Innehållsförteckning för 13 February 2025 från Huisgenoot

1 ‘EK MOES ALS VAN VOOR AF LEER!’ Hy was al 30 toe hy in 1981 vir die Springbokke gespeel het. Nou is Errol Tobias op 74 weer pa. “Dis my nuwe hoogtepunt,” sê hy Dit wil gedoen wees. Baie geluk aan jou en die mamma. Ek is só bly om te lees jy het ook weer liefde gevind. Steur julle tog net nie aan enige opmerkings oor die ouderdomsverskil tussen julle nie, want 44 is net ’n nommer. RENTIA Errol, vir iemand van 74 lyk jy wraggies nog goed en gesond. Anders as sommige mans in hul 30’s met bierpense en slordige klere. Baie geluk en mag die kleinding sommer baie vreugde en liefde vir julle as paartjie besorg. CARMEN Net nog ’n bewys dat God die laaste sê het. Al sê…

In Afrikaans moes ons ’n kompromis trek tussen gewone taal en internasionale eenhede. Laat ek please explain. Wanneer ons eenhede soos km, cm, g, kg, km/h, K, mol of cd skryf, gebruik ons hulle as hol simbole en nie as mensetale nie. In ons taal skryf ons vas. Dis die konvensie waarmee ons sit, en op ’n manier is dit behoorlik in die genetiese stof van Afrikaans ingeweef. Ons sou dus normaalweg skryf “vyfmeterpyp”. Dis ’n pyp wat vyf meter lank is. As ons dit wil afkort volgens die ooreenkoms in Afrikaans, sou dit ’n “5-m-pyp” moes wees, nie waar nie? Maar ons is nie onbeskaafde skurke nie. Ons land het die internasionale eenheidstelsel onderteken. Dis só internasionaal, dit het ’n Franse naam, die Système international d’unités of die SI-stelsel.…

MEER as ’n dekade het verloop sedert Rolene Strauss die Mej. Wêreld-kroon op haar kop en die wêreld aan haar voete gehad het. Tien jaar het verbygeflits, maar sy’s nog net so beeldskoon soos destyds, asof sy nie ’n dag ouer geword het nie. Vir Rolene, nou 32, voel dit ook nog steeds asof sy ’n ambassadeur vir Suid-Afrika is. Vandag, soos toe sy in Desember 2014 die wêreld se grootste skoonheidstitel gewen het, voel sy ’n verantwoordelikheid teenoor haar land. Eens ’n Mej. Suid-Afrika, altyd ’n voormalige Mej. Suid-Afrika. Maar eintlik het só baie dinge in haar lewe verander. Sy het haar mediese graad voltooi. ’n Leefstylkliniek begin. ’n Boek geskryf. Aanlyn kursusse ontwikkel om vroue met selfvertroue te help. En nou ook haar eie sonbrilreeks bekendgestel. Sy’t getrou.…

V Ek is in my laat 60’s en meer as 15 jaar geskei. Ek lyk maklik tien jaar jonger, want ek het myself nog altyd goed versorg. Ek het nooit gedink dat liefde weer na my kant toe sal kom nie, maar dit het gebeur. Hy is ’n afgetrede sakeman, vier jaar ouer as ek, baie fiks en gesond. Ons het saam begin fliek, by ’n fiksheidsklub aangesluit en geniet dit om uit te eet. Ek het nog nooit vir hom gesê hoe ek voel nie. Nadat ek van my Kersvakansie teruggekeer het, het ’n skok op my gewag. Een van die ander vroue in ons kompleks het hom by my afgerokkel. Hulle twee is nou pal saam en doen die dinge wat ons saam geniet het. Ek is skoon…

Sharon en Melanie deel hulle wenke om huiswerk pret te maak, maar Sharon waarsku dat kinders moet leer nie alles hoef altyd lekker te wees nie. “Jy kan hulle vertel dat nie alle aspekte van jou werk lekker is nie en dit is iets wat ’n mens maar net moet aanvaar.” ◗ Help jou kinders om aanlyn video’s te soek van onderwerpe wat hulle nie onder die knie kan kry nie. ◗ Vergoed hulle wanneer hulle ’n mylpaal bereik. ◗ Omskep die onderwerp in ’n storie of soek prentjies in tydskrifte en maak ’n plakboek. ◗ Sny letters uit klei en laat hulle daarmee ’n woord spel. So leer hulle die alfabet. ◗ Kinders hou van alles wat anders is. Laat hulle met kryt op die oprit skryf of skryf…

WATERDRAER 21 JANUARIE – 18 FEBRUARIE Jy skram oor die algemeen weg van druk om te konformeer, so ignoreer enige groep-of samelewingsdruk wanneer dit kom by wat jy vir Valentynsdag doen. Aangesien jy nie jou geliefde wil teleurstel nie, moet julle saamstem oor ’n plan om onwelkome verrassings te vermy. Met die heersende planeet van jou liefdeshoroskoop, die son, wat oorgaan in jou geldhoroskoop, kan suiwer liefde ’n groot genoeg geskenk wees. VISSE 19 FEB – 20 MRT Jou sesde sintuig sê dalk jou Valentynsdag gaan vol intrige en skouspelagtig wees. Die rede hiervoor is dat die heerser van jou liefdeshoroskoop, Mercurius, op daardie dag in jou teken inbeweeg. Aangesien Mercurius in die mitologie bekendstaan as die gevleuelde boodskapper, kan daar nuus op pad wees wat jou sal bly maak.…

Hier op die vooraand van haar dertigste verjaardag het party van Alexandra se opvattings die vastigheid van klip gekry. Dit stem haar gerus. Sy weet jy gaan deur die lewe en kom talle mense teë. Jy sien hoe hulle optree en dan doen jy die nodige om uit hulle pad te bly of spreek hulle aan sodat julle by mekaar kry wat julle wil hê. “Verskoon tog, kan ek verbykom, asseblief?”/“Neem twee van hierdie pille na ontbyt.”/“Ek is so jammer dat dit met jou gebeur het.” Een na die ander, ’n opeenvolging van interaksies. Baie van die mense met wie jy te doene kry, maak geen indruk op jou nie. Sommiges wek welwillendheid, hulle glimlag of help of luister op ’n manier wat maak dat jy hulle weer wil sien.…

LET WEL: DIE OUDERDOMS BEPERKING VAN DIE REEKSE IS 16 OF 18 JAAR. REEKSE SEX/LIFE Al ooit gevoel of jy ’n stukkie van jouself verloor wanneer jy trou, en nóg ’n stuk wanneer jy ’n ouer word? Dis presies die posisie waarin die uitskieter Billie (Sarah Shahi) haarself bevind. Sy’s getroud met die perfekte man, Cooper (Mike Vogel), en het twee kinders, maar sy hunker terug na haar uitspattige leefwyse en opwindende sekslewe voor sy getrou het. Dis veral haar ekskêrel Brad (Adam Demos) wie se hande sy nog op haar lyf kan voel. Billie weet haar lewe lyk van buite af prentjiemooi, maar sy mis haar partytjiedae en steek ’n groot deel van haar verlede vir Cooper weg. Cooper kom op sy vrou se mymeringe af en probeer aan…

WETENSKAP LIKES het ’n bultrugwalvisbul nagespoor wat meer as 13 000 km ver oor drie oseane heen gereis het. Dis nou verreweg die langste bekende reis van ’n lid van die Megaptera novaeangliae-walvisspesie. Bultrugwalvisse is bekend vir hul langafstandmigrasies, van die verstes van enige soogdier. Hulle swem van warm waters waar hulle paar en geboorte gee na kouer gebiede. Hierdie migrasies strek oor so 8 000 km, noord en suid. En as walvisse eers volwasse is, verander hulle baie selde hul reisgewoontes. Maar volgens ’n onlangse navorsingsverslag in Royal Society Open Science het een bultrugbul ’n baie verskillende tog onderneem. Hy is in 2013 en 2017 in die Stille Oseaan naby Colombia opgemerk. Sowat ’n dekade ná die aanvanklike waarneming is die einste walvis naby Zanzibar in die Indiese Oseaan…

1 Watter rivier vorm ’n groot deel van die grens tussen Suid-Afrika en Namibië? 2 Watter satelliet se suksesvolle lansering in 1957 het die ruimtewedloop tussen Rusland en Amerika in rat gesit? 3 Watter sangeres was bekend as die “queen of soul”? 4 Watter orgaan filtreer afvalstowwe uit die bloed? 5 Wat is die hoogste hof in Suid-Afrika? Antwoorde 1 Oranjerivier  2 Sputnik 3 ArethaFranklin 4 Niere 5 Die Konstitusionele Hof BRONNE FULFYLD.COM, MSC.COM, SHIP-TECHNOLOGY.COM, UALBERTA.CA, NPR.ORG, THECONVERSATION.COM, THEGUARDIAN.COM, BRITANNICA.COM, DELOITTE.COM, LIVESCIENCE.COM, CNN, BBC, DOGONEWS.COM, SMITHSONIANMAG.COM, HISTORY.COM, YOUTUBE…

OM HUIS toe te kom en by haar geliefdes te wees is altyd vir haar ’n groot geskenk. Dis nie asof sy elke week die tog tussen Amerika en Suid-Afrika kan aanpak nie, en haar hart trek soms swaar aan die verlange. Maar dié keer is Demi-Leigh Tebow se besoek aan haar geboorteland en naaste mense selfs spesialer as altyd – en dit het alles te doen met daardie bababoepie wat sy so graag in foto’s wys. Die oud-Mej. Heelal en haar man, die Amerikaansevoetbalspeler Tim Tebow, sê dit is vir hulle spesiaal om hier te kuier en haar swangerskap en opwinding met haar geliefdes te deel. “Om die voorreg te hê om huis toe te kom is so ’n seëning!” sê Demi-Leigh. “Ek weet ek is bevooroordeeld, maar Kaapstad…

DRIE dekades lank was DEBORRA- LEE FURNESS die een helfte van’ nHollywood-kragpaar. Nou moet die 69-jarige stadigaan haar lewe op haar eentjie herbou, terwyl haar eksman, HUGH JACKMAN (56), baai in sy nuwe verhouding met Sutton Foster (49). Die egpaar het die wêreld geskok toe hulle in 2023 aankondig hulle skei ná ’n huwelik van 27 jaar. Skokkender nog was die gerugte dat hulle uitmekaar is oor Hugh en Sutton se affair begin het toe hulle aan The Music Man gewerk het. Volgens bronne was dit vir Deborra moeilik om foto’s in die media te sien waar Hugh en Sutton hulle verhouding openbaar maak, maar sy is bly dis eindelik in die ope. “Sy het haar intuïsie vertrou en haar intuïsie was reg. Sy voel eindelik op haar gemak nadat…

TOETS JOU KENNIS 1 In watter jaar het die Suid-Afrikaanse skrywer J.M. Coetzee die Nobelprys vir letterkunde gewen? 2 Meryl Streep hou die rekord vir die aktrise met die meeste Oscar-benoemings. Hoeveel keer is sy benoem? 3 Vir watter span speel die Proteakolwer Tristan Stubbs in die SA20-reeks? 4 Van watter land is Astana die hoofstad? 5 Albert Einstein het later in sy lewe burgerskap van Switserland en die VSA gekry. In watter land is hy gebore? ANTWOORDE 1. 2003 2. 21 3. Sunrisers Eastern Cape 4. Kazakstan 5. Duitsland…

VOL afwagting staan die kinders mooi netjies in ’n ry agter die wit kalkstreep. Ouers en maats leun vorentoe om beter te kan sien. Dan klap die skoot en die sterre van die toekoms word luidkeels aangemoedig. Dis ’n toneel wat die afgelope weke landwyd afgespeel het, want die begin van die nuwe skooljaar is huisatletiektyd. Tog is vandag se wedloop hier by die Laerskool Florida soos geen ander nie. Alle oë is op die witkopseuntjie wat met ’n stewige voorgee op sy maatjies weggespring het. Met sterk armbewegings beur die agtjarige Nicklaas van Heerden vorentoe en gebruik dan sy momentum om sy onderlyf vorentoe te swaai. En dan weer vorentoe met sy arms. Want hy het net een been en hardloop met krukke. Die ander kinders haal hom gou…

SALM VOL BRANDENDE PASSIE BEREIDING EN GAARMAAK: 35 MIN. /GENOEG VIR 2 MENSE ◗ 2 x 170 g-salmfilette, met die vel aan◗ 30 ml (2 e) botter◗ 7,5 ml (1½ t) brandsous soos Tabasco of Frank’s◗ 7,5 ml (1½ t) sriracha◗ 10 ml (2 t) heuning◗ 2,5 ml (½ t) sojaof tamarisous◗ sout, na smaak VIR VOORSIT ◗ fyngekapte grasuie 1 Laat staan die salm sowat 20 min. buite om kamertemperatuur te bereik. 2 Smelt die botter in ’n klein kastrol. Voeg die brandsous, sriracha, heuning en soja-of tamarisous by en meng deur. Proe en voeg nog brandsous by, indien verkies. Skink die helfte van die sous in ’n klein bakkie. 3 Verhit die oond tot 200 °C. 4 Voer ’n bakplaat met aluminiumfoelie uit en smeer dit liggies met…

1 KARAKTER Jou kredietrekord wys of jy skuld soos selfoonkontrakte of huislenings getrou betaal. Is jou kredietgeskiedenis goed, word jy as verantwoordelik beskou en kan jy gunstiger leningsvoorwaardes en ’n laer rentekoers kry. ’n Swak kredietgeskiedenis kan jou aansoek laat misluk. Doen dít: ◗ Kyk vir foute op jou kredietrekord: Jy kan jaarliks een gratis rekord verkry van kredietburo’s soos Experian en Trans Union. Is daar foute? Teken ’n dispuut aan om dit te laat regstel. Jy kan met kwitansies of ’n bankstaat wys die skuld is wel betaal. Onthou, verskillende buro’s kan verskillende inligting hê. ◗ Bly by met betalings: As jy agterstallig raak, moenie nuwe skuld maak nie en vra die kredietverskaffer se raad om jou uitstaande skuld te delg. ◗ Bou jou kredietrekord: As jy nie ’n…

BRIDGERTON NETFLIX, 16+ Almal lyk dalk preuts in hulle korsette, maar soms spat die knope. Met LUKE NEWTON en NICOLA COUGHLAN. A LEAGUE OF THEIR OWN AMAZON PRIME, 16+ Hormone loop hoog in hierdie reeks oor vroue in ’n sagtebalspan. Met D’ARCY CARDEN. ELITE NETFLIX, 16+ ’n Spaanse Gossip Girl met seks? Ja, ’seblief! Met OMAR AYUSO en MINA EL HAMMANI. OBSESSION NETFLIX, 18+ Vier episodes oor ’n man (RICHARD ARMITAGE) en sy seun se meisie (CHARLIE MURPHY). FLEABAG AMAZON PRIME, 16+ Nie vir almal nie, maar as jy die eerste episode deursit, kyk voort. Met PHOE-BE WALLER-BRIDGE. EUPHORIA SHOWMAX, 18+ Niks in hierdie reeks is taboe nie. En die jong ZENDAYA lewer ’n kragtoer.…

DIEPLIGGENDE PROBLEEM Waarom moes die psigiater na die bodem van die see duik? Want sy kliënt was ’n senuweewrak. Johanna Rademeyer VERSIGTIG DAPPER Die sersant neem die senuagtige rekruut na sy wagpos toe. “As iets beweeg, dan skiet jy,” beveel hy. Rekruut: “En as iets skiet, dan beweeg ék!” Johan H, Gonubie DIE GROOTMENSLEWE Ek hardloop nooit weg van my probleme af nie. Ek hanteer dit soos enige ander volwassene: Ek sit op my bank, speel met my foon en hoop dit verdwyn. Emmie, Mosselbaai KANTOORPRAATJIES ’n Werknemer sê aan sy kollega: “Het jy vir Bettie vertel ek is ’n heks?” “Nee. Ek weet glad nie hoe sy dit uitgevind het nie.” Louise Noeth OORSAAK EN GEVOLG Wat is die verskil tussen ’n vrou en ’n bottel brandewyn? Niks. Albei…

Petro, die sagte mens Buite in die strate, bars jakarandas uit hul nate, sing Jak de Priester in die temaliedjie van Binnelanders. Dis asof jakarandas dié aktrise al haar hele lewe lank volg, want sy het in die Jakarandastad grootgeword. En nou’s sy die nuutste karakter in Binnelanders. Izette speel Petro, ’n jong verpleegster wat ’n positiewe impak op die wêreld wil maak. Maar toe word haar ma siek en sy kon nie die behandeling bekostig nie. Petro moes ’n sindikaat nader vir die geld. Nou dwing hulle haar om hulle vuilwerk te doen om haar skuld af te betaal. “Petro is ’n sagte persoon wat nie noodwendig die regte keuses maak nie, maar dit maak haar mens,” sê Izette. Petro en Izette Sy’s mal oor die komplekse lae wat…

MOET eerder nie grappies maak oor vriendskappe wanneer jy ’n Hollywood-ster is nie. Die aktrise REESE WITHER- SPOON het onlangs in ’n onderhoud gesê sy het jare gelede ’n vriendin verloor nadat sy op ’n seremonie waar die vriendin vereer sou word, met haar die gek geskeer het. Volgens Reese (48) het sy in daardie stadium kort tevore vriende geraak met ’n “ernstige, baie ordentlike” Britse aktrise, wie se naam sy nie noem nie. Dié het haar gevra om ’n prys op ’n prysaand aan haar te oorhandig. “Ek was nog nooit by daardie seremonie nie, so ek het gedink dis soos een van daai grappige slegsê-sessies op TV. “Dit was elegant en ek het losgetrek met: ‘Onthou jy toe ons saam ons hare met lasers laat verwyder het?’ ”…

MET daardie ryk fluweelstem sing hy uit volle bors: On the boats and on the planes They’re coming to America They’re coming to America today! Sy trefferliedjie “America” is sy huldeblyk aan sy Joodse grootouers wat van Pole en Rusland na die Nuwe Wêreld gereis het, sou hy later vertel. “Dis my geskenk aan hulle en dis baie werklik vir my. Dit spreek tot die immigrant in almal van ons.” Soos so baie kinders uit immigrantefamilies het Neil Leslie Diamond, gebore 24 Januarie 1941, armoedig grootgeword in die Joodse gemeenskap van Brooklyn. Binne sig van Lady Liberty, haar fakkel van hoop omhoog gelig, wat sy grootouers in New York se hawe verwelkom het. Op skool was hy in die koor saam met nog ’n toekomstige superster, Barbra Streisand. “Maar ons…

Wanneer en waar was jy op jou gelukkigste? In 2000, kort nadat ek aangewys is as die aanbieder van Voorblad en ek die stasiebestuurder van Tuks FM was. Wat is die ding wat jy die meeste in mense bewonder? Eerlikheid. Wie sou jy die graagste vir ete wou nooi en wat sou jy vir ete maak? Genl. Jan Smuts. Beslis iets 100% plantgebaseerd. Wat kan jy nie verduur nie? Luiheid. Wat is jou diepste put van ellende? As ek myself teleurstel. Wie is of was die liefde van jou lewe? Grondboontjiebotter! Wie of wat sou jy in jou volgende lewe wou wees? ’n Wêreldreisiger. Wat is jou gunstelingwoord in Afrikaans? Geur. Wat is jou gunstelinggesegde in Afrikaans? Wie nie waag nie, wen nie. Wie sal jou speel in die fliek oor…

PRETTIG PRAGTIG Maak soos Tay Tay en Travis Kelce en kies klere met prettige patrone om ’n klassieke voorkoms op te vrolik. PASMAATS Dra verskillende skakerings van dieselfde kleur om sonder moeite by mekaar te pas, soos Zendaya en Tom Holland. VROLIKE VRYERY Dra soos Brooklyn Beckham en Nicola Peltz ’n helder kleur wat uitstaan. DRAMATIES IN SWART Soos Zoë Saldaña en Marco Perego kan jy nie verkeerd gaan met klassieke swart nie. KRY DIT HIER BASH.CO.ZA; DUNNS 0860-007-350; EXACT 0860-834-834; FOSCHINI 021-938-7560; H&M 0860-690-707; JET 021-418-8175; LOVISAJEWELLERY.CO.ZA; MR PRICE 031-310-8000; PANDORASHOP.CO.ZA; POETRY 0860-333-329; SHOE CITY 0860-900-400; SUPERBALIST.CO.ZA; THE FIX 021-938-7096; TRU-WORTHS 021-460-2300; WOOLWORTHS 0860-022-002; YDE 021-460-2526; ZARA 021-408-7600 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. V Tannie, ek het net een vraag: word ’n mens deur jou eie ma afgeskeep? As daar iets in die huis gebeur, kies sy altyd kant teen my. Daar is ’n nuwe man in haar lewe. Hy is die een wie se kant sy altyd kies. Haar verhouding met dié man dryf nou ons verhouding in die afgrond in. Ek weet nie watter kant toe nie. A Ek is jammer oor die…

HEMEL EN AARDE EN ONS DEUR ZIRK VAN DEN BERG Queillerie, R255* Zirk van den Berg, die skrywer wat al dekades in Nieu-Seeland woon, werk met Afrikaans soos min hom kan nadoen. So kom sy jongste boek se mooi titel uit ’n gesprek tussen die hoofkarakter en ’n polisieman. Ek vra hom hoekom hy juis hierop besluit het. “Baiekeer is daar frases wat jy so in die verloop van die teks skryf en dan besef jy later dat dit ’n lekker titel kan maak. Teen die tyd dat ’n boek klaar is, kan daar ’n paar stewige opsies wees. Hierdie frase het vir my uitgestaan. Dit suggereer iets van die mens se nietigheid te midde van die grootsheid om ons. Dit het gevoel of dit by die boek pas. Hemel…

OP DIE dorp waar ek tot onlangs toe gewoon het, was daar ’n OUTLANDER-tas. Die eienaar het die hele reeks van Diana Gabaldon se boeke ingepas in ’n bruin skooltassie, van daardie met die knippie en die versterkte hoeke. Jy vra dan die tassie aan, en wanneer jy klaar is daarmee, bring jy dit terug met ’n blok sjokolade – daar was net mooi plek vir een dikke. Daardie tassie het ook by my kom draai. Dit was weke waarin ek totaal verdwyn het uit my eie lewe. Die boeke was in die kar soos wat ek die kinders buitemuurs toe neem, dit was langs my bed, en dit was selfs by die werk vir daardie los middaguur. Die boeke is natuurlik nogal wilder as die TV-reeks. Daar is min…

Waar kom jou liefde vir musiek vandaan? Dit kom al ’n lang pad. As kind kon ek musiek verstaan voor ek woorde en loop verstaan het. My huistaal is Duits, en dis die norm vir kinders in Duitse skole om verplig te word om instrumente soos trompet en blokfluit te speel. Terwyl ander mense na die 1990’s se treffers geluister het, het ek altyd na klassieke en koormusiek geluister. Ek het ook al van tien jaar af in kore gesing, en ek bespeel nege instrumente, waarvan my hoofinstrument klavier is. Wou jy altyd ’n liedjieskrywer word? Dis eintlik iets wat ek nooit gedink het ’n loopbaan vir my sou wees nie. Ek het my eerste liedjie geskryf toe ek agt was. Maar my fokus was vir ’n lang tyd om…

GROOT BLOKRAAI NO 2583 KOMPETISIEVRAAG Watter geurmiddel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Landuit deur Zirk van den Berg (Tafelberg, R320). Buiten my LSD (“look, see, decide”) trippie Perth toe, was die trek Nieu-Seeland toe my eerste oorsese reis, en dit nogal met ’n enkelkaartjie. Ons vlieg eers Singapoer toe, en van daar na Auckland. Bernard is ses, Anna is agttien maande. Ek het nie ’n enkele sleutel nie, want ek het niks wat kan sluit nie. Uiteindelik is ons almal in die hotelkamer in Nieu-Seeland – pa en ma, oop tasse en oorstuurde kinders. Donderdag 13…

BAIEKEER dink ons aardbewings is net iets wat in flieks voorkom of ver van ons af gebeur, veral wanneer ons iets daarvan op die nuus sien. Tog gebeur dit eintlik meer gereeld as wat ’n mens dink. Jy het dalk gehoor van die aardbewing wat Desember verlede jaar in die Noord-Kaap plaasgevind het? Miskien het jy dit selfs gevoel? Hierdie aardbewing met ’n sterkte van 5,26 op die Richterskaal (lees later meer hieroor) is 57 km noord van Loeriesfontein gemeet. Daar was ook later ’n tweede aardbewing wat in die diepsee langs die Namibiese en Noord-Kaapse kuslyn voorgekom het. Niemand het dit gevoel nie. WAT IS ’N AARDBEWING? ’n Aardbewing is wanneer die aarde se oppervlak skud en beweeg. Die meeste bronne noem dat hierdie oppervlak uit sewe hoofdele bestaan,…

JY SPEL dit “apt”. Dit beteken “apartment”. En dit verwys na ’n drinkspeletjie. Maar dis eintlik als irrelevant, want dis hoe jy dit síng wat vassteek: “ap-ateu, ap-a-teu!” En as jy dit eers gehoor het, kan jy dit glad nie uit jou kop kry nie. “Apateu, apateu, apateu!” weerklink dit dan. Die liedjie wat soos ’n wurm in jou oor kom inkruip, is die produk van die samewerking tussen die Amerikaanse superster Bruno Mars en Rosé, ’n supergewilde sangeres in die wêreld van K-pop, Koreaanse borrelgommusiek. Teen die tyd dat hierdie artikel geskryf is, is die liedjie se pienk musiekvideo al ’n allemintige 1 miljard keer op YouTube gekyk. Dit het van Rosé, wie se roem voorheen meestal tot die Verre Ooste beperk was, die eerste K-pop-ster gemaak wat ’n…