Innehållsförteckning för 24 October 2024 från Huisgenoot

1 DIE BURE SE KINDERS EN HUL MUSIEKLESSE ’n Leser met ’n tuiskantoor wonder wat haar te doen staan met die woonstel bo se kinders wat smiddae musiek oefen Dis een van daardie dinge. Sit oorfone op. Daardie kinders wil ten minste êrens kom. Jy kan bly wees hulle rook nie dagga of suip nie. Maak vrede daarmee, want een van die dae speel hulle mooi musiek vir jou. MAGDA Baie dankie vir almal se mooi antwoorde. Ek is 70 en woon in ’n aftreekompleks. Dis een groot nagmerrie. Ek sal enige tyd wil teruggaan na ’n gewone kompleks om kinders en jong mense om my te hê. ANNETTE Wat staan jou te doen? Jy moedig hulle aan. Studies wys oor en oor watter ongelooflike voordele musieklesse vir kinders se brein…

NET twee maande gelede nog staan past. Ray McCauley agter die preekstoel van die ouditorium waar hy reeds dekades lank preek. Hy is kromgetrek van die jare. In die massiewe saal, groot genoeg dat ’n mens ’n rockkonsert daarbinne sou kon hou, lyk hy selfs kleiner as gewoonlik. Met tye sukkel ’n mens om te hoor wat die eens invloedrykste predikant in Suider-Afrika sê. “Iemand, sê iets,” por hy op ’n kol die kerkgangers aan. “Amen,” antwoord die kudde in een stem terug. Niemand besef dit sal sy laaste preek wees nie. Dis moeilik om te glo hierdie krom figuur was eens op ’n tyd só reusagtig groot. Nie net in ’n metaforiese sin nie – hy was letterlik enorm. Een van sy eerste werke was as ’n uitsmyter by…

DIE vel aan ons lyf verdien ook ’n toegewyde roetine om dit bevogtig, glad en jeugdig te hou. Ons kyk na die noodsaaklikhede vir lyfsorg en deel wenke oor hoe om dit naatloos by jou daaglikse program in te sluit. AFSKILFERING Wanneer jy jou lyf afskilfer, verwyder jy dooie selle, vuilheid, olie en onsuiwerhede wat jou porieë kan verstop en puisies kan veroorsaak. Dit maak ook jou veltoon egalig, stimuleer sirkulasie en laat bevogtigers beter intrek. WAT JY MOET WEET Moet dit nie oordoen nie. Jy hoef nie jou vel elke dag te skrop nie, want dit kan te kwaai wees en jou vel irriteer. Skrop jou vel een of twee keer per week sagkens. Vind die regte formule. Gebruik ’n fisieke afskilferaar, soos ’n skropmiddel, of ’n chemiese afskilferaar,…

HET jy al ooit gewonder hoekom jy aanhou hoes, selfs al voel jy nie siek nie? ’n Lastige droë hoes kan soms meer wees as net ’n irritasie – dit kan die teken wees van iets ernstiger as ’n gewone verkoue of griep. As dit langer as agt weke aanhou, is dit dalk tyd om ’n longspesialis te besoek. Hier is ’n paar moontlikhede redes: ❯ POSTNASALE DRUP Volgens prof. Keertan Dheda, hoof van pulmonologie aan die Universiteit van Kaapstad se departement geneeskunde, is ’n postnasale drup waarskynlik die mees algemene oorsaak van chroniese hoes in Suid-Afrika. ’n Postnasale drup veroorsaak dat mukus van jou neus na die agterkant van jou keel drup en irritasie veroorsaak, wat jou dan laat hoes. Die hoes kan nat of droog wees. Dit kan…

’N MENS moet nogal selfvertroue hê om ’n suksesvolle en vertroude resep soos BOER SOEK ’N VROU te verander – iets wat al 15 seisoene lank kykers trek, en ’n instelling onder Afrikaanses geraak het. Blykbaar is daar op Donderdae lang rye studente in die Neelsie, Stellenbosch se studentesentrum, wat tou staan om die week se episode in die fliekteater te kyk. Die nuwe formaat sit nie lekker met my nie, en ek is maar net ’n terloopse kyker. Ek dink egter nie ek’s die enigste nie. Kyk, mens verstaan as jy internasionale shows bietjie wil lewe gee, soos LOVE ISLAND of SUR-VIVOR, waar die sukses van die reeks berus op die onbekende faktor. En programverkope. Maar BSV is anders. As boere of pasmaats daarvoor inskryf, word dit nie gesien…

’n Mens kan nie stry nie – hulle is geweldig talentvol! Van BTS tot Blackpink, die groot musieksterre van die Koreaanse of K-pop-wêreld is almal uitstekende sangers, rappers en dansers. Nou is daar ’n nuutgevormde K-pop-groep wat die verhoog betree en hulle het planne om die wêreld van K-pop op horings te neem. Artms, ’n speling op die naam van die Griekse godin Artemis, bestaan uit vyf lede van die groep Loona wat onlangs opgebreek het toe van hulle solo-loopbane nagejaag en hulle kontrak met die platemaatskappy beëindig het. HASEUL, HEEJIN, KIM LIP, CHOERRY en JINSOUL het Artms gevorm in die hoop dat hulle loopbane nie nou tot ’n einde kom nie. En dit lyk asof dit gewerk het, want in Mei het hulle Dall uitgereik. Die album met sy…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. №2567 KOMPETISIEVRAAG Watter kombuistoestel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser ’n Droomman vir Carmi deur Elize Davies (H&R, R285). Carmi Molenaar, ’n eerstejaarstudent op Potchefstroom, sukkel om tegelyk haar studies én haar bankbalans te laat klop. Ná ’n motorongeluk waarin haar halfsuster, Jolene, verlam is, besef Carmi sy is ál een wat haar sussie finansieel kan bystaan, ten spyte van haar grootmaakouers se afkeer van haar bloedfamilie. Een middag, terwyl sy diep ingedagte op haar fiets ry, kruis Carmi se pad letterlik met dié van Herman Hattingh. Al het hierdie…

Miljoene likes Jy’t al seker sy video’s op jou FYP gesien of ’n vriend of familielid het dit iewers gedeel, want Sohail se TikToks is oral. Hy spog met meer as 11 miljoen likes op dié app. Sy snaakse TikToks oor kinders wat nie wil luister nie en hoe verskillende soorte Suid-Afrikaners reageer wanneer hulle die Springbokke op TV kyk, domino’s speel of Vadersdag vier, laat ons omtrént lag. Hy was ’n kunstige kind “Ek was nege toe my ma, Sandra, my gevat het vir baldans by die gemeenskapsaal. Dis waar my liefde vir die kunste begin het. Dit het my ook baie dissipline geleer.” En alhoewel hy later jare op hoërskool nie drama as vak gehad het nie, het hy altyd geweet hy wil iets in die kunste doen.…

225 KM/H Windspoed tydens orkaan Helene. 4,5 m Hoogte van die getystuwing tydens Helene. 290 KM/H Windspoed terwyl orkaan Milton nog oor die oseaan beweeg het. 450 ml Reënval op plekke in Florida tydens Milton. 5,5 MILJOEN Die getal mense wat versoek is om hul huise te verlaat toe Milton Florida genader het. MINSTENS 8 000 Die getal mense wat dood is toe ’n orkaan in 1900 die stad Galveston in Texas getref het. Destyds was daar nie weervoorspellings nie en niemand was voorbereid op die ramp nie. Dit was die dodelikste natuurramp in Amerika se geskiedenis. 1 836 Die getal sterftes in orkaan Katrina in 2005. Groot dele van die stad New Orleans is oorspoel toe die stad se dyke gebars het. 300 000 Die getal mense wat as…

MARCO en Danilo se liefdesverhaal het in 2015 heel toevallig op Twitt er begin. Marco het Danilo aanvanklik genader vir sake, maar hulle het gou besef daar wag ’n pragtige vriendskap. “Ons het die laaste agt jaar daardie vriendskap in diep liefde omgeskakel,” sê Marco. Danilo, wat jare lank ’n aanbieder op die televisieprogramme Hectic Nine-9 en Afternoon Express was, en steeds elke Saterdag op Good Hope FM die jongste treffers speel, bestuur ook ’n onderneming wat fokus op YouTube en digitale inhoud vir maatskappye. Marco se eerste indruk van Danilo sal hom altyd bybly. “Die lekkerste lag, die mooiste oë, en hy toon soveel belangstelling in ’n mens se woorde.” Hierdie eerste goeie indrukke het die grondslag gelê vir ’n vriendskap en later ’n betekenisvolle verhouding. Hulle het verlede…

DIE rubriekskrywer van The Hollywood Reporter kyk verbaas van sy tikmasjien af op toe die aktrise die kantoor binnestorm. Die volgende oomblik gee sy hom ’n opstopper, vol op die mond. Woedend oor iets wat hy geskryf het. Sy was en is geen brose silwerdoekskoonheid nie. Oor haar het die regisseur Donald Siegel gesê: “Sy’s te onvroulik en dra altyd die broek. Sy’s so hard soos klip.” Volgens Anthony Hopkins was sy die “onaangenaamste vrou” saam met wie hy ooit gewerk het. Ook haar geloof in ruimtewesens en vorige lewens maak dié Oscarwenner aweregs. Sy’t al vertel sy sien gereeld vlieënde pie-rings bo haar ranch in Nieu-Mexiko en dat sy in ’n vorige lewe in die mitiese stad Atlantis gewoon het. Maar dalk moet ’n mens na haar kinderjare kyk…

Wat is geluk vir jou? Om dankbaar-tevrede te wees met wie jy is en wat jy het. Dis wel ook ’n seldsame 15 minute vir myself om in stilte ’n koppie koffie te sit en drink. Wanneer en waar was jy op jou gelukkigste? Hier en nou – 39 jaar oud, sonder ’n oomblik vir stilsit, so tussen twee besige dogtertjies probeer grootmaak, en ook tyd maak vir my man, Cornél, my werk, vriende, my podcast en myself. Waarmee hou jy jou die graagste besig? Doeke ruil, speelgoed optel en prenteboeke lees! Maar ook op die stoep sit en tee drink saam met my man as die kinders eindelik slaap, die vervaardiging van my podcast en gim. Wat verveel jou? Mense wat al-ewig op sosiale media baklei. Wat sou jy…

OP DIE dag van haar troue het Stellenbosch verwoestende stormwinde ervaar. Die weer was so erg dat sy dit onthou as ’n “mal dag”. “Ek, my ma en strooimeisies moes die huisie ontruim waar ons vir die troue voorberei het,” begin die sangeres René Meijer die storie oor haar troudag op 7 April. Die storm buite was so erg dat dit sonpanele op die dak losgeruk het. “Dit was oorweldigend. Ek was so omgekrap deur die chaos.” Terwyl sy na ’n nuwe aantrekplek gery het, met die wind steeds loeiend, het sy die man gebel wat haar sou kon anker – haar bruidegom, Helmut. Maar hy’t net nóg slegte nuus gehad. “Hy het gelag en toe gesê: ‘Moenie worry nie, dis nog erger as wat jy dink.’” Rondom hulle trouvenue,…

SORGHUM-CHILI CON CARNE met NACHO’S & AVO-SALSA GENOEG VIR 4-6 MENSE / BEREIDING: 15 MIN. / GAARMAAK: 20 MIN. ’n Sakpas, vleislose en vullende chili con carne propvol geur. Die sorghum gee hierdie maaltyd ekstra lyf. Sit dit voor saam met ’n pikante avo-salsa en nacho-tjips vir die lekkerte. ◗ 30 ml (2 e) olie◗ 1 ui, gekap◗ 4 knoffelhuisies, gekap◗ 2-4 brandrissies, gekap◗ 5 ml (1 t) elk fyn komyn en koljander◗ 2,5 ml (½ t) droë tiemie◗ 100 g tamatiepasta◗ 1 x aftrekselpotjie of -blokkie, opgelos in 250 ml (1 k) kookwater◗ 1 x 410 g-blik gebakte boontjies in tamatiesous◗ 1 x 410 g-blik rooi nierboontjies, goed afgespoel en gedreineer◗ 500 ml (2 k) gaar heel sorghum◗ 10 ml (2 t) bruinsuiker◗ 5 ml (1 t) rooiwynasyn◗ sout…

KRY DIT HIER @HOME BY BASH.COM; MADEBYARTISANS.CO.ZA 087-058-0625; NIFTYGIFTS.CO.ZA HELP@NIFTYGIFTS.CO.ZA; POETRYSTORES.CO.ZA 0860-555-529; SHOP.BABYLONSTOREN.COM 021-300-3919; VOLPES.CO.ZA 041-402-6800; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOOR-DELIK GEHOU KAN WORD NIE.…

BEKENDES soos David Beckham en sy oudste seun, Brooklyn, het identiese tatoes gekry toe Brooklyn nog ’n tiener was. Barnaby Lenon, wat voorheen hoof van die vooraanstaande Harrow-skool in Engeland was en nou ’n professor in opvoedkunde aan die Universiteit van Buckingham is, dink nie dis ’n goeie ding nie. Die rede waarom sommige seuns op skool onderpresteer en selfs in die moeilikheid beland, is dat hul pa verkies om hul kind se beste vriend pleks van ’n gesagsfiguur te wees, skryf hy in sy boek Much Promise: Successful Schools in England. Seuns het dissipline deur ouers en skole nodig, is Barnaby se mening. Kenners wat Huisgenoot gepols het, stem saam. “Kinders het ’n behoefte aan dissipline en perke. Wanneer jy dit nie gee nie, skend jy hulle vertroue in…

SKERPIOEN 23 OKTOBER – 21 NOVEMBER Jou medeheerser, Mars, beweeg tans deur die deel van jou horoskoop wat met opvoeding verband hou. As jy geïnspireer voel om ’n kursus te doen of verder te studeer, is dit nou ’n goeie tyd om dit te doen. Dis ’n tyd vir nadenke vir jou sowel as jou maat, selfs al het julle tans ’n groot meningsverskil. Maar dit kan stimulerend en verfrissend wees, veral as julle albei kan besef julle hoef nie saam te stem nie. BOOGSKUTTER 22 NOV – 20 DES Al is jy dalk geneig om te reguit te wees, moet jy dié week sag wees in jou gesprekke met ’n geliefde. Jou hele huishouding sal hierby baat vind en almal sal gelukkig wees. Merk die 31ste op jou kalender,…

’n Minuut later kom Fokkens met ’n opgooipienk hemp en wit broek ingewals. Aan sy sy is ’n mollige vroutjie met grasgroen hare en ’n neusring. Hy stel haar voor as Sandy, sy assistent belas met vermaak en spyseniering. “Sandy sal die woord voer. Dis haar department,” sê Fokkens toe hulle gaan sit. “Ons het ’n awesome band gekry,” sê sy in ’n skril stemmetjie terwyl haar neusring effens tril. “Very contemporary and always in demand. High-profile troues is hulle speciality. Beslis the best in the Western Cape.” Sy maak ’n groot koevert oop en trek ’n foto uit, wat sy voor Hans neersit. “Dis ’n baie funky groep.” Hans trek sy asem in. Dis vyf ongeskeerde kêrels met sliertige lang hare en oorringe. Op almal se arms is oonooglike…

FLIEKS GRACIE AND PEDRO: PETS TO THE RESCUE Nou in teaters Die gesin se troeteldiere, Gracie en Pedro, is heel gelukkig in hulle familiehuis. Maar dan kom die skoknuus: Die gesin moet trek. In die trekproses word hulle van hulle mense geskei en moet hulle ’n plan beraam om by die nuwe huis te kom. Op pad is daar lekker avonture en uitdagings van ander diere. REBELLIOUS 1 November in teaters In hierdie moderne twist op ’n klassieke sprokie word ’n koppige, sterk prinses ontvoer deur ’n bose towenaar, en haar geliefde moet sy verstand gebruik in ’n epiese soektog om haar te vind terwyl sy haar ontvoerders weerbarstig uitdaag en ’n gewaagde ontsnapping beplan. REEKS BLUEY MINISODES Nou op Disney+ Bluey in enige formaat sal goed wees. Die vierde…

‘WAG so ’n bietjie, Doc. Het jy gesê jy’t ’n tydmasjien gebou, uit ’n DeLorean!” roep Marty McFly uit in die fliek Back to the Future. “Soos ek dit sien – as jy ’n tydmasjien in ’n kar gaan inbou, hoekom doen jy dit dan nie met ’n bietjie styl nie?” antwoord dr. Emmett Brown. Dis byna 40 jaar nadat een van die mees omstrede karre uit ’n wolk droë ys gery en ’n Hollywood-legende geword het in die fliek waarin Michael J. Fox die hoofrol vertolk het. En dis terug uit die toekoms – of eerder die verlede. Kat DeLorean, die dogter van John DeLorean, die man wat ’n futuristiese kar uitgedink het met ’n bak van vlekvrye staal en vleueldeure, stel nou self ’n sportmotor bekend wat sy…

Verbeel jy jou of lees jy deesdae veel meer van verwoestende tropiese storms as in die verlede? Die antwoord is kompleks, sê kenners. Daar is nie meer orkane as in die verlede nie, maar dié wat wel woed, is groter en sterker met swaarder reënval en erger winde. Dit kan toegeskryf word aan die stygende temperature wêreldwyd, sê die Verenigde Nasies se paneel oor aardverhitting. Orkane kry hul energie uit die seewater waaroor hulle waai. Soos wat die seewater warmer word, skop dit ’n kettingreaksie af waar die orkane al hoe sterker raak en meer verwoesting saai. “Die oseaantemperatuur in die Golf van Mexiko is op of naby rekordvlakke en gee heelwat krag aan orkane in die omgewing,” sê Joel Hirschi van Amerika se National Oceanography Centre waar hy medehoof…

Iemand kry ’n gier en soek op waar “op die paal” vandaan kom. Daar’s beskimmelde giggels. “Is dit nie voor die hand liggend nie? Paal?” “Mens weet nooit,” antwoord een. “Partykeer kom dit met ’n ompad uit die Middeleeue waar dit heeltemal kuis was,” sê hy. “Dalk is meisies in die ander tyd op die dorpsplein aan ’n paal vasgemaak en met tamaties gegooi.” “Daar was nie in die Middeleeue tamaties in Europa nie,” wys iemand uit. Ons wend ons tot kunsmatige intelligensie. “Dit kom waarskynlik van ou wedrenne of kompetisies waar die wenner by ’n paal moes eindig. Dit het later ’n uitdrukking geword wat beteken om iets reg en presies te doen.” Ons diskwalifiseer vir Chat-GPT. Hy’t nie die paal gehaal nie. Dis duidelik ’n hallusinAIsie. ’n Gawe…

DIE reuk van buskruit ruk haar tot haar sinne. Sy hardloop deur toe en skree vir haar kinders net een woord. Hardloop! Dis September 2001. Roenel Kriek se man lê dood in die slaapkamer. Dis September 2024. Roenel Kriek vee haar blonde hare uit haar oë en trek ’n boks sneesdoekies nader. Die herinnering aan daardie dag bly helder in haar geestesoog. Sy hét haar man geskiet. En sy het daarvoor geboet. Dit was haar storie, dit wás. Maar vandag is haar storie ook iets anders. En dis hierdie storie wat sy nou vertel. SY HET daardie dag geweet sy moet wegkom. En sy moet haar kinders so ver moontlik van haar man af kry. “Ek het in vrees gelewe,” vertel Roenel. “Ek was bang vir André. En ek was…

20’s Dis nou die tyd om die lewe te geniet en pret te hê. Laat jou klerekas hierby inpas met prettige en stylvolle items vir enige geleentheid. NOG ITEMS Kies helder kleure of patrone wanneer dit by bykomstighede kom. Dit voeg ’n ekstra element van pret by jou voorkoms. 30’s In dié dekade raak jy meer kieskeurig en jou klerekas meer gesofistikeerd. Jou fokus verskuif na gehalte en veelsydigheid. NOG ITEMS Voeg klassieke kleure soos goud, silwer en swart vir ’n tikkie glans by jou voorkoms. 40’s In jou 40’s weerspieël jou klerekas meestal elegansie, veelsydigheid en gehalte. Belê in items wat gesofistikeerdheid met gemak kombineer, maar steeds jou persoonlike styl wys. NOG ITEMS Belê in tydlose juweliersware soos pêreloorbelle, ’n fyn hangertjie of armband. Neutrale handsakke en skoene werk…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. EK WIL TROU, MAAR MAN KOM NIE TOT SKEI V Ek en die liefde van my lewe is reeds 15 jaar saam. Hy het my ná twee jaar gevra om te trou, maar toe lig binnelandse sake ons in dat hy nooit van sy tweede vrou geskei is nie. Hulle is reeds 18 jaar van mekaar vervreem. Hy is die pa van twee kinders. Ek het self ’n kind uit ’n vorige verhouding…

1 BYBETALINGS VIR JOU HUIS EN VOERTUIG Bybetalings is hoeveel jy uit jou eie sak sal betaal indien jy eis. Daar is verskillende soorte bybetalings, byvoorbeeld standaard-, vrywillige en addisionele bybetalings. 2 STANDAARD-BYBETALINGS Die verpligte bedrag wat jy moet betaal word deur die versekeraar vasgestel en verander nooit. Of jou herstelwerk nou R5 000 of R25 000 kos, jou bydrae bly dieselfde. 3 DIE BEDRAG KAN VERSKIL Jou polis kan dalk vereis dat die bybetaling vir spesifieke eise afhang van die totale skadekoste van jou eis. Wanneer jy jou polis uitneem, vra hoe jou bybetaling bereken sal word. 4 JOU RISIKO’S Faktore soos waar jy woon, speel ’n rol. As jou huis byvoorbeeld in ’n vloedgevaargebied is, kan jy ’n hoër bybetaling hê weens die verhoogde risiko vir duur eise. 5 BYBETALINGS KAN JOU PREMIES…

THE WEEKND ONS het volsirkel gekom. Die trilogie is voltooi met die Kanadese sanger The Weeknd wat binnekort sy splinternuwe album, Hurry Up Tomorrow, uitreik. Dit kom op die hakke van After Hours (2020) en Dawn FM (2022). Die eerste liedjie van Hurry Up Tomorrow, “Dancing in the Flames”, is reeds in September uitgereik en het blitsvinnig ’n gunsteling geword onder aanhangers van The Weeknd. Sy regte naam is ABEL MAKKONEN TESFAYE (34). En iets sê vir ons dit gaan nie lank wees voor die liedjie die trefferlyste begin klim nie. Sy 2020-treffer “Blinding Lights” is steeds een van sy bekendste liedjies. Die musiektydskrif Billboard plaas dit as die gewildste liedjie ooit op hulle Hot 100-trefferlys, terwyl dit ook die liedjie is wat die meeste ooit op Spotify gestroom is.…

GELATENHEID Ek het nou al met die tyd saam aanvaar dat die spieël nooit jok nie. Ek’s net bly hy lag ook nooit. Denise, Pretoria WEL TER TALE Herman se pa vra: “Seun, hoe gaan dit met die Franse lesse?” “Baie goed, Pa. Ek kan al ‘Goeie môre’ én ‘Baie dankie’ in Frans sê.” “Liewe aarde! Dis meer as wat jy in Afrikaans kan sê!” San Marchand KULKUNS By ons is die misdaad nou so erg dat ek saans met ’n klapmus en handskoene aan gaan slaap. As iemand inbreek, maak ek net of ek een van hulle is. Wollie, Pretoria UIT DIE MOND VAN DIE SUIGELING “Jannie, wat’s die verkleinwoord van kasteel?” vra die juffrou. “My pa sê dis Castle Lite, Juffrou!” Emmie, Mosselbaai SELEKTIEWE GEHOOR Die man sê…

1 Watter tradisionele Suid-Afrikaanse gereg bestaan uit eier en vleis? 2 Watter deel van die plant is verantwoordelik vir fotosintese? 3 Wat is die naam van die groot waterval op die grens van Zambië en Zimbabwe? 4 Wat is die Spaanse woord vir “hallo”? 5 Watter land het al die meeste Wêreldbekersokkertoernooie gewen? ANTWOORDE 1 Bobotie  2 Blare 3 Die Victoria-waterval 4 Hola 5 Brasilië BRONNE EFENSE.GOV, HISTORY.COM, TRTWORLD.COM, WHC.UNESCO.ORG, LACGEO.COM, THEGUARDIAN.COM, BBC.CO.UK, NEWS.SKY.COM, ETYMOLOGIEBANK.NL, EURONEWS.COM, NPR.ORG…

HET jy geweet dat alles in en om ons in die sterre gevorm is? Ja, dit sluit jou ook in! Die eenvoudigste boustene van ons heelal het tydens die sogenaamde oerknal ontstaan – ’n hewige kosmiese ontploffing van die ruimte wat volgens wetenskaplikes ons heelal gevorm het. Wetenskaplikes glo die ligste elemente, soos waterstof en helium, is in hierdie ontploffing van die ruimte self geskep, en die res het in die kern van oeroue sterre gevorm. Moenie jou kop daaroor breek as dit alles baie ingewikkeld klink ​nie, want dis nogal baie om in te neem! Vandag vind ons uit wat elemente en minerale is, hoekom hulle so belangrik is en waar ons hulle kan vind. ELEMENTE Volgens die wetenskaplikes se oerknalteorie is die ligste elemente – waterstof en helium…

DIÉ wat haar ken, sê ’n mens kon eintlik haar lewe lank die miserabelheid aan haar gesig sien. Dit was asof die ellende en treurigheid altyd aan haar bly kleef het. Weet jy enigiets van Lisa Marie Presley se lewe, weet jy waarskynlik dit was nie heeltemal so ’n gelukkige een nie. Trouens, die teendeel is waar. Daar was die vroeë dood van haar pa, Elvis Presley, wat sy nooit kon verwerk nie. Daar was haar bitter verhouding met ’n ma wat sy net as kil beskryf, haar bisarre huwelik met Michael Jackson en nog drie ander wat droewig skipbreuk gely het. Dan was daar ook haar stryd met dwelmverslawing en die skokdood van haar seun. Dis nie asof sy dit kon wegsteek nie. Haar glimlag was altyd gedemp, haar…

SY HET jare lank geswoeg voor haar harde werk by vanjaar se Olimpiese Spelemet’n silwermedalje beloon is. Maar die hoogtepunte hou nie op nie. Die spiesgooier Jo-Ané van Dyk en haar geliefde, Johan du Plessis, is onlangs in ’n pragtige seremonie in die Breederiviervallei getroud. Hulle liefdesverhaal is so mooi soos hulle troudag. Jo-Ané en Johan, ’n rekenmeester, het mekaar op die Potchefstroomse kampus van die Noordwes-Universiteit ontmoet. “Ons grap altyd en sê ons het in sy bed ontmoet,” knipoog Jo-Ané. “Ek het tydens ’n koshuisaksie deur sy gang gestap en met hom begin gesels. “Sy verstandtande is daardie dag uit-gehaal en hy was die enigste ou in sy kamer. Ons het uitgevind ons het ’n gemeenskaplike vriend, en ek het agter sy rug gaan lê om ’n foto te…