweeg. “Beweging is medisyne,” sê Marni Kruger van die Chiropraktiese Vereniging van Suid-Afrika. Benewens al die ernstiger gevare kan lank stilsit ook lei tot hoofpyn, gevoelens van lamheid of ledemate wat aan die slaap raak, voeg sy by. “As jy lank stilsit, is daar hele spiergroepe wat onaktief raak, insluitend jou boudspiere, jou dyspiere…

REGUIT MENS Die omroeper is bekend vir sy reguit manier van gesels. Daarvan kan sy luisteraars op die Kaapse radiostasie Heart FM getuig. As aanbieder van Sê jou sê op kykNET & kie draai Aden nie doekies om nie. In die reeks word alles van kopstampery tot misverstande en selfs kullery tussen egpare en familielede aangepak. Twee partye kom praat dinge uit in die ateljee terwyl die gehoor ook hul mening kan gee. Intussen vaar die joernalis Chrislynn Sias as veldaanbieder die strate in om te hoor wat Jan Alleman oor die betrokke onderwerp te sê het. “Partykeer is dit ’n skelprogram, ander tye ’n probleemoplossingsprogram, maar ons bied die doodgewone mens op straat ’n geleentheid om kwessies of uitdagings na die tafel te bring. Dis baie belangrik om albei…

SINERGIE Ek sien vanoggend my buurvrou praat met haar kat, en dit is heel duidelik dat sy dink haar kat verstaan haar. Ek vertel dit toe vir my hond – en het ons nie lekker gelag nie! JOHAN H, GONUBIE WOLHAARSTORIE Piet: “Ek moes vir my vrou 200 kg staalwol koop.” Stoffel: “Maar hoekom so baie?” Piet: “Sy reken dis hoeveel sy gaan nodig hê – maar dis mos hopeloos te min vir die stoof wat sy wil brei.” LYNETTE, BETHAL STOMGESLAAN Seun vertel opgewonde aan sy pa: “Pappa, ek het ’n rol in die skool se verhoogstuk gekry.” Pa: “Veels geluk, my seun. Watter rol vertolk jy?” Seun: “Ek speel die getroude man in die teaterstuk, Pa.” Pa: “Nee my kind, jy moes vir ’n rol met meer dialoog…

VERBEEL jou jy doen al die moeite om ’n ruimtetuig te bou net sodat jy dit aspris in ’n ruimterots kan vasvlieg. Wel, dis presies wat Nasa besluit het om met hul Double Asteroid Redirection Test (afgekort as DART) te doen. Die ruimtewetenskaplikes het $488 miljoen uitgegee om dié ruimtetuig te bou, net om dit toe teen ’n asteroïed te pletter te vlieg. Hulle het dit egter nie gedoen omdat hulle vernielsugtig of iets was nie; die hele storie was eintlik ’n wetenskaplike studie om te kyk of jy ’n asteroïed se koers kan verander as jy ’n ruimtetuig daarteen bots. So wou hulle uitvind of hulle in die toekoms enige groot rotse wat reguit op die aarde afpyl in ’n ander rigting kan stuur deur ’n vuurpyl teen dit…

1 DIT HET ALLES OP INSTAGRAM BEGIN Rema is al ’n paar jaar lank beroemd in sy geboorteland, Nigerië. Die afropop-ster D’Prince het in 2018 op Instagram gehoor hoe Rema een van sy liedjies rap en hom net daar Lagos toe gevlieg en ’n platekontrak aangebied. Dit gons nou oor Rema (22) danksy sy aansteeklike treffer “Calm Down”. Teen dié tyd het jy dit al seker êrens aanlyn of oor die radio raakgehoor of op TikTok gesien hoe mense lyf skud daarop. Rema het die liedjie in Februarie uitgereik en nou, agt maande later, oorheers dit steeds die trefferlyste. 2 SELFS OBAMA LUISTER NA SY MUSIEK Onder sy beroemde aanhangers is die voormalige Amerikaanse president Barack Obama, wat al laat val het hy luister na Rema se musiek. Rema het ook onlangs…

JY HET al baie gehoor watter gevare besoedeling inhou – hoe nadelig dit vir die aarde is – en wat ons kan doen om seker te maak ons omgewing is skoon en rommelvry. Maar wat gebeur wanneer die mens se rommel in die ruimte beland? Wat kan ons doen as dit sowat 2 000 km hoog om die aarde wentel? Soos jy sal sien, is besoedeling oral ’n reuseprobleem – selfs in die ruimte. WAT IS BESOEDELING NOU EINTLIK? Besoedeling gebeur wanneer skadelike bevuilingstowwe in die omgewing gemors word. Dié skadelike stowwe kan iets natuurliks wees, soos die as van vulkane wat uitbars. Bevuilingstowwe is egter meestal mensgemaak, en dit is op die een of ander manier nadelig vir die gehalte van die lug, grond of water. ◼ LUGBESOEDELING kom…

SY SOU vanjaar 96 jaar oud geword het; dieselfde ouderdom as koningin Elizabeth. Maar waar die wêreld onlangs ’n laaste blik van die Britse monarg as ’n geboë maar waardige ou dame gekry het, sal ons nooit weet hoe die jare Marilyn Monroe sou behandel het nie. Sou die smeulende stem waarin sy vir pres. John F. Kennedy “Happy Birthday, Mister President” gesing het op haar oudag gekraak het? Op watter ouderdom sou sy opgehou het om haar hare so bottelblond te kleur? Sou sy later ’n “ernstige” aktrise geword het wat verkies om swaarder rolle te vertolk? ’n Mens kan net wonder. Marilyn is in 1962 in die ouderdom van 36 jaar oorlede – presies 60 jaar gelede. Nou gaan ’n nuwe rolprent mense waarskynlik weer oor dié dinge…

◼ Goodbye, Norma Jean (1976), gespeel deur Misty Rowe. ◼ This Year’s Blonde (1980), gespeel deur Constance Forslund. ◼ Goodnight, Sweet Marilyn (1989), gespeel deur Paula Lane. ◼ Marilyn: The Untold Story (1980), gespeel deur Catherine Hicks. ◼ My Week with Marilyn (2011), gespeel deur Michelle Williams. ◼ Marilyn & Me (1991), gespeel deur Susan Griffiths. ◼ Calendar Girl (1993), gespeel deur Stephanie Anderson. ◼ Blonde (2022), gespeel deur Ana de Armas. ◼ Norma Jean & Marilyn (1996), gespeel deur Ashley Judd en Mira Sorvino. ◼ Blonde (2001), gespeel deur Poppie Montgomery.…

SES jaar is reeds verby sedert die paartjie wat die wêreld as Brangelina geken het skipbreuk gely het, nogal op ’n vliegtuig iewers tussen Frankryk en Amerika. Al wat van daardie romanse oor is, is ’n smerige egskeiding wat maar net nie wil end kry nie. En sedertdien wonder almal: Wanneer sal romanse weer vir Brad Pitt of Angelina Jolie blom? Aan Angie se kant is dinge maar bra vervelig. Verlede jaar was daar ’n vae gerug dat sy met die musikant The Weeknd uitgaan, maar daarvan het niks gekom nie. Brad sorg vir ’n bietjie meer opwinding … of minstens opwindende gerugte. Hy was glo “halsoorkop verlief” op Neri Oxman, ’n superslim professor aan die Massachusetts Institute of Technology en ’n kenner in argitektuur, wat een van sy groot…

1 Xavier en Nadia is al vyf maande lank ’n paartjie en het ook saam ’n TikTokprofiel, Life with Xadia, begin waar hulle die oulikste video’s van hulle met hul 102 000 volgelinge deel. En hul aanhangers hou duidelik daarvan, want die tweetjies het al 1,4 miljoen likes op hul video’s gekry. “Ons wou mense die prettige kant van ons twee se verhouding wys en hoe ons saam as ’n paartjie is,” sê Xavier. 2 debuut op Nadia het onlangs haar die silwerdoek gemaak in die romkom Who’s My Daddy? “Ek dink nie woorde kan beskryf hoe trots ek op haar is nie. Dit is die een prestasie ná die ander. Ek is net so geëer en geseën om aan haar sy te wees vir al hierdie prestasies van haar,” vertel Xavier.…

HY HET as ’n taamlike groentjie ingekom, ’n komediant van Suid-Afrika van wie niemand nog eintlik daardie kant gehoor het nie. Maar in sy sewe jaar as die aanbieder van The Daily Show het TREVOR NOAH hom in die Amerikaanse vermaakbedryf gevestig en ’n glanspersoonlikheid in eie reg geword. Maar nou is die 38-jarige gereed vir die volgende hoofstuk van sy lewe nadat hy in ’n skokaankondiging op Twitter vir sy aanhangers gesê het sy “tyd is verby”. “Dit was absoluut wonderlik en iets wat ek nooit verwag het nie,” sê hy van sy ervaring. “Ek het heeltyd gedink aan alles wat ek beleef het. Die Trump-era, die pandemie… maar ná sewe jaar het ek besef my tyd is verby.” Hy het die gesogte aanbiedersrol in 2015 losgeslaan nadat Jon…