Innehållsförteckning för 21 December 2023 från Huisgenoot

1 NOU GEREED VIR ’N NUWE HOOFSTUK Ondanks die seer van Mienke se dood, borskanker en haar egskeiding is Verna Mulder vasbeslote om ’n goeie voorbeeld vir haar kinders te wees Jy is ’n ystervrou. Ek is ook deur borskanker en weet dis ’n moeilike pad. Om ’n kind aan die dood af te staan moes bitter erg gewees het. Dan ook ’n egskeiding. Sterk wees, die Here het vir ons ’n doel. Gebede en drukkies. MARETNA Liefste Verna. Ek het jou storie in Huisgenoot gelees. Ek salueer jou dat jy nie derms uitryg oor jou egskeiding nie. Ryno bly jou dogters se pa. Mag die toekoms vir julle uitwerk. Jy is ’n sterk vrou, ek bid vir jou genesing. RETHA Verna is ’n ystervrou. Die lewe klap van alle kante,…

DIE liefde laat hom nie stuit deur afstand of landsgrense nie. Dít het haar bekendste karakter, Mardaleen, in die fliek Vergeet my nie geleer toe sy en Hugo Derks, wat deur die akteur Sean-Marco Vorster gespeel is, mekaar loop haal het, van Potch tot in Londen, en toe van Kaapstad tot in Namibië. Want die verlange sluk die kilometers mos in, en die hart hou koers al die pad verby doeane. En soms word die stories van die silwerdoek regtig egtig, maar op ander, onverwagte maniere. Hier sit sy vandag, die aktrise wat die rol van Mardaleen in Huisgenoot se tweede fliek vertolk het – verlief en verloof aan ’n man wat ook ’n ver pad na haar hart moes volg. “Rock Solid Roy”, noem sy hom. So Afrikaans soos…

t – teelepel/s e – eetlepel/s k – koppie/s NEKTARIENSLAAI GENOEG VIR 6 MENSE / BEREIDING: 20 MIN. / GAARMAAK: 5 MIN. Dis ’n heerlike slaai, perfek vir ’n aandete buite. SLAAI ◗ 4 middelslagnektariens, gehalveer, die pit verwyder en in kwarte gesny◗ kookolie-sproei◗ 390 g mozzarellakaas, in skywe gesny◗ 100 g dun gesnyde prosciutto◗ 60 g roketblare SLAAISOUS ◗ 15 ml (1 e) granaatmelasse◗ 30 ml (2 e) olyfolie◗ sout en vars gemaalde swartpeper, na smaak AFRONDING ◗ 60 ml (¼ k) grofgekapte pistasieneute◗ 30 ml (2 e) granaatpitte 1 Slaai Verhit ’n riffelpan oor matige hitte. Bespuit die nektariens liggies met die kookolie en braai die vrugte tot liggies geskroei aan albei kante. 2 Rangskik die nektariens, mozzarella, prosciutto en roketblare op ’n groot slaaibord. 3 Slaaisous Plaas…

KRY DIT HIER CHECKERS.CO.ZA, 0800-010-709; CRAZYSTORE.CO.ZA, 086-111-1281; EKRISMIS.COM, DEBBIE@EKRISMIS.COM; FANCYPARTIES.CO.ZA, HELLO@FANCYPARTIES.CO.ZA; KNUS.CO, 021-300-2702; MONEXTERIORS.COM, INFO@MONEXTERIORS.COM; MRPHOME.COM, 064-584-1000 (WHATSAPP); NIFTYGIFTS.CO.ZA, HELP@NIFTYGIFTS.CO.ZA; THECPSWAREHOUSE.CO.ZA, 011-704-7006; WOOLWORTHS.CO.ZA, 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDE-LIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘ ONS HET BAIE HERINNERINGE VAN HOE KERSFEES EENS OP ’N TYD GEVIER IS’– IRMA DIE LEKKERTE VAN KERSFEESNOSTALGIE Vanjaar het gevlieg. Hier is ons weer op die vooraand van Kersfees. ’n Mens het baie herinneringe van hoe Kersfees eens op ’n tyd gevier is. Ons gesin het altyd met die trein oor twee en ’n half dae Kaap toe gereis, na ouma…

OUTOPSIE: BLOED VERTEL ’N STORIE Deur HESTELLE VAN STADEN Tafelberg, R245* Hierdie boek het ’n waarskuwing op sy voorblad: Nie vir sensitiewe lesers nie. En dit is die waarheid, kan ek bevestig nadat ek dit moes lees. ’n Outopsie of regsmediese lykskouing is tog basies die oopsny van ’n liggaam om vas te stel of die persoon aan natuurlike oorsake oorlede is of nie. Die manier waarop dr. Hestelle van Staden hieroor skryf, is egter respekvol en klinies – behalwe in die gevalle waar sy haarself toelaat om te vertel hoe sy geraak is deur wat sy voor haar gesien het. Sy brei ook uit op die impak wat haar dagtaak op haar het. “My werk het my ook van die lewe se skadukant bewus gemaak. Gelukkig praat ek en…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 523 KOMPETISIEVRAAG Watter vakansieversiering is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Laaste kans deur Marita van der Vyver (Tafelberg, R330). Dis ’n outydse kleurfoto op glanspapier, ’n buigbare, skeurbare, opfrommelbare voorwerp uit ’n era voordat almal hul herinneringe op slimfone bewaar het. Dit was die laaste keer dat hulle almal saam gekuier het … ’n Groep vriende kom die eerste keer in 25 jaar bymekaar om Adriaan se verjaardag te vier. Een vir een maak die gaste hul opwagting by Adriaan en Yvette se strandhuis aan die Weskus. Sommige bring hul…

Kersvader bly dalk in die Noordpool, maar by die Suidpool in Antarktika sak die son nie op Kersdag nie. Dit is dan somer daar, en die beroemde “middernagson” kan gesien word. ’n Hele dag van sonskyn beteken egter nie dis warm nie! Die gemiddelde temperatuur vir Desember in Antarktika is 27,5 ºC onder vriespunt, maar selfs in die middel van die somer kan dit op plekke tot minus 60ºC word. ’n Nuwe groep wetenskaplikes van Suid-Afrika kom elke Desember in Antarktika by ons navorsingstasie, bekend as SANAE IV, aan. Daar is 70 permanente basisse op dié reusagtige vasteland. Elkeen het sy eie feesvieringe – en kos speel altyd ’n prominente rol in enige fees. Daar is natuurlik nie vars groente en vleis nie. Elke basis moet jaarliks tonne blikkieskos en…

15 000 Dis hoeveel mense in Amerika gedurende Kerstyd in die ongevalle-afdeling van hospitale beland weens ongelukke wat verband hou met die versier van huise. R1,5 miljard Dis die waarde van die elektrisiteit wat die Verenigde Koninkryk op Kersdag gebruik. Dis genoeg om die kabelkar in Kaapstad 50 jaar lank te bedryf. 687 000 Met soveel Kersliggies op hul eiendom hou die Gayfamilie van New York die rekord vir die meeste liggies op ’n woon-eiendom. Dis nie bekend wat hul kragrekening is nie. 60 miljoen Dis hoeveel Kersbome elke jaar in Europa gekweek word. Denemarke is een van die grootste produsente van dié bome. R7,5 miljoen Dis hoeveel geld Paul McCartney elke jaar maak uit sy liedjie “Wonderful Christmas Time”. Tog word die liedjie as een van sy swakste pogings…

CALEB ARNOLDS Jong ster in SUIDOOSTER Wat sou jy as vyfjarige vir Kersvader gevra het? ’n Hoverboard, want enigiets wat in die rondte kan draai sonder dat jy dit hoef te stoot is cool vir enige vyfjarige. Nou wil ek ’n PlayStation 4 met FIFA24 hê. En ’n iPhone 15. Waarna sien jy uit om op Kersdag te eet? Al die vleis. Ek gee nie eintlik om oor die lekkers nie – die vleis is die beste deel van Kersfees vir my. Waarna sien jy uit in die nuwe jaar? Hoërskool en als wat met dit saamkom, veral die rugby en enige ander sport wat ek kan speel. Was jy vanjaar soet of stout? Ek sal op die soetlysie wees, want ek’t vir elke toets geleer sover en doen goed…

WANNEER die jaar einde se kant toe staan, is die Kerssangdiens van elke gemeente reg oor die land ’n hoogtepunt op die kalender. Net soos vandag hier in die NG kerk Weltevreden in Roodepoort, waar ’n klein orkes wat uit 27 musikante bestaan die twee sangdienste gaan lei. Die kern van die orkes is Die Welte-Ensemble van 10 lede, wat gereed is met hul instrumente, van ’n viool tot ’n trompet en nog meer. Maar daar is iets ongewoons aan dié musiekgroep: Hulle is almal familie van mekaar, lede van net drie gesinne. Net soos in talle optredes deur die jare by dié kerk is die groep wat bestaan uit Tharien Oosthuizen (54) en haar twee dogters, haar suster, Melanie Lubbe (58), en dié se drie seuns, en hul broer,…

IN DIE 1990’s was hy oral te sien – as die bekkige knapie in Richie Rich, die bebrilde outjie wat verlief was op die bure se dogter in My Girl, die seun met ’n donker kant in The Good Son. Maar die rol wat Macaulay Culkin wêreldberoemd gemaak het, was dié van Kevin McCallister, die poetsbakker wat twee onbeholpe inbrekers ore aansit in die Home Alone-flieks. Nuwe generasies kykers ontdek die akteur steeds elke jaar in die feestyd. Dít ondanks die feit dat hy nou 43 jaar oud is en baie water in die see geloop het sedert die verfilming van die tonele toe Kevin se familie sonder hom met hul vakansie vort is. Die akteur is onlangs vereer met een van die gesogste pryse in die rolprentbedryf: ’n ster…

MAJOZI “Dit is om soveel vreugde op mense se gesigte te sien. Ek weet nie almal ervaar dit nie,” sê die sanger. “Dis ’n baie vreugdevolle geleentheid, en om te sien hoe almal Christus se verjaardag vier en tyd saam met hul ge-liefdes geniet – dís wanneer ek weet dis Kerstyd, en ek is mal daaroor.” DONOVAN GOLIATH “Dis nie Kersfees sonder ’n boks Bakers Choice Assorted-koekies nie,” sê die komediant. SIV NGESI “Ek was nog nooit die grootste Kersfeesmens nie, maar om saam met my familie te wees het altyd soos Kersfees gevoel,” sê die akteur. “Om my ma te verloor het my Kersgees meer as ooit weggeneem, en om haar nie hier te hê nie is altyd moeilik.” LIESL LAURIE-MTHOMBENI Die voormalige Mej. Suid-Afrika het in ’n familie…

GLANSRYK IN GOUD SKITTEREND IN SILWER…

DIT is duidelik hy loop moeisaam. Ja, hy is presies nog so groot soos hy voorheen op TV gelyk het, en het steeds daardie kenmerkende diep rasperstem. Maar David Rees, die man wat ons al sedert sy Egoli-dae as ’n breker ken, word deesdae effens duiselig as hy te vinnig opstaan en uitasem as hy te ver stap. ’n Reeks terugslae het hom vanjaar in ’n verswakte weergawe van homself verander. Tog is hy vasbeslote hy sál herstel. Dit gaan reeds ’n bietjie beter. Net twee maande gelede was hy nog gekluister aan ’n rolstoel en kon hy nie self loop nie. Dié gesondheidskrisis het begin met ’n byna noodlottige hartaanval op 30 Julie. Kort daarna was dit longinfeksie, toe septisemie. Een marteling ná die ander. Die hel waardeur hy…

VERSIGTIG loer die blondekop by die voordeur in. Dan sien sy die jonger vrou met die donker hare waar sy stil op die rusbank sit en wag, en haar gesig verhelder. Sy gaan sit langs haar, en gee haar ’n drukkie. Op die oog af is hulle net twee vriendinne of susters wat mekaar lanklaas gesien het, maar agter dié wedersiens skuil ’n verhaal van omgee en hoop. Nie lank gelede nie was Allison Griffiths (44) en Elna Dürr (35) wildvreemdelinge vir mekaar. Maar vandag het Elna ’n nuwe kans op die lewe danksy Allison se linkernier in haar liggaam. Elna, van Malmesbury in die Swartland, het vyf jaar gelede gehoor sy het chroniese nierversaking. Vir die eerste vier jaar kon sy sonder dialise klaarkom, maar verlede jaar het dokters…

KRY DIT HIER ACKERMANS 0860-900-100; BASH.COM; BASKETLY 087-012-5009; DICKIES.CO.ZA; FOREVER NEW 0860-018-014; FOSCHINI BY BASH.COM; H&M 0860-690-707; IDENTITY 021-460-2400; JAYSHREES 031-263-1430; MANGO 010-226-9382; MARKHAM BY BASH.COM; MR PRICE 064-584-1000 (WHATSAPP); SHOE CITY 0860-900-200; SUPERBALIST.COM; TAKEALOT.COM; TEMPO BY BASH.COM; THE FIX BY BASH.COM; TRUWORTHS 021-460-2300; WOOLWORTHS 0860-022-002; ZARA 080-066-8420 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFER NIE VERANTWOORDELIK GEHOU KAN WORD NIE.…

WANNEER een persoon beheer oor die ander se inkomste en geldsake uitoefen, is dit dikwels ’n manier om hulle in ’n verhouding gevange te hou. Ons kyk na verskillende vorme van finansiële mishandeling en hoe om jouself daarvan te bevry. TEKENS VAN FINANSIËLE MISHANDELING 1 JY MOET REKEN-SKAP GEE VAN ELKE SENT Jou maat kan selfs vra om kwitansies van in-kopies te sien. Sou jy nie rekenskap kan gee van alles nie, kan emosionele en selfs fisieke mishandeling volg. Jy kan ook gestraf word deurdat jy gedwing word om vir geld te bedel, of die persoon jou die volgende keer minder geld gee. 2 JOU BANK-REKENING IS NIE JOU EIE NIE Baie paartjies het toegang tot mekaar se rekeninge. Maar dit word ongesond wanneer een persoon dit ge-bruik om die ander te…

GRONDPAD Tydens ’n ondersoek vra ’n dokter sy pasiënt hoe aktief hy is. Pasiënt: “Wel, gister het ek vyf uur lank deur ’n taamlik rowwe terrein gestap. Ek het sand in my skoene en my oë gekry en klipperige heuwels uitgeklim.” Dokter: “Sjoe, dit klink asof jy van die buitelewe hou!” Pasiënt: “Nee, ek is maar net ’n vrot gholfspeler.” JOHANNA RADEMEYER LIKE! Die ander dag sien ek iemand se Facebook-plasing: “Eensame man soek ’n vrou.” In ’n japtrap is daar 265 kommentare: “Jy kan myne kry.” EMMIE, MOSSELBAAI WEKKER Boer Koos staan die oggend vieruur op die skuur se dak en skree. Verbaas vra sy vrou: “Koos, wat op aarde maak jy?” “Die haan het griep, ek staan maar in vir hom,” antwoord hy. L. SAAYMAN ETIKET Gehoor in…

In Ethiopië word Kersfees nie op 25 Desember gevier nie, maar op 7 Januarie. Dit is omdat die Ethiopiese Ortodokse Kerk ’n ander kalender as ons volg. Kersfees in Ethiopië word Ganna genoem. Voor Ganna word daar 43 dae lank gevas. Dis bekend as die Vas van die Profete en begin op 25 November. In dié tyd eet hulle slegs groente en drink beslis geen wyn nie. Op hul Kersdag trek lede van die kerk ’n wit uitrusting met gekleurde strepe aan die bodem aan. Dit word ’n Netela genoem. Op “Oukersaand”, 6 Januarie, woon Ethiopiërs ’n kerkdiens by wat tot drieuur die volgende oggend aanhou. Baie kerke in Ethiopië is in die vorm van ’n sirkel gebou. Die gemeente loop rondom die kerk terwyl ’n koor sing. WAT EET…

ONS vier nie Kersfees nie. My pa was Israeli en my ma se van was Swart. Ek’s ’n mengelmoes. Maar ek het ook ’n mooi Kersherinnering. Elke jaar het ’n tannie in Kalkbaai ons vir Kersfees genooi. Sy het altyd brandybotter gemaak. Ek onthou nog hoe die volwassenes so ’n bietjie warm en fuzzy begin voel het. Ons is geskenke gegee en daar was Kerskoek met muntstukke in. Dit was nooit ’n godsdienstige gebeurtenis vir my nie. Dit was ’n kulturele en gemeenskapsgeleentheid. Die herinneringe van samesyn en van mense wat bymekaarkom by ’n tafel en ervarings deel – dit het my altyd lekker laat voel. Ons het welkom gevoel. Dit was pret om daar te wees. Ons het gesing, lawwe speelgoed in crackers gekry, en dit met mekaar gedeel.…

DIS die grootste geheim wat sy al óóit moes hou. Efraine du Toit glimlag breed, en haar oë blink. Want nou kan sy en haar man, Paul, wat geamuseerd lag oor sy vrou se opwinding, eindelik die geslag van hul ongebore baba met Huisgenoot se lesers deel. “Dis ’n seuntjie!” jubel sy. Haar liefdesverhaal, en die kleinding wat op 20 Februarie verwag word, is ver verwyder van die jong vrou wat deelgeneem het aan die eerste seisoen van Op my eish! saam met Neels van Jaarsveld. Sy is al jare lank ’n grimeerkunstenaar vir bekendes en het ook al aan televisieprogramme gewerk, soos Die Real House- wives van die Wynlande vroeër vanjaar. In Mei is sy met haar beste vriend getroud, hoeka die een wat haar destyds aangemoedig het om…

NATASHA VAN DER MERWE Die Suidooster-aktrise sê elke sanger bring ’n unieke dinamiek na die Kersprogram, wat dit besonders maak. Elke Kersdag word sy wakker en sing Mariah Carey se “All I Want for Christmas Is You” hardop, tot die irritasie van al haar gesinslede. “Ek sing dit oral, van die kombuis, tot die sitkamer, tot buite by die swembad. Die hele dag.” STIAAN BRUWER Die Diepe Waters-akteur sê hy was aanvanklik “senuagtig” toe hy gevra is om deel van die Kerskeurspel te wees. “Maar soos ons begin oefen het, het ek ál meer gemaklik geraak en dit toe vreeslik geniet.” Vir Kersfees kom sy familie bymekaar. En wat is gewoonlik op die Kerstafel? “Lamsboud is altyd ’n wenner. Dan hou ons ook van ’n aartappelgereg, en jy kan met…

DIS tyd om die geykte reëls oor grimering uit te gooi en van die ou voorskrifte te vergeet. Wie’t in elk geval besluit jou lipomlyner en lipstiffie moet by mekaar pas? Of dat blou oogskadu uit die mode is? Sê ja vir dinge soos helder lipstiffie en kleurvolle oogskadu tegelyk (kan jy dit glo!) of blinkers in die dag (ja, regtig!). Hier is reëls wat jy kan breek. VERMY WASBEER-OË Die laaste jare is ooggrimering baie presies aangewend. Maar die mode-en skoonheidsneigings van die 1990’s is weer gewild en dié gewoonte kry die trekpas. Dik, donker skadu reg om jou oë skep ’n smeulende voorkoms. Maar dis belangrik om in te skakeer. Kleur die ooglid in en omlyn die waterlyn. Klad dan die skadu met ’n oogskadukwas in dat dit…

Hoewel ’n mate van konflik normaal is, is dit nie normaal om dagin en daguit onophoudelik te baklei nie. As julle meer stry as gewoonlik, is dit ’n teken dat iets skeefgeloop het en julle ’n paar dieper gesprekke moet hê om die wortel van die kwaad te identifiseer, sê die verhoudingskenner Paula Quinsee. ’n Paartjie wat onophoudelik stry, moet ’n berader gaan sien, sê Michael. Nie om vir hulle te vertel wie reg en wie verkeerd is nie, maar eerder om julle elkeen te help sien wat die ander een se uitgangspunt is. “Ek glo sterk dat konflik ’n uitnodiging is om te groei, maar as julle onophoudelik baklei, het die verhouding nie ’n kans nie.”…

Kykers het haar dalk al gesien in reekse soos Lui maar op, Belinda, Kompleks en Dinge van ’n kind. Nou sorg sy vir hope drama in die Showmax-reeks Trompoppie waarin sy die hoofrol van die hoërskoolleerling Luna Verwey vertolk. Die reeks wentel om Luna, ’n talentvolle en ambisieuse gimnas wat danksy ’n beurs die gesogte Deacon College bywoon. Hier word sy in die genadelose wêreld van ’n elitegroep trompoppies gegooi. Toe ’n ontgroeningstradisie lelik skeefloop, begin die een trompoppie ná die ander sterf, en dié oënskynlik perfekte fasade begin ineenstort. Melissa (24) verklap meer oor haar rol in die reeks. Vertel ons meer omtrent jou karakter. Luna is beslis die mees ingewikkelde karakter wat ek tot dusver gespeel het. Sy dans versigtig op die lyn tussen reg en verkeerd en…

Maak nie saak hóé sterk die stormwinde waai nie, sy trooswoorde bly altyd dieselfde: Alles gaan oukei wees. Sy het dit aanvanklik nooit heeltemal verstaan nie, sê die sangeres Karlien van Jaarsveld oor haar man, die oudrugbyspeler Joe Breytenbach. Maar nou weet sy hoe spesiaal dit is – en daarom is haar jongste liedjie, “Als is okay”, spesiaal aan hom opgedra. “Ek het die liedjie geskryf vir my man omdat hy altyd, selfs deur die moeilikste tye, sal sê: ‘Als gaan oukei wees,’” vertel sy. “Dit was aanvanklik baie frustrerend, veral aan die begin toe ons nie seker was of ons dogter, Elah (wat aan ’n bloedklontsiekte ly), sou leef nie. Maar hoe langer ek die pad saam met Joe gestap het, hoe meer het ek besef dat om oukei…

MARIAAN hang die silwer ster heel boaan die Kersboom en staan tevrede terug. Sy skakel die liggies by die muur aan. Die boom lyk kleurvol en feestelik. Haar hart krimp momenteel ineen. Vanjaar gaan sy die feestyd op haar eentjie in. Frik se dood aan die begin van die jaar was ’n geweldige skok. Vlak in sy sestigs! Wat sake vererger het, was dat Danie en ’n hoogswanger Helene se planne om Engeland toe te emigreer toe reeds in plek geval het. Dat haar enigste seun ooit die stof van die Hoëveld van sy plaasskoene sou afvee, het sy allesbehalwe verwag. Aan die begin van hierdie jaar is hulle toe vort. Voor hy oorsee is, het hy vir haar ’n simpleks op die dorp gekoop. “Met alles wat deesdae op…

STEENBOK 21 DES – 20 JAN Hier aan die begin van die Steenbokseisoen beweeg die spraaksame Mercurius in trurat by jou teken uit en by die baldadige Boogsku terin. Ditis’ntydom te let op wat jy sê, anders kan dit teen jou gehou word. Laat mense hul mening hê, want jy weet wat vir jou en jou geliefdes van waarde is. As ’n vriend vreemd optree, wil jy dalk vir hulle vra wat regtig agter die skerms aangaan. Vat ’n blaaskans rondom die volmaan op die 27ste. GELUKKIGE NOMMERS 1, 28, 46, 52, 37, 9 DIE STEENBOK: JOU IDEALE WERKOMGEWING ◼ Jou omgewing moet weerspieël dat jy op gehalte ingestel is ◼ Jou persoonlike styl is onderbeklemtoonde elegansie ◼ ’n Rusbank wat as ’n bed kan dien vir jou langer werkure…

Die Filippyne roem hulle daarop dat hulle die langste Kersvieringe in die wêreld het. “Pasko”, soos dit in Filippyns genoem word, word reeds vanaf September elke jaar gevier. Dié land het ’n Rooms-Katolieke tradisie geërf omdat hulle van 1565 tot 1898 ’n Spaanse kolonie was. Op 1 November, wat in die Katolieke Kerk as Allerheiligste Dag herdenk word, begin hulle Kersliedjies sing. Daar word ook in die nege dae voor Kersdag elke aand ’n diens gehou wat as Simbang Gabi bekendstaan. Daar word geglo as jy elke aand ná die diens ’n wens maak, sal dit aan die einde van die nege dae waar word. Op 25 Desember word ’n spesiale diens genaamd die Misa de Gallo gehou. Dis ’n familieokkasie: Selfs familielede wat nooit kerk toe gaan nie sal…

1 Wat is die naam van die hond in How the Grinch Stole Christmas? 2 In watter land het die tradisie van Kersbome ontstaan? 3 Wat is die name van Kersvader se rendiere wat met “D” begin? 4 Hoeveel geskenke is altesaam in die liedjie “The Twelve Days of Christmas” gegee? 5 Wat is die gesamentlike naam van die groep wat die liedjie “Do They Know It’s Christmas?” gesing het? ANTWOORDE 1 Max 2 Duitsland 3 Dasher, Dancer en Donner 4 364 5 Band Aid BRONNE CNN, NPR, BLOGS.NASA.GOV, GEEKWIRE.COM, CBC.CA, COOLANTARCTICA.COM, SPACE.COM, EURONEWS.COM, THEPIONEERWOMAN.COM, SKYATNIGHTMAGAZINE.COM,…

Nóg ’n prettige seisoen van Die Babbelbende lê nou voor! Kom kyk saam na seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Oor naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

LIEWE LESER, MY BREIN wil dit amper nie verwerk dat ons al weer aan die einde van nog ’n jaar staan nie. In Januarie het ek op my rusbank gesit, hoogs tevrede dat my dekor en meubels uiteindelik lyk soos wat ek en my oorlede man dit beplan het. Die lêer wat ons destyds saamgestel het met idees en foto’s kan nou uiteindelik ná vyf jaar toegemaak word. Ek vryf ingedagte oor my ringvinger. Die hitte laat die laaste diamantring wat Sampie vir my gekoop het effe styf sit. Dit is ’n pragstuk. Hy het dit in 2016 vir my gegee om die première van Vir die voëls te vier. Skielik skiet ’n skokgedagte deur my: Hoekom dra jy dit nog? Sampie kom nooit weer terug nie. Ek haal die…

AS LAERSKOOLKIND het hy gekyk hoe pa Jacques ’n voerskuur en afdak vir plaasimplemente bou, en gesê: Eendag as ek groot is, gaan ek dít my trouplek maak. Maar romanses volg nie altyd die reguit paadjie nie. Want vroeër vanjaar het aanhangers van Boer soek ’n vrou gesien hoe Louis Malan (nou 27) se soeke na ’n huweliksmaat misluk. G’n wonder nie, het kykers op sosiale media gekraai, want hy het dan in die reeks laat hoor: “Ek soek ’n vrou soos my ouma Dina!” Ook sy gewoonte om al drie vroue wat hy na die plaas genooi het “ruggiekrappies” te vra het mense laat kopskud. Maar hier staan hy vandag, skaars sewe maande ná die slotepisode van seisoen 16, met Annique Kleynhans (25) aan sy arm. Onder die einste…

SUURKNOLLE COLIN FIRTH Hy het dalk in Love Actually en A Christmas Carol gespeel – flieks wat die res van ons as klassieke kykstof vir Kersfees beskou – maar glo dit of nie, oor die feestyd raak Colin alsbehalwe jolig. “Hierdie tyd van die jaar is ek te bang om die radio aan te sit, want die simpel deuntjies maak my depressief en stoot my oor die randjie na ’n regte Scrooge,” het die akteur aan die Daily Mail gesê. “Almal wil vrolikheid jou kant toe gooi, en dis juis wanneer ek ’n Grinch word.” MARION COTILLARD Al is geskenke vir die meeste kinders die hoogtepunt van Kersfees, was die Franse aktrise as kind nie juis beïndruk daarmee nie. “Dit was ’n stryd vir my ma. Ek het glad nie…