Innehållsförteckning för 19 December 2024 från Huisgenoot

1 ‘DIE HARTSEER VAN AFSKAAL EN WEGGOOI’ Hul sewentigerjare is hier, en dis nou tyd om na ’n kleiner plek te verhuis. Maar om ’n leeftyd se herinneringe uit te smyt is hartverskeurend, skryf ’n leser Drie jaar terug was ek in dieselfde bootjie. Dinge waarvoor jy hard gewerk het, moet jy verniet weggee. Ná baie trane besef ek nou dit was aardse goed, jy kan dit nie saamvat met jou afsterwe nie. Vandag is ek in ’n kleiner plekkie en gelukkig. ELMARIE Dit is maar moeilik. Skenk tog asseblief enigiets oorbodigs vir die outehuise, skole, ensovoorts. Mense, daar is so baie behoeftiges wat niks het nie. Ek en my man moes dit ook doen. Jy sal verbaas wees oor die verligting wat jy voel. LEONORA Ons het nou net 60…

SY EN die dood loop ’n lang pad saam. Eers was daar haar kinders se niggie, maar net 13 jaar oud, wat aan kanker dood is. Toe die ondenkbare pyn: haar eie dogter wat desperaat gehoop het sy sou ’n ernstige longsiekte lank genoeg kon klop om haar 21ste verjaarsdag te beleef, maar toe nie kon nie. En nou, asof dit nie al genoeg was vir een mens om te dra nie, het ’n ernstige siekte, weer kanker, wéér onder die mense naaste aan haar kom maai. Dié keer het die dood haar man kom haal. Selfs mense wat Gabi Lowe (60) se naam nie herken nie, sal dalk iets van haar gesin se verhaal onthou. Nadat haar dogter, Jenna, in 2012 op 17 gehoor het sy het die longsiekte…

SPYSKAART Vars tuinslaai met aarbei-vinaigrette ◗ Soet-suur varkfilette met appelsalsa ◗ Lamstjoppies met mentpesto & kersies ◗ Oondgebakte eiervrug met tamatie & soetrissiesous ◗ Heel gebakte blomkool ◗ Gebakte patats met appelkoospuree & vars vrugte ◗ Speserybeet op geklopte feta Sjokoladeterrien met bessie-jogurtroomys SOET-SUUR VARKFILETTE met APPELSALSA GENOEG VIR 4-6 MENSE / BEREIDING: 15 MIN. / GAARMAAK: SOWAT 30 MIN. MARINADE ◗ 90 ml (6 e) suurlemoensap en skil van◗ 1 suurlemoen◗ 90 ml (6 e) heuning◗ 45 ml (3 e) sojasous◗ 6 knoffelhuisies, fyngedruk◗ 2 brandrissies, saadjies uitgekrap en gekap (opsioneel)◗ 5-7,5 ml (1-1½ t) Chinese vyfspeserymengsel VARK ◗ 2 groot heel varkfilette◗ sout en peper VINAIGRETTE ◗ 60 ml (¼ k) appelasyn◗ 30 ml (2 e) olyfolie◗ 15 ml (1 e) heuning◗ 7,5 ml (1½ t) klaarbereide mosterd…

’N ROOI lip bly ’n mooi lip. Giere kom en vergaan, maar die tydlose glans van ’n skarlaken lip bly staan. Ons ikone wys dit: Marilyn Monroe, Madonna, Rihanna, Taylor Swift. Net ’n fluister van ’n sweempie van rooi blaas lewe in ’n lendelam voorkoms. Aan style is daar geen tekort nie. Dit kan blink, tint, nat, mat en meer wees, maar met soveel opsies kan dit ’n keusekrisis wees om die regte rooi te kry. Ongeag die giere bly rooi lippe egter ’n kern van skoonheid en verdien dit ’n plek in jou grimeersakkie. ‘SHEER’ VIR MEER WAT DIT IS “Sheer” is die sleutel tot ’n superligte maar hidrerende afwerking wat net ’n skynsel van kleur deurlaat. Dié formule het bevogtigende olies wat sorg vir ’n sysagte aanwending. Die…

DIS asof alles, van die Kersbome in die winkelsentrums tot die geklingel van Kersliedjies, dit uitbasuin: Die feestyd is hier. Maar hoe gemaak as jy allesbehalwe feestelik voel? Dalk omdat jy dié Kersfees en Nuwejaar alleen sal wees, dalk omdat jy die afgelope jaar ’n geliefde aan die dood afgestaan het of dalk omdat jy verplig is om tyd saam met familielede deur te bring wat knaend op jou tone trap. Wanneer jy allesbehalwe na die breek uitsien waaroor die mense om jou so lank al praat, ly jy moontlik aan “vakansiedepressie”. Hoe verskil vakansiedepressie van die depressie wat jou enige tyd van die jaar kan beetpak? En hoe kan jy keer dat dit in die feestyd op jou toeslaan? WAT IS VAKANSIEDEPRESSIE? “Dit is wanneer mense tydens die feestyd…

DIS nie asof mens beplan om televisie te kyk op Kersdag nie. Soveel voorbereiding skep die illusie dat Kersdag propvol en besig gaan wees. En dan, soos klokslag, bevind mens jou skielik laatmiddag op die bank voor die televisie, jou boonste knoop van jou broek losgemaak, of jou Krismisrok reeds terug op die hanger, dalk met ’n swemkostuum aan of in ’n kamerjas, en jy trek die remote nader en begin soek na iets om te kyk. En dis gewoonlik ’n irritasie, want – ek weet nie of almal so voel nie – mens wil nie eintlik in daardie stadium vergeet dis Kersfees nie. Jy wil vir oulaas in die spesiale gevoel van Kersdag marineer, en nie die gewone sepies, herhalings of selfs nuus kyk nie. Daar is mense wat…

Die drie T’s – Tarryn Lamb, Tasché en Tasha – het ons in Junie weggeblaas toe hulle in die kollig geklim het as BlackByrd. Hulle eerste liedjie, “Didn’t I”, het in ’n kort tyd al hulle verwagtinge oortref en onder hulle aanhangers ’n groot gunsteling geword. Hulle bederf ons nou met hulle tweede liedjie, “You Do You”. Dié countryliedjie met rockinvloede is ’n bevrydingslied, sê Tarryn. “Ons het dit geskryf met die inspirasie om van ’n toksiese verhouding ontslae te raak en jou mag terug te neem. “Jy hoef nie altyd met almal saam te stem nie. Jy kan jou eie ding doen en gelukkig wees, en dis die boodskap agter die liedjie.” Tasha vertel weer wat ’n wonderlike jaar dit vir haar en die groep was om hulle eie…

BAIE van wat sterrekundiges oor Uranus en sy mane weet, is inligting wat Nasa se Voyager 2 versamel het toe hy byna 40 jaar gelede daar verby is. Navorsing wys dié hemelliggame is nie die dooie, steriele wêrelde wat wetenskaplikes lank veronderstel het nie. Pleks daarvan het hulle dalk oseane, en kan die mane selfs lewe ondersteun. ’n Ontleding wys Voyager se destydse besoek het saamgeval met ’n kragtige sonstorm, wat tot ’n wanindruk oor die Uranus-stelsel gelei het. Uranus is ’n vreemde, ysige ringplaneet, een van die koudste planete. Wetenskaplikes kon die stelsel die eerste keer van naby sien toe Voyager 2 in 1986 foto’s van die planeet en sy vyf hoofmane teruggestuur het. Maar wat hulle uitgeboul het, is dat Voyager se instrumentmetings aangedui het die planeet en…

HUNTER PLAATJIES, SKEMERGROND Kersdagplanne? Ek en my familie bly elke jaar tot middernag wakker om mekaar geluk te wens en al die geskenke te deel. Kersdag gaan ons kerk toe en daarna ’n massiewe middagete met al die tannies, ooms, neefs en niggies. Later die middag speel ons speletjies of ons dink terug aan vorige Kersfeeste oor familielede wat nie meer met ons is nie. Was jy vanjaar soet of stout? Ek het ’n soet tand, so dit maak my outomaties soet! Wat soek jy vir Kersfees? Dis die gedagte wat tel. Want as ek vir iets wens, is dit waarskynlik vir ’n R1 miljoen, en dit gaan nie gebeur nie. Hoe lank bly die Kersversierings op? Die eerste week in Desember is dit op! Dit kom die eerste week…

DIE bomme val in Oekraïne. Maar soms kan oorlog ook ’n ander vorm aanneem. Vir Michele Potgieter, wat al 29 jaar lank in dié land sendingwerk doen en selfs die oorlog trotseer om die mense daar by te staan, was dit ’n welkome verposing om die feestyd in Suid-Afrika te kom deurbring. Hier sou sy haar visum hernu en kans kry om asem te skep voor sy weer haar roeping daar oorkant gaan voortsit. Het sy maar geweet hier in haar geboorteland wag ’n stryd op haar wat op sy eie manier hartverskeurend wreed is. Michele se dogter, Mari-Alena, woon hier in Suid-Afrika, en haar geselskap was een van die dinge waarna Michele veral uitgesien het. Michele (52) was by haar broer in Pretoria toe Mari-Alena (23) uit Stellenbosch, waar…

HY’S middeljarig, oor die muur en probeer ’n nuwe treffer maak: “I feel it in my fingers, I feel it in my toes. Christmas is all around me and so the feeling grows,” kreun die fiktiewe rocksanger Billy Mack. En dan roep hy moedeloos: “It’s shit, isn’t it?” Sy jarelange bestuurder, Joe, kraai triomfantlik: “Yes, solid gold shit, my son!” En die openingstoneel van die 2003-fliek Love Actually was toe nie net snaaks nie, maar profeties ook. Want vir Bill Nighy, wat die karakter gespeel het, wás die ikoniese krismisfliek pure goud. Ná drie dekades as verhoogakteur en ’n handvol fliekrolle was hy nog nie op die A-lys nie. Maar Billy Mack het oornag van hom ’n ster en Britse kultuurskat gemaak. “Dit was vir my baie vreemd,” sê hy.…

Wanneer en waar was jy op jou gelukkigste? Die dag toe my seuntjie gebore is en ek hom die eerste keer kon vashou. Wie sou jy die graagste vir ete wou nooi en wat sou jy vir ete maak? Ek sou graag my pa wou nooi en dan sy lekker oxtailpotjie maak sodat hy kan proe hoe ek dit ná al die jare regkry om dit soos hy te maak. Wat kan jy nie verduur nie? Mense wat nie liefde het vir bejaardes, diere en kinders nie. Wat is jou diepste put van ellende? Die dag toe ek my pa aan die dood afgestaan het. Wie is of was die liefde van jou lewe? Ek is getroud met hom. My man. Wie of wat sou jy in jou volgende lewe…

BELINDA Guy weet sy het dalk nie meer baie tyd oor nie. Sy is al lank siek, maar sy bly hoop. Voor die kanker haar kom haal, wil sy só graag nog een ding van die lewe hê. Albei haar dogters is swanger en sy wil haar kleinkinders só graag ontmoet. Hulle sien, hulle vashou, hulle bederf. Ouma word. Haar oudste, Mila, verwag ’n seuntjie. Haar jongste, Maró, ’n dogtertjie. Maró woon in Nieu-Seeland, nes Belinda en haar man, Johan. Mila woon in Suid-Afrika saam met haar man, Bennie Fourie. Mila en Bennie is albei akteurs en hul lewe in Kaapstad is besig en vol, maar Mila kom in Augustus kuier. Miskien vir oulaas. Met kanker weet ’n mens nie. Belinda bly baklei, sy bly glo. Augustus word September, en…

KRY DIT HIER @HOMEBASH.COM; CHECKERS.CO.ZA, 0800-010-709; ETHOS-STORE.CO.ZA, INFO@ETHOS-STORE.CO.ZA; MRPHOME.COM 064-584-1000 (WHATSAPP); NIFTYGIFTS.CO.ZA, HELP@NIFTYGIFTS.CO.ZA; SHOP.BABYLONSTOREN.COM, 021-300-3919; WOOLWORTHS.CO.ZA, 0860-022-002; YUPPIECHEF.COM, 0861-702-4969 HOEWEL ONSALLESIN ONSVERMOË DOEN OM KORREKTE PRYSETEVERSKAF, KANFOUTEVOORKOMWAARVOOR HUISGENOOT ENDIEVERSKAFFERSNIEVERANTWOORDELIK GEHOUKANWORDNIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. SKOONDOGTER-DILEMMA V Ons seun is twee jaar gelede getroud. Hy en sy vrou nooi ons graag vir kuiers. Die probleem is dat ons skoondogter glad nie gasvryheid verstaan nie. Die bed in die gastekamer is nooit opgemaak nie en haar klere peul by die kas uit sodat ons dit geensins kan gebruik nie. Hul yskas en koskas is dolleeg en ons word op wegneemetes getrakteer. Van ons kant af dra ons geskenke…

◗ Wees realisties en vergeet die vooropgestelde idee van ’n “ideale Kersfees”, want niemand se vakansie is volmaak nie. ◗ Erken jou eie gevoelens. “Laat jouself toe om soms hartseer dae te hê. Dis in die haak om nie heeltyd gelukkig en opgewonde te voel nie,” sê Esther. ◗ Doen elke dag iets wat jy geniet. Selfs al gaan stap jy net ’n entjie om van stresvolle familiesituasies weg te kom. ◗ Hou by jou vakansiebegroting, anders gaan jy jou bekommer dat skuld of onvoorsiene uitgawes jou in Januarie kan pootjie. ◗ Reik uit na ander. “As jy alleen en afgesonder voel, probeer betrokke raak by aktiwiteite in jou gemeenskap. “Vrywilligerwerk is ’n wonderlike manier om na mense uit te reik, en aftreeoorde, plekke van veiligheid vir kinders en dierewelsynsorganisasies…

BOOGSKUTTER 22 NOV – 20 DES Jy is op die oomblik tevrede met jou lewe. Die gemaklike verhouding tussen die liefdesdiva, Venus, en jou heerser, Jupiter, op die 20ste sal maak dat jy van jou kollig met ander mense kan deel. Gee jou maat krediet vir hulle beplanning en moeite, wat tot voordeel van almal is. Vir enkellopende Boogskutters kan dit ’n baie gunstige tyd wees om die regte mens te ontmoet. STEENBOK 21 DES – 20 JAN Dit lyk of jou werkjaar op ’n gelukkige noot sal afsluit, en as jy lus voel om jou kollegas te bederf, kan jy dit gerus doen. Die Kreefseisoen begin op die 21ste. Dink ’n bietjie oor jou verjaarsdagvieringe vir hierdie volgende lewensjaar. Stel ook vir jouself nuwe doelwitte. As jy ongewoon vrygewig…

OOK IN ENGELS BESKIKBAAR. Bestel by shop.babylonstoren.com. R790, landwye gratis aflewering. ’n Geskiedkundige tuin, wynmakery, boerdery, plaas-tot-vurkrestaurante, luukse hotel, spa, werkwinkels, spesiale versamelings broodbome en boslelies, ’n vetplanthuis en speseryhuis, seepmakery, olyfoliepers, meestersnoeier, grondfundi, insekkenner, slagter, bakker, kaasmaker, roomysmaker, donkies, troppe Chianinabeeste, waterbuffels, hoenders en insekte. Dis nie al nie. Dis Babylonstoren, die plaas van Koos Bekker en sy vrou, Karen Roos, waarin hulle baie drome, dinkwerk en sweet belê het om ’n tuin te skep vir almal se genot, ook volgende generasies. “Jy sien, tuine bring ’n sekere malheid in hulle eienaars na vore,” sê Koos. Karen se visie is dat gaste geanker voel: “Dat hulle die berge reg rondom soveel soos ons geniet, gesonde vrugte en groente pluk, pétanque speel, in die plaasdam swem. Ook ’n uur in…

BINNE-IN die Kerk van Santa Maria Maggiore op die Italiaanse dorpie Assisi staan die graf van die Geseënde Carlo Acutis. Tensy jy vooraf na ’n foto gekyk het, sal dié laaste rusplek vir jou ongewoon wees, selfs ontstellend. In ’n kis met glaswande lê die liggaam van ’n tienerseun. Hy’t jeans, ’n sweetpaktop en Nike-tekkies aan en hou ’n bidsnoer in sy hande vas. Die ontwerp van die kis laat dit lyk asof hy sweef. Sy vredige gesig is eintlik ’n silikoonmasker. Dit lyk onwerklik eg, asof hy nie dood is nie maar bloot slaap. Langs die kis staan ’n foto van ’n glimlaggende Carlo, die gewone tiener – vol lewe, geklee in jeans en met ’n rugsak oor sy skouer. Carlo, wat in 2006 op 15 aan leukemie dood…

ANITA LLOYD Ek was ses jaar oud en dit was Kersoggend. Ek het vroeg wakker geword, opgespring en na die groot Kersboom gejaag. Die boom was byna toegepak met geskenke, alles net vir my. Op die vloer, voor die boom, was voetspore. Sulke enorme skoenspore in babapoeier vasgetrap. Ek het vas geglo dit was Kersvader se spore. Ek was in ekstase! Dit was toe my grootste geskenk, maar deesdae is die beste geskenk om met my dierbares omring te wees. MARC BUCKNER Ek was tien jaar oud en ons het in Durban gebly. My pa het ’n hele gedoente daarvan gemaak om vir Kersvader voor te berei. Ek was vas oortuig hy sou kom vir die melk en gemmerkoekies. Ek wou só graag ’n monster truck vir Kersfees hê, maar…

1 Katryn Kruger “Op Kersdag gaan ons gesin, my ouers en skoonouers saam kerk toe,” sê Katryn. “Daarna ontspan ons tuis. Met baie van die familie oorsee, is ons tafel vanjaar leër. Selfs die spyskaart sal eenvoudig wees, want ek is ses maande swanger en wil nie ure lank kook nie en my man swot vir sy finale eksamen as algemene chirurg in Januarie. My seuntjie speel en hou graag in die tuin piekniek, so dalk is ons Kersete vanjaar ’n tuinpiekniek.” 2 Boer Gerrit en Anchen Genis “Laas jaar was ons by my familie in die Oos-Kaap, so vanjaar  is die Genisse se beurt vir ’n seevakansie in Stilbaai,” sê Anchen. “My skoonsussie-hulle het ’n huis daar en ons is so 22 wat twee weke daar kuier. Ons maak…

Ons skram ál meer weg van die “oe”-woorde in Afrikaans. Ons het dit al hier bespreek, maar lesers mor steeds oor die vreemde spelling van “Poetin” wanneer ons oë so gewoond geraak het aan “Putin”. The more things change, soos hulle sê. Nietemin, dis geruime tyd al die gewoonte in ons taal om te wemel van wisselvorms. So, om almal op hoogte te bring van die oes: Ons skryf nou Abu Dhabi, Dubai, Mumbai en Istanbul. Ons doen ook Honshu, Kyushu, Kuala Lumpur en Muskat. Maar in die aard van wisselvorms is opgesluit dat jy, as jy soeu woeu, tog hierdie name met ’n “oe” kan spel. Trooeens, ’n helebul ander name laat nog geen alternatief toe nie. Boedapest, Boekarest, Boergondië, om net ’n paar B-woorde te noem. Op…

AS JY ’n Kersboom het, is die kans goed daar staan ’n engel op die spits. Dalk sien jy in winkels die engele in hul wit gewaad en vlerke tussen die versierings. Jy is miskien selfs deel van ’n kerk wat sing oor die “engelekoor, uit die hemel aangehoor”. Vir Linda Coetzee het die woord “engel” hierdie Kersfees ’n nuwe betekenis. Want, sal sy jou vertel, sy het ’n beskermengel bygekry. Lank was sy self die engel wat oor haar geliefde, Cassie Booyse, moes waak. Cassie was die vleispaleis wat volksbesit geword het toe hy in 2008 op ’n partytjie afgeneem is. Die foto van hom in sy kortbroek, blokkieshemp voor hom vasgeknoop en spiere wat oral uitbult, is landwyd gedeel en mense het hom “Vernon Koekemoer” gedoop. Maar sedert…

Rokke Patrone Bykomstighede Skoene KRY DIT HIER BASH.COM; COTTON ON 087-550-4383; DUNNS 0860-007-350; EDGARS 0860-111-826; FOSCHINI 0860-834-834; H&M BY SUPERBALIST.COM; LOVISA 010-143-0780; MILADYS 0800-212-535; MR PRICE 0800-212-535; SHOE CITY 0860-900-400; SUPERBALIST.COM; TAKEALOT.COM; THE FIX 0860-834-834; TRUWORTHS 021-460-2300; WOOLWORTHS 0860-022-002; YDE 021-460-2526; ZARA.COM/ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Vakansie is wonderlik, maar kan ook ekstra geld kos. Om Kersfees met ’n begroting te vier hoef nie afbreek aan die vreugde van die seisoen te doen nie. Inteendeel. Dit kan kreatiwiteit aanmoedig en die ware gees van die feestyd beklemtoon. Hier is hoe jy jou rande kan rek. ◗ STEL ’N BEGROTING OP EN HOU DAARBY Dit is maklik om beheer te verloor oor hoeveel jy spandeer en die skuld te laat ophoop in dié tyd, veral wanneer die opwinding hoog is en jy nie ’n begroting het nie. Om te keer dat jy in die skuld gedompel word, kan jy kyk na dinge wat jy regtig nodig het en kan bekostig. Ken ’n geskatte bedrag daaraan toe en hou daarby. ◗ KRY ’N GESKENKSTRATEGIE Trek name uit ’n…

1 HOE BESKERM DIT MY AS HUISEIENAAR? Dit kan jou onkoste dek as jy gedagvaar word omdat iemand – hetsy ’n besoeker of huiswerker – op jou perseel skade ly, beseer word of selfs sou sterf. Onthou, ongelukke van enige aard gebeur bitter vinnig en onverwags. Jou aanspreeklikheidsdekking sal inskop as iemand byvoorbeeld mediese koste suksesvol van jou eis. 2 HET EK DALK REEDS AAN-SPREEKLIK-HEIDSDEKKING? Dis gewoonlik deel van jou gebouversekering of huisinhoudsdekking. Kyk dus of dit in jou polisdokument gelys word. 3 EK HET ’N TUIS-BEDRYF, KAN EK DIE DEKKING VERHOOG? Ja, die bedrag kan verhoog word. Maar dit hang af van die soort tuisbedryf en die versekeraar. Versekeringsmaatskappye se definisies van tuisbedrywe verskil. Sommige bied spesifiek dekking vir tuisondernemings. 4 WAT DOEN EK WANNEER IETS SKEEFLOOP? ◗ Moenie…

TYD VIR WICKED Dit was nie groot hier by ons nie. Die musiekspel Wicked was sedert 2003 ’n treffer op Broadway en een van die moetsien-vertonings wanneer jy New York besoek. Dit het die oorspronklike akteurs in die rolverdeling – Idina Menzel, wat ’n Tony-prys gekry het vir haar rol as Elphaba, en Kristin Chenoweth as Glinda – baie beroemd gemaak. Ondanks die feit dat Wicked destyds nooit die Tony gekry het as beste musiekspel nie, is dit steeds baie gewild. Slegs Phantom of the Opera, Chicago en The Lion King – wat almal al ’n speelvak in Suid-Afrika gehad het – het soos Wicked die 20-jaar-kerf van optredes verbygesteek. Dis dus te verstane dat die bohaai oor Wicked nou met die fliek se uitreiking nie werklik so groot is…

BOTTERBLOM “Ek wil graag vir my vrou ’n ruiker laat aflewer vir ons trouherdenking,” sê Piet. “Maar bel dan sommer gou vir Interflora,” sê Gert. “Nee, man, ek wil vir haar blomme stuur, nie margarien nie!” San Marchand INSPIRASIE “Ek het baie slegte nuus gekry,” sê die dominee vir sy vrou. “Mevrou Koekemoer trek volgende week, wat gaan ek sonder haar doen? “Maar hoe dan so, sy is dan die grootste moeilikheidmaker in die gemeente?” “Presies. Sy gee my altyd soveel goeie stof wanneer ek ’n preek moet skryf.” Louise Noeth KOSMANIERE “Is daardie spanspekke soet?” vra Henriëtta vir die vrugtesmous “Natuurlik! Kyk net hoe mooi stil lê hulle daar.” Denise, Pretoria DAPPER EN STAPPER “Kan jy my sê hoe ver is dit na die naaste vulstasie?” vra die motoris…

DENEMARKE HOMMELTUIG ONTWERP WAT IN DIE VLIEG KAN HERLAAI Hommeltuie, hoe nuttig en veelsydig ook al, se vermoëns word dikwels beperk deur batterye wat hulle aandryf. Om dit te oorkom, het prof. Emad Ebeid van die Universiteit van Suid-Denemarke tegnologie ontwikkel waardeur dié tuie hulle batterye direk uit oorhoofse kragkabels kan herlaai. Hulle hoef dus nie by ’n kragpunt op die grond neer te stryk nie. Hulle kan sommerso in die vlieg herlaai. Wanneer so ’n hommeltuig se battery pap raak, gebruik dit radarsensors en kameras om die naaste oorhoofse kraglyne te vind, waar dit dan ’n magnetiese stroomkring aktiveer om krag uit die kabels te trek. ENGELAND WAARDEVOLSTE SKAT: EEUE OUE SILWER PENNIES MILJOENE WERD Toe Adam Staples en ses vriende ’n skat van silwer munte op ’n plaas…

1 In watter land is die Taj Mahal? 2 Watter soort dier is Aladdin se vriend Abu? 3 Wat noem ’n mens die vorm van ’n stopteken? 4 Hoeveel kleure is daar in ’n reënboog? 5 Wat word woorde genoem wat dieselfde gespel word en klink, maar in betekenis verskil? ANTWOORDE 1 Indië 2 ’n Apie 3 Oktogoon of agthoek 4 Sewe 5 Homonieme BRONNE: APOPO.ORG, THEGUARDIAN.COM, BRITANNICA.COM, LIVESCIENCE.COM, CNN, BBC, NEWATLAS.COM, DOGONEWS.COM, NASA.GOV, HISTORY.COM, YOUTUBE…

HULLE KRY NIKS JUDE LAW … OMDAT HY ONS DROME LAAT SNEUWEL HET Vir 18 jaar was The Holiday een van die gewildste flieks op ons Kersfees-kyklys. Dis veral die idilliese Engelse platteland en oulike huisie wat ons laat droom het. Maar onlangs was Jude so wreed om te onthul dat die kothuis wat Kate Winslet se karakter, Iris, besit en waarin Amanda, gespeel deur Cameron Diaz (inlas), vir ’n ruk kon wegkruip nie eens regtig bestaan nie. Volgens Jude, wat Graham gespeel het, het die regisseur, Nancy Meyers, ’n veld gehuur en die huisie in die fliek se voorkant laat bou toe sy nie die perfekte huisie kon kry wat sy in gedagte gehad het nie. “Maar hier is die snaakse ding, as jy daarna kyk … Ons het…