Innehållsförteckning för 29 December 2022 från Huisgenoot

1 ‘EK MOES ’N RUK LANK IN MY KAR WOON’ Samantha Leonard, wenner van die talentsoekprogram Die kontrak, sê haar pad na sukses was ’n moeilike reis. Maar sy’t nooit haar droom laat vaar nie Samantha, jy is vir my so dierbaar. So bly vir jou; goeie dinge gebeur met goeie mense. Jy het uithouvermoë soos min, en ek kan ure lank na jou besonderse mooi stem luister. Geniet elke oomblik, dit is nou jou tyd. LORRAINE Jy bewys weer die ou spreekwoord waar – aanhouer wen. Welgedaan, ek is so bly vir jou, Samantha Leonard. Jy is ’n voorbeeld vir almal wat soms moeilike tye moet deurmaak om nooit op te gee nie. Hou net so aan. NADIA Ek is ’n enkelma met twee kinders. Ons hou net deur die…

’N THAISE TRONKHE Sy sou lewenslank in ’n Thaise tronk as veroordeelde dwelmmuil moes boet, maar in Augustus het die jong Suid-Afrikaner ASHLEY OOSTHUIZEN toe gehoor haar vonnis is tot 33 jaar tronkstraf verminder. Sy is 23 jaar oud en sal nou tot op 56 haar dae agter tralies moet slyt. Ashley is toegesluit nadat sy in 2020 op die eiland Koh Samui ’n pakkie met versteekte dwelms in ontvangs geneem het. Haar ekskêrel TRISTAN NETTLES (34) het vanjaar erken hy was ’n dwelmhandelaar en die skuld lê eintlik by hom, maar Ashley en haar naastes se hoop vir genade is verydel toe haar straf nie omgekeer is nie. Haar ma, Lynn Blignaut, het daarna uit George na Thailand vertrek om vir haar dogter se vryheid te gaan baklei. “Ek…

Mengel DRANKIES Maak ’n verskeidenheid mengeldrankies met ’n sakkie geurige rooibostee as basis wat met of sonder alkohol berei kan word. Elke drankie is genoeg vir 1 persoon. 1. Blombessie- JENEWER ◗ 50 ml pienk of Floral Berry-jenewer◗ 1 sakkie Cranberry Hibiscus-rooibostee (Cold Brew van Carmién)◗ pienk tonicwater◗ roosblare vir afronding 1 Giet die jenewer in ’n glas en voeg die teesakkie by. 2 Vul met pienk tonicwater en rond af met roosblare. 2. SOMERverfrisser ◗ 45 ml (3 e) grenadellapulp◗ 1 sakkie Coconut Pine-rooibostee (Cold Brew van Carmién)◗ 100 ml witwyn of alkoholvrye witwyn◗ gemmerlim◗ skyfies perskes, eetbare blommetjies en basilieblare 1 Skep die grenadellapulp in ’n glas en plaas die teesakkie daarin. 2 Giet die wyn by en vul met gemmerlim. 3 Garneer met skyfies perskes, eetbare blommetjies…

KRY DIT HIER @HOME HOME.CO.ZA 0860-834-834; BLOOMSPACE.CO.ZA INFO@BLOOMSPACE.CO.ZA; DESIGNSTORE.CO.ZA HELLO@DESIGNSTORE.CO.ZA; GAME.CO.ZA 0861-4263-2273; DECOFURNSA.CO.ZA 087-049-4155; HERTEXHAUS.CO.ZA 021-948-4764; MAKRO.CO.ZA 0860-600-999; MONEXTERIORS.COM INFO@MONEXTERIORS.COM; MRPHOME.COM 064-584-1000 (WHATSAPP); PILGRIMAGESPACES.CO.ZA TANYA@PILGRIMAGESPACES.CO.ZA; PLANTIFY.CO.ZA HELLO@PLANTIFY.CO.ZA; WOOLWORTHS.CO.ZA 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DIE gedagte aan ’n splinternuwe werk kan baie opwindend wees. Maar al lyk die salaristjek van jou nuwe pos beter, kan verskuilde kostes verbonde aan die werkskuif dalk die skaal in die verkeerde rigting laat kantel. Onthou hierdie ses dinge wanneer jy die somme maak en besluit oor ’n moontlike skuif. 1 SAL JY NADER AAN JOU NUWE WERK WIL TREK? Dit kan duur kos, al trek jy net na ’n ander voorstad of buurt in dieselfde stad. Vroeer het werkgewers dikwels verhuisingskoste help dek, maar dis nie meer algemeen nie. Vind dus eers uit of jy enige trekvergoeding sal kry by jou nuwe werkplek. As jy jou huis verkoop, sal jou meubels of direk na jou nuwe blyplek getrek moet word of iewers geberg moet word. Albei hierdie opsies kos…

NUUSMAKERBLOKRAAI Hierdie bielieblokraai strek oor twee bladsye en bied ’n kykie op ’n paar van die afgelope jaar se nuusmakers. Geniet dit! Die antwoorde is in die oplossingsafdeling van hierdie uitgawe. GROOT BLOKRAAI NO 2472 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter boustyl is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te…

VAT jou ouers jou elke jaar voor die winter om ’n griepinspuiting te kry? Die inspuiting is ontwerp om jou te beskerm teen die vorme van griep wat in daardie stadium in omloop is. Maar nou werk wetenskaplikes aan ’n nuwe inspuiting wat ’n mens kan beskerm teen ál die bekende griepvorme – daar is 20. Die inenting is al so ver gevorder dat die navorsers dit op frette en muise kon toets. Dit bevat antigene van al 20 soorte griepvirusse waarvan men se weet. ’n Antigeen is ’n stof wat jou immuunstelsel (jou lyf se verdedigingstelsel) aan die gang skop. Dis onskadelike afdrukke van dele van die virus, en die idee is dat jou lyf dan leer hoe om teen daai virus te baklei sodat hy reg is wanneer…

1 Waarvoor is Neil Armstrong bekend? 2 Hoeveel sterre is daar op die Australiese vlag? 3 In watter nommer het Hezekiél Sepeng in 1996 die silwermedalje op die Olimpiese Spele in Atlanta gewen? 4 Wat is die nasionale vis van Suid-Afrika? 5 Wat is die hoofstad van Kambodja? ANTWOORDE 1 Hy was die eerste mens op die maan (in 1969). 2 Ses. 3 800 m. 4 Die galjoen. 5 Phnom Penh. BRONNE SCIENCEALERT.COM, EDITION.CNN.COM, THEGUARDIAN.COM, BBC.COM, NYTIMES.COM, COLLINSDICTIONARY.COM, WIKPEDIA.ORG, HISTORY.COM…

Nuwejaarwoordraaisel 1 Die woorde in die lysie onder is horisontaal, vertikaal of skuins, en vorentoe of agtertoe versteek. Vind en omkring hulle. aftel ballonne dans feesvier middernag musiek partytjie sing voorneme vriende 2 Maak ’n storie op of teken ’n prentjie wat jou perfekte Oujaarspartytjie uitbeeld. Vind een van ’n soort Wat pas nie? Omkring die lekkerny wat verskil van die res in elke ry. Bypassende helftes Maak ses prentjies deur die helftes by mekaar te pas. Pas die skaduwee Blik van bo Watter ry pas by die boonste struktuur van bo af gesien? Vind 10 verskille Hou jou troeteldiere veilig binne as daar vuurwerke op Oujaarsaand in die omtrek is. Voorspoedige Nuwejaar! ANTWOORDE Wat pas nie 1-C, 2-B, 3-D. Pas die skaduwee 1. Bypassende helftes 1-5, 2-3, 4-9, 6-12,…

EK LEI nog altyd my lewe volgens logika. As ’n tiener het ek byvoorbeeld met my suster baklei oor die beste roete van die skool af huis toe. Dit was dus onvermydelik dat ek dieselfde denkwyse sou toepas om die volmaakte roete na liefde te kry. In my 20’s het ek gespot ek gaan wiskunde gebruik om die perfekte maat te vind. Ek het geredeneer daar moet tog sekerlik ’n wetenskaplike manier wees om “die een” te ontmoet, eerder as om op ’n partytjie met ’n wildvreemdeling ’n gesprek aan te knoop? Maar nadat ek in my soektog na liefde die wiskunde van aanlyn afsprake deeglik ontleed het, het ek op die ou end nie my insigte gebruik nie. Pleks daarvan het ek en my man mekaar op ’n outydse…

‘EK HET maar nog altyd van kremetartbome gehou, al sedert ek ’n kind was hier in die Soutpansberge. Die kremetarte het my altyd gefassineer. Hulle was nog altyd deel van die landskap – en hulle het ’n deel van my lewe geword. Dis wat ek ken, hierdie omgewing. My ouma en oupa is hier in die streek gebore. Ek’t hier skoolgegaan, my familie is almal van die area. Ek is die vierde generasie van Bristows (haar nooiensvan). Toe ek destyds ’n besigheid wou begin, het ek ’n hele paar natuurlike produkte oorweeg, en dit het skielik by my opgekom: die kremetart! Met my navorsing oor hierdie bome het ek besef daar is soveel wat gemors word. So ek het seker nou al die afgelope 20 jaar of wat my lewe…

Daar is ál meer apps en webtuistes waarmee enigeen kunswerke met kunsmatige intelligensie kan skep. Die meeste werk min of meer dieselfde, maar die gehalte van die resultate sal verskil. Midjourney (midjourney.com) is tans tops en boonop gratis om te gebruik. Hier is nog opsies vir slimkuns: ■ NightCafe – creator.nightcafe.studio ■ Dall-E 2 – openai.com/dall-e-2 (daar’s ’n waglys om aan te sluit as dit eers beskikbaar is) ■ Deep Dream Generator – deepdreamgenerator.com ■ Art Breeder – artbreeder.com S Deep AI – deepai.org ■ Starry AI – starryai.com (ook beskikbaar as ’n app vir Android en iOS) ■ Fotor – fotor.com (ontwerp om spesifiek foto’s te manipuleer en redigeer) ■ Runway – runwayml.com (vir videoredigering) ■ Dream – wombo.art (ook beskikbaar as ’n app vir Android en iOS)…

DIT lyk asof Catherine, die prinses van Wallis, binnekort plek sal moet maak vir ’n nuwe generasie koninklike stylikone. Terwyl elkeen van Kate se uitrustings steeds blitsverkopers word die oomblik wanneer sy daarin gesien word, het sy deesdae op die modefront stewige kompetisie van ’n rits ander adellikes. PRINSES LEONOR VAN SPANJE Die afgelope twee jaar het die styl van dié oudste dogter van Spanje se koning Felipe VI en sy voormalige joernalis-vrou, Letizia, begin blom. Leonor (17) is sedert 2021 ’n leerling aan die Atlantic World College in Wallis. As eerste aanspraakmaker op die Spaanse troon het sy reeds haar eie koninklike verpligtinge; daarom onderbreek sy gereeld haar skooltake om na haar geboorteland terug te keer. Op vanjaar se Prinses van Asturias-prysaand, vernoem na die titel wat die Spaanse…

TROUKLOKKE LUI TOT SIENS, 2022 Terwyl die jaar vir party BEKENDES die vreugde van ’n verlowing, troue of baba ingehou het, het dit vir ander die HARTSEER gebring van ’n verhouding of huwelik wat op die rotse geloop het. Hier is ’n terugblik NIEL BRUWER Nadat hul liefde in 2021 in die 13de seisoen van Boer soek ’n vrou begin blom het, het CHEREZE MAREE en haar aantreklike boer vroeër vanjaar op die skilderagtige vrugteplaas Kaleo buite Prince Alfred Hamlet getrou. Die pasgetroudes het kort daarna in Februarie op sosiale media verklap hulle gaan vir die eerste keer ouers word. Hul dogtertjie, Catrine Elizabeth, is in Augustus gebore. MARCIEL HOPKINS Sy ry meer as twee jaar al die land se agterpaaie plat om boere te help om liefde te vind.…

SY OORLOG TEEN KIM KIM KARDASHIAN (42) het in Februarie 2021 gesê sy wil skei, en Kanye het die proses ’n nagmerrie gemaak. Hy het Kim onder meer daarvan beskuldig dat sy hul kinders, North (9), Saint (7), Chicago (4) en Psalm (3), van hom vervreem. In Januarie het hy die huis reg langs Kim s’n gekoop en in ’n onderhoud gesê: “Geen sekuriteit sal tussen my en my kinders kom nie.” ’n Regter het die egskeiding in Oktober gefinaliseer. Kanye moet daarvolgens maandeliks $200 000 (R3,4 miljoen) opdok. DIE PETEAANSLAG Toe Kim met die komediant Pete Davidson (29) begin uitgaan het, het Kanye ’n volskaalse teisterveldtog teen hom begin. Hy het Pete die bynaam “Skete” gegee. In “Eazy” rap hy daaroor om Pete aan te rand en in ’n…

PRINSES CHARLENE LOOP DIE HERSTELPAD Die voormalige Suid-Afrikaanse swemmer en prinses van Monaco het verlede jaar ná ’n lugweginfeksie verskeie operasies hier in haar geboorteland ondergaan, maar die skindertonge het daarna bly gis oor waarom sy toe maande lank hier aangebly het. Daar is geskinder dat huweliksprobleme tussen CHARLENE (44) en PRINS ALBERT (64) dalk die rede vir haar lang verblyf in Suid-Afrika was. Die prinses is oplaas terug Europa toe – maar nie reguit paleis toe nie. Sy het eers ’n geruime tyd in ’n hersteloord deurgebring nadat haar naastes glo “ingegryp” het. Sedert April het sy geleidelik tot die openbare lewe teruggekeer en ál meer saam met haar man en kinders, die tweeling Jacques en Gabriella (7), verskyn. “Ek is deur ’n baie moeilike tyd, maar het krag…

Rusland se pres. Wladimir Poetin probeer sy “militêre operasie” in sy buurland – bloot ’n eufemisme vir oorlog – regverdig deur aan te voer hy wil Russiese minderheidsgroepe in Oekraïne beskerm teen beweerde vergrype. Maar eintlik wil hy Oekraïne laat afsien van sy plan om deel te word van die Noord-Atlantiese Verdragsorganisasie (Navo) – iets wat Rusland as ’n bedreiging beskou. Oekraïne se pres. Wolodimir Zelenski weier om gehoor te gee en dring daarop aan dat die Russiese soldate sy land verlaat. Einde vanjaar het Zelenski gesê hy sal net vredesamesprekinge oorweeg as Poetin uit die kussings gelig word, maar weens die drakoniese moderne diktator se onderdrukking van verset lyk die kans daarvoor skraal.…

BLOM BEHOORLIK! Lyk pragtig in blompatrone en natuur-geïnspireerde kleure. SOLIEDE KLEURDETAIL Maak ’n kleurvolle stelling in een kleur met subtiele detail soos plooirande en valletjieafwerkings. SPEELSE PATRONE Lyk prettig in patrone, of dit subtiel en stemmig of helder en uitspattig IN EEN STUK Lyk verruklik en moeiteloos sjiek in ’n lyfpak – in een kleur of met motiewe – dis altyd ’n wenner! DAG-DIVAS EN SONSAK-STERRE Luuks en ontspanne Blom in raffia ’n Spatsel kleur Sonsakgodin Fantastiese fuschia Blink uit KRY DIT HIER ACKERMANS 0860-900-100; EXACT 0860-834-834; FOSCHINI 0860-834-834; IDENTITY 021-460-2400; LOVISA 0800-014-504; MANGO.COM; MILADYS 0800-212-535; MR PRICE 0800-212-535; OLD KHAKI 0860-444-429; PICK N PAY CLOTHING 0860-30-30-30; PMCJEWELLERY.CO.ZA; POETRY 0860-555-529; SUPERBALIST.COM; TAKEALOT.COM; THE FIX 0861-111-761; TRUWORTHS 021-460-2300; WOOLWORTHS 0860-022-002; ZANDO.CO.ZA; ZARA 0800-000-848 HOEWEL ONS ALLES IN ONS VERMOË DOEN OM…

1 Dit gons al sedert 2021 oor Lucien Laviscount (30) wat die rol van Alfie in die tweede seisoen van die gewilde Netflix-reeks Emily in Paris vertolk. Alfie is ’n Britse bankier wat in dieselfde Franse klas as Emily Cooper (Lily Collins) beland. Die twee buitelanders leer mekaar beter ken en gou begin ’n liefdesvlammetjie brand. Met dié dat Emily se ander liefdesbelangstelling, die sjef Gabriel (Lucas Bravo), aan die einde van seisoen twee sy verhouding met sy eks hervat, is daar dalk hoop vir Alfie in seisoen drie? 2 Die skeppers van Emily in Paris het duidelik gedink Lucien is perfek vir die rol van Alfie en het hom die rol ’n uur ná sy oudisie aangebied. “Ek het heeltyd gedink hulle gaan sê ek moet nog ’n oudisie…

KRISTEL LOOTS Die uil in die ysbos deur Susan Coetzer. Die verhaal is deurspek met humor, maar ook met soveel meer. Dis ’n lekker dik boek om jou besig te hou wanneer jy oor die feestyd soms alleentye nodig het. Mara deur Marida Fitzpatrick. Maak jou gereed vir ’n skop-in-die-maag-storie wanneer jy begin lees oor Rakie en haar tweelingsuster, Mara. Die geraamtes van familiegeheime lê in vlak grafte begrawe. Vernuftig vertel. Why Mummy … deur Gill Sims. As jy soms ’n slegte ma is – en skuldig voel daaroor – lees die Why Mummy …- reeks van Gill Sims en weet jy is nie alleen nie. (Nie vir ernstige of sensitiewe lesers nie.) ROZAAN DE WET BOER My lysie lyk so: Dol heuning deur S.J. Naudé. Hy is vir my…

OM VAN TE KEKKEL Juffrou vra die klas wat hulle gunstelingdier is. Jannie se hand skiet op. “Gebraaide hoender!” Juffrou het nie daarvan gehou nie en vra vir Jannie wat sy gunsteling- lewendige dier is. “Hoenders, want ons kan hulle braai,” laat hy hoor. Juffrou verander toe maar die onderwerp en vra die klas wie hulle helde is. “Kolonel Sanders!” roep Jannie uit. Sy stuur toe die klas vroeg huis toe. CHARLOTTE PETERSEN UIT DIE MOND VAN DIE SUIGELING Seuntjie: “Mammie, waar gaan die sterre heen as dit dag is?” Mammie: “Hulle gaan in die lug in, en jy kan hulle nie sien nie,” antwoord sy geduldig. Seuntjie: “O, dan is hulle soos Ouma se tande – gaan uit in die aand en kom terug in die oggend!” LEON KRUGER…

SYFERSTORIES 30 Dit is hoe swaar (in kilogram) ’n reusegoudvis is wat in November in Frankryk uitgetrek is – die naasgrootste vis van dié soort wat ooit gevang is. Die bielie – ’n koikarp – het die bynaam Die Wortel en swem al 20 jaar in die Bluewater Lakes-vissery in Frankryk. Die Wortel is weer vrygelaat nadat hy geweeg is. 13 000 Dit is min of meer hoeveel rand mense vir tekkies deur Adidas en die ontwerphuis Balenciaga betaal het. Dis baie geld, maar dit is verstommend wanneer jy sien die skoene lyk allesbehalwe nuut! Dis ontwerp om ingeleef te lyk. Die tekkies is gewild en het blitsvinnig aanlyn uitverkoop. 59 miljoen Dit is hoeveel rand een dosis van ’n nuwe medisyne vir die siekte hemofilie B in die VSA…

Dit lyk asof sommige versamelaars meen hierdie soort kuns is tog hul geld werd. Die veilingshuis Christie’s in New York het in Oktober 2018 hul eerste slimkuns vir $432 500 (R5,7 miljoen) opgeveil. Dié skildery, getiteld Edmond de Belamy, “is nie die produk van ’n menslike brein nie”, het Christie’s gesê. “Dit is geskep deur kunsmatige intelligensie – deur ’n algoritme wat deur ’n algebraïese formule gedefinieer is.” Die Paryse kunstenaars Hugo Caselles-Dupré, Pierre Fautrel en Gauthier Vernier het dit wel nie self geskilder nie, maar dit tog op ’n manier geskep deur duisende portrette vir die program te voer en die program die estetika van portrette te “leer”. Edmond de Belamy was die resultaat van hul werk. EKSTRA BRONNE: AMERICANSCIENTIST.ORG, THEVERGE.COM, COSMOPOLITAN.COM, CREATIVEBLOQ.COM, MIDJOURNEY.COM, GIZMODO.COM, NYTIMES.COM, THEGUARDIAN.COM, AXIOS.COM, COLAB.RESEARCH.COM,…

DIE SOFA VAN (BEWEERDE) SONDES Geen president kan ooit heeltemal gemaklik sy sit kry nie – dié pos bly die warmste stoel in die land, en daar is altyd die moontlikheid dat teenstanders jou summier uit die kussings sal lig. Maar vanjaar het PRES. CYRIL RAMAPHOSA se rusbank dalk net soveel aandag as hy gekry. Met 2022 feitlik op sy rug was die president se politieke toekoms skielik in die weegskaal weens ’n spul Amerikaanse dollars wat om duistere redes versteek was in – ja – ’n rusbank op sy plaas, Phala Phala. In Junie het Arthur Fraser, die omstrede oudhoof van die staatsveiligheidsagentskap en bondgenoot van oudpres. Jacob Zuma, aanklagte van regsverydeling en geldwassery teen Ramaphosa ingedien. Volgens Fraser is sowat $4 miljoen (toe R60 miljoen) in 2020 uit…

Ons deel pryse uit aan verskillende kategorieë nuusmakers PARTY van dié pryse is lekker om te kry, maar ander, liefs nie. Ons deel pryse uit aan ’n paar van vanjaar se vermaarde nuusmakers. MAMPARRAPRYS Charlize Theron Ja, meisie, “Mamparra” is ’n Afrikaanse woord. Van Benoni tot Barrydale, Ohrigstad tot Orkney en oral tussenin was die aktrise se naam op almal se lippe – en nie omdat sy ’n Oscar huis toe gebring het nie. Inteendeel, Afrikaanssprekendes was warm onder die kraag nadat onse Charlize op ’n podsending opgemerk het net 44 mense praat nog in haar geboorteland Afrikaans en dat die taal sterwend is. Toe nou nie, Charlize! SPEKSKIETERSPRYS Prins Harry en Meghan Markle Ai, tog. Om bloubloed te wees moet darem maar ’n verskriklike las wees om te dra.…

EK IS BEKOMMERD OOR MY MA WANNEER EK GAAN STUDEER V Tannie, ek is tans in gr. 11 en hoop ek sal volgende jaar skool kan voltooi. Aan die een kant is ek baie opgewonde, maar aan die ander kant is ek bekommerd oor my ma en ook angstig vir die naderende matriekafskeid. Ons het nie baie nie, my ma het ’n effense agterstand en is nie akademies geskool nie. Dis net ons twee. Om kos op die tafel te sit, maak sy huise skoon, en vakansies help ek haar. Sy en Pappa het in ’n weeshuis grootgeword, en hy is aan kanker oorlede toe ek ses jaar oud was. Sy het destyds die hof oortuig sy sal my kan grootmaak, en Tannie, Mamma het ’n baie mooi werk met…

STEENBOK 21 DES – 20 JAN ’n Opeenhoping van planete in jou teken dui daarop dat jy vandeesweek die middelpunt is. Gelukkig is jy prakties van aard; wees dus realisties oor al die glans. Wees versigtig dat jou woorde verkeerd geïnterpreteer of vertolk word, so fokus op duidelike kommunikasie. ’n Intense kwessie wat verband hou met liefde of jou loopbaan kan ’n paar angstige oomblikke rondom die 1ste veroorsaak; wees dus op jou hoede en waaksaam. GELUKKIGE NOMMERS 10, 25, 48, 52, 35, 16 WATERDRAER 21 JAN – 18 FEB Mense met verskuilde agendas werk dalk op jou senuwees, veral as jy nie kan agterkom wat hul motiewe is nie. Jy sal dalk moet aanvaar dat sulke dinge eerder met rus gelaat moet word aangesien jy waarskynlik nie by die…

Ons is vandag so gewoond aan die idee van vliegtuie en blitsvinnige vlugte na byna enige plek ter wêreld dat die heel eerste vlug met ’n vliegtuig nie juis indrukwekkend klink nie. Dié vliegtuig was immers net 12 sekondes in die lug en het maar 36 m afgelê. Maar dié nederige vlug was die resultaat van jare se navorsing en toetse, en die grondslag vir die tegnologie wat vandag nog in lugvaart gebruik word. Die Amerikaanse broers Orville en Wilbur Wright is nie universiteit toe nie, maar het uitstekende tegniese vaardighede gehad. Hulle het onder meer eers ’n fietswinkel gehad waar hulle herstelwerk aan fietse gedoen en hul eie fietse gebou het. Later het hulle daarvan begin droom om die wêreld se eerste vliegtuig te bou. Hulle het baie navorsing…

MANLIKE MUSIEKSTER B ad Bunny Praat jy van ’n rekord in die musiekbedryf, het die Puerto Ricaanse rapper Bad Bunny hom al laat spat. Volgens Billboard kan hy met 2022 se topmusiektoer spog en hy is ook Billboard se topkunstenaar van die jaar. Op Spotify het hy geskiedenis gemaak as die sanger wat vanjaar die meeste geluister is – vir die derde agtereenvolgende jaar. Hy is ook Spotify se top- internasionale kunstenaar en sy jongste album, Un Verano Sin Ti, is die album waarna die meeste geluister is. (Ons gee dit 5 uit 5.) Ons tel onder die luisteraars wat die Bunny boaan die trefferlyste hou. VROULIKE MUSIEKSTER Beyoncé Party mense noem haar “Die musiekbedryf.” En as jy na die Grammy-benoemings vir haar jongste album, Renaissance, kyk, is dit moeilik…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloekaof Palawa-pop of Die Babbel- bende se Groot Storieboek te bestel. Kom leer ken Die Babbelbende – en geniet hulle…

In ’n bekende Sweedse studie is vasgestel die deursnee- heteroseksuele vrou het in haar lewe sewe seksmaats, en die deursneeheteroseksuele man 13. Maar duidelik rym die syfers nie. As daar ongeveer ewe veel heteroseksuele mans as vroue in die wêreld is, sou jy verwag die gemiddelde syfer van maats vir albei geslagte moes min of meer eenders wees. Gelukkig is daar wiskunde om die teenstrydigheid te verklaar. Vroue is geneig om hul maats te tel deur hul name te lys (hulle “noem hulle op”). Al is dit meestal akkuraat, is dit maklik om een (of twee) te vergeet. Dit verklaar hoekom vroue neig om hul bedmaats te onderskat. Mans, aan die ander kant, is veel meer geneig om maats lukraak saam te groepeer. Hulle sal byvoorbeeld skat hulle het “vyf…

Die redakteurs van die Amerikaanse uitgawe van Cosmopolitan, lede van die navorsingslaboratorium OpenAI en die digitale kunstenaar Karen X. Cheng het vroeër vanjaar die wêreld se eerste tydskrifvoorblad geskep wat deur kunsmatige intelligensie ontwerp is – en dit het net 20 sekondes geverg. Hulle het tegnologie genaamd Dall-E 2 gebruik – ’n stelsel wat verbale versoeke van gebruikers vat om ’n nuwe beeld te skep. Karen het toe dié beeld geskep met die volgende instruksie: “wyehoekfoto van onder af van ’n vroueruimtevaarder met ’n atletiese lyf wat met houding na die kamera stap op Mars in ’n oneindige heelal”. En toe voeg sy die woord “synthwave” by. Synthwave is ’n retrokunsstyl wat gekenmerk word deur neon kleure en ander gewilde pop-stylelemente uit die 1980’s, wat ook dan op die finale…

1 In Oktober 2021 is die vier minderjarige Moti-boeties op pad na hul skool in Polokwane ontvoer. Daar was groot verligting toe hulle ná ’n lang soektog in ’n plattelandse nedersetting gekry is. Waarheen het die Moti-gesin vroeër vanjaar verhuis ná die ontvoeringsdrama? A Delhi B Durban C Dubai 2 Tydens die Oscartoekenningsaand in Maart het Will Smith op die verhoog gestorm en Chris Rock in die gesig geklap ná sy “grap” oor Will se vrou, Jada Pinkett Smith. Waaroor was die gewraakte aanmerking? A Hul wankelrige huwelik B Haar hoëhakskoene C Haar voorkoms sonder hare 3 Suid-Afrika se bekendste aktrise, Charlize Theron, ’n boorling van Benoni, het die oë laat rol toe sy in November laat hoor het Afrikaans se doppie is geklink. Hoeveel mense het sy gesê praat vandag nog Afrikaans?…