Innehållsförteckning för 03 November 2022 från Huisgenoot

1 ‘GEE MY ’N CHUCK NORRIS WAT WÉRK’ ’n Vrou bied verblyf, etes en liefde vir ’n jonger blaar met ’n cowboyhoed op haar Vrystaatse plaas, maar in ruil gaan jy moet werk dat die sweet spat Ai, die vrou gaan moontlik ’n Chuck Norris kry wat eintlik net iemand soek om hom te versorg. Wees tog asseblief versigtig vir wie jy in jou lewe toelaat, daar is so verskriklik baie kansvatters daar buite. ELIZE Ek bid dat sy ’n ordentlike mens kry. Iemand met goeie waardes en wat opreg is om te help. Nie iemand wat net wil afpak en blyplek soek nie, en vir wie sy op die ou einde sal moet sorg. Sy moet uiters versigtig wees. ANNETTE Wel, ek sou sê sy het nie ’n man nodig…

OP 41 is hy weer op sy eie en steeds ’n vrygesel. Maar dit beteken nie Neels van Jaarsveld is klaar met die liefde nie. Hy glo nog daarin, al is sy romanse met Florinda Hearn verby nadat dit eers voor die TV-kameras in Op my eish! en toe in die maande daarna ontvou het. “Ek glo daar is iemand daar buite vir my wat my sal respekteer, liefhê, aanvaar en komplementeer, pleks daarvan om my unieke lewe te kompliseer,” sê die akteur wat nou weer in die nuwe kykNET-reeks Diepe waters te sien is. Hy is self die afgelope jare deur diep waters. Maar waar ons hom vandag ontmoet, omgeef van ’n see van wingerde in die Breederiviervallei, is hy gelukkig – al is dit dan ook op sy…

‘TOE die Proteas laat in 2013 in die Verenigde Arabiese Emirate toer om teen Pakistan te speel, sou ek in my agtste en negende toets speel. Ek wou bitter graag inpas. Ek kon my altyd tussen die invloedryke spelergroepe of klieks posisioneer en, gelukkig vir my, was AB de Villiers my beste vriend en deel van die toetsspan se leiersgroep. Die omgewing was verwelkomend van nuwe spelers, maar dit help om ’n vriend in die leierskorps te hê. AB se aansien in die span het my oorgang tot in die Protea-omgewing gladder gemaak. (In daardie opsig was dit tot my voordeel dat hy soveel vinniger as ek ontwikkel het.) Ek was ook gemaklik in my vel, wat dit makliker gemaak het om in te pas en by te dra.…

BOBAAS IN BLOU Kry inspirasie uit die somerlug met sagte poeierblou, en kombineer dit met wit en silwer aksente. KLEURVOLLE PASMAATS Skep ’n eenvormige voorkoms met klere en bykomstighede in dieselfde kleur. Rond dit af met ’n grafiese T-hemp en treffende skoene. SKYNSELS VAN SITRUS Kry ’n tropiese gevoel met lemmetjiegroen en wit aksente afgerond met ’n spatsel geel. BLOK JOUSELF! ’n Blokkiesbaadjie en -langbroek is tydloos. Met die regte bykomstigede in soortgelyke skakerings kan dit ook baie byderwets lyk. GROEN EN PIENK Kies subtiele kleur met trefkrag in hierdie liggroen-en-pienk kombinasie vir ’n somervoorkoms propvol karakter. PARMANTIGE PERS Trek die aandag met opvallende helderpers en kombineer dit met swart en wit. KRY DIT HIER EDGARS 086-011-1826; FASHIONWALK.CO.ZA; FOREVER NEW 086-001-8014; FOSCHINI 086-083-4834; IDENTITY 021-460-2400; JEULIA.CO.ZA; LOVISA 080-001-4504; MANGO.COM; MARKHAM…

DIE winter is verby, dis tyd om vrugteslaai te eet en in die koel skadu van bome uit te span. Met die nuwe seisoen kom kleurvolle migrerende voëls terug en die velde, klowe en woude roep om verken te word. Maar in hierdie tyd roer ook ’n onwelkome gedierte weer sy kop in die lang gras. ’n Gewraakte gedroggie wat soos ’n vampier uit sy sluimer ontwaak met ’n dors na bloed. Jy sal ’n bosluis gewoonlik betrap nadat jy in die veld gaan stap het. Soms sit die uitvaagsel in Wagter se hare nadat die brak in die lang gras gaan draf het. Soms het hy bytplek aan die hond se vel gekry en hom reeds trommeldik aan die bloed gedrink teen die tyd dat jy hom raaksien. Of…

JOU geldsake lyk beroerd en jy wil geld leen. Maar daar is heelwat oorwegings, of jy nou by die bank of vriende aanklop. Presies hoeveel het jy nodig, waar kry jy die beste leenvoorwaardes, wat is die slaggate? Ons bekyk vyf algemene opsies. 1 FAMILIE EN VRIENDE ◼ Voordele As hulle jou ken as iemand wat jou beloftes gestand hou, behoort jy maklik die lening te kry. Jy sal moontlik min of geen rente betaal nie, en die lener sal waarskynlik tegemoetkomend wees wat die terugbetalingstyd-perk betref. Die lening sal nie op jou kredietrekord wys of jou krediettelling beïn-vloed nie. ◼ Risiko’s Verwag kritiek as dit lyk of jy skielik meer op “onnodige” dinge uitgee – selfs al betaal jy getrou terug. Sekere mense sal reken hulle het die reg om…

TARRYN OOR DIE LIEFDE EN LEWE Die Ghoemabekroonde sangeres het onlangs haar eerste enkelsnit in meer as twee jaar uitgereik. Die Engelse snit, getiteld “Sunny”, is geskryf in die hartjie van die inperking – en aanhangers was so oorstelp om haar nuwe musiek te hoor dat die musiekvideo vir die liedjie binne net twee weke byna 20 000 keer gekyk is. “ ‘Sunny’ herinner my daaraan dat jy nie alles uitgefigure hoef te hê nie,” sê Tarryn. “Dis ’n boodskap van hoop en liefde – een wat sê liefde en goedheid kan die wêreld verander, maar dit begin by elkeen van ons.” Aanhangers kan later nog Afrikaanse musiek van haar verwag. LOUISE CARVER IS TERUG! Die sangeres se sewende ateljeealbum, Dark Secrets, is pas uitgereik – kort nadat die eerste…

EN DAAR sal geen blomme wees nie. Net vere. Wittes. Lorraine laat sak die boek op haar skoot en weet nie of sy moet lag of huil nie. “Wanneer gaan ek so vinnig al hierdie goed gedoen kry? En nie in die kerk nie? Die res van die familie gaan mos ’n oorval kry. Ouma was wraggies nie meer by haar volle verstand toe sy dit geskryf het nie.” “O, maar sy was, Lorraine. Kyk na die datum. Dit was vyf maande gelede. Ons almal weet sy was compos mentis tot die dag van haar dood. Sy was ’n ander tannie dáái. Ek is seker as sy kon, sou sy in Las Vegas gaan trou het, mét ’n nagemaakte Elvis en vals predikant.” “Liewe hemel, Steyn, maar wat is hierdie?…

SKERPIOEN 23 OKT – 21 NOV Al doen jy jou bes om dinge in jou lewe te be-stuur, sal daar altyd gebeure wees wat ’n mens laat voel jy verloor be-heer. Dis nie die ergste ding wat kan gebeur nie, want verandering is deel van die lewe wat hanteer moet word, of jy daarvan hou of nie. Dit is ’n week van verandering, sommige onverwags en uit die bloute, maar alles dien die doel om jou uit ’n groef te kry. Probeer om oopkop daaroor te wees. GELUKKIGE NOMMERS 15, 21, 30, 34, 25, 16 FIKSHEID EN WELSTAND ◼ Oefen is ’n manier om af te skakel en te herlaai. ◼ Jou gunstelingaktiwiteit is enigiets wat met water verband hou. ◼ Jy is topfiks wat jou finansies betref. ◼ Geld…

1 LYK HY BEKEND? Nee, jy verbeel jou nie – jy het daardie videowinkel-ou in Blockbuster, die nuwe Netflix-komediereeks, beslis al voorheen gesien. Ja, dis die einste Tyler Savage Alvarez (24), van Nickelodeon se Every Witch Way en Netflix se Never Have I Ever. In Blockbuster speel hy die rol van Carlos Herrera, ’n immigranteseun wat groot toekomsplanne maak terwyl hy rakke regpak. 2 DIE FLIEKMAL DROMER Oor die Blockbuster-span sê Tyler: “Ons gaan jou nuwe gunstelingwerknemers van die maand word. Ek is mal oor al die wonderlike en talentvolle mense wat betrokke is by die maak van hierdie program, en kan nie wag dat almal dit sien nie.” “Werknemer van die maand” is ’n speelse verwysing na die tradisie van klein Amerikaanse sakeondernemings om ’n uitskieter met ’n prys…

DIE ontwikkelings wat die afgelope klomp dekades in nanotegnologie plaasgevind het, wys daar is onbeperkte po-tensiaal in die mikrowêreld van atome, molekules en selle – ’n wêreld wat veels te klein is om met die blote oog waar te neem. Dit is hiér waar die verkenning en manipulasie van die boublokkies van die heelal nou moontlik word, en waar opwindende (een vreesaanjaende) dinge gebeur! KLEINER AS KLEIN Verbeel jou jy word eendag wakker en kom agter jy het 1,5 miljard keer kleiner gekrimp, terwyl alles rondom jou steeds die “normale” grootte is. Pleks daarvan dat jy stoele, boeke, die televisie of jou gesinslede sien, kyk jy vas teen atome en selle – die boublokke van alles in ons wêreld! Verbeel jou nou jy kan hierdie boublokke skuif, herstapel en nuwe…

KYK DIE KINDERPROGRAM GRATIS! Kinders kan die aanlyn Afrikaanse kinderprogram Die Babbelbende op enige selfoon, rekenaar of tablet kyk – en dis gratis! Besoek huisgenoot.com om al die episodes van die reeks op ons tuisblad te kyk. Elke episode is 12 minute lank. In dié prettige, leersame reeks ontdek Bibi en haar maats, Palawa die kameelperd en Paloeka die leeu, saam met die verkenner, Ben, allerlei interessante dinge – en jou kind kan saam leer. BESTEL JOU POPPE EN STORIEBOEK HIER DIE STORIEBOEK R155 ALBEI POPPIES R359 DIE STORIEBOEK + 1 POPPIE VIR R329 NET EEN POPPIE VIR R199 BESTEL DIT SO BEL 021-406-4962 E-POS koop@huisgenoot.com AANLYN media24.shop.com of huisgenootwinkel.com…

NIE alle silwerdoekhelde lyk soos Sup erman nie. Hierdie een is ’n 68-jarige man met ’n passie vir diepseeduik en ’n slag om die grootste rolprente van alle tye te regisseer. James Cameron weet beter as meeste hoe om ’n rolprentteater vol te pak. Hy maak nie baie rolprente nie, maar elkeen is ’n geleentheid. Sy lokettreffer Titanic van 1997 was die eerste rolprent wat $1 miljard (toe sowat R5 miljard) laat inrol het. Twaalf jaar later was hy weer die koning van die wêreld toe sy epiese we-tenskapsfiksiefliek Avatar die eerste rolprent geword het wat deur $2 miljard (toe sowat R14 miljard) gebreek het. Dit is steeds die rolprent met die grootste bruto wins wat nog ooit gemaak is. Nie sleg nie, veral nie as jou CV ook twee…

OM IN die kop van sy bose karakters te leef het hom so depressief gemaak dat hy twee jaar gelede byna die toneelwêreld verlaat het. Maar Evan Peters (35) het vasgebyt – en nou lyk dit na ’n uitgemaakte saak dat hy die Emmy vir beste akteur gaan wen vir sy vertolking van Jeffrey Dahmer, een van die berugste reeksmoordenaars ooit. Hy is natuurlik nie die eerste akteur wat dié menseslagter speel nie, maar volgens kenners is hy weergaloos in Netflix se nuwe dokkiereeks, Monster: The Jeffrey Dahmer Story. “Dit was absoluut een van die moeilikste dinge wat ek al ooit moes doen,” sê Evan. Tussen 1978 en 1991 het Dahmer altesaam 17 mense vermoor. Sy slagoffers was meestal jong, gay swart mans. Massamoordenaar, pedofiel, nekrofiel, kannibaal – dit alles…

SONSKYN is gewoonlik die “bestelling” vir ’n buitelugtroue, maar vandag dra die prentjiemooi Franschhoek-vallei ’n sluier van lentereën. Maar die weer demp geensins die opwinding onder die gaste wat kuier-kuier op die ruim stoep van die Boschendal-wynlandgoed skuil nie. Want ná sewe jaar saam gaan die akteur, sanger en fotograaf Ramey Short (40) en sy geliefde, die talentvolle fotograaf Loricia Bruwer (32), eindelik afhaak. Die reën bly neersif en die vooruitsig van ’n huwelikseremonie op die grasperk lyk ál skraler. Dan stap die Binnelanders-akteur en sy vier strooijonkers nader, groet die gaste en vra nog ’n bietjie geduld terwyl Plan B – die onthaalsaal – gereed gekry word. Niks gaan hulle keer om hierdie heuglike dag met hul gaste te deel nie. Soos Ramey vroeër aan Huisgenoot gesê het: Sy…

DIE Survivor South Africa: Immunity Island-wenner NICOLE WILMANS is mal oor reis en het onlangs vir die eerste keer in New York vakansie gehou. “Om te reis laat ’n mens besef hoe groot en wyd die wêreld is,” sê Nicole. “Dit stel jou bloot aan verskillende kulture en is kos vir die siel. Die lewe is te kort om nie daai vlugte te bespreek nie!” Om die Big Apple saam met haar ma, Marinda Wilmans, te kon verken was een van die spesiaalste dinge wat sy al ooit beleef het. “Ek het voor ons reis ’n pro-gram bymekaargesit, en ons het alles van die Brooklynbrug tot ’n koffie en croissant in Central Park geniet. Ons het elke dag so 25 km gestap – ’n mens sien soveel meer as jy deur…

1 TAYLOR BREEK SPOTIFY As daar een ding is wat die sangeres TAYLOR SWIFT (32) goed kan doen, is dit om ’n toetrede tot die trefferlyste te maak – en rekords te oortref. Haar 10de album, Midnights, het Spotify laat ineenstort die oomblilk wat dit uitgereik is. Dit het haar horde aanhangers woedend gemaak, maar hulle was nie lank ontsteld nie. Drie uur ná die uitreiking het die sangeres Swifties met ’n spesiale uitgawe van haar nuwe album verras en nog sewe snitte uitgereik. 2 JUDI LAAT NETFLIX DIE KNIE BUIG JUDI DENCH (87) het haar stryd met Netflix oor hul trefferreeks The Crown gewen. Die gevierde Britse aktrise het die stroomreus versoek om ’n kykerswaarskuwing by die reeks te voeg, want die komende seisoen beeld Charles uit as dat hy die koningin…

DIS ’n gesukkel. Jy beplan ’n geleentheid – dalk iets persoonliks soos jou troue of ’n geliefde se begrafnis, of dalk iets groots soos ’n kermis of ’n beroemde gasspreker by jou leeskring. Tussen al die reëlings deur is daar altyd een ding wat ’n mens ure lank besig hou – om die perfekte uitnodiging, plakkaat of aanlyn advertensie te ontwerp. Jy weet goed hoe ’n professionele ontwerp veronderstel is om te lyk, maar wanneer jy in Microsoft Paint of iets dergeliks ’n ontwerp aanmekaarslaan, lyk dit dikwels so amateuragtig soos iets wat ’n laerskoolkind kon geteken het. Boonop kos ’n professionele ontwerper jou ’n plaas se geld. Daar is ’n ou cliché wat sê ’n entrepreneur is iemand wat ’n geleentheid sien waar ander mense ’n probleem sien. En…

Romerige VIS-PANPASTEI BEREIDING EN GAARMAAK: 1 UUR / GENOEG VIR 4 MENSE ◗ 40 g botter◗ 1 middelslag-prei (350 g), in dun skywe gesny◗ 1 selderystingel (100 g), fyn gesny◗ 1 middelslag-wortel (120 g), fyngekap◗ ⅓ k (50 g) gewone meel◗ ½ t fyn witpeper◗ 1 k (250 ml) visaftreksel◗ ½ k (125 ml) room◗ 1 vars lourierblaar◗ 2 t Dijonmosterd◗ 1 t fyngerasperde suurlemoenskil◗ 800 g ferm wit visfilette, gekap◗ 1 e gekapte pietersielie◗ 1 e fyngekapte dille◗ 1 eier, liggies geklits◗ 1 vel botterige skilferkorsdeeg, ontdooi 1 Smelt die botter in ’n oondvaste middelslag-braaipan oor matige hitte. Voeg die prei, seldery en wortel by en kook. Roer deurentyd tot die prei liggies goudbruin is. 2 Voeg die meel en witpeper by, kook en roer 1 min. Roer die…

MET nuwe skoonheidsprodukte wat byna daagliks bekendgestel word, is dit baie maklik om oorweldig te voel deur die groot verskeidenheid grimeeren velsorgprodukte wat elkeen meer gevorderde formulerings, baanbreker tegnologie en revolusionêre resultate beloof. Maar sekere produkte het die toets van tyd deurstaan en vlieg jaarliks van die rakke af. Dis daardie klassieke produkte wat deur generasies oorgedra word en waarvan die formulerings sedertdien feitlik onveranderd gebly het – bewyse dat dit inderdaad werk en hul plek in verbruikers en kenners in die skoonheidsbedryf se mooimaakarsenaal verdien. ’N RETRO-ROOI IKOON Daar is ’n magdom rooi lipstiffies daarbuite – dan is daar Ruby Woo: MAC se ikoniese buisie wat al die ander rooi lipstiffies uitstof en al twee dekades sterk staan. Tog was dit nooit hul slim chemici se doelwit met die…

FALL Rillerdrama. Met Grace Caroline Currey, Virginia Gardner en Mason Gooding. Regisseur: Scott Mann. 16TG. WAAROOR GAAN DIT? Vir Becky (Grace Caroline Currey) en haar beste vriendin, Hunter (Virginia Gardner), gaan die lewe daaroor om vrese te oorwin en grense te verskuif. Maar nadat hulle 610 m na die bopunt van ’n afgeleë, verlate radiotoring geklim het, besef hulle dat hulle gestrand is – en daar is geen manier om weer af te klim nie. Becky en Hunter se klimvaardighede word tot die uiterste getoets terwyl hulle desperaat spook teen die elemente en boonop amper niks voorraad het om dié hoogte te oorleef nie. Die akteur Jeffrey Dean Morgan van die treffer-zombiereeks The Walking Dead is te sien as Becky se bekommerde pa, James. IS DIT DIE KYK WERD? Jy…

GROOT BLOKRAAI WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. NO 2 464 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. VRAAG: Watter vrug is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

DIE BESTE RAAD WAT HY OOIT GEKRY HET “Enigiets is haalbaar. Maak nie saak wie jy is of watter omstandighede oor jou pad kom nie. As jy vertroue in jouself het, sal jy slaag. Soms moet ek myself net daaraan herinner.” SY LIEFDE VIR DIE NATUUR “Daar is hierdie soort versagting wat gebeur wanneer jy verswelg word deur iets met soveel skoonheid en hemelse kennis. As jy aandag gee, is dit alles daar. So skakel jou foon af en gaan hang ’n bietjie uit saam met Moeder Natuur!”…

James Cameron het in 2012 geskiedenis gemaak as die eerste mens wat stoksielalleen tot op die diepste plek in die oseaan gereis het. Die Challengerdiepte, wat hy besoek het, is in die Marianatrog in die Stille Oseaan. Hy het die duiktog alleen aan boord van die Deepsea Challenger onderneem, ’n duikboot wat spesiaal vir die geleentheid gebou is. Dit het hom tot ’n diepte van bykans 10 908 m (bykans 11 km) onder die see se oppervlak geneem. Dit was die eerste bemande reis na die gebied sedert die Amerikaanse vloot se duikboot Trieste met lt. Don Walsh en Jacques Piccard aan die stuur in 1960 ’n diepte van 10 912 m bereik het. Maar James se sending is as die eerste soloekspedisie in die rekordboeke aangeteken. Die rolprentmaker, wat…

◼ Africa Teen Geeks (africateengeeks.co.za): Hulle bied robotika-en programmeringslesse aan wat ontwerp is om leerlinge die digitale toekoms te help betree. Hulle is in Johannesburg gebaseer, fokus op laer-en hoërskoolvlak, en bied ook ekstra klasse in wetenskap, tegnologie en wiskunde. ◼ GirlCodeZA (girlcode.co.za): Hulle bied aanlyn kursusse en GirlCoder-werksessies in persoon, waar hulle deelnemers leer om sagteware te ontwikkel. Hulle het ook ’n GirlCoder Club – ’n landwye netwerk van programmeringsklubs vir hoërskoolmeisies. ◼ Quirky30 (quirky30.co.za): Deur hul affiliasie met die CoderDojo-program het hulle ’n wêreldwye gemeenskap van gratis programmeringsklubs vir jong mense tussen sewe en 17, onder leiding van vrywilligers. Daar kan hulle in ’n informele, kreatiewe en sosiale omgewing leer programmeer, ’n webtuiste bou, ’n app of speletjie skep en tegnologie verken. Hulle het ook ’n kampus in…

HAAR kurwes het van haar ’n ikoon gemaak, juis omdat hulle allesbehalwe beskeie was. En deur die jare het sy dit tot ’n kunsvorm verfyn om daarmee te spog. Haar sitvlak en borste het uit bikini’s gepeul, aan lycra gekleef en ontwerpersrokke laat pronk. Maar daardie bekende agterstewe is aan’t kwyn terwyl Kim Kardashian nou teen ’n byna kommerwekkende koers die kilo’s afskud. Haar perdebymiddel word ál smaller, en haar gevierde kurwes krimp ál meer. Met dié dat sy net 1,57 m staan wanneer sy haar spykerhakke uitskop, was sy altyd klein met kurwes – nou is sy nét klein. Natuurlik mag sy met haar eie lyf doen net wat sy wil. Dis immers haar eie liggaam, en sy is 42 jaar oud – sy kan gewig aansit of afskud…

DIE fyn babadogtertjie se wakker ogies kyk niks mis nie. Sy brabbel land en sand en gryp ’n sliert van haar ma se hare met gretige handjies vas. “Dit het nog nie ingesink dat sy hier is nie,” sê klein Marné Muller se pa, Marco (27), half verwonderd terwyl hy na hul eersteling in sy vrou, Niké (25), se arms kyk. Sy weeg nou 3,7 kg – ’n gesonde gewig vir ’n pasgebore baba, maar dié kleinding is al ’n volle sewe maande oud. Met haar geboorte op net 28 weke het sy 630g geweeg, net ’n raps meer as ’n blok botter. Hulle moes meer as ’n halwe jaar wag voor hulle haar huis toe kon bring. ’n Volle 225 dae van stres, trane en hoop, van elke dag…

IN SY dae as Suid-Afrika se krieketkaptein is hy dikwels oor sy flambojante voorkoms aangevat, sal hy jou vertel. Sy modes het byna net soveel aandag gekry as sy mokerhoue. Maar vandag lyk dit asof Faf du Plessis pas van ’n luukse seiljag afgestap het. Kameelkleurige langbroek, elegante wit trui. Die ene klassieke sofistikasie. Net die swart steen aan ’n goue ketting en ’n tatoe wat onder sy mou uitloer, verklap ’n speelse kant. Bowenal lyk hy op 38 tuis in sy lyf – ’n eienskap wat hom deur die donkerste tye van sy lewe en loopbaan gehelp het. Hy groet met ’n stewige handdruk en dieselfde reguit kyk, dink jy heimlik, waarmee hy die swaai van ’n bal takseer voor hy dit oor die grens moker. Praat jy oor…

◼ Gaan na canva.com en skep ’n rekening. ◼ Daar is ’n opsie vir gratis lidmaatskap wat jou in staat stel om ’n klomp baie professionele ontwerpe, insluitend Facebookbaniere, Instagram Stories, grafika, logo’s, skyfievertonings en ander dinge te maak. ◼ As jy egter ’n betaalde lidmaatskap kies, word die getal ontwerpe wat jy kan gebruik drasties meer. ◼ Kies die ontwerp wat vir jou mooi is. Vervang net die woorde en foto’s op die ontwerp met jou eie teks en prente. Jy kan ook dinge rondskuif as jy dink jy kan die ontwerpe en kleure verbeter. ◼ Laai jou spoggerige ontwerp af vir latere gebruik.…

VIR HAAR RUCHE-MOUE ’n Baadjie met ruche-moue voeg ’n ekstra element van tekstuur by. Dit is hoog in die mode en ideaal vir soel weer. DUBBELBORS Hierdie baadjies is ’n goeie toevoeging vir ’n formeler geleentheid. Sit ’n tikkie pret by met ’n helder kleur. KORT SNIT ’n Kort baadjie sorg vir ’n cool afronding wanneer dit saam met informele jeans of ’n kort-broek gedra word. NOUPASSEND Hiedie baadjie is gefatsoeneer en funksioneel. Dit werk ewe maklik vir ’n laat ontbyt saam met vriende as in die raadsaal. VIR HOM LIG IN LINNE ’n Ligkleurige baadjie in ’n ligte materiaal soos linne is ’n staatmaker vir jou somerklerekas. Glip dit net aan en vat die pad! PATROONPARTYTJIE Gee jou voorkoms ekstra flair met ’n patroonbaadjie – alles van…

1 LAAT JOU KRISMISROSE FEESTELIK LYK Jou krismisrose sal waarskynlik van November af pragtig blom. As dit nie die geval is nie, beproef ’n suur blaarvoeding en ’n deklaag met basskyfies om die plant. Onthou om dit goed nat te hou, veral as die krismisrose in potte geplant is. Sorg dat die plante helder sonlig kry, maar nie altyd direk nie. GEPRAAT VAN ROSE Maak jou rose twee keer per week nat in die warm seisoene, veral as jy nie in ’n somerreënvalstreek bly nie. Knip dooie blomkoppe en onproduktiewe, stokkerige groei uit en voeg voeding met ’n see-of misbasis by om jou plante ’n hupstoot te gee. Kyk onder blare en blomme vir plae en spuit ’n organiese plaagbestryder aan aangetaste areas. Jy kan die rose ook be-handel om fungusinfeksies…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘OM NIE JOU KIND TE WIL DRUK OF SOEN NIE, WYS OP ’N HEEL ANDER PROBLEEM’– IRMA KLEINDOGTER WORD VREESLIK VERSKREE V My dogter is ’n tweede keer getroud. Sy het ’n sewejarige dogtertjie uit haar eerste huwelik en ’n vierjarige uit die tweede. Sedert die tweede kind gebore is, kry die oudste enetjie emosioneel baie swaar. My dogter verskree haar die hele…

● Beatrice is die een na wie ’n roos vernoem word deur die laventelhaan-fotograaf wat haar as skoolmeisie al verlei en naak afneem. Jare later as treurende weduwee is sy steeds beeldskoon, maar soos ’n “kunsvoorwerp wat agter ’n ferweelgordyn wag om onthul te word”. ● Sophié was die een wat langs haar ousus op foto’s die halfskeel, puisierige een was. Sy was die een met die kop vir somme wat in die tyd toe beurse nie op slim meisies vermors is nie, die kans aangegryp het om te gaan leer en ’n verpleegster te word. Sy vermy die familie plaas weens iets wat Beatrice in hul jong dae aan haar gedoen het. ● Kietie is net twee dae ouer as Ivy. Haar pa se deel is die kant wat…

SKERP WOORDE Watter verhouding gaan nooit baie lank hou nie? Dié tussen ’n potlood en ’n skerpmaker. E. MOELICH RISIKOPROFIEL As die versekeringsmaatskappye agterkom jy leen jou kar vir jou 18-jarige seun, gaan hulle jou paaiemente behoorlik laai. Want in net een aandjie uit verkort hy die motor se lewensverwagting met drie jaar, en sy pa s’n met vyf jaar. JOHAN H, GONUBIE SOMTOTAAL Die onderwyseres sukkel vreeslik om wiskunde in Jannie se kop te kry en probeer nogmaals ’n voorbeeld. Juffrou: “As jy jou hand in jou regterbroeksak steek en ’n R5 daar kry, en jy steek jou hand in jou linkerbroeksak en jy kry nog ’n R5, wat sal jy hê?” Jannie: “Iemand anders se broek, juffrou.” SAN MARCHAND OPTIMISTIESE VRYER Gladdejan aan die aanvallige vrou ná hul…

SAMESTELLING: bio (betekenis: dinge wat met die natuur verband hou) + diversiteit (betekenis: ’n klomp verskillende dinge) In die natuur is dit belangrik dat daar ’n groot klomp verskillende diere en plante saam bestaan, want hulle voed op mekaar en skep vir mekaar ’n gesonde ruimte om in te leef. ’n Mens noem dit biodiversiteit. As daar in jou tuin net een plant groei (byvoorbeeld gras), is daar min biodiversiteit. As daar egter baie verskillende bont plante groei wat talle insekte lok, is daar baie biodiversiteit.…

1 In watter land dra mans rompies bekend as kilts? 2 Wat is die hoofstad van Japan? 3 Waar of onwaar: Om tromme te speel verbrand meer kalorieë as draf of fietsry. 4 Mr. Potato Head is ’n karakter uit watter fliek? 5 Watter kleur is ’n ysbeer se vel as jy al sy wit hare afsny? ANTWOORDE 1. Skotland 2. Tokio 3. Waar 4. Toy Story 5. Swart BRONNE SMITHSONIANMAG.COM, REUTERS.COM, NPR.ORG, BUSINESSINSIDER.CO.ZA, HISTORY.COM, MEDIUM.COM, BBC.CO.UK, BRITANNICA.COM…

REEKSE ONI: THUNDER GOD’S TALE KYK DIT OP: NETFLIX VIR OUDERDOM: 6+ Dit speel af in ’n wêreld gevul met die vreemde gode en monsters van die Japannese mitologie. Onarie, die vrygeestige dogter van een van hierdie wesens, is vasbeslote om in die voetspore van die magtige helde van ouds te volg. Maar haar unieke kragte moet nog aan haar onthul word. Sal sy in staat wees om haar vreedsame dorpie te beskerm teen die geheimsinnige “Oni” wat die gode bedreig? TALES OF THE JEDI KYK DIT OP: DISNEY+ VIR OUDERDOM: OD Is jy ’n Star Wars-aanhanger? Dan is hierdie nuwe animasiereeks jou volgende groot binge. Dit vertel die agtergrondstorie van Anakin Skywalker se leerling, Ahsoka Tano, asook die verhaal van Count Dooku, wat stadig wegdryf van die Jedi se…

GRAAD R-3 OUDERDOM 5+ NET R165 OEFEN SAAM Dis sommer twee vlieë met een klap: gehaltetyd saam met jou kind én ’n beter begrip van wiskundige konsepte. Die wiskundeflitskaarte bevat genoeg kaarte om jou kind op vele vlakke van basiese wiskunde uit te daag. Of jy nou jou gr. R-kind wil voorberei vir gr. 1, of grondslagfasekon-septe wil vaslê, dié kaarte maak dit hope pret. ELKE PAK KAARTE BEVAT • 1 kaart elk van 0 en 13-100 • 2 kaarte elk van 1-12 • Alle bewerkings (+ - x ÷ = > <) • ’n Gelamineerde horlosiekaart • 7 kaarte vir die dae van die week • 12 kaarte vir die maande van die jaar • Kaarte vir al die seisoene HOE GEBRUIK EK DIE KAARTE? Oefen speel-speel met die kaarte.…

Op huisgenoot.com kan kinders nou die nuwe aanlyn Afrikaanse kinderprogram Die Babbelbende kyk. In dié reeks onder soek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Huisgenoot.com is deel van Netwerk24, en jy moet registreer om die episodes van Die Babbelbende te kyk. Besoek netwerk24.com om te registreer of laai die app in jouapp-winkel af. Kom leer ken Die Babbelbende – en geniet hul vrolike geselskap…

1930’s GONE WITH THE WIND (1939) Vir inflasie aangepas is Gone with the Wind die suksesvolste fliek van almal en skuif dit Avatar tot in die tweede plek. Die epiese rolprent met Vivien Leigh en Clark Gable het in 1939 $403 miljoen laat inrol, wat vandag $4 miljard (R70 miljard) is. Destyds was daar beduidend minder mededinging. Daar was nie televisie nie en rolprentteaters het gefloreer. 1940’s PINOCCHIO (1940) & BAMBI (1942) In die Tweede Wêreldoorlog het mense gestroom om tekenprente vir ontvlugting te kyk. Pinocchio is so onlangs as vanjaar herskep, maar was nie naastenby so suksesvol soos destyds nie. Dit was ontvlugtingsflieks vir ’n tyd en vir mense wat dit nodig gehad het. 1950’s THE TEN COMMANDMENTS (1956) Epiese godsdiensflieks was ’n staatmaker van 1950’s-rolprentteater. The Ten Commandments…

FRANCOIS JACOBS & NYKIE PRETORIUS Die Op my eish!-paartjie is steeds smoorverlief, en sedert Nykie onlangs van Pretoria na Johannesburg verhuis het, kan hulle nou ook gereeld saam oefen. Hulle doen graag kardio-en gewigsoefeninge en boks. “Ek was nog altyd aktief; ek het op skool sport gedoen en ná skool begin gim en nie regtig opgehou nie,” sê Nykie. “Dis beslis iets wat my brein help afskakel. Wanneer ek baie dinge het wat my kop besig hou, gaan oefen ek en ewe skielik voel ek net beter.” Ook Francois sê om te oefen laat hom goed voel – al is hy nie noodwendig mal daaroor nie. “Oefening is goed vir my, en ek weet dit, so ek doen dit,” sê hy. “Nykie leer my baie van gesond eet en om…

‘Sy het ’n bietjie afstand gekry, en ge-voel dit was vir haar die gesondste ding om nou te doen’-’N BRON OOR MILEY CYRUS SE REAKSIE OP HAAR OUERS SE SKEIDING DIE ink op sy egskeidingsdoku-mente was skaars droog of sy liefdeslewe het weer die hoofopskrifte gehaal. Die countrysanger Billy Ray Cyrus (61), wat by die 26-jarige blonde bom Firerose vir sy gebroke hart troos gesoek het, is nou glo verloof. Geen amptelike aankondiging is al gemaak nie, maar op ’n foto wat die twee op Instragram geplaas het, spog die Australiër met ’n opvallende diamant aan haar ringvinger. Billy se vervreemde vrou, Tish (55), het in April ná ’n huwelik van 28 jaar op grond van onversoenbare verskille ’n egskeiding gevra. Sy het toe ook onthul die twee het vir…

ASOF daar nie genoeg drama tussen die ekse OLIVIA WILDE en JASON SUDEIKIS is nie, het hul voormalige kinderoppasser nou ook met stories vorendag gekom oor die verbrokkeling van die paartjie se verhouding. Volgens dié anonieme bron – wat omgesien het na hul kinders, die agtjarige Otis en sesjarige Daisy – was Jason (47) ontsteld toe Olivia (38) vir haar nuwe kêrel, HARRY STYLES, van haar “spesiale” slaaisous by hul gesinshuis gemaak het net enkele dae nadat sy verlede November met Jason uitgemaak het. “Ek het gevra watter slaaisous, en hy het gesê: ‘Sy’t ’n spesiale slaaisous wat sy vir ons maak, en sy het dit nou gevat om saam met hom te eet,’ ” vertel die oppasser. Sy beweer Jason was so desperaat om hul verhouding te red dat…

VRA JY vir Oprah Win-freydees dae wat sy met haar tyd doen, antwoord sy da-delik: “Ek stap my alie af.” En dis die waarheid! Stap is haar gunsteling-tydverdryf, endaaristalle foto’s om dit te bewys. Natuurlik pak Oprah eni-ste modes – die hoed, die gemaksklere en stapkierie kom alles waarskynlik uit Amerika ge ding aan met die nuut se voorste klereboetieks. Om te stap het haar met nuwe lewenslus gevul, vertel die mediamagnaat, en sy is so mal daaroor dat sy al een van haar broeke flenters geloop het. Dit gaan ook nie net oor pret en fiksheid nie; stap gee haar weer woema nadat sy verlede jaar operasies aan albei knieë moes ondergaan. “Toe ek aan die herstel was, het ek begin stap. Elke dag het ek ’n entjie…

Jy’t nie superkrag nodig om die wêreld te verander nie. Kyk hoe dié Suid-Afrikaanse pioniers die weg gebaan het vir toekomstige presteerders soos jy! Dié uitgawe bevat meer as 140 Suid-Afrikaners wat grense verskuif en op die wêreldverhoog geskitter het. Of dit nou in Hollywood, op die musiektoneel, in die sportarena, wetenskap, sakewêreld of op die modeverhoog is waar hulle uitgeblink het – hierdie inspirerende Suid-Afrikaners sal jou aanspoor om jou drome te bewaarheid! LEES MEER OOR Charlize Theron Trevor Noah David Kramer Die Ndlovu-jeugkoor Nelson Mandela Desmond Tutu Elon Musk Mark Shuttleworth Deon Meyer Chris Barnard Wayde van Niekerk Ryk Neethling Rolene Strauss en vele ander! BESTEL NOU AANLYN media24.shop.com of huisgenootwinkel.com E-POS koop@huisgenoot.com BEL 021-406-4962…