Innehållsförteckning för 11 July 2024 från Huisgenoot

1 EGPAAR IS MA EN PA VIR 251 BABAS Rock of Hope – só noem Wouter en Mientjie Prozesky hul veilige hawe vir kinders in Pretoria. En vir elkeen is hulle so lief soos ’n eie kind Hulle is twee oulike mense met die mooiste harte! En Mientjie was die beste laerskooljuffrou vir my kind gewees. Mag elke kindjie wat by julle was, altyd die liefde, warmte en omgee van jul veilige huis onthou en vorentoe ervaar. ELMARIE Daar is soveel seer in die lewe, veral nou se dae. Al die verwerping, seer, depressie, kwaad en liefdeloosheid maak my bang. Soos die Bybel sê, die liefde het koud geword. Baie dankie dat julle nog omgee en vir ander hoop gee. HANNETJIE Hierdie wonderlike egpaar is engele op aarde. Elke keer as…

◼ Liefde is ’n werkwoord, dié dat ek albei my geliefdes tot hul dood bygestaan het. ◼ Mens kán opstaan as jy wil en hard daaraan werk. ◼ Die intense hartseer word mettertyd sagter. ◼ Jy moet déúr die rouproses gaan, daar’s nie kortpaaie nie. ◼ Rourituele, soos ’n foto met kerse en die soen van ’n portret, kan verligting bring. ◼ Huil help, maar nie as jy heeldag huil nie. Dalk ’n halfuur lank voor jy weer jou lewe vir die dag hervat. ◼ ’n Mens kan weer liefkry.…

AANVANKLIK was dit die tipe swangerskap waarvan enige toekomstige ma net kan droom. Alles het glad verloop. Die nodige toetse het getoon dat haar dogtertjie normaal ontwikkel het. Trouens, toe Martha Marema in die kraamsaal van die Voortrekker-hospitaal op Mokopane (voorheen Potgietersrus) ingestoot word, het sy heelwat rede gehad om te dink sy sou ná ’n dag of twee met ’n gesonde baba by die hospitaal uitstap. Dit was eers nadat sy gekraam het, toe sy oplet die vroedvroue wil nie haar baba vir haar aangee nie en stap bekommerd heen en weer, dat Martha begin vermoed het iets skort. “Ek kon my baba hoor huil, maar hulle het haar nie vir my gewys nie. Dit was eers toe ek gevra het om haar te sien dat hulle haar na…

Amberblonde skakerings As jy blonde hare het, is jy gelukkig genoeg om van soveel verskillende skakerings ligstrepe te kan kies. Hoekom nie Charlize Theron se voorbeeld volg met warm amberkleurige skakerings nie? L’Oréal Gold Quinoa + Protein Absolut Repair Golden Mask (R295 vir 250 ml, Salon500) sal jou hare opknap en dit helder en mooi laat lyk. Platinum vars Helen Mirren dra al vir jare met trots haar natuurlike grys hare en eksperimenteer met ’n pragtige mengsel van ysblond en grys wat haar hare ekstra interessante karakter gee. Vra jou haarkapper ’n paar 360-grade-ysblonde ligstrepe om jou grys te verfris. Gebruik tussen salonbesoeke Matrix Total Results Silver Shampoo (R295 vir 300 ml, Style Bar) om ongewenste geel skakerings uit te balanseer en jou kleur te versterk. Karamel ‘balayage’ “Balayage” is…

1 Kommissie As ’n eiendomsagent jou huis verkoop, moet jy kommissie betaal (gewoonlik 5 tot 7,5% van die verkoopprys). 2 Verbandkansellasiekoste As jy ’n huislening het, moet jy die bank 90 dae kennis gee om te kanselleer. Sou die huis nie binne die 90 dae verkoop nie, kan jy die bank vra om die kennisgewingstydperk te verleng. As die verband gekanselleer word voor die 90 dae verstryk, is jy aanspreeklik vir die verbandkansellasiefooie. Dis gewoonlik gelykstaande aan die rente wat jy vir die res van daardie 90-dae-tydperk sou betaal (maar hoogstens drie maande). ’n Boete kan geld as jy ’n verband van 20 of 30 jaar binne die eerste twee jaar kanselleer. Jy moet ook enige versekeringspremies (soos huiseienaarsversekering), wat oor die volgende ses maande teen die verbandrekening gedebiteer sou…

KREEF 21 JUN – 21 JUL Jy is tans op ’n goeie plek met jouself en die wêreld. Rondom die 11de is daar ’n geleentheid om jou inkomste te verhoog of om sonder veel moeite meer geld te maak. Dis egter nie wys om betrokke te raak by enigiets wat jou huidige werksituasie kan bedreig nie, selfs al stel ’n vriend ’n maklike oplossing voor. LEEU 22 JUL – 22 AUG Venus, die godin van liefde, beweeg op die 11de in jou teken in, wat jou in ’n liefdevolle bui plaas, so let op jou voorkoms, sosiale interaksie en bowenal jou liefdesverhouding. Wees egter waaksaam rondom die 15de – onverwagte ontwikkelinge by die werk kan dalk ontwrigtend wees, maar dit sal nie wys wees om impulsiewe besluite te neem of…

OM TEEN TREINE TE SKREE Saamgestel deur TANYA VIVIERS Best Books, R249* Om teen treine te skree bevat 11 nuwe dramas wat wissel van komedies tot tragedies. Dis ideaal vir hoërskoolleerders wat graag ’n opvoering op die planke wil bring of ’n stuk vir ’n kunswedstryd wil voorberei. Die verhooginkleding, klank en beligting word deeglik beskryf sodat enige amateur die toneeltekste as verhoogstukke sal kan gebruik, verduidelik die samesteller van die bundel, Tanya Viviers. Sy vertel: “Die titelteks deur Kanya Viljoen, wat heel laaste in die bundel verskyn, raak ’n baie sensitiewe onderwerp aan, naamlik hoe die stuur van ongewenste aanlyn boodskappe noodlottige gevolge kan hê. “Ek was aangenaam verras met Fanie Viljoen se ‘Wag-’n-bietjie-bus’, wat dui op elke mens se wag op uitkoms. So ook met Deidré Jantjies se…

KITSBEURT Onderwyser: “Kinders, julle het 40 minute om ’n opstel oor krieket te skryf.” Ná twee minute stap Rikus vorentoe om sy opstel in te handig. “Hoe is dit moontlik dat jy so gou klaar is?” vra die onnie. Rikus: “Die wedstryd is afgelas weens reën, Meneer!” JOHANNA RADEMEYER TANDEMSWAPE Ek het vandag vir die eerste keer gaan valskermspring. Hierdie ou het homself aan my vasgemaak, ons het saam uit die vliegtuig gespring en terwyl ons stadig grond toe daal, vra hy: “So, hoe lank is jy al ’n instrukteur?” DENISE, PRETORIA GEN Z-HOOFREKENE Die onderwyser sien Gertjie let nie op in die klas nie en looi hom met ’n vraag. “Gertjie! Wat is 101+144+201?” Gertjie: “Dis maklik, Meneer. M-Net, kykNET en SuperSport!” JOHANNA RADEMEYER BLITSAANVAL Skilpad word deur ’n…

1 In watter land is die Atacamawoestyn? 2 Wat word die Amerikaanse presidentswoning genoem? 3 Watter atleet het die meeste Olimpiese goue medaljes gewen? 4 In watter Disney-fliek sing hulle “We Don’t Talk About Bruno”? 5 Hoe lank is ’n millennium? Antwoorde 1 Chili 2 Die Withuis 3 Michael Phelps 4 Encanto 5 1000 jaar BRONNE THE GUARDIAN, CNN, BBC, ETYMOLOGIEBANK.NL, KIDS.GUINNESSWORLDRECORDS.COM, KIDSNEWS.COM.AU, BRITANNICA.COM…

DIE weer het op baie maniere ’n invloed op ons lewe. Sommige daarvan is klein – dit kan bepaal wat ons aantrek vir die dag, en of ons Sondag kan braai. En sommige daarvan is groot – ’n droogte kan vernietigend vir ’n boer wees, en ekstreme weer soos siklone of tornado’s kan chaos in gemeenskappe veroorsaak. Weervoorspellings help ons deur ons ’n idee te gee wat om van die weer te verwag op ’n spesifieke tydstip, maar hoe betroubaar is dié voorspellings? En hoe werk dit dat ons iets soos die weer kan voorspel? METEOROLOGIE Dis die wetenskaplike studie van die Aarde se atmosfeer en meteorologiese verskynsels. Dis ’n meteoroloog se werk om weerpatrone te bestudeer en te voorspel watter soort weer op ons wag. Meteoroloë, ook bekend as…

‘MY LUS vir politiek is uit my uitgebliksem. Dit was lekker om bietjie teen die polisie te gaan. Die veiligheidspolisie was die sprekende voorbeeld van die destydse regering se onderdrukking en waarvoor hulle gestaan het. Dit het loodreg ingedruis teen my persoonlike beginsels. In my derde jaar by UWK het ek by die politiek betrokke geraak, want ek wou dinge beter maak vir my mense wat agterna kom. Ek raak toe die voorsitter van die studenteraad. Een nag is ek deur die veiligheidspolisie by die koshuis uitgetrek. Hulle slaan toe die hel uit my uit in Bellville-Suid se selle. Ek was omtrent ’n maand en ’n half aangehou. Ek’t my eksamen in die selle geskryf. Daar was ’n spotlight wat die heelnag op jou geflits het. Jy moes sonder klere…

1 ONDERSOEK OOR MATTHEW UITGEBREI Die polisie voel verskeie mense moet aangekla word nadat die Friends-ster MATTHEW PERRY verlede jaar aan ’n dwelmoordosis dood is. ’n Nadoodse ondersoek het getoon Matthew (54) het ten tyde van sy dood byna drie keer die normale hoeveelheid ketamien in sy bloedstroom gehad. In die ondersoek na sy dood het die polisie van Los Angeles nou met die Amerikaanse posinspekteurs saamgewerk om vas te stel waarvandaan die akteur die dwelms gekry het. 2 DAVE KRAP TAYLOR OM Die Foo Fighters-sanger DAVE GROHL is gou op sy plek gesit nadat hy te kenne gegee het TAYLOR SWIFT sing nie regtig op haar Eras Tour nie. In ’n onlangse optrede het Dave (55) gespot hy verander sy groep se vertoning na die Errors Tour, want hulle…

OOR die huwelik en verhoudings sê sy: “Ek het nog nooit ’n man ontmoet wat vir my kan sorg nie. Ek het nie ’n man nodig nie, ek het ’n vrou nodig.” Joan Collins – veteraan van die verhoog, silwerdoek en kassie, sepiefeeks en “Dame Commander of the Order of the British Empire” – behoort te weet. ’n Leërskare mansrolprentsterre het haar al in die kooi probeer kry, en sy is vier keer geskei voor sy geluk gevind het saam met no. 5, Percy Gibson. Pla dit haar nie dat Percy 32 jaar jonger as sy is nie? “If he dies, he dies,” het Joan (nou 91) onlangs filosofies kwytgeraak. ’n Glansryke lewe was haar altyd bestem. Haar pa, Joseph, was van Suid-Afrikaanse herkoms en ’n agent vir sterre soos…

Wanneer en waar was jy op jou gelukkigste? Elke liewe dag is ’n geskenk en ’n kans om gelukkig te wees. Waarmee hou jy jou die graagste besig? Ek hou daarvan om tyd met my partner te spandeer. Waarop is jy trots? Dat ek altyd probeer. En dan weer probeer. Wat is die een ding wat jy nooit sal dra nie? Mens moet nooit “nooit” sê nie, nè. Ek het altyd gesê ek sal nooit crocs dra nie, maar nou het ek iets soos sewe pare. Wat is liefde? Liefde is ’n werkwoord. Dis nie iets wat mens sê nie, maar iets wat jy doen. Wat verveel jou? Onbeskofte mense. Waaroor is jy spyt? Ek is spyt dat ek nou nog nie begin podcast het nie. Wat is die kosbaarste…

DIS rooi net waar jy kyk. Die voordeur, die kombuisligte, selfs ’n klein voëlhokkie in die japonikaboom is rooi geverf. Selfde vir Riette Rust se lippe. Die rooi saam met haar blonde hare laat haar soos ’n model uit die 1920’s lyk. Die moderne huis in Welgemoed het sewe jaar gelede, toe die aaklige ding gebeur het, nie so gelyk nie. “Ek het kleur in my lewe nodig gehad ná JD se dood,” sê sy. Haar man het op 2 Desember 2016 sy eie lewe geneem. Hier, in die kombuis van hierdie einste huis. “Daarom het ek die huis heeltemal laat oorbou, sodat die kombuis nou op ’n heel ander plek sit.” Daar is ’n portret van JD in die gang na die agterste slaapkamer. Daarop glimlag hy nog. “Daardie…

SAKPAS-AARTAPPELPASTEI met UIE & KAAS GENOEG VIR 4 MENSE (AS MAALTYD) OF 6 MENSE (AS BYGEREG) BEREIDING: 15 MIN. / GAARMAAK: 35-40 MIN. Pasteivulsels hoef nie met duur bestanddele berei te word nie. Met die regte kombinasie van koskaskos kan dit net so lekker en heilsaam wees. Jy kan selfs gaar oorskietaartappels gebruik om hierdie heerlike pastei te prakseer. ◗ 2 uie, in skyfies gesny ◗ 2-3 knoffelhuisies, fyngekap ◗ 5 ml (1 t) gedroogde gemengde kruie ◗ 30 ml (2 e) olyfolie ◗ sout en varsgemaalde peper ◗ 4 groot gaar aartappels, geskil en in blokkies gesny ◗ 250 ml (1 k) gerasperde cheddarkaas ◗ 60 ml (¼ k) mayonnaise ◗ 60 ml (¼ k) natuurlike jogurt ◗ hand vol gekapte, gemengde vars kruie (opsioneel) ◗ 1 rol (400…

Sy het dié truitjie vir haar agterkleinseun Alonso gebrei, skryf Marie Sauzier, ’n leser van Sunningdale, KwaZulu-Natal. Sy het die patroon gebêre nadat dit die eerste keer in 2001 in Huisgenoot verskyn het. Ons het die patroon weer laat toets, en dit aangepas om drie ekstra groottes in te sluit. GROOTTE Pas vir: 3-6 (6-9; 9-12; 12-18) maande Rondommaat: 49 (54,5; 60; 65) cm Lengte tot by skouer: 30 (32,5; 35; 37,5) cm Moulengte: 21 (23; 25; 27) cm LET WEL Die aanwysings word vir die kleinste grootte gegee, met die groter groottes tussen hakies. Waar net een getal gegee word, verwys dit na al die groottes. BENODIGDHEDE ◼ 3 (3; 4; 4) x 50 g-bolle Elle Family Knit of Charity Chunky in Green (HK) ◼ 1 x 50 g-bol…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 552 KOMPETISIEVRAAG Watter dorp in Namibië is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Die VLV-kookboek (H&R, R420). Die VLV-kookboek bevat ’n versameling flatervrye resepte deur die lede van die Vroue-Landbouvereniging van Kaapland ter viering van hul 90ste bestaansjaar. Trakteer jou gesin op ou gunstelinge soos lewerkoekies, bobotie en skaapboud. Geniet ook die liplek-lekkerte van melktert, gemmerkoekies en gemmerbier – om net enkeles te noem. As jou tyd beperk is, wend jou tot die kortpadgetoetste resepte waarvoor jy die mikrogolf kan inspan, soos ’n sjokoladekoek wat in net 7 minute gereed…

DIE platemaatskappye Sony, Universal en Warner dagvaar twee kunsmatige-intelligensie-maatskappye in ’n saak wat groot gevolge kan hê. Hulle sê hierdie maatskappye gebruik die programme Suno en Udio om musiek te skep wat soortgelyk is aan musiek wat aan hulle behoort. Hulle vra vergoeding van $150 000 vir elkeen van die werke wat hulle aanvoer by hulle gesteel is. Een van die liedjies wat Suno en Udio geskep het, is “Prancing Queen”, wat glo baie klink soos Abba se ikoniese liedjie “Dancing Queen”. Udio het ook liedjies geskep wat soortgelyk is aan Mariah Carey se “All I Want for Christmas” en The Temptations se “My Girl”. Suno vra ’n maandelikse fooi van gebruikers en het ook ’n vennootskap met Microsoft. Die debat oor AI en die gebruik daarvan vir musiek, het…

HIERDIE ongelooflike natuurverskynsel met die wildvreemde naam lyk soos ’n tornado, maar vorm bokant water pleks van bokant grond. Hulle ontstaan bo warm, tropiese waters en kan by die see, mere of riviere voorkom. Die meeste waterhose kom in die Amerikaanse staat Florida voor, maar hulle is al langs die kus van die Oos-Kaap en KwaZulu-Natal opgemerk. ’n Waterhoos ontstaan wanneer die warm, nat lug bo die water styg en met koeler lug meng. Dié ontmoeting laat die lug rondtol en veroorsaak ’n draaiende kolk wat ’n vorteks of draaikolk genoem word. Die vorteks lyk soos ’n tregter wat van die water tot by ’n wolk in die lug strek. Dis gevul met water en sorg vir ’n skouspelagtige natuurvertoning! 1 DIE LUG STYG Die warm water verhit die lug…

Gereeld leer ons by Huisgenoot ’n nuwe woord enkele dae voor jy hom in die tydskrif lees. Dan sit ons met ’n klein tameletjie: Moet ons maak asof ons alwetend is en die nuwe woordeskat gebruik asof dit ’n goed deurtrapte matjie is? Of kan ons maar erken dat ons ook skielik onkant gevang is en dan saam met ons lesers verstom staan? Dis ’n risiko. Het jy al gehoor van “waterhose”? Hoekom lyk dit so baie na iets waarmee Pa die tuin sou natlei? Maar nee, gaan kyk op bladsy 72 na ons skouspelagtige infografika. Dis vir ons ook ’n eerste. Nou hoop ’n mens die onderwerp kom natuurlik in ’n gesprek voor sodat jy darem die nuwe woord vir ’n spin om die blok kan vat. Gepraat van…

1. Ons kan almal saamstaan om die stigma te help afbreek deur nie die woorde “selfmoord pleeg” te gebruik nie. Die oorledene het niemand vermoor nie. “Pleeg” het ook ’n negatiewe konnotasie – ’n mens “pleeg” ’n onreg. 2. As jy nie weet hoe om te empatiseer teenoor naasbestaandes wat deur iemand se dood geraak word nie, sê net: “Ek is só jammer oor julle verlies. Ek’s hier vir jou. Selfs snags as jy wil praat.” Sit ’n drukkie by. 3. Waak daarteen dat jou woorde die naasbestaandes verder traumatiseer. Die ontstellendste vraag is: “Het jy dit sien kom?” Bedoel jy ek het geweet hy gaan dit doen maar dié feit geïgnoreer en daarom is ek ’n moordenaar? En moenie sê jy weet hoe iemand voel nie. Jy het géén…

‘KYK NET HIERDIE GESIG! MY HART IS SEER OMDAT SY NIE HAAR OUPA THEUNS GAAN KEN NIE’ MET ’n opgewonde gilletjie kom die donkerkopdogtertjie na die koffietafel toe aangekruip en gryp met gretige handjies ’n koekie. Laggend raap haar ma die kleinding in haar arms op. “Kyk net hierdie gesig!” spog Anzél Rabie met die ondeunde klein Aloha op haar skoot. “Jy moet sien hoe sy dans. Sy’s net soveel pret.” Die klein dogtertjie is haar hele lewe, maar wanneer die ewe pragtige donkerkopma se gedagtes draai na haar geliefde pa wat nie meer hier is nie, versomber haar gesig. “My hart is seer omdat sy nie haar oupa Theuns gaan ken nie,” sê Anzél. Oupa Theuns Stofberg kon darem in die vreugde van sy kleindogter se geboorte ’n jaar…

SPATSEL KLEUR WENK Kry ’n bietjie woema deur ’n motorfietsbaadjie by ’n jas en ’n midiromp pleks van ’n langbroek te dra. Voeg net ’n knerts kleur by vir interessantheid by die andersins monochrome uitrusting. VERSKILLENDE TEKSTURE WENK Meng en pas materiale van verskillende teksture en komplementêre kleure vir jou laag-op-laag-voorkoms. Wanneer jy baadjies in lae dra, maak seker die buitelaag is ’n grootte groter sodat dit gemaklik voel. KWAAI IN KONTRAS WENK Laat jou jas uitstaan deur dit met die res van jou kleure te kontrasteer. Dra dit by jeans of ’n rek- of cargobroek vir ’n ontspanne voorkoms of ’n formele langbroek vir ’n deftige voorkoms. DANIG DEFTIG WENK ’n Polonek is ’n staatmakerstuk vir lae skep. Kikker ’n andersins deftig-informele voorkoms op met ’n helderkleurige baadjie. KRY…

DIE BURE SE KINDERS EN HUL MUSIEKLESSE V Die gebou waar ek woon se mure is nie te dik nie en almal het geleer om geraasvlakke laag te hou uit respek vir elke inwoner. Onlangs het ’n gesin reg bo my ingetrek, en o wee, dis effens problematies. Die meisie neem smiddae klavierlesse en die seuntjie probeer ’n viool baasraak. My kantoor is tuis ingerig en my werk verg by tye baie konsentrasie. Ons het nie ’n eienaarsvereniging nie, probleme word onder mekaar uitgepraat in ’n gemoedelike stemming. Hoe hanteer ek nou hierdie musieksessies elke middag? Dis oor en oor dieselfde deuntjies. A Aan die een kant is dit wonderlik dat kinders nog musieklesse neem. Aan die ander kant kan dit ’n groot irritasie word vir diegene wat dit moet…

Onder die ouderdom van 2 Fokus op asseblief en dankie. Gebruik self die woorde sodat jou kinders dit kan navolg, of doen dit met behulp van rolspel. Dit vat tyd vir kinders om goeie tafelmaniere aan te leer, so jy kan dit ’n speletjie maak waar hulle vir jou hul borde en eetgerei moet aangee as hulle klaar is. Tussen 2 en 5 jaar Soos wat hulle taal ontwikkel en kinders meer tyd deurbring saam met ander kinders en grootmense buite die familie, is dit ’n goeie tyd om te begin oefen aan die uitdrukkings wat hulle gebruik. Help hulle om ander te groet en hulself voor te stel, en om hallo en totsiens te sê as hulle die skool of ’n maatjie se huis verlaat. Op hierdie ouderdom kan…

Van party goed in jou huis kan jy makliker ontslae raak as ander. Klere kan jy na liefdadigheidsorganisasies of tweedehandse klerewinkels neem. Boeke kan weer aan tweedehandse boekwinkels of die biblioteek geskenk word. Maar wat maak jy met goed wat jy nie sommer net kan weggooi nie? DIE MEDISYNEKASSIE Sekere medikasie verval mettertyd en verloor hul doeltreffendheid, sê Gerda Potgieter, ’n apteker van Medipost. Jy moet dus alle vervaldatums vir salf tot vitamienes en aanvullings deeglik nagaan. Kyk ook of die medisyne verkleur het, snaaks ruik of melkerig lyk. Moet onder geen omstandighede pille of medisyne sommer net in die asblik gooi of in die toilet afspoel nie. Dit kan die watervoorraad en vullishope besmet. Die veiligste manier om van ou medikasie ontslae te raak is om dit na jou…

BOEKE RAVEN AND ROVER – DINO J. MARTINS Die heuwel naby die Ewaso Nyiro-rivier in die noorde van Kenia is ’n goeie plek vir Raven om te staan en kyk hoe die diere rondom hom lewe. Dan ontmoet hy die vyf nuwe kleintjies van Nusurika, ’n wildehond. Een van hulle is Rover. Dis die eerste dag wat hulle ma hulle die wêreld wys, en Rover is nuuskierig oor als en almal rondom hom. Raven, goeie vriende van Nusurika, leer Rover oor die vlieë, akkedisse en skoenlappers. En Rover se eerste dag is omtrént ’n avontuur – hy ontmoet stadige, lang en groot diere. Almal verskillend, maar uniek en manjifiek op hulle eie manier. Maar soos Raven hom al hierdie dinge leer, lees ons, die leser, ook meer oor dié dinge.…

JY HOOR dit dikwels – in skoonheidswedstryde en in rolprente, in advertensies vir broekiekouse en op TV-programme wat soek na jong talent in die wêreld van supermodelle: Min dinge is so mooi soos ’n vrou met ’n paar lang, lenige bene. Dis g’n nuwe gier nie, nee. Mense se obsessie met lang bene kom al oor die eeue heen. Lang bene, het die Victoria’s Secret model Sabah Koj in 2018 aan Vogue gesê, bly nog altyd dié ding wat jou bo ander laat uitstaan – letterlik, natuurlik, maar ook in die figuurlike sin van die woord. Dit was die einste Sabah wat sensueel verklaar het: “Dit vat my 20 minute om net my bene room te smeer!” Maar dis nie waar vir almal nie. Vra maar vir Maci Currin van…

DIS ’n vernietigende soort pyn, sien ’n mens aan die beeld van die vrou wat hier ineengekrul lê. Haar benerige hande is soos kloue kromgetrek, haar oë op skrefies – asof dit verligting vir die ontsettende seer sal bring. Wanneer ’n paramedikus ingryp, kreun sy liggies. Die pyn laat haar hele lyf in onuithoudbare spasmas trek, en haar spiere wil net nie ontspan nie. Wanneer haar tengerige lyf eers met moeite op ’n draagbaar getel word, kerm sy opnuut. Kan dit wees? Kan hierdie hulpelose vrou die diva wees wat eens die wêreld aan haar voete gehad het? Die diva met ’n stem so kragtig dat mense gespot het dit kan glase breek. Dié beeld van Celine Dion is maar een van die ontstellende grepe uit die roerende dokumentêr I…