Innehållsförteckning för 28 November 2024 från Huisgenoot

1 ‘EK HET G’N HUWELIK VERWOES’ Hy het net vir sy vriendin Danelle ’n skouer gebied en is nié die rede waarom haar huweliksbootjie gesink het nie, skerm die sanger Brendan Peyper Dis nie my besigheid nie. Ek durf nie ’n klip gooi nie, hoewel dit vir my lyk ander voel húlle kan maar. Dis maklik om te oordeel, maar dit kom ons nie toe nie. Brendan, ek love jou musiek. Wat in jou lewe aangaan, is jou saak. LANDIE Om ’n ander man se vrou te soen is verkeerd. Maak nie saak hoe jy daarna kyk nie. Eers moet kykNET jou help om ’n soen of twee te kry, nou vat jy maar ander mans s’n. Kan jy nie self jou eie vrou soek nie? SANET Hoeveel mans en vroue…

SY’S dan heeltemal kaal?! Sy’s kaal, ja. Maar is dit ooit sy? Nee, sê haar prokureur. Dis nie. Dis nié sy nie, beklemtoon hy weer. Dis dalk nie sy nie, maar dit ís haar naam wat op die Instagramblad staan: Fiona Viotti. En by dit: “Call me queen.” As jy dié foto’s by dié naam sit, is dit ’n resep vir oë wat rek. Nie soseer omdat die foto’s so wulps is nie – op Instagram is skrapsgeklede vroue volop – maar omdat dit haas ondenkbaar is dat dáárdie Fiona sulke foto’s sou wou deel. Nie ná alles wat gebeur het nie. Maar die kommentaar by die foto’s wys daardie wilde dinge van destyds is ook maar ’n storie waarvan sy net nie kan wegkom nie. “Ek sluit sommer by…

WAT sal jy doen met ’n miljoen? Vra die blommeboer Herman Bosman van Knysna en hy antwoord jou puntsgewys: ’n bakkie vir die plaas, sonpanele op die dak, en ’n neseiertjie vir sy troue met sy lewensmaat van vyf jaar, Anthony Rau. Dis hoe hy die lewe van kleins af benader. Sistematies. Vandat hy ’n seuntjie was wat die hele gesin se biblioteekkaarte gebruik het sodat hy soveel moontlik kon lees. En hy kan nou presies al dié dinge doen wat hy gelys het, want hy is die eerste wenner van die Afrikaanse reeks Wie word ’n miljoenêr? Die eerste een wat elke vraag in die program kon regkry en wegstap met die hele miljoen. Hy was nog altyd ’n man wat hoog mik. “Hy het die moeilikste moontlike soort…

KRY DIT HIER CRAZYSTORE.CO.ZA, 086-111-1281; LOVISAJEWELLERY.CO.ZA, 010-143-0780; MAKRO.CO.ZA; MRPHOME.COM, 064-584-1000 (WHATSAPP); TOYSRUS.CO.ZA, 087-234-8697; WOOLWORTHS.CO.ZA, 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOOR-DELIK GEHOU KAN WORD NIE.…

VIR HAAR VIR HOM KRY DIT HIER AVON MY.AVON.CO.ZA; BASH.COM; HAIRHOUSEWAREHOUSE.CO.ZA; PEP 0860-737-000; SUPERBALIST.COM; TAKEALOT.COM; WOOLWORTHS.CO.ZA, 0860-022-002; YUPPIECHEF.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDE-LIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. MY SKOONMA IS ’N VERLEENTHEID V Ek en my man verwag tans ons eersteling. Ons is albei in ons laat 30’s. ’n Meervoudige persoonlikheidsversteuring is by my skoonma gediagnoseer, en dit veroorsaak ongemaklike situasies. Soms het sy nie maniere nie, en ander kere onttrek sy heeltemal. Dan is daar nog my skoonma se ma, my man se ouma. Wanneer sy in ’n vertrek is, raak dinge selfs moeiliker. Sy kritiseer my gereeld…

◗ Gesertifiseerde afskrif van jou ID. ◗ Jou huweliksertifikaat, enige huwelikskontrak en/of egskeidingsooreenkoms en/of saamwoon-ooreenkoms. ◗ Gesertifiseerde afskrif van jou gade se ID. ◗ Lys van jou afhanklikes en afskrifte van hul geboortesertifikate. ◗ Onderhoudsooreenkomste of -bevele. ◗ Lewensversekeringspolisse. ◗ Jou begrafnispolis. ◗ Korttermynversekeringspolisse. ◗ Mediesefondsbesonderhede. ◗ Aftree-annuïteite en pensioenplan-dokumente. ◗ Spaar-en beleggingsbesonderhede soos effektetrustrekeninge, belastingvrye spaarrekeninge en aanlyn aandelehandelrekeninge. ◗ Eiendomstitelaktes en/of huisleningbesonderhede. ◗ Afskrifte van huurooreenkomste. ◗ Motorvoertuigregistrasie-dokumente en/of enige voertuigfinansieringskontrakte. ◗ Besonderhede van alle bankrekeninge, kredietkaarte en winkelrekeninge. ◗ Werkbesonderhede sodat jou werkgewer in kennis gestel kan word en enige voordele geëis kan word. ◗ Jou belastingnommer en enige belangrike belastingdokumente. ◗ Lys van al die rekeninge wat jy betaal en hoe jy dit betaal, bv. munisipale rekening, selfoon-, internet-en stroomrekening. ◗ Lys van enige skuld. ◗…

BOOGSKUTTER 22 NOVEMBER – 20 DESEMBER Jy is op jou stukke en sien vir enigiets kans. Die nuwemaan in jou teken op die 1ste beloof ’n nuwe begin op persoonlike vlak. Daarna volg ’n lang kragmeting tussen Mercurius en Jupiter. Buiten dat dit hope pret meebring, kan dit ook op ’n romantiese warrelwind uitloop. Die laaste ding wat jy nou moet doen, is om alle versigtigheid oorboord te gooi. Trap versigtig. STEENBOK 21 DES – 20 JAN By die werk gaan dit klopdisselboom en tot jou eie verbasing oorweeg jy dit selfs om saam met jou kollegas te kuier. Geniet dit as ’n manier om bande en lojaliteit te smee. Rondom die 4de sal jy moet skouer aan die wiel sit wanneer jou heerser, Saturnus, en die son teenoor mekaar…

5 VINNIGE VRAE MET DIE AANBIEDER EN AKTRISE NADIA BEUKES 1 WAARNA LUISTER JY IN JOU KAR? As ek op my eie in my kar is, luister ek graag oudioboeke. Andersins word die musiekkeuse meestal bepaal deur my man, Dave, en ons twee seuntjies, Davey (6) en Josh (4). 2 WATTER BOEK LÊ LANGS JOU BED? Women Who Run with the Wolves 3 WATTER LIEDJIE SAL JY BY ’N KARAOKE SING? “Walking in Memphis” (Marc Cohn) of “Let Me Entertain You” (Robbie Williams) 4 WATTER REEKS OF FLIEK HET JY ONLANGS GEKYK WAARVAN JY GEHOU HET? Die reekse Nobody Wants This, The Gilded Age, The Block Australia, Only Murders in the Building en AL die kinderstories 5 WAT MAAK JOU TANS OPGEWONDE? Tyd saam met my man en kinders, onsDesemberplanne enThailand-vakansie volgende jaar, nuwe werkprojekte en geleenthede…

BELGRAVIA Hierdie reeks is moeilik om op te spoor. Die opvolg, Belgravia: The Next Chapter, wat 25 jaar ná die eerste reeks afspeel, is tans op Showmax. Dis deur dieselfde vervaardigers as Downton Abbey en dit speel af in die vroeë 1800’s. BOARDWALK EMPIRE Met Steve Buscemi in die hoofrol en uitstekende resensies is dié reeks een om te kyk. Dit speel af in die 1920’s toe alkohol in Amerika verbied is, en die historiese korrektheid en hoë vlak van produksie maak dit die moeite werd. Op Showmax. POLDARK Nog ’n topreeks wat nêrens op ons stroomdienste is nie, speel in die laat 1700’s af in Cornwall, Engeland. Dit het die loopbane aan die brand gesteek van sowel AIDAN TURNER as Ross Poldark, en Eleanor Tomlinson as sy vurige vrou,…

WETENSKAP-LIKES het ’n vindingryke manier ontdek om siektes te beveg wat deur muskiete oorgedra word. Maak die mannetjies doof sodat hulle sukkel om te paar en aan te teel. Muskiete paar in die vlieg, en die mannetjies steun op gehoor om wyfies te bespeur en agtervolg. Hul ore is gespits vir die “verleidelike vlerkslae” van die vroulike insekte. Navorsers van die Universiteit van Kalifornië het nou in ’n eksperiment die genetiese “pad” verander wat mannetjiesmuskiete vir sulke gehoor gebruik. Die belowende resultate is dat die proefkonyne geen fisieke kontak met wyfies gemaak het nie – selfs nie ná drie dae in dieselfde hok nie. Siektes soos dengue-, geel-en zikakoors word aan mense oorgedra deur wyfiemuskiete. Om te verhoed dat hulle ’n spul spruite voortbring sal help om algehele muskietgetalle aansienlik…

1 WAT WAS DIE NAAM VAN DIE BELANGRIKE STEEN WAT MOANA GAAN SOEK HET? ◻ A Spirit of Fiji. ◻ B Heart of Te Fiti. ◻ C Soul of Motunui. 2 WAT IS DIE GROEN BERGAGTIGE GODIN SE NAAM IN DIE FLIEK? ◻ A Te Fiti. ◻ B Koru. ◻ C Tamatoa. 3 WIE IS DIE STEM VAN MAUI? ◻ A Dwayne Johnson. ◻ B Tom Kenny. ◻ C H. Jon Benjamin. 4 WAT IS MOANA SE HOENDER SE NAAM? ◻ A Pongo. ◻ B Pua. ◻ C Heihei. 5 WAAR IS MOANA VERBIED OM TE GAAN? ◻ A Die rivier van monsters. ◻ B Te Kā. ◻ C Verby die rif. 6 WAT IS MAUI? ◻ A ’n Halfgod. ◻ B ’n Haaigod. ◻ C ’n Halfhaai. ANTWOORDE: 1: B,…

IN 2021 kon Julia Nawalnaja haar man, Aleksei, gekeer het voor hy terug is Rusland toe. Die oomblik toe hy daar geland het, is hy aangekeer en tronk toe gestuur, en maande later is hy in aanhouding dood. Net vyf maande vroeër is Aleksei, in daardie stadium die Russiese opposisieleier, in Siberië deur president Wladimir Poetin se geheime agente met novitsjok vergiftig. Hy is per lugambulans Berlyn toe geneem, waar dokters sy lewe gered het. Maar eers was hy weke lank in ’n koma, waarna hy weer moes leer om te praat, skryf en loop. Julia was heeltyd aan haar man se sy. Sy was ook aan sy sy toe hulle saam op ’n vliegtuig Moskou toe is. Albei het geweet dit was heel moontlik die laaste ding wat Aleksei…

TEMAS ◼ Wildtuin toe◼ Gewilde restaurante◼ Liedjies van Koos du Plessis◼ Op die N1-hoofweg◼ By die basaar◼ Rugby & krieket◼ Gesoute SA akteurs en nog baie meer! AANLYN media24shop.com of huisgenootwinkel.com BEL 021-406-4962 E-POS koop@huisgenoot.com Gaan na www.media24shop.com…

DIT was een van die ongelooflikste oomblikke in die wêreld se strafste fietswedren. In die hartjie van Parys – ná 23 dae en 3 500 km deur wingerde en oor berge wat elke greintjie krag uit jou bene suig – bestyg die jong Amerikaner Lance Armstrong die wenpodium in Parys. Die wêreld was verstom, want skaars twee jaar tevore het hy weens gevorderde testikulêre kanker by die dood omgedraai. Daardie oorwinning in 1999 was net die begin. Hy het die wenner se geeltrui nog ses keer aangetrek, steeds ongeëwenaar in die geskiedenis van die Tour de France. Lance is op 18 September 1971 in Plano, Texas, gebore. Vir mil-joene was hy die grootste sportheld en inspirasie van sy tyd. Sy kankerstigting se geel armbandjies was ’n reusegier. Hy het selfs…

Wat is geluk vir jou? Om te laat gaan wat buite jou beheer is. Om van oomblik tot oomblik te lewe met die vertroue dat alles sal uitwerk soos dit moet. Wanneer en waar was jy op jou gelukkigste? In my kinderjare. Waaroor is jy spyt? Dat ek stukke van myself gegee het aan mense wat my teleurgestel het. Wat sou jy anders doen as jy jou lewe kon oorhê? Ek sou dalk net ’n sterker onderskeidingsvermoë wou gehad het. Hoe sal die mense wat jou goed ken jou beskryf? Hardkoppig, veerkragtig, betroubaar en authentic. Wat is jou beste eienskap? Om empatie met ander te hê. En jou slegste eienskap? Ek kan soms bitsig wees. Wat beïndruk jou in ander mense? As hulle duidelike grense het oor wat hulle nie…

AS JY hom ooit ’n leuenverklikkertoets laat aflê, sal hy niks hê om oor bekommerd te wees nie. Hy praat áltyd die waarheid, sê die komediant Schalk Bezuidenhout. Hy’s eerlik. Oop oor sy dinge. “Die lewe is goed én sleg,” sê Schalk. En hy wil oop kaarte speel oor albei kante. Nie net oor die mooi dinge nie, maar oor die seerder dinge ook. Juis daarom dat hy besluit het om nie nét die goed kwyt te raak wat mense laat lag nie, maar om ook te praat oor die hartseer van sy huweliksbootjie wat gesink het. “Ek wou dit nie ignoreer of met ’n geheim leef nie. Mense is skerp, hulle sal gou oplet ek dra nie meer my trouring nie, ek deel nie meer foto’s en video’s van…

BESSIE-PAVLOVA BEREIDING + GAARMAAK: 45 MIN. (+ AFKOEL & VERKOEL) / GENOEG VIR 8 MENSE ◗ 6 eierwitte◗ 250 ml (1 k) strooisuiker◗ 15 ml (1 e) mielieblom◗ 600 ml room, styfgeklop◗ 80 ml (⅓ k) strooisuiker◗ 300 g vars bloubessies◗ 360 g vars frambose◗ 250 g aarbeie, in dun skyfies gesny◗ 30 ml (2 e) versiersuiker BESSIESOUS ◗ 120 g vars bloubessies◗ 120 g vars frambose◗ 120 g vars braambessies◗ 60 ml (¼ k) strooisuiker 1 Voorverhit die oond tot 180 °C. Smeer drie bakplate met botter of bespuit met kossproei en voer die bodem met bakpapier uit. Trek met ’n potlood ’n sirkel van 23 cm in deursnee op elke stuk papier.2 Klits die eierwitte in ’n middelslagbak tot sagte punte vorm. Voeg die 250 ml strooisuiker eetlepel…

KRY DIT HIER @HOME BASH.COM; ALOVESUPREME.CO.ZA, HELLO@ALOVESUPREME.CO.ZA; CRAZYSTORE.CO.ZA, 086-111-1281; FATFRANK.CO.ZA, OFFICE@FATFRANK.CO.ZA; NETNKAMEEL.CO.ZA; NIFTYGIFTS.CO.ZA, HELP@NIFTYGIFTS.CO.ZA; TDAY.CO.ZA, HELLO@TDAY.CO.ZA; THEGREATBREAK.COM, 082-535-9617; TOYSRUS.CO.ZA, 087-234-8697 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

PAPNAT hande en klammigheid onder die arms is vir sommige mense net een van die lastighede wat saam met die somer kom. Maar wanneer ’n mens dié simptome op tye ervaar wanneer dit nie warm is nie, kan jy dalk aan hiperhidrose ly. Hoewel dit streng gesproke nie ’n siekte is nie, kan dit groot verleentheid veroorsaak. Mense met hiperhidrose se handpalms, voetsole en oksels sweet veral. Dit begin gewoonlik tydens adolessensie, en angstigheid vererger dit. WAT KAN JY DOEN? ◗ Antiperspirant help onder arms. ◗ ’n Aluminiumchloriedoplossing wat oornag aangewend word, kan sweet op die hande en voete verminder. Jy kan dit by apteke kry. ◗ Dra verkieslik katoenklere. ◗ Gebruik ’n antiseptiese seep. ◗ Middels soos betablokkers kan soms help. Botoksinspuitings kan ook sweetkliere effektief verlam, maar dit…

1 WAT IS VMV-NOODGEVALLE? Voorgeskrewe Minimum Voordele (VMV’s) dek mediesefondslede teen noodgevalle. Wetlik moet jou fonds die koste dek vir die behandeling en versorging van jou mediese noodgeval. Onthou Slegs ernstige noodgevalle is VMV’s. Dit beteken lewensgevaarlike of lewensveranderende toestande wat verswakte liggaamsfunksies, blywende skade aan organe of ander liggaamsdele kan veroorsaak. Iets soos ’n gebreekte enkel is byvoorbeeld nie ’n lewensgevaarlike noodgeval wat onmiddellike behandeling vereis nie. 2 SAL MY FONDS TEN VOLLE BETAAL? As dit ’n VMV is, sal jou fonds die eis betaal, maar jou mediesefondsopsie speel ’n rol. Jou fonds kan vereis dat jy ’n netwerkverskaffer of ’n openbare hospitaal gebruik. In so ’n geval sal jy gestabiliseer word by die hospitaal waarheen jy gaan, maar dan sal jou mediese fonds jou oorplaas na die hospitaal…

ONGELUKKIG sukkel ek met skuldgevoelens wanneer ek televisie kyk. Ek weet nie waarom ek dit nie so maklik kan afskud soos ander mense nie. Dit lyk nie of my kinders en beter helfte daarmee sukkel nie. Ek voel altyd dat ek eintlik iets anders, meer nuttig, moet doen – huis skoonmaak, wasgoed, dalk selfs eerder ’n boek moet lees. Hoe dit ook al sy, ek raak nie gou gemaklik voor die televisie nie. Dalk is dit omdat ek op skool so skelm sepies gekyk het. Dit was glad nie iets wat in my ouerhuis gedoen is nie, maar toe ek destyds koshuis toe is, het die wonderwêreld van THE BOLD AND THE BEAUTIFUL en DAYS OF OUR LIVES vir my oopgegaan. As sotte pas in die hoërskool mag ons nie…

DIE invloed van countrymusiek is reeds duidelik in die res van die wêreld. Nou kan die gewildheid daarvan ook in Afrikaanse musiek gesien word. Soos verlede jaar toe Riaan Benadé met die Nashville-country-ster Ian Munsick hande gevat het en die pragcountrytreffer “I’m On Fire” uitgereik het. En dié jaar het APPEL besluit om sy tone in countrymusiek te doop saam met die Australiese country-ster JAMES JOHNSTON met “Country Is For Me”. Appel en James het hierdie liedjie op vanjaar se Cape Town Country Festival by die DHL-stadion uitgereik. Sedertdien het die liedjie nie net die Afrikaanse trefferlyste oorheers nie, maar ook die no. 1-posisie op Apple Music se countrytrefferlys bereik. “Om James te ontmoet en saam kulture te verenig deur die taal van musiek, was ’n reis wat ons nie…

WÊ! “Ek gaan jou verlaat. Ek’s moeg daarvoor dat jy van alles in die lewe ’n kompetisie wil maak,” sê Gerda. “Nie as ek jou eerste verlaat nie,” gil Koos en hardloop vir die voordeur. Johanna Rademeyer ELKE HOU TEL Boetie weet nog min van krieket, maar met die proewe vir die o.9-span moker hy die bal oor die fietshokke se dak. “Vat vyf met jou ses, jy staan nou op sewe,” roep die onnie uit. “Meneer, speel ons krieket of doen ons hoofrekene?” E. Moelich AMBISIE “Nikkie, waar’s jou CV, Ouma sien hulle soek werknemers by Clicks.” “Ek wil nie daar werk nie, Ouma.” “Hoekom dan nie?” “Hulle sê dan ‘you pay less at Clicks’.” Denise, Pretoria BIBBERTAAL Die ouma berispe haar kleinseun omdat hy ’n vloekwoord gesê het:…

1 Wie het die Mona Lisa geskilder? 2 Wat is die chemiese simbool vir waterstof? 3 Wat is die langste rivier in Afrika? 4 Hoeveel planete is daar in ons sonnestelsel? 5 Wie is die skrywer van die Harry Potter-boeke? Antwoorde: 1 Leonardo da Vinci 2 H 3 Nyl 4 Agt 5 J.K. Rowling BRONNE THEGUARDIAN.COM, BRITANNICA.COM, COLORADO.EDU, LIVESCIENCE.COM, CNN, BBC, BRITANNICA.COM, KIDSNEWS.COM.AU, HISTORY.COM, IHO.ASU.EDU, NHM.AC.UK, DAILYMAIL.CO.UK, YOUTUBE…

SKOON, veilige water is die kosbaarste kommoditeit op aarde. Jy sal dalk verbaas wees om dit te hoor. Dinge soos goud en diamante is tog veel kosbaarder as gewone ou water wat uit ons krane kom? Elke lewende wese op aarde is afhanklik van skoon water. Daarsonder sou daar geen plante, diere of mense wees nie. Toegang tot skoon water is egter nie so maklik soos wat dit dalk klink nie, selfs al val skoon water uit die lug elke keer as dit reën. 89,4% van alle Suid-Afrikaanse huishoudings het toegang tot pypwater, en in die meeste stedelike gebiede word die water as veilig beskou om te drink. Dis nie die geval in meer landelike gebiede waar ekstra stappe geneem moet word om die water te suiwer nie. Kom ons…

JACK PAROW was nog nooit bang vir ’n bietjie bling nie. Dis ’n rapper se prerogatief daai, sou mens seker kon sê. Veral as jy op ’n verhoog gaan staan en beats soos dié rap: Jy’s ou nuus, ek kom met rou beats. Jy lê en wag, ek gaan soek iets. Jy’s ice tea, ek’s witblits. Jy’s lite bier, ek’s spirits. Jy’s die ou met die new fresh look, ek’s die ou met die Pep Storebroek. Alles in sy 2009-treffer, “Cooler as ekke”, is vandag nog waar. Behalwe een ding: Vandag is hý die ou met die “new fresh look”, en g’n mens is cooler as hy nie. Jack is onlangs deur die drag queens TOLLIE PARTON en MANILA VON TEEZ onder hande geneem toe hy ’n gasverskyning op Die…

‘Hulle is deur baie dinge saam, maar het nuwe, positiewe energie en is nou op ’n goeie plek’– ’N BRON “NIKS is ooit regtig verlore nie. Welkom terug.” Dis die bittersoet woorde waarmee MEGAN FOX die wêreld laat weet het sy en haar verloofde, MACHINE GUN KELLY, verwag hulle eerste kind saam. Dié blye nuus kom ’n jaar nadat Megan (38) vroeër bekendgemaak het dat sy ’n miskraam gehad het. Die aktrise, wat in Transformers gespeel het, het die boodskap op Instagram gedeel. Op die een foto hou sy haar maag vas terwyl dit in swart verf bedek is, en nog ’n foto wys ’n swangerskapstoets. Dit gaan haar vierde kind wees. Sy het drie seuns, Noah (12), Bodhi (10) en Journey (8), saam met haar eks Brian Austin Green…

Julia Nawalnaja is ’n uitsonderlike vrou. Haar man, Aleksei, is in Februarie deur die Kremlin vermoor. Ons vertel haar storie op bladsy 78. Jy sal oplet haar man se van is Nawalni. Wat doen die Russe met hulle vanne? In Russies, wanneer ’n vrou trou, verander haar van (of “familienaam”) dikwels om haar huwelikstatus te weerspieël. Sy neem haar man se van aan en pas dit grammatikaal aan volgens die konvensies van die Russiese taal. Byvoorbeeld, as ’n vrou met ’n man met die van “Iwanof” trou, sal sy dikwels die vorm “Iwanowa” aanneem (met die byvoeging van die vroulike “a” aan die einde). Dieselfde geld vir baie algemene Russiese vanne, waar ’n vroulike agtervoegsel (“-a”) by die manlike vorm gevoeg word. Dié transformasie is ’n ou tradisie in Russies,…

‘WAT is die plan?” vra Bok van Blerk. Hy’s nie ’n man vir rondstaan nie. Was nog nooit nie. Geen man wat al met ’n geelvintuna op die voorblad van Stywe lyne verskyn het, hou van drentel nie. Met sy lyn in die water kan ’n man maar terugsit, wag en kyk wat gebeur. Maar voor dit moet hy werskaf met sy boot se enjin, sy stok, katrol en aas. ’n Man kan ’n grote net vang as hy werk met ’n plan. Dit is iets wat Bok weet, en dit is iets wat Bok toepas. “Liefie, wys bietjie vir haar daai groot vis wat jy gevang het,” sê sy vrou van hier anderkant waar sy sit in die grimeerkunstenaar se stoel. Hanna Grobler weet net hoe om haar man…

KRY DIT HIER ADIDAS 086-000-1004; ALUTASUNGLASSES.CO.ZA; BASH.COM; BIRKENSTOCK 021-461-7426; COTTON ON 087-550-4383; DANIEL WELLINGTON 010-143-3603; EXACT 021-938-7096; FABIANI 021-555-3600; H&M 086-069-0707; LOVISA 010-143-0780; MARKHAM 021-928-6682; MR PRICE 031-310-8000; OLD KHAKI 086-044-4429; PICHULIK 066-477-0740; POETRY 086-055-5529; POLO 021-421-8709; SUPERBALIST.COM; THATBLOKE.COM; TONIPONS.CO.ZA; VANS.CO.ZA; WOOLWORTHS 086-002-2002; ZARA 021-408-7600 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

KRY DIT HIER GADGETTIME.CO.ZA; MAKRO.CO.ZA; NIFTYGIFTS.CO.ZA; TAKEALOT.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

KRY DIT HIER @HOME BASH.COM; ALOVESUPREME.CO.ZA, HELLO@ALOVESUPREME.CO.ZA; CHECKERS.CO.ZA, 0800-010-709; CRAZYSTORE.CO.ZA, 086-111-1281; ECRUSPACES.COM, INFO@ECRUSPACES.COM; KITSCHKOOL.CO.ZA, 072-231-360; LECREUSET.CO.ZA, ZA@LECREUSET.COM; MRPHOME.COM, 064-584-1000 (WHATSAPP); POETRYSTORES.CO.ZA, 0860-555-529; SHOP.BABYLONSTOREN.COM, 021-300-3919; TDAY.CO.ZA, HELLO@TDAY.CO.ZA; UMBRELLAS.CO.ZA, 021-492-7363; WOOLWORTHS.CO.ZA, 0860-022-002; YUPPIECHEF.COM, 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANT-WOORDELIK GEHOU KAN WORD NIE.…

DIS nie lekker om aan die dood te dink nie, maar almal weet die lewe is onvoorspelbaar. ’n Goeie idee vir gemoedsrus is om ’n lewensleêr saam te stel en op dié manier jou geliefdes ure se administrasie en potensiële frustrasie te spaar. WAT IS ’N LEWENSLÊER? ’n Lewenslêer bevat noodsaaklike dokumente met inligting oor jou persoonlike sake, bates en boedelbeplanning. Dink daaraan as ’n padkaart om jou geliefdes ná jou dood te help om jou wense te eer en jou sake af te handel. Die lêer sal dus nie net jou testament bevat nie, maar ook dinge soos jou begrafnispolis, versekeringsinligting, jou ID en huweliksertifikaat. Dit moet basies enige inligting en instruksies insluit wat jou familie sal help om jou sake en boedel vinnig en maklik af te handel…

BOEKE GEROEP VIR MEER – OM SUKSESVOL TE LEWE DEUR HYKIE BERG Lux Verbi, R250* Die meeste hiervan weet mense reeds van Hykie Berg: ◗ Heroïenjunkie, dief, leuenaar, krimineel. ◗ Stukkende verhoudings. ◗ In en uit rehabilitasiesentrums, tronkselle, psigiatriese instellings. ◗ Depressie, geen vriende, geen selfrespek, geen hoop. Dis van die dinge wat hy opnoem in die eerste hoofstuk van Geroep vir meer waar hy ’n terugflits op sy verlede gee. Die ander hoofstukke handel oor “om suksesvol te lewe”. Hykie, die bekende akteur, topverkoperskrywer en entrepreneur, moes baie diep delf om uit te kom waar hy vandag is. Hy haal onder meer die Everestveteraan Edmund Hillary aan wat gesê het dis nie die berg wat ’n mens moet oorwin nie, maar jouself. Hy skryf ook oor die selfdissipline wat dit…

“Hierdie is net die punt van die ysberg. As ’n gewone ou van Indië musiek kan maak en ’n cool musiekvideo uitbring wat soos ’n veldbrand versprei, gee dit ander mense die kans om groter te droom,” sê die 31-jarige Sooraj Cherukat, beter bekend as HANUMANKIND in die hiphopen rapwêreld. Sy lewe het onlangs soos handomkeer verander met die uitreiking van sy treffer “Big Dawgs” saam met die Indiese DJ en musiekvervaardiger Kalmi. Die hiphop-rapliedjie het die wêreld in vervoering. Dis die klankbaan op elke tweede video op TikTok, en op sy hoogtepunt het dit in die 23ste plek op Billboard se Hot 100-trefferlys gepronk. Sooraj se verhoognaam kom van een van die Hindoe-gode, Hanuman. Hierdie half-aap, halfmens is die Hindoe-god van wysheid, krag en moed. Oor die groot sukses…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. № 2 572 KOMPETISIEVRAAG Watter gas is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Die SA lugbraaier-kookboek 2 deur Louisa Holst (H&R, R350). Vinnig, flatervry en perfek vir Suid-Afrikaanse gesinne! Die topverkoperskrywer Louisa Holst weet wat die lugbraaiermark wil hê en bring nog plaaslike geure na vore! Haar resepte sluit in springbokkie-kaaskoek, brandewyn-en-Coke-hoendervlerkies, snoek-en-appelkoos-filosamoesas, en ’n visvinger-gatsby vir die honger kinders wat hulle sommer self kan maak. Nog ’n paar van Louisa se heerlike resepte sluit in peri-peri-hoenderpastei, gammon (ja, dit kan in die lugbraaier gaargemaak word), gebraaide lam, karringmelkbeskuit, pavlova en…

VOEDSELAFVAL dra baie tot kweekhuisgasse en dus aardverhitting by. Wanneer dit in stortingsterreine ontbind, stel dit metaangas en koolstofdioksied vry. Hierdie kragtige gasse versnel aardverhitting en vererger die klimaatskrisis. Byna 1,3 miljard ton voedsel word jaarliks vermors. En voedselafval maak tot 10% van alle kweekhuisgasse uit. Suid-Korea gee ’n mens darem hoop. Waar die meeste lande met voedselafvalbestuur sukkel, is dié tops wanneer dit by innoverende herwinning en kompostering kom. Hul stelsel, genaamd Jongyangje, vereis dat inwoners hul afval skei. Waar beskikbaar, kan hulle dit in spesiale elektroniese asblikke gooi wat die afval weeg en ’n diensfooi van hulle hef op grond van hoeveel hulle weggegooi. Mense wat nie toegang tot elektroniese asblikke het nie, moet doelgemaakte kompossakke koop. Dié sakke kan dan in gemerkte asblikke weggegooi word. En Jongyangje…

KYK HOE VER HET SY GEKOM! Maak jou reg vir nog ’n avontuur na die eiland Motunui saam met Moana en Maui. Hierdie keer gaan ons saam met hulle op ’n uitgestrekte reis saam met ’n splinternuwe bemanning van onwaarskynlike seevaarders. Nadat Moana ’n onverwagte boodskap van haar voorvaders ontvang, moet hulle na ’n veraf oseaan reis – in gevaarlike waters op ’n avontuur heeltemal anders as enigiets wat hulle al voorheen gesien het. “Ons gaan op ’n splinternuwe epiese avontuur,” skryf Auli‘i Cravalho, die stem van Moana. Maui en Moana sal mekaar meer as ooit nodig hê as hulle wil saamstaan teen Nalo, die god van storms. Hy’s vreesaanjaend en kragtiger as enigiemand wat Moana al ontmoet het. “Maar Nalo besef mense is ’n gedugte bedreiging vir hom. Wanneer…

VIR ’n sekere generasie wat in die 1990’s en vroeë 2000’s jonk was, sal hy altyd die gesig van hulle jeug bly. Vir baie was hy die eerste kêrel wat hulle knieë lam gemaak het. Dawson Leery, die man met die diep oë en die aarbeiblonde hare, tog so verlief op sy beste vriendin, Joey, in die TV-reeks Dawson’s Creek. Maar nou ja, die tyd stap aan, en deesdae is James Van Der Beek, die destydse tienerhartedief, ’n 47-jarige man. En ongelukkig bring die jare ook soms uitdagings. James is nou, ná baie jare, terug in die nuus nadat hy bekendgemaak het hy het kolorektale kanker, ’n wrede siekte wat in die weefsel van ’n mens se dikderm of rektum ontwikkel, van daar na jou binnegoed versprei, en in baie…

HY HET ’n stel gebeitelde boarms wat ’n mens na jou asem laats nak, om nie eens te praat van daardie blokkiesmaag nie. Sy’s ’n sonbruin model wat die wêreld vol toer en selfs vier jaar terug ’n semifinalis vir Mej. Suid-Afrika was. Saam is die akteur EDEN CLASSENS en sy meisie, SAVANNAH SCHUTZLER, mooier as mense. Albei is akteurs, albei is modelle en albei is mal daaroor om te reis. Dis natuurlik nie nuus nie, aanhangers weet dit – die foto’s van die twee se reise saam, dikwels foto’s wat lyk of dit uit glanstydskrifte kom, laat aanhangers op sosiale media altyd twee keer kyk. Eden, veral bekend vir sy rol as Justin Potgieter in Suidooster, en Savan-nah is vanjaar al vier jaar saam. Die twee het mekaar destyds…

HALLE BERRY het die tyd laat stilstaan toe sy die anderdag dieselfde Elie Saab-rok aangetrek het wat sy 22 jaar gelede gedra het op die dag wat sy haar Oscar vir beste aktrise in 2002 gewen het. Die 58-jarige Halle het deelgeneem aan ’n loopplankgeleentheid in Saoedi-Arabië genaamd “1001 Seasons of Elie Saab”. Dit was ’n viering van die ontwerper se 45 jaar in die modebedryf. Op Instagram het sy geskryf: “There are some moments in life that just happen, and they change our lives forever! Winning an Academy Award in my @eliesaabworld gown was one of those moments for me!” Candice Swanepoel en Adriana Lima het ook aan die vertoning deelgeneem. Camila Cabello, Jennifer Lopez en Celine Dion het ook opgetree. Niemand is beseer nie.…

152CM PERFECT SLEEP MATTRESS R14999 SAVE R3000 2-Year Guarantee Included In a 10-Year Service Warranty Get approved for the lowest credit instalments guaranteed quickly & easily. Ts & Cs apply. R2999 SAVE R300 152cm Snooze Rest Mattress 1-Year Guarantee Included In a 5-Year Service Warranty R5999 SAVE R1500 152cm Greystone Mattress 1-Year Guarantee Included In a 10-Year Service Warranty R6999 SAVE R1000 152cm Serengeti Mattress 1-Year Guarantee Included In a 10-Year Service Warranty R5499 SAVE R1000 152cm Woodridge Mattress 1-Year Guarantee Included In a 10-Year Service Warranty R6499 SAVE R1000 152cm Ruby Mattress 2-Year Guarantee Included In a 15-Year Service Warranty R6999 SAVE R1500 152cm Topaz Mattress 2-Year Guarantee Included In a 15-Year Service Warranty R5999 SAVE R1000 152cm Samara Mattress 1-Year Guarantee Included In a 10-Year Service Warranty R6999…