Innehållsförteckning för 15 December 2022 från Huisgenoot

1 KAAPSE VROU GEE HOUSEWIVES GAS Sy noem haarself Mel die Storieverteller, en sy is ’n TikTok-grapmaker wat die draak steek met die deelnemers van Die Real Housewives van Pretoria. Hulle moes vir Mel ook in die program gehad het. Tussen haar en Lisa met die Rooi Hare hoef ons nie eens na die program te kyk nie, en ek lag in elk geval lekkerder vir Mel en Lisa se sêgoed. Welgedaan, meisies. CARISME Lisa het eerste begin en nou doen almal dit! Waarom nie jou eie ding doen nie? Ek hou ook van Mel, maar Lisa het eerste begin en daarom sal sy my gunsteling bly. Ek en my man lê van die lag vir haar opsommings. ERENE Mel die Storieverteller, nou het jy dit ook sommer tot op die…

DAAR WAG VIR HOM BY DIE HUIS IETS WAARVAN DR. STEVE MAAR NET KAN DROOM: WARE LIEFDE DINGE in dokter Steve Abrahams se liefdeslewe wou maar net nie vlot nie. Verlede jaar is sy lewensmaat, dr. Elana Bester, ná ’n ongeluk in Binneland se parkeerterrein dood. Ná maande se rou het Steve agt weke gelede voelers in die kuberruim uitgesteek op soek na liefde, maar dit het chaoties geëindig toe die verkeerde vis, Annatjie, gebyt het. Eindelik het dr. Steve, ’n geliefde karakter in Binnelanders op kykNET, verlede maand belowende romanse gevind by ene Ewa Marinov. Daar was selfs ’n paar romantiese oomblikke in die dubbelbed. Maar wag: Toe erken Ewa teenoor hom sy is nie werklik wie sy voorgee om te wees nie. Ja-nee, sy liefdeslewe is die een…

As jy in die skuld verdrink, wil jy dalk moed opgee omdat jy dink daar is geen manier dat jy ooit aan jou probleme gaan ontsnap nie. Maar, sê twee kenners met wie Huisgenoot gesels het, ongeag hoe groot jou skuld is, daar is hoop – solank jy by die regte plek om hulp aanklop, bereid is om hard te werk en geduld het. Benay Sager, hoof van Debt-Busters, en Charnel Collins, uitvoerende hoof van National Debt Advisors, deel hul wenke. JY SKULD TE VEEL. WAT MOET JY EERSTE DOEN? Sorg eers dat jou gemoed op die regte plek is, sê Charnel. “Jy moenie te hard op jouself wees nie. Ons lewe in ’n ekonomiese klimaat waar miljoene Suid-Afrikaners sukkel om kop bo water te hou.” Jy is nie die…

Die lewe kom staan dikwels vierkant tussen ons en ons drome. Dinge soos om geld te verdien en vir ons gesin te sorg, staan dikwels boaan die lys van dinge waaraan ons aandag moet gee. Tog is daar baie mense wat dit tussen alles deur regkry om geleidelik te skaaf en skuur aan wat hul eintlik in die lewe wil bereik. Eendag val alles in plek, en hulle kyk nooit weer terug nie. Van die belangrikste uitvindings, grootste flieks en beste boeke is geskep deur mense wat al lankal in hul senior jare was. Elkeen van ons weet gewoonlik wat in ons skuil; wees dapper daarmee. Neem die eerste tree en doen dít wat jy nog altyd wou doen. Moet jou nie aan ander mense se mening steur nie.…

Drama. ’n Liefdesdriehoek sorg vir ’n sappige verhaal waarin die sanger en akteur Harry Styles die hoofrol van die polisieman Tom speel. Hy en die museumkurator Patrick (David Dawson) raak in ’n intense en stomende verhouding gewikkel. Maar in die 1960’s was dit makliker om met Marion (Emma Corrin) te trou. Die fliek flikvlooi tussen hul jong dae en 40 jaar later, waar Linus Roache die ouer rol van Tom vertolk. As Father Greg Pilkington in die gay drama Priest (1994) het hy destyds grense verskuif en hy is net so knap hier. Ook die vertolkings van Rupert Everett as ’n ouer Patrick, en Gina McKee as die ouer Marion, maak dit die moeite werd om te kyk. Hulle is die driemanskap 40 jaar later: Patrick is sterwend en het…

BOOGSKUTTER 22 NOV – 20 DES Jou heersende planeet, Jupiter, maak hom in die medevuurteken Ram tuis en kom ook jou prethoroskoop binne. Dit kan skielik voel of die lewe minder ingewikkeld is en makliker vloei, dus is dit tyd dat jy ’n uitsonderlike feesseisoen geniet. Jupiter verteenwoordig ook geluk. As jy dus ’n hanteerbare risiko wil neem, kan dit dalk net nou die hoogtepunt van jou geluk wees. Hou matigheid voor oë met partytjiedinge. GELUKKIGE NOMMERS 10, 21, 30, 37, 23, 19 DIE BOOGSKUTTER SE STYLGIDS ◼ Pers en donkerblou is jou kleure. ◼ Ontspanne sportdrag is jou styl. ◼ Stylvolle vroue inspireer jou. ◼ Tik jou parfuum aan die binnekant van jou bobene aan. ◼ Jy hou daarvan om op ’n verrassingsvakansie meegevoer te word. ◼ Jou huis…

+ 25 HERBRUIKBARE PLAKKERS Die plakkers is gemaak van ’n spesiale materiaal wat herhaaldelik geplak kan word. Dit sluit ook inligting oor elk van die diere in. Só leer kinders speel-speel oor die verskillende voëls en diere en waar hulle voorkom. Dis ’n prettige leermiddel vir ouers en versorgers van jong kinders. Lekker plak! HOE OM TE BESTEL BEL 021-406-4962 E-POS koop@huisgenoot.com Aanlyn by media24shop.com…

1 In watter land is die eerste Pokémon-speletjies in 1996 bekendgestel? 2 Wie het die vorige Wêreldbekersokkertoernooi in 2018 in Rusland gewen? 3 Uit watter land kom bloekombome – wat indringers is in Suid-Afrika – oorspronklik? 4 Wat is die hoofstad van Denemarke? 5 Van watter land was Benito Mussolini die leier aan die begin van die Tweede Wêreldoorlog? ANTWOORDE 1 Japan. Dit was die speletjies Pocket Monsters Red en Green vir die Game Boy.  2 Frankryk. 3 Australië. 4 Kopenhagen. 5 Italië. BRONNE THEGUARDIAN.COM, NEWS24.COM, SCIENCEALERT.COM, GOODTHINGSGUY.COM, ALJAZEERA.COM, NYTIMES.COM, HISTORY.COM, COLLINSDICTIONARY.COM, NEWSFORKIDS.COM…

Die eerste Suid-Afrikaanse spykerinplantingchirurgieprosedure om ’n been te verleng is in 2013 in die Walk-A-Mile-sentrum by die Netcare Unitas-hospitaal in Centurion, Gauteng, uitgevoer. Die pasiënt was ’n 31-jarige vrou wie se linkerbeen as gevolg van ’n motorongeluk korter was. Destyds is berig die prosedure het twee uur geduur en die pasiënt sou ’n week herstel voor daar begin kon word om die been te rek. ’n Magneet sou gebruik word om die spyker te manipuleer om die ledemaat met ’n millimeter per dag te verleng. Ander ortopediese chirurge in Suid-Afrika bied ook nou die prosedure aan. ’n Voorste chirurg, wat om etiese redes verkies om anoniem te bly, sê hy voer die prosedure uit op mense wie se bene nie dieselfde lengte is nie, om misvormdheid reg te stel en…

IN GOUD GEGIET Mense het gemengde gevoelens gehad toe Doja haar hele lyf met goud laat bedek het vir die Paryse Modeweek. Sy lyk soos ’n “afgematte ou standbeeld” het iemand op sosiale media geskryf. Maar Doja het teruggekap: “Al my grimering het ’n storie en daar is geen reëls nie. En as daar was, sou jy nie die een wees wat dit maak nie.” RUIMTEWESE-SJIEK Hierdie voorkoms – ook in Parys – het dit laat lyk asof sy eerder in ’n ruimtefliek tuishoort. Doja se wit gesigverf, blou kontoere op haar wangbene en voorkop, helderrooi lippe, swart arms en ekstra lang swart naels het perfek by haar rok gepas. TWITTER-STREKE Doja het gees gevang en haar Twitter-naam na “Christmas” verander, maar toe erg verward geraak toe sy dit weens…

DIT val jou nie dadelik op nie, want die videoverbinding spring-spring en daardie groot, helder glimlag van hom oorheers die skerm. En toe hy aan die gesels raak, is hy so seunsagtig vriendelik en borrelend soos altyd. Steeds dieselfde Jan Bloukaas, dink jy. Die plat-op-die-aarde ou wat feitlik oornag ’n groot klomp aanhangers met sy oorwurmmusiek en gawe persoonlikheid verower het. Dis eers toe die skerm ophou spring en die beeld stabiliseer dat Jan, oftewel Jean du Plessis (23), se gesig verklap dat alles nie wel is nie. Hy lyk bleek en moeg en sy gesig is geswel van die kortisoonbehandeling wat hy ontvang. Jean is pas klaar met sy eerste ronde chemobehandeling en bestraling vir breinkanker, wat dokters skaars ses maande gelede ontdek het. Weens die posisie van die…

EIERSLAAI met suursous GENOEG VIR 4 MENSE BEREIDING: 15 MIN. GAARMAAK: 15 MIN. MOSTERDSLAAISOUS ◗ 3 eiers, geklits◗ 60 ml (¼ k) water◗ 60 ml (¼ k) appelasyn◗ 60 ml (¼ k) suiker◗ 20 ml (4 t) mosterdpoeier of 30 ml (2 e) klaarbereide mosterd◗ 2,5 ml (½ t) sout◗ 80 ml (⅓ k) ongegeurde jogurt SLAAI ◗ 4 eiers, hardgekook◗ 1 iceberg-of cosblaarslaai, in wiggies gesny of in blare gebreek◗ 2-3 wortels, in repe geskil met ’n groenteskiller◗ 1 avokado, in repies gesny◗ ’n hand vol boontjiespruite of 1 klein rooi-ui, in dun ringe gesny, vir bo-oor sprinkel 1 Mosterdslaaisous Plaas al die bestanddele buiten die jogurt in ’n swaarboomkastrol en klits goed met ’n draadklitser. Roer aanhoudend oor ’n lae hitte tot die sous glad en dik is…

Met so ’n magdom sonskerms om uit te kies, kan dit soos ’n onbegonne taak klink om een te vind wat jy daagliks sal wil aanwend (en heraanwend). Hoe is jy veronderstel om te weet of sonskerm jou droë vel sal bevog of sal keer dat jou akneevel in puisies uitslaan? Verskillende velsoorte het verskillende behoeftes, maar elkeen het ’n goeie SBF in hul roetine nodig. NORMAAL Jy kan amper enige sonskerm kies. Die nuutste formules blokkeer die skadelike strale, bevat bygevoegde velvoordele en gee die vel ’n gesonde gloed. Sorg dat jy genoeg aansmeer en onthou van areas wat dikwels oorgeslaan word, soos jou ore en lippe. BEPROEF OLIERIG /GENEIG TOT AKNEE Kies formules waarop staan “noncomedogenic”, want dit sal nie jou porieë verstop nie en sodoende die risiko…

◼ DOMPELKOFFIEPOT (“FRENCH PRESS”) Gooi die korrekte hoeveelheid gemaalde koffie in die glashouer, vul met kookwater en roer. Onthou om drie of vier minute te wag voor jy die metaalfilter na onder druk om die gemaalde koffie en water van mekaar te skei. So ’n toestel kan so min as R80 kos. Omdat dit so klein is, kan jy dit ook oral saam met jou vat. Koffie wat op dié manier gemaak is, het ’n ryk smaak omdat die toestel nie die koffiebone se olie uit jou drankie filtreer nie. Dit neig wel om ’n troebel tekstuur te hê met stukkies van die koffie wat in jou koppie kan beland. ◼ SFILTERTOP (“POUR OVER”) Sekerlik een van die oudste maniere vir koffie maak is om die gemaalde koffie in ’n…

DESEMBER is altyd ’n tyd van oordadigheid – en dit sluit sommer in eet, geldbesteding én skuld aangaan. Skud daardie slegte geldgewoontes af met hierdie vyf wenke en begin jou nuwe jaar vietser. 1 MOENIE MEER BESTEE AS WAT JY HET NIE As jy meer uitgee as wat jy verdien, gaan jou skuld lywiger raak. Onthou, as jy daardie kredietkaart te kwistig gebruik, of geld by jou pelle leen, gaan jy dit die een of ander tyd moet terugbetaal. Vandag se plesiertjies gaan jou môre laat huil, want elke bedraggie hoop op. Doen dít ◼ Bêre jou kredietkaart hierdie vakansie en gebruik eerder ’n debietkaart of kontant. Op jou debietkaart kan jy net die geld gebruik wat in die rekening is en nie meer nie. ◼ As jy nie jou kredietkaart…

Gruwel. Sosie Bacon, Jessie T. Usher en Kyle Gallner. Regie: Parker Finn. 16GT. ’n Glimlag was nog nooit so grillerig nie. Dr. Rose Cotter (Sosie Bacon) is self getraumatiseer deur ’n bisarre gebeurtenis waar ’n gekwelde pasiënt voor haar haar eie lewe geneem het. Die psigiater moet nou haar eie demone uit die verlede aanvat om van iets boos ontslae te raak. ’n Baie duidelike waarskuwing, benewens die geweld, is dat hier verskeie gevalle is van mense wat hul eie lewe neem en dit in grafiese detail voorgestel word. Dis ’n prent wat kommentaar lewer op hoe geestesiektes hanteer word en terminaal kan wees as daar nie tot die kern en moontlike oorsaak daarvan gedelf word nie. Die prent kan goed wees vir ’n debat oor die “vloek” wat oorgedra…

Drama. Florence Pugh, Harry Styles en Chris Pine. Regie: Olivia Wilde. 16SGT. Die kans is goed dat jy al iets oor dié fliek gehoor of raakgelees het, maar dit het waarskynlik oor die kilheid tussen die akteurs en die regisseur gegaan, nie oor die rolprent self nie. Pleks daarvan dat mense oor die vreemde verhaal gepraat het van ’n eksperimentele gemeenskap waar die horlosie teruggedraai word na die 1950’s, het dit in die aanloop tot die première weke lank oor gebeure agter die skerms gegons. Soos dat One Direction se Harry Styles nie die regisseur, Olivia Wilde, se eerste keuse was nie. ’n Videoboodskap waarin sy die eksentrieke akteur Shia LaBeouf smeek om die rol van Jack te vertolk het uitgelek. Sy wou ook aanvanklik self die hoofrol van Alice…

Ses jaar gelede het hulle die liedjie “Beloftes” saam opgeneem, en nou is die sangeres Cordelia en Die Campbells terug met ’n tweede snit, dié keer getiteld “My persoon”. Die liedjie vertel van sielsgenote – van daardie perfekte “Een” na wie daar altyd in stories en flieks verwys word. “Dis ’n goedvoelliedjie om te herinner dat die liefde mooi en lekker is,” sê Cordelia. Die liedjie is deur Johan Oberholzer geskryf en deur Murray Lubbe van The Hit Factory vervaardig. Dis ook die laaste Afrikaanse snit wat Die Campbells sal opneem, sê hulle. Die singende broers, Harry en Tony, het onlangs na Dallas in Amerika verhuis om op hul countryloopbaan te fokus. “Dit gaan oor die krag van liefde,” vertel Tony. “Dit sê: Al voel ’n mens soms eensaam en…

NOU IN DIE WINKELS Maak jou potlood skerp vir • 54 groot en fotoblokraaie• 48 blitsblokraaie• 27 koderaaie• breinknopers• anagramblokraaie• temablokraaie en nog baie meer. BESTEL NOU BEL 021-406-4962 E-POS koop@huisgenoot.com Gaan na www.media24shop.com.…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul vrolike geselskap…

HULLE het agt jaar ge-lede laas in Amerika gekuier, maar dit voel asof ’n leeftyd intussen verloop het. Destyds het William en Kate net een kind gehad. Die koningin en prins Philip het nog geleef. Harry het Meghan nog nie eens geken nie, wat nog te sê saam met haar oorlog op sy familie gemaak. En Andrew het nog geen rede gehad om te dink sy skandalige vriendskap met ’n seksmisdadiger gaan hom inhaal nie. Destyds was William en Kate nog die hertog en hertogin van Cambridge, en hul besoek aan die VSA was vol prettige aktiwiteite – soos ’n besoek aan ’n basketbalwedstryd en ’n ontmoeting met Beyoncé. Nou is alles anders. Die koningshuis het ’n nuwe koning aan die stuur – een wat minder gewild as sy voorganger…

1 PINK DOK OP VIR AAPSTREKE Dis dalk nie Picasso nie, maar die sjimpansees Patty en Kramer het ’n groot ster as aanhanger. Die popster PINK (43) het R85 000 opgedok vir ’n abstrakte skildery deur die twee sjimpansees, ter ondersteuning van die diereskuiling Save the Chimps. Volgens die organisasie het Pink die blou, wit en pienk skepping ’n “meesterstuk” genoem en het sy veral van die projek gehou toe sy hoor die diere vind skilder terapeuties. 2 THE ROCK STEL SAKE REG DWAYNE JOHNSON het as 14-jarige elke dag voor gim ’n Snickers by ’n 7-Eleven in Hawaii gegaps. Nou, 36 jaar later, het die ster vergoed daarvoor deur dieselfde winkel te besoek en ’n hele rak se sjokolade te koop. Dwayne (50) het op Instagram gesê hy was destyds “platsak”, en…

BUITE in die straat flikker die liggies vrolik en Kersversierings pryk in die vensters van die bure se huise – maar in hierdie huis is daar geen teken van feestelike vrolikheid nie. Die enigste aanduiding dat Kersfees om die draai is, is ’n eenvoudige groen-en-rooi kransie wat oor ’n houtkruis in die hoek van die studeerkamer gedrapeer is. Vir die voormalige Springbokafrigter Peter de Villiers bring tradisies te veel herinneringe aan sy vrou, Theresa, wat in hul woonkamer sit en gemmerbier drink terwyl sy na Kersliedjies deur Boney M. en Mariah Carey luister. “Nou gaan ons dit nooit weer doen nie,” sê hy skor. Dis agt maande sedert Theresa (62) se liggaam in ’n swembad by vriende se huis in Gqeberha aangetref is en haar dood ’n yslike gat in…

Märtha Louise en Durek – wat professioneel as “Shaman Verret” bekendstaan – is in 2016 aan mekaar voorgestel deur ’n gemeenskaplike vriend, die “energiegeneser” Millana Snow. Märtha Louise vertel sy het dadelik besef hulle is ou geliefdes. “Ek het by die deur ingestap en hom dadelik herken.” Durek het dieselfde ding gevoel. “Ek het herinneringe aan ons tyd in Egipte. Sy was my koningin en ek ’n farao. Ons het albei geestelike magte. As ek ’n gedagte dink, snap sy dit dadelik.” In Junie het hulle onder ’n eikeboom op ’n vriend se plaas in Kalifornië verloof geraak. Durek vertel dit was plan B. Sy aanvanklike plan was om by Disneyland vir haar die jawoord te vra. Sy vriendin Holly Madison, ’n voormalige Playboy Bunny en deesdae TV-persoonlikheid, het hom…

HELP! Ek sink ál dieper. Hoe meer ek in die moeras van skuld spartel, hoe stywer hou dit my vas. Net my oë steek uit en ek probeer lig sien, maar dit voel asof ek versmoor. Dis 2017. Ek is R220 178,72 in die rooi. Dit is asof die skuld met ’n warm yster in my brein ingebrand is. Ek kan aan niks anders dink as hoe ek dit betaal gaan kry nie. Elke onbekende nommer op die foon se skermpie is ’n potensiële gevaar; nóg ’n skuldeiser, nóg ’n dreigement van regstappe. Al drie die kredietkaarte waarop ek tot nou toe oorleef (eintlik maar bo my vermoë geleef) het, is uitgeput. Nie ’n sent is beskikbaar nie. My keel trek toe, letterlik, en ek kry die eerste keer in…

Bostukke Van kamisole tot pofmoue – ’n satyntop gee enige uitrusting ’n sjiek gevoel. Dra dit saam met ’n satynbroek vir ’n treffende kombinasie of saam met jeans vir ’n moeitelose stylvolle voorkoms. Onderstukke Kry ’n prettige, vloeiende verskeidenheid satynbroeke vir jou somerkas sodat jy altyd iets stylvols het om aan te glip. Dit werk goed saam met alles van ’n gewone T-hemp tot ’n kraakvars wit hemp. Rokke Laat die koppe draai in satynrokke in soliede kleure en motiewe vir ’n moeitelose, byderwetse voorkoms. Kies oorvou-of nousluitende rokke wat die figuur beklemtoon of ’n A-lynvorm vir ’n vloeiende silhoeët. Kleurblok Dra ’n spatsel kleur saam met skoene en bykomstighede in soliede natuurlike skakerings. Metaal-mooi Kies ’n rock-sjiek kombinasie van swart en goud soos dié satynromp en anglaisepofmoutoppie. Rond dit…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘ELKEEN VAN ONS WEET WAT IN ONS SKUIL; WEES DAPPER DAARMEE. NEEM DIE EERSTE TREE’– IRMA MOENIE WAG TOT JY OUD IS NIE Ek het pas 60 jaar oud geword, en as ek terugkyk op my lewe is daar niks waaroor ek spyt is nie. Behalwe een ding. Toe ek op skool was, wou ek altyd saam met Wena Naudé in ’n fliek…

DIE SPIOEN In sy jongste reeks vertolk Noah die rol van Owen Hendricks in The Recruit op Netflix. Hy is ’n jong prokureur wat ’n werk by die CIA kry kort nadat hy sy studie voltooi het. Sy hele lewe word op sy kop gekeer toe ’n CIA-spioen dreig om geheime oor haar bande met die agentskap te verklap tensy hulle vir haar kwytskelding gee van ’n ernstige misdaad. Noah (26) het ook vroeër vanjaar ’n superheldmantel gedra vir ’n rol in die DC-fliek Black Adam. In die fliek, met Dwayne Johnson as die titelkarakter, speel hy Albert Rothstein oftewel Atom Smasher. Die karakter kan sy grootte en krag aanpas deur sy molekulêre struktuur te manipuleer. GROOTWORDJARE Noah is gebore in Boca Raton, Florida, as die jongste van Gregory Centineo…

Dokumentêr. Charlie Cullen was ’n ervare geregistreerde verpleër by die Somersetmediese sentrum in New Jersey. Hy was geliefd en sy kollegas het hom vertrou – maar hy was ook een van die gevaarlikste reeksmoordenaars, met moontlik honderde slagoffers by verskeie mediese inrigtings in die VSA. Die dokumentêr is nes die Netflix-rolprent (sien links) gegrond op The Good Nurse, die topverkoperboek geskryf deur Charles Graeber. Die fliek maak gebruik van klankgrepe waarin Charlie self aan die woord is en sluit emosionele onderhoude in met dié wat die naaste aan die gebeure is – insluitend die fluitjieblaser en medeverpleegster, Amy Loughren, die speurders, die boekskrywer en familielede van die slag-offers. Die dokkie bespreek ook hoe Charlie se skrikwekkende optrede ’n selfs groter gevaar beklemtoon wat steeds in die gesondheidsorgstelsel skuil. 2022. 95 MIN.…

JAMMER, MARIAH! KERSFEES BEHOORT AAN NIEMAND Nou ja toe, dit blyk die Amerikaanse popster Mariah Carey is toe nié die “koningin van Kersfees” nie – dis nou as dit van die Amerikaanse handelsnaamhof en-appèlraad afhang. Die popster het verlede jaar aansoek gedoen om die handelsnaam “Queen of Christmas” te registreer om haar die reg te gee om ander kunstenaars te verhoed om dié titel – asook die verkorte “QOC” en “Princess of Christmas” – op musiek en ander handelsware te gebruik. Die ster het as’t ware sinoniem met die feestyd geword sedert die uitreiking van haar snit “All I Want for Christmas Is You” in 1994. Die liedjie het in die laat 1990’s dit aanvanklik net tot op die 12de plek van die Billboard Hot-100-trefferlys gemaak, maar dit het in…

HEIMWEE Deur SOPHIA KAPP Boekdiva Uitgewers, R280 by graffiti.co.za In Heimwee word twee vroue se verhaal vertel, dié van Liesbet Vermaak rondom 1945 en prof. Mart-Mari Louw s’n in vandag se tyd. ’n Onnoembare tragedie tref die Vermaaks, wat veroorsaak dat Liesbet skielik na haar twee jonger broers moet omsien. Sy word deur omstandighede gedwing om ’n onbekende soldaat se foto te steel en voor te gee dis haar man. Haar leuen begin haar inhaal die dag toe sy Gert Niemand sien, ’n man wat van die slagveld na Suid-Afrika teruggekeer het waar niks en niemand op hom wag nie. Mart-Mari is ’n pediater wat glo sy kan net suksesvol wees as sy haar afsny van emosie. Sy moet na die familieplaas Heimwee gaan vir ’n begrafnis – sonder ’n…

ETIKETLES Die onderwyseres bespreek goeie gedrag met haar klassie en vra die outjies wat hul ouers vir hulle sê voor hulle by ’n spoggerige restaurant gaan eet. “Moenie met jou mond oop eet nie,” sê een sesjarige. “Moenie praat wanneer jy kos in jou mond het nie,” laat ’n ander een hoor. Die onnie merk op een outjie in die hoek is tjoepstil en beduie na hom. “Pietie, en watter reël hoor jy altyd by pappa-hulle?” Pietie: “Bestel tog net iets goedkoop!” SAN MARCHAND OUD MAAR NOG NIE KOUD Die tannie kry ’n romantiese bevlieging: “Ou man, byt my weer so ’n slag liggies aan my oor soos in die ou dae.” “Ag, vrou, ek is nie lus nie.” “Ag toe, ek is dan so lief vir jou!” “Nou goed.…

GROOT BLOKRAAI WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. NO 2 470 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. VRAAG: Watter gereg is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

AS ’N tiener het Lewis 1,65 m gehaal en ophou groei. Dis amper 10 cm korter as die deursnee-Britse man. Trouens, nege uit 10 mans was langer as hy. Wanneer hy die moed bymekaargeskraap het om uit te gaan, het hy skoene met opgeboude sole gedra. Hy was gekrenk oor hoe afspraak-apps mense aanmoedig om teen mekaar te diskrimineer op grond van lengte. “Jy is ’n wonderlike ou – jy verdien om langer te wees,” het ’n vrou gesê. In ’n stadium het hy antidepressante begin drink. Hy het al ál die gewone grappe op Twitter en elders gesien. “Ek dink dit is een van die laaste vooroordele wat nog as aanvaarbaar beskou word,” sê Lewis. “Dit is interessant dat mense fikseer op iets wat jy nie kan verander nie…

DIS ’n oomblik wat enige hart sal sag maak. Die babadogtertjie sit op haar pa se skoot; die fynste patroon wat met groot oë na hom staar. “Hallo, lyfie,” koer die bekende boer en steek sy vinger in die klein handjie. Sy gee ’n klein glimlag wat ’n nog groter glimlag by haar pa ontlok. Om pa te word was lank ’n droom wat Niel Bruwer (35) gekoester het – een wat hy in ’n stadium amper vaarwel moes toeroep. Maar hier is hy nou, met sy eie, volmaakte dogtertjie. Niel, wat op ’n vrugteplaas buite Prince Alfred Hamlet boer, se deelname aan seisoen 13 van Boer soek ’n vrou in 2021 het nou amptelik ál sy verwagtinge oortref. Hy was die gewildste boer, met die meeste vroue wat vir…

Madge het haar loopbaan onder meer gebou op haar vermoë om te skok. En as haar gereelde sosialemediaplasings ’n aanduiding is, lyk dit nie asof sy gou gaan briek aandraai nie. In ’n onlangse plasing lek sy water uit ’n hond se bak en poseer seksueel suggestief met verskeie voorwerpe. In ’n ander een twerk sy in onderklere. Nog grepe bevat grafiese digitale skanderings van haar geslagsdele en uitbeeldings waarop sy aan bome, skoenlappers en robothonderdpote geboorte gee. Dinge het so erg geraak dat Instagram in ’n stadium toegang tot haar plasings beperk het ingevolge hul geen-naaktheid-beleid. Sy moet “ophou om die vreemde video’s te plaas”, smeek baie aanhangers. Maar dit is Madonna, en as sy op ’n stoeltjie wil lê en haar boude in die lug steek, sal sy…