Innehållsförteckning för 23 March 2023 från Huisgenoot

1 MARK SE STEM IS STIL Die omroeper is op 53 oorlede nadat hy sedert sy tienerjare met testikulêre en longkanker saamgeleef het. Ondanks sy gesondheidsuitdagings was die immer positiewe Mark ’n groot inspirasie vir Suid-Afrikaners. Ek luister al vandat ek kan onthou na Mark. Dit was hartverskeurend om te moes sien hoe hy agteruitgaan. Nou is hy verlos van alle pyn. Baie sterkte aan sy familie. ALLETHIA Rus in ewige vrede, Mark Pilgrim. Jy het soos ’n ware en dapper kryger geveg. Jy het soveel vreugde na die radiostasie gebring. Radio sonder jou gaan nie dieselfde wees nie. PAMIE Ek buig my hoof uit diepe respek vir die man wat so hard geveg het. Jy het ons geleer om nooit tou op te gooi nie. Alle meegevoel en seëninge aan…

DIE skoolkinders beduie opgewonde na haar en skree: “Dis Kim; dis Kim!” Maar in haar gemoed is iets pynliks aan die gebeur. Toe die aktrise Kim Cloete so oor die skare van tienergesigte in die skoolsaal kyk, voel dit vir haar asof sy dadelik kan sien met wie dit ook gebeur het. Dáárdie enetjie en dáárdie enetjie, gaan dit deur haar kop. Haar hart breek vir hulle, vertel sy hier waar ons vandag by die Agterplaas-gastehuis in Melville, Johannesburg, kuier. Nadat sy haar motiveringspraatjie by ’n skool gelewer het, nooi sy dié wat wil om privaat met haar te kom gesels. Want toe sy self nog ’n kind was, was daar niemand teenoor wie sy haar stukkende hart kon oopmaak nie. Tot op ’n dag toe sy besluit: “Ek moet…

DIE liefde oorwin alles, lui die ou gesegde, en voor jou sien jy die waarheid daarvan. Gisela Engelbrecht (47) lyk stralend in haar rok van wit satyn en kant, en langs haar bars Tertius de Jager (30) van trots in sy swart pak. Die 50 genooide gaste sit in afwagting vir die be-vestiging van ewige trou tussen man en vrou om te begin. Reeds by die ingang na Blos Café in Pretoria se kapel is die teenwoordiges herinner aan hoe spesiaal hierdie geleentheid is, want die inligtingsbord verwelkom een en almal by die “liefdesfees”. Die woordkeuse is omdat Tertius en Gisela, wat albei met downsindroom saamleef, nie wettiglik dokumente mag onderteken nie. Gevolglik kan hulle nie amptelik in die eg verbind word nie. Maar die liefde laat hom nie voorskryf…

t – teelepel/s e – eetlepel/s k – koppie/s CHAKALAKA-KEBABS GENOEG VIR 4 MENSE / BEREIDING: 20 MIN. / MARINEER: 1 UUR OF OORNAG ◗ 4 hoenderborsfilette of varksteaks, in blokke gesny◗ sout, na smaak MARINADE ◗ 1 x 410 g-blik chakalaka◗ 60 ml (¼ k) mayonnaise◗ sap van ½ suurlemoen◗ 2 knoffelhuisies, fyngekap SLAAI ◗ 100 g gemengde slaaiblare◗ 250 g kersietamaties, gehalveer◗ ½ geel soetrissie, in klein blokkies gesny◗ ½ rooi soetrissie, in klein blokkies gesny◗ 50 g grondboontjies of geroosterde pampoenpitte AFRONDING ◗ ½ rooi soetrissie, in blokke gesny◗ ½ geel soetrissie, in blokke gesny◗ slaaisous van jou keuse Week 4 houtstokkies in kookwater, of hou 4 metaalstokkies byderhand. Maak ’n vuur met genoeg kole vir braai. Hou ’n rooster en ’n staander byderhand. 1 Sit die…

RANKROSE Jy sal regtig by hierdie rose wil stilstaan om aan hulle te ruik. Nie net is dié kleurvolle klimrose mooi om na te kyk nie; variëteite soos Crimson Glory, High Hopes, Leaping Salmon, Crème Caramel en Compassion sal ’n heerlike, soet geur na jou tuin bring. Hulle begin in Oktober blom. Jy kan hulle help rank deur nuwe lote in ’n horisontale lyn op die raamwerk vas te maak liewer as om hulle te snoei. LAVENTEL Hierdie plant is lief vir die son, maklik om te kweek en ideaal vir potte, klipperige tuine of as heinings – na gelang van die variëteit. Die beste planttyd vir geurige laventel is die herfs. Hulle blom ’n klompie maande lank, gewoonlik vanaf die laat winter, lente en vroeë somer. Dié sterk, meerjarige…

DIE FANTASTIESE MEVROU SMIT Deur ELIZABETH WASSERMAN Penguin, R249* “Dit is my eerste grootmensboek wat gepubliseer word. Ek erken dat daar baie ander pogings in my laai lê wat ek eendag nog gaan klaar skryf,” sê Elizabeth Wasserman, skrywer van ’n hele rits kinder-en jeugboeke. Haar “regte” werk is as patoloog, en sy is ook buitengewone professor in geneeskundige mikrobiologie aan die Universiteit Stellenbosch. “Ek het begin met rympies vir kinders, toe Speurhond Willem, toe Anna Atoom, en toe die Elf dae-reeks vir tieners. Nou is ek eers reg om met my eie trawante te begin praat.” Die fantastiese mevrou Smit is werklik fantasties – “die hele verhaal is lig en spelerig: selfs tong in die kies. Moet dit asseblief nie te ernstig opvat nie!” waarsku Elizabeth. Waar kom sy…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 484 KOMPETISIEVRAAG Watter soort vorstin is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser 1 Recce: Die nag behoort aan ons deur Alexander Strachan (Tafelberg, R320). 1-Verkenningsregiment (1-Recce) was die dodelikste spesialiseenheid in die ou Suid-Afrikaanse weermag. Dié manne was superfiks, bomenslik taai en het vir niks gestuit nie. Hulle het telkens hul lewe op die spel geplaas in die uitvoering van hoogs geheime operasies agter vyandelike linies. Dekades lank is oor dié sendings geswyg. Nou, vir die eerste keer, openbaar die Recces se groot generaals (soos kol. Jan Breytenbach) meer oor hul sensitiewe operasies.…

1 Wie was die hoofkarakter in die flieks Dr. No, The Spy Who Loved Me en Quantum of Solace? 2 Van watter Europese land is Zagreb die hoofstad? 3 Wie was die eerste president van die VSA? 4 Watter vitamien kry ons van sonlig af? 5 Watter rivier is Suid-Afrika se langste? ANTWOORDE 1. Jame sBond 2. Kroasië 3. George Washington 4. Vitamien D 5. Oranjerivier BRONNE BBC.COM, INSIDER.COM, NETWERK24.COM, TIMEOUT.COM, DOWNTOEARTH.ORG. THEGUARDIAN.COM, PLETT-TOURISM.CO.ZA, DOGONEWS.COM, NEWSFORKIDS.NET…

WILDSBOKKE oftewel antilope kom in groot getalle op ons vasteland voor. Van die 91 wildsbokspesies op aarde sal jy meer as 70 in Afrika vind. Daar is ook ’n klompie spesies wat in Asië en die suidwestelike dele van Europa voorkom. Hier in Suid-Afrika is wildsbokke ’n lus vir die oog vir toeriste op safari, asook vir besoekers aan ons wildtuine. As jy gelukkig is, sal jy dié diere selfs êrens langs ons land se paaie te sien kry. Ons leer jou meer oor ons groter bokke. KENMERKE Hoewel hulle saam met beeste, skape en boerbokke tot dieselfde familie van horingdraers (Bovidae) behoort, is daar tog verskille tussen hierdie diere. Die term “wildsbok” is eintlik ’n gerieflike versamelnaam wat verwys na horingdraers wat nie gewone beeste, buffels, bokke of skape…

LANK voor Harry en Meghan die koninklikes na hulpêrels laat gryp het, was daar ’n ander rakker in die Windsors se geledere wat vir beroeringe gesorg het. Wie sal ooit vergeet hoe Sarah Ferguson, toe nog die wettige vrou van prins Andrew, afgeneem is waar ’n minnaar haar tone suig? Of die kere toe sy so diep in die skuld beland het dat sy by Jeffrey Epstein bakhand gaan staan het? Ondanks al die kritiek teen haar het Fergie nooit vir die kollig weggekruip nie. Die afgelope ruk is sy opnuut op ’n reklametoer deur Engeland en Amerika. En sy vertel op 63 gaan dit beter met haar as ooit. “Ek het besluit om alle boeie af te gooi. Ek weet nie of dit die koningin se dood is wat…

DANIËLLA VAN HEERDEN Die e-Nuus-leser en haar fotograafman, CORNÉL, het vroeër vandeesmaand hul tweede dogtertjie gehad. LEILANA is op 8 Maart in die Life Flora-hospitaal in Roodepoort gebore. “Dit bly maar net ’n onbegryplike wonderwerk om die mensie wat jy nog die vorige aand in jou maag voel skop het in jou arms vas te hou en die gesiggie te sien ná soveel maande van afwagting,” sê Daniëlla. Cornél was daar met hul dogtertjie se geboorte en het die spesiale oomblik op kamera vasgevang. “Hy hou daarvan om oomblikke te dokumenteer; ek dink dit is deel van sy DNS.” Ousus SIMONÉ (2) het elke dag in die hospitaal kom kuier. “Sy neem haar rol ernstig op. Ons uitdaging gaan wees om dit in haar kop te kry dat sy nie…

1 BINDI SE STRYD MET HAAR GESONDHEID Dis ’n pynlike toestand wat miljoene vroue raak, en BINDI IRWIN (24) hoop haar storie sal ander met endometriose help. Nadat die Australiese natuurbewaarder 10 jaar lank gesukkel het met “onuithoudbare uitputting, pyn en naarheid” en by een dokter moes hoor dis iets waarmee sy moet saamleef, het sy op ’n operasie besluit. Sy het ’n sist en 37 letsels laat verwyder. “Laat hierdie jou bevestiging wees dat jou pyn werklik is en dat jy hulp verdien,” het sy op Instagram geskryf. 2 JULIA LAAT GLIP ’N GROTE Dit was die rol wat destyds vir GWYNETH PALTROW (50) ’n Oscar besorg het, maar sy het die rol net gekry omdat JULIA ROBERTS (55) die stel verlaat het. Volgens die vervaardiger Edward Zwick het Julia die…

CARDI B (30) het dalk skuld beken op ’n aanklag van aanranding, maar die modepolisie sal haar skotvry laat wegkom danksy die stylvolle uitrustings wat sy gedurende haar gemeenskapsdiens dra. ’n Regter van New York het die rapper opdrag gegee om 15 dae onbetaalde werk te verrig as deel van ’n ooreenkoms. Die aanklagte spruit uit ’n geveg in ’n ontkleeklub in 2018. Cardi het destyds twee kroegwerkers aangeval. Sy het een van hulle daarvan beskuldig dat sy met haar man, die rapper Offset, ’n affair het. Sy het skuld erken en einde Februarie met haar gemeenskapsdiens begin. Sy dokumenteer die ervaring – en haar hiphopmodes – elke dag vir haar aanhangers op Twitter. As deel van haar pligte het Cardi by die New Yorkse polisiediens se mentorprogram vir jong…

Ronde hals ’n Rondehalstrui is tydloos en ewe maklik om op te dollie as om as ontspanne drag te dra. WENK Dra dit saam met sigaretpypbroeke en hakke vir ’n aand uit of by ’n cargobroek vir ’n informeler voorkoms. V-hals Dié snoesige tops is ideaal in sagte stowwe. Los een skouer oop as jy ’n modestelling wil maak. WENK Die veelsydige V-halslyn lyk goed bo-oor ’n hemp en by broeke of rompe. Rits-rits Tops en truie met ritssluiters is gewild hierdie seisoen. Dra dit saam met neutrale kleure of kunsleer en denim om te verseker jy kry dié modegier onder die knie. WENK Moenie jou somerrompe wegpak nie – dit lyk mooi saam met dié truie. Knooptrui Die ideale klerekaskeuse vir die veranderende seisoen en ’n uitstekende item om…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. WAT IS MY REGTE IN MY MA SE HUIS? V My ma is nou 66 jaar oud. Ek woon by haar omdat ek gestremd is en haar hulp nodig het. Ek het ’n krom voet en loop met ’n loopraam. Onlangs het ek ’n dubbele heupvervanging gehad wat my laat sukkel om uit die bed te kom. My ma raak befoeterd as ek…

’n Mens ken hom waarskynlik beter as dr. Steve Abrahams van Binnelanders, maar nou gaan jy ’n ander sy van die akteur Clint Brink leer ken – dié van ’n sanger. Ja, toe Clint en sy kollegas Germandt Geldenhuys, Reynardt Hugo en die ontslape Ben Kruger in 2020 hul eie weergawe van “Stille nag” opgeneem het, het min mense geweet Clint is, nes die ander, ’n bekwame sanger wat al jare sing. Die akteur het pas sy nuwe enkelsnit, “Hold On to Love”, uitgereik. Hy het die liedjie self geskryf en saam met David Mutanda vervaardig. “Ek is dankbaar teenoor God vir die gawe van musiek. Dis ’n kragtige medium wat mense se lewenservarings kan verander,” sê Clint. “Kyk maar om jou – geslagsgeweld, die sukkelende ekonomie, die pandemie… Mense…

’n Man en ’n vrou kom om die draai gestap. “Pas op!” roep mevrou Smit uit. Die twee steek in hulle spore vas. “Mevrou Smit?” vra dokter Tomas verbaas. “Wat soek jy hier, met jou blaker in die sand?” Skielik raak sy bewus van haar deurmekaar hare en stofbesmeerde gesig. Die dun riempie van haar g-string sny in ’n verkeerde plek en die parfuum wat sy vanoggend halsstarrig aangespuit het, is lankal afgesweet. Sy is weerloos. “Iemand skiet op my.” Tomas stap nader en kniel langs haar. “Ek dink jy ly aan posttraumatiese stres. Iemand het op jou geskiet, ’n dag of wat gelede. Nie nou nie.” “Het julle nie die skote gehoor nie?” “Ek het Tomas na ’n song laat luister,” verduidelik die dokter se blonde metgesel. Sy beduie…

BLINDEMOL Die ou omie stap by die kliniek in: “Ek dink ek het ’n bril nodig,” sê hy aan die jong assistent by ontvangs. “Dis baie duidelik, meneer,” antwoord sy. “Die oogkliniek is langsaan. Dit is ’n gesinsbeplanningkliniek dié.” KASOEPIE VOLSPOED Die spietkop trek die ou tannie van die pad af en verduidelik vir haar dis ook gevaarlik om baie stadiger as die spoedgrens te ry. “Nee, meneer,” antwoord sy en beduie na die bord wat “M41” lees, “ek ry presies op die spoedgrens.” Geduldig verduidelik hy dis die padnommer, nie die spoedgrens nie. Dan merk hy op die ander passasiers lyk wasbleek. “Wat is fout?” vra hy. Tannie agter die stuurwiel: “Toemaar, hulle sal nou-nou weer reg wees, ons het sopas van die M156 afgedraai.” JOHANNA RADEMEYER LEDIGHEID Eerste…

DANKSY haar treffer “Deeper” het Holly Rey (25) in 2019 die eerste vrou in 20 jaar geword wat ’n Sama vir beste liedjie van die jaar gewen het. Maar deesdae is die Durbanse sangeres net so tuis voor die oond as agter die mikrofoon. Sy en haar kleinsus, Mimi (8), is medeaanbieders van SABC3 se nuwe reeks Baking with the Reys (BWTR). Hul resep is om kinders te leer watter heerlike gesinspret dit is om saam te bak – en terselfdertyd vir lekker gesonde eetgoed vir hul skoolkosblikke te sorg. Ons het by die susters gaan aanklop vir ’n paar smaaklike brokkies oor hul kombuisdinge voor die kameras. En natuurlik wou ons by Holly weet of sy ook binnekort vir ons lekker nuwe musiek gaan voorsit. HOLLY WAAR KOM…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul vrolike geselskap…

DIS ’n lang stofpad wat ’n mens tot by die grys plaashuis met die netjiese voortuin neem. Diepblou wolke hang laag oor die klein oase hier in die Swartland, en met die belofte van reën in die lug kom die boer te voorskyn. Boer Hennie de Villiers kom flink by die trappies af met ’n pet op sy kop en vellies aan sy voete. “Ons kan maar drukkies gee; ons gaan mos lank gesels,” groet hy. Dit is hier op die familieplaas Hartebeesfontein buite Moorreesburg waar hulle al vier geslagte met merinoskape boer waar Hennie besluit het om ’n kans op die liefde te waag. Hennie (35) is die jongste van vier broers en woon saam met sy ouers, Jan (65) en Mollie (63), en sy oudste broer, Kleinjan (43),…

BEDORWE rykmanskind, partytjiedier, oppervlakkig en onnosel… Daar’s g’n einde aan die onvleiende etikette wat al om haar nek gehang is nie. Tog het Paris Hilton bewys ’n mens moet niemand op hul ontwerpersbaadjie takseer nie. Haar lewe was allermins net maanskyn en rose – selfs sý het al swaarkry beleef. Sedert sy haar hart oopgemaak het oor die mishandeling wat sy in haar tienerjare by ’n privaat kosskool beleef het, het sy die mantel van kampvegter teen kindermishandeling opgeneem. En in haar nuwe outobiografie, Paris: The Memoir, onthul sy nog ontstellende besonderhede oor haar mishandeling. Sy praat ook openhartig daaroor dat sy in haar 20’s ’n aborsie ondergaan het omdat sy nog nie gereed gevoel het om ’n ma te word nie. Die mishandeling op skool het haar geskend,…

DIE gholfspeler TIGER WOODS (47) het al heelwat chaotiese skeidings agter die rug, en die een van sy mees onlangse eksmeisie, ERICA HERMAN (38), is geen uitsondering nie. Die twee is in Oktober verlede jaar uitmekaar nadat hulle ses jaar uitgegaan het. Erica dagvaar hom nou vir skadevergoeding van $30 miljoen nadat sy uit sy huis gesluit is. Volgens haar prokureurs het sy vroeg in hul verhouding ’n “mondelinge huurooreenkoms” met Tiger aangegaan waarvolgens sy 11 jaar in sy reusehuis in Florida kon bly. Toe Tiger die verhouding beëindig, was vyf jaar van die beweerde ooreenkoms nog oor. Nou eis sy geld as vergoeding vir die oorblywende huurtydperk. Sy beweer ook Tiger se agente het haar om die bos gelei om die eiendom te verlaat. Hulle het haar na bewering…

Die eerste onversoenbare-ABO-oorplanting, met behulp van die Glycosorb-ABO-filter, is in 2001 gedoen. Sedertdien was daar buite Afrika sowat 6 000 prosedures in 29 lande. Dr. Zunaid Barday verduidelik met dié prosedure word die bloed van die ontvanger van die nier deur ’n dialisemasjien gepomp, wat die plasma uit die bloed onttrek. Die plasma word dan deur die filter gepomp wat antigene het wat met die teenliggame bind en dit uit die plasma verwyder. Die plasma word dan vir die pasiënt teruggegee. “Jy het dan ’n verwydering van skadelike teenliggame gedoen,” sê Zunaid. Ná die oorplanting word die pasiënt twee weke lank noukeurig gemonitor, en as vlakke van die teenliggame opgaan, word die bloed weer deur die filter gepomp. “Daarna begin die liggaam die orgaan wat die onversoenbare bloedgroep het stelselmatig…

STEENROLLER Rollers van siersteen – oftewel jade – is nie ’n onlangse velsorguitvindsel nie. Dit is al eeue ’n staatmaker in Chinese velsorgroetines. Maar danksy TikTok en Instagram is dit ook nou elders baie gewild. Dié gereedskap van metaal en jade (of ander sierstene soos rooskwarts en ametis) word as die geheim tot ’n fermer, jeugdiger vel voorgehou. Dit het rollers aan elke punt wat oor die vel gly en in die kontoere van die gesig werk. Die voordeel van dié ritueel is dat dit ’n goeie toevoeging tot enige oggend-of aandvelsorgroetine is. Soggens kan ’n verkoelde steenroller pofferige oë verfris laat lyk, en voor slaaptyd is die gesigmasseringstoestel goed daarvoor om inflammasie te laat bedaar. VOORDELE ● Bevorder sirkulasie. ● Kan die doeltreffendheid van jou velsorg verhoog en help…

Dalk het jy al die Engelse term “money coach” of “financial coach” gehoor. Dit is iets wat die laaste jare opgeduik het en nie almal weet mooi wat so iemand doen nie. Dié afrigters fokus dikwels meer op jou gemoed, jou gedrag en jou emosie en hoe dit jou geldsake raak. Hulle sal jou tipies leer om te verstaan wat die gedragspatrone en die denkfoute is wat daartoe lei dat jy dom geldbesluite neem en in die skuld beland. Dan sal hulle jou help leer hoe om dié aspekte van jou lewe om te swaai. Finansiële adviseurs en beplanners kan ook soms elemente van dié soort afrigting in hul werk insluit. Daar is egter nie ’n amptelike liggaam wat geldafrigters reguleer nie; daarom beveel kundiges aan jy doen goed navorsing…

OM JOU werk te verloor is een van die groot stresfaktore in ons samelewing. Hier is vyf wenke wat jou kan help as die ondenkbare gebeur. 1 WAT IS MY UITGAWES? Omdat jy nie weet hoe lank dit sal neem om ’n ander werk te kry nie, sal enige geld wat jy het so lank moontlik moet hou. Maak ’n lys van elke maand se uitgawes sodat jy weet wat jou gemiddelde besteding is. Trek ’n bankstaat en kyk watter debiete van jou rekening afgaan, wat jou aankope was en hoeveel kontant jy getrek het. Gaan dan deur die lys en besluit watter uitgawes noodsaaklik is, waaraan jy minder kan bestee en watter uitgawes heeltemal uitgesny kan word. Onthou dat jy selfs op noodsaaklikhede soos etes en vervoer kan besnoei. 2…

Haar debuutenkelsnit, “Duisend jaar van nou”, het oornag van haar ’n ster gemaak. Nou is die sangeres Jaid River (Jeanlie Minnie) se debuutalbum, Verlanger, pas uitgereik – en daarmee saam die tweede enkelsnit, “Stad van verlange”. Dié snit, baie soos die album, is ’n soort emosionele verkenning van die herinneringe, mense, drome en woorde waaraan ons vasklou. “Elke liedjie wat ek skryf en uitreik, vertel ’n stukkie van my eie storie,” sê sy. “Om dit met mense te deel is vir my ongelooflik spesiaal.” “Duisend jaar van nou” het haar drie Afri-Indie-benoemings besorg. “Ek dink ons almal wil eindelik net weet ons is nie alleen in die dinge wat ons voel nie, wat dit ook al is,” sê sy. “Ons almal hunker ons lewe lank na iets, maar hierdie album…

RAM 21 MAART – 19 APRIL Nadat dit maande lank in die Tweeling was, verander jou heersende planeet, Mars, van tekens en vestig hom in Kreef. Dit verskuif jou fokus na huis en gesin, ’n gebied wat jy waarskynlik die afgelope ruk afgeskeep het. Jy is ook in ’n vrygewige bui, met jou tyd, liefde en jou geld. Daar is niks daarmee verkeerd om geliefdes te bederf nie, veral as jy die middele het – en selfs al het jy dit nie, sal ’n innoverende Ram altyd ’n manier vind. GELUKKIGE NOMMERS 6, 19, 24, 43, 21, 10 RAM SE IDEALE WERKOMGEWING ◼ Jy is territoriaal en het jou eie afgebakende werkruimte nodig. ◼ Jy sal ’n werkstasie sonder rommel verkies. ◼ Maak die asblik aan ’n muur of kant…

KYK DIE KINDERPROGRAM GRATIS! Kinders kan die aanlyn Afrikaanse kinderprogram Die Babbelbende op enige selfoon, rekenaar of tablet kyk – en dis gratis! Besoek huisgenoot.com om al die episodes van die reeks op ons tuisblad te kyk. Elke episode is 12 minute lank. In dié prettige, leersame reeks ontdek Bibi en haar maats, Palawa die kameelperd en Paloeka die leeu, saam met die verkenner, Ben, allerlei interessante dinge – en jou kind kan saam leer. BESTEL JOU POPPE EN STORIEBOEK HIER DIE STORIEBOEK R155 ALBEI POPPIES R450 ● DIE STORIEBOEK + 1 POPPIE VIR R350 ● DIE STORIEBOEK + ALBEI POPPIES VIR R550 ● NET EEN POPPIE VIR R230 BEL 021-406-4962 E-POS koop@huisgenoot.com AANLYN huisgenootwinkel.com…

DIE aand nadat hy ’n repetisie afgelê het vir sy grootste rol nóg, was hy so senuagtig dat hy nie kon slaap nie. Sou hy die rol kry waarvoor talle ander akteurs hul voortande sou gee? Pedro Pascal het toe ’n sterk slaappil gesluk – dit was die enigste manier hoe hy sy gemoed tot bedaring kon bring. Kort daarna – dieselfde aand nog – het die regisseur van The Last of Us hom gebel om te sê hy het die hoofrol gekry in wat een van die grootste TV-reekse van ons tyd sou word. Maar arme Pedro was so deur die war van die slaappil dat hy die volgende oggend geen herinnering gehad het van die gesprek nie. “Ek het wakker geword en gedink ek wou daardie werk regtig…

Ná ’n rits mislukte verhoudings en ’n paar verbreekte verlowings het Paris in 2021 afgehaak met die waagkapitalis Carter Reum op haar oupa se landgoed in Bel-Air. “Die eerste keer in my lewe het ek ’n verhouding begin deur oop kaarte te speel. Ek het ’n band gesmee wat nie plek vir geheime ingesluit het nie,” vertel sy aan die tydskrif Time. Hul seun, Phoenix Barron Hilton Reum, is in Januarie met behulp van ’n surrogaat gebore weens haar vrees vir die bevalling. Die nuus het aanhangers onkant betrap omdat sy die geboorte stil gehou het – nie eens haar ma en suster het daarvan geweet nie. Hulle het Phoenix ontmoet toe hy ’n week oud was. “My hele lewe was in die kollig,” sê Paris. “Ek het nog nooit…

VERLEDE jaar in September het foto’s van ’n erg verslonste en verwarde CARA DE-LEVINGNE by ’n lughawe verskyn en haar vriende en familie diep bekommerd gelaat. Met goeie rede, blyk dit nou. Onlangs het die 30-jarige model onthul sy was in ’n stryd teen depressie en dwelmverslawing gewikkel toe die foto’s geneem is. Dit was vir haar ’n groot verleentheid, maar ook ’n wekroep om hulp te kry. Sy het toe op eie houtjie vir rehabilitasie gegaan, het sy aan die tydskrif Vogue vertel. Toe die gewraakte foto’s geneem is, het Cara pas teruggekeer van die Burning Man-fees waar sy dwelms gebruik en bitter min geslaap het. “Dis hartverskeurend, want ek het werklik gedink ek het pret, maar ek moes op ’n kol erken ek lyk nie goed nie,” sê…

Die akteur COLIN FARRELL se status as sekssimbool kan dalk ’n knou kry wanneer aanhangers nuwe foto’s van hom in volle kostuum sien as Oswald Cobblepot, die onaantreklike aartsvyand van Batman. Colin verfilm tans tonele in New York vir sy nuwe uitloperreeks, The Penguin. Daarin hervat hy sy rol uit die fliek van 2022 as die skurk met die wikkel in sy stap. ‘Jy is nie veronderstel om ná ’n sekere ouderdom lang hare te hê nie. Maar in covid het ek my hare laat groei. Dit het gegroei en gegroei en gegroei, en ek was basies nie gepla om dit te laat knip nie’ – HELEN MIRREN OP DIE PROGRAM LORRAINE OOR HAAR LANGER LOKKE EN DIE BELAGLIKE IDEE DAT VROUE VAN ’N SEKERE OUDERDOM KORTER HAARSTYLE MOET HÊ…

NAOMI CAMPBELL Eie aan haar aard het die model haar weeklange vonnis by ’n rommelverwyderaar in New York in haar persoonlike loopplank omskep. Naomi is in 2008 tot gemeenskapsdiens gevonnis nadat sy haar huishoudster met haar foon gegooi het. Sy het die week in ’n asemrowende Dolce & Gabbana-rok afgesluit. PARIS HILTON Die sosiale vlinder het daarop aangedring dat dit belangriker is om modieus as prakties te wees. Sy het in hoëhakskoene opgedaag om die 200 uur gemeenskapsdiens te verrig wat die hof haar in 2010 opgelê het. Sy is opdrag gegee om graffiti toe te verf as deel van haar ooreenkoms nadat sy skuld erken het op aanklagte van die besit van dwelms. LINDSAY LOHAN In haar wilde jong dae in 2012 was die Mean Girls-aktrise in ’n motorongeluk…