Innehållsförteckning för 29 August 2024 från Huisgenoot

1 ‘MY REIS NA DIE KROON’ Ons nuwe Mej. Suid-Afrika, die beeldskone Mia le Roux, vertel sy het vir die kompetisie ingeskryf om die ouers van alle gehoorgestremde kinders gerus te stel dat ‘alles oukei gaan wees’ Mia, jy is pragtig, en daarby straal daar ’n innerlike skoonheid uit jou. Jy is ’n ware inspirasie vir alle vroue in ons land en oral. Suid-Afrika kan beslis spog met ’n baie waardige Mej. SA 2024. Baie geluk. SANDY Suid-Afrika is lief vir jou, Mia. Dit was vir my so ’n voorreg om vir jou te kon bid, en toe om te kon opspring en juig nadat jy gewen het. Jy het die hele Wes-Kaap baie trots gemaak. FATIMA Veels geluk en welgedaan, Mia. Baie dankie dat jy ander aanmoedig om ondanks gestremdhede…

Poeksie Woeksie se Worsie Wapsie is nog baie lief vir hom! Nog nooit was daar ’n meer onvergeetlike sinnetjie in Afrikaans nie. Dit het só goed gewerk om ’n komiese karakter in sy menslik innigste en privaatste intimiteit kleur te gee. Maar, vaderland, is dit cringe! Soos te veel uitroeptekens. Pienkvoet, hondekind, dogtertjiepop, liefies, my duifie, oumensies, dametjies … Kolletjie, kolletjie, kolletjie. Dit stuur ’n rilling in die ruggraat af waarvan min skryfwerk kan herstel. Hoekom doen ons dit? Want dit werk één keer. Daardie eerste keer, toe dit vars, privaat, intiem en innig was. Maar dan word dit openbaar, uitgebasuin en oorgebruik. Die leser voel asof ons ’n slaapkamergesprek afluister, en nie op ’n goeie manier nie. Dis nie juis woorde wat ons sou gebruik sonder om ’n toon…

AS DIE kollig op jou val, kan jy óf probeer wegkruip óf skyn. En Carli Oosthuizen het besluit om te skyn. Toe sy gekies word as Huisgenoot se Mej. Tiener van 2024, het ons geweet sy is beeldskoon en talentvol – maar dat sy só tuis en gemaklik sou wees voor die kameras, was toe sowaar ’n bonus. Tot so ’n paar maande gelede was dié 18-jarige matrikulant se aandag nog elders. Sy het naweke saam met haar familie op Senekal deurgebring, en in die week saam met haar skool-en koshuismaats in Bethlehem rinkink. Haar neus was in die boeke, en met ’n hokkiestok en mondskerm het sy op die sportveld uitgeblink. En toe kom die kollig: Sy word as die wenner van ons nuutgevormde skoonheidskompetisie gekies. “My lewe het…

HOENDER is stylvol genoeg om gaste op ’n partytjie mee te trakteer, en ook maklik en bekostigbaar genoeg om vir aandete voor te sit – selfs studente en jong mense sal in hulle noppies wees. Verder werk dit goed saam met verskeie geurtemas, van Afrika-chermoula en Marokkaanse tagine tot Oosterse saté. Dis lekker gekook in amasi, in ’n Mexikaanse oondgereg, of as gevulde Mediterreense rolle. En moenie van die immergewilde mosterdhoender en peri-perihoenderlewertjies vergeet nie. Daar’s regtig iets vir almal. Geurige AMASI-HOENDER GENOEG VIR 4 MENSE BEREIDING: 10 MIN. / GAARMAAK: 1 UUR ’n Gewilde gereg in ons huishouding. ◗ 1 heel hoender◗ sout en peper, na smaak◗ 1 ui, geskil◗ ’n hand vol tiemietakkies◗ 30 ml (2 e) heel brijani-speserye◗ gerasperde skil en sap van 2 suurlemoene◗ 10 heel…

1 Adulting S1-2 ’n Dramareeks oor vier studentemaats se vriendskap ná universiteit, met Thembinkosi Mthembu en Thabiso Isaac Rammusi. 2 Empini S1 ’n Telenovelle wat in die sekuriteitsbedryf afspeel, met Nambitha Ben-Mazwi en Siyabonga Thwala. 3 House of the Dragon S1 Die bekroonde voorvolgreeks van Game of Thrones, met Emma D’Arcy en Matt Smith. 4 Laugh Africa Presents: The Showmax Roast of Minnie Dlamini ’n Komedieprogram aangebied deur Tumi Morake en Jason Goliath. 5 Red Ink S1 ’n Mini-rillerreeks oor ’n veroordeelde reeksmoordenaar, met Nqobile Nunu Khumalo en Bonko Khoza. 6 The Mommy Club S1-2 ’n Werklikheidsreeks oor vyf ma’s in die Goudstad wat moederskap op ’n heel nuwe vlak uitleef. 7 The Real Housewives of Durban S1-4 Showmax se eerste weergawe van die internasionale trefferreeks The Real Housewives. 8 The Real Housewives Ultimate Girls Trip – South…

BOYTJIE Deur JOHNNY DAVIDS R219* Hulle het my Boytjie genoem. Die mense van Kleinvlei, my ma se mense. Ek haat daardie naam … Boytjie. Dit laat my dink aan ’n slawenaam. Nie die soort bekende slawename soos Spartacus of Solomon Northup, wat jy in die Oscar-bekroonde fliek 12 Years A Slave kry, nie. Met Boytjie kon jy my netsowel gevloek het. Soos wanneer jy ’n hond verwilder wat nie op jou werf hoort nie. Dis hoe ek oor die naam Boytjie voel. Die feit van die saak is egter dat dit onlosmaaklik deel was van wie ek was en in ’n mate seker steeds is. Die rou verlede wat ’n mens ongelukkig nie met iets soos ’n laer-skool-uitveër kan uitvee nie. Ek moet dit aanvaar. Johnny Davids se ma wou…

PAS NIE “Waarheen gaan jy so haastig?” vra Kallie vir Mike. “Die winkels maak amper toe en ek wil hierdie serp wat my vrou vir my gekoop het, gaan teruggee,” antwoord Mike. “Dit sit te styf!” L. SAAYMAN G’N SALF TE SMEER Die oom gaan dokter toe en kla oor vreemde pyne in sy lae rug en rondom. Die dokter ondersoek hom deeglik en kom tot die slotsom die man verrinneweer sy lewer erg. “Wat drink jy?” vra die dokter kwaai. “Ag, Dok, enigiets wat jy het, sal goed afgaan,” antwoord die oom entoesiasties. SAN MARCHAND DAKVENSTER Ek het ’n dakvenster in my woonstel laat sit. Ek kan net nie verstaan hoekom die mense bokant my nou so kwaad is vir my nie! HESTER, NAMIBIË PRAKTIESE KUUR Die pasiënt vra…

Op 27 Augustus 1955 is die eerste uitgawe van die Guinness Book of Records in Engeland gepubliseer. In die 1950’s was mense obsessief oor rekords en die breek en opstel daarvan. So anders as nou. In 1951 het sir Hugh Beaver, die hoof van die Guinness-bierbrouery, en ’n groep vriende gestry oor watter wildvoël die vinnigste is in Europa. Hulle kon nie een boek vind wat die antwoord vir hulle kon gee nie. Drie jaar later het sir Hugh die stryery onthou, en toe besluit om twee navorsers aan te stel om ’n boek met feite en syfers saam te stel. Dit het die tweelingbroers Norris en Ross McWhirter net meer as drie maande geneem om die eerste uitgawe saam te stel. Hulle het Saterdae, Sondae en vakansiedae gewerk. Verskeie…

1 Hoe sy ma voel oor sy nuwe musiek Toe ek vir my ma my nuwe liedjie “Isn’t That Enough” gespeel het en haar die video wys, het sy gesê: ‘Wow, jy’t jouself gevind.’ Dis nie iets wat my ma sommerso sou sê nie. Om dit van haar te hoor, het my hard getref. 2 Oor seepampoentjies Ek het al op ’n seepampoentjie getrap. Dit was skrikwekkend. Weet jy hoe groot daai goed kan raak? Dit was omtrent die vreesaanjaendste ding in ’n 5 km-radius en ek het reguit na hom toe gestap en op hom gaan staan. Gelukkig was ons albei oukei. 3 Sy familie noem hom “Grandpa” En dis nie ’n grap nie, dis hoe hulle na my verwys agter my rug. Dis omdat ek nie daarvan hou…

DAAR was iets betowerends, ’n mens kan byna sê anderwêrelds, aan die rolprentsterre van die 1950’s-’60’s. Dit was ’n tyd toe akteurs en aktrises nog enigmaties was, met hul privaat lewens raaiselagtig. Dikwels was Hollywood se grootste name byna soos koninklikes, mense oor wie jy gereeld gehoor het, maar wat ook omhul was in ’n misterie. Toe kom Elizabeth Taylor. Deels danksy haar donkerblou oë, wat in sommige rolprente skynbaar onverklaarbaar pers geraak het, is sy dikwels die mooiste vrou op aarde genoem. Oor die liefdeslewe van só ’n mooi vrou wou mense elke sappige detail weet. Haar stormagtige privaat sake is wyd in die media bespreek. En tog blyk dit nou ook dié verhaal van affairs, glanstroues en herhaalde egskeidings was nie wérklik ’n blik op die aktrise se…

Die goeie nuus het op die vierde herdenking van hulle huwelik gekom: Hulle word ouers. Daardie dag, onthou die akteur DUANE NOTCUTT-WILLIAMS, het sy vrou, CLEO, met ’n swangerskapstoets na hom gekom en gesê: “Happy anniversary!” Dit was 29 Februarie – en sowaar die gelukkigste dag van sy lewe. Dis nou ses maande sedert hulle die nuus gehoor het, en hulle was eers onlangs reg om die nuus te deel. Cleo is 30 weke swanger. “Ek kan nie wag om te sien hoe sy ons seuntjie gaan vashou en versorg nie,” sê Duane, veral bekend vir sy rol as Edmund in Kelders van geheime. Dis vier maande sedert die aktrise MARIA VALENTE en haar man, REECE ADAMS, in April op Wellington afgehaak het. Nou breek ’n nuwe hoofstuk vir hulle…

1 Wat is die hoogste bergspits in die Wes-Kaap? 2 Wat is die naam van Elon Musk se maatskappy wat na ’n uitvinder met die voornaam Nikola vernoem is? 3 In watter Disney-fliek is die skurk se naam Cruella de Vil? 4 Wat word Nederland se amptelike lugdiens genoem? 5 In watter sport het Caitlin Rooskrantz Suid-Afrika by die Olimpiese Spele verteenwoordig? ANTWOORDE 1. Seweweekspoortpiek 2. Tesla 3. 101 Dalmations 4. KLM, de Koninklijke Luchtvaart Maatschappij 5. Gimnastiek…

WENK Dra sokkies saam met jou skoene vir die perfekte preppie gevoel. WENK Rond jou voorkoms af met strikke, oulike oorbelle en haarbande. WENK Lyk preppie én sportief deur gemaklike sportklere en klassieke items saam te dra. WENK Die preppie voorkoms behels neutrale en pastelkleure, met ’n donkerder kleur hier en daar. WENK Werk met skoon lyne en klassieke patrone om die preppie voorkoms te skep. WENK Om die preppie voorkoms in jou klerekas in te bring, kry hemde, truitjies, rompe en items met knope. WENK Kombineer formele, klassieke items met prettige items vir ’n bietjie sjarme. KRY DIT HIER ACKERMANS 0860-900-100, ESSILORLUXOTTICA.COM; FOSCHINI 021-938-7096; H&M 086-069-0707; LOVISA 010-143-0780; MR PRICE 064-584-1000; PICKNPAYCLOTHING.CO.ZA; SPORTSCENE 0860-834-834; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN…

GROOTTE Pas vir borsmaat: 82 (87; 92; 97; 102; 107; 112; 117) cm Werklike rondommaat van trui: 90 (97; 103; 107; 112; 117; 122; 127) cm Lengte tot by halsrand agter: 60 (60; 62; 62; 65; 65; 70; 70) cm Mounaat: 45 (46; 48; 48; 49; 49; 49; 50) cm LET WEL Die aanwysings word vir die kleinste grootte gegee, met die groter groottes tussen hakies. Waar net een getal gegee word, verwys dit na al die groottes. BENODIGDHEDE ◼ 4 (5; 5; 4; 6; 6; 7; 7) x 50 g-bolle Elle Timber DK in die kleur van jou keuse vir A (ons het Cottonwood 428 gebruik) ◼ 2 (2; 3; 3; 3; 4; 4; 4) 100 g-bolle Classic Wool DK in die kleur van jou keuse vir B (ons…

MAAGD 23 AUGUSTUS – 22 SEPTEMBER Sit jou planne vir die nuwe jaar uiteen onder die nuwe maan in jou teken op die 3de. Dit gaan gepaard met baie veranderinge in die hele wêreld. Jou maat lyk onseker of het nie duidelikheid wanneer dit by ’n gedeelde finansiële plan kom nie, maar moet hom/haar nie in ’n hoek druk nie. Ná die 29ste sal jy meer positief voel oor die finansiële uitkoms, selfs al is dit nie genoeg om al jou probleme op te los nie. Dit sal jou ten minste vir die volgende tyd dra. WEEGSKAAL 23 SEP – 22 OKT Jy gaan dié week van krag tot krag, hoofsaaklik vanweë jou heersende planeet, Venus, wat in jou eie teken inbeweeg. Sien dit as jy wat terug is op…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. № 2 559 KOMPETISIEVRAAG Watter kombuistoestel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Seun deur Dana Snyman (Tafelberg, R320). Dana Snyman vertel in Seun ’n deel van sy storie waaroor hy nog nooit gepraat het nie: sy ervarings in die 1980’s. Dit is die tyd van PW Botha se vinger, van die Voëlvry-toer, AWB-saamtrekke, onderhandelinge en die laaste dae van diensplig. Dana word oneervol uit die weermag ontslaan, maar eers maak hy ’n draai in Saal 24. Werkloos en doelloos bevind hy hom daarna in ’n voormalige bediendekamer iewers in Pretoria. Dié rou, selfonthullende…

1 Wie was die eerste vrou wat as staatshoof verkies is in Afrika? 2 Watter rivier vorm die grens tussen Mexiko en Texas? 3 Hoeveel babahondjies is daar aanvanklik in die fliek 101 Dalmatians? 4 Wat is Australië se nasionale dier? 5 Watter sportster het die meeste volgelinge op Instagram? ANTWOORDE: 1 Ellen Johnson-Sirleaf 2 Die Rio Grande 3 15 4 Die kangaroe 5 Cristiano Ronaldo BRONNE: THE GUARDIAN, CNN, BBC, REUTERS, GOODNEWSNETWORK.ORG, ECOWATCH.COM, INDEPENDENT.COM, NATIONALGEOGRAPHIC.COM…

SECRET LIVES OF ORANGUTANS BESKIKBAAR OP NETFLIX Orangoetangs is nie net een van ons naaste familie nie, hulle is dalk meer verwant aan ons as enige ander groot aap. Die verteller van die fliek is die geliefde pa van natuur-dokkiereekse, David Attenborough. Die fliek vat ons in die daaglikse lewe van ’n merkwaardige groep orangoetangs in die ongerepte oerwoude van Soematra in Indonesië. In die middel van hierdie storie is die agtjarige Eden, wat op die punt staan om die uitdagendste oomblik van haar lewe aan te pak. INSPECTOR SUN NOU IN FLIEKTEATERS Sy naam is Sun. Inspector Sun. Hy’s ’n spinnekop en hy los raaisels en misdade op. In dié animasiefliek gaan die spinnekopspeurder op ’n welverdiende vakansie met ’n luukse vliegtuig toe hy hom skielik weer in ’n…

’N BAARD val nie in almal se smaak nie. Soms is dit te woes, soms te skurf, soms te yl, en dikwels is dit net plein slordig. Wanneer gesighare egter reg versorg en geknip word, kan dit wondere verrig, van ’n swak ken wegsteek tot ’n bietjie manlikheid bring aan ’n seunsgesig of ’n ou bok laat lyk soos ’n bok vir sports. Blykbaar is daar selfs meer as net mooigeit ter sprake. Dis nou volgens ’n aweregse nuwe stukkie navorsing wat onlangs in die VSA deur die Archives of Sexual Behaviour gepubliseer is. Die navorsers het honderde mans tussen 18 en 40 ondervra, en toe bevind dat mans met baarde minder geneig is om op die uitkyk te wees vir haakplekke in hul verhoudings, en meer fokus daarop om…

DIT het alles in Desember verlede jaar begin toe hulle twee saam op Langebaan gekuier het. Daar, vyf maande voor MARGUERITE VAN EEDEN se troue met Roy Harris, het haar beste vriendin, die TV-aanbieder MARCIEL HOPKINSLOURENS, haar aangehits: “Toe, kom ons gaan oefen!” ’n Mens wil mos op jou beste lyk én voel op jou troudag, of hoe? “En so het ons saam begin oefen en mekaar gemotiveer,” onthou Marciel nou. “Ek het vir Marguerite gesê: As jy goed voel, lyk jy outomaties ook goed.” Dis nou al meer as agt maande sedert hulle saam begin oefen het – en drie maande sedert Marguerite en Roy se pragtroue – en die twee oefen altyd saam wanneer sy in Suid-Afrika kuier. Dalk nie elke dag nie, sê Marguerite, die helfte van…

EENS was Guinness, James Joyce en die droom van ’n klawer met vier blaartjies dalk dié land se bekendste uitvoerproduk. Ook die mite van ondeunde wesens genaamd Leprechauns en hul goud aan die einde van die reënboog. Maar tradisionele Ierse dans? “You’re going to embarrass Ireland. Zero chance! Are you crazy?” was familie, vriende en promotors se reaksie op Michael Flatley se jarelange droom om die internasionale verhoog onder sy voete te laat dreun. Maar dié Amerikaans gebore Ier het ’n rebelse streep, en in 1994 het sy Riverdance ’n wêreldwye sukses geword. “Riverdance hit like a hammer. Finally, I got my chance and it took off.” In 1996 het Lord of the Dance gevolg – vandag steeds die suksesvolste dansopvoering ooit. Dis al deur 60 miljoen mense wêreldwyd gesien…

Wat is geluk vir jou? Tevredenheid. Om vreugde en genot te kan put uit klein alledaagse goedjies. Wat verveel jou? Small talk. Wat beïndruk jou in ander mense? Mense wat nie bang is om weerloos te wees nie. Mense wat wil groei en hulleself verbeter. Watter eienskappe bewonder jy in ander mense? Selfbeheersing, verdraagsaamheid, geduld. Wat is jou gunstelinggereg? Ek is mal oor bobotie. Wat braai jy die graagste? Braaibroodjies. Wie of wat kan jy nie verduur nie? Onregverdigheid, onverdraagsaamheid en jaloesie. Wat is jou diepste put van ellende? Spelfoute.; -) Wat is jou gunstelingwoord? Pantoffels. Wat is jou gunstelinggesegde? Mag dit reën waar jou beeste wei. Jy is alleen op ’n eiland en het net een boek om te lees. Wat is dit? The Purpose Driven Life deur Rick…

DIT was ’n dubbele slag vir die paartjie van Barkly-Oos: Sy’t ’n tweede keer gehoor sy’t borskanker, en vir ’n tweede keer is hulle drome oor ’n kind van hulle eie gekelder. “My wêreld het in duie gestort. Dit was nog altyd my droom om kinders te kry,” sê die 33-jarige Amy Cronjé oor die dag toe sy en haar man, Roché (35), wéér moes hoor sy sal weens haar mediese behandeling nie kan swanger raak nie. “Ons planne het ontspoor en dit het soos ’n reuseslag gevoel.” Maar sy het nie rekening gehou met die onbaatsugtige liefde van haar beste vriendin, Karla Steenekamp, nie. Want toe Karla, ’n vrou van 31, sien hoe verpletter Amy is, het sy besluit om haar droom te laat waar word. “Dit was nie…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. MY MAN SE EERSTE VROU IS ’N PROBLEEM V Hoe gemaak met ’n man wat nie sy verlede wil vergeet nie? Dis besig om ons huwelik te vernietig. My man was voorheen getroud, en ek hoor elke dag van sy oorlede vrou se sondes. Hy brei gereeld uit oor hoe sleg sy was en dat sy van sy geld gesteel en die kinders daarmee bederf het. Die gevolg is dat ek geen…

LIEF MY WEER LEWENDIG BOBBY VAN JAARSVELD Niks wat ’n koue lyf so gou warm maak soos ’n skoffel oor die dansvloer nie, en ’n mens kan altyd op Bobby vertrou om te sorg vir daai trefferliedjie hierdie winter. Die afgelope 20 jaar reik hy treffer ná treffer uit. Met sy jongste liedjie, geskryf deur die liedjieskrywer Johan Oberholzer, volg hy weer die trefferwenresep met sinvolle lirieke, sterk kitaar-en perkussieklanke, en ’n ode aan die kragtige effek van liefde in ons lewe. Bobby reken jy kan dit vir jou geliefde speel as jy sukkel om die regte woorde te kry om jou liefde te toon. “Die liedjie het ook ’n geestelike gevoel, want ek kan dit vir God sing. Sy liefde maak my weer lewendig.” Hy voeg by dat ons…

OP DIE grens van Tanzanië en Kenia kry jy olifantbulle van wie sommige se tande so groot is dat dit tot 45 kg kan weeg. Aan die Keniaanse kant is hulle in die Amboseli Nasionale Park, en in Tanzanië is hulle in die Enduimet…gebied. Baie mense sien die groot olifante as ikone van die savannas van Afrika. Daar is 2 000 van hulle oor. Van dié wie se tande by die 45 kg trek, is seker nog 10 oor. So belangrik soos wat hulle is vir diereliefhebbers, netso gesog is hulle onder trofeejagters. In Kenia is die jag van olifante onwettig, maar in Tanzanië mag hulle steeds gejag word. In sommige gevalle gebeur dit dan dat die jaggeselskap oor die grens “verdwaal”. ’n Nuwe petisie vra nou opnuut dat Tanzanië…

WELKOM TERUG Sy destydse treffers “In My Blood”, “Treat You Better”, en natuurlik “Señorita”, het van ons aanhangers gemaak. Van 2020 af was hy stil wat musiek betref en grotendeels uit die kollig. Maar toe hy in Augustus vanjaar 26 jaar oud geword het, het hy vir ons ’n present gegee: twee nuwe liedjies. “Why Why Why” en “Isn’t That Enough” is ook die eerste twee liedjies van sy nuwe album wat op 18 Oktober beskikbaar is. ’N WEGBREEK WAS NODIG Dis sy vyfde album dié. Hy’t in 2020 laas ’n album, Wonder, uitgereik. Hy was onlangs deur diepe waters en het gesukkel om terug te kom in die ateljee. In 2022 het hy sy wêreldtoer uitgestel en later gekanselleer oor sy geestesgesondheid. Die nuwe album gaan oor sy reise…

DIE Paralimpiese Spele is ’n reeks internasionale sportkompetisies vir mense met gestremdhede. Die Spele word elke vier jaar gehou direk ná die Olimpiese Spele. Vanjaar vind sowel die Olimpiese as Paralimpiese Spele in Parys, Frankryk, plaas. GESKIEDENIS Anders as die Olimpiese Spele wat ’n geskiedenis van duisende jare het, het die amptelike Paralimpiese Spele maar net 64 jaar gelede in 1960 begin toe die eerste Paralimpiese Spele in Rome gehou is. Die idee daarvoor is in 1944 geplant toe dr. Ludwig Guttman opdrag gekry het om ’n sentrum vir die behandeling van ernstige rugbeserings by die Stoke Mandeville…hospitaal in Engeland te vestig. Dit was aan die einde van die Tweede Wêreldoorlog toe daar ná vyf jaar van intense oorlogvoering baie oudsoldate was wat weens beserings gestrem gelaat is. Ludwig self…

HIERDIE LEWE GEWONE MENSE IN HUL EIE WOORDE CHARLA KRIEL (55), EIENAAR VAN OOM SAMIE SE WINKEL, STELLENBOSCH ‘OOM Samie se familie het geboer op Stellenbosch. Maar hý kon nie boer nie, want hy’t ’n boggelrug gehad. Toe koop sy ouers vir hom hierdie winkel. Wat hy toe noem “SJ Volsteedt Algemene Handelaar”. Dis sy naam. Maar almal op die dorp het dit genoem Oom Samie se Winkel. Hy’t als verkoop van meel tot koffie en kerse. Als. Hy was ’n goeie man. Die mense in die dorp het hom goed geken. En as ’n familie swaargekry het, het hy dalk ’n ekstra stukkie meel of enigiets bygesit. En as mense op die boek gekoop het en hulle een maand bietjie swaar gekry het, het hy vir hulle langer tyd…

AS TIENER het sy kop omlaag geloop om mense se starende oë te vermy. Toe, op 18, besluit sy: Die groot, wynrooi geboortemerk oor haar bors, nek en gesig gaan nie bepaal hoe sy lewe nie. Vandag, ses jaar later, nadat Chantel Struwig as’t ware uit die skaduwees getree het, is sy ’n pragtige jong vrou vol selfvertroue. Want deur haar voorkoms te aanvaar het sy vrede en vryheid gevind – en bied sy nou hoop en inspirasie aan ander. Met ’n glimlag wat soos ’n nuwe daeraad oor haar gesig spoel, sê Chantel: “Dit maak my gelukkig om jong meisies en vroue te help. Dis ’n roeping wat die Here oor my pad gebring het.” Om ons is daar die ritmiese klakgeluid van oefenapparate, want die gimnasium is die…

DIS nie aldag dat jy ’n gedreunsang van Afrikaanse liedjies in ’n stad ongeveer 8 500 km van Suid-Afrika hoor nie. Tog sou jy jou onlangs maklik kon verbeel Perth in Australië is dalk êrens in Pretoria. Hoekom was Perth dan skielik Afrikaans? Wel, daar’s nie net een rede nie. Daar was die Bokke wat die naweek teen Australië uitgedraf het – en hulle 30-12 pak gegee het. Ook was daar die UFC-kampioen DRICUS DU PLESSIS wat sy middelgewigtitel teen die Nigeriese vegter Israel Adesanya moes verdedig. In die RAC-arena was dit ons eie Springbokbrekers Siya Kolisi en Eben Etzebeth wat Dricus na die agthoek vergesel het. Die uiteinde? Stillknocks het Israel in die vierde ronde grond toe gedwing, en dié het die handdoek ingegooi. Dricus, het sy naam oor…