Innehållsförteckning för 7 March 2024 från Huisgenoot

1 MEELSAK-SJIEK IN JOU KLEREKAS! In die Depressiejare het ma’s uit nood ’n plan gemaak om hul kinders te klee. Maar nou is broeke gemaak van meelsakke skielik iets om mee te spog. Die meelbroekmaker Tremayne West vertel hoekom Ná die Tweede Wêreldoorlog was daar nie baie materiaal of broekrekke nie. My ma het die meelsakke gekook en toppies gemaak wat met knopies aan die lyf vasgemaak is. POPPIE My ma het toe ons klein was vir ons rokkies en onderklere van die wit meelsakkies gemaak. En vadoeke ook. So, ja, die tye was daardie jare ook maar baie swaar gewees. CHARLOTTE My vrou het as bankamptenaar gewerk. Sy het eenkeer die materiaal van die bank se geldsakkies (dit was nie van plastiek nie) gebruik om ’n broekie vir ons seun…

Die diamantsmous sê aan Huisgenoot hy werk “in samewerking met Derick se ouers, sielkundige en dokters” om “gepaste hulp” vir Derick te kry. Derick is al sedert 12 Februarie by hom en sy vrou, Dezzi, nadat hy die oud-Bok glo op sy versoek by ’n hotel in Menlyn in Pretoria opgelaai het. Hy beweer Derick was toe onder die invloed van medikasie. “Hy sou in daardie hotel gesterf het indien ons nie ingegryp het nie. Hy het my per WhatsApp gevra om te kom help,” sê Louis. “Hy stel in niks belang buiten om sy lewe terug te hê soos wat dit was nie.” “Derick kort nie nou meer vyfster-behandeling in rehabilitasiesentrums nie. Hy kort cold turkey en dan die harde pad vir een tot twee jaar in ’n veilige…

KOLLE PIENK STREPE GERUIT KANT KASMIER DENIM BLOMME KRY DIT HIER BASH.COM; EXACT 0860-834-834; FOREVER NEW 0860-018-014; FOSCHINI 0860-834-834; H&M 0860-690-707 OF BY SUPERBALIST.COM; MANGO BY SHOP.MANGO.COM/ZA; MILADYS 0800-212-535; OPARI.CO.ZA; PICK N PAY CLOTHING 0860-303-030; POETRY 0860-333-329; QUEENSPARK 021-460-9400; SHEIN.COM; SUPERBALIST.COM; TAKEALOT.COM; THE FIX 0860-834-834; THELOCALEDIT.CO.ZA; TRUWORTHS 021-460-2300; ZARA.COM/ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

BAIE mense het die afgelope twee maande die nuwe jaar begin deur na ’n nuwe woonplek te verhuis. Soms na ’n ander adres op dieselfde dorp, maar dikwels selfs na ’n ander provinsie. Hier is raad van ’n paar lesers oor hoe om verhuising te hanteer en dinge makliker te maak. MILLIE Die laaste keer wat ek verhuis het, was sowat 15 jaar gelede. Om ’n goeie verhuisingsmaatskappy te huur was hopeloos te duur. Ek was toe pas geskei en moes my begroting fyn dophou. Daarom was die bakkie en sleepwa van vriende al genade. “Wat kan verkeerd gaan, dis net 200 km ver?” het ek gedink. Dit het in ’n totale fiasko ontaard. Eers het ’n paar bokse afgeval wat nie goed vasgemaak was nie. Toe sak ’n reënbui…

1 KRY ’N KLARING-SERTIFIKAAT Jou skuldberader moet ’n klaringsertifikaat by kredietverskaffers en die kredietburo’s indien as bewys dat jy jou skuldberading voltooi het. Maar eers moet: ◗ al jou korttermynskuld vereffen wees;◗ jou huisverbandpaaiemente op datum wees;◗ al jou skuldberadingsgelde betaal wees. 2 DIT VAT TYD, WEES GEDULDIG Sodra die kredietburo’s jou klaringsertifikaat ontvang, moet hulle data soos verstekvonnisse van jou rekord verwyder. Gee die proses om jou kredietrekord in ere te herstel minstens ’n maand. Dit kan selfs langer duur. 3 HERSIEN JOU TERUGBETALINGSREKORD Ingevolge die Nasionale Kredietwet moet jou skuldbetalingsgeskiedenis vir twee jaar op jou kredietrekord bly. Maar vorige skuldvonnisse teen jou sal nie aangedui word nie. Gaan jou kredietrekord gereeld by verskillende kredietburo’s na om te kyk of ou vonnisse of verkeerde inligting nie moontlik daarop vermeld word nie. Vra…

Dié term duik die afgelope tyd gereeld op in die sosiale media. Dit het sy oorsprong in Skotland, maar het nou ’n bietjie van ’n gonswoord geword, veral op TikTok. Dit beteken basies dat jy oor naweke langer in die bed bly as wat jy normaalweg sou – dis eintlik maar ’n oulike naam vir inlê. En natuurlik is dit soms goed vir jou! “Dit leer jou om iets anders te doen as om in die week soggens haastig te wees, en dit kan help met jou bui, fokus en selfsorg,” sê die berader Kristin Wilson.…

’N BEÏNVLOEDER het met’n sosialemediaveldtog in Chili begin om die Britse Museum in Londen sover te kry om twee klipstandbeelde aan Chili terug te gee. Die standbeelde, of moai, is in November 1868 deur die bemanning van ’n Britse skip van Paaseiland, ’n eiland in die Stille Oseaan wat aan Chili behoort, gevat. Met die skip se terugkeer is dit as ’n geskenk aan koningin Victoria oorhandig. Sy het dit aan die museum geskenk. Die beïnvloeder, Mike Milfort, wat meer as 7,5 miljoen followers op TikTok het, het sy volgelinge gevra om “return the moai” in die kommentaarafdelings van die museum se plasings op Instagram, Facebook en YouTube te skryf. Nadat die museum in Februarie met boodskappe gebombardeer is, het dit die kommentaarafdeling van sommige van sy plasings gesluit. Een…

WAT JY BENODIG DEUR HUISGENOOT GETOETS STAP VIR STAP STAP 1 Sny die puntjies van elke roomysstokkie af sodat elke stokkie reghoekig is. Sny die stokkies nou as volg: 8 stokkies van 10 cm elk, 16 stokkies van 8 cm elk en 16 stokkies van 4 cm elk. STAP 2 Vra ’n grootmens weer 4 van die 10 cm-stokkies aan mekaar vas om ’n pilaar te vorm. Herhaal met al die stokkies deur elke keer 4 aan mekaar vas te gom tot alles opgebruik is. Jy sal nou die volgende hê: STAP 3 Spuit gom op een punt van ’n 4 cmdwarsbalkie. Plak dit netjies teen die onderkant van ’n 8 cm-dwarsbalk vas. Spuit gom op die ander punt van die 4 cm-balkie en plak ’n ander 8 cmbalk daaraan…

1 GERI ONDERSTEUN HAAR MAN Die voormalige Spice Girl GERI HALLIWELL se beeld van die perfekte familie het in duie gestort nadat haar man, CHRISTIAN HORNER (50), hoof van die Red Bull-span, deur ’n vrouekollega beskuldig is van beheersugtige gedrag en dat hy seksueel suggestiewe boodskappe vir haar gestuur het. Volgens bronne is Geri (51) verpletter deur die beskuldigings, maar sy glo Christian en ondersteun hom in die ondersoek. 2 MALIA LAAT VAAR ‘OBAMA’ MALIA OBAMA (25) het besluit om nie meer haar bekende van te gebruik noudat sy ’n loopbaan in die rolprentbedryf nastreef nie. Die professionele naam van Barack en Michelle se oudste dogter is nou haar eerste en tweede naam – Malia Ann. Sy het in Januarie haar debuut as regisseur met die kortfliek The Heart op die Sundance-rolprentfees gemaak.…

Wat is geluk vir jou? Om nie slapelose nagte te hê nie. Waarmee hou jy jou die graagste besig? Werk. Ek is ’n workaholic. Ongelukkig. Wat verveel jou? Kletsies. Skinder. Wat sou jy anders doen as jy jou lewe kan oorhê? Nee, ek sal maar alles dieselfde doen. Al die foute en alles. Wat is jou beste eienskap? Lojaliteit en eerlikheid. O, nee, ek is hardwerkend. Ja, ek is hardwerkend. En jou slegste eienskap? Ek is te hardwerkend. Watter eienskap bewonder jy in ’n man? As hy sy emosies kan wys. Watter eienskap bewonder jy in ’n vrou? As hulle niemand hulle laat voorsê nie. Wat is jou gunstelingwoord? Knus. Jou gunstelinggesegde? Kannie is dood van kruiwa stoot. As jy alleen is op ’n eiland en jy het net een boek om…

MET elke tree met sy regterbeen leun hy effens vooroor om sy gewig daarop te plaas. Sy balans lol vir ’n oomblik toe hy moet keer dat die drie blaffende Pekinese hondjies by die hek uitglip. Maar wat saak maak, is dat hy pas sélf na die hek toe gestap het om Huisgenoot hier by sy huis in Centurion te verwelkom. Want skaars vyf maande gelede het lt.kol. Joe Coetzer (56) sy regterbeen verloor ná ’n hewige skietgeveg tussen die Valke en ’n transitoroofbende in Louis Trichardt, Limpopo. ’n Mens sien dadelik dié deurwinterde taakmaglid het ondanks sy grys hare baie staal in hom. Die soort wat jy nodig het om voort te veg nadat twee vingers aan jou snellerhand gewond is. Dis dán wanneer opleiding en ervaring inskop en…

SOEK jy ’n vinnige en maklike manier om jou haarstyl op te kikker sonder om drasties met die skêr in te klim? Dan is ’n kuif die antwoord. Of jy ’n beginnervriendelike bottelnekkuif probeer, of meer wil waag met iets soos ’n mikrokuif, jy sal beslis ’n styl vind wat jou gesigvorm en haartipe vlei. GORDYNKUIF WAT IS DIT? Die gordynkuif is in die 1970’s deur Bridget Bardot bekend gemaak. Die kuif omraam die gesig en verg min onderhoud. Dit is korter in die middel en langer aan die kante – nes die vorm van gedrapeerde gordyne. Die perfekte gordynkuif is ’n sagter weergawe van die reguit kuif. Dit skep balans om die gesig en vlei jou beenstruktuur, en beklemtoon sekere gelaatstrekke soos die oë en wange. BESTE VIR alle…

VISSE 19 FEBRUARIE – 20 MAART Met ’n samehoping van planete in jou teken kan jy eers oorweldig voel om so skielik in die kollig te wees. Vat jou tyd en oorkom jou skaamheid, want jy kan voordeel daaruit trek om die liefdesdiva, Venus, van die 11de af in jou teken te hê. Voeg daarby ’n nuwemaan in die Visse op die 10de en jy sal in die luim wees om glans te ervaar. Onderskei tussen oordrywing en leuens vertel. RAM 21 MRT – 19 APR As dit vir jou voel al jou energie is getap, sal dit dalk alle gebiede van jou lewe raak. Probeer om nie die tekens van moontlike uitbranding te ignoreer nie. Rus sal nou vir jou verstand, liggaam en siel goed wees. Jy behoort teen…

AMMA – ’N MEMOIR Deur Charmaine Africa Tafelberg, R235 “Ek het ’n kop vir onthou, maar dit is moeilik om die verlede te vergeet wanneer dit in ’n constant loop in jou lewe afspeel. Die een generation maak dieselfde foute as die ander; die players change, maar die storie bly dieselfde.” Só antwoord Charmaine Africa my vraag oor hoe sy haar lewe van kindsbeen af in sulke fyn detail kan onthou. Haar debuut, Amma, slaan my in die wind: Nog nooit het ek in enige taal só oor armoede gelees nie, só dat jy die bitterheid van ’n leë maag kan proe, die stink kan ruik. Maar dis net jou verbeelding, want self was jy nie daar in Bishop Lavis waar die slim dogtertjie in die tyd van apartheid sonder…

SLAAPSLENTER Pasiënt aan sy vriend in die hospitaal: “Moenie met my praat wanneer my vrou opdaag nie, sy dink ek is in ’n koma.” WOLLIE, PRETORIA PRESTASIEBESTUUR Baas: “Jy moet ’n manier vind om minder foute tydens jou werkdag te maak.” Koos: “Goed, wat as ek ’n korter dag werk?” JOHANNA RADEMEYER DIS MOS MIN GEVRA Al wat ek in die lewe wil doen, is om saans rustig saam met my kêrel na ’n fliek op televisie te kyk. Kan iemand dalk ’n goeie kêrel aanbeveel? HESTER, NAMIBIË NUGTERE GEWOONTES Verkeerspolisie: “Meneer, drink en bestuur jy?” Koos: “Nee, ek vat net slukkies wanneer ek by die stopstraat staan.” JOHANNA SAAYMAN DAAI ESKOM-OOMBLIK Party mense is soos beurtkrag. Jy weet daar is beweging en lewe, maar wanneer jy in hul oë…

1 Watter dier uit die mitologie het die kop van ’n mens en die lyf van ’n leeu? 2 Wat noem jy ’n groep uile? 3 Wat noem ons die proses waarin vloeistof in gas verander? 4 In watter kinderverhaal is ’n karakter genaamd die Mad Hatter? 5 Watter hawe is die grootste in sy soort ter wêreld? ANTWOORDE: 1 Sfinks 2 Parlement 3 Verdamping 4 Alice in Wonderland  5 Shanghai-hawe, China BRONNE: SAHISTORY.ORG.ZA, BRITISHMUSEUM.ORG, BRITANNICA.COM, CITES.ORG, DFFE.GOV.ZA, SAVETHERHINO.ORG, NASA.GOV, EDITION.CNN.COM, FRANCE25.COM, THEGUARDIAN.COM, WIKIPEDIA.ORG…

WANNEER jy die woorde “toets” of “assessering” en veral “eksamen” hoor, begin jy waarskynlik sommer vinniger asemhaal. Daar is min mense wat dit geniet, maar een ding is seker: Almal moet dit die een of ander tyd doen. Om te leer vir ’n toets kom soms moeilik vir party mense. Maar met die regte studiemetode sal jy die leerproses makliker baasraak, en dis iets wat jy vir die res van jou lewe kan gebruik. Jy hoef dus nie die slimste mens op aarde te wees om suksesvol te kan leer nie. Jy moet net hard kan werk. Baie mense dink dis iets wat jy sommer vinnig kan doen, maar studeer is ’n proses. Daar is verskeie hulpmiddels wat jou kan help, soos die internet of boeke. Wanneer jy studeer…

JY SOU dalk dink hulle het nie veel in gemeen nie. Hy is 42 en die pa van drie dogters. Sy is ’n skoolmeisie van 10 jaar oud. Tog is daar iets wat hulle saamsnoer. Hulle verstaan mekaar se uitdagings en seer – en hul nuwe kans op hoop. Melvin Maxim en Lelitha Jantjies, albei van George, se paaie het onlangs gekruis weens die lewensveranderende behandeling wat albei gekry het. Dié ingryping het hulle weer selfvertroue gegee ná hulle voorheen soms moes wegskram voor die wrede blik van ander. Melvin se gesig en lyf was jare lank deur groeisels, genaamd keloïede, ontsier. Lelitha is met littekens aan haar gesig gelaat ná hul pitbull haar aangeval het. Maar albei is onlangs onder hande geneem deur dr. Ansua Steyn van VIA se…

Tweebuffelsmeteenslagmorsdoodgeskietfontein. Dis ’n regte plaasnaam in Noordwes. Dit maak dat mense wonder: Wat is die langste Afrikaanse woord? Maar dié vraag is soos: Hoe lank is ’n stuk tou? Samestellings in Afrikaans kan so lank wees soos wat jy wil tot die woorde opraak. Ons skryf samestellings vas. Dit maak ons taal ingewikkeld. Om erg te vereenvoudig: Ons skryf naamwoorde vas. Dinge. Alles waarby jy “die” en “ ’n” kan sê. Die trein. Die trok. Dan weet jy “treintrok” skryf jy vas. Die bank. Die bestuurder. Bankbestuurder. Maar: Die bankbestuurder. Die opleidingskursus. As jy jou bankbestuurders wil oplei, stuur jy hulle op ’n bankbestuurdersopleidingskursus. So kan jy aangaan. Die langste woord in die Afrikaanse Woordelys en Spelreëls is “Bosveldstollingskompleksnavorsingseenheid” – net om te wys: As die woord régtig begin reusagtig…

IN DIE dae sedert sy besoek aan sy boesem-pel, spook die skrikbeeld van sy vriend by hom. In sy geestesoog sien hy hom nog daar oorkant hom sit – sy uitdrukking strak. Hy het groot geskrik toe hy die oud-Bok Derick Hougaard gister vir die eerste keer in maande gesien het, vertel sy vriend, Renier Wissing. “Hy lyk siek, soos iemand wat regtig hulp nodig het,” sê Renier. “Dis nie lekker om hom so te sien nie … Ek vang myself heeltyd vra: Is dit regtig die Derick wat ek ken?” Die waarheid is hy herken nie meer sy vriend van meer as twee dekades nie – nie die Derick van die laaste paar jaar nie, maar beslis ook nie die skopkoning met wie hy in die vroeë 2000’s ’n…

JY SIEN die ooreenkoms raak die oomblik wat hy die vertrek binnestap. Die donker hare en atletiese lyf. Die glimlag wanneer hy groet. Maar dis veral die donkerbruin oë wat verklap: Dis pa se kind dié. Vir ’n oomblik voel dit so byna asof Joost van der Westhuizen hier voor jou staan. Want op 20 lyk Jordan nes sy oorlede pa, die Springboklegende. Langs hom blom sy ma, die sangeres Amor Vittone (51), van die trots. “Ek sien myself meer in sy glimlag, maar wanneer dit by sy gelaatstrekke kom, dan is dit Joost uitgeknip.” Dis sewe jaar nadat Joost se dood weens motorneuronsiekte sy aanhangers in 2017 in rou gedompel het. En vandag maak Amor en Jordan vir die eerste keer sáám hul harte oop oor die pad wat…

t – teelepel/s e – eetlepel/s k – koppie/s TACO’S met GEROOS-TERDE BLOMKOOL LEWER 6 TACO’S / BEREIDING EN GAARMAAK: 15 MIN. ROMESCO-SOUS ◗ 1 heel tamatie◗ 7,5 ml (½ e) heuning◗ 5 ml (1 t) fynge kapte knoffel◗ 5 ml (1 t) fyn komyn◗ 2 heel chipotlerissies (gerookte jalapeño-rissies)◗ 50 ml kanola-olie◗ 2,5 ml (½ t) vars gemaalde swartpeper◗ 5 ml (1 t) gerookte paprika◗ 5 ml (1 t) sout◗ 22,5 ml (1½ e) suurlemoensap◗ 80 ml (⅓ k) kasjoeneute, gerooste TACO’S ◗ sonneblomolie vir braai◗ ½ blomkoolkop, in blomme gesny◗ sout, na smaak◗ 60 g groenkool, fyngesny◗ 160 ml (²⁄₃ k) pico de gallo (sien resep onder)◗ ½ lemmetjie se sap◗ 6 warm mielietortillas◗ vars koljander vir garnering 1 Romesco-sous Skroei die tamatie oor ’n oop vlam tot…

KRY DIT HIER @HOME BY BASH.COM; ARTWORLD.CO.ZA, 065-590-4668; JASPERANDJUTE.CO.ZA, 066-188-1066; KNUS.CO, 021-300-2702; MONEXTERIORS.COM, INFO@MONEXTERIORS.COM; MRPHOME.COM, 064-584-1000; NIFTYPOSTERS.CO.ZA, ADMIN@NIFTYPOSTERS.CO.ZA; PIXALOT.CO.ZA, PIX@PIXALOT.CO.ZA; SHEETSTREET.COM, 087-754-5277; SUPERBALIST.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 534 KOMPETISIEVRAAG Watter vetplant is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Christine le Roux se Keur 9 (H&R, R290). Drie lekker liefdesverhale in een boek! ’n Wêreld sonder hom gaan oor Nicoline, ’n rooikop wat gou verveeld raak met die mans om haar. Toe sy haar broer in die hospitaal besoek en haar oor ’n Noorse pasiënt in dieselfde saal ontferm, neem haar lewe ’n heel ander wending. In ’n Kwessie van tegniek vererg Alicia haar in haar onderhoud met die akteur André Rosner só dat sy vir hom presies…

’N GEBORE SOKKERSTER Hy is “ongelooflik”, “wêreldklas”, ’n “superster” en ’n “sensasie”. Só word Jude Bellingham beskryf. Hy draf uit vir die klub Real Madrid en die Engelse nasionale span – en hy is net 20 jaar oud. Hy speel as ’n sentrale middelveldspeler – die posisie waarin hy sy loopbaan begin het. Sedert hy by Madrid is, teken hy meer doele aan en doen ook alles anders wat ’n middelveldspeler doen briljant. Hy verdedig wanneer die span hom nodig het, en hy val aan en skep geleenthede wanneer die span ’n doel nodig het. En ons het ’n gevoel hy gaan skitter by die komende UEFA Euro in Junie vanjaar. DUURSTE TIENER IN SOKKER Jude het in Stourbridge, Engeland, grootgeword en as o.8-speler by Birmingham City aangesluit. In Augustus…

WENK 1 Gee aandag in die klas Leer begin in die klaskamer. Luister elke periode aandagtig na wat jou onderwyser sê. As jy in die klas oplet, het jy al baie geleer en vergemaklik dit die studieproses. Dit beteken ook jy moet in die skool wees. WENK 2 Maak goeie aantekeninge Neem notas in die klas. As jy nie seker is hoe om dit te doen nie, begin deur feite neer te skryf wat jou onderwyser in die klas noem of op die bord skryf. Probeer jou bes om netjies te skryf sodat jy jou notas later kan lees en verstaan. WENK 3 Beplan vooruit Gebruik ’n kalender (iets waarvan jy hou en by jou lessenaar of studeerplek kan hou) en skryf jou toetsen werkopdragdatums neer. Jy kan dan beplan hoeveel…

Nog ’n prettige seisoen van Die Babbelbende is nou volstoom aan die gang! Kyk saam na seisoen 2 op huisgenoot.com. In dié aanlyn kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kyk. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Oor naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawapop of die Babbelbende se Groot Storieboek te bestel. Bly ingeskakel op…

SY ’T NIE gedink sy sou die rol kry nie. Die karakter was ’n ander etnisiteit as sy, en haar aksent het anders geklink as dié van die vrou wat sy sou moes vertolk. En dan was komedie haar eintlike passie – nie dié soort romantiese drama nie. “Ek het gedink ek sou almal se tyd mors as ek ’n oudisie sou doen,” sê Ambika Mod. “Toe skrik ek een nag wakker en besef ek het ’n groot fout gemaak.” Die volgende oggend het sy haar agent gebel en ’n oudisievideo vir die rol ingestuur. En nou weet sy wat kykers ook besef: Sy was toe al die tyd net reg vir die rol. Die trefferreeks One Day, gegrond op David Nicholls se roman, is nou een van die gewildste…

OP ’N KOL hardloop ’n groep studente kaalbors deur die universiteitsbiblioteek; elders vloei die drank soos water. Daar’s die geswets wat selfs ’n matroos sal laat bloos – en ook die baie gewaagde sekstonele … Dis Wyfie dié, ’n nuwe Showmax-reeks wat die lewe van vier eerstejaar-kamermaats in ’n koshuis by die fiktiewe Eike-universiteit volg. O, en die vroue meng hul studies met álles wat wild is. Dié reeks, met Beáta Bena Green (Arendsvlei, Die spreeus), Celeste Loots (One Piece, Trom  poppies), Kristen Raath (7de Laan) en Mienke Ehlers (Dinge van ’n kind), het sommer reeds die meer bedeesde kykers na vlugsout laat gryp. Ander meen dis ’n “eerlike weerspieëling van studente op universiteit”. Ons gesels met dié vier sterre oor hul ervaring in die reeks wat uit altesaam…

MOOI IN ROOI SWIER IN SWART BEVANGE IN BLINK…