Innehållsförteckning för 04 May 2023 från Huisgenoot

1 ‘DIT IS WIE EK IS’ Patricia Lewis was verras deur die reaksie op ’n “lawwe dansvideo” waar sy haar blonde hare voor ’n waaier rondswaai. “Dis wie ek altyd sal wees,” sê sy. Al is Patricia deesdae stiller, het sy ná 34 jaar aanhangers oor wie ander net kan droom. Want sy is plat-op-die-aarde, met ’n hart van goud. Laat waai met daai hare. Jy mag maar; jy’s ons superster. LEON Patricia is ’n pragtige mens met die mooiste geaardheid. Ek het haar op die Turksvyfees op Uitenhage ontmoet. Sy het tyd gemaak om met elke mens te gesels wat sy daar teëgekom het. Ek is dol oor haar. JOAN Nog altyd so mooi! Sy het eendag by die Hillfox-sentrum gesing toe Max nog klein was. Sy het hom op…

As jy by enige van (of al) die volgende stellings aanklank vind, is jy dalk in die vroeë of middelste fase van ’n middeljarekrisis. ◼ Ek is flippen verveeld. ◼ Ek weet ek kort verandering, maar hoe? ◼ Ek voel vasgekeer in my lewe. ◼ My pligte en my verantwoordelikhede laat my vasgekeer voel. ◼ Ek herken myself skaars. ◼ Ek weet wat ek graag sou wou doen, maar kan myself nie motiveer om dit te doen nie. ◼ Ek voel asof ek net die tyd omwens tot die einde. ◼ Ek wil weer passie en vreugde ervaar. ◼ Ek voel my verhouding is verby sy beste jare. ◼ Ek voel asof ek by ’n kruispad staan in my lewe en weet nie watter kant toe om te draai nie.…

Dis ’n goeie teken as jou tieners of hul vriende jou in hul vertroue neem. En hoe meer kans hulle het om jou te leer ken, hoe meer sal dit gebeur. Om hul vertroue te wen, moet jy nie oorreageer wanneer hulle jou wel vertel van dinge wat by die skool of op kuiers gebeur nie. As die kinders jou van die een of ander probleem vertel, kan jy hulle eerstens bedank dat hulle jou genoeg vertrou om jou daarvan te vertel, sê die sielkundige Sally-Anne McCormack. Wanneer jy later alleen by jou tiener is, kan jy die inligting gebruik wat jy gegee is – of dit nou is oor vriende wat skelm op partytjies drink of iemand wat dwelms aangebied is – om ’n gesprek aan te knoop oor…

BEGRAFNISPOLISSE is van die gewildste en goedkoopste soorte versekering. Jy hoef nie mediese toetse te doen vir dekking nie, en dit betaal dikwels vinniger as lewenspolisse uit. Maar dié groot marksegment lok ook bedrieërs. Hier is vyf slenters. 1 VALS POLIS IN JOU NAAM Die swendelaar neem sonder jou wete ’n polis onder jou naam uit, en jy betaal dus die premies. Jou begunstigde is egter die swendelaar – onder ’n vals identiteit wat hy met gesteelde persoonlike inligting vir homself geskep het. Mettertyd sal die swendelaar dan ’n vals doodsertifikaat in jou naam skep, dit registreer en ge-bruik om te eis. Is die eis suksesvol, kry die swendelaar die uitbetaling. Doen dít: Gaan jou bankstate en jou salarisstrokie gereeld na vir debietaftrekkings wat jy nie goedgekeur het nie. As jy…

BUL 20 APRIL – 20 MEI Dit voel dalk vir jou of jy in die oog van ’n storm vasgevang is, in ag genome dat die son met die bevrydende krag van Uranus saamspan op dieselfde tyd dat daar ’n volmaan in jou teenoorgestelde teken is. Staal jou dat dinge taamlik vinnig kan ontwikkel. En selfs al hou jy as ’n koppige Bul daarvan om in jou bekende roetine te bly, woel die kosmiese energie nou dinge deurmekaar om vir jou baie nodige veranderinge te bring. GELUKKIGE NOMMERS 6, 14, 39, 50, 19, 13 TAURUS SE STRATEGIE VIR SUKSES ◼ Jou sterkste punt is jou geduld en om praktiese oplossings te vind. ◼ Jou grootste swakheid is jou koppigheid en weerstand teen verandering. ◼ Jy hou van roetine, maar dit…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkle.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul vrolike geselskap…

DIS nie ’n onderwerp waaroor daar draadsitters is nie. Óf jy dink dis on-higiënies en grillerig, óf jy dink dis doodnatuurlik. En nou gons dit weer oor lang onderarmhare, als danksy Rachel McAdams. Die aktrise was onlangs in die nuus toe sy vir ’n fotosessie ir die tydskrif Bustle poseer het. Op die foto lê sy agteroor op ’n rusbank in ’n modieuse swart bandjietop en wyepyplangbroek met spykerhakskoene daarby – nes ’n mens verwag ’n Hollywood-ster sal lyk. Maar daar is een klein verskil: In haar kieliebak is ’n klossie bruin onderarmhare duidelik sigbaar. Rachel, wat bekend is vir haar rolle in flieks soos The Notebook en The Vow, is trots op haar ongeskeerde armholtes – die tydskrif sê sy het spesifiek gevra haar foto’s moet so min moontlik…

DREW BARRYMORE (48) “As jy in menopouse is, gaan jou individualiteit daarmee heen – jy is net daardie droë ou vrou. Ons moet meer oor menopouse praat, dit snaakser, sexier maak.” MICHELLE OBAMA (59) “Ek het ’n warmgloed op Marine One (die Amerikaanse presidentsvliegtuig) gehad. Dit was asof iemand ’n oond binne-in gesit en dit op hoog gestel het, en toe begin alles smelt.” SALMA HAYEK (56) “Vroue het nie ’n vervaldatum nie – jy kan op enige ouderdom gatskop. Ons is nie net hier om babas te maak of die man op te piep nie. Ons het die reg om geliefd te wees op die plek waar ons is.”…

DIS nie altyd ’n goeie idee om met ’n eks te probeer versoen nie, maar dit lyk tog of die sangers SHAWN MENDES (24) en CAMILA CABELLO (26) besluit het om ’n kans te waag. By die onlangse Coachellamusiekfees in Kalifornië het hulle van voor af verlief gelyk en mekaar omhels en gesoen. Tog vertel bronne na aan die twee – wat in 2021 uitmekaar is ná twee en ’n half jaar saam – hulle beplan nie om weer ’n verhouding aan te knoop nie. “Shawn en Camila was die afgelope paar weke in kontak en het die lug gesuiwer oor die verbrokkeling van hul verhouding,” het die bron aan Entertainment Tonight gesê. “Daar is nog ’n band tussen hulle, en albei het al gesê dat hulle steeds vir mekaar…

TOE sy 15 jaar gelede die eerste keer op Huisgenoot se voorblad verskyn het, was Karlien van Jaarsveld nog net-net bekend as Bobby se ousus, agtergrondsangeres en kitaarspeler, en as lid van die rockgroep Revolusie. Kort daarna het alles verander. Dit was 2008 toe Karlien besluit het om haar eie weg as solosangeres te begin baan – nog ’n mooi, talentvolle vrou met ’n goue stem en groot drome. En toe klim haar loopbaan en haar lewe op die vinnige baan. Die jare sedertdien was ’n snelweg na sukses. Haar albums het treffers geword, sy het die dansreeks Strictly Come Dancing gewen, en sy was saam met boet Bobby te sien in hul eie werklikheidsreeks, In jou skoe ne. Sy is getroud met en geskei van die oudrugbyspeler Derick…

Oornagpizza met TUIS-GEMAAKTE PASSATA-SOUS (Margherita) GENOEG VIR 8 MIDDELSLAGPIZZAS BEREIDING: 30 MIN. STAAN: OORNAG GAARMAAK: 35-40 MIN. DEEG ◗ 625 ml (2½ k) louwarm water◗ 5 ml (1 t) suiker◗ 1 x 10 g-pakkie kitsgis◗ 60 ml (¼ k) olyfolie + ekstra vir bak◗ 1 kg broodmeel + ekstra vir strooi◗ 10 ml (2 t) sout TAMATIESOUS ◗ 30 ml (2 e) olyfolie◗ 1 ui, gekap◗ 2 knoffelhuisies, gekap◗ 2 ansjovisfilette, fyngekap (opsioneel)◗ 2,5 ml (½ t) vars of droë tiemie◗ 4 sondroë tamaties, fyngekap◗ 2 x 410 g-blikke kersietamaties◗ 5 ml (1 t) suurlemoensap◗ 2,5 ml (½ t) suiker◗ sout en vars gemaalde peper AFRONDING ◗ olyfolie◗ 200 g mozzarella, in skyfies gesny of gerasper◗ vars basilieblare Smeer ’n diep mengbak met ’n bietjie olie. Strooi ’n paar bakplate…

As jy ’n goeie rede het om een van jou kinders se vriende te wantrou, sal jy dit dalk oorweeg om jou kind te verbied om daardie vriend te sien. Kan dit werk? Veral as hulle na dieselfde skool gaan en dalk ’n klomp vriende in gemeen het? Of maak dit daardie vriendskap vir jou kind net aanlokliker? Kinders wat ’n goeie verhouding met hul ouers het, wil meestal hê hul ouers moet van hul vriende hou, sê Deborah Jepsen, ’n sielkundige. “As jy dus goeie redes kan uitwys hoekom jy dink die vriendskap ’n probleem is, sal veral ’n ouer kind waarskynlik na jou besware luister.” Met jonger tieners het jy ’n bietjie meer mag. Een oplossing is om hulle aan te moedig om meer vriende te maak en…

NOU TE KOOP LEES ALLES Kate, prinses van Wallisprinses Charlene van Monacokoningin Rania van Jordanië koningin Letizia van Spanjeprinses Caroline van MonacoJetsun Pema van Bhutanprinses Sofia van Swedeprinses Mako van Japanen vele meer… BESTEL SO BEL 021-406-4962 E-POS koop@huisgenoot.com Gaan na www.media24shop.com.…

KATJIE VAN DIE KLANKBAAN Haar musiek op YouTube is al meer as ’n miljard keer geluister – ’n syfer wat van haar een die gewildste vrouerappers van alle tye maak. Maar dit weet ons mos lankal van Doja Cat, of hoe? Die rapper, wie se regte naam Amala Ratna Zandile Dlamini is, is immergewild. Onder Suid-Afrikaners, ja, sy is immers een van ons eie, maar ook oor die wêreld heen. Doja het onlangs op Instagram verklap haar vierde ateljeealbum, wat tans as Hellmouth bekendstaan, word binnekort uitgereik. Dit bestaan uit 19 snitte, waaronder die liedjies “Attention”, “Love Life” en “Can’t Wait”. Doja het in die verlede popmusiek, R&B en selfs hiphop gemaak, maar het onlangs bekendgemaak sy gaan voortaan net op rap fokus. Dís waar haar hart lê, het sy…

GROOT BLOKRAAI WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. NO 2 490 KOMPETISIEVRAAG Watter soort vaartuig is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Medusa deur Rudie van Rensburg (Queillerie, R310). ’n Vuur brand in Kassie Kasselman se binneste. Hy en Rooi Els het nog nooit só ’n saak hanteer nie. Die sterk emosies wat hy ervaar, stem hom onrustig. Reeds as groentjiespeurder het Kassie geleer jy moet altyd afsydig bly sodat ’n saak jou nie oorweldig nie. Anders begaan jy oordeelsfoute. Dié saak laat dit egter nie toe nie. Dit krioel in sy binneste soos ’n bondel giftige slange oor die arme kinders… Boonop…

1 Wie het die boek Winniethe-Pooh geskryf? 2 Watter skaakstukke kan net skuins beweeg? 3 Watter Amerikaanse sanger het die bynaam The Boss? 4 Wat is die hoofstad van Botswana? 5 Waar in jou lyf sal jy die patella aantref? ANTWOORDE 1. A. A. Milne 2. Biskoppe 3 Bruce Springsteen 4. Gaborone 5. Jou been – dis ’n ander naam vir jou knieskyf. BRONNE GUINNESSWORLDRECORDS.COM, EDITION.CNN.COM, NEWSFORKIDS.NET, THEGUARDIAN.COM, COLLINSDICTIONARY.COM, SMITHSONIANMAG.COM, NETWERK24.COM…

1 Mario, die besnorde held van Mushroom Kingdom, was eers “Jumpman” in die videospeletjie Donkey Kong (1981). Die karakter se naam is toe na Mario verander ter ere van Mario Segale, verhuurder van Nintendo in Amerika se pakhuise. 2 In 1983 maak Mario sy debuut as hoofkarakter in sy eie arkadespeletjie, Mario Bros. Hy en sy broer, Luigi, se taak was om die monsters te verslaan wat uit die riool van hul geliefde stad verrys. 3 In die nuwe fliek is die karakterontwerpe vir Mario en Luigi se ouers en familie ge-grond op sketse wat deur Nintendo gemaak is, maar nooit in speletjies gebruik is nie. 4 Mario was so amper bles in die speletjies en in die fliek. Die skepper, Shigeru Miyamoto, sê aanvanklik sou hy bles gewees het omdat hulle die skets…

KYK DIE KINDERPROGRAM GRATIS! Kinders kan die aanlyn Afrikaanse kinderprogram Die Babbelbende op enige selfoon, rekenaar of tablet kyk – en dis gratis! Besoek huisgenoot.com om al die episodes van die reeks op ons tuisblad te kyk. Elke episode is 12 minute lank. In dié prettige, leersame reeks ontdek Bibi en haar maats, Palawa die kameelperd en Paloeka die leeu, saam met die verkenner, Ben, allerlei interessante dinge – en jou kind kan saam leer. BESTEL JOU POPPE EN STORIEBOEK HIER DIE STORIEBOEK R155 ALBEI POPPIES R450 ● DIE STORIEBOEK + 1 POPPIE VIR R350 ● DIE STORIEBOEK + ALBEI POPPIES VIR R550 ● NET EEN POPPIE VIR R230 BEL 021-406-4962 E-POS koop@huisgenoot.com AANLYN huisgenootwinkel.com…

Kenners sê die maatskappy was so suksesvol, dit het ’n selfstandige naamwoord geword – enige plastiekhouer word Tupperware genoem, selfs al is dit nie die ware Jakob nie. “Dit het ’n slagoffer van sy eie sukses geword,” sê Alison J. Clarke, ’n professor in ontwerpgeskiedenis. “Daar is ook ’n geheimsinnige kultus omtrent die handelsnaam, en dit vind nie by die jonger generasie aanklank nie.” Tupperware het baie probleme, beaam die ontleder Hitha Herzog. Dit strek van “die manier waarop hulle hul produkte via ’n direkte verkoopsmag verkoop tot handelsnaamkwessies”. Hulle sukkel ook om lenings van altesaam $275 miljoen (sowat R5 miljard) aan twee groot finansiële instellings terug te betaal weens hoër rentekoerse en dalende verkope en inkomste. “Dis ’n resep vir ’n ramp,” sê Hitha. Strawwe mededinging van groot handelsname…

DIT het als meer as ’n jaar gelede begin. Oornag. En uit die bloute. In Mei 2022 was die akteur en TikTok-ster Wynand Kotze (30) in die SABC2-program Wat’s die okkasie toe hy vertel dit was nog altyd sy droom om as ’n drag queen op te tree. Die volgende oomblik het Wynand voor almal se oë in ’n nuwe figuur verander – een met die uitspattigste uitrusting aan en grimering wat lyk of dit met ’n bouer se troffel aangesit is. Tossie Kombrink is gebore, maar deesdae staan sy as Tollie Parton bekend. Dit is verstommend om te dink dat net een jaar intussen verloop het, want sedertdien het Tollie haarself omskep in een van die beroemdste drag queens in Suid-Afrika. Met haar hoë blonde pruik soos die hare…

HAAR pa se beroemde lirieke you’re once, twice, three times a lady was heel gepas toe SOFIA RICHIE onlangs in ’n sprokiestroue met die musiekbaas ELLIOT GRAINGE in Frankryk in die eg verbind is. Want die beeldskone bruid het nie een nie, nie twee nie, maar drie trourokke deur Chanel gedra, elkeen ’n fortuin werd. Die bruidegom het ’n swart aandpak en strikdas gedra waar hy langs sy pa, Lucian Grainge, die uitvoerende hoof van Universal Music, en sy stiefma, Caroline Grainge, staan en wag het op sy bruid. Sofia (24) se pa, die musiekleende Lionel Richie, het haar kansel toe vergesel by die luukse Hotel du Cap-Eden-Roc in die Franse Riviera waar haar seremonie gehou is. Sofia en Elliot, wat die onafhanklike platemaatskappy 10K Projects besit, ken mekaar al…

WYEPYPJEANS Perfek vir ’n uurglasvorm of driehoekige lyf, en kies een met ’n hoë middel vir ekstra lengte. Dra dit by plat skoene en ’n jas vir ’n gesofistikeerde afronding. DRA DIT SÓ WENKOPIES BAADJIES Elke kas kort ’n denimbaadjie. Dit werk as ontspanne drag en kan ewe maklik opgedollie word. Dit moet gemaklik om die bors en nie styf om die skouers en elmboë pas nie. Gee jouself ’n drukkie daarin voor jy koop. DRA DIT SÓ WENKOPIES CARGOJEANS Dié jeans is vleiend vir die meeste liggaamsvorms. Kies ’n reguit snit om jou kurwes te beklemtoon. Hoe hoër die middellyf, hoe beter sal jou silhoeët vertoon. Dra dit by ’n vliegbaadjie en enkelstewels vir ’n uitrusting met hope houding. DRA DIT SÓ WENKOPIES ROKKE ’n Denimrok is ’n staatmaker…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY MA MORS HAAR GELD V My pa het covid-19 by my ma aangesteek, en hy is daaraan oorlede. Ons het hul bates verkoop om skuld te betaal; nou is daar net ’n bietjie geld in haar bankrekening oor. Sy kry ’n klein pensioen, maar gee elke maand meer uit as wat sy kry. Sy trek dan van die geld in die bank…

KONINGIN VAN KOMEDIE Sy is al twee dekades in die vermaakbedryf, maar deesdae trek Ali Wong (41) behoorlik aandag danksy haar spel as Amy Lau, die besigheidseienaar wat by ’n padwoedevoorval betrokke raak. Sy was baie opgewonde om teenoor Steven Yeun (The Walking Dead) in Beef te speel, vertel Ali. “Ek was ook baie geïntimideerd, want hy is vir ’n Oscar benoem. Hy het al ongelooflike werk gedoen.” Tog is sy ’n komedieveteraan. Haar debuut op Netflix was in 2016 in Baby Cobra. Dis geskiet terwyl sy nog ’n skrywer vir die reeks Fresh Off the Boat was. Ali was ook sewe maande swanger met haar oudste dogter en wou haar swangerskap deel maak van haar vertoning. “Ek wou my swangerskap as ’n bron van krag gebruik, as ’n wapen…

JAN SMUTS 1870-1950: ’N FOTOBIOGRAFIE Saamgestel deur ANTON JOUBERT Protea Boekhuis, R405 Generaal Jan Smuts, die boerseun wat op die wêreldverhoog sou beland en ver buite die grense van Suid-Afrika bekend was, was ’n fassinerende man met ’n groot verstand en wye belangstellings. Interessante feite wat in hierdie fotobiografie genoem word, is: ◼ Hy pas sy pa se vee op en gaan op 12 vir die eerste keer skool toe. Hy slaag matriek met onderskeiding en behaal die derde plek in die Kaapkolonie. ◼ Ná ’n dubbele graad (in natuurwetenskap en letterkunde) aan die Victoria-kollege) gaan studeer hy regte aan Cambridge in Engeland. Hy word in 1970 tot een van die topdrie-studente in die 500-jarige bestaan van Christ’s College verklaar. (Die ander twee was John Milton en Charles Darwin.) ◼…

SLEUTELGESPREK Die polisieman sien laatnag ’n ou wat met ’n toe voordeur staan en praat. “Wat maak jy?” wil hy weet. “Nee,” antwoord die man, “my vrou het my uitgesluit. Nou praat ek maar met die slot, want hulle sê mos kommunikasie is die sleutel.” WOLLIE, PRETORIA WERKSKEPPING “Ek weet dis moeilike ekonomiese tye, maar soms vat ondernemings dit te ver,” kla Koos by sy tjom Gert. “Hoe so?” vra Gert. Koos: “Nee man, gister gooi iemand ons groot venster stukkend met ’n klip. En aan die klip is ’n nota: ‘Bel Gonubie Glas en Vensterrame, ons help u vandag nog!’” JOHAN H, GONUBIE BOBAASJAGTER V: Hoekom het die kat altyd op die rekenaar gesit? A: Om ’n oog op die muis te hou. SAN MARCHAND IDENTITEITSFOUT Die man bring…

35 jaar Dis hoe lank die musiekspel The Phantom of the Opera aaneenlopend in Broadway, New York, opgevoer is voor dit in April tot ’n einde gekom het. Daar was sedert die openingsvertoning in 1988 byna 14 000 vertonings, met nagenoeg 20 miljoen mense wat daarna kom kyk het. 8 147 Dit is hoeveel keer ’n 10-jarige Chinese seun ’n sokkerbal kon skop om dit in die lug te hou. Tang Jinfan het heeltyd eers met die een voet en dan met die ander geskop om ’n nuwe wêreldrekord op te stel. $30 miljoen Dis die minimum prys wat kenners meen op ’n veiling betaal sal word vir die Estrela de Fura (die Ster van Fura in Portugees). Dié robyn is meer as 55 karaat, die grootste edelgesteente in sy…

ENERGIE is die vermoë om werk te verrig. Dit kan ook beskou word as die krag wat beweging of handeling teweegbring. Ons sien die uitwerking van energie oral. Plante gebruik sonenergie om te groei. Karre gebruik petrol (chemiese energie) om van die een plek na die ander te ry. Selfs terwyl jy nou hier lees, gebruik jy die energie uit die kos wat jy geëet het om te beweeg en asem te haal. Die eerste wet van termodinamika behels dat energie nie geskep of vernietig kan word nie, maar dat dit van een vorm in ’n ander verander kan word. Kom ons bekyk ’n paar energiebronne van naderby en stel vas watter rol hulle in ons lewe speel. HERNUBARE EN NIE-HERNUBARE ENERGIE Alle energiehulpbronne kan in twee kategorieë ingedeel word:…

KLEINTYD was The Princess Diaries my gunstelingfliek. Vir ’n baie lang tyd wou ek eendag wanneer ek groot is ’n prinses wees. Eintlik wil ek steeds een wees. Maar iewers langs die pad het ek besef dat ek iets meer realisties sal moet vind. Toe kyk ek Legally Blonde en kom tot die slotsom dat ek regte wil studeer. As jy klein is en jy is bekkig, spot mense mos soms dat jy ’n goeie prokureur sal maak. En daar was baie mense wat dit vir my gesê het, maar ek moes hard werk om daar te kom. My ma, Wendy, het my as ’n enkelouer op die Kaapse Vlakte grootgemaak. Ons moes vanweë finansiële kwessies baie trek, en ek moes baie van skool verander. Ons het uiteindelik grootliks in…

JARE gelede het Oprah Winfrey besluit vroue benodig raad wanneer hulle met hul gewig sukkel. Destyds het sy talle episodes daaraan gewy om dieet op dieet, oefenprogram op oefenprogram en elke denkbare kenner se raad op die proef te stel – letterlik. Want Oprah het nie net raad uitgedeel nie. Sy het elke foefie en gier waaroor sy berig het self beproef. Soms het haar gewig drasties gedaal. Net so dikwels het dit teruggewipplank. Maar eindelik het Oprah deur haar openbare probeerslae ’n manier gevind wat werk – én sy het in die proses vir miljoene vroue ’n bondgenoot geword wat hul worstelings verstaan en saam met hulle die pad stap. Dis haar manier van doen. Oprah skryf nie net boeke voor nie – sy lees hulle self. Oprah laat…

DIAAN LAWRENSON Die gewese 7de Laner en deesdae dekaan aan die Kaapse kampus van die Afda-rolprentskool het onlangs haar meestersgraad in die skone kunste behaal – sommer cum laude. “Hoe spesiaal om my graad te laat toeken deur my vriend en mentor,” skryf sy op Instagram by ’n video wat die spesiale oomblik vasvang. Daarin kry sy die graad by dr. James Lizamore. Ja, dit was uitdagend omdat sy ook ’n ma vir twee is, maar dit was ook ’n persoonlike reis, sê sy. “Die doel was om 24 jaar in die bedryf in ’n akademiesetesisformaat vas te vang. Ek is trots op my cum laude; ek het hard gewerk daarvoor.” Dit het haar verryk. “Jy kan nooit ophou leer nie. Dis almal se verantwoordelikheid om jouself te verryk en…

NEE, dis g’n grap nie – klere geïnspireer deur kleurvolle hansworse en strokieskarakters is tans groot nuus op die loopplank, verhoog en sosiale media. Om pret met die mode te hê is niks nuuts nie, maar die clowncore-neiging, soos TikTok-aanhangers dit noem, is behoorlik gewild en die glansmense neem dit ernstig op. “Ek is absoluut versot op die botsende patrone, prettige grimering en sirkusagtige krae wat oral te sien is,” sê die TikTokker SARA CAMPOSARCONE, wie se hansworsmodevideo’s onder die byna halfmiljard is wat jy kry onder #Clowncore. “Dis nostalgies en uitdrukkingsvol op die beste moontlike manier.” Dis ’n soeke na vreugde ná die somberheid wat covid gebring het, sê Natalie Michie van die Kanadese tydskrif Fashion. “Ek noem dalk iets baie voor die hand liggends, maar ons leef nie…