Innehållsförteckning för 18 July 2024 från Huisgenoot

DAAR’S ’n paar lastighede in die werkplek wat maar seker altyd met ons sal wees – die geraas van ’n oopplankantoor, snaakse reuke uit ’n kollega se kosblik, die kere wat dit jou beurt is om die kantoorkuier te reël. Nog ’n ding wat nie lyk of dit binnekort gaan verander nie, is die gonswoorde wat so gedurig in die sakewêreld opduik. Elke paar jaar is daar ’n nuwe klomp om die voriges te vervang (wie onthou nog “blue sky thinking” en “move the needle”), en dan moet jy van voor af leer wat mense bedoel as hulle van vreemde dinge soos “quiet ambition” of “frolleagues” praat. Boonop is hierdie woorde omtrent altyd in Engels, en g’n mens kan dit sinvol in Afrikaans vertaal nie. No cap. Kom ons vertel…

’N WELDEURDAGTE WAGWOORD VIR WIKUS VAN WYK Almal van ons het al wagwoordkrisisse ervaar en sal simpatie hê met Wikus van Wyk (GERBEN KAMPER) se dilemma. ’n Mens kan maklik verstrengel raak in die doolhof van wagwoorde wat vir elke liewe ding op die internet vereis word. En dan probeer almal jou nog uitvang ook. Dis presies waarmee Wikus van Wyk worstel toe hy ’n video-oproep na sy kleinkind toe wil maak. En Wikus is boonop nie baie begaafd met die tegnologie nie. Hoekom is dit die kyk werd? Wie van ons se foon is nie omtrent aan ons hande gegom nie? En hoeveel van ons moes nie al (herhaaldelik) vir ons ouers wys hoe WhatsApp werk of hoe om foto’s te stuur nie – net vir hulle om weer…

AMERIKA GESIN DAGVAAR NASA OOR RUIMTEROMMEL ’n Gesin van Florida dagvaar Nasa vir omtrent R1,5 miljoen omdat daar in Maart vanjaar ’n stuk ruimterommel deur hulle dak geval het. Hulle prokureur sê die familie wil vergoeding hê vir die stres en impak wat die gebeurtenis op hulle lewens gehad het. Die rommel wat op die Oterogesin se huis geval het, was ’n 10 cm-metaalsilinder wat voorheen deel was van batterye op die Internasionale Ruimtestasie. Dit was deel van 2 600 kg rommel waarvan die res alles uitgebrand het toe dit die Aarde se atmosfeer binnegekom het. CHINA MOSSE GEVIND WAT OP MARS KAN OORLEEF Wetenskaplikes van China het aangekondig dat die woestynmos Syntrichia caninervis toestande kan weerstaan soortgelyk aan dié wat op Mars gevind word. Die toestande sluit in droogte, hoë…

NAOMI is altyd laat. Haar span sê vir my sy sal minstens drie uur agter skedule wees, en sy is. By die Dorchesterhotel in Londen, is Vogue in een suite en ek in ’n ander. Die pianis in die voorportaal het opgegee. Selfs die vrugte en muffins droog uit in hulle mandjies. Dan swaai die deur oop en die wonderlikste wangbene ter wêreld warrel by die vertrek in. ’n Man met ’n boks snesies kom agterna. Naomi sak op die leunstoel neer en nies. “Ek’s jammer. Baie dankie,” sê sy toe ek vir haar snesies en ’n glas water gee. “Ek weet nie wat aangaan nie. Ek’t nog nooit in my lewe hooikoors gehad nie. My hele neus jeuk. Is daar baie stuifmeel in die lug? Kan jy iets aanbeveel?…

WIE wil nou as “roboties” en “vervelig” beskryf word? Veral in die politiek, waar jy mense moet oortuig om vir jou te stem, is dit dalk beter om charismaties, selfs omstrede, te wees. G’n wonder dus dat die Britse Arbeidersparty, wat in die aanloop tot verlede naweek se verkiesing in die meningspeilings voorgeloop het, dalk sou kon voel hul leier is die een ding wat teen hulle tel nie. Hy is immers so saai, hy word deur sommige mense “the unknowable sir Keir Starmer” genoem. En tog, daar staan hy nou: met die leisels van die nuutverkose Britse regering in die hand, gereed om met sy goed by Downingstraat 10 in te trek en premier van dié land te word. So stemmig as wat hy kan wees, het hy dermiljoene…

Die Sama-benoemde sanger se nuwe liedjie is getiteld “Adore” – en ’n beter naam sou hy sowaar nie kon kies nie. Dis immers vir sy vrou, Savannah, geskryf. Chad het die liedjie onlangs in die ontbytprogram Expresso bekendgestel. “Die liedjie is deur my en Savannah se troudag geïnspireer,” sê hy. “Ek wou dit oor en oor vertel, so hoekom dit dan nie sing nie?” Hy wou ten volle teenwoordig wees op sy eie troudag en het daarom nooit die mikrofoon nader getrek nie, maar hy hoop dié liedjie sal nog vir baie jare op ander mense se troues speel en ’n “household wedding song” word. “Dit vertel ’n storie waarmee die meeste paartjies hulle kan vereenselwig: oor hoe die bruidegom op die punt staan en jou bruid na jou toe…

ONS het PARIS HILTON se “babastemmetjie” leer ken toe sy as ’n verstrooide sosiale vlinder op die toneel verskyn het in die reeks The Simple Life. Maar dit lyk asof sy deur die jare ’n dieper, ernstiger stemtoon aangeneem het. Dit was veral duidelik toe sy onlangs haar stemtoon afgewissel het toe sy die Amerikaanse Kongres toegespreek het. Die verskil was so groot dat dit mense aanlyn laat wonder het of daar ’n probleem met die klanktoerusting was. Paris (43) het gepraat oor hoe belangrik dit is om meer hulpbronne vir geestesgesondheid by tieners beskikbaar te stel. Sy het haar spreekbeurt begin in haar bekende hoë stem. “Dankie, ek het ons Zoom-oproep geniet. Ek hou van jou baadjie. Die blinkers is wonderlik,” het sy in ’n skril stemmetjie vir die…

SY HET LANKLAAS GEPRAAT OOR DIE NAG TOE HAAR LEWE VERANDER HET, DIE NAG TOE HAAR MAN ’N BYL OPGETEL HET OM SY GESIN UIT TE WIS DIS nogal bedrywig in die winkelsentrum, maar die blonde vrou gee ál haar aandag aan haar koffie. ’n Suikersakkie lê vergete op die tafel voor haar. Dié koffiekroeg om die draai van haar huis in Kirstenhof is al jare lank vir haar ’n terapeutiese plek. Die eienares, teen dié tyd ’n ou vriendin, kom hoor kort-kort of sy nog nodig het. Want die warm troosdrankie is Debbie Adlington se reddingsboei. “Koffie is vir my soos ’n antidepressant. Ek kan nie sonder koffie deur die lewe gaan nie. Wanneer ek oor my verlede begin praat, begin ek stres. En dan drink ek koffie,” vertel…

SOMS moet ’n man tot verhaal kom. Die dinge van die lewe flits verby, die een ding ná die ander. Mooi en goeie dinge, en soms ook seer dinge. Met net te min tyd om dit alles te verwerk. Maar hier staan hy nou. Stíl. Want dis tyd vir asemskep en vir bestekopname. Dit was asof hy die afgelope byna 10 jaar ’n passasier op ’n wegholtrein was wat net nooit stilgehou het nie, vertel die akteur Clint Brink. Ja, dit was ’n trein waarop hy wóú wees. Een waarop hy elke dag sy liefde vir toneelspel kon uitleef. Soveel jare lank het hy elke dag geesdriftig op dié trein gery, sê Clint. Maar daar het ’n stadium gekom waar hy besef het dis tyd vir die trein om brieke…

Voel jy al hoe meer mistroostig hoe kouer dit raak? Dis nie net in jou verbeelding nie. “In die meeste gevalle begin die simptome van seisoenale depressie in die laat herfs en vroeë wintermaande,” sê Christina Galloway van die Universiteit van Michigan. Volgens die Johns Hopkins-universiteit in Maryland word minder sonlig en korter dae verbind met ’n chemiese verandering in jou brein. Dit kan seisoenale depressie aanhelp. Melatonien, ’n hormoon wat jou slaap-wakker-siklus reguleer, speel ook ’n rol. In die tyd wat die dae korter en dit langer donker is, word meer melatonien vervaardig. Die simptome duur deur die winter voort. WAT IS DIE SIMPTOME? › Jy het heeldag gevoelens van depressie› Jy slaap meer maar voel steeds moeg› Jou energievlakke is laag› Jy raak maklik geïrriteerd› Gewigstoename› Gevoelens van…

SAGTE vaardighede soos persoonlikheidseienskappe wat jou help om saam met ander mense te werk, kennis van tegnologie en passie kan kwalifikasies oortref wanneer jy ’n droomwerk wil losslaan. Hier is vyf algemene vrae wat tydens ’n onderhoud gevra word waarin jy jou sagte vaardighede kan wys en hoekom jou aanstelling ’n aanwins sal wees. Vertel ons van jouself – Hier kan jy jou opleiding, werksgeskiedenis, onlangse werkservaring en een of twee persoonlike stokperdjies, soos liefdadigheidswerk, noem. Die onderhoudvoerder vra sulke vrae omdat hulle jou selfvertroue, geesdrif en passie wil sien. Praat oor hoekom jy jou huidige werk gekies het en wat jy alles daaruit geleer het. Wat is jou swakhede? – Noem die swakhede wat nie die werk waarvoor jy ’n onderhoud doen, sal beïnvloed nie. Kies iets wat jy…

STERREKIND! Sy jongste EP maak nie plek vir veel geheimhouding nie – dis eenvoudig Nuwe klanke. “Die naam is vanselfsprekend,” sê die Zimbabwiese sanger TiNO. “Ek het nuwe klanke geskep, geïnspireer deur country en folk. Die resultaat is ’n lekkerluister-album met vyf uiteenlopende snitte.” TiNO se debuutalbum, Sterrekind, het twee jaar terug van hom ’n ster gemaak. Sy liedjie “Afstand” het die no. 1-posisie op RSG se Groot Musiektrefferlys behaal. Ander liedjies wat gevolg het, “Tassies pak” en “Awe”, was ook dadelik treffers. Sy nuwe musiek is só lekker, hy luister sommer self daarna wanneer hy gaan draf. “Gewoonlik luister ek nie weer na my musiek nie, maar die afgelope tyd vang ek myself gereeld na Nuwe klanke luister wanneer ek oefen,” sê hy. “My musiek is soos my kinders,…

KLARA bring die glanstydskrif nader aan haar gesig en trek haar asem diep in. Oorkant haar op die bank sit Albert, bene ver voor hom uitgestrek, besig op sy foon. Sy blaas haar asem stadig uit en laat sak die tydskrif op haar skoot. Albert kyk op. “En dié sug? Waaroor is jy beswaard?” Vlieg gerus in jou peetjie. Maar dis nie wat sy sê nie. Sy sê: “Ek is glad nie …” En dan bly sy stil. Twee goed: nommer een – sy gaan nie eens probeer om aan haar man te verduidelik dat tydskriflees al haar sintuie insluit nie, van die voorblad, regdeur tot by die reuk en gevoel van die glansbladsye tussen haar vingers. En nommer twee – Albert sal hard en slordig lag oor die artikel…

BINIAM GIRMAY, ’n 24-jarige fietsryer van Eritrea, het die eerste swart man van Afrika geword wat ’n skof in die Tour de France gewen het. Hy het die derde skof van vanjaar se Tour gewen wat in die Italiaanse stad Turyn geëindig het. Hy is ook die derde persoon van Afrika wat dit regkry om die prestasie te behaal. Voorheen het Suid-Afrika se Robbie Hunter in 2007 en Daryl Impey in 2019 skofte gewen. Daryl was ook die eerste fietsryer van Afrika wat die gesogte geel trui, wat die voorloper in die fietstoer aandui, gedra het. “Van die eerste keer wat ek fiets gery het, droom ek al van die Tour de France,” het Biniam ná sy oorwinning gesê. “Om dit in my tweede een reg te kry, is ongelooflik.…

DIE iSimangaliso-vleilandpark aan die kus van KwaZulu-Natal is ’n skatkis vol natuurwonders. Dis so spesiaal dat dit tot ’n Wêrelderfenisgebied verklaar is, wat beteken dit word as ’n belangrike deel van ons planeet se natuurerfenis beskou. iSimangaliso is die Zoeloe vir “wonderweke en verwondering”, en die park pas beslis by sy naam. Dit skep ’n veilige tuiste vir talle wilde diere soos olifante, luiperds, renosters en selfs leeus. Maar dis nie net daar vir groot diere nie. Daar fladder ook honderde verskillende voëls in die park rond, en daar’s hope visse en seediere soos seeskilpaaie, dolfyne en walvisse. As jy van avontuur hou, kan jy tussen kleurvolle visse en koraal gaan snorkel, seekoeie van ’n boot af besigtig of ’n Groot Vyf-safari aanpak. Die iSimangaliso-vleilandpark is nie net ’n natuurreservaat…

BRONNE: DAILYMAIL.CO.UK, PEOPLE.COM, PAGESIX.COM…

NUWE foto’s van PAUL MESCAL (28) en PEDRO PASCAL (49) uit die komende Gladiator 2 het aanhangers gaande. Die twee sterre het spiere gebou vir hulle verskyning in Ridley Scott se opvolgfliek op sy hoogs suksesvolle Gladiator van 2000. Die rolprent speel af jare nadat Russell Crowe se karakter, Maximus, reeds dood is. Paul vertolk die rol van die ouer Lucius wat as ’n jong seun in die eerste Gladiator te sien was. BRONNE: DAILYMAIL.CO.UK, ITV.COM, HUFFPOST.COM, VANITYFAIR.COM…

Ek is ’n lysiemens. Dis my persoonlikheid. Op my lysie vir my droomman was: › Sterk selfvertroue.› Hy moet ’n instrument speel en kan sing.› Hy moet die geestelike leier in die huis wees.› Hy moet geen koffie, tee of alkohol drink of rook nie. Ek gaan nie elke oggend koffie maak as ek dit nie eens self drink nie.› Oe, en op die lysie was ook hy moet mooi bene hê. In 1999 het ek van Oos-Londen af PE toe getrek en by vyf selgroepe aangesluit. Ek was elke aand by een, want ek het niemand geken nie. Ek was elke aand by ’n ander kerk se selgroep om vriende te ontmoet – en obviously om ’n man te kry, want ek was in my jong twintigs en let’s…

DESEMBER 2003 Teen die yskas is Kevin se lysie van alles wat hy vir Kersfees begeer met spelfoute en al opgeplak. Hy soek “rolloblades”, sy eie “pernoculers” en die “Genis book of records”. Prente wat Katelyn vir haar ouers geteken het en ’n kleurryke magneet wat Craig ontwerp het, pryk ook teen die yskas. Tog is dit alles kosbare herinneringe aan ’n gesinslewe wat onherroeplik verby is. Die lys is vir drie jaar gelede se Kersfees opgestel en die prente is toe geteken, skaars ’n maand voor die kinders se dood. ’n Mens sou dink dit sal te pynlik vir Debbie wees om haar met herinneringe aan haar kinders te omring. Elke Vrydag koop sy vars blomme “vir die kinders” en rangskik hulle in ’n vaas op die kombuistoonbank langs…

HIER kom dit nou! Hy mag nie koes nie. Hy mag nie weghol nie. Hy mag nie blok nie. Doef! Danie van Heerden se kop ruk toe die spierpaleis hom deur die gesig klap. Die spoeg spat. Sy tande klater. Die gehoor snak. Maar Danie skrik nie. Hy steier orent. Ja wat, dink hy. Klap maar, en klap lekker. Jou beurt kom. En dan is dit Danie se kans om in te lê. Hy trek sy arm terug. Kadwar! Lekker. Kry vir jou. Dis die Pitbull, soos hy bekendstaan, se plathand. Nou wat gaan hier aan? Om iemand so op die wang te klap is mos soek vir moeilikheid? Skoorsoek, om die minste te sê, en dalk selfs iets wat op die klagstaat in ’n strafsaak aangeteken kan word? Watse…

KRY DIT HIER @HOME BY BASH.COM; BUILDERS.CO.ZA, 0860-284-533; GAME.CO.ZA, 0861-4263-2273; ICONOMYONLINE.COM; ITALTILE.CO.ZA ,010-271-2272; MRPHOME.COM, 064-584-1000 (WHATSAPP); STOREANDMORE.CO.ZA, 011-314-0002; TAKEALOT.COM; WOOLWORTHS.CO.ZA, 0860-022-002; YUPPIECHEF.COM, 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

SNAPNSAVE Met dié app kan jy geld terugkry vir dinge wat jy reeds gekoop het wanneer jy ’n foto van jou betaalstrokie laai. Voor jy winkel toe gaan, kyk jy na die koepons wat beskikbaar is op die app vir onder meer kruideniersware, skoonmaakmiddels en alkohol. Elk van die items het ’n bedrag daaraan gekoppel wat jy kan terugkry as jy dit koop. Maak seker dat die winkel se naam, die datum, strokienommer en die BTW-nommer duidelik is op die foto. As dit ’n lang strokie is, neem meer as een foto sodat al die inligting gesien kan word. Wanneer jy die strokie opgelaai het, word die bedrae wat aan die koeponitems gekoppel is, in jou beursie op die app gelaai. Dit neem tot vier dae vir jou strokie om…

Alle TV-inligting was korrek teen druktyd. By Huisgenoot maak ons seker die inligting is reg, maar TV-kanale bring dikwels veranderings aan nadat ons spertyd verstryk het. SILENT NIGHT SONDAG M-NET 20:05 ’n Hartseer pa voer op Oukersaand sy langverwagte wraak teen ’n gewetenlose bende uit. Met Joel Kinnaman. SUIDOOSTER DINSDAG KYKNET 18:00 Elana (Esther von Waltsleben) se kolwyntjies gee twee Ruiterboschers nuwe hoop. LAW & ORDER: ORGANIZED CRIME M-NET 20:00 Stabler (Christopher Meloni) wag op die afsluiting van die interne ondersoek na sy optrede.…

’N PLAASLIKE projek is begin om renosterhorings met radioaktiewe materiaal in te spuit in nóg ’n poging om die stroping van hierdie diere stop te sit. Ongeveer die helfte van die swartrenosterbevolking in Afrika is in Suid-Afrika, en ons het ook die wêreld se grootste witrenosterbevolking. Die “Rhisotope”-projek is nou in sy toetsfase. Die projek is in 2021 deur Suzanne Boswell en prof. James Larkin van die Universiteit van die Witwatersrand begin. Klein hoeveelhede radioaktiewe materiaal, genaamd radio-isotope (sien Woord van die Week) word in die horings ingespuit. As die horings gestroop word en dit kom by lughawens, hawens en grense aan, kan die masjiene wat radioaktiwiteit bespeur, dit dadelik optel. Die hoop is dat die plan sal help om die spesie se voortbestaan en oorlewing te verseker. Die navorsingspan…

SYFERSTORIES 9 Dis hoeveel ton voëlmis verwyder is van die Tyne-brug tussen Newcastle en Gateshead in Engeland. Die brug is ’n historiese baken en word tans herstel. Die gewig van die voëlmis is twee en ’n half keer soveel soos ’n volwasse seekoei. 260 Die spoed in kilometer per uur van die winde wat die orkaan Beryl tot gevolg het. Beryl, ’n kategorie-5-orkaan, is die vroegste orkaan van dié sterkte wat die Atlantiese Oseaan nog getref het. Honderde mense in Barbados moes reeds hul huise verlaat en in skuilings gaan bly vir veiligheid. $1,9 miljoen Dis hoeveel iemand betaal het vir ’n oorspronklike waterverf-illustrasie van die omslag van die eerste Harry Potter-boek, Harry Potter and the Philosopher’s Stone. Dit is die duurste Harry Potter-verwante item wat nog ooit verkoop is.…

COOL EN EDGY LEANDRI Sy’t nie woorde om te beskryf hoe gelukkig sy is om deel te wees van die dramareeks Een keer om die son nie, sê Alma (22). Maar dan lyk dit tog of sy skielik woorde vind om haar opgewondenheid te beskryf: “Insane. Amazing. Ongelooflik. Kan dit fisies nie in woorde oordra nie.” Dié nuwe kykNET-reeks volg die lief en leed van een familie deur die loop van ’n jaar. “Ek speel Leandri. Sy’s ’n komplekse enetjie. Ongelooflik cool, edgy, en sy’s mal slim. Sy staan terug vir niks en niemand. Mens kan saam met haar groei en voel soos sy leer om normale tienerdinge te navigeer terwyl sy met haar ma se dood moet vrede maak.” BEVOORREG EN GELUKKIG Die reeks het ’n paar bekendes soos…

HOOR hierdie storie. Dis die soort wat ’n mens voor die skerm vasgenael hou: ’n Identiese tweeling word kort ná geboorte geskei en loop mekaar eers dekades later toevallig raak. Dis net so fassinerend soos stories Dis net so fassinerend soos stories oor twee babas wat in die hospitaal omgeruil is en eers later ontdek die ouers wat hulle grootgemaak het, is nie bloedfamilie van hulle nie. Maar wat kry jy as die babas wat omgeruil is, elk één van ’n identiese tweeling was? ’n Verhaal so vreemd dat geen draaiboekskrywer dit kon uitgedink het nie. Die verstommende gebeure in The Accidental Twins, ’n nuwe Netflix-dokumentêr, is inderdaad vreemder as fiksie. Dit vertel die ware verhaal van ’n deurmekaarspul in ’n hospitaal in Colombia, wat daarop uitgeloop het dat twee…

DIT kon so maklik net nog ’n doodgewone dag in voorstedelike Suid-Afrika gewees het. Maryke Nel (28) trek haar oefenskoene aan, sit haar oorfone op en gaan draf deur die strate van Lynnwood, Pretoria. ’n Kilometer en ’n half van haar huis af hoor sy uit die bloute uit drie woorde wat haar lewe ’n nuwe sprankel sou gee: “Hallo, my vriend!” Uit ’n huis kom ’n vrou nader gedraf. Sy dra die pienk uniform van ’n huiswerker. Dié vreemdeling is die 48-jarige Nesta Nkosi. Sy werk in dié huis en het Maryke sien verbydraf. Ai, dit lyk darem baie lekker, sê sy vir Maryke. “Kan ek saamdraf?” Maryke haal haar oorfone af. “Jy’s meer as welkom!” sê sy. En daar draf Nesta en Maryke lekker saam. Daardie eerste oggend…