Innehållsförteckning för 6 February 2025 från Huisgenoot

1 MY SEER OMDAT EK NIE KAN SWANGER RAAK NIE Elsjé Hechter-Brand het twee servikse, twee baarmoeders en twee vaginale openinge, maar moes tot haar groot hartseer uitvind sy kan nie ma word nie Hou net moed, Elsjé. My ma het twee uterusse gehad en net een nier. Die dokters het destyds ook gesê sy sal nooit kan swanger raak nie. Tog het sy vir my gehad en sewe jaar later ook my broer. LOUISE Altyd interessant om sulke artikels te lees. Snaaks hoe mense kommentaar lewer op só iets. Daar is altyd iemand wat deselfde deurgaan en kan baat vind by so ’n artikel. As jy weet dit sal jou ontstel, hou eerder verby. DRICO Elsjé Hechter-Brand, jy sal altyd awesome wees. Ek haal my hoed af vir jou dat…

DIS 1959. By die Newport Folk Festival stap ’n onbekende tienermeisie met haar kitaar op die verhoog, skop haar skoene uit en begin sing. Net twee liedjies later stap sy af, maar ná dese sou almal haar naam ken. Die legende van die “Barefoot Madonna” is gebore. Daar is beswaarlik ’n groter ikoon van folkmusiek as Joan Baez. Met haar ongekunstelde skoonheid en suiwer sopraanstem is sy enigmaties op die verhoog. ’n Soort singende spirituele gids. Maar sy is ook die vrou wie se hart deur Bob Dylan gebreek is. Joan Chandos Baez is in 1941 in New York gebore. Haar pa was oorspronklik van Mexiko, haar ma van Skotland. Op skool is Joan oor haar Mexikaanse herkoms geboelie, en dit sou van haar ’n vreeslose kampvegter teen ongeregtigheid maak.…

ROER-BRAAI met STEUR-GAR- NALE & RYSNOE-DELS GENOEG VIR 4 /BEREIDING EN GAARMAAK: 20 MIN. ◗ 30 ml (2 e) sonneblomolie◗ 30 ml (2 e) madraskerriepasta of iets soortgelyks◗ ’n 2 cm-stuk gemmer, geskil en gerasper◗ 350 g steurgarnale◗ 200 g broccoli, in blomme gebreek◗ 1 groot wortel, in linte gesny◗ 600 g klaargaar rysnoedels SOUS ◗ sap en skil van◗ 3 lemmetjies◗ 1 hand vol koljander, grofgekap◗ 75 ml (5 e) sojasous◗ 4 sprietuie, fyngesny◗ 120 ml water 1 Verhit die olie in ’n groot braaipan of wok. Braai die kerriepasta en gemmer 1 min. daarin. Voeg die garnale by en braai tot gaar. Skep uit en hou eenkant. Braai die broccoli en wortels 5-6 min. in dieselfde pan of tot die groente gaar maar steeds lekker krakerig is. 2…

KRY DIT HIER @HOMEBYBASH.COM, ELEVENPAST.CO.ZA 021-201-1211, HERTEXHAUS.CO.ZA 021-948-4764, KLIGHT.CO.ZA 021-552-4370, LIGHTINGWAREHOUSE.CO.ZA 011-201-2600, WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSETE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

LEMOENE se geur kan jou bui verbeter en stres verminder, suurlemoene kan ligte liggaamsreuke gou neutraliseer en aarbeie is nie net vir nagereg nie, maar ook wonderlik vir velsorg. Ontdek hoe vrugte jou daaglikse lewe op verrassende maniere kan verryk. ◗ LEMOENE EN SUURLEMOENE Wil jy jou bui lig? Ruik aan ’n lemoen. In talle studies is bevind die reuk van lemoen kan stres verminder, jou luim verbeter en jou wakkerder laat voel. Probeer om elke oggend die reuk van een in te asem of tik lemoenolie aan jou pols en kry ’n sitrushupstoot. Is jou reukweerder op? Vryf ’n snytjie suurlemoen oor jou vel, dit sal jou liggaamsreuk dadelik laat verdwyn. ◗ AARBEIE Aarbeie is uitstekende velreinigers danksy die vitamien C, salisielsuur en antioksidante daarin. Salisielsuur verwyder dooie velselle,…

WAT GEBEUR AS EK NIE BETAAL NIE? Formele regstappe begin gewoonlik teen die tyd dat jy jou sesde betaling misloop. Voor dit sal jy deurgaans waarskuwings en voorstelle kry. Jy moet liewers hierop reageer sodat julle ’n plan kan maak voor die huis teruggeneem moet word. Sulke eiendomme haal gewoonlik laer pryse op ’n veiling. Gevolglik sal jy steeds met verbandskuld sit. WAT IS MY OPSIES? 1 HERVER SPREI AGTERSTALLIGE SKULD As jou aansoek hiervoor goedgekeur word, sal die agterstallige bedrag proporsioneel oor toekomstige betalings verdeel word. Jou maandelikse terugbetalingsbedrag sal hoër wees, maar jy is nie meer agterstallig nie en jou leningtermyn word nie verleng nie. Betaal die nuwe maandelikse bedrag ten volle sodat jy nie weer agter raak nie. 2 LAER BETALINGS Vra die leningverskaffer om jou maandelikse terugbetaling…

DIS daai tyd van die jaar wat nuwejaarsvoornemens uiteindelik in die hek duik. Wat ’n verligting! Nou kan ’n mens weer die realiteite van die lewe in die oë kyk en met feite werk, eerder as versugtinge. Niks fout met sulke voornemens nie, maar dit word gewoonlik geneem op ’n plek waar die branders vrolik teen die rotse klots, waar die ligte werk en die water nie afgesny is nie, en waar die glasie wyn koel en belowend op die tong lê. Enigiets is moontlik. Niks soos Februarie om jou weer terug te bring aarde toe nie. Gelukkig kan jy die lang pad na selfverbetering heel doeltreffend deurmaak voor die televisie. Elkeen van ons het ’n paar slegte lewenskeuses agter die rug, maar dis niks in vergelyking met dié van…

OP 14 is die jonge NIAMH BEATRIX SMITH se stem gereeld ’n gunsteling op die radio in Ierland. Sy maak die harte van die Iere warm met treffers soos “Irish Lad” en “Christmas All Year” wat sy saam met die Noord-Ierse sangeres Niamh Noade sing. Maar Niamh Beatrix is ook ’n kranige Afrikaanse sangeres. In 2023 het sy die liedjie “Kersfees in die vreemde” uitgereik, en meer onlangs in Desember is haar nuutste Afrikaanse liedjie, “Groen”, uitgereik in samewerking met die bekroonde liedjieskrywer en lid van Die Heuwels Fantasties, Hunter Kennedy. “Dis my storie in ’n liedjie,” sê Niamh wat saam met haar Suid-Afrikaanse ouers al vyf en ’n half jaar in Ierland woon. “Dit gaan oor hoe ek as ’n Afrikaanse meisie hier woon. Ek mis Suid-Afrika baie. Maar…

AARDSE DINGE Van stof is jy gemaak en tot stof sal jy terugkeer, het Sannie die dominee in die kerk hoor sê. Ná die diens het sy summier van haar stofsuier ontslae geraak – want sê nou net dis iemand wat sy ken? Heidi Venter WENKWOTASIE Die verkeersbeampte sê kwaai aan die motoris: “Jou agterlig is stukkend, jou bande is te glad afgeloop en jy het geen kantspieëltjie nie. Dit gaan jou R1 000 kos.” “Wonderlik,” sê die man. “Gaan gerus voort. Hulle vra baie meer by die werktuigkundige.” Johanna Rademeyer DIE BESTE AAS Klein Annie kyk verwonderd hoe haar pa en sy hengelmaats die boot pak voor hulle gaan visvang. Einde ten laaste moet sy weet: “Maar hou visse dan rêrig so baie van bier?” San Marchand AMEN Dominee…

EEN van die belangrikste sleutels tot sukses in wiskunde is om seker te maak jy het die basiese konsepte en terme onder die knie. In vandag se blitsgids fokus ons op die volgende belangrike konsepte: veelvoude, faktore, priemgetalle en priemfaktore. Voltooi elke oefening sodat jy die konsep goed kan vaslê. VEELVOUDE Veelvoude is getalle waarin die getal presies kan indeel. As ons in 2’s tel, dan noem jy al die veelvoude van 2 op. Veelvoude van 2 is: 2; 4; 6; 8; 10; 12; 14; . . . As jy in 5’e tel, dan noem jy al die veelvoude van 5 op. Veelvoude van 5 is: 5; 10; 15; 20; 25; 30; 35; 40; 45; . . . V12 (veelvoude van 12): 12; 24; 36; 48; 60; 72; . .…

TOETS JOU KENNIS 1 Op watter landsvlag verskyn ’n arend, ’n kaktus en ’n slang? 2 Watter sanger was bekend as “Ol’ Blue Eyes”? 3 Watter boek begin só: “If you really want to hear about it, the first thing you’ll probably want to know is where I was born . . .” 4 Watter spiraalsterrestelsel is die naaste aan ons Melkweg? 5 Waar is Napoleon in 1821 op 51 dood? ANTWOORDE 1. Mexiko 2. Frank Sinatra 3. The Catcher in the Rye, deur J.D. Salinger 4. Andromeda 5. OpSintHelena…

PENORENT staan sy kuif nog ná al die jare. Selfs in dié bedompige weer toe ons by hom kuier, op ’n dag dat die res van die wêreld goed natgesweet is. Die kaal grondbanke van die Vaaldam, waar die watervlak by ’n lae 30% draai, is in die verte sigbaar, maar ’n nat nuwejaar sorg vir troos en verligting in die binneland. Dieselfde is waar vir Gerhard Steyn. Ook in sy lewe was daar droë seisoene, maar nou beleef hy ’n goeie een. ’n Lekker seisoen. Hier onder die lapa wat hy self by sy huis aangebou het, druk-druk hy ’n paar akkoorde op sy kitaar, draai aan die stemknoppe tot hy tevrede is die snare is ingestem. Dan begin hy sing: Nou raak dit lekker /Bêre maar jou ploeg en…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. V Ek kon nooit verstaan hoekom my ma altyd gekla het dat sy gedaan is nie. Sy het alleen na my oupa gekyk ten spyte van ander familie wat naby woon. Toe my ma skielik ná ’n beroerte dood is, het dit my soos ’n bom getref: Dit het nou my verantwoordelikheid geword om my oupa te versorg. Boonop het ek twee skoolgaande tieners en ’n man wat my aandag nodig…

VIR Suid-Afrikaanse ouers is dit nie meer vreemd dat jong mense ’n beter lewe of nuwe avonture oorsee gaan soek nie. Hulle reis en ontdek, terwyl hulle ma en pa agterbly met verlange in hulle harte. Hoe bly jy in voeling met jou kind wat duisende kilometers oor die water sit? DIE SEER VAN AFSKEID Ouers van kinders wat oorsee bly, ervaar “dubbele verlies” – ’n komplekse soort rou wat ontstaan wanneer die afwesigheid van ’n geliefde beduidende emosionele en sielkundige uitdagings veroorsaak, sê Sulette Ferreira, ’n terapeut wat mense help wat betrokke is by die emigrasieproses. “Hierdie vorm van verlies is besonder moeilik omdat dit nie altyd duidelik gedefinieer of maklik verstaanbaar is nie,” sê sy. Mense wat hierdie soort verlies ervaar, kan simptome ontwikkel soos angs, depressie, isolasie,…

BOEKE KOMPLEKS DEUR LOUIS PRETORIUS Lapa, R229* Ek het Kompleks geniet asof ek deel is van die teikengroep (tieners)! Dis ’n liefdesverhaal tussen twee matrieks sonder enige van die grillerige cool-hede waarmee baie jeugboekskrywers dink hulle jong lesers kan inkatrol. Dis die storie van Mika en Sean wat mekaar ontmoet in ’n parkie naby hulle huise waar hy met sy dooie hond gaan stap het (“Oukei, hier is konteks nodig. Ek het nie my afgestorwe labrador oor die teer gesleep nie. Dit was net ek en Jessie se leiband.”) en sy besig was om oor die dood te peins (“Nee, ek is nie suicidal nie. Ek wens partykeer ek was. Dan sou ek meer aandag gekry het. Ek is jammer. Dis donker. Ek weet psigiese gesondheid is nie ’n grap…

FLIEK THE SECRET: DARE TO DREAM Hierdie fliek oor die krag van positiewe denke en die oortuiging dat positiewe gedagtes goeie dinge lok en negatiewe gedagtes slegte dinge laat gebeur, is gegrond op die 2006-boek The Secret deur Rhonda Byrne. En sal ons nie almal kan baat vind by positiewe denke in 2025 nie? Die fliek vertel van ’n hardwerkende weduwee, Miranda Wells (Katie Homes), wat met drie kinders sukkel om finansieel kop bo water te hou. Sy werk in ’n vriend, Tucker Middendorf (Jerry O’Connell), se seekosrestaurant, terwyl sy ook haar drie skoolgaande kinders moet versorg. Dan daag die vreemdeling Bray (Josh Lucas) uit die bloute op om ’n koevert vir Miranda te gee – iets waarvan die inhoud haar hele lewe sal verander. Hy loop haar egter mis,…

GROOT BLOKRAAI NO 2582 KOMPETISIEVRAAG Watter Bybelboek is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN LUX VERBI KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Geroep vir meer deur Hykie Berg (Lux Verbi, R250). Jou wildste drome kom nie naby aan dit wat God vir jou beplan het nie. Hykie Berg, akteur en entrepreneur, gee riglyne oor hoe om suksesvol te wees en jou drome te verwesenlik. Hy gesels oor: ■ Selfdissipline; ■ Intensionele optrede vir sukses; ■ Om ontslae te raak van verskonings; ■ Om ’n slagoffermentaliteit en aange leerde hulpeloosheid op te gee; ■ Om uit te vind wat jou dryf; ■ Om vas te stel…

1 Wat word die proses genoem waar waterdamp (gas) in water (vloeistof) verander? 2 Wat word Londen se bekendste kloktoring genoem? 3 Wie het Matilda en Charlie and the Chocolate Factory geskryf? 4 Wat is die grootste 5 Langs watter land se kus is die Groot Koraalrif oftewel die Great Barrier Reef? ANTWOORDE 1 Kondensasie 2 BigBen 3 RoaldDahl 4 Walvishaai(Rhincodon typus) 5 Australië BRONNE NASA.GOV, SPACE.COM, THECONVERSATION.COM, THEGUARDIAN.COM, BRITANNICA.COM, LIVESCIENCE.COM, CNN, BBC, DOGONEWS.COM, SMITHSONIANMAG.COM, GUINNESSWORLDRECORDS.COM, HISTORY.COM, YOUTUBE…

MALWANDLA Baloyi het heeltyd pyn in haar heupe en rug, wat dit ’n uitdaging maak om selfs net in haar rolstoel te sit. Maar een ding kan haar gestremdheid nie van haar af wegneem nie: haar veggees. Dís wat haar gehelp het om te bereik wat sy die heel graagste wou hê: om matriek te slaag en by ’n universiteit aanvaar te word. Dié 18-jarige het nie net hierdie doelwit bereik nie – sy het vier A’s behaal en is vereer vir uitstaande werk ten spyte van haar uitdagings. Sy is boonop by drie universiteite aanvaar en ’n blink toekoms wink vir die kranige tiener. Malwandla, wat van Pretoria af kom, is gebore met ’n seldsame genetiese toestand genaamd osteogenesis imperfecta. Algemeen staan dit as brosbeensiekte bekend. Dit lei tot…

Wetenskaplike name is nie “Latynse name” nie. Maar amper. Hulle is “verlatynsde” name – woorde van oraloor wat in latynse grammatika gegiet is. Op bl. 65 van hierdie uitgawe ontmoet ons Ninumbeehan dookoodukah, ’n oersalmander wat 230 miljoen jaar gelede gelewe het. Sy “binomiale naam” – die wetenskaplike naam vir wetenskaplike name – kom van die Shoshone-volk van inheemse Amerikaners, en dit beteken “vleisetende Klein Mensies”. Dié “Klein Mensies” kom uit Shoshone-sprokies. Hulle is feetjies wat in die berge woon. Nou is hulle ook salmanders uit die oertyd. Binomiaal wys natuurlik daarop dat wetenskaplike name altyd uit twee (bi-) dele bestaan: Genus (met hoofletter) en spesie (met kleinletter) [almal kursief]. Twee beroemdes is Tyrannosaurus rex en Escherichia coli. Hulle is beter bekend as T. rex en E. coli. Ons is…

Wat is geluk vir jou? Wanneer jy op die regte tyd op die regte plek is en iets net in jou skoot val. Wanneer en waar was jy op jou gelukkigste? Toe ons hele familie op roadtrips gegaan en vakansie gaan hou het. Waarmee hou jy jou die graagste besig? Ek speel graag Call of Duty of luister na musiek. Wat verveel jou? Mense wat nie ’n gesprek aan die gang kan hou nie. Waaroor is jy spyt? Dat my pa nie hier is om my prestasies saam met ons te vier nie en al my mylpale gemis het, soos my 21ste en my gradeplegtigheid. Wat sou jy anders doen as jy jou lewe kon oorhê? Niks, ek dink ek is tevrede met hoe my lewe uitgedraai het. Hoe sal…

ONS almal kom dit êrens oor – ons volg getrou ’n velsorgroetine, maar ons vel reageer nie soos ons gehoop het dit sou nie. En dis frustrerend wanneer jou produkte nie die verlangde resultate lewer nie, of jy nou met puisies, droogheid of skilferigheid sukkel. Hier is sewe algemene velprobleme en wenke oor wat om daaraan te doen. 1 TOENEMENDE DROOGHEID HOE DIT LYK Jou vel voel styf, skilferig of grof, of jy het droë kolle, selfs nadat jy vogroom aangewend het. HOEKOM DIT GEBEUR Droogheid kan die gevolg wees van produkte wat vog stroop, veral sterk reinigers, afskilferaars, of te veel aktiewe bestanddele soos sure of retinol. DIE OPLOSSING Fokus op bevogtiging. Kies produkte wat hialuronsuur, gliserien of seramiede bevat. Oorweeg ’n ryker bevogtiger saans. PROBEER DIT 2 VAAL VEL HOE…

V My ma het twee jaar gelede ’n weduwee geword en by my broer gaan bly. Die situasie was nie ideaal nie en ná ’n paar maande kon ek gelukkig vir haar ’n woonstel in ’n kompleks vir senior burgers kry op die dorp waar ek woon. Die verandering in my ma was baie opmerklik. Haar gemoed het gelig, sy het weer mooi begin aantrek en vir die ander inwoners begin bak as klein bederfies. Sy was nog altyd ’n baasbakster. Nou het daar ’n ding kop uitgesteek waarvoor ek ’n oplossing moet vind. Ek, my broer en ons ander sibbes het ooreengekom om elke maand my ma se huur te betaal. Elkeen dra ’n gelyke deel by. Tot nou toe het dit perfek gewerk, maar my broer het laat…

Daar is vier soorte suikerverslaafdes. Die vraelys bepaal wat jou suikerdrange veroorsaak. Jy kan selfs met meer as een soort identifiseer. TIPE 1 ◗ Voel jy altyd moeg? ◗ Beleef jy dikwels in die namiddag ’n energie-ineenstorting? ◗ Het jy koffie, energiedrankies of lekkers nodig om jou aan die gang te hou? ◗ Is jy vol pyne of het jy spysverteringsprobleme? ◗ Ly jy aan slapeloosheid of kry jy gereeld hoofpyn? TIPE 2 ◗ Is jy dikwels dors en urineer jy gereeld? ◗ Het jy dikwels ’n seer keel en geswelde kliere? ◗ Raak jy knorrig as jy honger is? TIPE 3 ◗ Ly jy aan chroniese nasale kongestie, sinusitis of prikkelbaredermsindroom? ◗ Het jy volwasse aknee? ◗ Is jy meer as drie keer per jaar op antibiotika? ◗ Kry…

WATERDRAER 21 JANUARIE – 18 FEBRUARIE Jy hou glad nie daarvan om in die kollig of die middelpunt van aandag te wees nie. Maar teen die 9de is dit onvermydelik, en jy kan netsowel probeer om dit te geniet. Dis wanneer die genesende krag van die son met die intelligente Mercurius kombineer vir insig, begrip en motivering in jou lewe. Hoe jy dit toepas, hang van jou af, maar maak seker dat jy jou naaste en dierbaarste met die volmaan op die 12de hierby insluit. VISSE 19 FEB – 20 MRT Dis ’n goeie week vir gehaltetyd vir jouself en om te fokus op idees wat jy nog altyd wou ontwikkel, maar nooit by uitgekom het nie. As ’n intuïtiewe persoon tel jy op allerhande maniere idees op, maar spesifiek in…

EAT PRAY LOVE (2010) Met JULIA ROBERTS en JAVIER BARDEM Hierdie fliek is gegrond op die boek deur Elizabeth Gilbert oor ’n vrou wat ná ’n pynlike egskeiding ’n reis van selfontdekking onderneem, en daardeur balans en innerlike vrede vind. Op Netflix. COACH CARTER (2005) Met SAMUEL L. JACKSON en CHANNING TATUM ’n Hoërskool-basketbalafrigter leer sy spelers waardevolle lewenslesse oor dissipline, akademie en toewyding, en beklemtoon die belang van persoonlike groei op die baan, sowel as van die baan af. Te huur op Apple TV. TED LASSO (2020-2023) Met JASON SUDEIKIS en HANNAH WADDINGHAM Die reeks gaan oor ’n Amerikaanse voetbalafrigter wat Engeland toe trek om ’n sokkerspan af te rig, ten spyte van min ervaring. Ted se optimisme en leierskapstyl inspireer persoonlike groei in homself en al die mense…

Uit die Middel Engels pilegrim of pelegrim, Anglo-Frans pelerin of pilegrin, alles uit die Latyns peregrīnus (“buitelander”). Betekenisse sluit in iemand wat reis, dikwels ver, na ’n heilige plek in ’n gebaar van godsdienstige toewyding of om sy god te gaan aanbid. Dis ook ’n reisiger of swerwer, veral na ’n buitelandse bestemming. Peregrin “Pippin” Took van The Lord of the Rings het hier sy naam gekry. SYFERSTORIES $18 miljoen Vir dié rekordbedrag (R338 miljoen) kan ’n viool wat die Italiaanse snaarinstrumentmaker Antonio Stradivari in sy “goue” 1700-1720-periode geskep het op 7 Februarie in New York opgeveil word. Dis deur die violis Ma Sihon, wat van 1967 tot 2009 daarop gespeel het, aan die New England Conservatory geskenk. Stradivari is “soos die Picasso van die vioolwêreld”, sê Sotheby’s. 1,6 °C…

KARLA SOFÍA GASCÓN (52) Die Spanjaard se talent was van ’n jong ouderdom af te sien, waar sy en haar broer by hulle huis in Madrid in toneelstukke verskyn het. Sy het later roem verwerf vir haar rolle in die Spaanse telenovelles El super en Calle nueva. In 2018 het Karla haar geslagsoorgang voltooi en die wêreld aan haar nuwe identiteit voorgestel in haar outobiografie, Karsia: an Extraordinary Story, wat onder haar geboortenaam, Carlos Gascón, uitgereik is. Jacques sê Karla was die perfekte keuse vir die fliek. “Dit kom van haar lewe, haar ervaring. Sy het die oorgang voltooi, sy is wie sy is. Dit bring ’n krag na die rol wat onvergelykbaar is.” Die rol het haar ook die geleentheid gegee om geskiedenis te maak as die eerste transgender…