‘SKAAKMAT,” roep Palawa die kameelperd opgewonde. “Ek wen. Ek wen.”
“Maar hoe? Ek was seker ek gaan dié keer wen,” sê Paloeka die leeu met ’n vreeslike frons en kyk na die skaakbord voor hom.
Hul vriendin Bibi stap by die boomhuis in.
“Hallo, julle,” groet sy. “Ek hoop julle is reg vir ’n baie interessante vraag van die dag,” sê sy en glimlag breed.
Paloeka, wat steeds sit en frons, kyk op.
“Hallo Bibi. Ja, ja, ek is reg vir die vraag van die dag. Hierdie skaakspeletjie raak nou sommer vervelig,” sê hy.
“Wil een van julle raai wat die vraag is?” vra Bibi opgewonde.
“Oe, ja. Ja,” roep Palawa.
“Ek raai . . . Ek raai die vraag het iets te doen met die maan,” sê Palawa.
Paloeka…
