Innehållsförteckning för 1 June 2023 från Huisgenoot

1 ‘DIT WAS NIÉ OOR HOUSEWIVES’ Dis nie oor haar uitlatings dat haar man vroeg aftree as grootbaas by die KWV nie, hou Anita Lloyd van Die Real Housewives van die Wynlande vol Ek het ook nogal daaroor gewonder. Maar ek is bly om te hoor alles wat aangaan pla of skeel haar maar eintlik min. Dit is so tipies Anita, sy het duidelik nie ’n saak met wat mense dink nie. Ek is mal daaroor. MORNÉ Die KWV het mos nou ook al gesê die proses vir haar man om uit te tree, en om vir hom ’n plaasvervanger te kry, het al maande voor die program begin. En sy mag mos met haar man en sy maatskappy spog. ANSIE Ek leef maar my eie lewe. Het nog nooit…

DIT was vroegmiddag, begin Maart, toe hy ’n Uber na sy vriend se huis neem. Nie vir ’n kuier nie, maar om hom te help om vir sy lewe te vlug. Toe hy by die voormalige Eskom-baas André de Ruyter se huis aankom, was dit nie die gesig van sy vriend soos hy hom deur die jare leer ken het nie. André het ’n baard gehad. ’n Pet was laag oor sy kop getrek. Hy was vermom, asof hy verwag gevaar kan enige oomblik op hom toesak. Dít was nadat André se lewe in die voorafgaande weke gaandeweg in ’n spioenasiedrama ontaard het, vertel dié vriend, wat André gehelp het om drie maande gelede uit Suid-Afrika te vlug, vandag eksklusief aan Huisgenoot. Hy het dié hele drama aanskou. ’n Ruk…

HAWERMOUT-SAADBROOD LEWER 1 MIDDELSLAGBROOD / BEREIDING: 15 MIN. / STAAN: 10 MIN. / BAK: 40-50 MIN. Die lekkerste, maklikste meellose saadbrood wat ek nog geproe het. Hawermout kan ook op ’n matige wyse in ’n minkoolhi-drate-eetplan ingesluit word. ◗ 625 ml (2½ k) hawermout◗ 250 ml (1 k) gemengde sade, insluitend sonneblom-, pampoen-, sesam- en lynsaad◗ 60 ml (¼ k) psilliumvesels◗ 12,5 ml (2½ t) bakpoeier◗ 5 ml (1 t) sout◗ 4 eiers◗ 45 ml (3 e) klapper-olie, gesmelt◗ 250 ml (1 k) water◗ 15 ml (1 e) appelasyn◗ gemengde sade of sesamsade vir bo-op sprinkel VIR VOORSIT avokado, fyngedruk Voorverhit die oond tot 180 °C. Bespuit ’n klein broodpannetjie met kossproei en voer die bodem uit met bakpapier. Bespuit weer. 1 Meng die droë bestanddele goed. 2 Klits die…

Om saam met jou kinders speletjies te speel gee jou ’n geleentheid om hulle beter te leer ken. Dit help jou om jou kind se sterk- en swakpunte beter te verstaan. Dit help jou sien hoe hulle op reëls reageer. As jou kinders die reëls probeer buig, gee dit jou ’n kans om aan hulle te verduidelik hoekom reëls belangrik is, sê Carla Scheepers, ’n spelterapeut van Durbanville. Om saam te speel gee julle ’n kans om saam te ontspan en jul band te versterk. Jou kinders kan dalk dié aftyd gebruik om jou te vertel wat in hul dag gebeur het, en dalk iets deel oor hul bekommernisse. “So leer ouers hul kinders beter verstaan, en dan kan hulle beter steun verskaf,” sê Veronica Dwarika, hoof van die departement…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel WIE’S AGTER DIE MASKER? Dié sangkompetisiereeks met uitsendings in meer as 50 lande het gehore wêreldwyd gaande. Aanhangers sal bly wees om te hoor Suid-Afrika het nou sy eie weergawe van die trefferreeks The Masked Singer. Dis danksy die TV- en radiopersoonlikheid Anele Mdoda en haar vennote, Frankie du Toit en Paul Buys van die vervaardigingsmaatskappy Rose and Oaks Media, in samewerking met die SAUK en Primedia. “Ons is baie opgewonde vir Suid-Afrika om eindelik by die Masked Singer-familie aan te sluit,” sê Frankie. In elke episode sing plaaslike sterre bekende liedjies terwyl hulle in flambojante kostuums en maskers geklee is om hul identiteit te verberg. ’n Bekende paneel van “speurders”…

ROOILETTERKIND Deur SANDY SCHOEMAN Naledi, R240 Op die voorblad van Rooiletterkind is ’n foto van ’n meisietjie met lieflike dik, donker hare wat op ’n skoppelmaai ry soos enige ander kind. Ek sien binne die foto is geneem deur Nico, die skrywer, Sandy Schoeman, se man. Dit en die feit dat die kind se gesiggie nie gewys word nie, laat my dink dis Dani, die rooiletterkind self. Dus nie “enige ander kind” nie. Ná ’n gelukkige maar kinderlose huwelik van 25 jaar besluit Sandy en Nico om tog by hul plaaslike kinderhuis in Klerksdorp aansoek te doen om by ’n kind betrokke te raak. So begin ’n uitgerekte keuringsproses tot die kinderhuis hulle in 2016 vra of hulle dringend kan help: ’n Meisietjie wat by haar laerskool ontvoer is, is…

GROOT BLOKRAAI NO 2 494 KOMPETISIEVRAAG Watter geluid is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. Dié week wen een leser Sondag deur Irma Venter (Human & Rousseau, R270). Sondag. Oukersaand. Ná ’n inbraak by die Stables Estate in Pretoria-Oos word die sakeman Lafras van Zyl vir dood agtergelaat. Die res van die Van Zyl-gesin verdwyn spoorloos: Katerien van Zyl, vryduiker met ’n Amerikaanse paspoort, en ook haar kinders, Willem en Cath. Ná ses weke is daar nog geen leidrade nie en kapt. AJ Williams van die Brooklyn-speurtak moet inspring om te help. Die joernalis Alex Derksen en fotograaf…

1 Watter Suid-Afrikaanse atleet was bekend daarvoor dat sy kaalvoet gehardloop het? 2 Wat is die naam van die karakter in Hunger Games wat deur Jennifer Lawrence gespeel word? 3 Wat is die hoofstad van Bulgarye? 4 Wat is die naam van die bekende plein in Beijing, China, waar baie mense in 1989 dood is ná betogings? 5 Watter Grand Slamtennistoernooi is sinoniem met aarbeie en room? ANTWOORDE 1 Zola Budd 2 Katniss Everdeen 3 Sofia 4 Tiananmen-plein 5 Wimbledon ">BRONNE BBC.COM, THEGUARDIAN.COM, CBSNEWS.COM, NEWS24.COM, NYTIMES.COM, GUINNESSWORLDRECORDS.COM, EDITION.CNN.COM, THENATIONALNEWS.COM, VISITLONDON.COM, BRITANNICA.COM…

Disney+; 12+ Dis die tweede deel van dié reeks waarin rolprentateljees reg oor die wêreld hul eie vertelling van 'n Star Wars-flieks bied. Elke land kry dus die geleentheid om hul ongelooflike animasie en kultuur ten toon te stel. Dit volg op Star Wars: Visions – Volume 1, waar sewe verskillende Japannese animeateljees hul verhaal vertel het. Die eerste aflewering is vir ’n Emmy benoem. Deel 2 bevat die verhale van kreatiewe spanne uit Chili, Frankryk, Japan, Indië, Ierland, Spanje, Suid-Korea, Engeland, Amerika – en ook Suid-Afrika! Die bekroonde Kaapse animasieateljee Triggerfish se vertelling heet “Aau’s Song”. Dit gaan oor ’n kind wat haar brandende begeerte om te sing moet onderdruk, want haar stem kan groot rampspoed veroorsaak. Dis geskryf deur Nadia Darries en Daniel Clarke. Nadia, ’n boorling van…

MET die eerste 15 km agter die rug kry sy ’n steekpyn in haar sy soos nog nooit tevore nie. Maar sy byt vas. En toe sy die eindstreep van die Twee Oseane-halfmarathon oorsteek, is dit asof sy die kruin van haar persoonlike Everest bereik. “Ek het nooit gedink ek sal eendag 21 km ver kan hardloop nie!” deel die skraal blondekop daarna op Facebook. Want Lize de Villiers (22) het sistiese fibrose, die seldsame chroniese toestand wat die longe, pankreas en immuunstelsel aanval. Dokters het destyds gevrees sy sal nie haar tienerjare haal nie. “Nee wat, om met sistiese fibrose saam te leef is nie ’n doodsvonnis nie,” sê sy vandag by haar ouers, Lorette en Hendrik, se huis op Stellenbosch. “Ek wil elke dag voluit lewe.” Dis hoe…

AS JY iemand is wat sukkel om liefde te vind, troos jou hieraan: Selfs ’n skatryk aktrise wat op haar dag ’n model was, kan soms sukkel. Ja, dit het Charlize Theron blykbaar ’n paar jaar gevat om weer iemand te vind wat haar liefhet vir wie sy regtig is. Die aktrise het al vier jaar gelede in die openbaar verklaar dat sy haar “begin oopstel” om weer liefde te vind nadat haar vorige verhoudings op die rotse geloop het. Maar sedert sy so begin rondkyk het, was daar nog nooit weer ’n man aan haar sy nie. Tot nou toe. Foto’s van Charlize (47) saam met ’n lang donkerkopman het onlangs opgeduik waar hulle alte liefies lyk. En die meeste vroue sal saamstem: Dit lyk na ’n man vir…

Die dokter en voormalige Mej. Suid-Afrika TAMARYN GREEN-NXUMALO het onlangs haar slag in die kombuis gewys deur video’s te deel waar sy heerlike geregte soos beesstert met dombolo (tradisionele gestoomde brood) en seekospotjie maak. “Om eerlik te wees, ek het nooit regtig ’n passie gehad vir kosmaak nie. Daar was nie juis veel tyd om te kook nie, maar ek wou nog altyd leer,” sê Tamaryn. Sy het nou meer vrye tyd en het gedink dis die perfekte tyd om hierdie reis aan te pak. “Ek het toe besluit om my reis met almal te deel en met #CookWithTamaryn vorendag gekom,” vertel sy. “Wat ek die meeste geniet is om pret en interaksie met my volgelinge te hê.” Hier vertel die skoonheid meer oor haar kosvoorkeure. 5 minute om iets…

IEWERS in ons buurt het iemand ingetrek wat elke aand ná donker klavier begin speel. Saans – wanneer my kinders ná ete in hul pajamalyfies rondbons vol kwansuise redes om slaaptyd te ontwyk – spoel die klanke by ons huis in. Dis klassieke werke, maar ook interpretasies van moderne liedjies. Ons weet nie wie dit is wat so klavier speel nie, maar ’n mens kan die vreugde van die hande hoor. Dit voel vir my asof die hele buurt stil word om te luister. Wanneer die eerste note opklink, sit ons die musiek in ons eie kombuis af en maak die stoepdeur oop, selfs al is dit hoe koud buite. Op die aande wat die klavierspeler stil is, wag ons teleurgesteld vir die uitvoering wat nie kom nie. Elke aand…

Die regsfirmas RH Lawyers en Richard Spoor het namens Chantéll, Suzette en ander vroue wat komplikasies ervaar het nadat maastoestelle van 1996 af by hulle ingeplant is ’n hofsaak teen die vervaardigers en verspreiders van die maas begin. In ’n verklaring sê die twee maatskappye polipropileen, die sintetiese materiaal wat gebruik word om die maas te maak, is nie geskik nie, want wetenskaplike studies het getoon dit breek af wanneer dit ingeplant word. Zain Lundell, ’n spesialis in kollektiewe hofgedinge by RH Lawyers, sê die plaaslike vervaardigers is van die hofsaak in kennis gestel en die firma is in die proses om die internasionale vervaardigers te verwittig. “Ons hoop hulle sal die eise skik. Daar is geen wesentlike rede waarom ’n Suid-Afrikaanse hof nie sou bevind dat die toestelle gebrekkig…

CHELSEA-STEWELS Veelsydige Chelsea-stewels is terug. Dit kan by so te sê enigiets gedra word – van rompe, spanbroeke en oorgroot tops tot noupypjeans en cargobroeke. OOR-DIE-KNIE-STEWELS Oor-die-knie-stewels, van plat tot dié met spykerhakke, is perfek om die koue mee te kul wanneer jy kort rompe of bonkige tops dra. SPIERWIT TEKKIES Hierdie modieuse tekkies is veelsydig en treffend. Dra dit by enigiets van rokke tot jeans vir ’n preppie, sportiewe voorkoms. BALLETSKOENE Effekleur, kleurvol of versier, gemaklike balletskoene is gewild, want dit kan by amper alles gedra word. KLOMPE Hierdie aanglipskoene is maklik om te dra en ideaal vir ’n gerieflike, sjiek afronding. Dit werk veral goed saam met ’n militêre jas. SLENTERSKOENE Slenterskoene sonder veters is prakties en byderwets. Laat pas dit by ander neutrale kleure in jou uitrusting.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. SKOONMA EN DIE PYN VAN KINDERLOOSHEID V Ons is al sewe jaar getroud en het in dié tyd alles medies moontlik probeer om ’n babatjie te kry, maar sonder enige sukses. Dit was ’n rowwe tyd en ek voel soos ’n mislukking omdat ek nie vir my man ’n kindjie kan gee nie. My man is wonderlik hieroor en het my nog nooit…

Aksie-wetenskapsfiksie. Met Anthony Ramos, Pete Davidson en Michelle Yeoh. Regie: Steven Caple jr. 13. Van 9 Junie in fliekteaters. In die jongste aflewering van die Transformers-fliekreeks, die sewende in die reeks, word kykers saam met die immergewilde karakters op ’n reis om die wêreld geneem. Die oudsoldaat Noah Diaz (Anthony Ramos) en die museumnavorser Elena Wallace (Dominique Fishback) word by ’n antieke konflik ingesleep tussen die Transformer-spesies Maximals, Predacons en Terrorcons. Terwyl baie van die aksie reg oor die wêreld plaasvind, speel belangrike dele van die fliek in Brooklyn, New York, af. Die fliek dien as ’n opvolg op 2018 se Bumblebee, en ook as ’n voorvolg vir die eerste Transformers- fliek (2007). Rise of the Beasts is gegrond op die Beast Wars-storielyn wat in 1996 in animasievorm op televisie…

Dit word soos altyd aangebied by Paulethuis op Somerset-Oos, en vanjaar is dit van 16 Oktober tot 5 November – drie weke lank woon jy gratis in terwyl jy leer hoe om ’n storie te skryf en te poets tot dit gereed is vir publikasie. As jy een van die gelukkige vyf kandidate is wat gekies word, is daar ook ’n kans dat jou kortverhaal geplaas gaan word in Huisgenoot of op LitNet, saam met wie die skryfskool aangebied word. Fourie Botha tree vanjaar as mentor op. Hy het lank by uitgewerye gewerk en is self ook ’n digter wat twee digbundels, Donkerkamer en Krap uit die see, uitgereik het. Sy debuutbundel is vir die Ingrid Jonker-prys benoem. “Ná jare by uitgewerye werk ek die afgelope paar maande by ’n…

DIE TWEEDE MAN Pieter en sy vrou sit aan die ontbyttafel. Hy: “As ek skielik sterf, sal jy al my goed verkoop?” Sy vrou: “Hoekom moet ek so iets doen?” Hy: “Want as jy weer trou, wil ek nie hê dat ’n ander idioot my goed gebruik nie,” antwoord hy. Sy vrou: “Nou wat laat jou dink ek sal weer met ’n idioot trou?” JANETTE D, ROODEPOORT FOONETIKET Die paartjie sit heerlik en eet toe die kelner naderstaan en bekommerd vra: Is alles in orde?” “Ja,” sê die man verbaas, “hoekom vra jy?” Kelner: “Want julle het nog nie foto’s van julle kos geneem nie.” WOLLIE, PRETORIA GEEN KOMMENTAAR Ek het vandag ’n baie vreemde dag gehad. Eers het ek ’n hoed vol geld opgetel, toe word ek deur ’n…

NUWE ALBUM Hy’t ons beïndruk met treffers soos “First Class” en “Industry Baby”. En nou haal die Amerikaanse rapper sy passies uit in White Men Can’t Jump, ’n nuwe weergawe van die 1992-fliek met dieselfde naam. In dié fliek – nou op Disney+ beskikbaar – speel Jack (25) die hoofkarakter, Jeremy, ’n voormalige basketbalster wie se loopbaan deur beserings gekniehalter is. Maar einde April, net om ons gerus te stel dat sy rapperdae nie verby is nie, het Jack ook sy derde album uitgereik. Dit heet heel gepas Jackman – Jack se volle doopnaam is Jackman Thomas Harlow. Die album bevat 10 liedjies en het in sy eerste week nommer agt op die Billboard-albumtrefferlys gehaal. PA SE TROTS Toe hy die rol in White Men Can’t Jump kry, was sy…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloeka- of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul…

DIE sanger en televisieaanbieder GERHARD STEYN en sy vrou, ZELRI, het onlangs hul 10de huweliksherdenking met ’n eilandvakansie gevier. Hulle het sewe aande in die prentjiemooi Club Med Kani-oord in die Maledives gaan uitspan, en hulle reken dié kort wegbreek is net wat hulle nodig gehad het. “Dis ’n voorreg om ná 10 jaar nog meer verlief op mekaar te wees,” vertel Gerhard uit die Maledives. Sy en Zelri se paaie het destyds by haar ouerhuis gekruis. “Ek het haar ontmoet toe ek by haar pa, George, gaan braai het. Hy het al die jare vir Anneli van Rooyen tromme gespeel en het in daardie stadium saam met my orkes begin werk,” onthou hy. Hul lewe het baie verander sedert hul troudag op 1 Junie 2013. Hulle is nou ook…

DIS yskoud in Bloemfontein. Die berugte Vrystaatse winter het skielik aangebreek. Toe Huisgenoot die Van Zyl-egpaar in hul huis besoek, staan hul stoele reg voor die kaggel waar Henk van Zyl buk om ’n vuur aan die gang te kry voor hy koffie maak. Daar is seker baie huise in die Rosestad waar die kaggelvuur ook vandag aangesteek is, maar vir die Van Zyls het dié ritueel ’n dieper betekenis. Die kaggel was hul dogter Liezel de Jager se gunstelingplek in haar ouerhuis. Al was dit hoe warm, sou Liezel die kaggel aan die gang kry en daar gaan sit. Nou, elke keer wanneer hulle ’n vuur daar maak, dink Henk en sy vrou, Salomé, aan hul oudste dogter. Maar dié herinnering aan haar gunstelingplek is beslis beter as die…

DIE TV-kameras was aan die rol, en die bekende akteur het ingeleun om haar te soen. Maar Efraine van Heerden wou niks weet nie. “Soen is ’n big thing vir my. As ek jou wil soen, sal ek jou sê ek wil jou soen,” het sy destyds in die maatsoekreeks Op my eish! vir Neels van Jaarsveld gesê. Maar toe die groot oomblik vandag aanbreek, hier voor haar naaste vriende en familie, huiwer die donkerkopskoonheid nie ’n oomblik nie. Lank en innig soen sy vir Paul du Toit voor die kansel by die Old Tannery op Wellington, en so wys sy die wêreld dat sy dié prokureur van Stellenbosch wíl soen – nie net vandag nie, vir ewig. Troues is nie vir Efraine ’n nuutjie nie. As grimeerkunstenaar het sy…

RETINOL, vitamien C en hialuronsuur. Vra enige velsorgkenner wat hul staatmaker-bestanddele is, en dit sal waarskynlik op hul lysie wees. En hoewel dit die bohaai werd is, is daar ’n nuwe velredder waaroor die skoonheidswêreld gons – veral die voordele en veelsydigheid daarvan vir byna enige velsorgkwessie en velsoort: niasienamied. Ons het by die velsorgkenner Tzivia Hermann, stigter en mede-eienaar van die Laser Beautique-franchise, aangeklop om meer oor die voordele uit te vind, asook wie dit behoort te gebruik en hoe om dit in jou bestaande velsorgroetine in te sluit. WAT IS NIASIENAMIED? Niasienamied, ook genoem nikotinamied, is ’n vitamien B3-derivaat (niasien) wat in aanvullings, velsorgprodukte en voedsel voorkom. “Vitamien B3 is ’n antioksidant wat baie aspekte van ons gesondheid ondersteun, insluitend selherstel,” sê Tzivia. Vitamien B3 word oor die…

Die beste is om ’n speletjie te kies wat met jou kinders se belangstellings, persoonlikhede en vaardighede rym, sê Fred Schouwink, ’n opvoedingsielkundige. Onthou, die ouderdomsaanbevelings op ’n speletjie se boks is nie ’n vaste reël nie. Soms hou jong kinders van meer ingewikkelde speletjies, en ouer kinders van iets eenvoudigers. Stel vas wat jou kinders se belangstellings is en of hulle moeilike speletjies kan hanteer. Dit help as die speletjie verband hou met iets waarin hulle reeds belangstel. Party speletjies, soos Monopoly, het weergawes met temas soos sokker of Pokémon vir kinders wat spesifiek daarin belangstel. Trivial Pursuit het byvoorbeeld SpongeBob- en Harry Potter-weergawes. Moenie opgee net omdat jy nie duur speletjies kan bekostig nie. ’n Stel kaarte maak ’n magdom speletjies en kan ook vir groot pret sorg.…

WERKNEMERS is dikwels omgekrap oor die buitengewoon groot hap wat belasting uit hul bonus vat, want dié belasting is dikwels hoër as op jou gewone maandelikse salaris. En baie is hoegenaamd nie bewus daarvan dat hul bonus belas gaan word nie en maak dus planne geskoei op die volle bedrag. Hulle is ontnugter oor wat werklik in hul bankrekening beland. Lees hier om enige misverstand uit die weg te ruim. 1 HOE MEER JY VERDIEN, HOE MEER INKOMSTEBELASTING MOET JY BETAAL As jy R20 000 per maand verdien, is jou gemiddelde belastingkoers 10,92%. Maar as jy R40 000 per maand verdien, is dit 19,60%, se Kriegler Neethling, ’n finansiele bestuurder van Durbanville. Die Suid-Afrikaanse Inkomstediens (SAID) het belastingkerwe (basies ’n lys van tabelle) wat wys hoeveel belasting almal moet betaal.…

GEBORE VIR GROOT DINGE Toe sy nog klein was, het haar ouers gedink sy is ’n koliekbaba – die geskreeu wou net nooit ophou nie. Eers later het dokters vasgestel die sangeres en liedjieskrywer Zoé Jacobs (20) – of net Zoé soos sy onder aanhangers bekend is – het eintlik ’n gehoorprobleem. “My liggaam het ’n oormaat vog in my ore laat opbou, en dit het my gehoor beïnvloed,” vertel Zoé. “My ouers het besef ek het as baba so gehuil en geskreeu omdat ek nie kon hoor nie.” Dat sy nie goed kan hoor nie, het nooit in Zoé se pad gestaan om haar drome te verwesenlik nie. En haar debuutenkelsnit, “Crazy meisie”, getuig daarvan. “‘Crazy meisie’ is ’n popliedjie, en ek het dit geskryf vir al die mense…

TWEELING 21 MEI – 20 JUNIE Liefde kan rondom die volmaan op die 4de gespanne voel, al is dit niks nuuts nie, en jy sal kan herken jy was al voorheen daar. Wees daarvoor op die uitkyk wanneer jou planeet, Mercurius, binnekort met die radikale Uranus in lyn kom. Dit kan jou geneig maak om teen jou karakter in op te tree. Voor jy dus iets impulsief of buitengewoons aanvang, vra jouself af of die kortstondige opwinding die eindresultaat werd sal wees. GELUKKIGE NOMMERS 8, 10, 34, 52, 32, 9 KREEF 21 JUN – 21 JUL Eers sal jy dalk baie empatie betoon met ’n vriend wat ’n moeilike tyd deurmaak deur ’n koesterende skouer te bied om op te huil. Maar jy moet ’n manier vind om ’n streep…

Dis een van die groot toeristetrekpleisters in Londen, die kloktoring genaamd Big Ben – en dis al meer as 160 jaar sedert die groot klok daarin die eerste keer gelui het. Die bekende naam verwys eintlik net na dié klok wat die koms van elke nuwe uur aandui, maar mense gebruik dit deesdae om na die hele toring te verwys. Die Paleis van Westminster, waar die Britse parlement gehuisves is, is in 1834 in ’n brand verwoes. Daar is toe in 1844 besluit die nuwe parlementsgebou moet ’n toring met ’n klok daarin insluit. Die bouwerk het kort daarna begin, maar die ontwerpwerk aan die horlosie self het baie lank gevat om seker te maak dis baie akkuraat. Die toring waarin die klok is, word eintlik vandag die Elizabeth Tower…

HET jy al ooit ’n weervoorspelling op TV gekyk? En het jy al die letters H en L gesien wat op die weerkaart rondbeweeg? H staan vir “hoë druk” en L vir “lae druk”. Dit verwys na die atmosferiese druk, ook genoem lugdruk. Lugdruk is die massa van die molekules in die lug bo ons wat op die aarde afdruk. ’n Barometer is ’n weer-instrument wat die lugdruk meet, wat ’n aanduiding van die soort weer kan wees wat op pad is. Maak jou eie eenvoudige barometer en hou jou lyf weervoorspeller. BENODIGDHEDE STAP VIR STAP VOORSPEL SELF DIE WEER Meet die druk elke oggend op dieselfde tyd en skryf dit neer in ’n logboek. Gaan buitentoe en kyk hoe die weer lyk: Is dit mooiweer? Is daar wolke? Skryf…

YAGA Vind dit by yaga.co.za of kry die app op die Play Store of App Store. WAT IS DIT? Yaga is ’n aanlyn mark vir die verkoop en koop van tweedehandse klere. Skep ’n profiel as jy iets wil verkoop. Dan laai jy die item met ’n beskrywing daarvan en die prys wat dit werd is. Yaga werk op ’n stelsel van eerlikheid. As iets beskadig is, moet jy so sê. Verkopers mag drie foto’s laai, en as ’n item ’n fout het, moet een van die foto’s dit wys. Jy betaal met ’n elektroniese oorplasing of kredietkaart. Daar is vier koerieropsies vir aflewering, en dit is die verkoper se verantwoordelikheid om items te verpak. Die afleweringskoste hang af van die opsie wat jy kies en waar jy woon. Wanneer…

SY WAS gestres en desperaat: ’n ma met drie kinders, vier honde en ’n kat om te voed, met net nooit genoeg geld om die pot die hele maand aan die kook te hou nie. Voeg daarby ’n man wat haar jare lank emosioneel afgekraak het en ’n gesin wat in skuld verdrink het, en haar selfbeeld was op sy allerlaagste. Bonny Snowdon het geweet sy moet iets drasties doen om te oorleef, en toe wend sy haar tot die een ding waaroor sy nog altyd gedroom het: om ’n bestaan uit kuns te maak. Min mense dink hulle sal uit kuns ’n leefbare inkomste kan maak. Wat nog te sê skatryk word. Maar Bonny het nog altyd gehou van teken en het jare tevore ’n kunsskool bygewoon waar haar…

TOE sy weer uit die kamer verskyn, dra Candice Bester ’n pelsjas. “Ja, dis ’n regte een. Dit was my ouma s’n. Ek weet nie watter diertjies dit was nie – ek vra nie vrae daaroor nie.” Sy draai nie doekies om nie, dié lid van Die Real Housewives van die Wynlande. Sy het al vroeg-vroeg in die kykNET-reeks met veral Karen Schwendtke koppe gestamp omdat daar nie Wi-Fi was op dié se wildplaas in die Laeveld nie. En wanneer sy praat oor dít wat in haar binneste aangaan, is sy net so reguit. “Ek was sewe keer swanger en het net een kind,” som Candice (38) jare se seer op. “Om daaroor te praat het my gehelp om perspektief te kry en te besef waardeur my familie is,” vertel…

Die radio- en televisiepersoonlikheid ELANA AFRIKA-BREDENKAMP het die app Parent + Baby Brunch bekendgestel, wat ouers maklike toegang bied tot nuttige ouerskapswenke en inligting wat op haar ouerskap-podcast gedeel word. “Die idee is gebore kort nadat ek my eerste kind gehad het,” sê Elana. “Ek het die Parent + Baby Brunch-gemeenskap geskep nadat ek eerstehands ervaar het wat ma’s en pa’s met pasgebore babas deurmaak. Ek het besef daar is nie genoeg ondersteuningsgroepe daarbuite nie, en het hierdie een begin om ander ouers te help.” Elana vertel hoe dit is om ma te wees vir haar en haar man, Ian Bredenkamp, se twee dogters, ESTHER (8) en ANNABELLE (6). Wat is jou ouerskapstyl? Ek weet nie of ek ’n ouerskapstyl het nie. Ek is oorbeskermend oor my kinders, maar net…

VOORHEEN sou net sy naam miljoene mense na teaters gelok het, maar toe JOHNNY DEPP (59) se nuwe fliek onlangs op die Cannesrolprentfees vertoon word, was daar gemengde reaksie. Dié fliek, Jeanne du Barry, is louwarm deur resensente ontvang, en boonop was aanhangers ontsteld oor sy verkleurde tande op foto’s van hom op die rooitapyt. “Johnny Depp se tande is letterlik besig om te verrot,” sê ’n Twitter-gebruiker oor ’n foto van die akteur op die rooitapyt. Jeanne du Barry is die eerste fliek waarin Johnny in drie jaar verskyn sedert hy in twee smerige lastersake met sy eksvrou Amber Heard (37) gewikkel was. Sy het hom van fisieke en verbale mishandeling beskuldig. Johnny speel koning Louis XV, wie se beheptheid met sy minnares, madame Jeanne du Barry (gespeel deur…

1 DIE PRESLEYS BEGRAWE DIE STRYDBYL Byna ses maande ná die dood van LISA MARIE PRESLEY op 54, het haar ma, PRISCILLA PRESLEY (77), en haar dogter RILEY KEOUGH (33) eindelik ’n skikkingsooreenkoms oor haar boedel bereik. Die familievete is ontketen nadat dit aan die lig gekom het Priscilla is uit Lisa se multimiljoendollartestament weggelaat. Geen besonderhede oor die skikking is bekendgemaak nie buiten dat Priscilla se wens dat sy langs haar oorlede man, Elvis Presley, by Graceland begrawe wil word, nie toegestaan is nie. 2 MEGAN SE LYFDISMORFIE Sy word dalk as een van die begeerlikste vroue ter wêreld beskou, maar die aktrise MEGAN FOX (37) het lank gesukkel om vir haar lyf lief te wees. Megan is een van die voorbladmodelle vir Sports Illustrated se swembroekuitgawe vir 2023…

LOS ANGELES LONDEN…