Innehållsförteckning för 08 December 2022 från Huisgenoot

1 JY SÊ HOEVEEL MENSE PRAAT AFRIKAANS? Die Oscarbekroonde Charlize Theron se opmerkings oor Afrikaans het ’n groot bohaai veroorsaak Dis baie hartseer en nie waar wat jy sê nie. Ons is trots op ons taal; hoe kan jy nie wees nie? Dis in ons bloed, wie ons is, en wie jy is. Ek sal mense leer oor my taal en jy het ook, nou sê jy iets anders? GAYNOR Afrikaans is nie eers in Suid-Afrika die lingua franca nie; Engels is. Dis ’n feit. Dis nie iets om oor sleg te voel of skaam te wees nie. Ons kan steeds sentimenteel trots wees op ons taal. ELBI Mense moet dalk die podsending gaan luister. Ek lag vir al die ontstigtes. Ontspan, mense! Dis akteurs besig om mense te vermaak;…

OP DIE foto’s straal sy in ’n helderpienk ontwerpersrok. Die treffende grimering beklemtoon haar mooi oë. Sy lyk vroulik en sensueel. Maar waar haar bos donker hare eens was, is haar kroon nou kaal. Dit was ’n moeilike pad tot by vandag se fotosessie, vertel Verna Mulder. Sy is op die jong ouderdom van 30 in ’n stryd teen borskanker gewikkel. Onlangs moes sy ’n dubbele mastektomie ondergaan, en chemoterapie het die hare geëis waarop sy eens so trots was. “Jy voel nie meer mooi nie. Jy lyk nie meer mooi nie. En jy wonder hoekom jy jouself sal wil laat afneem,” erken sy. Maar toe ’n fotograaf, Monique Minnaar, haar onlangs nader en vra of sy vir foto’s sal poseer, het sy ingestem. Hulle ken mekaar omdat hul dogters…

DIS soos ’n Oscar vir sjefs, en om een te wen, moet jy onder die wêreld se heel bestes wees. Ja, ons praat natuurlik van die gesogte Michelin-ster. Om een agter jou naam te kan skryf, verg harde werk, toewyding, talent en perfeksionisme in die kombuis. Maar as jy hom eers het, staan die rykes en beroemdes tou. Vra vir Thinus van der Westhuizen (33), wat onlangs die vierde Suid-Afrikaner geword het wat ’n Michelin-ster gekry het. Thinus, ’n Pretorianer, is die hoofsjef van 99 Sushi Bar in Abu Dhabi. Dis sy bemeestering van dié Japannese koskuns wat die beoordelaars beïndruk het. In ’n video-onderhoud met Huisgenoot uit die restaurant vertel Thinus hulle het ’n besige naweek agter die rug danksy die Formule 1-Grand Prix. “Ons het Pep Guardiola (die…

EERS was daar die skok om te hoor sy’s “te vet vir Nieu-Seeland”; toe moes sy verduur hoe die wêreld oor haar “verknorsing” gons. “Dis vreemd wanneer wildvreemdelinge jou lyf bespreek. Die storie het tot in China gaan draai, en dis so ’n intieme ding. Dit was eienaardig om te weet almal praat daaroor,” sê Mondelea Bezuidenhout (36) in ’n video-oproep aan Huisgenoot. Maar ’n jaar nadat dié Suid-Afrikaans gebore vrou moes hoor sy moet 30 kg afskud of Nieu-Seeland verlaat, kan sy die boelies op hul neuse laat kyk. Danksy harde werk is Mondelea vandag maer genoeg vir Nieu-Seelandse verblyfreg en droom sy van ’n loopbaan as model. Maar dit was “ ’n bisarre ervaring”, vertel Mondelea, wat destyds 150 kg geweeg het. Sy verstaan nou alte goed wat…

DIE jaareindkuiers is in volle gang en die uitnodigings stroom in. Dit beteken net een ding: Dis tyd om te sprankel! Die feestyd is die volmaakte geleentheid om te speel met helder kleure, blink palette en metaalkleurige verligters – wat gewoonlik onaangeraak agterin die grimeertassie bly – vir pragtige partytjievoorkomste. Die klassieke rooi lip en gevleuelde ooggrimering bly staatmakers vir familiekuiers en kantoorpartytjies, maar jy kan beslis helder kleure en ongewone kombinasies byvoeg wat die vreugde en gevoel van feesviering van die seisoen weerspieël. Is jy gereed om te sprankel? Hier is vyf voorkomste om jou gees te laat vang. 1 BLINK, ROKERIGE OË ’n Rokerige oog is altyd ’n staatmaker vir ’n partytjie. Maar as kohl-omlynde ooglede in strak grys en swart eerste by jou opkom, dink weer. ’n…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. DOGTER HET ’N SUINIGE KÊREL V Ek is die ma van een dogter. Sy is in haar laat 20’s, woon op haar eie en het ’n goeie werk. Sowat ’n jaar gelede het sy begin vas uitgaan met ’n kollega. Hy het mooi maniere, is aangename geselskap en behandel ons met respek. Daar is net een probleem: Hy is vreeslik suinig. Hy neem…

BEGUNSTIG Die man is oorlede, en een van sy mooiweersvriende sit afwagtend en luister hoe sy prokureur die testament voorlees. Dan kom hy eindelik aan die beurt: “ . . . en aan Bernard Mouton, wat ek belowe het om in my testament te noem: Hallo daar, Bernard!” LYNETTE, BETHAL DODELIKE GEBAK Hettie is g’n bobaasbakster nie, maar sy kry dit darem reg om ’n koekerige gedoente vir haar man, Doors, se verjaardag te bak. Om die vrede te bewaar, wurg Doors ’n sny af. Daardie selfde nag word hulle wakker van ’n vreemde lawaai in die kombuis. Hettie: “Ek is seker dit is ’n in breker, en dit klink of hy die res van die koek eet! Vat jou krieketkolf en gaan slaan hom oor die kop!” Doors: “Nee…

1 In watter Suid-Afrikaanse provinsie sal jy die Sudwalagrotte aantref? 2 Wat is die hoofstad van Jordanië? 3 Watter komediant was die stem van Dory in Finding Nemo? 4 Watter metaal het die chemiese simbool Au? 5 Wat noem ’n mens hierdie blaasinstrument? ANTWOORDE 1. Mpumalanga 2. Amman 3. Ellen DeGeneres 4. Goud 5. Tuba BRONNE THEGUARDIAN.COM, NETWERK24.COM, BBC.COM, SCIENCEALERT.COM, WIKIPEDIA.ORG, SAHISTORY.COM, NYTIMES.COM, COLLINSDICTIONARY.COM…

YSTER is die metaal wat die meeste op aarde gebruik word, en dit speel ’n belangrike rol in ons lewe. Dit is ’n noodsaaklike deel van ons geboude omgewing en is selfs nodig vir die funksionering van die selle in ons liggaam. Ons leer jou hierdie week meer oor dié veelsydige metaal. WAT IS YSTER EN WAAR WORD DIT AANGETREF? Naas aluminium is yster die algemeenste metaal in die aardkors. Yster bestaan amper nooit in sy suiwer vorm in die natuur nie. Dit is omdat yster oksideer wanneer dit aan vog of suurstof blootgestel word. Met ander woorde, dit roes! Yster kan onttrek word uit ystererts, gesteentes en minerale wat hoë vlakke van yster bevat. Om metaal uit hierdie erts te onttrek, moet oonde tot temperature bo 1 500 °C verhit…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloeka- of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul…

MENSE sê een van die dinge wat prinses Diana se skoonfamilie, die Windsors, teen haar gehou het, is die feit dat sy die kollig gesteel het by die vrou wat eintlik oor Brittanje se harte moes regeer: koningin Elizabeth II. In die 1980’s en 1990’s, toe die koningshuis nie altyd in Brittanje baie gewild was nie, was Diana die een adellike op wie die massas verlief gebly het. Nou, meer as twee dekades later, is dit byna asof dieselfde verskynsel hom afspeel. Want hoewel die hoofkarakter van The Crown eintlik die ontslape koningin moet wees, is dit die aktrise Elizabeth Debicki in die rol van Diana wat almal aan die praat het, eerder as Imelda Staunton, die veteraanaktrise wat Elizabeth II speel. Haar kragtoer in die vyfde seisoen van dié…

DIE Plaasjapie-deelnemer ROCHÉ KILIAN het onlangs sy eerste televisierol losgeslaan en is nou te sien as Theo in die telenovelle Arendsvlei. Sy karakter en die skoolhoof Beatrice Cupido (Jolene Martin) is universiteitsvriende, en die liefde blom omtrent tussen dié twee wat verklaar hulle het gevoelens vir mekaar. “Ek sien baie van myself in Theo,” sê Roché. “Nadat hy die wêreld rondgereis het, nes ek, het hy besluit om terug te kom en hom te vestig. Hy is ’n bietjie eensaam, en natuurlik het hy nog nooit van Beatrice vergeet nie.” Maar daar is twee dinge wat sy karakter doen waarmee hy nie saamstem nie. “Dit is om ’n vrou te verlei wanneer sy in ’n verhouding is en om my hemde in te steek wanneer ek ’n belt dra.” Roché,…

SHAWN MENDES het die jaar met ’n gebroke hart begin nadat hy en Camila Cabello ná twee jaar saam uitmekaar is, maar dit lyk asof hy nuwe liefde gevind het. Die Kanadese sanger (24) hang deesdae uit saam met sy 50-jarige chiropraktisyn, JOCELYN MIRANDA. Hulle is verlede maand die eerste keer saam afgeneem toe hulle inkopies met ’n middagete gekombineer het, maar dis hul onlangse optrede by ’n boeremark wat mense regtig aan die praat het. Hulle het hande vasgehou terwyl hulle die stalletjies bekyk het, en Shawn het op ’n kol sy arm om Jocelyn se skouers gesit. Jocelyn het op Shawn se toer van 2018-2019 met hom begin saamwerk. Sy ontknoop ook ander bekendes se rûe, soos Justin Timberlake, Justin en Hailey Bieber, en Post Malone. Sedertdien is…

JAN HENDRIK VAN DER WESTHUIZEN Dié boorling van Mpumalanga is in 2016 met ’n ster vereer vir sy restaurant, JAN, in Nice aan die Franse Riviera. Jan Hendrik kombineer hier Franse kookkuns met eg Suid-Afrikaanse gunstelinge soos biltong en mosbolletjies. In 2017 het ’n tweede restaurant, Maria, reg oorkant JAN oopgemaak. Hy doen sy towerkuns ook by nog ’n restaurant, KleinJan, in die Kalahari. CONOR TOOMEY Hy is die hoofsjef by Condita in die Skotse hoofstad, Edinburgh. Die Michelin-gids beskryf Condita se geregte as “eerlik maar delikaat, en goed deurdag om mekaar aan te vul”. Condita het ook in 2019 hul Michelin-ster verkry. Die restaurant het net ses tafels en maak slegs oop wanneer daar besprekings is. Hulle bied ’n “verrassingspyskaart”, wat ’n vyf- of agtgangmaaltyd kan wees. JEAN DELPORT…

Retro- AARTAPPELKOEKIE met ROOMKAAS en SPEK GENOEG VIR 2 MENSE / BEREIDING: 10 MIN. / STAAN: 30 MIN. / GAARMAAK: 15-20 MIN. AARTAPPELKOEKIE • 4 groot aartappels, geskil en gerasper• 1 ui, gerasper• 1 knoffelhuisie, gerasper• 1 eier, geklits• sout en vars gemaalde peper, na smaak AFRONDING • 60 ml (¼ k) roomkaas of gladde maaskaas• ’n hand vol gemengde kruie• 4 repies spek, brosgebraai en grofgekap Voorverhit die lugbraaier 2-3 min. tot 180 °C. Plaas ’n vel bakpapier of ’n lugbraaierpapierbakkie in die mandjie of op ’n rakkie. Bespuit die papier goed met kossproei. 1 Aartappelkoekie Meng die aartappel, ui, knoffel en eier goed en geur met die sout en peper. 2 Skep die mengsel in die bereide papierbakkie en druk liggies platter; dit moet sowat 3 mm dik…

KRY DIT HIER APLACETOSHOP.CO.ZA, 079-351-0551 (WHATSAPP); COTTONON.COM/ZA, 087-550-4383; GAME.CO.ZA, 0861-4263-2273; ICONOMYONLINE.COM, INFO@ICONOMYRETAIL.CO.ZA; KNUS.CO, 087-550-7600; MRPHOME.COM/HOME, 064-584-1000 (WHATSAPP); NIFTYGIFTS.CO.ZA, CONTACT@NIFTYGIFTS.CO.ZA; PEPSTORES.COM, 0860-737-000; SHEETSTREET.COM, 087-754-2492; THECOTTONCOMPANY.CO.ZA, HELLO@THECOTTONCOMPANY.CO.ZA; WHITEHOUSE & CONTINENTAL LINEN, BEDBATHHOME.CO.ZA; WOOLWORTHS.CO.ZA, 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DIE vakansietyd is hier, en die langpad roep. Maar wat gebeur as jy in ’n ongeluk beland en jou voertuig gesleep moet word? Hier’s 7 dinge wat jy moet weet. 1 OP DIE TONEEL • Dis net so belangrik om jou versekeraar te bel as die nooddienste. (Jou versekering sal laasgenoemde gewoonlik self ontbied.) Moenie toelaat dat jou voertuig summier verskuif word nie. Neem foto’s van die ongelukstoneel en skade aan die voertuie. Dis vir die polisie en jou versekeraar. • Moenie sê die ongeluk is jou skuld nie, al is jy dalk in skok. Die versekeringsmaatskappye sal aanspreeklikheid bepaal. Skryf die ander voertuig se fabrikaat, model, kleur en registrasienommer neer. Ook die bestuurder se naam, identiteitsnommer, kontakbesonderhede en versekeringsmaatskappy. Jy kan ook ooggetuies se kontakbesonderhede vra. 2 MOENIE VERDER…

THE WHITE LOTUS Komediedrama. Die tweede seisoen speel af in Sisilië, waar ’n ander groep stinkryk vakansiegangers ’n week by die eksklusiewe White Lotus-oord deurbring. En daar is ’n amper splinternuwe rolverdeling, onder andere Aubrey Plaza, Will Sharpe, Meghann Fahy en Theo James. Jennifer Coolidge hervat haar rol as Tanya. 2021. 2 SEISOENE. 18TSDN. BESKIKBAAR OP SHOWMAX THE PATIENT Drama. In dié sielkundige riller word ’n terapeut, Alan Strauss (Steve Carell), gevange gehou deur een van sy pasiënte, Sam Fortner (Domhnall Gleeson), ’n reeksmoordenaar. Sam wil sy moordlus hokslaan. En om self te kan oorleef, moet Alan sy pasiënt help om sy drange te onderdruk. Terwyl Alan in afsondering aangehou word, grawe hy diep in sy eie psigose en verlede, en worstel met sy eie onderdrukte kwessies. 2022. 1 SEISOEN.…

BOOGSKUTTER 22 NOV – 20 DES Jy is hierdie week in ’n goeie bui en het blykbaar soveel pret dat jy jouself skaars kan bedwing. Boonop kan jou uitbundige en vrygewige geaard- heid nie anders as om mense na jou te lok wat kan deel in die pret nie. Wees bedag daarop om nie jou geliefdes by die huis in die proses af te skeep nie, so wees bewus van waar jy jou tyd deurbring. Jy wil nie hê dat enige skandaal jou reputasie skade berokken nie; sit dus jou beste voetjie voor. GELUKKIGE NOMMERS 28, 33, 41, 43, 35, 30 STEENBOK 21 DES – 20 JAN Venus, die liefdesdiva, skuif op die 10de by jou teken in en maak alle liefdesverwante sake die middelpunt in jou lewe. Wees egter…

1 Op die ouderdom van 14 is sy nou in haar eerste fliek te sien – en dit nogal in ’n hoofrol teenoor Jason Momoa van Aquaman. In Netflix se Slumberland speel sy Nemo, ’n jong meisie wat met die skielike verlies van haar pa moet saamleef. Wanneer sy in haar slaap die droomwêreld betree, ontmoet sy Flip (Jason), wat haar gids deur dié magiese heelal word. Sy was ’n groot aanhanger van Aquaman. “Eintlik het iets mals gebeur omtrent ’n jaar voor ek die rol gekry het. Dit was Halloween, en ek het saam met my vriende Aquaman gekyk. Ek het gesê: ‘Hoe cool sou dit wees om saam met Jason Momoa te werk?’ En ’n jaar later werk ek toe saam met hom! “Dit was alles wat ek…

AAN die sy van hul skatryk mans, daar sal jy hulle kry. En die toernooi wat tans in Katar plaasvind, is geen uitsondering nie. Die bekendste Wags – oftewel “wives and girlfriends” – van die wêreld se sokkersterre is saam na die woestynland gevlieg om langs die kantlyn te wees wanneer hul geliefdes dit op die veld uitspook. En jy kan maar weet hul tasse is gelaai met ontwerpersklere, en hul kredietkaarte is byderhand om in die winkelsentrums van Doha gladgeskuur te word. Die “Wag Squad” is net so beroemd soos hul mans, en net so glansryk. Hier is van die vroue wat op die paviljoene sit en met pruilmonde aanmoedigings roep. HIBA ABOUK (36) Voor sy en haar man, die Marokkaanse speler ACHRAF HAKIMI (23), mekaar ontmoet het, het…

DIE Kaapse sanger en omroeper het onlangs ’n splinternuwe enkelsnit getiteld “2007” uitgereik om sy 15 jaar in die plaaslike musiekbedryf te vier. “Dit bring hulde aan die era waarin my loopbaan begin het. Die werklike jaar toe ek my eerste liedjie uitgereik het,” sê Chad. Hy het die liedjie vroeër vanjaar geskryf en dis geïnspireer deur die naglewe van 2007, asook alles wat hy die afgelope 15 jaar in die bedryf beleef het. Nóg ’n loopbaanhoogtepunt word in Desember waar wanneer hy die verhoog deel met die Britse sanger Craig David, wanneer dié vir een aand in die Grand Arena van die Grand West-casino in Kaapstad optree. “Ek kan nie wag nie! “Ek was nog altyd ’n aanhanger, en sy album Born to Do It het my destyds die…

ADELE BETOWER LAS VEGAS ADELE (34) se terugkeer na Las Vegas om haar langverwagte konsertreeks te begin, was skouspelagtig. Aanhangers was in Januarie goed vies toe die sangeres op die nippertjie haar opvoerings gekanselleer het. Sy het bedenkinge oor die vertoning se produksiegehalte gehad. Maar nou is sy terug met ’n vertoning wat aanhangers en resensente gaande het. “Baie dankie dat julle weer terug is vir my,” het sy aan haar gehoor gesê. “Dis nes ek my voorgestel het dit sou wees.” GWYNETH SE MA PRAAT OOR KANKER Toe haar man, Bruce Paltrow, in 2002 weens mondkanker dood is, sou die aktrise BLYTHE DANNER (79) nooit kon droom dat sy dieselfde siekte jare later sou kry nie. Blythe, ma van die aktrise GWYNETH PALTROW (50), het onlangs onthul die kanker…

T-HEMDE VIR HAAR GRAFIESE PATRONE Gee hierdie somer jou voorkoms ’n bietjie houding met ’n grafiese T-hemp. ’n Gas by die Milanese Modeweek dra ’n Aya Nakamura- T-hemp, lang rooi-en-pienk patroonromp en pienk sandale van Balenciaga. EFFEKLEUR Kies modieuse bokserige of kort T-hemde in kleure wat die aandag trek. Buite die Peter Do-vertoning in die New Yorkse Modeweek dra ’n gas ’n geel oorgroot T-hemp en swart lang spleetromp. STREPE Gee jou alledaagse voorkoms ’n vlootgevoel met ’n streep-T-hemp. ’n Gas buite die Carolina Herrera-vertoning in die New Yorkse Modeweek gee ’n kort swart-en-wit T- hemp en swart lospassende hoëmiddellangbroek glans met ’n Kelly-skouersak van Hermes en bykomstighede van Cartier en Givenchy. T-HEMDE VIR HOM GRAFIESE PATRONE Maak ’n stelling met ’n klassieke, prettige grafiese T-hemp vir ’n eenvoudige maar…

IN LIAM SE SKOENE Kykers van kykNET se Binnelanders het verlede jaar in September met Liam Vorster kennis gemaak toe hy as pasiënt na die kliniek gestuur is ná ’n rotsklim-ongeluk in die Drakensberge. Hy is deesdae ’n dokter in die gange van die einste kliniek, waar sy verpleegster-meisie, Karen Kriel (Luandri Reynders), ook werk. Maar die lewe het hom al ’n paar taai klappe toegedien. Eers moes sy been geamputeer word ná die ongeluk, later moes hy teen ’n verslawing van pynpille veg, en toe kom sy vervreemde pa, Dawid Opperman (Deon Lotz), ook in die prentjie. David (29) geniet dit om die rol van Liam te vertolk. “Ek hou van die feit dat hy glad nie omgee wat mense van hom dink nie, want ek sukkel soms daarmee,”…

GROOT BLOKRAAI NO 2 469 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER BOKSOORT IS TER SPRAKE? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na media24shop.com,…

GOEIE NUUS DRIE BOKKE IN WÊRELDSPAN INGESLUIT Die Springbokke Lukhanyo Am, Damian de Allende en Malcolm Marx is in Wêreldrugby se span van die jaar ingesluit. Dié span is verlede maand op die organisasie se gala-aand aangekondig. Am was ook een van die finaliste vir die Speler van die Jaar-prys, maar is deur die Ierse flank Josh van der Flier uitgestof. Die oud-Springbok Bryan Habana het ook ’n spesiale merieteprys by die Internasionale Spelersvereniging gekry. SLEGTE NUUS KINDERS BESEER TOE EKSPERIMENT SKEEFLOOP ’n Onderwyser en 11 laerskoolleerders van ’n skool in Sydney is beseer toe ’n wetenskapeksperiment wat hulle op ’n strand probeer doen het, skeefgeloop het weens sterk wind. Twee kinders het ernstige brandwonde aan hul gesig en borskas opgedoen. Die klas het glo die “suikerslang”-eksperiment gedoen, waar bestanddele…

Die Suid-Afrikaanse konstitusionele hof het ons Grondwet op 4 Desember 1996 goedgekeur. Oudpres. Nelson Mandela het dit toe op 10 Desember onderteken – en dit het toe op 4 Februarie die volgende jaar in werking getree. Die Grondwet was die resultaat van onderhandelings tussen verskillende partye ná Suid-Afrika se eerste demokratiese verkiesing. ’n Land se grondwet is sy hoogste wet, en alle besluite wat howe en die regering neem, moet daarop gegrond wees. Suid-Afrika se Grondwet lê baie klem op menseregte. Van die regte wat beskerm word, is die reg op lewe, gelykheid, menswaardigheid, vryheid van uitdruk’ king, vryheid van godsdiens, vryheid van assosiasie, politieke regte en die reg om vreedsaam te vergader en te betoog. Hierdie regte word in die meeste demokratiese lande gewaarborg, maar Suid-Afrika se Grondwet word…

SY HET al meer as een keer ’n bruid op die kassie en silwerdoek gespeel. Maar om jou eie groot dag te reël is iets heel anders, kom die aktrise MILA GUY nou agter. Die aktrise en die akteur en regisseur BENNIE FOURIE het in Oktober verloof geraak. Hulle was eers ses jaar lank vriende voor hul vriendskap in ’n romanse ontluik het. “Dis mal – so baie cool dinge het hierdie jaar gebeur,” sê Mila. “Aan die begin van die jaar was ek nog ’n alleenloper en ewe skielik is ek in ’n verhouding, verloof en toe word ek 30. Ek voel al my drome en wense het waar geword.” Die heel eerste keer dat sy in ’n trourok gepronk het, was vyf jaar gelede in die fliek Wonderlus.…