Innehållsförteckning för 21 September 2023 från Huisgenoot

BINNE ◼ Frankryk as gasheer ◼ Onvergeetlike rugby-oomblikke ◼ Die bynaam-Bokke ◼ Die reis na die beker in1995, 2007 en 2019 ◼ Rekords ◼ Raad van die kantlyn af ◼Brekers en hul bokkies ◼ Rugbyraaisels en-resepte AANLYN media24.shop.com of huisgenootwinkel.com E-POS koop@huisgenoot.com BEL 021-406-4962…

ELKE keel in die land was hees soos mense geskree het toe die Springbokke verlede Sondag in Marseilles teen die Skotte uitgedraf het vir hul eerste Wêreldbekerwedstryd. En een stem het selfs harder as al die ander opgeklink. Op haar rusbank in Ballito het Anlia Etzebeth haar volledig in die oomblik ingeleef toe die Bokke op die veld uitdraf. Hoe dan anders? Want onder hulle was die liefde van haar lewe, die ysterslot Eben Etzebeth. Anlia moes jaag om betyds voor die kassie te wees vir die groot oomblik. Sy is in eie reg as aktrise en sangeres bekend, en het die vorige dag in Polokwane opgetree. Boonop moes sy kort voor Suid-Afrika se openingswedstryd nog in Johannesburg vir Huisgenoot se voorbladfotosessie voor die kamera poseer voor sy haar na…

OP DIE lowergroen gholfbaan in Mbombela verbreek net die sporadiese klapgeluid van ’n dryfyster teen ’n bal die Laeveldse stilte. Hier en daar kruie gholfkarretjies van die een putjie na die ander. Op die 18de putjie hou Meiring de Clercq (33), ’n siviele ingenieur, stil en kies ’n stok uit sy gholfsak. Maar hy klim nie uit nie, want sy “gholfkarretjie” is in der waarheid ’n baie spesiale rolstoel. Hy druk ’n knoppie op die beheerpaneel voor hom en ’n hysmeganisme lig hom orent. Van onder sy keps loer hy na die gaatjie en speel sy hou. “Well done, Meirie!” roep sy vriend Luan Fourie terwyl hulle die bal agternakyk. Tevrede met sy hou druk Meiring nog ’n knoppie. Die vierwielrolstoel begin vorentoe beweeg en sy vier gholfmaats stap saam.…

SJIEK GEMAK Veelsydige en gemaklike sandale is steeds ’n gunsteling dié seisoen. DIAMANTÉ-DETAIL Hoëglans-skoene bly gewild, en ons hou veral van diediamanté-detail waarmee dit afgerond word. WIGHAKKE Die klassieke skoen het ’n tweede asemgekrymet nuweloopplankkleure en -ontwerpe. VANG DIE OOG Laat elke tree tel in uitsonderlike kleure, patrone en ontwerpe. LAE BLOKHAKKE Kies klassieke lae blokhakskoene vir ’n gemaklike en stylvolle afronding van jou uitrusting. SKAARS DAAR Dun, fyn bandjies is ’n groot neiging dié seisoen. KNALHELDER Waag met skoene wat jy nie kan miskyk nie en staan uit in die seisoen se gunstelingkleure. PERSPEKS-TIEF Deursigtige hakke en dele in perspeks sluit aan by die minimalistiese voorkoms wat tans gewild is. KRY DIT HIER COTTON ON 087-550-4383; EXACT0860-834-834; FOREVERNEW.CO.ZA; FOSCHINI 0860-834-834; H&M 0860-690-707; MANGO.COM; MILADYS 0800-212-535; MR PRICE 0800-212-535; SUPERBALIST.COM;…

DEURE wat toegeklap word, stilstuipe en ’n kind wat ure lank in sy kamer wegkruip. Dit is waarskynlik net gewone tienernukke, dink jy. Tog kan jy nie help om soms te wonder of daar dalk meer daaragter skuil nie – en dan voel jy bekommerd. Want soos baie ander mense het jy gehoor tienerdepressie neem toe. Die Suid-Afrikaanse Depressie-en-Angsgroep (Sadag) sê wêreldwyd word ’n geestesiekte, dikwels depressie, by tot een uit sewe kinders tussen 10 en 19 jaar gediagnoseer. Meer kinders neem hul eie lewe; dit is die vierde grootste oorsaak van sterftes onder tieners. Ook in Suid-Afrika wys navorsing depressie onder tieners is algemeen. Om ’n tiener te wees is verwarrend en uitdagend. Die tienerfase is die oorgangstyd tussen kind en grootmens, sê Hanlie Boshoff van Pretoria, ’n terapeut…

OU VRIENDE HERENIG Dakota (29) was net nege jaar oud toe sy in 2004 die eerste keer teenoor die veteraanakteur Denzel Washington (68) in die fliek Man on Fire verskyn het. Nou, twee dekades later, word die twee herenig in die laaste fliek in die Equalizer-reeks. In die derde aflewering van dié fliekreeks bevind die voormalige soldaat Robert McCall (Denzel) hom in ’n rustige Italiaanse dorpie waar die inwoners onder die Mafia se beheer leef. Robert spring dan in om sy nuwe vriende te help. Dakota vertolk die rol van Emma, ’n agent vir die Amerikaanse geheimediens, wat Robert begin help. “Om een keer saam met Denzel te werk, is ’n droom wat waar geword het. Om dit twee keer te doen – ek het nie eens woorde nie,” het…

FLORINDA (27) Kykers het Florinda in 2021 leer ken toe sy liefde gevind het by die akteur Neels van Jaarsveld in die eerste seisoen van die maatsoekreeks Op my eish!. Hul paadjies het sedertdien geskei. Sy woon in Gauteng en besit ’n skoonheidsalon. Florinda is reg vir die taak op hande. “Wie nie waag nie, wen nie. En boonop geniet ek die televisiebedryf.” CHERITH (41) Die Kaapstadse navorsingsielkundige is avontuurlustig en hou van nuwe lewenservaringe – dit is iets wat sy glo haar as mens laat groei. “Ek het die eerste seisoen gekyk en gedink daardie uitdagings sou ek self kon voltooi,” sê Cherith. “En boonop sal dit wonderlik wees om die kontant te wen.” MONIQUE (23) Monique van Brits is die eienaar van ’n meubelfabriek en aanlyn meubelwinkel. Sy…

1 Joshua is ’n gesinsman. Hy en sy vrou, Danél, ’n spraakterapeut, het twee dogters, Anan (9) en Elgin (6), en ’n seuntjie, Lonan (4). 2 “Ek het groen vingers en is baie lief vir tuinmaak,” sê Joshua. “My gunstelingboom is ’n akkerboom, en ek is mal daaroor om buite in die natuur te wees.” 3 “Ek hou daarvan om staptoere te doen en is al klaar besig om planne te maak om hopelik dié jaar nog die Amatolastaproete in die Oos-Kaap te gaan stap.” 4 Joshua en sy gesin is toegewyd daaraan om minder vleis te eet. “Ons sal doelbewus net drie dae per week vleis eet, die res van die week sal ons eerder vegetariese en veganistiese geregte eet. My gunstelingvleislose gereg is my vrou se kekerertjieburgers.” 5…

WEEGSKAAL 23 SEP – 22 OKT Soos die son op die 23ste in jou teken sak, word jy daaraan herinner dat jy ’n verjaardag het om te beplan en te vier. Met energieke Mars wat steeds deur jou teken beweeg, het jy oënskynlik genoeg energie en dryfkrag om dit sommer eiehandig te doen. Dit lyk of jou wederhelf op die oomblik in ’n taamlik vrygewige bui is, so al het hulle dalk gekla dat jy te veel geld blaas, toets die grense om te kyk wat jy kan regkry. GELUKKIGE NOMMERS 22, 31, 39, 49, 32, 23 LIBRA SE WERKOMGEWING ◼ Jou leuse is: Iets moois bied ewige vreugde. ◼ Jy hou van vars blomme, sagte beligting en strelende kleure. ◼ Jou kantoormeubels moet klassiek, dog elegant wees. ◼ ’n…

Nóg ’n prettige seisoen van Die Babbelbende lê nou voor! Kom kyk saam na Seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

HAAR lewe het soos handomkeer verander sedert sy verlede maand as Mej. Suid-Afrika gekroon is. Sedertdien is haar dagboek propvol en sit sy nie ’n oomblik stil nie. Die beeldskone NATASHA JOUBERT was onlangs vier dae op Mauritius vir haar amptelike Mej. SA-fotosessie. “Ek het elke liewe oggend vieruur opgestaan en elke aand omtrent net drie tot vier ure geslaap. Ons het met sonsopkoms en in die aand op die strand foto’s geneem,” vertel sy. Dit was die tweede keer vanjaar wat sy haar op die prentjiemooi eiland bevind. Sy was in Junie vir die eerste keer daar saam met haar mededeelnemers met die verfilming van die kompetisie se reeks, Crown Chasers. “Toe ek saam met die ander vroue hier was, het ons nie regtig tyd gehad om die eiland…

Drie kurrikulumgebaseerde pakkette is reeds beskikbaar: ◼ Sosiale Wetenskappe: Geografie ◼ Sosiale Wetenskappe: Geskiedenis ◼ Lewensvaardighede BINNEKORT BESKIKBAAR ◼ Wiskunde ◼ Natuurwetenskappe en Tegnologie > Elke pakket bevat ’n verskeidenheid goed nagevorsde artikels met foto’s, infografika en video’s wat die inhoud op ’n toeganklike en interessante manier aanbied. > Dit is gegroepeer volgens vakke en onderwerpe en kan jou kind help om klaswerk te verstaan en huiswerk te doen. Dit kan ook help met mondelinge, take en ander skoolprojekte. Besoek huisgenootjunior.com…

1 ‘EK TEL DIE ROSYNTJIES IN DIE PAASBOLLETJIES’ Raymond Ackerman is op 92 oorlede. In sy laaste onderhoud met Huisgenoot het hy vertel hoe hy lank ná sy uittrede nog gehaltebeheer toegepas het Rus in vrede, mnr. Ackerman. Namens die miljoene Suid-Afrikaners wat oor soveel jare gekoop het by die winkelgroep wat jy gebou het, en wat steeds doen, baie dankie vir al jou werk vir die samelewing. RUDIE Hy was ’n regte mense-mens. Iemand wat soveel vir ander mense omgegee het, moet geprys word. Rus in vrede, ou grote. Ons harte is seer, maar ons gun jou die rus. Sterkte vir die vrou, kinders en breë familie. Mooi loop. MARIE Jou naam sal jou altyd ver vooruitgaan, mnr. Ackerman. Rus in vrede, my uncle. Ek onthou nog toe jy lank…

IN KRUGERSDORP aan die Wes-Rand kyk ’n jong seun met groot oë na sy ma, Kezia Mc Alpine. Vergelyk ’n mens hom met foto’s van sy pa, is hy ’n klein ewebeeld. Maar foto’s is die enigste manier waarop dié kind sy pa kan sien. Kevin Mc Alpine, ’n finansiële makelaar van Krugersdorp, is op 26 Mei 2016 wreed vermoor nadat hy vir ’n werkafspraak opgedaag het. Hy was maar 29 jaar oud. Kevin was die tweede laaste van Electus per Deus se 11 slagoffers wat tussen 2012 en 2016 vermoor is. Die baasbrein, Cecilia Steyn, Marinda Steyn, Marinda se kinders, Le Roux en Marcel, Zak Valentine asook John Barnard (sien nota onder) sit in die tronk en dien tussen die ses van hulle meer as 1 000 jaar se…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MOET EK EERDER ANDER WERK SOEK? V Ek is in my 50’s en werk vir ’n man by wie ek die laaste ruk bly. Sy kantore is by sy huis. Hoewel ek onlangs weer my eie blyplek gekry het, verg my werk soveel aandag dat ek steeds by hom oorslaap. Ons stry baie oor sy soort vriende en sy drankmisbruik. My dogter en…

WAAROOR GAAN DIT? In dié VIA-program bring agt vroue van reg oor die land 10 dae saam in ’n huis deur om vir die titel van Suid-Afrika se toptrouvrou mee te ding. Nes voorheen slaan die wenner nie ’n trouman los nie, maar kan ’n vet kontantprys van R300 000 huis toe neem. Die reeks vra die vraag: Hoe lyk die moderne trouvrou? “Ons is baie opgewonde oor nog ’n seisoen,” sê Zandri Douglas, regisseur van die reeks. “Hierdie formaat is propvol verrassings en hou deelnemers en kykers op hul tone.” HOE WERK DIT? Nes in die vorige seisoen hou elke dag ’n klein en groot uitdaging in. “Ons toets dieselfde eienskappe as in die eerste seisoen, maar net op ’n baie anderse manier,” sê Zandri. In hierdie seisoen kan…

1 Kort nadat Simoné aangekondig het sy is weer swanger, het die produksiespan uitgevind Sherlin is ook swanger, met ’n tweeling nogal. 2 ’n Week voor die verfilming het die Paarl amper weggespoel. “Ons was so benoud, Pop24 het vir die hele produksiespan gumboots en reënbaadjies gekoop. Toe reën dit net een keer,” sê Zandri. 3 Die produksiespan is vol lof vir Tannie Emsie. “Sy is ’n absolute legende en word in Desember 90 jaar oud. Ek haal my hoed af vir haar,” sê Zandri. 4 Die rapper Early B kom maak ’n draai in een episode as ’n gasaanbieder. Simoné se ma, Tinkie Nortmann, wys ook gesig. 5 Benewens die kontant wen die wenner ook ’n MUD-grimeringgeskenkbewys en twee aande se verblyf in The Residence op die Vrede en Lust-wynlandgoed.…

GROOT BLOKRAAI WEN ’N BOEK TAFELBERG KOM IN AANMERKING VIR DIE MAANDELIKSE TREKKING VAN R1 000. NO 2 510 KOMPETISIEVRAAG Watter reptiel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Rapport 30 beste Bokke deur Dawie Boonzaaier (Tafelberg, R350). Wie is die beste Springbok van die moderne era? Hoe kies jy tussen Bakkies Botha en Eben Etzebeth? Moet Os du Randt of Beast Mtawarira jou skrum anker? Sou Juan Smith vir Pieter-Steph du Toit disnis duik? Dié vrae, en soveel meer, word deur ’n gesaghebbende paneel van voormalige Bokafrigters soos Carel du Plessis, Nick Mallett, Jake White en Peter de Villiers beantwoord. Van ons top-rugbyskrywers bied insae, foto’s en staaltjies. Die beste seges…

1 Watter kitskos het British Airways onlangs aan hul passasiers voorgesit? 2 Wie het die 100 m vir mans op die onlangse Wêreldatletiekkampioen-skapsbyeenkoms gewen? 3 Watter land in Afrika het in Augustus ’n staatsgreep beleef? 4 Wat noem jy ’n spesie wat op land én see kan leef? 5 Wat is die grootste biblioteek in die wêreld? ANTWOORDE 1 KFC 2 Noah Lyles 3 Gaboen 4 Amfibieë 5 British Library BRONNE: THE GUARDIAN, CNN, EUROSPORT.COM, BRITANNICA.COM, SOLARSYSTEM.NASA.GOV, GOODNEWSNETWORK.ORG, NEWSFORKIDS.NET, USOPEN.ORG…

RUGBY: DEEL 3 VAN 4 WÊRELDBEKER 2023 VOORSPELERS (NO. 1-8) Moet besit van die bal wen. Bind saam in skrums, lyn op vir lynstane en probeer die bal in losskrums en losgemale verkry. LOSKOPSTUT Stutte is groot, swaar, kragtige spelers wat in die voorste ry van die skrum stoot om hul teenstanders te probeer terugdruk. Die loskopstut is links en sy kop is aan die buitekant van die skrum. SLOT Slotte stoot in die tweede ry van die skrum. Hulle is gewoonlik baie lank, wat hulle perfek maak vir lynstane, waar hulle die meeste van die balle vang. Slotte gebruik ook hul hoogte om die bal ná ’n afskop te vang. BLINDEKANTFLANK Flanke moet altyd gereed wees om weg te breek van die skrum om die bal na te jaag.…

DALK het jy al gehoor van opgaarders – mense wat hul huis vol allerlei dinge prop tot hulle hulle skaars kan roer. Gelukkig is jy nie so nie, dink jy dalk. Daar staan tog nie stapels ou boeke en tydskrifte in jou gange nie, jou motorhuis is nie vol stukkende masjiene en bokse ou speelgoed nie. Maar wat maak jou so seker jy is nie wel ’n opgaarder nie? ’n Belgiese fotograaf het onlangs besluit om al die besittings in haar huis – selfs elke dingetjie in haar laaie en kaste – een vir een af te neem. En tot haar verbasing het sy besef haar huis – wat op die oog af so netjies en ge-orden lyk – is eintlik redelik deurmekaar en so volgeprop soos ’n kraaines. Barbara…

JAWAAHIER PETERSEN Sy het haar lewensverhaal gedeel van hoe ’n motorongeluk byna haar lewe as kind geëis het, hoe haar pa, Taliep Petersen, se dood haar geruk het en hoe haar loopbaan as aktrise begin het. “Ek het my ma, Madeegha Anders, saamgebring, want my ma het die paadjie saam met my gestap. Sy was daar deur die trane, en sy was by my toe ek die oproep kry dat ek ’n permanente rol in Suidooster gekry het.” Haar sangeres-ma kon nie die trane keer toe Jawaahier haar storie vertel nie. “Ek het gehuil omdat ek haar die eerste keer haar waarheid hoor praat het. Sy was die kind wat nie altyd oor haar pyn gepraat het nie,” sê Madeegha. “Toe ek dit vandag hoor, het dit my baie emosioneel…

t – teelepel/s e – eetlepel/s k – koppie/s KAAS-EN-KRUIE-BROOD LEWER 1 GROOT BROOD / BEREIDING EN GAARMAAK: 40 MIN. Hier is ’n slim en maklike manier om jou winkelbrood ’n nuwe baadjie te gee. Almal om die tafel sal mal wees daaroor. Gebruik jou gunstelingkaas en pas die kombinasie van kruie aan met wat ook al jy in jou kas het. ◗ 1 groot vars of dag oue suurdeeg-of ciabattabrood◗ 200 g beleë cheddar of ’n kaas van jou keuse, grofgerasper◗ ’n hand vol vars pietersielie of tiemie (opsioneel)◗ sout en peper, na smaak◗ 125 g botter, gesmelt Voorverhit die oond tot 200 °C. Hou ’n groot vel foelie of bakpapier byderhand. 1 Sny die brood met ’n baie skerp broodmes in ’n diamantpatroon, maar wees versigtig om nie…

SWARTVrydag en Kuber-Maandag is om die draai en natuurlik al die “spesiale pryse” vir vroeë Kersinkopies. En in die sosiale media word jy heeltyd met “onverbeter like aanbiedinge” gebombardeer. Hier is sewe slenters wat kleinhandelaars as lokaas gebruik om jou te laat koop en koop en koop. 1 BEPERKTE VOORRAAD! Wanneer handelaars aankondig dat iets “skaars is” en teen “ ’n goeie prys” beskikbaar is, wil hulle jou net vinniger laat koop. Want vir die winkel beteken “beperkte voorraad” moontlik ’n reusestoor vol eerder as 100 of minder items. Dieselfde geld vir iets wat “net vandag” op spesiale aanbod is. Hoewel dit in sommige gevalle so kan wees, is daar gereeld spesiale aanbiedings dwarsdeur die jaar. Doen dít: Wag tot die item weer op uitverkoping is wanneer jy dit werklik nodig…

EMSIE SCHOEMAN Tannie Emsie, Suid-Afrika se etiketkoningin, is weer in die paneel. “Dit was nogmaals uiters interessant en ’n heerlike ondervinding,” sê sy. “Die meisiekinders is so verskillend, elkeen met haar eie bekoring en besonderse talente. Met elke episode blink ’n ander een uit. Ek kon dit geniet.” SHERLIN BARENDS Dit was vir die omroeper en televisieaanbieder “wonderlik” om weer deel van die reeks te wees. “Dis altyd lekker om die geleentheid te kry om in Afrikaans te werk. Die agt vroue is divers en dinamies, wat briljant is vir televisie,” sê Sherlin. “Dis nooit maklik om mense, veral vroue, te beoordeel nie, maar dié is ’n kompetisie met R300 000 op die spel.” SEAN-MARCO VORSTER Die akteur sluit as ’n splinternuwe beoordelaar by die paneel aan. “Ek het gedink…

IT’S WONDERFUL ME: THE COLOUR-ING-IN BOOK Deur MAKHOSAZANA DE WETTE DLUDLA. Illustrasies deur DEDRÉ FOUQUET. Penguin Books, R180* ILLUSTRATED BY DEDRÉ FOUQUET Dis nou ’n inkleurboek met ’n verskil: Dis die verhaal van ’n lewenslustige en selfversekerde sesjarige Zoeloemeisie wat in KwaZulu-Natal grootword, omring deur die liefde van haar Mkhulu en Gogo. Die idee is om ’n positiewe selfbeeld en kulturele diversiteit te vier. Die inspirasie hiervoor is Makhosazana de Wette Dludla se eie grootwordjare op die plattelandse dorpie KwaMagwaza, tot Kaapstad en New York in haar kinderjare. Haar inkleurboek is ’n heerlike teenvoeter vir al die generiese pienk meisieprodukte op die mark. KATJA SE KATTESALON Deur ELSIBE LOUB-SER McGUFFOG. Illustrasies deur NATASHA CLAYTON. Naledi, R240 Omdat Katja se ouers nie wil toelaat dat sy ’n kat aanhou nie, besluit…

NOOD-EETPLAN Ek kyk gister deur my sitkamervenster en sien ’n klomp mense staan rondom ’n motorfiets wat geval het. Ek haas my buite toe en sukkel om deur die mense te kom terwyl ek skree: “Laat my deurkom, laat my deurkom.” Ek kry dit eindelik reg om voorte kom en een van die omstanders sê: “Dankie tog, is jy ’n dokter?” “Nee,” antwoord ek, “maar dit is my pizza wat hy kom aflewer het!” L. SAAYMAN CASANOVA Die gewildste outjie in die klas leun heeltyd oor en praat met die meisie langs hom. Eindelik vererg die onderwyseres haar en raas met hom omdat hy die klas ontwrig. “Ek het haar net ’n vraag gevra, juffrou,” antwoord hy ewe astrant. “As jy ’n vraag het, vra my,” kap die onderwyseres terug.…

IN 1972 was die tennisspeler Billie Jean King op die kruin van haar loopbaan. Maar sy het daardie jaar ook vir meer as net haar tennisvernuf die opskrifte gehaal. Nadat sy in 1972 die Amerikaanse Ope gewen het, het Billie Jean besluit om haar stem dik te maak oor die manier waarop prysgeld toe tussen die mans-en vrouewenner verdeel is. In 1972 het Billie Jean $10 000 gekry as wenner van die vrouetoernooi, terwyl die manswenner, Roemenië se Ilie Năstase, $25 000 betaal is. Billie het gesê dis nie regverdig nie, en ’n groot debat het daaroor gevolg. Die volgende jaar het die mansen vrouekampioen albei $25 000 verdien. Billie Jean het verder vir vroue baklei toe sy in 1973 deelgeneem het aan die sogenaamde Battle of the Sexes-wedstryd. Sy…

IN JUNIE is groot partytjie gehou by die kwekery hier op die plaas net buite Pretoria. Daar was ’n skaap op die spit, en daar’s gekuier en staaltjies vertel terwyl die manne met ietsie kouds in die hand gestaan het. Dit maak mos sin om fees te vier. Malanseuns Plesierplante is vanjaar 110 jaar oud. Ons gaste was almal kleinhandelaars aan wie ons produkte verskaf. Op ’n stadium het ek stil geword en na die mense om my gekyk. My gedagtes het oor vier geslagte teruggegaan. My oupagrootjie Danie Malan het in 1913 die eerste kommersiële kwekerytjie in die Transvaal hier op dié plaas begin. Ek wonder of hy kon droom dat Malanseuns 110 jaar later die grootste kwekery in Suid-Afrika sou wees? Dalk kon hy. Hy was ’n man…

DIS soos om die dobbelsteen te rol – ’n oudisie vir ’n rol wat nie in jou huistaal is nie. Maar vir Char Carrie was die geleentheid om in Suidooster te speel te belangrik om nié ’n kans te waag nie. “Ek het dit natuurlik gedoen omdat ek die rol wou hê,” vertel sy in Engels. “Maar in my agterkop het ek nie gedink ek sou dit kry nie. Dit was vir die ondervinding. Hoe meer oudisies ek doen, hoe meer sal ek myself blootstelling gee en gewoond raak aan die bedryf.” Maar toe rol die dobbelsteen die ses wat sy nodig gehad het, en nou kuier Char (25) al ’n bietjie meer as ’n jaar in Suid-Afrikaners se sitkamers as die borrelende karakter Angie Jantjies. Al weet sy al…

Bekendes en beroemdes woon graag haar konserte by sedert haar Renaissancewêreldtoer in Mei vanjaar begin het. Maar BEYONCÉ se verjaardagkonsert was die kersie op die koek. Die Grammywenner het haar 42ste verjaardag met ’n vertoning by die SoFi-stadion in Los Angeles gevier. Die gastelys was behoorlik ’n A-lys, met onder andere die Kardashians, Lizzo, Chris Rock, Katy Perry, Hailey Bieber en Kerry Washington, asook Kelly Rowland, Leonardo DiCaprio en Zendaya – selfs Jeff Bezos was daar. Beyoncé het konsertgangers gevra om hul beste silwer uitrustings aan te trek, en hulle het nie teleurgestel nie. In ’n emosionele toespraak het die sangeres haar aanhangers bedank. “My beker loop oor. Ek is so dankbaar om op hierdie verhoog te wees, en ’n veilige ruimte vir julle almal te kan skep,” het sy…

Dit het gelyk asof SOPHIE TURNER (27) en JOE JONAS (34) die perfekte balans tussen hul gesinslewe en uitdagende loopbane gevind het. Wat het dan skeefgeloop? Bronne in Joe se binnekring sê die ongelukkigheid broei al ’n rukkie. “Joe het eindelik ’n punt bereik waar hy voel hy het alle opsies uitgeput om die huwelik te red.” Hy het glo die bekende prokureur Tom Sasser aangestel, wat Tiger Woods se egskeiding hanteer het. Joe vra om gedeelde toesig oor Willa (3) en hul 14 maande oue dogtertjie – op die dokumente word sy DJ genoem. Joe, wat tans saam met sy broers Kevin (35) en Nick (31) toer, kyk al die afgelope paar maande na die kinders terwyl Sophie ’n nuwe misdaadreeks in Engeland verfilm. Dinge het glo in Desember…