Innehållsförteckning för 9 March 2023 från Huisgenoot

1 NUWE LIEFDE OP 50 “Hy is ’n fantastiese mens. En my beste vriend.” Só sê Amor Vittone oor die chirurg dr. Charles Serrurier by wie sy weer liefde gevind het Baie geluk met jou nuwe liefde. Jy verdien dit absoluut! Geniet elke sekonde saam. Jy bly maar net pragtig. Verskoon dié wat katterige opmerkings maak. Jaloesie is maar ’n lelike ding. REINETTE Amor, jy verdien dit so baie. Jy is die mooiste vrou en julle twee lyk so stunning saam. En ek glo vas hy gaan net na jou kyk en net joune alleen wees. You go, girl! ALTA Ek is so bly vir albei van julle. Elke mens in hierdie lewe moet gelukkig kan wees. Moet jou asseblief nie aan die klomp selfsugtige suurknolle en trolle steur nie. Wees…

DIS baie mense se guns telinggebak, maar vir Sonia Booth het kaaskoek in ’n stadium ’n bitter smaak in die mond gelaat. Hoe dan anders? Sy glo dit was deels weens ’n stuk kaaskoek dat haar huwelik tot ’n einde gekom het. Verlede jaar, beweer Sonia, het sy haar man, die Bafana Bafana-sokkerspeler Matthew Booth, betrap waar hy oënskynlik vir ’n ander vrou ’n stuk kaaskoek vat. Sy het twee en twee bymekaargesit en geglo dié vrou moet ’n geheime liefde in haar man se lewe wees. ’n Man vat mos nie sommer vir enige vrou kaaskoek nie? Aangesien Matthew ’n beroemde sokkerspeler is, het Sonia destyds heelwat aandag getrek toe sy besluit het om haar man se petaljes aan die groot klok te hang. Sy het haar vertelling van…

BEURTKRAG is waarskynlik hier om te bly vir die afsienbare toekoms – en ons weet lankal Eskom se steenkoolkrag is nie net onbetroubaar en duur nie – dis ook sleg vir die omgewing. Die betroubare groen alternatief is sonkrag – en danksy die tegnologiese vooruitgang van die afgelope paar jaar is dit nie meer eksklusief vir die superrykes beskore nie. Deesdae kan gewone huiseienaars ook met ’n dak vol sonpanele sit en hul ligte én toestelle aanhou met krag wat nie afgesny word wanneer beurtkrag sy lelike kop uitsteek nie. Boonop is dit ’n goeie idee om vanjaar in jou eie sonkragstelsel te belê, want die minister van finansies, Enoch Godongwana, het onlangs aangekondig jy kan ’n belastingvoordeel kry as jy binne die volgende jaar sonpanele laat installeer. Hier is…

DIE FEDORA Jy kan nie verkeerd gaan met ’n klassieke neutrale kleurpalet en bypassende fedora nie. Dra skakerings van wit, bruin en room met ’n tikkie bruin vir diepte. DIE PET Gee jou pet ekstra houding met items wat nie gewoonlik saam gedra word nie, soos ’n sporttop, kantoorhemp, ontspanne baadjie en stewels. DIE EMMERHOED Dra jou emmerhoed saam met gedempte poeieragtige en sagte kleurblokskakerings – perfek vir werk en uitstappies. DIE ARMMANSPET Kies klassiek met ’n kinkel en dra jou armmanspet saam met swart, wit en goue bykomstighede. KRY DIT HIER COTTON ON 0800-007-786; FOSCHINI 0860-834-834; IDENTITY 021-460-2400; MANGO MANGO.COM; MILADYS 0080-212-535; MR PRICE 0800-212-535; PICK N PAY CLOTHING 0860-30-30-30; QUEENSPARK 021-460-9400; SHEIN.COM; SUPERBALIST.COM; THE FIX 0860-834-834; TRUWORTHS 021-460-2300; WOOLWORTHS 0860-022-002; YDE 021-460-2800; ZANDO.COM; ZARA.COM HOEWEL ONS ALLES IN…

AS JY met jou karpaaiemente agterstallig raak, kan jou finansier dit by jou afneem. Hier is sewe belangrike dinge om te verstaan oor die proses. 1 Hoe gou kan ek in die pekel beland oor agterstallige paaiemente? In ’n neutedop: sommer baie gou. Volgens wet mag die finansier (byvoorbeeld jou bank) vir jou ’n Artikel 129-aanmaningsbrief stuur sodra jy 20 dae agterstallig is. Dus, as jy net een paaiement oorslaan. Dis die eerste stap in die proses om ’n kar terug te neem. 2 Wat gebeur volgende? Nadat jy die Artikel 129-brief ontvang het, moet jy wetlik ook ’n Artikel 123-aanmaning ontvang. In laasgenoemde moet jou finansier uitstippel hoeveel jy op die voertuig skuld. Dit sal gewoonlik ’n geregistreerde brief wees omdat die afsender moet kan bewys jy het dit…

PLANTS OF THE BAVIAANSKLOOF Deur DOUGLAS EUSTON-BROWN en MAGRIET KRUGER Struik Nature, R389* ’n Mens lees botaniese gidse natuurlik oor die feite daarin, maar jy kan ook op ’n lui Saterdagmiddag dit net deurblaai om die volksname te geniet: oupa met sy pyp, dikvoet, stinkdoring, bobbejaanarm, nentabos, swartstormbos, spaansaalwyn, tokkelossiebos (wat my tuin vol staan, maar wat ek tot nou net geken het as plumbago), ensovoorts. Die Baviaanskloof is ’n smal vallei in die suidwestelike hoek van die Oos-Kaap wat begrens word deur die Kouga-en Baviaanskloof-berge. Die 200 km lange kloof is vernoem na die bobbejane wat hier woon, en die gebied is deel van die Kaapse Floristiese Streek-erfenisgebied. Meer as 1 000 spesies word in Plants of the Baviaanskloof beskryf en sluit in: ◼ Duidelike beskrywings van elke plantspesie…

DIEREKASKENADES “My hond jaag almal op ’n fiets,” kla Carla by haar vriendin terwyl hulle in die hondepark stap. “Ai, tog, wat gaan jy doen?” wil die vriendin weet. “Ek gaan doodeenvoudig sy fiets wegvat!” antwoord Carla kwaai. SAN MARCHAND WOORDARM Die ou tante spog by haar vriendin: “Verlede jaar het ek vir my kleinseun wat op universiteit is ’n tjekkie gestuur op sy verjaardag, toe skryf hy terug hy het geen woorde om my te bedank nie!” Vriendin: “Dis oulik…” Tante: “Ja, en hierdie jaar gaan ek vir hom ’n woordeboek stuur.” JOHAN H, GONUBIE VERWARD Twee dominees preek. Die een sê drank is jou vyand, die ander een sê jy moet jou vyand liefhê. Wat op dese aarde moet ek nou maak? WOLLIE, PRETORIA KROEGHORLOSIE Klein Jannie: “Ma,…

IN SASOLBURG in die Vrystaat, waar ek grootgeword het, het ons nie eens ’n gholfbaan gehad nie. Ek was seker so 12 of 13 toe ek eendag in die garage gegaan en my pa se ou gholfstokke daar sien staan het. Ek het dit gevat en sommer ’n paar balle in ’n veld langs ons huis gaan slaan. Daarna het ek dit gereeld gedoen, totdat my pa eendag teruggekom het van die werk af. Hy het agter my gestaan, verbaas gekyk hoe ek die balle laat vlieg en toe gevra: ‘Wie het jou dít geleer? Om gholf te speel?’ Hy kon nie glo ek het dit self uitgefigure nie. ‘Jy kom Saterdag saam met my gholf speel,’ het hy aangekondig. Ek was 13 toe ek by die Emfuleni-gholfklub en die…

Die emosie drup uit haar oë. Sy haal diep asem en probeer haar gevoelens onder beheer kry. Maar dan gaan die sluise oop en vloei die trane weer. Eindelik is dit alles te veel, en ene Eloise Hampson laat sak haar kop in haar hande. Sy het pas ’n stuk uit ’n Colleen Hoover-roman gelees en wil haar reaksie met die res van die wêreld in ’n video op TikTok deel. Dit is maar net een van die vele melodramatiese videogrepe wat lesers se ervaring van Colleen se boeke uitbeeld op BookTok, die hoek van TikTok wat aan boeke gewy word. Duisende aanhangers plaas daar video’s om hul reis deur Colleen se hartroerende verhale met mekaar te deel. Video’s oor haar werk trek kykslae van in die miljoene, en Colleen…

SKAARS vier jaar gelede kon sy lewe beswaarlik donkerder gewees het. Hy was aan die skei, en emosioneel het hy die bodem geskraap. Dit het gevoel of niks goeds meer met hom gebeur nie. Toe, een Vrydagoggend omstreeks elfuur, bel die Kaapse jazzpianis Kyle Shepherd hom. “Wil jy ’n gospelprogram vir Afrikaanse televisie doen?” het sy vriend gevra. Sy antwoord? Ja. Op die plek het sy lewe ten goede verander, vertel die aanbieder van die kykNET & kie-program Koortjies met Jonathan Rubain vandag. “Ek het met programme soos YoTV en K-T.V. grootgeword en wou altyd ’n aanbieder wees, maar in my kop was dit: Ek is van Hanover Park op die Kaapse Vlakte en hierdie mense is in Johannesburg.” Om ’n aanbieder te word het “onmoontlik” geklink, sê Jonathan (38).…

COBUS & RIKE-MARI Die oud-Stormer en sy vrou is opgewonde oor hul eersteling. “Ons was albei vas oortuig dit gaan ’n dogtertjie wees,” sê Rike-Mari. Voor hulle uitgevind het haar skoonsussie is ook swanger, het sy vir Cobus vertel hoe lekker dit sal wees as sy broer, Jasper, en sy vrou ook swanger is. “Cobus het eerste vir Jasper vertel, en dieselfde aand bel hy en Anja ons om te sê sy is ook swanger. Ons het daardie aand die res van die Wiese-familie gebel en gelyk die nuus gedeel dat ons swanger is,” vertel Rike-Mari. “Ons het albei net die positiewe toetse opgehou en almal was so opgewonde. Almal spot ons en sê dit is fyn beplan, maar dit was regtig nie.” Rike-Mari is tans 21 weke swanger. “Ek…

‘DIT HET ÁL MOEILIKER GERAAK OM DIT ’N GEHEIM TE HOU. EK WOU NIE EINTLIK GEHAD HET ALMAL MOET VAN ONS WEET NIE’ DIT is al ’n rukkie sedert Valentynsdag, maar hier onder die diep skadu’s van ’n witstinkhoutboom in die tuin van die Venue Nouveau-gastehuis in Pretoria is romanse nog in die lug. Dis asof die strelitzias rondom hulle ’n oomblik vuriger blom toe sy haar arms om sy nek gooi. Die kabbelende stroom en kwetterende geelvinke klink selfs meer melodieus toe dit met die klank van haar vrolike lag versmelt. Hul verliefdheid is amper tasbaar, en dis so byna asof die natuur dit saam met hulle vier. Dalk is dit omdat hy met sy gespierde arms en rowwe baard nog altyd iets ongetem en wild uitgestraal het? Dalk…

DIE verlies van ’n geliefde is onder enige omstandighede pynlik, maar hoe beweeg ’n mens aan as jy boonop gefolter word deur onbeantwoorde vrae oor jou geliefde se dood? Uit nuusberigte is dit duidelik die naasbestaandes van Willem Kruger word gery deur vrae. Die jong man is ná ’n ramparty dood gevind in ’n rivier naby Morgenzon, Mpumalanga. Was sy dood ’n ongeluk? Of steek daar waarheid in die bespiegeling oor moontlike vuilspel en verdoeseling wat op sosiale media gedy? In ’n poging om berusting te kry het die familie adv. Gerrie Nel, hoof van Afri-Forum se privaat vervolgingseenheid, aangestel om hulle in hul soeke na antwoorde by te staan. Tian, Willem se pa, het aan Huisgenoot gesê die pyn is nog te erg om met ons te kan gesels,…

t – teelepel/s e – eetlepel/s k – koppie/s GEBRAAIDE-HOENDERSLAAI GENOEG VIR 4 MENSE / BEREIDING: 15 MIN. / AFKOEL: 1 UUR / GAARMAAK: 20 MIN. HOENDER ◗ 4 hoenderborsfilette◗ sout en vars gemaalde peper◗ 15 ml (1 e) hoenderspeserye◗ 30 ml (2 e) olyfolie◗ sap van ½ suurlemoen SLAAI ◗ sap van ½ suurlemoen◗ 1-2 avokado’s, in blokkies gesny◗ 1 pynappel, geskil en in blokkies gesny◗ 1 klein rooi-ui, gekap◗ 1 komkommer, in blokkies gesny◗ ’n groot hand vol vars koljanderblare, grofgekap◗ 2,5 ml (½ t) brandrissievlokkies of◗ 1 vars rooi brandrissie, gekap Voorverhit die oond tot 200 °C. Bespuit ’n bakplaat met kossproei. 1 Hoender Geur die hoender liggies met die sout en peper. Geur met die hoenderspeserye en smeer die olie oor. 2 Verhit ’n ysterpan tot…

WATTER SOORT VELPROBLEEM LAAT JOU DIE MEESTE KLA? A “Ek het regtig botoks nodig!” B “My vel is so vaal en leweloos.” C “My vel begin hang.”  D “Ek het ’n puisie.” WAARAAN LAAT OUER WORD JOU DINK? A Plooie  B ’n Grys gelaat C Hangwange D “Ek’s nog nie daar nie!” WATTER VAN DIE VOLGENDE VELFOUTE MAAK JY DIE MEESTE? A Jy is in die son sonder SBF. B Jy rook.  C Jy maak staat op klimtoldiëte.  D Jy verwyder nie jou grimering nie. WATTER BEKENDE LAAT OUER WORD VIR JOU GOED LYK? A Elle Macpherson B Cate Blanchett C Jennifer Aniston D Halle Berry WAT GEBRUIK JY DIE MEESTE? A Verbloemer B Verbronser C Lipglans vir volle lippe D Maskara WATTER VAN HIERDIE PRODUK-BESTANDDELE KLINK BEKEND? A Soethoutekstrak…

Stap gereeld ’n Mens kan bewustelik teenwoordig leer wees wanneer jy stap, deels “omdat ons gewoonlik wanneer ons stap nie veel ander dinge doen nie behalwe om met die geraas in ons kop besig te wees”, sê Joy. Skuif jou aandag van jou gedagtes na jou voete en voel hoe hulle met die grond kontak maak. Wanneer jy besef jou gedagtes het gedwaal, kan jy oplet wat dit is wat in jou kop opgeduik het en dan rustig jou aandag na jou voete toe terugskuif. Skoene met dun sole kan die gevoel van jou voete se kontak met die grond selfs interessanter maak. Joy stel voor as jy met ’n hond stap, kan jy “oplet na hoe die hond se stert swaai, die geluid van die hond se pote op…

Maak reg om jou te verwonder! Dié koninginne, keiserinne, prinsesse, hertoginne en gravinne leef moderne sprokies, kompleet met liefdesverhale wat jou sal betower, glansryke leefstyle waaroor jy kan droom, en genoeg drama om jou vurig aan die lees te hou. Dis die ideale leesgenot vir koninklike aanhangers wat op soek is na ’n goeie dosis ontvlugting met ’n skoot fabelagtigheid daarby. NOU TE KOOP LEES ALLES OOR Kate, prinses van Wallisprinses Charlene van Monacokoningin Rania van Jordanië koningin Letizia van Spanjeprinses Caroline van MonacoJetsun Pema van Bhutanprinses Sofia van Swedeprinses Mako van Japanen vele meer… BESTEL SO BEL 021-406-4962 E-POS koop@huisgenoot.com Gaan na www.media24shop.com.…

1996 SCREAM Die mense van die dorpie Woodsboro, Kalifornië, leef in vrees. ’n Gemaskerde psigopaat wat “inspirasie” uit gruwelflieks put, maai onder die jong mense van die gemeenskap. Om te oorleef, moet hulle die reëls volg van die flieks wat die moordenaar inspireer. 1997 SCREAM II Dis twee jaar sedert die gebeure die lewe van Sidney Prescott vir altyd verander het. Sy is nou op universiteit en sien uit na ’n normale lewe. Maar dan word haar lewensverhaal omskep in ’n fliek genaamd Stab – en toe dit in die teater begin wys, begin die moorde weer. 2000 SCREAM III Sidney Prescott is nou in selfopgelegde isolasie – maar selfs hier word sy deur die nagmerrie van die Ghostface-moordenaar agtervolg. Sidney en ander oorlewendes word betrek in ’n gruwelspeletjie met…

◼ Buiten die neefs Kevin en Brian het die lede van die groep mekaar nie voorheen geken nie. Trouens, elkeen van die lede het oudisies afgelê voor hulle die Backstreet Boys geword het. ◼ Kevin was eers deel van ’n ander musiekgroep genaamd Paradise. ◼ Dit was amper-amper of die akteur Ryan Gosling, ook ’n bekwame sanger, was die sesde lid van die groep. Hy het dié plek van die hand gewys. ◼ Oprah het hulle weer bymekaargebring. Ja, nadat Nick in die vroeë 2000’s op sy sololoopbaan begin fokus het, het AJ aan die kletskoningin vertel hoe hy daarmee wroeg. Die ander lede het ook in die program verskyn om hom te ondersteun, en hulle het kort voor lank weer saam musiek begin maak. ◼ “I Want It That…

VISSE 19 FEBRUARIE – 20 MAART Jy voel dalk hierdie week die druk om vinniger groot te word as wat jy verwag het, maar daar is ook net soveel waarmee jy met die heelal kan onderhandel. Neem ’n eerste tree in die regte rigting deur ’n aktiwiteit by die huis te begin wat al die familielede insluit en verteenwoordig. Al voel jy dalk nog nie heeltemal ge-maklik met hierdie soort verantwoordelikheid nie, is grootword op die ou end die enigste pad vir jou vorentoe. GELUKKIGE NOMMERS 1, 18, 25, 26, 24, 10 PISCES SE STRATEGIEË VIR SUKSES ◼ Jou sterkste eienskap is jou deernis vir ander mense. ◼ Jou grootste swakheid is jou behoefte om gered te word. ◼ Jy is goed daarmee om ’n klankbord vir ander te wees.…

IN ’N era waar inligting onmiddellik op die internet beskikbaar is en grense maklik oorgesteek word, is dit moeilik om jou ’n tyd voor te stel toe verskillende groepe mense en kulture nog heeltemal onbekend aan mekaar was en dit jare sou duur om ander wêrelddele te bereik. Om reise na verre lande aan te pak was toe ’n gevaarlike tog – ontdekkingsreisigers moes die onbekende trotseer sonder dat hulle kon weet of hulle ooit sou terugkeer huis toe. Onder die bekende ontdekkingsreisigers wat ten spyte van soveel gevare die wye wêreld ingevaar het, was die storieverteller en handelaar Marco Polo. En sy merkwaardige lewe word tot vandag toe gedenk. ’N FAMILIE VAN HANDELAARS Marco is in 1254 in Venesië in ’n familie van handelaars gebore. Sy pa, Nicoló, en…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul vrolike geselskap…

TYD VIR ’N ONTRIMPELING? Su Kaye van Engeland het hierdie foto van die geplooide nek van haar Franse bulhond in haar ateljee geneem. “Ek het net iets anders as die gewone probeer doen om iets unieks te skep,” sê sy. “Dis nie iets wat ek iemand anders al sien doen het nie, en dit het ’n lekker reaksie gekry.” Die foto het in die ateljeeafdeling gewen. NIE NOU LUS VIR JOU NIE! Jane Thomson van Vancouver, Kanada, het hierdie foto van Mimi die yorkie geneem. Dit vang die klein hondjie se groot persoonlikheid goed vas en was tweede in die ateljeeafdeling. WAAR’S HY? WAAR’S HY? DAAR’S HY! Hierdie foto deur Dalia Fichmann van Switserland was die wenner in die portret-en landskapafdeling. Die ster is die skaaphond Kyron. Hy is opgelei…

DIT is die troue van die jaar genoem, en vir weke daarna kon die rykes en beroemdes nie uitgepraat raak daaroor nie. Maar aan die vooraand van Brooklyn Beckham en Nicola Peltz se eerste huweliksherdenking het die glans van hul troudag verdof weens die een drama ná die ander. Die geldtwis oor die egpaar se peperduur bruilof op 9 April 2022 draai nou al in die hof – en dit bied ’n verbysterende blik op die lewe van die superrykes. Nicola se pa, die miljardêr Nelson Peltz (80), het $3 miljoen (sowat R55 miljoen) opgedok vir sy oogappel se troue by sy strandhuis in Palm Beach, Florida. ’n Mens sou dink dis kleingeld vir hom, want sy fortuin word op $1,4 miljard (omtrent R25 miljard) beraam. Maar dit beteken nie…

TOE BRITNEY SPEARS (41) se kuratorskap meer as ’n jaar terug beëindig is, moes dit ’n nuwe begin vir haar wees. Sy is van die baasspelerige beheer bevry wat haar pa oor haar gehad het. Ondersteuners van die #FreeBritney-groepie was verheug. Maar sedert Jamie Spears se 13 jaar lange voogdyskap oor haar persoonlike en geldsake in November 2021 beëindig is, het die ster se gedrag aanlyn ál meer handuit geruk. In ’n onlangse video op sosiale media praat die sangeres in ’n Australiese aksent oor nuwe rokke, terwyl sy op en af loop en aanhangers vra om nie weer die polisie te bel as sy haar Instagramblad uitvee nie. Die minuut lange video, wat sy intussen van die sosiale netwerk verwyder het, is een van talle plasings wat aanhangers laat…

DIE FEDORA Klop die hitte in dié wyerandhoede in ’n verskeidenheid kleure. Dra dit by jeans en ’n baadjie vir ’n sjiek dagvoorkoms wat in die aand ook goed lyk. DIE PET Die klassieke sportpet is ’n staatmaker, want dit pas by die meeste gesigvorms en is gemaklik saam met byna enigiets. Dis deesdae te kry in tradisionele soliede klere, asook byderwetse stowwe en met versierings. DIE EMMERHOED Dié hoede gee enige ontspanne uitrusting daardie ekstra tikkie flair. Pas dit saam met ’n kleur wat jy dra vir ’n koel kleurkombinasie. DIE ARMMANSPET Die klassieke bonkige pet is die perfekte keuse vir ’n ontspanne of deftiger voorkoms. Kies een in swart vir daardie rocksjiek gevoel.…

KRY DIT HIER CARASAVEN.COM STACY@CARASAVEN.COM; DREAMWEAVERSTUDIOS.CO.ZA 011-262-4946; FANTASTICK.CO.ZA 012-001-6880; FINGERPRINTINTERIORS.COM INFO@FINGERPRINTINTERIORS.COM; KNUS.CO 087-550-7600; MRPHOME.COM 064-584-1000 (WHATSAPP); ROBINSPRONG.COM INFO@ROBINSPRONG.COM; SASIWALLPAPER.CO.ZA 011-262-4202; STICKYTHINGS.CO.ZA INFO@STICKYTHINGS.CO.ZA; WALLPAPERONLINE.CO.ZA 011-043-4539 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY DOMINERENDE MA VAT NET OOR V Ek is op 30-jarige ouderdom uit die huis getroud. Sedert my pa se dood twee jaar gelede bly my ma by ons. My probleem is dat my ma heeltemal oorvat. My man is 49 en ek is 41, en ons albei voel soos tieners in ons eie huis. Ek raak al histeries net as die skottelgoed…

MAL OOR KOMEDIE Die akteur is geen vreemdeling op die kassie of silwerdoek nie. Hy het in 2016 naam gemaak as Shorty in die fliek Noem my skollie en was al te sien in Trackers, Projek Dina en die sepie Binnelanders. Sedert die begin van die jaar laat hy kykers lag as die kameraman Shaun in die komediereeks Magda Louw. Sy karakter skiet die werklikheidsreeks wat die lewe volg van ’n egpaar, Magda (Desiré Gardner) en Erhard Louw (Hannes van Wyk). Hy raak later deel van die meubels en bou ook ’n soort pa-seun-band met Erhard. Die reeks is gegrond op die gelyknamige kykNET-storiefliek waarin Gershwin (29) in 2021 ook die rol van Shaun vertolk het. Hy het nooit gedink hy sou ’n rol in komedie kry nie, maar het…

130 miljoen Dis hoeveel albums hulle al verkoop het. Sedert hul ontstaan was daar ook ander gewilde groepe, maar tog kon geen ander boy band hulle tot dusver met verkope troef nie. 3 In hul roemryke loopbaan het hulle al drie no. 1-albums gehad: Millennium, Black & Blue en DNA. 6 Die getal top-10-liedjies wat hulle al op die Billboard Hot 100-trefferlys gehad het. Maar nog geen no. 1-treffer nie. 30 Dis hoeveel jaar die vyfstuks al saam musiek maak. Dit het drie jaar sedert hul ontstaan gevat voor hul eerste treffer. 9 Hul musiek is al vir nege Grammys benoem, maar hulle is nog nooit met ’n beeldjie huis toe nie.…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 482 KOMPETISIEVRAAG Watter antiloop is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Vleis deur Annelien Pienaar (H&R, R395). Die meeste mense hou mos van ’n stukkie vleis, so slyp jou vleis-tande vir die beenaflek-lekkerte van Vleis. Dié boek bevat alles wat jy al ooit oor vleis wou weet, soos die snitte, voedingswaarde, veroudering, faktore wat die sagtheid bepaal, gaarmaakmetodes, bevriesing en terminologie – om net ’n paar aspekte te noem. Met resepte vir geregte van bees, lam en skaap, vark, pluimvee, afval en wild tot marinades, gegeurde soute en olies om…

1 In watter provinsie is Modimolle geleë? 2 Watter kunstenaar het die skildery Die gil – bekend as The Scream – geskilder? 3 Watter Afrikaland het die grootste bevolking? 4 Deur watter hoofstad vloei die Teems? 5 Vir watter Premierliga-span speel die Britse sokkerkaptein Harry Kane? ANTWOORDE 1 Limpopo 2 Edvard Munch 3 Nigerië 4 Londen 5 Tottenham Hotspur BRONNE EDITION.CNN.COM, THEGUARDIAN.COM, BBC.CO.UK, SCIENCEALERT.COM, YAHOO.COM, NEWSFORKIDS.NET, SMITH-SONIANMAG.COM, NYTIMES.COM…

PAMELA ANDERSON is die grootste deel van haar lewe deur die meeste mense as ’n dom en sedelose blondine veroordeel. Sy was skaars 22 jaar oud toe sy die eerste keer op Playboy se voorblad verskyn het. In 1992 het sy ’n bekende naam geword toe sy in die TVreeks Baywatch in stadige aksie in ’n rooi baaikostuum oor die Kaliforniese sand gehardloop het. Die ster se warrelwindtroue met die Mötley Crüe-rocker Tommy Lee drie jaar later op ’n strand in Mexiko net vier dae nadat hulle begin uitgaan het, het haar reputasie gevestig as die ikoniese blonde bom en stoute meisie van haar generasie. Sy het ’n wit bikini as trourok gedra, haar strooimeisie was ’n vreemdeling wat sy die vorige aand in ’n nagklub ontmoet het; sy het…

SY IKONIESE liedjie het miljoene laat droom oor ’n wêreld van vrede en liefde – maar toe word sy lewe beëindig deur die koeëls van ’n kranksinnige. Maar al is John Lennon nou al byna 43 jaar dood, het die liefde van sy lewe nooit ver van hom gewyk nie. In die lewe was die gewese stigterslid van die Beatles en die enigmatiese Yoko Ono onafskeidbaar. Vier dekades lank het sy steeds gewoon in die groot woonstel in New York wat hulle gedeel het tot die dag toe hy net buite in die straat geskiet is. Watter bittersoet herinneringe daardie woonstelmure en-gebou vir haar inhou, kan ’n mens jou beswaarlik indink. Yoko was net meters van John af toe hy die aand van 8 Desember 1980 by die ingang van…