Innehållsförteckning för 30 January 2025 från Huisgenoot

1 DIE FAMILIE WAT OSCAR AANVAAR Die voormalige lemnaeler het weer iemand in sy lewe ’n jaar nadat hy op parool vrygelaat is. Sy is Rita Greyling, die dogter van die megaboer BP Greyling Oscar het sy geregtelike straf uitgedien vir die misdaad wat hy gepleeg het. Dit is nou tyd vir hom om te herstel en te hergroepeer, om met sy lewe aan te beweeg en nuwe geluk en ook liefde te vind. MARIETTE As jy nie kan vergewe nie, sal jy nooit rustigheid vind nie. Haat vernietig ’n mens. My dogter is in 1994 vermoor. Dit het ’n tyd gevat, ja. Maar daar is vandag geen haat in my hart nie. So maak asseblief vrede. WANDA Ek onthou die woorde van Reeva se ma, June. Oor hulle wat Reeva…

SOOS ’n pyl uit ’n boog trek die wit lyfie deur die lug en land woeps op die rolstoel. Dis Jessie die Jack Russell, haar bruin ogies vol liefde op haar mensema gerig. Elsanne Kamffer se lag kom diep uit haar maag in haar sitkamer hier in Kraaifontein. Sy lag met oorgawe, al het sy in onlangse jare eintlik min rede tot vreugde gehad. Haar eksman, Kobus, het haar meer as sewe jaar gelede drie keer by haar werkplek geskiet voor hy die wapen op homself gerig het. Hy het nooit vir die aanval op haar verantwoording gedoen nie, want hy het later in die Durbanville-hospitaal beswyk. Maar weens sy koeëls is Elsanne sedertdien aan die rolstoel gekluister. Jessie maak dit draagliker wanneer sy op haar nooi se skoot saamry.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. V Ek en my man is 20 jaar getroud. Dis my tweede huwelik. Ons is albei in ons 60’s. Toe ek destyds ingetrek het, was sy huis gehawend. Hy het voorheen geen instandhouding gedoen nie. Ek het ingegryp sodat my eie kinders in ’n skoon, netjiese huis kon woon. My kar het ook die hele gesin s’n geword. Ons het nie saam kinders nie, en tans is al die kinders reeds…

WATERDRAER 21 JANUARIE – 18 FEBRUARIE As ’n altruïstiese Waterdraer gee jy mildelik om ’n gevoel van gemeenskap te skep en te handhaaf. Maar net so belangrik as wat dit is om doelwitte te hê waarna jy streef, is dit noodsaaklik om prakties te wees en aandag te gee aan jou inkomste en uitgawes. Wees hierdie week hiperbewus daarvan, veral as jy al die verdrietige stories glo wat jy in die omtes hoor. VISSE 19 FEB – 20 MRT Jy’s op die beste van tye uiters sensitief, maar wanneer jou heerser, Neptunus, op die 1ste met die liefdesdiva, Venus, hande vat, lê jou trane vlak en is jou vel selfs dunner as gewoonlik. Om hanteringsmeganismes vir tye soos hierdie aan te leer is dus glad nie ’n slegte idee nie.…

›› RESTORATION AUSTRALIA Dit behels die restourasie van Australië se vervalle geboue wat deel vorm van die land se kultuurerfenis. Weeksdae op verskillende tye op The Home Channel (DStv 176). ›› 100 DAY DREAM HOME ’n Egpaar help hulle kliënte om hulle droomhuis binne 100 dae te beplan en van die grond af te bou en eindelik te voltooi. Weeksdae op verskillende tye op HGTV (DStv 177). ›› THE HOME RENO SERIES Die reeks wys vir jou die nare waarhede van huisopknapping deur gretige selfdoeners – die dinge wat nie in ander reekse gewys word nie. Op YouTube. ›› DESIGN FOR YOU: HOME INSPIRATIONS Die reeks verken alle aspekte van binneversiering, van verskillende materiale, vloerbedekking en verf tot uitleg en mure. Weeksdae op verskillende tye op The Home Channel (DStv…

SKOONSKIP Jannie vertel sy ma: “Ma, ons meneer het Pietie gister huis toe gestuur omdat hy nie gewas het nie.” “En het dit toe gehelp?” vra sy ma. Jannie antwoord: “Ja, baie! Vandag het Meneer ons almal huis toe gestuur.” Wollie, Pretoria DIE HONDJIE EN DIE HALSBANDJIE Plasing op ’n afspraakwebtuiste: “Ek is 22, blond, sexy en op soek na friends with benefits. Enigiemand met sportmotors, vakansiehuise of bote kan my gerus kontak.” Denise, Pretoria KWAKSAKE Die dokter sê vir sy kollega: “Daar gaan die enigste vrou wat ek nog ooit liefgehad het.” “Nou hoekom trou jy dan nie met haar nie?” vra die kollega. “Ek kan dit nie bekostig nie. Sy is my beste pasiënt!” Johan H, Gonubie LIEFDESEIN Deesdae is sommige verhoudings nes Bluetooth. Net ’n bietjie te…

LIEDJIE L’AMOUR DE MA VIE Billie Eilish is bekend vir haar soetmooi melodieë met lirieke wat jou hart opkerf. Hierdie liedjie van haar nuutste album, Hit Me Hard and Soft, is een van hulle. Dit begin rustig, met woorde wat oudergewoonte diep raak. Maar by 3:30 kom ’n verrassing. Jy dink dis verby, maar nee, dis die begin van ’n beat wat jou in ’n nuwe dimensie en mood ruk. Net Billie kan ons in een liedjie deur soveel emosies laat ploeg. Die remix van dié liedjie is boonop benoem vir ’n Grammy vir beste danspop-opname. FLIEK THE WILD ROBOT Die fliek is benoem vir ’n Golden Globe en sy naam is sekerlik in die hoed vir beste animasiefliek by vanjaar se Oscars. Binne die eerste halfuur het ons geweet…

HELEN Mirren se arms lê op ’n rak in ’n gebou in die middel van Londen. Ed Sheeran se hande staan op ’n tafel, en in ’n hoek is ’n ry mans sonder koppe in netjiese aandpakke uitgevat. Bokse vol menshare is uitgepak volgens kleur, styl, tekstuur en lengte. In ’n glaskas staan elf oogballe uitgestal. Nie tien nie, nie twaalf nie. Hulle volg jou waar ook al jy gaan. Dis nie die wegkruipplek van ’n psigopaat nie, dis Madame Tussauds se hoofkantoor in Londen. Besoekers staan tou om ’n versameling beroemde wasbeelde te sien, maar dis hier in hierdie rustige ateljee wat die werklike wonderwerke gebeur. Dis hier waar ’n span gespesialiseerde kunstenaars dae bestee aan die inkleur van gesigte en die ryg van haarlyne, waar hulle beelde van…

HIER staan hulle in die besige strate van Luxemburg, agter hulle is ’n wit Kersboom en om hulle valwit sneeuvlok-kiesuit die hemel. Daar verskyn hulle weer – dié keer in ’n museum dan weer by ’n restaurant. Oral sien jy hulle saam-saam opduik: by konserte, by kuiers saam met vriende, om ’n gesellige braaivleisvuur . . . Dis duidelik dis ALTUS THEART dié, maar wie is die vrou wat saam met hom die wêreld vol reis? Haar naam is KARIN CAWTHORNE, bevestig die akteur en sanger aan Huisgenoot. Sy is ’n sakevrou, ’n beeldskone brunet en, ja, die nuwe vrou in sy lewe. “Ons het vroeg verlede jaar by een van my optredes ontmoet,” sê Altus. Toe die aktrise Zetske van Pletzen in Maart verlede jaar eksklusief aan Huisgenoot onthul…

As jy op Google Maps uitzoom, gee hy jou die opsie om na ander planete te kyk. Asof hy vra: Soek jy dalk na ’n nuwe wêreld? Jy kry al die rotsplanete, Mercurius, Venus en Mars, asook ’n stalletjie dwergplanete en mane, al die pad tot by Pluto en Charon. Hoe mal dat ons al ’n groot kamera verby Pluto kon gooi teen 80 000 km/h al is hy 5,4 miljard km van hier af. Cue al die clichés: Hoe simpel is mense nie, en hoe gewelddadig en dom! En tog! Hoe aandoenlik dat ons ’n kaart het van Pluto met plekname op. Dis nogal ’n prestasie. Nie die ruimtetuig nie, maar dat ’n groep mense kon stilsit en saamstem oor wat om plekke op Pluto te noem. Daar’s die…

Wat is geluk vir jou? My dogtertjie, Kelsey. My kêrel, Dirk. My gesin en die mense wat my laat veilig voel om myself te wees. Wanneer en waar was jy op jou gelukkigste? Nou. Maar ook toe ek tien was en geen debietorders gehad het om te betaal nie. Wie of wat is die liefde van jou lewe? My dogtertjie, Kelsey. Sy het my lewe gered. Waarmee hou jy jou die graag ste besig? Om op my bank te lê en flieks of reekse kyk, en uitstappies saam met my dogtertjie. Wat verveel jou? Verkeer. Wat is jou gunstelingwoord? Mos. Waaroor is jy spyt? Die laaste woorde wat ek vir my ma gesê het. En dat ek baie mense toegelaat het om oor my te loop toe ek jonger was. Wie…

AKNEE is ’n probleem wat ons gewoonlik met ons tienerjare assosieer, maar vir baie volwassenes is dit ’n werklikheid wat tot in hulle 30’s en verder duur. Of dit ’n hardnekkige veluitslag of onverwagse puisies in ’n stresvolle tyd is, volwasse aknee kan net so uitdagend soos in adolessensie wees. Die goeie nuus? Dit kan bestuur word met ’n doeltreffende velsorgroetine en professionele behandelings. Ons het by dr. Fawzia Salie, stigter van die kliniek Aesthete, Aesthetics and Anti-Aging in Kaapstad, raad gevra oor hoe om hierdie probleem eens en vir altyd te takel. VERSTAAN DIE OORSAKE “Anders as tieneraknee, wat dikwels op die T-sone opduik en met hormoonveranderinge tydens puberteit verbind word, het volwasse aknee ander oorsake en verskyn dit gereeld aan die kaak, ken en nek,” sê Fawzia. Sy…

V My dogter is reeds mondig, maar maak my moedeloos. Eers het sy uitgegaan met ’n man wat haar lewe wou beheer. Sy verskoning was dat hy bipolêr is en daarom so optree. Hy het haar met ’n ander vrou verneuk, en sy dom verskoning was so wraggies dat sy drank gedokter was, daarom het dit gebeur. Uiteindelik het sy hom darem gelos. Nou is sy in ’n nuwe verhouding. Sy werk by ’n gimnasium en het met een van die lede vriende geword. Hy is 40 jaar oud. Sy het by hom ingetrek, maar daar’s dinge wat nie sin maak nie. Niemand mag weet wat sy van is nie. Hy sal glo sy werk verloor as sy baas uitvind my dogter bly by hom en is in ’n verhouding…

OPKNAP is nie vir sissies nie. Ek was onlangs die veilige toeskouer van ’n familielid se nuwe huis wat eintlik ’n ou huis was en die drie maande wat toe sewe maande geword het se opknapping. Die rolspelers in die boubedryf doen hulle eie reputasie ook nie enige gunste nie. Dit het later ’n aflos geword van wie die bouers moet opcheck, die gebrek aan kommunikasie tussen ál die mense betrokke, en die “snag list” wat net langer en langer word. Nee wat, ek is nie ’n opknapper nie. Dis waarskynlik waarom ek soveel plesier kry uit opknapprogramme op televisie. Dis soos makeovers: Jy hoef nie persoonlik betrokke te raak nie, maar kan kritiek lewer na hartelus. Die Amerikaanse reekse is veral lekker om te kyk, hoofsaaklik omdat die huise…

Waar kom jou liefde vir musiek vandaan? Toe ek grootgeword het, was daar altyd musiek wat kliphard in ons huis gespeel het. Van Queen en Led Zeppelin tot Jim Croce, Roger Whittaker en Bryan Adams. Wou jy altyd ’n liedjieskrywer word? Glad nie. Ek wou altyd professioneel krieket of rugby speel. Of, as backup, sou ek ’n prokureur word. Ek het my liefde vir musiek maak en skryf op universiteit ontdek. Ek het van 2002 tot 2005 regte op Stellenbosch geswot sodat ek vir Maties krieket kon speel. En het groot drome vir my krieketloopbaan gehad. Toe skryf ek en my vriend Willie van der Merwe “Papsopwinterwaternat” vir ons koshuis, Huis Marais, se serenadegroep. Dit het ’n Kurt Darren-treffer geword. Ek het vir die langste tyd geglo jy word gebore…

GROOT BLOKRAAI NO 2581 KOMPETISIEVRAAG Watter soort bouwerk is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Met my honde deur Hilda van Dyk en Kobus Olivier (Tafelberg, R280). Toe die eerste bomme Kijif in 2021 aan flarde skiet, was Kobus Olivier gereed. Of so het hy gedink . . . Dié Suid-Afrikaner het vier jaar tevore na die hoofstad van Oekraïne getrek. Hy het egter gesien daar kom moeilikheid toe Russiese troepe by die grens opeenhoop. Vlug was nie ’n opsie nie – wat sou van sy vier geliefde honde word? Met my honde is die verhaal…

1 Uit watter twee elemente bestaan die son hoofsaaklik? 2 Watter superheld is ook bekend as die “Man van Staal”? 3 Watter groot waterval is op die grens van Zimbabwe en Zambië? 4 In watter hawestad is ’n wêreldbekende operahuis wat soos seile of skulpe lyk? 5 Watter ontdekkingsreisiger het Amerika aan Europa bekendgestel nadat hy in 1492 daar aangeland het? ANTWOORDE 1 Waterstof en helium  2 Superman  3 Die Victoriawatervalle  4 Sydney, Australië 5 Christopher Columbus BRONNE CELL.COM, SCIENCEDAILY.COM, THECONVERSATION.COM, THEGUARDIAN.COM, BRITANNICA.COM, LIVESCIENCE.COM, CNN, BBC, DOGONEWS.COM, SMITHSONIANMAG.COM, HISTORY.COM, YOUTUBE…

TAMSYN LESCH (40), MAATSKAPLIKE WERKER, WELGEMOED EK HET sommer ’n yskoffie bestel. Dié koffiewinkel in Welgemoed is baie lekker. Dis nou een ding van Welgemoed. Almal ken mekaar hier. Dis ’n baie klein gemeenskap. Al die kinders speel baie lekker saam. Soms staan ek nog in my huis en die volgende oomblik sien ek net hier trek ’n kinderlyfie oor my muur om gou ’n bal te kom haal. Dis spesiaal om te sien hoe die kinders saam grootraak en mekaar hulle hele skoolloopbaan ken. Ek en my man het ’n tweejarige dogtertjie en ons is mal daaroor om in Welgemoed te woon. Maar ek is jou tipiese helikoptermamma. Met goeie rede. Ek werk al 17 jaar in maatskaplike werk. Ek het al net te veel goed gesien, ervaar en…

DIS die eenvoud van sy woorde wat jou tref: “Plaas is plaas. Geluk is geluk. Ellende is ellende.” Die onopgesmukte lewensuitkyk van iemand wat die lief en leed van ’n lewe na aan die grond verstaan. Dis die woorde van Nico Scheepers, uit wie se pen die aangrypende televisiereeks Nêrens, Noord-Kaap gekom het. “Ek is ’n plaasseun,” sê hy weer. Nou wel van ’n wildsplaas in Limpopo, ver van die fiktiewe Nêrens in die Nieuwoudtville-distrik. Maar plaas is plaas. Ons ontmoet Nico (37) by die bekende Tamboerswinkel in Kaapstad. Sy local, vertel hy. Hy woon nou al elf jaar in die stad by die see. “Kyk hoe mooi is ons Tafelberg. Watter rok gaan sy vandag vir ons aantrek?” wonder hy hardop. Ná koffie stap ons deur De Waalpark na…

Europa was blykbaar Suid-Afrikaans, want 500 km van Luxemburg was ook die akteur Clint Brink, sy vrou, Steffi, en die egpaar se dogtertjie, Arielle, met vakansie in die sneeu in Switserland 1 WATTER PLEKKE HET JULLE ALLES VERKEN? Ons was grotendeels in Switserland en het stede soos Zürich, Zermatt en Gstaad besoek. Ons was ook in Venesië. 2 HOE HET ARIELLE DIT ERVAAR? Dit was Arielle se eerste oorsese vakansie. Sy het die sneeu gelove en het van ons almal die heel meeste pret gehad. Sy het haar eerste sneeuman gebou! 3 HOE LANK WAS JULLE DAAR? Ons was vir so 16 dae daar, die twee dae wat ons daarheen gereis het, uitgesluit. 4 WAT SAL JULLE ONTHOU? Om te reis is altyd ’n goeie geleentheid om te leer, want…

Op 45 is Shashi Naidoo fisiek en geestelik sterker as ooit, en put sy eindelose vreugde uit haar avontuurlustige lewe Sy is beslis nie die eerste mens wat dit sê nie. Nee, oor die verskynsel is al boeke geskryf, flieks gemaak, navorsing gedoen. Trouens, voor sy in dié fase van haar lewe was, het sy dit báie gehoor. Maar nou kan SHASHI NAIDOO dit inderdaad ook bevestig: Die lewe begin ná 40. Die model, TV-aanbieder en sakevrou sê sy is nou op die beste plek wat sy nog in haar lewe was. Sy het meer vrede en selfvertroue, en sy is gesonder as ooit. “Ek is die afgelope paar jaar op ’n gesondheidsreis. Om te oefen of te gaan gim het eintlik eers vir my lekker geraak toe ek 40…

DIE strydbyl tussen die twee sterre van die fliek It Ends with Us, JUSTINBALDONI en BLAKE LIVELY, gaan duidelik nie gou begrawe word nie. Justin (40) en sy produksiemaatskappy, Wayfarer Studios, het nog ’n lastersaak aanhangig gemaak – dié keer teen Blake (37), haar man, Ryan Reynolds (48), en hulle reklameagent, Leslie Sloane. Hy dagvaar hulle vir $400 miljoen vir siviele afpersing, laster en privaatheidskending na aanleiding van Blake se saak van seksuele teistering wat sy op 20 Desember teen hom ingedien het. Hy verklaar in die regsgeding: “Hierdie is ’n saak oor twee van die magtigste sterre ter wêreld wat hulle mag gebruik om ’n hele fliek uit die hande van sy regisseur en sy produksieateljee te steel.” Dié nuwe geding volg net twee weke nadat hy ’n lastersaak…

MET sy spoed, behendige voetwerk en raketvaardighede het hy sy teenstanders na lug laat slaan. Maar ondanks Ilie Năstase se briljantheid was sy oorheersing van wêreldtennis alte gou verby, want hy was ook die eerste groot stoutseun van dié eens besadigde rykmanspel. Tot groot vermaak van die skares het hy graag sy lyf hanswors gehou. “Ons het nog nooit so iets gesien nie, iets het altyd gebeur wanneer hy op die baan was,” het een kommentator vertel. Maar hy het ook vloermoere gegooi en só die bynaam “Nasty” gekry. Skeidsregters het nie toeskouers se liefde vir Ilie gedeel nie. Was dit nie vir sy vele skorsings nie, glo kenners, sou hy baie meer toptoernooie gewen het. Die eksentrieke en buierige Roemeen is op 19 Julie 1946 in Boekarest gebore. Van…

‘SY WAS ’N KRAGTIGE, PRAGTIGE MENS. ’N NATUURKRAG MET BAIE LIEFDE IN HAAR HART’ TOE Michelle Botes hoor daar is kanker in haar lyf en dat dit haar lewe sou neem, het sy ál haar dinge weer in tasse gepak en ’n tweede keer gekyk hoe die Goudstad in haar truspieëltjie verdwyn. Die aktrise het in 2013 ook dié toneeltjie aanskou toe sy die sepie Isidingo verlaat het. Daardie keer wou sy vlug van die gejaagde lewe wat sy danksy die televisiebedryf al drie dekades lank geken het. Maar dié keer was anders, want terugkeer sou sy nie. Omdraaikans was daar nie. Toe vertrek Michelle van Johannesburg af Kaap toe om die stukkie wat van haar lewe sou oor wees by haar seun, Daniel, en sy vrou, Noleen, deur te…

HEELGE-BAKTE BOTTER-SKORSIE met HEU-NING BEREIDING EN BAK: 40 MIN. / GENOEG VIR 6-8 ◗ 1 botterskorsie, gehalveer en sade uitgekrap◗ 80 ml heuning◗ 115 g (125 ml) botter, gesmelt◗ 45 ml olyfolie◗ 100 ml water◗ 1 hand vol vars salie, fyngekap◗ 15 ml dijonmosterd◗ 10 ml anyssaad◗ sout en varsgemaalde swartpeper 1 Verhit die lugbraaier tot 200 °C op die lugbraaifunksie. Gebruik ’n skerp mes om snye 2-3 mm uit mekaar oor die botterskorsiehelftes se rugkante te maak, maar moenie regdeur sny nie. 2 Plaas die botterskorsiehelftes in die lugbraaiermandjie met die gesnyde kante na bo (die “waaiers” moet boontoe wys). Verwyder die los rakkie onderin as jou lugbraaier een het. 3 Meng die heuning, botter, olyfolie, water, salie, mosterd en anyssaad. Giet oor die botterskorsie en geur goed met…

KRY DIT HIER @HOME BASH.COM, BLOCKANDCHISEL.CO.ZA 087-015-0181, BABYLONSTOREN.COM 021-300-3919, MRPHOME.COM 064-584-1000 (WHATSAPP), POETRYSTORES.CO.ZA 0860-555-529, WOOLWORTHS.CO.ZA 0860-022-002, YUPPIECHEF.COM 0861-702-4969 HOEWEL ONS ALLES IN ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

BOEKE TROEP DEUR BUN BOOYENS Penguin, R249* As ’n jong Afrikaanssprekende Troep sou lees, sal baie hiervan seker ongelooflik, selfs ongeloofwaardig klink. Bun Booyens skryf van alles is die ouderdom waarop die troepe opgeroep is vir militêre diens vandag moeilik om te sluk: “As jy aanlyn gesprekke volg – daar is meer as honderd webwerwe en forums – kom jy een frase telkens teë: ‘Ons was só jonk.’ ” Een van die mans wat hy in Troep aanhaal, is Martin Scott: “My oudste kind is vanjaar 18. Ek verstaan nou eers die vrees wat my ouers moes gehad het toe hulle my destyds die vreemde ingestuur het.” Anton van Rooyen skryf: “Ons almal het niks gehad nie, maar jy moes ’n testament opstel voor jy Grens toe gevlieg het.” So…

DIS GROOT! “Apateu, apateu!” Miljoene gewone mense reg oor die wêreld is die afgelope maande ’n bietjie obsessief oor hierdie woord. Dit kom uit die K-pop-sangeres Rosé se treffer saam met Bruno Mars, “Apt.”, wat op die oomblik ’n groot gunsteling is waar jy ook al gaan. Dis nou een van vyf liedjies in die geskiedenis wat meer as tien weke lank boaan die Billboard 200-lys was. In kort, dis ’n massiewe treffer! “Ek is heeltemal oorweldig met al die liefde, en ek is baie dankbaar,” sê Rosé. KOM ONS PRAAT OOR BRUNO Om “Apt.” saam met Bruno te kon maak was ’n droom. “Ek was regtig gelukkig genoeg om Bruno daarop te hê. Dis die malste ervaring van my lewe.” En hoe het sy en Bruno mekaar ontmoet? Sy…

DIS mos hoe ons haar oor die jare leer ken het – elegant, stralend gelukkig, vol meegevoel vir die mense wat haar pad kruis. Ja, Kate is die laaste ruk deur ’n aaklige stryd, maar met haar eerste amptelike openbare verskyning sedert sy aangekondig het sy het kanker, was die prinses van Wallis honderd persent haar ou self. Sy het almal rondom haar bekoor, in die oë gekyk, aandagtig aangehoor. Almal het geweet Kate se besoek aan die Royal Marsden-hospitaal in Londen se suidooste was nie sommer net nog ’n koninklike besoek nie. Nadat kanker haar ’n jaar uit die kollig gehou het, het sy teruggekeer met ’n dieper begrip van wat die pasiënte in dié hospitaal alles deurmaak – en watter verskil sy in hulle lewe kan maak deur…