Innehållsförteckning för 18 May 2023 från Huisgenoot

1 ‘DIE SEER BLY, MAAR ONS ONTHOU DIE MOOI’ Die voormalige flank Pedrie Wannenburg se weduwee, Evette, praat oor hoe sy en die kinders hom mis ’n jaar ná sy dood in ’n motorongeluk in Texas Kom terug na jou familie en vriende. Kinders pas gou aan, en jy het ’n ondersteuningsbasis. My man is 19 jaar oorlede. Dis moeilik, maar my kinders, familie en vriende maak als makliker. Ek gun jou ’n tweede huwelik. MARIANNA Evette, weet net dat so baie mense hom ook onthou. Hy was ’n staatmaker op die rugbyveld en sekerlik ook ’n rots in jul huwelik en gesin. Weet dat duisende mense jou en jul kinders in hul harte hou, en ook vir hom. DANIE Dis seker die seerste seer wat ’n mens nie kan verwoord…

KLEURBLOK SAGTE SKAKERINGS Dra sagte kleure in soortgelyke skakerings soos pastelkleure in blou, pers, lemmetjie en geel saam. DRAMATIESE KONTRAS Dra twee sterk kleure soos swart en geel in lae vir ’n treffende voorkoms. Swart met wit, en rooi met blou sal ook goed werk. GEMENGDE MOTIEWE HELDER Trek aandag in motiewe met ’n helder basis. Dra patrone saam en rond dit af met ’n baadjie in ’n soliede kleur. LIG EN DONKER Speel met diepte en dra ligter motiewe saam met donkerder skakerings in dieselfde kleurfamilie. TOONLAE MONOTOON Lae in dieselfde kleur is groot nuus in die modewêreld omdat dit moeiteloos stylvol is. Dra items in soortgelyke skakerings saam vir ’n eenvormige voorkoms. KLEURNUANSE Jy kan die monotoon-voorkoms opkikker deur items of bykomstighede met tekstuur in dieselfde kleurskakering te…

AS JY onlangs met jou eerste werk begin het en nog maar min verdien, huiwer jy dalk om geld vir korttermynversekering af te knyp. Maar onthou, jy besit waarskynlik reeds dinge soos ’n duur selfoon, skootrekenaar of jou ryding. Doen jy skade op, gaan jy swaarkry sonder dekking. Hier is sewe dinge wat jy oor versekering moet weet. 1 GEE AKKURATE INLIGTING Wanvoorstellings of verkeerde inligting in jou polisdokument is moeilikheid soek. Een algemene voorbeeld is motorversekering, waar jy moet aandui wie die gereelde bestuurder van die motor is. Volgens die versekeringsombudsman is daar gereeld probleme met eise weens motoreienaars tussen die ouderdomme van 18 en 25 wat sê hul ouers is die ge-reelde bestuurders. Die rede? Jong, onervare bestuurders word as ’n hoë risiko beskou; daarom betaal hulle hoër premies…

STORIELIEDJIES VIR DIE LANGPAD Hy word nie verniet ’n liedjieboer genoem nie. Die geliefde Valiant Swart (57) maak al meer as drie dekades oorspronklike musiek. Kenmerkend van sy liedjies is dat dit dikwels verhale uit sy eie lewe vertel. Nou, ná ’n stilte van sewe jaar, het Valiant eindelik weer die pen opgetel en 10 nuwe snitte vir sy jongste album – die 17de een agter sy naam – geskryf. Die album, Rondry, fliek en die buitelewe, word op 19 Mei amptelik uitgereik. Dis ’n soort mengsel tussen “diep liedjies en ander liedjies wat net pret is”, vertel Valiant. Die titelsnit, “Lied van die langpad”, lê Valiant veral na aan die hart, want dit vertel van ’n musikant se tyd op die pad: ’n storie eie aan elke sanger. “Musikante…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 492 KOMPETISIEVRAAG Watter seedier is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser In die tyd van die gif deur Dana Snyman (Tafelberg, R299). Die geliefde skrywer Dana Snyman deel sy belewenis van die vreemdste tyd: Die boek begin triomfantelik met die Springbokke wat die Wêreldbeker wen, maar dan slaan die coronavirus toe en keer die wêreld on-derstebo. “Dinge is anders nou, Meneer, in die tyd van die gif,” sê ’n oom by die kafee. Dana beskryf die dae van die eerste inperking; dan ry hy trein om ’n sterwende vriend in Gauteng te gaan…

Die regisseur Steven Spielberg het al in 1991 die regte vir die kinderboek Shrek! deur die skrywer William Steig gekoop. Maar die fliek het eers 10 jaar later verskyn. Dis vervaardig deur die animasiemaatskappy Dream-Works wat Spielberg help stig het. Met Mike Myers as die stem van die groen monster, Eddie Murphy as Donkey, Cameron Diaz as Fiona en John Lithgow as Lord Farquaad, was dit ’n groot treffer vir dié maatskappy. Dit het destyds wêreldwyd $491 miljoen (tans sowat R8 miljard) verdien en boonop die Oscar-prys vir beste animasieprent gewen. Die fliek is veral geloof vir sy skerp humor en die slim parodie (sien Woord van die Week) wat dit van bekende feëverhale is. Shrek het DreamWorks help vestig as stewige kompetisie vir Pixar, ’n ander groot animasiemaatskappy. Drie…

1 Die aanvanklike vonk vir sy loopbaan was ’n oudisie virThe X Factor in Engeland. Nou is hy self ’n beoordelaar in The Voice in Amerika. Hy vertel as hy nou as beoordelaar in ’n blinde oudisie na sy destydse self moes luister, “sal ek beslis nie my stoel vir my omdraai nie! Ek was seker ’n jaar of twee te vroeg, maar toe was die geluk aan my kant. Ek was op die regte plek op die regte tyd en dit boonop saam met die regte mense. Katy Perry het destyds my bas gered en die res is geskiedenis.” 2 Kelly Clarkson, sy medebeoordelaar in die reeks, is soos “’n ouer suster vir my. Wat jy sien, is wat jy kry met Kelly. Sy is heeltyd so vol energie. Daardie…

EK’S ’n petrolkop. Nee wag, eintlik ’n petrolpoppie! Ek is mal oor die reuk van petroldampe in my neus en die lawaai van enjins in my ore. Daar’s niks beter nie. Hoekom dink jy is ek elke naweek langs die resiesbaan, al is ek al ’n ouma? Die petrol in my are kom beslis van my pa se kant af, dink ek. Hy was ’n race freak. In my hoërskooldae by die Commercial High School het ons in Randburg gebly en dan het hy my en my broer gereeld saamgevat na die een of ander resies toe, waarvan baie op die Kyalami-baan was. Dit was die hoogtepunt van my skoolloopbaan. Maar nooit het ek in daai tyd in die vroeë 1970’s gedink ek sou nog eendag in beheer van baanbeamptes…

BOBBY VAN JAARSVELD Dis al die sewende keer dat die sanger Mauritius besoek, maar hierdie keer wou hy die eilandparadys saam met sy vrou, Annatjie, en hul drie spruite, Sion (11), Leben (10) en Armani (7) ervaar. “Ons was lanklaas almal saam weg, so die feit dat ons net alleen kan wees, is baie spesiaal,” sê Bobby vanuit Mauritius. “’n Mens leef partykeer verby mekaar met al die gejaag na niks, so ons waardeer elke sekonde saam.” Die Van Jaarsvelds het sewe dae lank by die vyfsteroord Long Beach uitgespan. “Dis baie besonders. Ons sal regtig permanent hier bly as ons kon. Ons is maar eilandmense,” spot die sanger. Daar was baie tyd om in die helderblou water te baljaar. Die gesin het die eiland vanaf ’n katamaran op die…

Lees alles oor: ◼ Sy kinderjare ◼ Die stormagtigeDiana-jare ◼ ’n Pa vir William en Harry ◼ Die soort koningwat hy sal wees ◼ Plus vele meer NOU TE KOOP! BESTEL DIT HIER AANLYN media24.shop.com of huisgenootwinkel.com BEL 021-406-4962 E-POS koop@huisgenoot.com…

IN DIE laaste halfuur voor die aanvang van die kroningsplegtigheid vir Charles III in Londen begin die reën in die Britse hoofstad liggies neersak. Maar hier in Eersterivier, Kaapstad, byna 13 000 km van Londen af, skyn die son helder op dié herfsoggend. Terwyl die gaste aanstaltes maak om die sitplekke in Westminster Abbey te vul, skuif Huisgenoot reg om die kroning op ’n unieke manier te vier. Want sien, in Yellowwoodstraat regeer ’n ander soort “queen”. Cheslan Loggenberg, oftewel Queen Mother Nana, of sommer net Nana, is al jare lank ’n stoere aanhanger van die Britse koningsgesin. Elke keer dat daar in die afgelope 30 jaar ’n groot koninklike gebeurtenis was, het Nana en vriende reggesit om dit mee te maak. Toe Huisgenoot vroeër vanjaar navraag doen oor ’n…

HELDER en uitspattige skoonheidsneigings het lank op die loopplank en in sosiale media die botoon gevoer, maar nou is die geengrimeringvoorkoms terug. Dink delikate tinte, veeldoelige kleurpigmente en romerige aksentskeppers om ’n natuurlike gloed te skep. Die voorkoms is ideaal vir elke dag se dra of bloot wanneer jy nie baie tyd of energie het nie. “Vir my beteken minimalistiese grimering om jou natuurlike skoonheid te laat deurskemer,” sê Renee de Wit, grimeerkunstenaar en digitale skepper van Kaapstad. “Dit gaan oor verbeter en nie oor verbloem nie,” sê sy. Ons verduidelik jou hoe om die minimalitiese neiging te bemeester. BEVOGTIGING VOORAF ’n Geengrimeringvoorkoms verg ‘n goeie velsorgroetine. ’n Vogmasker help om jou vel soepel te maak. “Ek masseer graag ’n hidrerende bevogtiger aan die gesig voor ek grimering begin aanwend,”…

Moenie te veel aannames oor ’n kind se persoonlikheid maak bloot op grond van geboortevolgorde nie, sê Angie Vorster, ’n kliniese sielkundige. Verskeie faktore kan persoonlikheidsontwikkeling beïnvloed, soos die verhoudings tussen gesinslede, veranderinge in die gesinstruktuur, finansies, die impak van vriende en onderwysers en die leefwêreld waarin hulle grootword. Dis meer sinvol om van ’n “funksionele posisie” binne ’n gesin te praat, eerder as geboortevolgorde, sê Angie. ’n Groot ouderdomsverskil tussen die sibbes kan maak dat ’n jongste kind soms soos ’n enigste of oudste sal optree.…

OMTRÉNT VEELSYDIG In die spanningsreeks Citadel op Prime Video vertolk Priyanka (40) die rol van die voormalige spioen Nadia Sinh. Tesame met haar voormalige kollega Mason Kane (gespeel deur die Bodyguard-ster Richard Madden) moet sy ’n gevaarlike sending aanpak om die wêreld te red. Terselfdertyd verskyn die Indiese ster ook op die grootskerm in die romantiese fliek Love Again as Mira Ray, ’n vrou wat haar verloofde verloor het. Sy stuur steeds boodskappe na sy ou selfoonnommer, wat intussen aan ’n joernalis, Rob (gespeel deur Outlander se Sam Heughan), toegeken is. Dit boei Rob so dat hy besluit om Mira persoonlik te ontmoet. In die 20 jaar sedert haar eerste Bollywood-rol in The Hero het Priyanka byna 50 projekte in Indië voltooi, en Hollywood daarna stormgeloop. Danksy haar rol…

HIERDIE LAND Protea Boekhuis, R255 Daar is iets aan Suid-Afrika, skryf 56 skrywers in hierdie bundel essays. Dit was in antwoord op die vraag “wat is vir jou kosbaar en uniek aan Suid-Afrika”, verduidelik Nicol Stassen in sy voorwoord. Ons het ’n paar kort uittreksels gekies om te wys wat die leser te wagte kan wees. ANZIL KULSEN In hierdie land is ons geslyp deur vorige geslagte se oordeelsfoute. Ons dra ons dood aan ideologieë wat oorgedra is aan nuwe generasies, maar wat nou bevraagteken en ontleed word. Ons kan uitgediende oortuigings afbreek en oorbou, nes ons vervalle geboue kan sloop en weer kan bou. Nuwe landbougewasse kan plant op plekke wat voorheen as onvrugbare grond bestempel is. Ons land is ’n land van moontlikhede. Nes die dogtertjie van destyds…

KUIERLUS Tydens die inperking loer Gert oor die heining en sien hoe sy buurman, wat alleen woon, by die agterdeur uithardloop, aan sy eie voordeur gaan klop, en dan weer by die agterdeur inhardloop om die voordeur te gaan oopmaak. “Wat maak jy?” roep Gert. Buurman: “Ek is nou so moeg vir alleen tuis wees; ek gee voor ek kry kuiermense.” HESTER, NAMIBIË DUISTERE KYKWEER Vir Gautengers is beurtkrag nou soos ’n sepie. In geval jy dit tientot twaalfuur misgeloop het, is daar die omnibus om twee tot vier… dan tienuur tot twaalfuur… en weer vier tot ses… DENISE, PRETORIA SPANWERK Mense, as ’n verhouding opbreek, moenie altyd vir die vrou al die skuld gee nie. Dit vat twee mense om ’n verhouding op te breek. Die vrou – en…

1 Wat is die naam van die hoogste bergspits in Alaska, wat ook die hoogste een in Noord-Amerika is? 2 Waarvoor is jy bang as jy hemofobie het? 3 Wie is die hoofsanger van U2? 4 Van watter Europese land is Minsk die hoofstad? 5 Waarvan word hummus gemaak? ANTWOORDE: 1. Denali 2. Bloed 3. Bono 4. Belarus 5. Kekerertjies BRONNE: WIKIPEDIA.ORG, DOGONEWS.COM, COLLINSDICTIONARY.COM, THE GUARDIAN, TIME, SCIENCEALERT.COM…

SOOS die meeste volwassenes het Thomas Edison verskeie werke in sy loopbaan gehad. Maar anders as die meeste mense het hy meer as 1000 interessante dinge geskep. Leer meer oor dié vrugbare uitvinder. 1878 Dit is die jaar waarin Edison begin werk het aan die gloeilamp. Laat in 1879 het hy sukses behaal met ’n werkbare gloeilamp wat in 1880 gepatenteer is (geregistreer is as sy uitvindsel). Mense maak vandag steeds staat op die gloeilamp, wat ’n eeu en ’n half gelede tot massa-elektrisiteitsvoorsiening gelei het. PATENTE Hoewel Edison geen formele skoolopleiding gehad het nie, word hy onthou as ’n uitvinder met honderde patente agter sy naam–’n allemintige 1093 van hulle net in Amerika. Talle daar van het hy oorgekoop, aangepas en verbeter, wat Edison nie net ’n uitvinder maak…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul vrolike geselskap…

Die drankie is die geesteskind van die gewilde YouTuber en bokser Logan Paul en sy frenemy en medebokser, Olajide Olayinka Williams Olatunji, beter bekend as KSI. Die twee het die drankie begin en aanhangers op YouTube daaroor op hol gejaag. Hulle onderskryf en bemark dit, al word dit deur die Amerikaanse maatskappy Congo Brands besit. Die verkope was astronomies. Sedert die bekendstelling daarvan in Januarie 2022 het Prime kleinhandelverkope van meer as $250 miljoen (R4,5 miljard) wêreldwyd gegenereer – $45 miljoen (R786 miljoen) daarvan net in Januarie 2023. Tussen hulle het Paul en KSI meer as 39 miljoen intekenare op hul YouTube-kanale. Dit beteken ’n standvastige stroom ontvanklike jong aanhangers. Daar is twee variëteite van Prime – ’n hidrasiedrankie en ’n energiedrankie. Tot dusver is net die hidrasieweergawe by Checkers…

GROOT sukses gaan dikwels met groot opoffering gepaard. Vra maar vir KEVIN COSTNER (68). Die akteur was glo heel onkant betrap deur sy vrou van 19 jaar, CHRISTINE BAUMGARTNER (49), se aansoek om te skei. “Dis met groot hartseer en weens omstandighede buite sy beheer dat Kevin aan ’n huweliksontbinding moet deelneem,” het sy agent in ’n verklaring aan People bevestig. Maar volgens bronne was die skrif lankal teen die muur. Kevin is sedert 2018 ’n gunsteling in die dramareeks Yellowstone as die patriarg John Dutton. Maar verfilming in Montana het be-teken hy was maande op ’n slag van Christine en hul drie kinders, Cayden (16), Hayes (14) en Grace (12), af weg. Volgens bronne het Christine ná jare van so te sê enkelma wees genoeg gehad en Kevin voor…

ANDER KONINKLIKES België se koning Philippe het ’n magenta lint oor sy militêre drag gedra en koningin Mathilde ’n eenkleurige pienk kappierok. DIE FAMILIE…

OOND-GEROOS-TERDE HOENDER BEREIDING EN GAARMAAK: 60 MIN. / GENOEG VIR 4-6 MENSE ◗ 1 pak (sowat 1 kg) gemengde hoenderstukke◗ sout en swartpeper na smaak◗ 2 uie, in stukke gesny◗ 15 ml (1 e) olie◗ 50 ml tamatiesous◗ 50 ml blatjang◗ 5 ml (1 t) worcestersous◗ 25 ml (5 t) asyn◗ 6 middelslagaartappels, geskil en in kwarte gesny Voorverhit die oond tot 180 °C. 1 Geur die hoender met die sout en pe-per. Plaas die uie in ’n braaibak, sprinkel ’n bietjie olie oor en voeg die tamatiesous, blatjang, worcestersous en asyn by. Meng baie goed. 2 Pak die stukke hoender bo-op en voeg die aartappels by. 3 Plaas die deksel op en bak tot goudbruin en gaar; dit neem sowat ’n uur. Laat rus die gereg ’n paar minute…

BELANGRIK Tensy die aanbevole breidraad gebruik word, kan Saprotex nie verantwoordelikheid vir die eindproduk aanvaar nie. LET WEL Die aanwysings word vir die kleinste grootte gegee, met die groter groottes tussen hakies. Waar net een getal gegee word, verwys dit na ál die groottes. BENODIGDHEDE Elle Duo (100 g-bolle): 4(5;7;8;10;11;13;14;16) bolle in die kleur van jou keuse (ons het Desert Dawn 592 gebruik) 5,5 mm-breipenne 5,5 mm-sirkelbreipen 3 breispelde GROOTTE Pas vir borsmaat: 61-66(72-77;82-87;92-97;102-107;112-117;122-127;132-137;142-147) cm Werklike rondommaat van trui: Borsmaat: 70(81;90;101;113;123; 131;141;150) cm Lengte tot by hals agter: 45(53;60;62;66;70;70;72;72) cm Mounaat: 33(41;46;46;47;48;48;48;49) cm 16 ste en 26 rye = 10 cm oor rifpatroon met 5,5 mm-breipenne. SPANNING Vir die beste resultate is dit noodsaaklik om die regte spanning Vlg te verkry. As daar te min steke in die toetslappie is, gebruik…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘JY IS BAIE STERKER AS WAT JY DINK, EN ENIGIETS IS MOONTLIK AS JY DIT VOLUIT AANVAT’– IRMA ’N MA KAN JOU PYN IN TRIOMF VERANDER Dis sowaar al weer die maand van Moedersdag. Ma’s het baie unieke eienskappe, waaronder ’n sterk sesde sintuig, die beskermingsdrang van ’n leeuwyfie en die vermoë om alles beter te maak. My seuntjie was vier jaar oud…

KOBIE trek die kantoordeur agter haar toe. Sluit met ’n glimlag. Vandag was ’n besonderse dag. Nie omdat sy bevordering gekry het of ’n reuseprojek losgeslaan het nie. Nee. Haar hart het geskuif. Iewers tussen metafore en kommas en punte op haar rekenaarskerm het haar hart se kleppe soos die reusevinne van ’n duiwelsvis begin sweef. Ritmies. Grasieus. Die onreëlmatige angstige ritme van die afgelope twee jaar ’n elektriese skok gegee en laat uitskop. Genoeg is genoeg. Die son het aanhou skyn. Die wind het aanhou waai terwyl die kraaie nie kon ophou gaap nie. Reën het aanhou watersoene stuur vir dorre aardlippe wat smag na lewe. En sý het aanhou asemhaal. By die huis trek sy in die garage in. Kyk skrams na haar foon. Oor ’n halfuur begin…

TWEELING 21 MEI – 20 JUN Wanneer die son op die 21ste in jou teken tot ruste kom, moet jy erken jy is op die punt om nog ’n jaar om die son te voltooi terwyl jy aan verjaardagvierings begin dink. Of jy ’n groot of klein geleentheid reël, neem jou bure in ag as jy by die huis partytjie hou. ’n Uitdagende aspek op die 21ste kan ’n aanduiding wees alles is nie wel in jou gemeenskap nie. Jy wil dit nie vererger nie. GELUKKIGE NOMMERS 19, 27, 41, 44, 28, 26 TWEELING: JOU WERKOMGEWING ◼ Beweeglikheid is jou leuse – jy kan werklik van enige plek af werk. ◼ Jy geniet dit om tyd in jou kar op die pad deur te bring. ◼S As ’n lugteken is…

DIE Britse ruimtevaarder John McFall het in April die eerste gestremde ruimtevaarder ter wêreld geword nadat hy ’n gesimuleerde zero-gravitasie-vlug onderneem het. John, ’n dokter van Frimley, was in 2000, gedurende sy oorbruggingsjaar in Thailand, in ’n motorfietsongeluk. Weens beserings moes sy been later onder die knie geamputeer word. John het later ’n prostese gekry. Hy was voor sy ongeluk ’n ywerige atleet en het ná sy amputasie ’n para-atleet geword. Hy het selfs op die Paralimpiese Spele in 2008 ’n bronsmedalje in die klas vir mense met sy soort amputasie gewen. Om te kon kwalifiseer vir oorweging as ’n ruimtevaarder vir die Eu-ropese Ruimteagentskap (ESA), moes John voldoen aan dieselfde fisiologiese, kognitiewe, tegniese en professionele vereistes as ander kandidate. Die ESA se doel is om uit te werk wat…

7 Die getal bestanddele wat nodig is om die Columbiauniversiteit se 3D-kaaskoek te druk. Die bestanddele was Nutella, grondboontjiebotter, aarbeikonfyt, piesangs, volkoringkraakbeskuitjies, water en botter. 1,429 miljard Die Verenigde Nasies het bekendgemaak dat die bevolking van Indië na verwagting in 2023 dié kerf sal haal. Dit sal beteken dat Indië China verbysteek as die land met die grootste bevolking. 60 704 Die getal sitplekke by Arsenal se Emiratesstadion in Londen. Die klub se vrouespan het onlangs met ’n wedstryd teen Wolfsburg in die Kampioeneliga vir vroue elke sitplek in die stadion uitverkoop. Die tuisspan het ongelukkig met 2-3 teen die Duitse klub verloor.…

KLANKE VAN AFRIKA EN AMERIKA Ons het ’n nuwe afrobeat-musikant op ons gunstelingspeellys. Haar naam? Libianca, die 22-jarige sangeres met wortels in sowel Kameroen as Amerika. Haar liedjie “People” het die musieklandskap soos ’n warrelwind getref. Hier in Suid-Afrika is dit sedert Desember steeds onder die top-10-liedjies wat die meeste geluister word, en wêreldwyd spog Libianca al met 16 miljoen maandelikse luisteraars. Vyf verskillende weergawes van “People” is al gemaak omdat baie groot name, soos die Amerikaanse sangeres Becky G en die Nigeriese ster Ayra Starr, gevra het om ook daarop te wees. Die weergawe met Ayra, wat in Maart uitgereik is, is al 19 miljoen keer op Spotify geluister. DIE SINGENDE KLEUTER Libianca is in Minnesota in Amerika gebore, maar sy was net vier toe haar ma na Kameroen…

SY LOOP nie meer ’n wye draai om spieëls soos in die donker dae nadat een van haar geliefde perde haar met die hoef van sy kragtige agterpoot in die gesig geskop het nie. Marissa Barnard kan eindelik weer vir haar eie spieëlbeeld – en vir die lewe – glimlag. Pleks daarvan om met ’n misvormde en skewe neus saam te leef, spog sy ná ’n suksesvolle operasie met ’n welgevormde wipneus. Meer nog: Sy kan weer asemhaal – letterlik. Die kranige ruiter en perdry-instrukteur trek versigtig ’n asemteug in haar nuut opgeboude neusgate op. “Ek kan eindelik weer reg asemhaal,” sê Marissa (30), vir wie elke asemteug die afgelope twee en ’n half jaar ’n stryd was. “Ek nies af en toe nog steke uit, maar die verstopte sinusse…

FOMO (Fear Of Missing Out) is die dryfkrag agter Prime se sukses, sê kenners. “Die vrees vir iets misloop sal mense tot uiterstes laat gaan,” sê dr. Ian Opperman, ’n sielkundige in Bedfordview. “Kinders bring baie tyd op sosiale media deur. Tieners se brein is veral ontvanklik.” Die bemarkingspan agter Prime het die skaarsheidsbeginsel ontgin, sê die sielkundige Fred Schouwink van Johannesburg. “Om die voorraad van ’n eksklusiewe produk soos Prime te beperk skep ’n gevoel van dringendheid. Dit maak die produk begeerliker vir tieners. Dit help tieners om daardie gevoel van uniekheid te kry wanneer hulle toegang het tot iets eksklusiefs. Dit help hul gewildheid en wen sosiale erkenning,” sê hy. Die gevoel van eksklusiwiteit wanneer hulle Prime kry, help met kinders se intrinsieke behoefte om te behoort, sê…

DIE aanbieder Anzél Rabie en haar man, Stephanus, tel die dae af tot hul dogtertjie binnekort haar opwagting maak. Die swangerskap is onlangs gevier met ’n babatee wat by die pragtige Simonsig-wynlandgoed buite Stellenbosch gehou is. “Simonsig was nog altyd ’n baie spesiale plaas vir my. Dis ’n klipgooi van waar my pa, Theuns Stofberg, woon en is die tuiste van die Malan-familie wat die heel eerste vervaardigers van Cap Classique in Suid-Afrika was,” sê Anzél. Die spesiale dag is deur 45 van haar familie en vriende bygewoon. Onder die gaste was die voormalige Op my eish!-deelnemer Efraine van Heerden, asook die voormalige Mej. Suid-Afrika Suzette van der Merwe. “Ek is heeltemal oorweldig met die gedagte dat soveel wonderlike vroue reeds vir ons babadogtertjie lief is en saam haar koms…

1 JAMIE VERBREEK SY STILTE Drie weke nadat hy skielik in die hospitaal opgeneem is, het JAMIE FOXX (55) sy aanhangers op sosiale media vir hul steun bedank. “Waardeer al die liefde!” skryf hy op Instagram. “Voel geseënd.” Hy het ook sy vriend Nick Cannon bedank om-dat dié vir hom ingestaan het as aanbieder van sy speletjiesprogram, Beat Shazam. Jamie het ’n “mediese komplikasie” ervaar terwyl hy sy nuwe Netflix-fliek in Atlanta verfilm het. 2 NUWE LIEFDE VIR TAYLOR? Weke nadat sy met Joe Alwyn uitgemaak het, is die sangeres TAYLOR SWIFT (33) blykbaar smoorverlief. Die gelukkige man is die Britse rocker MATT HEALY (34) van die musiekgroep The 1975. Die twee is al jare lank vriende en het glo 10 jaar gelede ’n kort rukkie uitgegaan, maar volgens bronne was…

DIANA ROSS (79) & TRACEE ELLIS ROSS (50) Die aktrise vertel hoe erg dit was om haar ma, ’n musiekikoon, te laat luister na die liedjies wat sy vir haar fliek The High Note opgeneem het. “Maar toe ek dit speel, het sy gehuil en my hand vasgegryp. Dit was wonderlik.” LISA BONET (55) & ZOË KRAVITZ (34) Dekades nadat Lisa bekend geword het vir haar rol in The Cosby Show, kyk sy met trots hoe Zoë ook as aktrise naam maak. “Sy is wonderlik. Sy is ’n goed gebalanseerde jong vrou, glad nie aansitterig nie en baie snaaks en bedagsaam,” sê sy aan die tydskrif Essence. MELANIE GRIFFITH (65) & DAKOTA JOHNSON (33) Sy is dalk een van Hollywood se grootste sterre, maar Dakota rol ook soms haar oë…

ASEMROWEND ONGEWOON BABAMAGIES…