Innehållsförteckning för 22 August 2024 från Huisgenoot

EK WAS 19 jaar oud toe ek met Herman ge-troud is. Hy was 24. Ek het my hele lewe saam met hom spandeer. Is ek spyt ek het so vroeg getrou? Nee, ek sal ons 66 jaar saam op hierdie aarde vir niks verruil nie. Ek onthou nog ons eerste ontmoeting asof dit gister was. Ek het van Steynsburg na Fouriesburg gereis om by ’n vriendin te gaan kuier. Herman was ’n gemeenskaplike vriend en toevallig die dag by my vriendin se huis. Ek weet nie of dit liefde met die eerste oogopslag was nie. Ek dink so. Toe ek hom ontmoet, het ek geweet dit is iemand wat ek beter wil leer ken. Herman was ’n boer in die Slabbertsdistrik in Fouriesburg. Met ons eerste ontmoeting het hy sy…

SÓ KAN JY NATUURLIKE VERLIGTING KRY ◗ Sorg dat jy minstens een glas water per dag vir elke 10 kg van jou gewig drink, want hoofpyn is dikwels die gevolg van ontwatering. Beperk jou kafeïeninname tot een of twee koppies per dag, want te veel koffie kan tot ontwatering lei.◗ Oefening is goed vir jou liggaam, maar ook vir jou brein. Dis een van die belangrikste leefstylveranderinge wat jy kan maak om hoofpyn te verminder. Dit stel endorfiene vry wat die pynseine na die brein blokkeer. Dertig minute se oefening vir vyf dae van die week is wat kenners by die Mayo-kliniek aanbeveel. Joga is ook ’n wonderlike manier om stres te verlig en pyn te verlaag. Dit kan ook help om die intensiteit en frekwensie van jou kopsere te…

THE BEAR As jy nie weet wat The Bear is en wie Carmy is nie, loop jy ’n uitskietreeks mis wat beslis deel van popkultuur gaan word. Sonder om die reeks te bederf: Dit gaan kortliks oor Carmy, oftewel Carmen (Jeremy Allen White), wat sy broer se sukkelende toebroodjiewinkel ná ’n tragedie erf. Maar Carmy is ’n topsjef. Hy is ambisieus en steeds besig om sy eie demone van sy sjefdae in fynproewerrestaurante te verwerk. En terwyl hy met homself en sy skuldgevoelens probeer vrede maak, probeer hy sy broer se winkel in ’n suksesvolle onderneming omskep met die hulp van sy mede-sjef Sydney (Ayo Edebiri) en sy broer se groot vriend Richie, oftewel Cousin (Ebon Moss-Bachrach). Die eerste seisoen trek met ’n spoed weg. Elke episode van ’n halfuur…

HOUT word gewoonlik geklassifiseer as sag of hard. Sagte hout kom van bome wat naalde en keëls het, soos dennebome. Dis bome wat vinnig groei, dié dat hulle hout ligter is. Harde hout kom van bome wat jaarliks hul blare verloor, soos eike. Dit groei stadiger en die hout is swaarder. Wetenskaplikes het nou bekendgemaak dat hulle ’n soort hout ontdek het wat iewers in die middel van die twee kategorieë val. Die resultate kom uit navorsing wat gedoen is op 33 bome uit die Universiteit van Cambridge se botaniese tuin. Van die 33 het twee tulpbome die anderste soort hout bevat. Die wetenskaplikes sê dié hout het die vermoë om koolstof te berg. Die bome kan tot 30 m hoog word. Die span agter die navorsing dink groot plantasies…

EERS MORNÉ, NOU FABIAN Die 23-jarige Kapenaar is die skobbejak in byna elke reeks waarin hy is. In Arendsvlei was hy die deurmekaar skoolkind Morné Jonker. Dié rol was sy groot deurbraak. “Dis hoe mense my vandag nog ken,” sê die akteur. “Morné was ’n baie uitdagende karakter vir my omdat hy ’n sosiopaat is. Dis ’n baie diep en donker karakter, maar sover my favourite karakter wat ek al gespeel het.” En nou speel hy weer die slegte ou, Fabian, in die nuwe telenovelle, Skemergrond, op kykNET & kie. “Ek hou van die bad guy speel, want ek voel ek’s ’n good guy. Ek speel die teenoorgestelde van my, en dis baie fun,” sê hy. GOED IN DIE SLEGTE ROLLE Op TV is nie die enigste plek waar hy…

‘SPRING! ONS SINK!’ DIT was tienuur die oggend op ’n kabbelsee toe die 18-jarige Douglas Robertson ’n harde slag hoor. Toe nog een. En weer. Hul seilboot van 13 m lank, die Lucette, is uit die water gelig. “Ek het gedink: Wat de hel was dit? Het ons gestrand?” Hy het na sy pa, Dougal, gekyk en gesien hy is enkeldiep in water. Toe kyk hy oor sy skouer na die uitgestrektheid van die Stille Oseaan. “Daar was drie orkawalvisse: ’n pa, ’n ma en ’n kalfie tussen hulle. Die pa se kop was oopgekloof en het kwaai gebloei.” Douglas het weer na sy pa gedraai, wat toe al kniediep in die water was. Eers toe het hy besef wat gebeur het. Die walvisse het hul boot aangeval. Dougal het…

WÊRELDWYD het mense se monde oopgehang. Selfs al kyk jy nooit in jou lewe sport nie, was dit onmoontlik om nie meegevoer te word deur die hoogtes, snelhede en afstande wat die atlete bereik het nie. En dan was daar boonop soveel skoonheid! Die 30ste Olimpiese Spele het die wêreld kortstondig kom herinner wat die woord “skouspel” regtig beteken en word reeds beskryf as een van die suksesvolste Speles nóg. In stadions, op rivieroewers, op perdebane, in die strate en selfs in roetes deur die Franse platteland het meer as 10 000 atlete in 32 dissiplines meegeding. En nou is dit verby – tot die volgende Spele in Los Angeles in 2028. Ons kyk terug na die extravaganza wat ons meegevoer het. ‘EK IS NET DANKBAAR OM MY LOOPBAAN OP…

SY WAS lank een van die besigste Afrikaanse sangeresse in die land. Op al wat ’n verhoog en fees is. Op voorblaaie, op die radiogolwe. Oral. En toe, of so het dit gevoel, het Elizma Theron stil geraak. Haar aandag was elders. Dit was híér. Dis ’n helder, sonnige wintersoggend in Pretoria toe sy die groot swart deur van haar Pretoriase spoghuis oopmaak. Sy is nog net so skraal soos toe sy jare lank rondgerits het om landwyd op te tree, nog net so blond, nog net so mooi. Nog net so lewenslustig en vrolik. Die groot glimlag wys: Kom binne, kom kuier! En dít – ’n besoek aan haar huis – is ’n belewenis. Dis byna 20 jaar sedert haar debuutalbum, Lapaside, in 2005 bekendgestel is toe sy net…

MI CASA KOESTER DIE LIEFDE Die talentvolle manne van die plaaslike groep Mi Casa het ons lywe aan die beweeg en ons harte aan die klop met hul jongste liedjie, “Give Me Love”, wat hulle saam met die Ghanese rapper Stonebwoy sing. Die cool ritmiese lied met sy trompetklanke, die suiwer stem van Mi Casa se hoofsanger, J’Something, en die krakerige rapklanke van Stonebwoy sorg vir ’n treffer wat ons voorspel nog lank op dansvloere gaan weerklink. J’Something sê die lied is al drie jaar terug in Berlyn, Duitsland, geskryf toe die groep se pad daar met Stonebwoy s’n gekruis het. “Ek het die koordeel en verse wat ek sing, geskryf, en Stonebwoy sy rapgedeeltes.” Die sangers se tydlyne met die uitreiking van die lied en ander projekte moes egter…

BEAUTIFUL WEDDING SONDAG M-NET 20:05 ’n Man en vrou word as pasgetroudes wakker ná ’n wilde nag in Las Vegas. Met Virginia Gardner. BINNELANDERS DINSDAG KYKNET 19:30 Tertius (Reynardt Hugo) is woedend vir Gaby. THE TATTOOIST OF AUSCHWITZ M-NET 21:00 Heather ontmoet Lali (Jonah Hauer-King), ’n oorlewende van Auschwitz, wat haar sy lewensverhaal van oorlewing in die kamp vertel.…

ALTESAAM 24 plekke is vanjaar tot nuwe Wêrelderfenisterreine verklaar. Unesco, die Verenigde Nasies se organisasie vir die bevordering van vrede deur opvoeding, wetenskap en kultuur, het die nuus op hulle 46ste konferensie in Nieu-Delhi in Indië bekendgemaak. Om as ’n Wêrelderfenisterrein geklassifiseer te word, moet die plek iets wees waar daar ’n belangrike ontwikkeling van die mensdom gebeur het, en dit moet bewyse lewer van ons intellektuele geskiedenis of dit moet ’n plek met besonderse natuurlike skoonheid wees. Onder die plekke tel 14 wat verband hou met Nelson Mandela en as die “Nelson Mandela Legacy Sites” gaan bekendstaan. Dit sluit in die Uniegebou in Pretoria, drie terreine in Sharpeville, die Liliesleafplaas in Rivonia, die strate van Orlando-Wes, Konstitusieheuwel, die Walter Sisulu-plein in Soweto en die Universiteit van Fort Hare in…

KAAP UIT LATYN: Caput beteken hoof. ’n Geografiese kaap is ’n berg of stuk land wat in die see inloop. Dit lyk soms of dit die “hoof” of punt van ’n landdeel vorm. SYFERSTORIES 10 000 Dis hoeveel punte die Ferrari-span in Formule 1 al versamel het sedert die kampioenskap 74 jaar gelede begin het. Hulle is die eerste span wat dit kon regkry. Ferrari het al 15 keer die toprenjaer opgelewer en was 16 keer die beste vervaardiger. 1 149 Dis hoeveel dae lank die Poolse tennisspeler Iga Swiatek onoorwonne was op die Roland Garrostennisbaan in Parys. Iga se onoorwonne streep daar het geëindig toe sy in die halfeindronde van die Olimpiese Spele verloor het. Sy het drie Franse Ope-titels van 2022 tot 2024 gewen. 63,02 miljoen Suid-Afrika se…

DIE storie begin met die dood. Hy was maar ’n pikkie toe hy begin het om oor naweke begrafnisse by te woon. Daar het iets in sy gemoed geroer. “My ouma was ’n kerksuster en het amper almal in die gemeenskap geken,” vertel Ramone Samuels. Op Saterdae het hy dus saam met haar van begrafnis na begrafnis op hul tuisdorp, die Strand, gepiekel. “Daai begrafnisse met my ouma is waar ek ondernemers gesien het, hoe netjies hulle altyd was, die outydse lykswaens waarin hulle gery het. Dis waar ek in die dood geïnteresseerd geraak het.” Vandag is Ramone 29 jaar oud, en as jy dink hy lyk bekend, verbeel jy jou nie. Dié man met die breë skouers het op sy dag eers vir die Leeus en toe die Stormers…

‘Sy wys vinger na almal buiten haarself, maar dis haar eie skuld’– BRON KATY Perry het al vir van popmusiek se grootste treffers gesorg. Daarom was die verwagtinge hoog toe sy onlangs haar sewende ateljee-album aangekondig het. Ongelukkig was die bekendstelling van haar nuwe liedjie vir haar komende album, 143, ’n reuse-mislukking. “Dis die eerste bydrae wat ek maak sedert ek ’n ma geword het en my vroulikheid baie intens ervaar. Ek wou daarom graag daarmee begin,” het ’n geesdriftige KATY (39) vooraf oor die liedjie gesê. Maar die enkelsnit, die feministiesgedrewe “Woman’s World”, kon net die 63ste plek op die Billboard Hot 100-trefferlys behaal. Op stroomdienste was die ontvangs ook flou, en die liedjie het maar op no. 58 op Spotify se wêreldtrefferlys gedebuteer. Die swak vertoning het Katy…

DIT is al donker toe hulle haar jong liggaam kry. Daar is bloed teen haar nek, teen haar bors. Haar donker hare sou deurmekaar wees, haar donker oë stil. Op die naglug rammel en fluit trokke saans hier op die N2 verby. Dit kronkel al langs die sportvelde van die skool aan die voet van die Overberg. Soms hou die vragmotors stil by die garage met sy winkel en wegneemetes aan die buitewyke van die dorp. Van Caledon af is dit nog net so 110 km Kaap toe, net ver genoeg om ’n laaste koppie koffie, pastei of pakkie tjips vir die langpad te regverdig. Dis koring-en skaapwêreld dié. In die somer, net voor die Desembervakansie, lê die koringlande goud uitgestrek na alkante toe. Dan ry vakansiegangers met die N2…

’N VEILIGHEIDSWAG knars op en af langs die groen heining om erf 15096 op die hoek van York-en Victoriastraat in George. Hier het 62 mense op 6 Mei vanjaar gewerk toe die gebou net ná tweeuur die middag inmekaargetuimel het. As jy oor die heining loer, sien jy boumateriaal wat skaars bo die modder en water uitsteek, en in die straat skuur ’n paar lendelam kruise teen die draad. Dis ’n watergraf. Drie-en-dertig mense is dood. Werkers van Suid-Afrika, Mosambiek, Zimbabwe, Malawi, Lesotho. Mense wat families reg oor ons streek gelos het wat steeds nie weet hoekom die fondamente meegegee het nie. “Dis nie so erg om hier te werk nie,” sê die wag. “Dis mos nie asof die mense hier spook of iets nie.” Hy stap vinnig om warm…

DIS baie teleurstellend as jy dink jy het in die perfekte parfuum belê en dan agterkom die geur vervaag voor middagete al. Gelukkig is daar maniere om die lewensduur van jou parfuum te verleng sodat dit hou vanaf die eerste spuit tot aan die einde van die dag. Hierdie wenke oor van die beste manier om parfuum te bêre tot hoe om dit reg aan te wend sal jou lekkerruikgoed se houkrag verbeter sodat jy elke oomblik kan geniet. DIE VIER HOOFREDES WAAROM JOU PARFUUM SE GEUR VERVAAG 1 Sterkte van die geur  2 Gehalte van die bestanddele 3 Tegniek van aanwending 4 Hidrasievlak van jou vel BEVOG Parfuum kleef beter aan vel wat bevog is, want dit klou aan die hidrerende deeltjies in lyfroom. Die vogtigheid keer dat die…

AS JOU bene snags rusteloos voel, is dit dalk nie net jou verbeelding nie. Dit kan wees dat jy rustelosebenesindroom (RBS) het. Dié sindroom word dikwels verkeerd gediagnoseer of misgekyk. Die meerderheid pasiënte kry spiertrekkings in hul slaap, wat tot moegheid bedags lei, sê dr. Irshaad Ebrahim, ’n neuropsigiater in slaapgeneeskunde in Londen. “Die ongemak van RBS word tydelik verlig deur te strek of te loop of hitte of koue op die bene te plaas.” WAT VEROORSAAK DIT? Dis nog onduidelik presies wat RBS veroorsaak. Die lys van moontlike oorsake is ellelank. Risikogroepe: Jy het ’n groter kans om die toestand te ontwikkel as jy ouer is, as dit in jou familie is of as jy ’n vrou is. Ander toestande en faktore: Irshaad sê RBS kan voorkom as ’n…

1 MAG EK ’N LENING VINNIGER AFBETAAL? Ja. Volgens die Nasionale Kredietwet kan jy jou lening enige tyd beëindig deur die volle vereffeningsbedrag te betaal. Dus, die uitstaande skuldbedrag en alle uitstaande rente, fooie en heffings op daardie bedrag. Soms sal jy ook ’n vroeëskikkingsboetefooi moet betaal. 2 WANNEER SAL EK ’N BOETE MOET BETAAL? Ingevolge die Nasionale Kredietwet sal dit afhang van die grootte van jou lening: ◗ Geen boetefooie geld vir die vroeë vereffening van klein of intermediêre kredietooreenkomste nie. “Klein” kredietooreenkomste is lenings van tot R15 000. “Intermediêre” kredietooreenkomste is van R15 001 tot R249 999.◗ ’n Boetefooi kan wel vir ’n groot kredietooreenkoms geld. Lenings of huislenings van meer as R250 000. 3 HOEVEEL SAL DIE SKIKKINGS-BOETE WEES? Dit mag nie meer as die waarde van drie maande se…

ENGELAND EILAND WEER TE KOOP ’n Geskiedkundige eiland in die Engelse graafskap Devon is weer te koop nadat dit vyf jaar gelede vir £6 miljoen (R104 miljoen) verkoop is. Dis nie bekend hoeveel die huidige eienaar daarvoor wil hê nie. Drake’s Island is dalk klein, maar het heelwat interessante aantreklikhede, ’n privaat strand en baie wilde diere. Daar woon ook glo 15 spoke wat graag op die eiland rondbeweeg. Dis vernoem na die verkenner sir Francis Drake, wat in 1577 vanaf die eiland vertrek het op sy reis om die wêreld. CHINA ANTIEKE WURM GEVIND MET ORGANE ONBESKADIG Wetenskaplikes is verstom nadat hulle die fossiel van ’n wurm in China ontdek het waarvan al die interne organe onbeskadig is. Die wurm is die naam Youti yuanshi gegee en het waarskynlik…

HULLE naam klink vreesaanjaend, maar bloedsuiers speel ’n belangrike rol in die natuur. Boonop kan party van dié slymerige wurmpies – hulle is familie van erdwurms – mense se siektes en wonde help behandel. Hulle spoeg bevat spesiale stowwe wat bloed dunner maak. Dokters gebruik hulle veral ná operasies wanneer bloed deur baie dun bloedvaatjies moet vloei om die operasiewond te help genees. Bloedsuiers kan ook ingespan word om party siektes te behandel, soos bloedklontprobleme en selfs artritis. Daar is amper 700 bloedsuiersoorte. Hulle woon meestal in vars water, maar party leef op land of in die see. Ons bekyk die een wat dokters gebruik: die medisinale bloedsuier. HET JY GEWEET? Medisinale bloedsuiers word vandag in laboratoriums gekweek. Hulle word een tot twee jaar lank voorberei voor hulle gereed is…

DEUR sy lens volg hy die wêreld se beste gimnaste terwyl hulle deur die lug tol, sweef en tuimel. Met elke kliek van die kamerasluiter verewig hy dié ongelooflike oomblikke. Meer as dit, hy lééf dit. Want was dit nie vir een noodlottige oomblik nie, kon dit dalk hý gewees het wat die toeskouers na hul asem laat snak het. Vier dekades gelede het Johann Meintjes se toekoms as gimnas blink gelyk – hy het immers al in sy matriekjaar ’n Springbok geword. Maar op 24 jaar het hy sy nek tydens ’n tuimelbeweging beseer en het ’n rolstoel sy lot geword. Sy liefdesverhouding met die sport kon net daar geëindig het, maar Johann het ander planne gehad. En hier sit hy vandag in Parys – die eerste kwadrupleeg ooit…

WANNEER ’n mens so na die foto’s van die flambojante vrou teen Veon Wentzel se muur kyk – swaar gegrimeer en in glinsterende tabberds geklee – kan jy dalk wonder hoe hy aan haar verwant is. Is dit ’n familielid, ’n vriendin of net iemand wat hy bewonder? Want as jy dit nog nie self sien gebeur het nie, is dit dalk moeilik om jou in te dink dat die 1,65 meter lange Veon (35), ’n modeontwerper van beroep, homself in dié formidabele diva kan omskep. Die woordeboekwoord in Afrikaans is “fopdosser”, maar die woord wat Veon verkies, is “drag”. En drag, sê Veon, is nie sommer net van mooi aantrek nie, dis ’n duur saak. “Ek is baie bevoorreg om my eie uitrustings te kan ontwerp en maak. Maar…