Innehållsförteckning för 3 August 2023 från Huisgenoot

JA: Die staatsaanklaer, Andrew McRae, het vir die jurie gesê Lauren het presies geweet wat sy doen. “Daar was woede toe sy haar kinders vermoor het. Daar is geen mediese verdediging nie. Dis moord.” Hy het ook vir die jurie gesê dis moontlik dat Lauren ’n depressie-episode ervaar het, maar sy het geweet wat sy “voor, tydens en ná die moorde” gedoen het. NEE: Lauren se regsverteenwoordiger, Kerryn Beaton, sê sy het die aand van die moorde ’n depressie-episode gehad wat haar laat dink het sy moet haar kinders vermoor en haar eie lewe neem. Kerryn het vir die jurie gesê Lauren sukkel sedert haar tienerjare met depressie en dat sy ook met nageboortelike depressie gesukkel het.…

Lauren se psigiater wat haar in Suid-Afrika behandel het, het op 21 Februarie 2020, gedurende die gesin se emigrasieproses, ’n brief aan die Nieu-Seelandse owerheid gerig waarin hy bevestig hy het Lauren sedert 2015 behandel. Hy sê in die brief Lauren ly aan ernstige depressie. Dié brief is in die hof voorgelees.line “Sy funksioneer goed ondanks haar siekte en moes nog nooit in ’n psigiatriese hospitaal opgeneem word nie. Dr. Dickason was nog nooit ’n gevaar vir haarself of ander mense nie,” skryf die psigiater. Volgens Lauren se psigiater het hy vir haar die middels Cipramil en Trepi voorgeskryf om haar buie te stabiliseer – en hy sê in dié brief sy moet aanhou om haar medikasie te gebruik. Daar is berig sy het haar gebruik van die medikasie egter…

NOEM die naam “Blapsie” en baie mense sal jou gou ’n paar dinge oor dié bekkige karakter uit die reeks Molly en Wors vertel. Sy was darem baie wulps en voor op die wa vir ’n hoërskoolmeisie, sal baie mense opmerk oor dié meisie, wat 14 jaar gelede in die sitkom se drie seisoene volksbesit geword het. En tog, sal hulle byvoeg, kon ’n mens nie anders as om meegevoel te hê met haar tienerhart wat so na daardie ewige romantiese liefde gehunker het nie. In die reeks was daardie liefde nie vir Blapsie beskore nie. Maar vandag is dit ’n ander saak vir die borrelende Carien Botha (35), die aktrise wat doeriejare lewe aan dié immergroen karakter gegee het. Die liefdesvlam tussen haar en haar verloofde, Lloyd de Wet…

EFFEKLEURIG TOPS Dra ’n kappietop saam met ’n baadjie of jas, romp en stewels vir ’n ontspanne, sjiek voorkoms. Effekleur kan deftig of informeel gestileer word. GRAFIES Voeg ’n bietjie speelse diepte by jou alledaagse klerekas met kapVoeg ’n bietjie speelse diepte by jou alledaagse klerekas met kapstukke soos rekbroeke of jeans. MET ’N RITS Van die gim tot die winkelsentrum, die veelsydige kappietop met ’n ritssluiter is wonderlik vir ’n laag-op-laag-voorkoms. ROKKE Noupassend, gemaklik of lospassend: Die kappierok is ’n moet vir jou winterklerekas. Dit werk goed saam met kniestewels en ’n leerbaadjie of ontspanne jas. BAADJIES EN JASSE Voeg ’n ekstra laag warmte teen die koue by met ’n baadjie of jas met ’n kappie. Kies neutrale skakerings wat maklik by ’n verskeidenheid uitrustings ingesluit kan word. KRY…

JOU lewe en omstandighede het miskien so verander dat jy dalk nou meer as net die basiese bankgeriewe benodig. Dis nie moeilik om van bank te verander nie, en dit tel ook nie teen jou kredietrekord as jy skuif nie. Trouens, jy sal dalk jou geldsake beter kan bestuur. REDES OM TE SKUIF 1 DIE BANKKOSTE IS TE HOOG Dit is seker die grootste rede waarom bankkliënte migreer. Die meeste rekeninge hef maandelikse en administrasiefooie, en indien nie, betaal jy per transaksie. Maar sommige banke vra beslis meer as ander vir dieselfde dienste. Om uit te vind wat vir jou die kostedoeltreffendste is, moet jy kyk watter transaksies jy die meeste doen. Banke is verplig om fooie bekend te maak en jy kan dit op hul webtuistes nagaan. Jy kan ook…

SEEPGLADDE DIEET Die tannie kla oor die jongste dieetgier wat nie vir haar wil werk nie. Haar vriendin laat hoor: “Ek bad deesdae in koue water en Omo. Die advertensie sê: Gewaarborg om vet en vlekke te verwyder!” EMMIE WINKELPOP Mara benodig ’n nuwe rok vir die kantoorpartytjie. In die klerewinkel vra sy die winkelassistent: “Kan ek asseblief die rok in die venster aanpas?” “Natuurlik nie,” antwoord die winkelassistent. “Jy kan soos die res van die kliënte die aanpashokkies gebruik!” LOUISE NOETH GEWIGPLAN Jasper gaan kuier by sy ouers se huis en gaan haal ’n koue bier. Toe hy die yskasdeur oopmaak, sien hy ’n vietse bikinimodel op die deur vasgeplak. “Watse foto is dit dié?” vra hy vir sy ma. Ma: “Ek het dit daar opgeplak om my te…

DIE kleur van ons planeet se oseane is besig om te verander – en aardverhitting is die rede daarvoor, sê aardrykskundiges. Volgens ’n studie wat in die joernaal Nature verskyn het, raak die diep blou see byvoorbeeld geleidelik ál groener. Navorsers is besorg omdat die kleurveranderings “ ’n weerspieëling is van veranderings in die stand van die ekosisteem,” sê die studieleier, BB Cael, ’n wetenskaplike van die Britse National Oceanography Centre. Die navorsers het 20 jaar se waarnemingsdata van ’n satelliet ontleed. HOEKOM GEBEUR DIT? Die navorsers het gevind die see raak groener weens veranderings in planktonbevolkings. Plankton van verskillende groottes weerkaats en versprei sonlig op verskillende maniere. Net so absorbeer plankton van verskillende kleure lig op verskillende maniere. Nog ’n wetenskaplike, Stephanie Dutkiewicz, meen die studieresultate is “nie verbasend…

UIT LATYN meervoud van stratum, wat beteken ’n laag van iets, of letterlik “dinge wat uitgesprei is”. In die aardwetenskappe verwys strata na die verskillende lae, insluitend rotsneerslae, waaruit die Aarde bestaan. Deurdat die lae uit verskillende tydperke dateer, kan wetenskaplikes deur die bestudering daarvan byvoorbeeld baie oor ons planeet se geskiedenis leer. Elke afsonderlik stratum verteenwoordig ’n geologiese periode toe die laag gevorm is. So is daar in geologie ook ’n subveld, “stratigrafie”, wat in die navorsing van rotsstrata spesialiseer…

1 Watter Afrikaland staan bekend as die “koninkryk in die lug”? 2 Wat is die naam van die rooikopprinses in die Disneyfliek Brave? 3 Waar is die fantasieskrywer J.R.R. Tolkien gebore? 4 Wie was die enigste SA deelnemer aan vanjaar se Tour de France? 5 Wie is die premier van Kanada? Antwoorde: 1 Lesotho; 2 Merida; 3 Bloemfontein; 4 Louis Meintjes; 5 Justin Trudeau BRONNE BBC.COM, NEWSFORKIDS.NET, BRITANNICA.COM, METRO.CO.UK, MERRIAMWEBSTER.COM, EDITION.CNN.COM, THEGUARDIAN.COM, ENGLISH.NEWS.CN, KIDSNEWS.COM.AU, GUIDETOICELAND.IS, USATODAY.COM, YOUTUBE, NETWERK24.COM…

VOEL die lang lys van jou laerskoolkind se skooltake, huiswerkopdragte en mondelinge oorweldigend? Ja, daar is ’n magdom inligting op die internet beskikbaar, maar waar begin jy soek? En dan moet jy nog probeer vasstel watter inligting relevant en korrek is, en tussenin probeer vertaal… Wat ’n stryd! En wie het die tyd? Dit plaas baie druk op jou én op jou kind. Maar nou het ons goeie nuus en ’n nuttige oplossing! Huisgenoot Junior: Leer en Speel! is ’n splinternuwe webtuiste wat ekstra hulp kan bied met jou laerskoolkind se skoolwerk. Die inhoud is goed nagevors, toeganklik verpak, leersaam en interessant – en als in Afrikaans. Huisgenoot bied al jare lank leersame inhoud en opvoedkundige vermaak vir kinders van verskeie ouderdomme. Dit help leerders om hul skoolwerk baas te…

DIE dokter het my ma destyds aangeraai om my te laat aborteer. Ek is die laatlammetjie. My ma, Lenie Benson, was 45 toe sy my gehad het. Mamma het altyd vir my gesê omdat sy so oud is, kan daar ’n komplikasie soos down-sindroom gebeur. Mamma het voortgegaan met die swangerskap. En ja, toe word dié meisiekind met die groot bos hare gebore. Ons het dalk nie die wêreld se rykdom gehad nie, maar daar was liefde in die huis. Mamma en Dêddie het altyd in die Grabouw-slaghuis gewerk. Mamma was bekend vir die Grabouw-boerewors wat sy gemaak het. Sy was baie erg oor haar professie gewees. Dieselfde met Dêddie. Jy kan sê ek was my pa, Bernard, se favourite gewees seker omdat ek hulle laaste meisiekind is. Ons was…

1 ‘EK’T MY ALLES GEGEE’ Frans Steyn gaan nie saam met die Bokke Frankryk toe vir die Wêreldbeker nie. Weens ’n kniebesering is sy rugbydae verby Frans, jy was nog altyd hierdie ou tannie se held in groenen-goud. Daar is niemand wat ’n bal soos jy kan skop nie. Jy bly maar ’n yster, en ek wens jou baie sterkte toe met wat jy ook al nog gaan aanpak. LULU Baie dankie vir jou aandeel in SA rugby. Jy sal altyd ’n Springbok-legende bly. Ons eer jou bydrae, asook jou besluit om uit te tree voor ’n erger besering die res van jou lewe benadeel. Sterkte en dankie weer vir als. JOHAN Frans, jy was nog altyd ’n rolmodel vir enige jong speler. Om op 19 Bok te word en steeds…

Nieu-Seeland se regstelsel is baie soos Suid-Afrika s’n, sê prof. Robin Palmer, direkteur van kliniese regstudies aan die Universiteit van Canterbury in Christchurch, aan Huisgenoot. “Die staat moet sonder enige twyfel kan bewys dat die beskuldigde skuldig is. Die grootste verskil tussen ons en Suid-Afrika is dat 12 jurielede besluite rond om die feite sal moet neem.” Voor die jurie hul besluit neem, sal die regter hulle raad gee oor hoe hulle na die bewysstukke moet kyk en hoe hulle dit moet ontleed. Hier is die rolspelers in die saak: ◼ Die regter, Cameron Mander: Hy was in 2020 in die nuus as die regter wat die Christchurchskietery aangehoor het nadat 51 mense by twee moskees doodgeskiet is. Mander het die skieter, Brenton Tarrant, lewenslank sonder parool tronk toe gestuur.…

Lauren het al lank voor die moorde aan haar vriende ontstellende boodskappe gestuur. Van dié boodskappe is aan die jurie gewys. ◼ “Ek het dit vanaand verloor en ’n hele uur gehuil terwyl ek in die donkerte gelê het.” ◼ “Ek het jou amper gebel omdat ek selfmoordneigings het, maar moet asseblief nie vir Graham sê nie.” ◼ “Ek dink Graham dink ek is mal.” ◼ “Ek en Graham het vanaand besluit ons kinders gaan ons nie verder mishandel en op ons gil nie. Hulle sal van nou af ’n pak slae kry, en ons sal lekker dinge weerhou tot hulle respek wys. Hulle het my vanaand met mielies bestook en gesê die vleis is aaklig. Toe ek hulle aanspreek, het hulle my geslaan.” ◼ “Miskien is die tweeling in…

Jy het seker al opgelet dit help weinig om net te besluit jy gaan minder aan jou probleme dink. Daai geraas in jou kop het ’n lewe van sy eie en laat tydig en ontydig van hom hoor. Maar as jy dit stelselmatig en met ’n plan takel, kan jy wel gesonder gewoontes vir jou gemoed aanleer, sê kenners. Erken teenoor jouself dat jou getob oor jou probleme geen probleme oplos nie As jy regtig jou probleme opgelos het, sou jou stres minder geraak het. Maar maalgedagtes oor jou probleme maak jou stres net erger. So hoe sou probleemoplossing eerder lyk?…

LEEU 22 JULIE – 22 AUGUSTUS Dit blyk asof werk uiteindelik vir die oomblik ’n gelukkige plek is, so gebruik jou inisiatief om die voortou te neem om iets nuuts aan al jou kolle-gas bekend te stel. Daar moet ook ’n mate van pret ingesluit word, en soos die spreekword lui, is dit nooit te laat om gelukkige kinderjare te hê nie. Alles is dalk nie so rooskleurig nie, maar wanneer dinge ontspoor, moet jy die geleentheid aangryp om ’n nuwe paadjie uit te kerf. GELUKKIGE NOMMERS 9, 29, 46, 50, 37, 18 LEO SE STRATEGIEË VIR SUKSES ◼ Jou grootste krag is jou geloof in jouself. ◼ ou grootste swakheid is jou ydelheid. ◼ Hoe meer jy skep, hoe meer lewenslustig sal jy voel. ◼ Hou aan om jou…

Droom jy van kortverhale skryf? Skryf dan dadelik in vir die Kommadagga-kortverhaalkompetisie wat vanjaar in samewerking met Huisgenoot en LitNet aangebied word. As jy een van die gelukkige kandidate is, gaan jy dié lente drie weke lank gratis en verniet geleer word hoe om jou skryfwerk te verbeter. Die Jakes Gerwel-stigting bied verblyf van drie weke aan in die Paulet-huis en dek alle reiskoste en maaltye. Die naam van die projek, Kommadagga, verwys na die omgewing waar die akademikus en anti-apartheidsaktivis wyle prof. Gerwel op die Oos-Kaapse platteland grootgeword het. Stuur een kortverhaal in van 2 000 woorde in Afrikaans of Engels. Die sluitingsdatum is 31 Julie 2023. Inskrywings, tesame met ’n kort CV en motiveringsbrief vir deelname, word gestuur na Theo Kemp by theo@jgf.org.za. Die kortlys word in die…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 503 KOMPETISIEVRAAG Watter Italiaanse kos is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Reën vir Stofvlei deur Katherine Graham (H&R, R220). Die tienjarige Elsie, oftewel Gogga, is ’n rabbedoe wat eerder saam met die seuns rondhardloop as om pop te speel soos haar perfekte sussie, Riëtte. Dis die 1940’s en ’n wêreldoorlog woed, maar Gogga se grootste bekommernis is die somerreën wat wegbly en die droogte wat die gebied teister. Stofvlei is haar hele wêreld. Al wat sy ken, is haar ouers se winkel – wat enigiets van garing tot petrol…

1 157 Sedert die ondertekening van die Parys-klimaatsooreenkoms in 2015 is soveel hofsake wat met die klimaatskrisis verband hou teen state en maatskappye aanhangig gemaak. Dit wys dat die groot rolspelers en besluitnemers wat die snelgroeiende klimaatskrisis moet afweer, steeds traag is om daadwerklik op te tree. 330 Ná soveel konserte het Elton John sy laaste wêreldtoer laas maand in Swede afgesluit. Die toer het in September 2018 begin, maar moes tussen 2020 en 2021 weens die covid-pandemie gestaak word. Elton het 52 jaar lank musiek gemaak. 193,97 Die tegnoreus Apple se aandele was begin Julie soveel dollar werd. Daarmee het Apple die eerste maatskappy geword wat ’n markwaarde van $3 biljoen (R54 biljoen) bereik. Apple het in 2018 die $1 biljoen-en in 2020 die $2 biljoen-kerf verbygesteek. Onthou: “Biljoen”…

Toe Zayn onlangs sy Instagram skoonvee, het aanhangers van dié voormalige One Direction-lid geweet hier kom iets groots. En toe is dit ook so. Want kort daarna het hy aangekondig ons kan nuwe musiek van hom verwag. En die internet was meer as gereed vir Zayn om weer sy plek in die musiekwêreld vol te staan. Zayn (30) se sangloopbaan was byna drie jaar op hiatus, en op 21 Julie het hy sy stilte beëindig met die liedjie “Love Like This”. En sy aanhangers het mal gegaan: “Die flieks Oppenheimer en Barbie, én nuwe Zayn-musiek? Dis te veel om te hanteer!” en: “21 Julie is die beste dag van die jaar.” Maar nuwe musiek was nie ál verrassing wat die Zquad onlangs gekry het nie. Hy het ook voor die…

TROPIESE storm Ana. Tropiese sikloon Batsirai. Tropiese storm Dumako. Tropiese siklone Emnati en Gombe. Dis almal hewige storms wat die suidooste van Afrika en Madagaskar in die eerste ses weke van 2022 getref het. Meer as ’n miljoen mense is geraak en sowat 230 is dood. Navorsers van die groep World Weather Attribution (WWA), ’n netwerk van wetenskaplikes, sê die klimaatskrisis is die oorsaak van hierdie kwaai storms. Hul studies toon aardverhitting en die intensiteit wat met dié storms gepaardgaan, beïnvloed die reënval. KLIMAATSVERANDERING EN AARDVERHITTING Klimaatsverandering is deel van die natuurlike omgewingsveranderinge wat oor honderde jare plaasvind. Dis wanneer weerstoestande, soos die temperatuur en reënval, begin afwyk van hoe dit vir ’n lang tyd was. Dié veranderinge kan eindelik ’n uitwerking op die hele Aarde hê. As die gemiddelde…

Nóg ’n prettige seisoen van Die Babbelbende lê nou voor! Kom kyk saam na Seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

AN die begin van die maand het hy ’n seremonie op Witrivier gehou, daarna op Hartbeespoort. Einde van die maand is hy op Parys, en later vanjaar in Kaapstad. Daar is reeds 25 troues in sy dagboek aangeteken vir die res van die jaar, en hy sal vir elkeen op reis gaan. Sedert Henna Erasmus (53) twee en ’n half jaar gelede besluit het om die kerklike bediening te verlaat en ’n reisende huweliksbevestiger te word, het hy reeds omtrent 260 troues behartig, reken hy. Dié reise agter verliefde paartjies aan neem hom letterlik reg oor die land. “Dit werk uit op so tussen een en drie seremonies per week, afhangende van die seisoen,” sê hy. Geen wonder hy staan op sosiale media as “Henna the ‘I Do’ Guy” bekend…

MET sy eerste asemteug het hy al wêreldnuus gemaak, want die babaseun wat op 22 Julie 2013 in die Lindo-vleuel van die St. Mary-hospitaal in Londen gebore is, was nie net nog ’n oulike pop nie, maar die toekomstige koning van Engeland. Die afgelope dekade het ons prins William en Kate se eersteling sien grootword van ’n pasgebore baba toegedraai in ’n wit kombersie tot ’n beleefde, selfversekerde jong seun. Op 10 is prins George Alexander Louis soos baie seuns van sy ouderdom lief vir pret en mal oor enjins, vliegtuie en sport. Maar sy lewenspad is al met geboorte vir hom uitgelê – om eendag die Britse troon te bestyg. OM ’N MONARG GROOT TE MAAK Die prins en prinses van Wallis “probeer doelbewus ’n gevoel van normaliteit vir…

TANSEY COETZEE Die voormalige Mej. Suid-Afrika sit nooit ’n modevoet verkeerd nie en was haar stylvolle self by ’n Barbie-première in Johannesburg. “Om op te dress begin op die ouderdom van drie en eindig nooit regtig nie, so my innerlike kind het gegil van vreugde,” sê Tansey. Sy het ’n pragtige pienk uitrusting deur die ontwerper Piillz Poizn gedra saam met bypassende pienk hakskoene. Irene van The Zhoosh Cut het haar krulle perfek stileer. “Dit was soveel pret om Barbie te kyk, te sien hoe ver Barbie oor die jare gekom het en om aan jong meisies te wys dat alle Barbies op hul eie manier pragtig is. Wat ’n droom wat waar geword het,” sê sy. MEL VILJOEN Daar word dikwels aanlyn na Die Real Housewivesvan Pretoria-deelnemer as ons…

DIT lyk asof KYLIE JENNER gereed is om die strydbyl te begrawe en met haar vriendin uit haar kinderjare, JORDYN WOODS, vrede te maak. ’n Verneukdrama het die afgelope ruk ’n wig tussen dié twee ingedryf. Die werklikheidstelevisiester en haar voormalige beste vriendin is onlangs gewaar waar hulle ’n restaurant in Los Angeles verlaat. Volgens bronne is Jordyn (25) die een wat ’n olyftakkie na Kylie (25) uitgereik het. “Jordyn het na Kylie uitgereik om jammer te sê oor hoe alles uitgespeel het, en om vir haar te sê sy is lief vir haar,” vertel ’n bron aan People. Hul vriendskap het in Februarie 2019 doodgeloop toe Jordyn vir TRISTAN THOMPSON (32), die pa van Kylie se suster KHLOÉ KARDASHIAN (39) se kinders, op ’n huispartytjie gesoen het. Die verraad…

1 GIGI VASGETREK OOR DAGGA GIGI HADID het op haar onlangse vakansie in die Kaaimanseilande met die gereg gebots omdat sy met dagga betrap is. Die model (28) en ’n vriendin, Leah McCarthy, was verlede maand in polisieaanhouding nadat hulle met ’n privaat straler op die eilandgroep aangekom het. Gigi het skuld beken en ’n boete betaal, maar geen skuldigbevinding is aangeteken nie. Volgens haar verteenwoordiger het Gigi die dagga wettig in Amerika vir “medisinale gebruik” gekoop en haar misdaadrekord bly dus skoon. 2 TIGER SE EKS LOS REGSGEDING TIGER WOODS se eksmeisie ERICA HERMAN (39) het haar regsgeding van $30 miljoen (R534 miljoen) teen die gholfspeler laat vaar. Erica het Tiger (47) se boedel in 2022 gedagvaar en beweer sy is onregverdig uit die huis gesit wat sy met hom gedeel…

Graham het uit Suid-Afrika in ’n videooproep in die hof getuig. Hy is sedert November 2021 terug in Suid-Afrika nadat hy die kinders in Oktober 2021 in Timaru laat veras het en hul as saamgebring het. Hy werk by ’n hospitaal in Pretoria. Lauren bly tans in die Hillmorton Psigiatriese Hospitaal in Nieu-Seeland. Een van Lauren se vriendinne, Nina (’n skuilnaam), het aan Huisgenoot gesê Lauren mis haar kinders en sy gesels met hulle in die tuin van die hospitaal wanneer sy die blomme plant wat mense vir haar gestuur het. “Daar in die tuin tussen die blomme gesels sy met haar dogtertjies. Daar kom soms drie voëltjies en vlieg om en naby haar, wat haar ’n bietjie vertroosting gee.”…

Hoewel niemand van ver af sal kan bespiegel oor wat in Lauren se gemoed aangaan nie, het dr. Jaco Naudé, ’n sielkundige van Pretoria, ingestem om aan Huisgenoot te verduidelik hoe nageboortelike de-pressie oor die algemeen werk. “Alle boodskappe wat die brein absorbeer, word na die amigdala gestuur. Die amigdala stuur dan die boodskappe na die hippokampus. Die hippokampus se werk is om sterk im-pulse soos woede, hartseer en vernedering te versag. Die intensiteit word versag. Wanneer die hippokampus elke keer met pynlike emosies oorlaai word, word dit nes ons foonbatterye pap. Dit beteken dit kan nie die emosies versag nie. Dan ervaar jy daardie intense emosies wat tot oordadige reaksie kan lei.” In die geval van nuwe ma’s kan die gevoelens besonder sterk wees indien die hippokampus dit nie…

DIE maande se wag voor haar kosbare kinders op die vliegtuig sou klim, was eintlik soveel erger as die dag waarop hulle eindelik van haar af weggevlieg het. “Ek het die meeste van my treurwerk gedoen terwyl hulle in die huis was,” vertel Nianell vandag oor haar drieling wat onlangs Nederland toe verhuis het om daar by hul pa te gaan bly. Dis ’n yskoue dag in Johannesburg en ons sit in die sangeres se sitkamer en gesels. Ná die fotosessie kry sy so koud dat sy ’n kombers gaan haal. Sy trek die kombers nou selfs stywer om haar skouers, asof haar drie dogters se afwesigheid die koue meer byt gee. “Ek het die laaste ses maande voor hulle sou vlieg baie drukkies en soentjies gegee en spesiale dinge…

t – teelepel/s e – eetlepel/s k – koppie/s VERRUKLIKE APPELTERT LEWER 1 GROOT TERT (27 CM IN DEURSNEE) BEREIDING: 30 MIN. / GAARMAAK: 50-60 MIN. Onderin kry hierdie appeltert tuisgekookte appelmoes. Daarna word ’n kaaskoekvulsel oorgeskep voor dit sierlik afgerond word met kringe appelskyfies. Nie net sag op die oog nie – dis ook ongelooflik lekker! VOEDSEL-VERWERKERDEEG ◗ 200 g botter, in stukkies gesny◗ 180 ml (¾ k) versiersuiker◗ 500 ml (2 k) koekmeel◗ 80 ml (⅓ k) mielieblom◗ yswater APPELMOES ◗ 4 geskilde appels, ontkern en in stukkies gesny◗ 200 ml vars lemoensap (sowat 3 lemoene)◗ fyngerasperde skil van 1 lemoen MAASKAASVULSEL ◗ 100 g gladde geroomde maaskaas◗ 60 ml (¼ k) romerige natuurlike jogurt◗ 7,5 ml (1½ t) mielieblom◗ sap en gerasperde skil van halwe suurlemoen◗ 1…

KRY DIT HIER CHECKERS.CO.ZA, 0800-010-709; MAKRO.CO.ZA, 0860-300-999; MRPHOME.COM, 064-584-1000 (WHATSAPP); PEPSTORES.COM, 086-073-7000; STOREANDMORE.CO.ZA, 011-314-0002; WOOLWORTHS.CO.ZA, 0860-022-002; YUPPIECHEFCOM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFER NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY MA BEHEER MY HEELTEMAAL V Ek het my werk aan die begin van die jaar verloor en moes as 25-jarige vrou terugtrek na my ma toe. Nou beheer my ma my lewe heeltemal. Hoe laat ek mag gaan slaap en wat om te eet. Ek mag nie eens die erf verlaat sonder haar toestemming nie. Wanneer ek wel uitgaan, ontaard dit in…

DIE BELAGLIKE BAK EN BROU BOHAAI Deur DE WET HUGO Illustrasies: STEPHEN WALLACE Human & Rousseau, R206* De Wet Hugo is ’n laerskoolonderwyser en kinderboekskrywer – ’n mens sou dink hy raak dik vir sy teikengehoor, maar toe nie: “Natuurlik gaan ’n onderwyser altyd deur ’n kind of twee gefrustreer word, maar ek kan gelukkig met ’n skoon gewete erken ek sal darem nooit moeg raak vir kinders nie. Ek is baie lief vir kinders én kinderboeke. “Dit beteken nie dat ek nie my pouses saam met volwasse geselskap elke dag baie geniet en waardeer nie. Wanneer die kinders pouses met my probeer gesels, sê ek altyd: ‘Okay, go now. I need some grown-up conversation’, en dan lag hulle lekker voor hulle uithardloop.” Ná 12 jaar van skoolhou in Djedda,…

CHINA het begin werk aan ’n boorgat wat eindelik ’n ongelooflike 11 km diep sal wees. Dit sal die diepste boorgat in China wees maar nie die diepste wêreldwyd nie. Met dié projek wil China areas diep onder die Aarde se oppervlak bestudeer. Die boorwerk sal deur strata (sien Woord van die Week) gaan wat sowat 145 miljoen jaar oud is. Dit strek dus baie verder terug as toe die eerste oermense waarskynlik tussen 5 en 7 miljoen jaar gelede die Aarde begin bewoon het. Die Chinese president, Xi Jinping, sê verkenningsprojekte so diep in die grond is ook belangrik omdat dit mineraal-en energiebronne kan help opspoor. Boonop kan wetenskaplikes só meer oor omgewingsrampe soos aardbewings en vulkaniese uitbarstings te wete kom. Die gebied waar die gat geboor word, in…

Vigdís Finnbogadóttir is op 1 Augustus 1980 as die president van Ysland ingehuldig, die eerste vrou wêreldwyd wat demokraties tot staatshoof verkies is. Sy het aanvanklik as jong meisie daarvan gedroom om ’n skeepskaptein te word, maar toe Franse letterkunde en teatergeskiedenis in Frankryk en Denemarke gaan studeer. Vigdís was nie net as president ’n politieke baanbreker nie. Ná haar egskeiding in 1963 het sy die eerste enkellopende Yslandse vrou geword wat toegelaat is om ’n kind aan te neem. Dit het haar dus ook jare later die eerste enkelma gemaak wat tot staatshoof verkies is. In die aanloop tot die 1980-verkiesing het die Yslandse vroueregtebeweging sterk op dreef gekom: 90% van die land se vroue het byvoorbeeld aan ’n staking deelgeneem om te wys vroue se belangrike werk word…

Wanneer jy aan die 21-jarige Amerikaanse sangeres dink, dink jy aan treffende lirieke wat sy met haar asemrowende stem lewe gee. Jy dink nie juis aan Billie as iemand wat op die klankbaan van Barbie sal verskyn nie. Sy sê self sy het gehuiwer toe hulle haar oor die projek nader, maar toe sien sy die fliek is allesbehalwe oppervlakkig. En natuurlik is ons baie bly sy het ingestem, want nou kan ons die liedjie “What Was I Made For?” geniet, en dis een van ons gunstelingliedjies op Barbie se klankbaan. Hoe goed ken jý die Grammy-wenner? Doen ons vasvra en kyk. 1 Billie het onlangs gesê dat dié sangeres ’n groot invloed op haar musiek gehad het, en dat sy selfs die agtergrondfoto op Billie se eerste foon was.…

AL IS Tom Holland een van die blinkste sterre in Hollywood, een oor wie ’n hele geslag meisies romantiese drome koester, het hy lank ’n algemene en selfs alledaagse probleem gehad – een waarmee baie van Huisgenoot se lesers dalk ook kan identifiseer. Hy kon net nie ontspan as daar nie ’n dop in sy hand was nie. ’n Mens sou dink iemand met sy voorkoms, talent en geld het geen rede om aan homself te twyfel nie. Maar Tom vertel die gedagte om ’n sosiale geleentheid by te woon of ’n kuierplek te besoek sonder ’n bier of glas wyn was vir hom ondenkbaar. Nes baie ander mense het hy drank nodig gehad as ’n sosiale smeermiddel, iets wat die ergste byt uit die sosiale ongemak neem en hom…

2 JAAR Sy ouderdom met sy eerste verskyning op ’n posseël. Dit was saam met Charles, William en koningin Elizabeth ter herdenking van haar 90ste verjaardag 1,91m Prins William se lengte, wat George na verwagting sal bereik of oortref. £2,77 MILJARD (R64 MILJARD) George se geraamde rykdom uit sy posisie as koninklike en erfporsies wat hy sal kry. 2 Op soveel koninklike toere was George al saam met sy ouers – na Australië en Nieu-Seeland in 2014 en Duitsland en Pole in 2017. 2 Die getal tale wat George verstaan. Benewens Engels ken hy Spaans, wat hy by die gesin se kinderoppasser, Maria Borrallo, geleer het.…

IN DIE eerste seisoen was daar agterbaksheid, drama en ’n hele paar bykosse waarvan g’n mens al ooit gehoor het nie. In hierdie seisoen gaan loer bekendes soos JAKKIE LOUW, CINDY SWANEPOEL, AMOR VITTONE, GERHARD STEYN, NEELS VAN JAARSVELD, TERENCE BRIDGETT, MAR-GIT MEYER-RÖDENBECK en ANGELIQUE GERBER by doodgewone mense in vir ’n braai. Die jongste seisoen is vroeër vanjaar oor drie maande landwyd geskiet. “Kom ons braai: celebs beteken altyd daar is opwinding in die lug,” sê Amor Engelbrecht, vervaardiger van die reeks. “Spanne sien baie daarna uit om bekendes in hul huise te onthaal, maar dit lei natuurlik ook tot spanning, want hulle wil met hul braaivernuf beïndruk.” Die deelnemers weet nie vooraf watter twee be-kendes gaan opdaag nie, wat tot die opwinding bydra. “Dit was vir ons belangrik dat…

PARIS HILTON EN NICOLE RICHIE Hulle was die besties op almal se lippe in die 2000’s, maar dinge het versuur toe Nicole (41) glo op ’n partytjie ’n deel van Paris (42) se berugte seksvideo ge-speel het. “Nicole weet wat sy gedoen het, en dis al wat ek daaromtrent sal sê,” het Paris laat hoor toe sy oor hul onenigheid in 2005 uitgevra is. Hulle het jare later die gedoente agtergelaat en Nicole het selfs in 2021 Paris se troue saam met Carter Reum (42) bygewoon. JADA PINKETT SMITH EN GABRIELLE UNION Jada (51) en Gabrielle (50) het 17 jaar lank min ooghare vir mekaar gehad, maar nie een van die twee kan sê van waar dit gespruit het nie. Die aktrises het eindelik in 2018 op Jada se geselsprogram…

Drie kurrikulumgebaseerde pakkette is reeds beskikbaar: ◼ Sosiale Wetenskappe: Geografie ◼ Sosiale Wetenskappe: Geskiedenis ◼ Lewensvaardighede BINNEKORT BESKIKBAAR ◼ Wiskunde ◼ Natuurwetenskappe en Tegnologie > Elke pakket bevat ’n verskeidenheid goed nagevorsde artikels met foto’s, infografika en video’s wat die inhoud op ’n toeganklike en interessante manier aanbied. > Dit is gegroepeer volgens vakke en onderwerpe en kan jou kind help om klaswerk te verstaan en huiswerk te doen. Dit kan ook help met mondelinge, take en ander skoolprojekte. Besoek huisgenootjunior.com…