Innehållsförteckning för 12 September 2024 från Huisgenoot

1 ‘STOP! NIEMAND GAAN HUIS TOE NIE!’ Boer Daandré was nie die enigste een wat onthuts was toe die uitstem-aand onverwags uitgestel is nie. Kykers van Boer soek ’n vrou was ook Dit is ’n lae hou. Kyk net die arme mense se gesigte. Die angstigheid en ondraaglike spanning word dan met nog ’n dag verleng. Hoe speel ’n mens so met ander mense se emosies? Wees deursigtig van die begin af. CORRINE As die mense nou nog nie weet daar is altyd ’n kinkel nie, weet ek nie. In elke Boer soek ’n vrou is daar een. Om darem nou vir ’n boer te vra of hy gekonkel het om dit langer uit te stel. Nee hel, het julle nie skaamte nie. MELINDA ’n Mens kon die boere se ontevredenheid…

Oordeel se “oor”-deel was aanvanklik soos die oortollige “oor” in oorbeklemtoning. Dit was ’n versterking – die intensiewe vorm van deel. “Dè! Hier’s jou deel.” Menende jou straf. Daardie “oor” is eintlik “oer”. Oerknal, oerfeit, oerskuld. Hierdie begrip van oordeel as ’n wetlike vonnis vir ’n oortreding was al teen die Middeleeue goed gevestig. Waar die oorspronklike betekenis (oerspronklike?) gegaan het oor “uitdeel”, het dit gou begin gaan oor die uitdeel van spesifiek straf. Hierdie woord sirkuleer al in die Germaanse tale sedert minstens 900 n.C. – so min of meer die oertyd wat ons taal betref. Sy landskap het so gelyk: Middelnederduits: ordel, Oudhoogduits: urteil, Oudfries: ordēl, Oudengels: ordāl, ensovoorts. Voor daardie tyd was ’n ander Germaanse woord in omloop vir vonnis: “dōm”. Ons het hom steeds in “verdoem”…

VIR die wanhopiges, gebrokenes en verslaafdes van George se hawelose gemeenskap is hy ’n engel. En die berading wat hy doen, is ’n roeping, want Brian Faul weet alte goed wat dit verg om die kettings van verslawing af te werp. “Ek was ’n moeilikheidmaker, maar ek leef al 25 jaar sonder alkohol. Dís hoekom ek die werk doen wat ek doen,” sê hy. Maar selfs ’n engel het soms ’n redder nodig, blyk dit. Want ná ’n operasie om ’n “vrat” op sy neus te verwyder wou die wond nie genees nie. Die rowe het aanhou afkom en die gat het net al hoe groter geword. Brian was raadop, maar het aangehou met sy werk onder die haweloses. Toe, verlede April, sien hy ’n televisieprogram oor die barmhartige mediese…

KLEURESPORT ’n Gas by vanjaar se Modeweek in Parys het een treffende kleur gekies vir haar uitkloksweetpakbroek en kort sweetpaktop. Die plat delikate skoene gee ’n tikkie vroulikheid. VAT DIE VOORTOU Die mode-beïnvloeder Palina Kozyrava skep ’n sportsjiek voorkoms met ’n oorgroot formele baadjie oor ’n fietsrybroek en tekkies. WEN VELD ’n Gas by vanjaar se Modeweek in Kopenhagen sluit iets sportiefs by haar voorkoms in met ’n lospassende rugbystyl-top. Kyk hoe oulik lyk dit by die kort rompie! IN DIE PYLVAK Die modebeïnvloeder Grece Ghanem gee haar sportiewe drag ’n bietjie glans met treffende en deftige bykomstighede. Moenie bang wees vir denim by sportklere nie. KRY DIT HIER ACKERMANS 086-090-0100, BASH.COM, COTTON ON 087-550-4383, EDGARS 031-010-0005, EXACT 021-938-7096, FOSCHINI 021-938-7096, GALAXY & CO 021-552-0390, H&M 086-069-0707, JET 021-525-6100, LEGIT…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. DIE DRUK VAN MATRIEKEINDEKSAMEN DIE matrieks het so pas hul rekordeksamen geskryf. Nie meer lank nie, dan is dit tyd vir die seniorsertifikaat-eksamen. Ek het my eindeksamen reeds 44 jaar gelede geskryf, en dis opvallend dat nie veel verander het nie. Eers is daar die rekordeksamen, daarna ’n klompie skooldae, gevolg deur bloktyd, en dan die eindeksamen. Die skoolbanke staan in rye in die saal, jy het ’n eksamennommer en jou IDkaart…

MAAGD 23 AUGUSTUS – 22 SEPTEMBER Wat ook al die verhoudingskwessies is waarmee jy verlede week gesukkel het, die volmaan op die 18de kan vir jou helderheid en begrip bring. Benut dit ten beste en pas dit toe op jou loopbaan, waar meer as een geleentheid vir groei op jou wag. As jy voel dat jy beter vergoeding verdien, is dit rondom die 15de dalk net die regte tyd om die saak aan te roer. WEEGSKAAL 23 SEP – 22 OKT Dié week sal die lewe makliker wees, selfs al voel jy nog nie heeltemal gereed om die wêreld vierkant in die oë te kyk nie. Jou gevoelens is veral prominent onder die volmaan op die 18de wanneer jy aandag moet gee aan jou emosies en daarvolgens moet optree. Jou…

LADY GAGA & BRUNO MARS MET ’n wafferse snor, cowboyhoed en kitaar in die hand sing die Amerikaanse popster BRUNO MARS sy hart uit in die musiekvideo van die splinternuwe liefdeslied “Die with a Smile”. En langs hom is die sangeres LADY GAGA op klavier. Op haar beurt lyk sy soos iets uit die 1970’s, met ’n goudblonde beehive en rooi sykouse, kompleet met ’n sigaret in die mond waaraan sy liefies teug so tussen die singery en klavierspel deur. Die prentjie wat voor jou afspeel, lyk inderdaad soos ’n opvoering uit die 1970’s wat op televisie uitgesaai word, en die twee sterre doen hulle rolle gestand. Hulle stemme vul mekaar ook mooi aan. “Die with a Smile” kan beskryf word as ’n melodieuse ballade waar Bruno en Gaga sing…

FOXCATCHER 2014 Dis ’n donker en fassinerend tragiese ware verhaal van die verhouding tussen ’n eksentrieke multimiljoenêr (Steve as John du Pont) en twee kampioenstoeiers. Steve is vir ’n Oscar benoem hiervoor. ›› OP APPLETV LITTLE MISS SUNSHINE 2006 Toe die sewejarige Olive uitvind sy kwalifiseer vir die Little Miss Sunshine-kompetisie, reis die hele gesin saam met haar. Steve is haar depressiewe oom Frank. ›› OP DISNEY+ THE BIG SHORT 2015 In 2006-2007 wed ’n groep beleggers teen die verbandmark. Hulle ontdek dan hoe gebrekkig en korrup die mark is. Steve is vir ’n Golden Globe en Critics’ Choice-prys benoem. ›› OP APPLETV BATTLE OF THE SEXES 2017 Steve is vir ’n Golden Globe benoem vir sy vertolking van Bobby Riggs in die ware verhaal van die 1973-tenniswedstryd tussen Billie…

1 WATTER REEKS OF FLIEK HET JY ONLANGS GEKYK WAARVAN JY GEHOU HET? Fliek, ek is nogal ’n Mad Max-fan en het die nuutste Furiosa baie geniet. 2 WAARNA LUISTER JY IN JOU KAR? Ek geniet baie die Afrikaanse kunstenaars soos Barto, Eloff, Leah en Riaan Benade tot Snotkop en Robbie Wessels. 3 WAT DOEN JY OP ’N SONDAGMIDDAG? Surf en braai … as die weer saamspeel! 4 WAAR HOU JY GRAAG VAKANSIE? Struisbaai, Montagu, Kleinmond, Thailand. 5 WAT MAAK JOU TANS OPGEWONDE? Die res van die jaar se werk – daar lê so baie opwindende dinge voor wat Bravo! betref. En dan ’n lekker kamptrip met die gesin aan die einde van die jaar.…

Op die jong ouderdom van 16 het die sangeres CARLA STRAUSS met haar debuutliedjie, “Midnight Train”, die musiekbedryf betree nadat sy twee jaar tevore op 14 stemrehabilitasie moes ondergaan. “Ek moes die rehabilitasie kry omdat ek nodules op my stembande ontwikkel het van verkeerd sing,” sê Carla. Vandag, op 23 jaar oud, nadat sy sukses behaal het met haar liedjies “Break My Bones” en “I Will” – ’n teenboelielied wat sy vir die Child Protection Hotline saam met Kalinka Kilian opgeneem het – spog Carla met haar nuutste uitreiking, “Pulling Teeth”. Dié ernstige lied met sy elektroniese invloede sonder enige perkussieklanke deel ’n boodskap van ’n “skynself” wat voorgee hulle is iets wat hulle nie is nie. “Vir ’n baie groot deel van my lewe, en selfs nou nog, voel…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. № 2 561 KOMPETISIEVRAAG Watter Bybelboek is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser die Suid-Afrikaanse leefstylgids vir diabetes deur Vickie de Beer, Kath Megaw en prof. David Segal (H&R, R399). Dié diabetesleefstylgids, wat oorspronklik in Engels verskyn het en waarvan meer as 40 000 eksemplare wêreldwyd verkoop is, is ’n onontbeerlike hulpmiddel vir enigiemand, van jonk tot oud, met tipe 1-of tipe 2-diabetes. Sukkel jy dalk met insulienweerstandigheid, metaboliese sindroom of prediabetes? Slaan diabetes betyds hok met die leefstylwenke en maklike resepte in hierdie boek. Vir ouers met diabeet-kinders is hierdie…

AS JY al ooit Kaapstad toe gevlieg het, is die kans goed dat jy ’n klein, byna ovaalvormige eiland vanuit die lug gesien het in Tafelbaai, nie ver weg van die bekende Tafelberg nie. Hoewel dit dalk onbeduidend kan lyk, is die eiland – Robbeneiland – ’n belangrike deel van ons land se geskiedenis. Dis inderwaarheid so belangrik dat dit in 1999 ’n Unesco-wêrelderfenisgebied geword het. Kom ons vind meer uit oor Robbeneiland en hoekom dit soveel geskiedkundige waarde het. GEOGRAFIE EN GESKIEDENIS Robbeneiland se naam is afkomstig van die Nederlandse woord “robben”. Soos jy seker reeds geraai het, was daar baie robbe op die eiland! Vandag is daar steeds robbe. In die 17de eeu het die Nederlandse setlaars die robbe doodgemaak vir hulle velle. Hulle het ook die vet…

EK HET nog altyd geweet my hartsbegeerte is om ’n hoopskepper te wees. Ek wou hoop maak. Maar as jy deur alles is wat ek beleef het, dan twyfel jy in jouself. Al die ander mense in die wêreld se opinie het op ’n tyd vir my meer geweeg as my eie stem. En ek het skaam gevoel. Ek kan dit nie ontken nie. Maar ek kan jou die storie vertel van hoe ek my stem gevind het. Hoe ek werklik genees geraak het en my roeping in die lewe gekry het. En nou weet ek hoeveel mense met daardie selfde masker op rondloop, elke dag, rondom ons, tussen ons. En almal soek net hoop. Wel, jy’t partykeer net iemand anders se storie nodig om daai bietjie hoop in jou…

1 Watter manlike akteur hou die rekord vir die meeste Oscar-benoemings (12)? 2 Wat was die naam van die skip waarop Charles Darwin na die Galápagos-eilande gevaar het? 3 Wie is die Amerikaanse Demokratiese Party se kandidaat vir vise-president vir die November-verkiesing? 4 In watter sportsoort kry jy by een van die bekendste kompetisies ’n groen baadjie as jy wen? 5 Watter soort pasta lyk amper soos ryskorrels? ANTWOORDE 1. Jack Nicholson 2. HMS Beagle 3. Tim Walz 4. Gholf – by die Amerikaanse Meesterstoernooi 5. Orzo…

WAT pak ’n mens in as jy op pad is om jou droomman te ontmoet? ’n Wolmussie, of sommer ’n paar van hulle. Dis nou as jy Liane Heyl is en jy moet jou tuiste in Johannesburg verlaat waar die lente al in die lug is, en dit na die Wes-Kaap waag waar die sneeu nog wit op die bergtoppe lê. “O, ek haat dit mos om koud te kry,’’ sê die blondekop met die rooi lippe wat ons in die 1990’s as Boeboe in Vetkoekpaleis leer ken het. Sy pluk die grys mussie van haar kop af waarmee sy op ’n koue oggend aan die einde van Augustus op die lughawe in George geland het. Dit trek deur die lug en land mooitjies op die tafel by ’n hele…

GRIMERING wat swaar is met baie grimeertruuks wat lank vat, sal nooit uit die mode gaan nie. Hierdie dramatiese voorkomste maak egter nou plek vir eenvoudiger roetines wat jou natuurlike skoonheid met minder moeite beklemtoon. Danksy die toenemende gewildheid van “skinimalism”, sien ons ál meer gestroopte voorkomste wat jou gelaatstrekke beklemtoon en nie wegsteek nie. Vervelig en alledaags is dit allermins. Met onder meer opvallende lipkleure en treffende aksente soos helder oogomlyner kan jy ’n bietjie pret by jou voorkoms voeg, terwyl jy steeds die res van jou voorkoms minimalisties hou. HELDER LIPPE, SKOON VEL ZENDAYA Een manier om moeiteloos ’n impak te maak is om helder lippe met minimale grimering te kombineer. Trouens, om die res van jou gesig amper skoon te los is ’n supermoderne voorkoms wat jou natuurlike…

DAAR is sommige dinge op televisie wat soos ’n vertroude kombersie om ’n mens se skouers pas. Soms is dit ’n netjiese baadjie, soos op Sondagaande wanneer die klanke van CARTE BLANCHE deur die huis spoel en die kinders skielik huilerig raak en onthou van take. Ander kere is dit soos ’n verslonsde trui met gate in die moue, bekend en gerusstellend, soos MODERN FAMILY of LAW & ORDER waar dinge voorspelbaar is en jy net kan insink in die rusbank en weet vir die volgende uur of wat weet jy presies wat jou kant toe kom. Soms as ek smiddae tuis kom, vind ek een van my kinders voor die televisie. As WALKING DEAD op die skerm is, weet ek sy het ’n goor dag gehad, ek hoef nie…

Daar is baie noemenswaardige verskille tussen die Britse weergawe van The Office en die Amerikaanse een. Watter een beter is, hang af van baie dinge, maar hoofsaaklik van die komiese styl wat die kyker verkies. Die verskille tussen STEVE CARELL se minlike buffel en RICKY GERVAIS se uiters gemene baas beklemtoon daardie verskil. Afgesien van kulturele verskille, het die Britse reeks ook net twee seisoene gehad, terwyl die Amerikaanse weergawe met nege seisoene groter ruimte gebied het vir die karakters om te ontwikkel en vars storielyne om te ontvou. Die humor op albei programme is ook relatief verskillend, al deel hulle ’n voorkeur vir onuithoudbare oomblikke van tweedehandse verleentheid. Op die ou end was dit twee baie uiteenlopende werkpleksitkoms.…

‘Ek tel elke dag my seëninge en is ontsaglik dankbaar vir die deurbraak’SHAZA DIS wonderlik om ’n deurbraak te maak. Veral as jy al jare met jou sangtalent woeker. Die 29-jarige SHAZA GREEFF het ná lang ure op die pad en laat aande by kroeë, partytjies en troues waar sy as sangeres opgetree het eindelik naam gemaak in haar loopbaan as onafhanklike kunstenaar. Die boorling van Somerset-Wes, wat deesdae op Knysna nesskop, se uitreiking van haar liedjie “Happy” het baie deure oopgemaak, veral nadat sy in Junie vanjaar in die ontbytprogram Expresso op SABC3 opgetree het. “Musiek was nog altyd my eerste liefde,” sê Shaza. “Dit was altyd deel van ons huishouding. Op skool het ek graag aan musiekspele deelgeneem en gesing, maar my lewenspad het my ná skool eers…

TERUG OP TV WELKOM TERUG AAN LUTHER Die Britte het dalk nie die beste weer, kos of politiek in hulle land nie, maar een ding wat hulle beter as enigiemand anders doen, is polisiedramas. ’n Onlangse gunsteling wat ’n rukkie gelede tot ’n fliek gelei het, is Luther. Dit volg die speurhoofinspekteur John Luther (Idris Elba), ’n briljante speurder met ’n talent om in die gedagtes van moordenaars te klim. Sy onkonvensionele metodes en persoonlike demone bring hom in konflik met die res van sy span. Dink aan Luther as ’n moderne, straatslim Sherlock Holmes met ’n vurige humeur. Van 10 SEPTEMBER af word die reeks se tweede en derde seisoen agtereenvolgens vertoon, so as jy ’n aptyt vir Britse misdaaddramas het, kan jy jou maar voor die televisie regskuif.…

“Mamushi” in Japannees verwys na ’n klein giftige slang wat in Japan voorkom. Lyk vir ons asof Megan Thee Stallion iets vir slange het, want hierdie is haar derde liedjie met ’n slangtema, ná “Cobra” en “Boa”. So, wat beteken die lirieke, okane kasegu watashi wa suta? Daai lirieke is bloot: “Ek’s ’n ster, ek maak geld.” “Die liedjie simboliseer die uitdagings en struikelblokke wat ’n mens moet oorkom op die pad na sukses. “Die liedjie raak ook aan die idee om getrou aan jouself te bly en nie toe te laat dat ander jou pad voorskryf nie,” skryf BBN Times. TIKTOK Megan Thee Stallion en Yuki se “Mamushi” het gesorg vir ’n viral danstrend op TikTok. Die dans is gewild onder jonk en oud.…

DIE beste deel van haar werk, vertel sy, is om terug te sit en mense se reaksies dop te hou. “Hulle glo nie dadelik dat dit regtig gehekel of gebrei is nie,” sê Liisa Hietanen oor haar wonderlike lewensgrootte-figure wat uit wol gemaak is. Haar reeks kunswerke wat op haar tuisdorp, Hämeenkyrö in Finland, uitgestal word, bestaan uit volgroottereplikas van bure, familie en vriende, alles gebrei of gehekel. Die uitstalling is getiteld “Villagers”. “Ek ontmoet my modelle in natuurlike alledaagse situasies,” sê sy op haar webtuiste. “Die proses om ’n model te kies is intuïtief. Die persoon wat uitgebeeld word, kan iemand wees wat ek in die biblioteek of in die kleedkamer van die gimnasium sien, of wat met hulle hond gaan stap.” Liisa (43) begin deur rame van staalstawe…

WEAAR hy op foto’s na die bord voor hom sit en gluur, lyk hy kompleet soos ’n generaal wat die slagveld beheer. Vir Garry Kasparov ís skaak oorlog, en verloor is ondenkbaar. Sy teenstanders, het hy al vertel, was ’n vyand wat verslaan moet word. “Dit was ’n saak van lewe of dood.” En verloor het dié Russiese skaakmeester bitter selde. Garik Kimovich Weinstein is op 13 April 1963 gebore in Bakoe in Azerbeidjan en was ses jaar oud toe hy begin skaak speel het. Sy pa is oorlede toe hy baie jonk was, en hy beskryf sy ma as die grootste invloed in sy lewe: “Die laaste keer dat ek gehuil het, was die dag toe sy dood is.” In 1985, op die ouderdom van 22, het hy die…

Wat is geluk vir jou? Tevredenheid in goeie en slegte seisoene. Wanneer en waar was jy op jou gelukkigste? Tussen my man en kinders. Ek het ’n volsirkel-oomblik gehad toe hulle vir my kom kuier het op die stel van Som van twee, en my hart wou uit my borskas spring. Waarmee hou jy jou die graagste besig? Op dié stadium doeke ruil. Wat verveel jou? Krieket. Waaroor is jy spyt? Dat ek baie self-righteous was toe ek jonger was. Wat sou jy anders doen as jy jou lewe kon oorhê? Ek sou baie vinniger vir mense jammer sê. Hoe sal die mense wat jou goed ken jou beskryf? Diep introvert met ’n sin vir humor? Wat is jou beste eienskap? Ek is ingestel op die groter prentjie. En jou slegste eienskap?…

HOENDERTIKKA-SOSATIES LEWER 5 SOSATIES / BEREIDING: 15-25 MIN. / MARINEER: 8 UUR OF OORNAG ◗ 500 g hoenderborsfilette, in groot blokke gesny (of sny elke bors in 6 blokke)◗ 5 ml (1 t) sout◗ 180 ml (¾ k) jogurt◗ 7,5 ml (1½ t) garam masala◗ 5 ml (1 t) fyn komyn◗ 5 ml (1 t) fyn koljander◗ 15 ml (1 e) fyngemaakte droë fenegriek◗ 30 ml (2 e) knoffelen-gemmerpasta◗ 7,5 ml (1½ t) chaat masala◗ 5 ml (1 t) brandrissiepoeier◗ 2,5 ml (½ t) gerookte paprika◗ 30 ml (2 e) suurlemoensap◗ 2,5 ml (½ t) fyn swartpeper◗ 2,5 ml (½ t) fyn borrie◗ 1 rooi soetrissie, in stukke gesny◗ 1 rooi-ui, in blokke gesny 1 Plaas al die bestanddele in ’n bak of glasskottel met ’n deksel. Meng goed en…

IN DIE SLAAPKAMER Ja, jy kan teëls in die slaapkamer gebruik – selfs op die mure! In hierdie huis word die muur as ’n kopstuk gebruik en dis bedek met teëls met mooi patrone om ’n byderwetse stelling te maak. KUNSTIG MET MOSAÏEK Goeie mosaïek sal altyd stylvol lyk, en jy kan mosaïek op byna enigiets aanbring, van ’n tafelblad tot kaggelmure. Gebruik ’n verskeidenheid teëlgroottes in soortgelyke temas en kleure om jou eie unieke meesterstuk te bou. TUSSEN PLAVEISTENE Buiteteëls hoef nie net op die stoep gebruik te word nie. Gebruik hierdie sterk teëls tussen plaveistene – veral op plekke waar daar nie te veel voetverkeer is nie – om styl in ’n buiteruimte te skep. VERF DIT Om teëls te verf is ’n bekostigbare en vinnige manier om…

DIE mond is ’n maatstaf van wat in jou lyf aangaan en is soms die eerste aanduiding van ernstige siektes, sê prof. André van Zyl, ’n spesialis in mondgeneeskunde en periodonsie op Hermanus. Volgens hom is ’n seerplekkie in die mond nie noodwendig ’n ernstige probleem nie, maar is dit ’n goeie idee om op die uitkyk te wees vir tekens wat dalk op probleme kan dui. WAT VEROORSAAK DIT? Mondsere kom voor wanneer die voering van die mond en die lippe – slymvlies of nat vel – beskadig word. Dis moeilik om te sê wie mondsere kan kry, sê dr. AP Dippenaar, ’n spesialis in mondgeneeskunde en periodonsie in Pretoria en Johannesburg. “Ons liggame verskil. Party mense het ’n dikker mondvlies en ander het ’n sterker immuunstelsel. Een mens…

BORSVOEDING IS SEER Borsvoeding moenie seer wees nie. ’n Bietjie teerheid aan die begin kan normaal wees, maar pyn of skade aan tepels kan beteken dat jou baba nie reg heg nie. Swak hegting veroorsaak nie net pyn nie, maar kan ook lei tot onvoldoende melkinname en -toevoer, wat die baba ongelukkig maak en voedingsprobleme veroorsaak. Dit kan reggestel word. OM DIE TYD TUSSEN VOEDINGS TE REK HELP JOU BABA IN ’N ROETINE KOM Babas het klein magies wat borsmelk gou verteer, wat kan lei tot honger elke uur of twee aan die begin. Gereelde voeding bevorder melkproduksie sonder om slegte gewoontes te skep. MY BORSTE IS TE GROOT/KLEIN OM DOELTREFFEND TE BORSVOED Jou borsgrootte is irrelevant. Borste produseer melk en is net bergingshouers. Borsmelk word volgens vraag en aanbod…

DIE ONSIGBARE DEUR PJO JONKER Tafelberg, R320 Debute verskyn gewoonlik uit die bloute, maar Die Onsigbare is nog dieper uit die bloute. Dis ’n meesleurende storie uit ’n onverwagte oord met ’n onverwagte verloop. Die “skugter” PJO Jonker vra telefonies of hy asseblief my vrae per e-pos kan beantwoord, want hy wil seker maak alles is reg. Elke woord geweeg en blink geslyp, soos sy roman. Hoe het ’n wynmaker ’n skrywer geword? Daar moet onderskei word tussen Philip Jonker en PJO Jonker. Philip is wynmaker, oggendmens en woon tussen die chardonnay-wingerde van Weltevrede op Bonnievale. PJO is “sy broer in fiksie”, ’n naguil, verbeeldingsvlugteling, skrywer en skugter Karooboer wat verkies om te skuil in stilte op die familieplaas buite Koffiefontein. Dis hier waar sy skryfwortels in die diamantstof lê,…

DIE Amerikaanse weergawe van The Office val in dieselfde kategorie as Friends – ’n geliefde reeks wat jy oor en oor kan kyk en jou steeds lekker kan laat lag. Dis in dieselfde dokkiestyl as die Britse weergawe geskiet met Steve Carell as Michael, hoof van een van die Dunder-Mifflin papiermaatskappy se vele takke. Hier speel elke karakter ’n eiesoortige rol. Michael is totaal onbewus van homself en dit lyk aanvanklik of hy die emosionele intelligensie van ’n klip het. Een van die ankerstorielyne is die liefde tussen Jim (John Krasinski) en Pam (Jenna Fischer). Die onvoorspelbare Dwight Schrute (Rainn Wilson), een van die verkoopsagente, sorg vir ekstra intrige terwyl sy kompeterende verhouding met Jim vir van die beste komiese oomblikke sorg. Moet ook nie die pakhuiswerkers vergeet wat soms…

LORENDO BROWN OUT OF MY MIND Hierdie musikant en vervaardiger van Kaapstad se nuutste treffer spog met smooth jazzklanke. MARCELINO V MARRY YOU Dis ’n romantiese en eg Suid-Afrikaanse liedjie wat Marcelino se musiektalente vertoon. SHAZA HAPPY Hierdie liedjie is ’n baken van positiwiteit met ’n unieke mengsel van melodie en lirieke. ZOË AVONTUUR LET DOWN YOUR HAIR Dié gewilde liedjie het onlangs begin aandag kry. Daar is selfs ’n amapiano-remix deur RiPL. SHIMZA & ALOE BLACC DARLING Die liedjie is goed ontvang vir sy unieke mengsel van Afro house en sielvolle koorgedeelte.…

GETALLEPROBLEEM Sannie bel ’n lugredery om ’n vlugkaartjie te bespreek. “Hoeveel mense vlieg saam met jou?” vra die beampte haar. “Hoe moet ek nou weet, dis mos julle vliegtuig!” antwoord Sannie. Johanna Rademeyer GEWIG AFSKUD Ek het gehoor kaneel is so goed vir ’n mens. Dit laat jou gewig afskud, verlaag jou cholesterol en nog baie meer. Ek was so beïndruk met die nuus, ek het onmiddellik sewe melkterte gaan koop! Hester, Namibië BEDAGSAAM “Ek het twee weke laas met my vrou gepraat,” sê Gert vir sy vriend Sarel. “Hoekom, wat is dan fout?” vra Sarel. “Niks, ek wou haar net nie onderbreek nie!” Louise Noeth GOEDBEDOELD “Een vleispastei en ’n paar vriendelike woorde, asseblief,” sê die terneergedrukte ou in die restaurant vir die kelnerin. Toe sy die pastei voor…

1 Nuuk is die hoofstad van watter eiland? 2 Tussen watter diere word die titelkarakter in die fliek Tarzan groot? 3 In watter stad is die Akropolis? 4 Watter bergreeks vorm die natuurlike grens tussen China en Indië? 5 Hoeveel putjies word in ’n rondte gholf gespeel? ANTWOORDE 1. Groenland 2. Ape 3. Athene 4. Die Himalajas 5. 18 BRONNE GALLERIAACADEMIAFIRENZE.IT, BRITANNICA.COM, CBC.CA, THEGUARDIAN.COM, NETWERK24.COM, EDITION.CNN.COM, TIME.COM…

BOEKE LISA LIEFBESIE SE SEWE VERLORE KOLLE – RIANA SCHEEPERS Dis Lisa, die pragtige liewenheersbesie met die bloedrooi vlerke en helder swart kolle daarop, se verjaardag. Sy is baie gelukkig, want haar maatjies het saam met haar kom kuier en haar kom gelukwens op haar spesiale dag. Maar dinge verander in ’n oogwink vir Lisa op haar groot dag toe sy in die visdammetjie se weerkaatsing sien dat sy vandag nie so mooi lyk nie, want haar swart kolletjies op haar vlerke het verdwyn. Terwyl almal haar verjaardag geniet, gaan soek sy vir haar kolle en beskuldig almal links en regs dat hulle haar kolle gevat het. Want wie is Lisa Liefbesie as sy nie haar pragtige kolle het nie? Hierdie boek is nie net ’n lekker leesles nie, maar…

HY GEE die bevel en die vier Ratels beur in ’n uitgespreide linie teen die wal van die droë rivierloop uit en begin deur die bos breek … En toe bars die hel los. Verstomde Swapo-vegters, honderde van hulle, skarrel in alle rigtings. Koeëls kletter soos hael teen die gepantserde rompe van die Ratels. Die gunners en geweerskutters van Paul Louw se peleton antwoord met drif en geweld. Maar die 20 mm-snelvuurkanonne stoor en hulle veg voort met Browning-masjiengewere, R1-aanvalsgewere en handgranate. Selfs in die chaos van die fire fight merk Paul deur sy sigblok hoeveel ouer as sy eie 19-jarige troepe sommige van die terrs is. In uniform en gewapen ja, maar met baie winters in hul hare … Die volgende oomblik verdwyn een van die gryskoppe in ’n rooi…

HY’S ’n boer wat maklik huil. Die trane het al in episode 4 gevloei. En toe weer in episode 6. Hy steek dit nie weg nie, hy vee-vee wanneer die nattigheid sy oë laat blink. Maar in ’n reeks waar boere gereeld sukkel om hulle gevoelens te verstaan en te verwoord, is Daandré Coetzee van Brits se trane eintlik so welkom soos reën ná die droogte. Kykers van Boer soek ’n vrou is mal oor die man wat sy emosies so maklik in die nuwe seisoen wys. Op sosiale media gons dit oor dié “saggeaarde boer”, soos daar gereeld na hom verwys word. Hy’s troumateriaal vir hulle dogters, laat hoor sommige mense. Maar hoekom huil die man dan so? Seker nie net oor al sy baie uie nie? “Jy raak…

SY’T haar suster vir jare nie gesien nie, en met haar ma het sy ook nie eintlik oor die weg gekom nie. Nou is hulle dood, en enige kans om vrede te maak is vir altyd daarmee heen. Boonop is Mariah Carey se ma en suster op dieselfde dag dood. Die sangeres was darem by haar ma in die laaste week van haar lewe, maar vir haar suster was daar nie eens ’n op-roep of boodskap waar sy tuis deur die hospies versorg is nie. “My hart is gebreek dat ek my ma die afgelope naweek verloor het,” lees Mariah se verklaring oor haar ma, Patricia, se dood op 24 Augustus. Sy was 87 jaar oud. En dan, byna as nagedagte, sê sy: “Ongelukkig het my suster in ’n tragiese…

DIE Kaapse weer het nie juis in sy feesbaadjie opgedaag nie – dit was koud, nat en winderig. Tog het die triestige weer nie ons bekendes gekeer nie, almal getooi in hulle mooiste moois. As kykNET die blou tapyt uitrol, is dit altyd ’n kans om die kollig te gooi op nuwe talent, ou bekendes, die vaardige mense agter die skerms en hulle uitsonderlike werk. DENISE NEWMAN Bridgette Jacobs, is dit jy? Nee, dieRuiterbosch-sakevrou het dit nie tot in Kampsbaai gemaak nie – Denise Newman, die aktrise wat haar in Suidooster vertolk, het wel. Denise is saam met die akteur Hans Strydom en die vervaardiger Roberta Durrant vanjaar vir hul lewensbydrae vereer. “Dis altyd wonderlik om vereer te word,” sê Denise. “Hierdie lewensbydrae beteken … Ja, ek was al paar…

DAAR was ’n tyd toe die akteur CHANNING TATUM (44) en sy eksvrou, JENNA DE-WAN (43), ’n inspirasie vir ander mense se huwelik was. Maar ses jaar nadat hulle uitmekaar is, is hulle steeds in ’n bitter skeisaak gewikkel. Die twee is deesdae weer terug in die hof oor Channing se inkomste uit die Magic Mike-fliekreeks, wat tot R2,2 miljard gegroei het sedert die eerste fliek in 2015 uitgereik is. Hulle het destyds in 2009 nie ’n voorhuwelikse kontrak aangegaan toe hulle getroud is nie. En toe hulle in 2019 skei, moes al die bates wat in daardie dekade bygekom het eweredig verdeel word. Jenna voer aan die intellektuele eiendom van Magic Mike is geskep terwyl hulle getroud was, en dat van hulle ander gesamentlike geld gebruik is om dit…

1 JUSTIN VERLOOF Die Beetlejuice Beetlejuice-ster JUSTIN THEROUX (53) het nie net sy nuwe fliek by die Venesiese Rolprentfees bekendgestel nie, maar ook sy nuwe verloofde. Justin en sy meisie van net meer as ’n jaar, NICOLE BRYDON BLOOM (30), het gestraal op die rooi tapyt, waar sy met haar verloofring met ’n knewel van ’n diamant gespog het. Justin was voorheen met die aktrise Jennifer Aniston (55) getroud. 2 LIEFDE IN ’N DRIEHOEK As die teorieë van hulle aanhangers geglo kan word, skryf SABRINA CARPENTER (25) en CAMILA CABELLO (27) nes Taylor Swift liedjies oor hulle vorige verhoudings, soos die liefdesdriehoek met SHAWN MENDES. Sabrina se nuwe album, Short n’ Sweet, verwys na ’n minnaar wat nie sy eks kan vergeet nie. Sy’t in 2023 ’n kortstondige verhouding met Shawn (26) gehad…