Innehållsförteckning för 16 January 2025 från Huisgenoot

1 KOEBAAI, SUID-AFRIKA, HALLO, TEXAS! Dit gaan alles oor ’n groot, nuwe avontuur. Só sê die sanger en aanbieder Pieter Koen oor hulle gesin se besluit om Houston toe te trek Ag, Pieter. Dis ’n groot verlies vir ons en ’n reusesprong vir julle. Amerika is ook maar in die spervuur van so baie verwikkelinge. Ek is so jammer ons kon julle nie behou nie! Mag die Here julle daar seën en bewaar. ANNELI Oe nee, dit kan mos nie wees nie! Jy het net nou die dag die wêreld aan die brand gesing hier op Prieska. En nou wil jy ons los. Maar baie sterkte vir julle. Ek wens julle net die wonderlikste van alles daar anderkant toe. SONJA Dis ’n groot verlies vir Suid-Afrika. Sterkte, en geniet julle verblyf…

SY SIT die “wild” in “wild card”. En dis g’n belediging nie, net die silwerskone waarheid. Ceylonia Bekker erken dit self. Daar verskyn sy dan destyds in die tweede seisoen van Op my eish! as die vrou wat ’n knuppel in die hoenderhok kom gooi. Aan haar kleef ’n knap broekie en ’n selfs knapper hempie, daar’s ’n tatoe van ’n roos op haar skouerblad en duiweltjies wat in haar blou oë dans. Die ander vroue in die reeks het soos ’n spul ontstigte ganse gegons oor dié wilde deelnemer. Sy is hier om moeilikheid te kom soek, het hulle vir mekaar gesis. Maar ’n wag voor haar mond het Ceylonia (29) nie gehad nie. Sy het soos ’n seerower geswets en die ander vroue, wat almal gehoop het hulle…

TOE Kanya Sesser gebore is, het sy nie bene gehad nie en haar ouers het haar op die sypaadjie buite ’n tempel gelos waar vreemdelinge haar opgetel en grootgemaak het. As daar dus een mens is wat kan kla dat sy met ’n agterstand gebore is, is dit sy. En tog is Kanya (31) vir enigiemand ’n voorbeeld van wilskrag en deursettingsvermoë. Vandag is sy ’n skaatsplankryer met ’n paar rekords agter haar naam, ’n suksesvolle aktrise, ’n waaghals en selfs ’n model vir die onderklerevervaardiger Victoria’s Secret. Haar mees onlangse prestasie is die een waarop sy die trotsste is. Sy het ’n wêreldrekord opgestel vir die langste handstaan op ’n skaatsplank – 19,65 sekondes in die kategorie LA3 vir mense met beperkte funksie in minstens twee ledemate. “Dit was…

MANS word gou ’n “silver fox” genoem wanneer hulle om die slape begin grys raak. Vat nou maar iemand soos George Clooney. Die samelewing is nie so vergewensgesind teenoor vroue nie, en daar word maklik gesê ’n vrou lyk oud as sy begin grys wys. Geen wonder so baie vroue gee ’n groot klomp geld uit en sit ure lank in ’n salon om hulle grys hare te laat wegtoor nie. Daar’s natuurlik niks fout daarmee om jou hare te kleur nie. Maar dinge is tog aan die verander en daar is tekens van ’n kopskuif. Toe Andie MacDowell (66) ’n paar jaar gelede by die Cannes-rolprentfees op die rooi tapyt verskyn het met grys lokke, het sy gesê dit was vir haar bemagtigend. Blykbaar het haar agent haar afgeraai…

V Ons gesin het uitmekaargeval ná my ma se skielike dood vier jaar gelede. My pa is nou in ’n verhouding met ’n vrou met wie ek nie oor die weg kom nie. Sy is baie kil, eis dat sy telefoongesprekke altyd op luidspreker gestel word en druk haar neus oral in. Hulle is ook gereeld met vakansie, iets wat hy en my ma nie gedoen het nie. Hy kom kuier glad nie, al nooi ek hoeveel keer. Hy het nog nie eens my verloofde ontmoet nie. Op ’n dag het hy vir ons, sy drie kinders, reguit gesê as hy moet kies, kies hy hierdie vrou bo ons. Ons voel asof ons ons pa verloor het. A Dit is gewoonlik goed as ’n wewenaar ’n tweede kans op liefde…

Die belangrikste dinge om in ag te neem, volgens die neurowetenskaplike dr. Lisa Mosconi, is: ◗ Dieet Eet ’n Mediterreense-styl dieet wat ryk is aan omega-3-vetsure, vrugte, groente, volgraan en maer proteïene. ◗ Hormoonvervangingsterapie (HVT) Lisa sê navorsing dui daarop dat HVT met ’n groter volume grysstof geassosieer word by vroue in hul middeljare. Grysstof speel ’n belangrike rol in geheue, besluitneming en emosies. ◗ Oefening Gereelde fisieke aktiwiteit verbeter hormonale funksie, kognitiewe funksie en algemene breingesondheid. Aërobiese oefening het gewys dat dit die vlakke van die proteïen BDNF verhoog, wat met minder breinveranderinge tydens menopouse geassosieer word. ◗ Kognitiewe aktiwiteite Aktiwiteite soos om ’n nuwe taal aan te leer, ’n musiekinstrument te bespeel en raaisels op te los help om jou brein gesond te hou. ◗ Slaap Mik vir…

STEENBOK 21 DESEMBER – 20 JANUARIE Jy of jou maat kan voel dis nodig dat julle bietjie koppe stamp om die lug tussen julle te suiwer. Julle kom dalk op die 21ste by die wortel van die probleem uit en dit het waarskynlik met geld te doen. Steun op jou vermoë om op enige gebied van die lewe struktuur te gee. Stel praktiese planne en voorstelle op wat haalbaar is en gou geïmplementeer kan word. WATERDRAER 21 JAN – 18 FEB Die son kom gooi op die 19de ’n draai in jou teken, wat beteken jy sal binnekort jou verjaardag vier. In dié tyd kruis die son se pad ook met dié van die lewensveranderende Pluto. Stel nou jou mikpunte vir die volgende jaar doelgerig en met duidelikheid, want dit…

ONE HUNDRED YEARS OF SOLITUDE DIE Colombiaanse skrywer en joernalis Gabriel García Márquez, wat dié klassieke boek in 1967 geskryf het, het in 1982 die Nobelprys vir Letterkunde gewen. Daar is al meer as 50 miljoen eksemplare verkoop en die boek is in meer as 40 tale vertaal. Netflix het dit nou vir televisie verwerk. One Hundred Years of Solitude vertel die storie van José Arcadio Buendía (DIEGO VÁSQUEZ) en Úrsula Iguarán wat teen hul ouers se wense trou en hul dorpie agterlaat op soek na ’n nuwe tuiste. Hulle stig mettertyd hulle eie utopiese dorp, Macondo, op die oewer van ’n rivier. Die verhaal volg verskeie geslagte van die Buendía-lyn in hierdie mitiese dorp, geteister deur waansin, ’n bloedige en absurde oorlog, en die vrees vir ’n verskriklike vloek…

MUSIEK is nie net sy passie nie. Dis ’n roeping. Dis in sy are, sy wese, en daar is niks wat hom meer vreugde en plesier gee as om sy liefde vir musiek met mense te deel nie. Selfs op 73 word hy elke oggend wakker met ’n lied in sy hart. En in Januarie gaan Jannie du Toit weer stories deur musiek vertel met sy vierde Kunstefees in die kleine-produksie wat in Pretoria begin. Jannie bied oor die naweek van 25 en 26 Januarie vier produksies aan in die Fairtree Atterburyteater. Dit sluit in: Die eggo van jou oë, Die maan deur ’n gaatjie in die nag, Margaretastraat, en De wals van de liefde. “Elke produksie lê my na aan die hart,” sê Jannie. “Nie net deel ek die verhoog…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2579 KOMPETISIEVRAAG Watter SA kusdorp is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Hierdie week wen een leser Marinda kook met blikkies en pakkies deur Marinda Engelbrecht (H&R, R290). Staan jy gereeld voor jou oop koskas en kopkrap vir inspirasie om heerlike gesins-kos te berei? Dan het Marinda Engelbrecht vir jou die antwoord. In haar derde boek wys sy hoe jy dood-gewone blikkies en pakkies kan omtower in spoggerige disse, wat jy met selfvertroue aan familie en vriende kan voorsit. Jy hoef nie meer ure lank te swoeg nie – blikkies en pakkies is die…

1 Wat is die langste rivier ter wêreld? 2 Wat is die grootste van die grootkatspesies? 3 Watter land het ’n esdoringblaar op hul vlag? 4 Watter element is die vernaamste komponent van staal? 5 In watter stad was die ramp bekend as die “Great Fire of 1666”? ANTWOORDE 1 Die Nyl– 6650 km lank. 2 Die Siberiese tier 3 Kanada 4 Yster 5 Londen BRONNE IUCN.ORG, THECONVERSATION.COM, NEWS.ST-ANDREWS.AC.UK, SCIENCE.ORG, THEGUARDIAN.COM, BRITANNICA.COM, LIVESCIENCE.COM, CNN, BBC, DOGONEWS.COM, SMITHSONIANMAG.COM, KIDSNEWS.COM.AU, HISTORY.COM, YOUTUBE…

METEENS was sy weg. Of só het dit gevoel. Vroeër was sy oral. By elke glansgeleentheid, en kort-kort op TV. Sy was te sien in reekse soos Top Bil ling, Top Travel en Afternoon Express, en haar heserige stem, borrelende geaardheid, gladde krulle en wilgerlatlyfie het van haar een van ons gewildste aanbieders gemaak. En toe, skielik – poef ! Weg is Jeannie D. Dis nogal ongewoon dat iemand met so ’n prominente profiel net uit die kollig sal verdwyn. Wat is die storie? het van haar aanhangers begin wonder. Niks opspraakwekkends nie, stel sy almal nou gerus. Sy het bloot besluit sy verkies ’n stiller lewe. “Soveel van my lewe het in die media afgespeel, deesdae verkies ek privaatheid en om oomblikke saam met my geliefde te geniet,” sê…

BRONNE: PEOPLE.COM, VARIETY.COM, IMDB.COM…

Die strepie by die ‘n. Min dinge verdeel ons taalgemeenskap soveel soos die strepie by die ñ. Of jy nou op WhatsApp met jou vriende brabbel of ’n reusagtige plakkaat maak vir die kerkbasaar, daai flippen ‘n bly n probleemkind. Hierdie strepie lyk baie soos ’n aanhalingsteken, maar hy’s eintlik ’n afkappingsteken. Jy weet mos – wie weet dit nie? – dat ’n van die Nederlandse “een” kom. Ons hier Suid was te besig vir ekstra klinkers, so ons het die “ee” weggelaat. n Mens sou mos rustig slapende honde kon laat lê, maar nee, in die plek van die “ee” moes ons wys ons weet iets is weg. Netnou dink iemand ons is dom. Ons moet wys dat ons weet jy weet dat ons weet dat jy w’t. Die…

Wanneer en waar was jy op jou gelukkigste? My troudag, en op die dag van my kind se geboorte. Wat sou jy anders doen as jy jou lewe kon oorhê? Vinniger my vrou uitvra. Wat is die ding wat jy die meeste in mense bewonder? Vreugde. Wie sou jy die graagste vir ete wou nooi en wat sou jy vir ete maak? My ouers. Hulle kom gereeld, maar ek is so dankbaar vir elke keer. Pasta! Wat kan jy nie verduur nie? Mense wat ongeskik is met kelners. Wat is jou diepste put van ellende? Hoe lank ek al werk aan my boek. Wie is of was die liefde van jou lewe? My vrou, Melissa. Wat is jou gunstelingwoord in Afrikaans? Wonder. Wat is jou gunstelinggesegde in Afrikaans? By gebrek…

THAISE STEURGANAAL-&-EIERVRUGPASTA GENOEG VIR 4 MENSE / BEREIDING: 10 MIN. / GAARMAAK: 15 MIN. ◗ 375 g capellinipasta◗ 30 ml (2 e) olyfolie◗ 1 ui, fyngekap◗ 2 knoffelhuisies, fyngedruk◗ 30 ml (2 e) rooikerriepasta◗ 80 ml (⅓ k) witwyn◗ 4 romatamaties, in blokkies gesny◗ 500 g gekookte steurgarnale met die sterte aan, skoongemaak◗ 250 ml (1 k) gedreinerde gemarineerde eiervrug, in repe gesny◗ 125 ml (½ k) koljanderblare lemmetjiewiggies, vir voorsit 1 Bring ’n groot kastrol met soutwater tot kookpunt, en kook die pasta volgens die aanwysings op die pak. Behou ’n kwart van die vloeistof en dreineer die res. Plaas die pasta terug in die kastrol. 2 Verhit die olie in ’n groot braaipan. Soteer die ui en knoffel 2-3 min. of tot sag. 3 Roer die pasta by…

Januarie • Verwyder dooie blomkoppe. Snoei dooie en siek hout en stokkerige takke uit. Knip in ’n V-vorm om sonlig by die middel van die plant te laat kom. • Maak drie keer per week nat. • Gebruik voorkomende fungusspuit volgens die aanwysings op die verpakking. • Gee voeding volgens die aanwysings op die verpakking. Jy kan afwissel tussen produkte met baie stikstof en produkte met kalsium. Februarie • Verwyder steeds dooie blomkoppe. • Maak drie keer per week nat. • Namate nuwe blomknoppe ontwikkel, voed met ’n voedingryke 5:1:5-of 8:1:5-korrelkunsmis volgens die aanwysings op die verpakking. • Gebruik Rose Protector, Rose Guard, Rosecare 3 of ’n soortgelyke produk om insekte of fungusse te bestry en die plant teen suiginsekte te beskerm. Maart • Hou aan om dooie blomkoppe te…

VERSKEIE studies is al gedoen oor die impak van televisie op jong mense se beroepskeuses. Twee maniere waarop hulle beïnvloed word, is: Hulle sien die milieu in die reeks as ’n ruimte waarin hulle graag sal wil werk, en hulle identifiseer met ’n karakter en wil soos die karakter wees, vandaar die beroepsbelangstelling. En reekse maak ’n groot impak. Sedert 2000 het die aantal aansoeke vir grade in forensiese wetenskap byna verdubbel en selfs verdriedubbel, toegeskryf aan die gewildheid van reekse soos CSI en al sy splinterreekse, en BONES. In die laat 1980’s is die toename in aansoeke by regsfakulteite toegeskryf aan L.A. LAW, en die skielike afname vroeg in die 1990’s het in dieselfde tyd gebeur as wat die reeks verby was, en weer met ’n toename toe ALLY…

UIT GRIEKS: geo + politika Geo: aarde en politika: sake van die staat of stede Die term geopolitiek is rondom 1900 deur die Sweedse politieke wetenskaplike Rudolph Kjellen geskep. Dit beteken die studie van idees en aktiwiteite wat verband hou met hoe lande se geografiese ligging hul politieke ontwikkeling en verhoudings bëinvloed. REUSAGTIGE GROOT NOMMERS ASOOK 7 $765 miljoen Soveel het die New York Mets betaal vir die New York Yankees se bofbalsuperster Juan Soto. Die ooreenkoms van 15 jaar is die grootste nóg in beroepsport. Juan het die gesogte Silver Slugger-prys vir beste aanvallende speler vyf keer agtereenvolgens gewen en was 2024 se tweede hoogste MLB-puntemaker. Salarisgewys kraai sokker se Cristiano Ronaldo steeds koning met $224 miljoen jaarliks (R4 miljard) teenoor Juan se $62 miljoen (R1,12 miljard). 7 Slegs soveel…

SY’S nie ’n skaam en selfbewuste soort mens nie. Dit verbaas my dus ’n bietjie dat sy twee keer in ons onderhoud van ’n uur en ’n half oor haar nuwe boek skielik vra: “Dink jy mense sal daarvan hou?” Daar’s geen tekort aan bekendes met net een naam nie – Sting, Madonna, Beyoncé, Zendaya – en tog is Cher in ’n liga van haar eie. Sy’s al vir ses dekades beroemd. Sy was 19 toe sy haar eerste no. 1-liedjie saam met Sonny Bono gehad het. Sy’t ’n Oscar gewen vir Moon struck, ’n Emmy vir Cher: The Farewell Tour en ’n Grammy vir Believe. Haar gesig het op skerms van alle groottes verskyn, en haar musiek was ’n klankbaan vir vele geslagte – dis deur die jare geluister…

‘Ek doen dit al ’n lang tyd, meer as 45 jaar, en dis die eerste keer ooit dat ek enigiets as aktrise wen’– DEMI MOORE BRONNE: PEOPLE.COM, VOGUE.COM, BBC.OM…

SIEN jy hom in Londen, sal jy opmerk hy dra ’n horlosie aan elke pols. Een, ’n geskenk van sy oorlede pa, is altyd gestel op dieselfde tyd as Swaziland. Want al het hy as Britse akteur naam gemaak, vergeet Richard E. Grant nooit sy wortels nie. Die man in die titelrol van die fliek Withnail and I se doopnaam is Richard Grant Esterhuysen. Hy is op 7 Mei 1957 in Mbabane gebore. Sy pa, Hendrik, was die koloniale onderwyshoof van dié destydse Britse protektoraat. Richard se grootwordjare in Afrika het hom gemaak wat hy vandag is: iemand sonder ge- heime. Wat skreiend eerlik sy hart uitstort in die dagboekinskry-wings en blogs wat hy met aanhangers deel. Die koloniale leefstyl in Swaziland het hy al as “boredom, booze and bonking”…

DIE feit dat sy soos Reeva lyk, is eintlik net die begin van die storie. Die res van die storie, die deel wat jou kop selfs meer kan laat draai, is die storie van haar familie. Dís die eintlike storie. Want toe Oscar Pistorius en Rita Greyling die dag die spanning van vars belofte in mekaar raaksien, was dit nie sonder ’n lang, lang agtergrond nie. Dit was hy met sy storie. En sy met hare. En die storie van die Greylings – Rita se skatryk familie met hul geheime en skandes – is net so verbysterend soos die storie van die Pistoriusse. Oscar en Rita is verlief, hoor die wêreld. Hulle is in ’n verhouding. Voor hulle lê die toekoms. Maar agter elkeen: die glans van ou geld, die…

Jeans Om jeans deftiger te laat lyk, dra dit saam met ’n hemp soos ’n popelienhemp wat gemaak is van ’n sterk materiaal. Steek die hemp in en dra metaal bykomstighede en hakskoene om die uitrusting tot iets meer te verhef. As dit wyepypjeans is, wat vanjaar in is, dra ’n hemp wat styf pas. Dra losser hemde by jeans wat stywer pas. Tekkies Tekkies is nie meer net vir draf of om saam met jou sweetpakbroek te dra nie. Dra dit werk toe saam met vloeiende rokke of rompe. Neutrale kleure sal saam met enigiets werk, terwyl jy ook ’n paar kleurvolle pare kan hê vir ’n meer eklektiese voorkoms. T-hemp Dra ’n pak by ’n eenvoudige T-hemp en lyk dadelik glansryk vir kantoor. As jy ’n modieuse oorgroot…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. V Ek is 63 jaar oud, werk nog, en ek en my man is al 44 jaar getroud. Vir my bring oudword net probleme. Eerstens is ek glad nie gesond nie. Ek ly aan hoë bloeddruk, cholesterol, hartprobleme en drie outo-immuunsiektes. Deesdae loop ek met ’n kierie want ek val maklik. Dan is daar die probleme met my kinders. Ons het twee dogters. Die jongste is finansieel van my afhanklik, besig…

WANNEER ’n mens aan menopouse dink, kom warm gloede dikwels eerste in jou gedagtes op. Maar dis net een van die simptome. Onlangse studies dui daarop dat “brain fog” eintlik ’n baie meer algemene simptoom van perimenopouse en menopouse is. Navorsing wys dat ’n vrou se brein tydens die middeljare verouder, verander en agteruitgaan op maniere wat nie met mans gebeur nie. Vroue presteer byvoorbeeld gemiddeld beter as mans in vaardighede soos verbale geheuetoetse, sê Jill Goldstein, ’n professor in psigiatrie en medisyne aan Harvard se mediese skool. Maar hierdie voordeel verskraal tydens menopouse. Jill sê geslagshormone soos estrogeen, progesteroon en testosteroon beïnvloed nie net ons voortplantingsorgane nie. Daar is reseptore vir hierdie hormone in dele van die brein wat gemoedstemming, angs, reaksies op stres, geheue en eetlus reguleer. Hierdie…

BONE is ’n uitstekende alternatief vir vleis, of jy dit om gesondheidsredes eet of omdat jy die negatiewe effek van vleisproduksie op die planeet wil verminder. Ons verduidelik waarom dit ’n baie goeie manier is om waardevolle voedingswaarde in te kry. ’N PROTEÏENSKOP Bone is propvol aminosure, die boublokke van proteïene. Daar is twee soorte proteïenbronne: volledig en onvolledig. Die volledige soort bevat al nege aminosure. Voorbeelde hiervan is diereprodukte, soja en quinoa. Soja is die enigste boon wat al nege aminosure bevat en ’n volledige proteïenbron is. Ander bone is onvolledige bronne, maar wanneer jy dit met neute, saad, suiwel of graan kombineer, kry jy al nege aminosure in. ’n Halwe koppie bone bied 7 g proteïen, net soveel as wat jy uit 28 g hoender, vleis of vis…

WEGKRUIPER DEUR CHRISTELLE WESSELS Penguin, R229* “Die waters van rus op Onrusrivier word versteur. Wat het ’n afgetrede onderwyseres, ’n bekende dokter, ’n sukkelende eiendomsagent en ’n happy-go-lucky boer in gemeen? “Watter geheime mor met ’n skrywer se kop?” Só lui die lusmaker agterop Christelle Wessels se vierde krimi. Die voriges uit haar pen is Adder, Brandmerk en Om beter te kan moor. Self som sy haar nuutste so op: “Min mense se kinderjare was idillies. Die meeste laat die verlede waar dit hoort – in die verlede. Maar daar is diegene wat dit saamsleep. Vir ewig aan hulle vasgeketting. En dan is daar dié wat op daardie saamsleepsel teer; wat hul obsessie daaraan laat vreet. Maar die honger word ná elke keer net erger.” Dié bekroonde joernalis, wat lank…

BETAALSKOK “Wat gee jou die ergste skok, elektrisiteit of weerlig?” vra die juffrou. “Elektrisiteit, Juffrou,” sê Jannie. “ ’n Mens betaal nie vir weerlig nie.” Johanna Rademeyer ENIGE VERSKONING Asof daar nie klaar genoeg vakansiedae in Suid-Afrika is nie, is daar nou ook Nasionale Vadoekdag. Dis sweerlik net vir rondhang en droogmaak. Wollie, Pretoria KYKGEVEGTE Om deesdae TV te kyk beteken net ’n bakleiery en ’n vloekery. En dit net oor wie die remote gaan vashou! San Marchand WINDVERWAAI Ons het vreeslike stormwinde gehad, en nou moet ek nog worry oor die karavaan buite ook. Ons het nie gister een gehad nie! Charlotte Petersen VOOR IN DIE RY Klein Hettie is stout en haar ma vra vies: “Hoekom kan jy jou nie gedra soos Marie langsaan nie?” “Want sy is…

HY HET die soort lewe gehad waarvan baie avontuurlustige, aktiewe tienerseuns droom. Op ’n wildreservaat in die noorde van KwaZulu Natal grootgeword. ’n Ywerige atleet, rugbyen krieketspeler vir sy skool. En toe verander alles in ’n handomkeer vir die 16-jarige Ian Thomson waar hy agter op sy vriend se motorfiets sit. Want ’n trok tref hulle met ’n geweldige slag op die N2 buite Pongola, en alles word donker. Toe hy sy oë oopmaak, lê hy in die pad, vertel Ian vandag, 13 jaar later. “Heeltemal deurmekaar. Ek het baie gebloei. ’n Deel van my been het oorkant die pad gelê. Ek onthou die verskriklike pyn en hoe ek myself uit die pad moes sleep.” Sy vriend se lot was anders. Hy het net steke aan sy been benodig. Maar…

SOMS is daar dinge wat ’n mens terughou, amper soos swaartekrag wat keer dat jy opstyg en die hoogtes bereik waarna jy streef. As jy byvoorbeeld net ’n rapsie meer as 1,5 m lank is, kan dit jou nogal aan bande lê in die rolprentbedryf – ’n plek waar langbeenskoonhede dikwels kop en skouers uittroon. En tog het Cynthia Erivo, so klein soos wat sy is, dit reggekry om die wêreld heeltemal uit te boul met haar betowerende vertolking van die groengesig-heks Elphaba in die fliek Wicked. Dis geen toeval dat ook haar karakter iemand is wat geleer het om die hindernisse in haar pad te oorkom nie. Die heks Elphaba is ongeliefd en verstote, maar leer nietemin om haar drome na te streef. “Defying Gravity” is die baie gepaste…

DIE nuwe jaar bring ’n nuwe begin, en vir BRAD PITT en ANGELINA JOLIE ook ’n nuwe hoofstuk nadat hulle agt jaar lange skeidingstryd eindelik tot ’n punt gekom het. Brad (61) en Angelina (49) het ’n onbekende skikking bereik nadat hulle in die hof gekibbel het oor kinderonderhoud en hoe om hulle gesamentlike bates te verdeel. “Dit is net een deel van ’n lang voortgaande proses wat agt jaar gelede begin het. “Angelina is uitgeput, maar sy is verlig hierdie een deel is verby,” het haar regspan in ’n verklaring gesê. Al het hulle ’n voorhuwelikse kontrak gehad, was hulle egskeiding ’n moeilike pad, vol wedersydse aantygings. AANSOEK OM ’N EGSKEIDING Ná ’n huwelik van net twee jaar het die aktrise in 2016 aansoek gedoen om van Brad te…