Innehållsförteckning för 15 August 2024 från Huisgenoot

1 ‘EK MOET DIEP DELF’ Só vertel Amor Vittone oor haar nuwe rol as Leticia in die reeks Diepe waters. Maar die waters van haar eie lewe was ook dikwels nie vlak nie, voeg sy by – sy weet waar om diepte te kry Ek moes ook maar diep delf om nie op te hou kyk nie. Gelukkig is dit nie ’n permanente rol vir haar nie. Want anders het ek nie verder na Diepe waters gekyk nie. MINETTE Ek het skielik ’n helse groot aanhanger van jou geword, Amor. As jy belowe om nie Sanet se serpie te dra nie, kan jy wat my betref maar in Diepe waters bly speel tot in der ewigheid in. ETTIENE Dié van julle wat nie iets goeds kan sê nie: Bly liewer stil…

SOMS wonder ek wat ek in my vorige lewe gesondig het dat ek in hierdie een so gestraf word. Kollegas skaterlag toe hulle hoor van die jongste opdrag wat my redakteur aan my uitgedeel het. Een kollega spot ek moet dit “in die naam van joernalistiek” doen. Wees tog ’n bok vir sports, moedig ’n ander een my aan. As sy maar net geweet het hoe ek op sportgeleenthede op skool weggesluip en skelm ’n dampie in die skool se badkamers gemaak het eerder as om deel te neem. Nietemin, as ’n gehoorsame werknemer aanvaar ek my lot. Die tamaai taak: Om in die koue Hoëveldse winter ’n swempet aan te trek en te kyk hoe goed ék teen die goue vrou van swem, Tatjana Smith, sou vaar as ek…

BLOSSER is meer as net kleur vir jou wange. Dis die onbesonge heldin van jou grimeersakkie. Dis ’n ware towerstaffie wat jy kan swaai om ’n gesonde gloed aan jou gesig te gee, jou gelaatstrekke te beklemtoon en jonger te lyk. Of jy gewoon ’n natuurlike, gesonde kleur aan jou gesig wil gee of graag dramatiese kontoere wil skep, gebruik gerus dié gids vir alles wat jy moet weet oor die beste keuse en die aanwending van blosser. IDENTIFISEER JOU VELTOON As jy wonder watter blosser jy moet koop, begin deur die toon en ondertoon van jou vel te identifiseer, omdat dit die sleutel is tot die kleur wat natuurlik sal lyk en jou gelaatstrekke beklemtoon. Die riglyn is om ’n skakering te kies wat jou veltoon (die intensiteit van…

ALGEMENE foute kan veroorsaak dat jou klere beskadig word in die was. Hier’s wenke wat kan help dat jou klere langer nuut bly en vars ruik. MAAK HOPIES Hoe meer jy jou wasgoed sorteer, hoe minder beskadig dit, sê die leefstylghoeroe Martha Stewart. Sy beveel aan jy verdeel dit in hopies met ligte en donker kleure. Skei ook vuil of modderige klere van klere wat minder vuil is. En was swaar of growwe materiale soos denim apart. RITS TOE Maak seker baadjies en langbroeke is toegerits. Los ritssluiters kan aan delikate klere vashaak of die glas van voorlaaiwasmasjiene krap. Knope moet jy egter oop los, want die knope kan die knoopsgate beskadig. RAAK ONTSLAE VAN VLEKKE Die oplossing vir vlekke is nie om dit hard met wasmiddel te skrop nie.…

VLUGTIGE olies, of “essential oils” soos dit op verpakking verskyn, word deur homeopate en aromaterapeute voorgeskryf vir ’n groot verskeidenheid kwale wat wissel van spanning en angs tot slaap-en spysverteringsprobleme. Die olies is gekonsentreerd en word van ’n rits plante, soos laventel en peperment, verkry. Dit vang die spesifieke plant se reuk en geur, oftewel die essensie daarvan, vas. “Vlugtige olies raak ál hoe gewilder,” sê Jana Mostert, ’n homeopaat van Johannesburg. “Daar is deesdae baie meer olies van hoë gehalte wat vrylik beskikbaar is, en anders as jare terug, is dit 100% natuurlik.” HOE WERK DIT? Sommige plante het genesende eienskappe en terapeutiese voordele en word al vir eeue gebruik om mense se gesondheid te verbeter, sê Bradley Hein, ’n naturopaat van Stellenbosch. Die olies wat ons koop en…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. № 2 557 KOMPETISIEVRAAG Watter groente is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Bessie se hangkasbiblioteek deur Madelein Rust (H&R, R320). Bessie, oftewel die weduwee Botha, woon saam met Willem, haar broer, op ’n kleinhoewe buite Bloemfontein. 1974 was tot dusver ’n goor jaar. Om alles te kroon is wyle Stefaans se ryk broer en sy snobistiese vrou op pad om te kom kuier. Bessie ontferm haar oor kinders en diere in die gemeenskap. Sy meng ook by ander se sake in as dit lyk of Dominee of Gezina, voorsitster van die…

VIR die 19de agtereenvolgende jaar het die Henley Passport Index ’n lys van die sterkste paspoorte ter wêreld uitgereik. Singapoer s’n is boaan die lys vanjaar. Mense wat so ’n paspoort het, kan na 195 lande ter wêreld reis sonder ’n visum. Wanneer jy sonder ’n visum na ’n land kan reis, beteken dit jy kan vir ’n kort rukkie na daardie land toe gaan vir sake of om te kuier. Dit maak dit makliker om te reis, want dan hoef mense nie lang prosesse met vorms en dokumentasie te volg nie. Daar is nou al wêreldwyd 111 bestemmings waar niemand nodig het om ’n visum te hê om dit te besoek nie. Suid-Afrika is 53ste op die lys, met burgers wat na 108 lande kan reis sonder ’n visum.…

1 Wat was TikTok se eerste naam? 2 Watter tydskrif kies elke jaar ’n Persoon van die Jaar? 3 Brussel is die hoofstad van watter Europese land? 4 Watter litteken het Harry Potter op sy voorkop? 5 Watter kleure is op die vlag van Indië? Antwoorde 1 Musical.ly 2 Time 3 België 4 ’n Weerligstraal 5 Oranje, wit en groen BRONNE THEGUARDIAN.COM, OLYMPICS.COM, BRITANNICA.COM, APNEWS.COM, UNEP.ORG, BBC.CO.UK, EDITION.CNN.COM, NBCNEWS.COM, GOODTHINGSGUY.COM…

1 EEN UIT ’N MILJOEN! Sy liedjie “Million Dollar Baby” is al 10 weke lank no. 1 op die TikTok-trefferlys. Dis iets ongeloofliks vir iemand wat op 26 April, toe die liedjie uitgereik is, heeltemal onbekend vir die wêreld was. Hy’s baie bly oor die sukses van die liedjie, maar was veral dankbaar vir een mens: “No. 1-liedjie in die wêreld. Het te veel mense om dankie te sê, maar dankie, Mamma, dat jy by my gebly het. Dié is net die begin,” skryf Tommy (24). 2 DIS NIE SY EERSTE LIEDJIE NIE “Million Dollar Baby” is wel sy groot breakthrough, maar dié Amerikaanse sanger maak al van 2016 af musiek. Hy het selfs al die tydskrif Complex se lys van die voorste 15 R&B-musikante gehaal. “Tommy Richman maak nie…

HIER in die hotel in Frankfurt kan jy die opwi ndi ng met ’n mes sny. Al 80 deelnemers is op hul voete en klap hande. ’n Motiveringspreker sing Ed Sheeran se “Shape of You” in haas onverstaanbare Duits. Die atmosfeer sweep mense op. Sprekers deel een vir een hul stories van oorwinning oor sielkundige uitbranding in die korporatiewe wêreld. Dan betree ’n vrou die verhoog. Sy’s sag en innemend. Dagmar Kersten se toespraak volg dieselfde trant as die ander. Sy vertel van haar vorige lewe onder intense druk om te presteer. Die hol teleurstelling van sukses. Die ineenstorting. Die pynlike proses van selfontdekking. Eindelik die balans wat sy gevind het. Maar daar is een ding anders aan haar storie. Dit begin met ’n video van die Olimpiese Spele in…

ONS het almal daardie een ding in ons huis wat mettertyd ’n ware staatmaker geword het. Van alledaagse items wat die lewe goedkoper maak, tot duursame kopies wat jou jare se genot en verligting bring – dis daai een ding waarna jy maar net altyd gryp. Huisgenoot se redaksielede deel die dinge wat die lewe vir hulle lekkerder en makliker maak. ‘EK’T BAIE LANK EEN VAN DIÉ OUTJIES BEGEER’ ELRI BOUCHER, JOERNALIS My eerste lugbraaier het ons in 2018 gekry. Ons destydse woonstel se oond het nie 100% gewerk nie. Toe ons dié een op ’n winskopie sien, het ons dit gekoop. Die meneer was ’n yster. ’n Vier liter. Ek het alles onder die son daarin gaargemaak, van ’n heel hoender tot plaatkoekies. Toe ons huishouding se behoeftes verander…

TOE Disney vyf jaar gelede R1 300 miljard vir 21th Century Fox betaal het, het dit tsunami’s deur die Amerikaanse vermaakbedryf gestuur. Rolprentteaters, televisiekanale, nuusagentskappe – die hele spul is op hulle kop gekeer. En nie almal was gelukkig nie. Maar onder een spesifieke groep mense het ’n vrolike verwagting posgevat. As ’n klein onderdeeltjie van die transaksie het Disney, wat reeds beheer van Marvel Studios gehad het, ook die filmregte gekry vir twee ander name in die superheldwêreld: Deadpool en Wolverine. En dít het die tafel gedek vir ’n fees waarvan hardebaard-fanatici dekades lank net kon droom – selfs voor hulle baarde kon kweek. In die een hoek, dames en here, het ons ’n rowwe en growwe alleenloper met ’n donker verlede, ’n geraamte van metaal en kenmerkende vuiskloue.…

DIE ligging? Die idilliese Zorgvliet-wynlandgoed op Stellenbosch. Die gastelys? Sterbelaai. En die geleentheid? Die wintertroue van die Sharks-rugbyspeler JASON JENKINS en sy vrou, die model LOU-MARIE TALJAARD. Plaaslike sterre het van oral ingestroom vir dié twee se spogtroue op 27 Julie, en almal het in hul deftigste uitrustings geskitter. Lou-Marie sê sy was aanvanklik bekommerd oor die weer – hulle móés in die winter trou oor Jason se besige rugbyskedule – maar eindelik was hulle groot dag perfek in elke opsig, al het dit gereën. Dis mos ’n teken van geluk, of hoe? “Die weer was onstuimig en dit het amper heeldag gereën, maar op die ou end het dit ’n unieke atmosfeer geskep. Ek is nog altyd ’n wintermens en is mal oor ’n reënerige dag in die Kaap,”…

AL HOE meer glansmense trek neus op vir sweetweerder, maar nie almal aan die ontvangkant hiervan het erg aan dié neiging om meer natuurlik deur die lewe te gaan nie. In 2008 toe KATE HUDSON (45) saam met MATTHEW McCONAUGHEY (54) aan die fliek Fool’s Gold gewerk het, het sy hom gevra om soutkristal onder sy arms te smeer om sy sterk liggaamsreuk te help teenwerk. Sy het onlangs in ’n geselsprogram aan die aanbieder Andy Cohen gesê: “Matthew dra nie deodorant nie en, terloops, ek ook nie. Maar my probleem was dat ek hom van ’n afstand af kon ruik!” In ’n onderhoud in 2008 met Playboy het Matthew vertel hy vertrou die oordeel van die vroue die naaste aan hom om vir hom te sê hoe hy ruik.…

SY IS gebrandmerk as die vrou wat die Beatles laat opbreek het. Daar was soveel venyn teenoor Yoko Ono in die Britse geelpers dat sy en John Lennon na New York verhuis het. John het haar sy “godin van liefde” genoem. Saam – deur hul musiek en Yoko se “vreemde” kuns – het hulle ’n boodskap van universele vrede en liefde versprei. Sy was ook die medeskrywer van John se ikoniese lirieke Imagine all the people/livin’ life in peace … Maar ondanks die vredesboodskap het ’n versteurde Beatles-aanhanger, Mark Chapman, John in 1980 voor Yoko se geskokte oë doodgeskiet. Ironies het Yoko eers ná John se dood erkenning as ’n kunstenaar uit eie reg begin kry. Baie van haar werk die afgelope 44 jaar was om sy nalatenskap te eer:…

Wat is geluk vir jou? Ons skep ons eie geluk. Waarmee hou jy jou die graagste besig? Ek is lief daarvoor om te studeer, en om iets nuuts te leer, veral spiritueel. Ek mediteer graag en skryf elke dag in my dagboek. Ek hou ook van lekker kos maak en ek doen my beste om elke dag te stap. Wat verveel jou? Oppervlakkige gesprekke. Waaroor is jy spyt? Wat klaar en verby is, is klaar en verby. Ek leer daaruit en vergewe myself. Wat is jou beste eienskap? Ek aanvaar mense net soos hulle is. En jou slegste eienskap? As ek baie gefokus is, weet ek glad nie wat om my aangaan nie, so mense kan gesels en ek hoor of sien hulle nie eens nie. Watter eienskap bewonder jy…

VLEISLOSE FRIKKA-DELLE in SOFRITO GENOEG VIR 4-6 MENSE / BEREIDING EN GAARMAAK: 40 MIN. SOUS ◗ 60 ml (¼ k) olyfolie◗ 1 klein ui, in blokkies gesny◗ 1 rooi soetrissie, in blokkies gesny◗ 2 knoffelhuisies, fyngemaal◗ 2,5 ml (½ t) droë origanum◗ 1,25 ml (¼ t) gerookte paprika◗ 5 ml (1 t) knoffelpoeier◗ 5 ml (1 t) uiepoeier◗ 1,25 ml (¼ t) fyn koljander◗ 1,25 ml (¼ t) fyn komyn◗ 5 ml (1 t) Nikkimengsel (sien regs)◗ 30 ml (2 e) sofrito (sien regs)◗ 15 ml (1 e) tamatiepasta◗ 1 x 410 g-blik tamatieblokkies◗ 60 ml (¼ k) rooiwyn◗ 500-750 ml (2-3 k) groenteaftreksel◗ 60 ml (¼ k) gekapte olywe◗ sout na smaak FRIKKADELLE ◗ olie◗ 1 ui, in blokkies gesny◗ 450 g gemaalde veganistiese “beesvleis”◗ 125 ml (½ k)…

HORISONTAAL Oorweeg dit om jou boeke en tydskrifte horisontaal uit te stal. As jy die ruimte het, hoekom nie? Wissel dit af met ’n vertikale stapeltjie of twee tussenin. PRETTIGE PLAN Stileer blomme of plante saam met jou boeke, veral boeke oor die natuur, vir trefkrag. SWEWEND ’n Eenvoudige haak of kort swewende rakkie is al wat jy nodig het om ’n vervelige stukkie oop muur te omskep in ’n mooi uitstalling van jou gunstelingboeke. MENG EN PAS Gebruik dekorstukke om boeke volgens kategorie van mekaar te skei. Hou simmetrie in gedagte wanneer jy dit so skuif, of skuif dit sommer soos jou hart lus kry vir ’n meer eklektiese gevoel en ontspanne voorkoms. KLEURE SAAM Daar’s ’n rede waarom dié tegniek so gewild is – dit lyk bloot mooi.…

LEEU 22 JULIE – 22 AUGUSTUS Jou geliefde laat val dalk ’n bom rondom die 18de, en dit sal jou verbaas en selfs skok. Jy sal nie veel tyd hê om dit te verwerk nie, want op die volgende dag sal die volmaan hierop lig werp sodat jy nie sal twyfel oor die ware omvang van die saak nie. Dit sal help om vriende in jou vertroue te neem en julle saam kan besluit wat die beste pad vorentoe is. MAAGD 23 AUG – 22 SEP Jou planeet, Mercurius, beweeg agteruit by jou teken uit en maak dit vir jou moeilik om jou gewone helderheid van gedagtes te behou. Dit kan tot ’n ontwrigtende tyd by die werk lei. Dit lyk of jy moet bontstaan om vure dood te slaan,…

SONNEBLOMVROU Deur NATASHA JOUBERT Die Afrikaanse sangeres Natasha Joubert – wat ’n voormalige skoonheidskoningin en Mev. VN Internasionaal 2007 was, maar nie met ons huidige Mej. Suid-Afrika verwar moet word nie – het destyds met haar treffers “O my bokka” en “Daisy” gewys daar is geen rede waarom sy nie ook ’n Afrikaanse popsangeres kan wees nie. Dis egter haar jongste liedjie, “Sonneblomvrou”, met sy geestelike inslag en gestroopte klavieren kitaarklanke wat luisteraars se hartsnare sal roer. “Ek is deur ’n baie moeilike seisoen in my persoonlike lewe, en ek moes keer op keer aan die waarheid van God se boodskap vasklou om daardeur te kom,” vertel Natasha oor die inspirasie wat sy gebruik het vir die skryf van die liedjie. Haar hoop is dat dit vir vroue daar buite…

DIT word die “koningin van vesels” genoem omdat dit so sag en luuks voel, maar dis sterker as staal! Sy word reeds duisende jare deur koninklikes en ryk mense gedra, en dis baie duur om te koop, juis omdat dit ’n tydrowende proses is om te maak. Maar het jy geweet hierdie duursame materiaal word van die spoeg van wurms gemaak? ANTIEKE LEGENDES OOR SY Die proses om sywurms groot te maak om sy te vervaardig word sywurmteelt genoem. Mense doen dit al duisende jare, en daar is baie legendes oor hoe die sybedryf begin het. Een vertel van die mitologiese Chinese keiser Huangdi se jong vrou, Xi Lingshi, wat die sydraad raakgesien het toe ’n sywurm se kokon per ongeluk in haar koppie tee geval het. Sy het opgemerk…

ARME ou Beatrice. Sy is lank die vaal niggie in die Windsor-familie genoem, die een wie se oordadige hoede mense laat giggel en wat met die verleentheid om haar nek lewe dat sy die dogter van die grillerige prins Andrew en weerbarstige Sarah Ferguson is. Enigeen wat dus onlangs die koerantopskrifte oor haar gelees het, sou hulself met reg wou knyp om seker te maak hulle droom nie. Daar staan dit swart op wit in The Guardian geskryf: “Princess Beatrice: Is she really the best-dressed woman in Britain?” Daily Mail basuin dit uit: “Inside Beatrice’s style transformation”. En ’n magdom ander publikasies beklemtoon in hul opskrifte die een ding wat die publiek nooit as te nimmer sou kon droom hulle sou aanskou nie: dat Beatrice haar aangetroude niggie Kate, prinses…

VIR ’n boef, ’n booswig of ’n sindikaat skrik speurder Clint Smit van Arendsvlei nie. Hy trek hulle vas en trap hulle tjank af, sommer tjoef-tjaf. Maar ’n pot en ’n pan het hom vir ’n lang tyd laat sidder en beef. So genadeloos soos die akteur CLAYTON EVERTSON se karakter ’n skurk vastrek, so het die idee aan ’n resep hom in ’n ander rigting laat snol. Maar nie meer nie. Want toe die wêreld so ’n paar jaar gelede weens die pandemie tot stilstand kom, het hy sy hand aan ’n paar koekresepte gewaag en sommer gou het hy geleer hy het ’n verborge talent: Hy is eintlik ’n meesterbakker. En nou het Clayton dit nog ’n treetjie verder gevat. Die akteur en sy meisie, KADE-MARIE BRINK, het…

Onlangs sê die organisasie Viva op Facebook wat die verskil tussen “tripel” en “trippel” is, en, mensig, jaag dit toe baie mense die harnas in. “Trippel” met twee p’s is wat jy doen as jy in die gang af na die kamerverlaat jaag; “tripel” met een p is drievoudig. Soos wanneer ons een nul tripeleen moet bel vir die polisie. Maar nee! sê die Facebookers. ’n Mens sê dan albei woorde presies dieselfde: Hoekom nou die mal idee om een p te gebruik. Sal jy nie dan sê traai-pil nie? Huisgenoot is (dié keer) aan die kant van die Facebookers. Ons kry “tripel” van die Franse “triple” via Nederlands. Uit eie geledere het ons “driedubbel” en “drievoudig”, maar daar is verkeerd gereken ons het “tripel” oorgeneem uit Engels. Daarom was…

MET sy groot soldaterugsak oor sy skouers waai hy vir haar, draai om en stap na die vliegtuig toe. Terwyl sy hom agternakyk, hoor sy weer sy afskeidswoorde: “Volgende keer as ek huis toe kom, kom ek met al my bagasie.” Afskeid is deel van jou lewe as jy met ’n beroepsoldaat getroud is. Maar nou het hulle ’n deal gemaak – hierdie sou die laaste keer wees dat hy na die Demokratiese Republiek van die Kongo toe gaan. Ná hierdie tweede vredesending sou hy vra vir ’n oorplasing, nader aan haar en die kinders hier op Heidelberg. Maar toe hy weke later huis toe kom, was dit in ’n lyksak. En die grootste skok is hóé hy gesterf het. Die oggend van 8 Julie, in die Suid-Afrikaanse leërbasis in…

SY IS enige boer se droomvrou: slim, mooi en glad nie bang om hand by te sit op die plaas nie. Sy het al skape gevang, lande geploeg en onlangs selfs ’n inwendige ondersoek met ’n rubberhandskoen gedoen om te sien of ’n koei dragtig is. Alles sonder om op haar pragtige bloes te mors. Ja, daar is talle deelnemers aan die afgelope vier seisoene van Boer soek ’n vrou wat sekerlik al gewens het hulle soektog kon eindig met die reeks se innemende aanbieder, Marciel Hopkins, wat op die plaas agterbly. Dít kon sy natuurlik nie doen nie, maar suksesvol was sy wél. Sy het in haar drie seisoene as aanbieder 14 paartjies bymekaar help bring. Dit het boonop verhoudings geword wat hou, want sy is intussen na verskeie…

SILWER SONBRILLE WENK Maak ’n stelling met ’n silwer sonbril by eenvoudige klere. HORLOSIES BELDE WENK Laat silwer juwele meer uitstaan deur dit saam met ’n silwer belt te dra. OORBELLE WENK Kies fyn stukke vir ’n klassieke voorkoms en groteres vir ’n meer eklektiese voorkoms. RINGE HALSSNOERE ARMBANDE HAARBAND GOUD SUNGLASSES SONBRILLE WENK Belê in ’n goue horlosie vir daai tikkie uitspattigheid. HORLOSIES BELDE WENK Goud lyk goed by warm skakerings soos rooi, oranje en bruin. OORBELLE WENK Stapel ringe op mekaar vir ’n glansryke tekstuur. RINGE WENK ’n Goue halssnoer kan enige voorkoms ’n hupstoot gee – van ’n T-hemp en jeans tot by ’n elegante rok. HALSSNOERE ARMBANDE KRY DIT HIER AMERICAN SWISS 021-938-7510; BASH.COM; COTTON ON087-550-4383; DANIELKLEINWATCHES.CO.ZA; EDGARS 031-010-0005; FOREVER NEW 0860-018-014; FOSCHINI 021-938-7096; GALAXY AND…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. NET EK BETAAL VIR VAKANSIES V Dis nou al twee jaar sedert ek afgetree het en ek’s al byna sewe jaar ’n weduwee. Een ding wat ek van myself geleer het, is dat ek glad nie daarvan hou om alleen op ekskursies of met vakansie te gaan nie. Alleen langs ’n bosveldvuur vang my die ergste. Sowat ’n jaar gelede het ek begin om vriende en familie te vra of hulle saam vakansie…

AS JY nie weet wie Jaco Jacobs is nie, is jou naam Rip van Winkel: Hy is die skrywer van meer as 260 boeke vir kinders. Daar is selfs gelukkige Engelse, Italiaanse, Nederlandse, Spaanse en Sloweense kinders wat sy boeke in hul moedertaal kan lees. Maar 260 boeke val nie net in ’n mens se skoot nie, jy moet hard werk om dit reg te kry. Hoor net hoe lyk Jaco se daaglikse roetine: “Ek staan die meeste oggende halfvier op, draf gim toe om saam met twee pelle te oefen, draf terug huis toe, en begin so halfagt skryf. Ek probeer min of meer by gewone werkure hou, al werk ek nie meer voltyds in ’n kantoor nie. As ek nie skryf nie, vertaal ek boeke, meestal kinderen jeugboeke,…

GLAS HALF VOL Dis laatnag en die vrou wag steeds vir haar man om huis toe te kom. Hoogs ontsteld bel sy haar ma. “Ek dink hy het ’n skelmpie.” “Moet jy altyd die ergste dink?” vra haar ma. “Dalk was hy maar net in ’n motorongeluk of iets.” LOUISE NOETH BESTANDDELE Kallie vra op ’n WhatsApp-groep: “Vriende, watter vis is die lekkerste saam met chips? Laat gou weet, seblief. Ek staan hier in die troeteldierwinkel.” DENISE, PRETORIA NAGUIL “My vrou het die nare gewoonte om tot tweeuur in die oggend wakker te bly. Ek kry haar net nie om vroeër te gaan slaap nie,” sê Piet. “Maar waarom op aarde bly sy so laat wakker?” vra Sarel. “Sy wag vir my om huis toe te kom,” sê Piet. JOHANNA…

Op dié dag in 2004 het die 28ste Olimpiese Spele amptelik in die Griekse hoofstad, Athene, begin. Griekeland is die geboorteplek van die antieke Olimpiese Spele. Dit was die eerste keer sedert 1896 dat Athene die Spele aangebied het. Dié Spele was dus die terugkeer na die oorsprong van dié internasionale sportbyeenkoms. Die openingseremonie is in die Olimpiese Stadion gehou. Dit het begin met ’n aftelling van 28 sekondes – een vir elke Spele sedert die 1896-weergawe. Dis gevolg deur twee segmente wat Griekse kuns, geskiedenis, musiek asook die geskiedenis van die Spele herdenk het. Dit het stories vertel oor Griekeland wat dateer van die Bronstydperk deur die Hellenistiese tydperk tot moderne Griekeland en veral die lewe daar ná die Tweede Wêreldoorlog. Die president van die Internasionale Olimpiese Komitee, Jacques…

Haar gunsteling-gadget is haar Samsung Galaxy Buds2 Pro. “Ek’t lank met Samsung saamgewerk, en my aanhangers het gewonder of ek regtig enige Samsung-produkte gebruik,” sê Charli. Volgens Hollywood het en hou alle celebs net van iPhone. Pfft! “Maar ja, ek’t ’n Samsung, en ek werk nie eens meer saam met Samsung nie, maar ek gebruik altyd die Buds2 Pro.” Sy hou ’n dagboek. Sy het ’n boekie waar sy haar gedagtes en gevoelens en ander dinge neerskryf. “My grootste nagmerrie is om dit iewers te verloor. Die gedagte gee my koue rillings.” Sy het al van jong dae af een. “Daar was altyd hope en hope van hulle by die huis.” Sy bril. “Ek het my sien-bril nodig om te bestuur, TV of flieks te kyk. Om eerlik te wees,…

BARRON HUFKIE Die eNuus-aanbieder BARRON HUFKIE het onlangs sy mikrofoon vir ’n paspoort en ’n sonhoed verruil. Hy wou die vinnige pas van TV-nuus met ’n luukse vakansie na die sonnige strande van Ibiza en die stylvolle strate van Milaan so effentjies vertraag, en het sy niggie, NATALIE STECHEL, en dié se seuntjie, Matthias (1), saamgenooi. “Dit is baie spesiaal om die wêreld saam met jou geliefdes te verken,” sê Barron oor hul onlangse reis. “Dis plekke waaroor ons altyd net gedroom het en wat ons gehoop het ons eendag self sou kon sien.” En om die wêreld deur die oë van ’n kind te ervaar, is net so besonders. “Dit was wonderlik om te sien hoe sy besige ogies alles inneem,” sê Barron. “En dieselfde geld vir Natalie, om…

DIE verdeeldheid in die Cyrus-familie is niks nuuts nie. Van die kinders was aanvanklik in hul pa, BILLY RAY CYRUS, se hoek, die ander staan by hul ma, TISH CYRUS-PURCELL. Nou het die skeuring verdiep weens teks- en stemboodskappe waarin Billy (62) vir Tish en hul dogter Miley (31) beledig. Firerose (35), die Australiese sangeres van wie Billy ná ’n huwelik van net sewe maande gaan skei, het glo die boodskappe aan die media laat uitlek. Met kru taalgebruik verwys hy na Tish (57) as ’n “liegbek en verneuker”. Hy het ook haar twee oudste kinders, Brandi (37) en Trace (35), sleggesê. Hy het hulle aangeneem nadat hy in 1993 met Tish getrou het. Hy verwys na homself in die derde persoon: “Dis twee verskillende mans se kinders wat sy…