Innehållsförteckning för 20 February 2025 från Huisgenoot

1 WANNEER DIT STORM & DRANG Deure wat klap, stuipe en woede. Wat maak ouers wanneer tieners oorkook? Die kenners gee raad Ek het my tieners se deure afgehaal. Nou is dit verby en hulle het dit nog nooit weer gedoen nie. Maar dis belangrik om ook ’n hond te hê as jy tieners het, want iemand moet darem bly wees om jou te sien elke dag. ANNA Dissipline en kom munikasie moet van jongs af toegepas word. Dis ’n 18, 19 jaar lange projek. Neem voorregte weg soos TV, speeltyd, sport, fone. Moenie halfpad deur ingee nie. Dis nie maklik nie, maar die belonings is groot. BREGGIE Ek maak ’n pleeg dogter groot en, glo my, dis nie maklik nie. Maar ons slaan nie en ons vloek en skree nie. Ons gee…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. V Ons het laat in ons lewe getrou en is die ouers van twee kinders. Die laaste maande het ons twee mylpale gelyktydig beleef: Aan die einde van Desember het my man afgetree, en pas is ons tweede kind universiteit toe. Wat ’n verandering in ons lewe! Die huis is nou doodstil en ons albei mis die kinders iets vreesliks. Ons was dit te wagte en hanteer dit so goed ons kan.…

JY HET dalk al gehoor van die onderbroke-vas-dieet. Ontdek hoe onderbroke vas jou liggaam se ingeboude vermoë om energie te gebruik kan aktiveer en gewigsverlies bevorder. Met wenke van kenners, leer hoe hierdie benadering nie net help om ’n paar kilogram af te skud nie, maar ook ander gesondheidsvoordele bied. Let op die potensiële risiko’s en wie dalk liewer van hierdie dieetmetode moet wegbly. WAT GEBEUR WANNEER JY VAS? Ons liggaam is eintlik ontwerp om te vas, sê dr. Jason Fung, ’n Kanadese nierspesialis en een van die wêreld se voorste kenners van onderbroke vas. “Ons liggaam is gebou om kos te berg in tye wanneer dit beskikbaar is en om die voedingstowwe in tye van skaarsheid te gebruik. Dis natuurlik.” Wanneer ons eet, neem ons meer energie in as…

VISSE 19 FEBRUARIE – 20 MAART As jy al die bohaai gevolg het oor Mars wat die afgelope paar weke agteruitbeweeg het, het jy dalk gewonder waaroor al die ophef is. Persoonlik het jy dalk gesukkel om jou kreatiewe hartklop te vind, maar dit gaan rondom die 24ste verander. Jou taak dié week is om jou daarop toe te spits om groter struktuur en organisasie na alle aspekte van jou lewe te bring ten einde meer orde te skep om by ’n stewige fondasie te voeg. RAM 21 MRT – 19 APR Uiteindelik, ná wat soos ’n ewigheid gevoel het, hou jou heersende planeet, Mars, op die 24ste op om agteruit te beweeg. Stadig maar seker sal die lewe na normaal terugkeer, maar voor jy jou haas om projekte aan…

KANE BROWN Hy het sterstatus bereik met sy gewilde liedjie “Miles on It” saam met die vervaardiger en DJ Marshmello. Dit het weke lank op Billboard se Hot 100-trefferlys gepronk. Aan die einde van Januarie het hy sy nuutste, vyfde, album, The High Road, uitgereik en dis propvol liedjies wat ernstige kwessies aanroer. Sy naam? Kane Brown. Dié Amerikaanse countrysanger en liedjieskrywer wil ’n impak maak met sy musiek. Sy nuutste duet saam met die rapper Jelly Roll, “Haunted”, het in ’n kort tyd ’n miljoen strome ingeryg en is sterk op pad om een van Kane se gewildste liedjies te word. “Haunted” is ’n liedjie wat die voortdurende stryd met depressie aanraak, ’n kwessie wat Kane persoonlik na aan die hart lê. As ’n jong kind uit ’n gebroke…

OP 53 het sy nog net soveel woema as toe sy in haar vroeë 20’s die musiekbedryf betree het. Met 14 albums agter haar naam en verskeie treffers wat nog by baie aanhangers resoneer, het Jennifer Zamudio onlangs groot partytjie gehou in Pretoria om haar 25 jaar in die bedryf te vier. “Dit was ’n baie spesiale aand wat ek saam met my naastes deurgebring het,” sê Jennifer. “Ek het vyf van my gunstelingliedjies in my loopbaan – ‘Hart se loper’, ‘Hart en siel’, ‘Dalk’, ‘Altyd myne’ en ‘Hartswater’ – gesing. Elk van die liedjies lê my na aan die hart en dis die gewildste liedjies in my arsenaal.” Oor haar suksesvolle loopbaan die afge- lope 25 jaar is daar verskeie hoogtepunte wat vir Jennifer uitstaan. “In 2000 het ek…

GROOT BLOKRAAI NO 2584 KOMPETISIEVRAAG  Watter plant is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN LUX VERBI PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Blomme vir Berdine deur Helena Hugo (Lux Verbi, R250). Dis hoogsomer in die Karoo en die plaasdamme is aan die opdroog. Te midde van mismoedigheid veg ’n begeesterde groepie onder leiding van Berdine en Melanie vir die herstel van die dorp. Die skuiling open amptelik, die kerkskool kort onderwysers en die kinders van Blikkiesdorp moet versorg word. ’n Tragedie tref Melanie en haar gesin, en sy vra Berdine om vir haar mense te sorg. Berdine leer ken ook die veearts Dieter…

REEKS WIN OR LOSE Nou op Disney+ Dié Pixar-reeks volg die verweefde verhale van agt karakters terwyl hulle voorberei op hulle groot sagtebalwedstryd. Die reeks wys hoe dit voel om in die skoene van elke karakter te wees met ’n snaakse, baie emosionele en ’n uniek geanimeerde uitkyk. BOEK LEA GAAN SKOOL TOE – ZULÉKA SMIT Lea gaan vir die eerste keer grootskool toe, en sy’s nie opgewonde daaroor nie. Sy’t nie vriende by die skool nie, en sy voel sy pas nie in nie. Maar sy leer gou dat sy net so spesiaal is soos die res en dat vriendskap op die regte tyd sal kom. Dis ’n uitloper van die gewilde Ben-boeke.…

VAT nou maar vir GUY PEARCE. Kykers was mal oor hom in die Australiese sepie Neigh bours. Nou is hy benoem vir ’n Oscar as beste ondersteunende akteur vir sy rol in The Brutalist. Guy (57) het onlangs verwys na sy tyd op Neighbours en hoe mense destyds dikwels op TV-rolle neergekyk het. Hy het van 1986 tot 1989 Mike Young gespeel – ’n jong man met ’n onstuimige kinderlewe as agtergrond – en meen dit was ’n goeie wegspringplek vir sy loopbaan. “Ek’t ’n jaar ná ek by Neighbours weg is in ’n toneelstuk gespeel, en hierdie snobistiese aktrise het vir my gesê: ‘Hoe kón jy?’ Ek wou haar sommer ’n klap gee!” het hy onlangs in ’n onderhoud gesê. Toe hy die aktrise drie jaar later in ’n…

Waar kom nuwe woorde vandaan? ’n Pappawoord en ’n mammawoord raak partykeer so lief vir mekaar dat hulle . . . Dis nie die slegste beeld nie. Veral in Afrikaans waar ons soveel samestellings maak pleks van nuwe wortelvorme. Ons plak woorde aan mekaar vas. Smaak en maker word smaakmaker. Voilà. Nuwe woord. Maar dis eintlik net twee ou woorde wat ’n voorhuwelikse kontrak geteken het en nou moet kyk of hulle pasmaats is op lang termyn. “Smaakmaker” is nou in sy wittebroodsfase. Dis waar RSG en Netwerk24 ’n ophef oor hulle maak en Huisgenoot foto’s van hulle Europese vakansie agterin die boek sit saam met die ander glansmense. Ons almal hou vir hulle duim vas, maar ons het al so baie kragpaartjies gesien wat by die eerste hekkie…

Wanneer en waar was jy op jou gelukkigste? Ek is nou op my gelukkigste hier in my woonstel in Johannesburg. Wat sou jy anders doen as jy jou lewe kon oorhê? Ek sou weer dieselfde wou wees as wat ek nou is. Ek is nou ’n raakprater. Wat is die ding wat jy die meeste in mense bewonder? Dat mense weet wat sleg is vir hulle, maar dan doen hulle dit nog steeds. Wie sou jy die graagste vir ete wou nooi en wat sou jy vir ete maak? Nee, nee, nee, my probleem is altyd met mense – hulle eet, dan sit hulle te lank. Ek wil hê hulle moet hap en trap. Wat kan jy nie verduur nie? Lang, uitgerekte stories. Wat is jou diepste put van ellende? Hongerte.…

V Ons woon sedert 2015 in Kanada en is baie gelukkig hier. Ek was net twee jaar getroud toe my eerste man oorlede is. Ek het toe daarmee vrede gemaak dat ek ons babaseuntjie alleen sou moes grootmaak. Maar ek het ’n wonderlike man ontmoet met wie ek al elf jaar getroud is. Ons het ook ’n seuntjie van ons eie, en die twee boeties is baie lief vir mekaar. My skoonouers het laat weet hulle gaan kom kuier sodra ons somer oor vier maande begin. Met hulle vorige kuier het dit glad nie goed gegaan nie. My skoonma het Ouboet, die kind uit my vorige huwelik, totaal geïgnoreer en Kleinboet, hulle eie bloedkleinkind, oorlaai met aandag en geskenke. My man is baie naby aan sy ouers, maar was, net…

KORTTERMYNSPAARPLANNE Dis gewoonlik die keuse as jy binne 18 maande die spaarbedrag benodig. Korttermynbeleggings is gewoonlik likied (jy kan dit gou onttrek) en nie riskant nie. Dus sal jy moontlik minder groei op jou geld kry as met langtermynbe-leggings. Maar daar is ook minder risiko van waardeverlies. Wat is van die opsies? ◗ Spaarrekeninge by banke: Hoe groter die spaarbedrag, hoe meer rente verdien jy. Dié rekeninge het selde ’n minimum maandelikse inkomstevereiste. Daar kan wel ’n minimum depositobedrag wees om die rekening oop te hou. Jy kan die geld enige tyd kry. ◗ Stokvelrekeninge: Sekere banke het stokvelrekeninge vir groepe, vriende of kollegas wat saam wil spaar. ◗ Kennisgewing-en vas te deposito’s: Met ’n kennisgewingdeposito-rekening kies jy hoe lank jy jou geld belê en wanneer jy dit wil onttrek. Jy…

REEKS THE NEWSROOM Met die Amerikaanse politiek wat nou weer internasionaal opslae maak, is dit interessant om hierdie reeks te kyk, al speel dit byna 15 jaar gelede af. Dis ’n boeiende kykie na hoe nuuskantore nog in daardie tyd gewerk en floreer het. Die reeks speel af by die fiktiewe uitsaaier Atlantis Cable News (ACN) en spesifiek hulle nuusgleuf wat berig oor plaaslike en wêreldgebeure. Wat die reeks so treffend maak, is dat jy kan sien hoe mense in ’n nuuskantoor moet saamwerk, hoe vinnig nuus kan ontvou, en wat die gevolge kan wees as dit nie eties of deeglik aangebied word nie. Jeff Daniels is briljant as die hardgebakte nuusanker Will McAvoy wat wil help om Amerika se uitdagings uit te lig en aan te pak. Kyk ook…

1 Wat is die hoogste berg in Afrika? 2 Die sluipmoord op aartshertog Franz Ferdinand was die vonk in die kruitvat vir watter oorlog? 3 Wie het Cry, the Beloved Country geskryf? 4 Watter twee lande omring 5 Wie is Batman se sakemanalter ego? ANTWOORDE 1 Kiliman djaro in Tanzanië 2 Eerste Wêreldoorlog 3 Alan Paton 4 Israel en Jordanië 5 Bruce Wayne BRONNE UCL.AC.UK, REUTERS, BBC, NPR.ORG, BEYONDEPICA.EU, THEGUARDIAN.COM, BRITANNICA.COM, LIVESCIENCE.COM, CNN, DOGONEWS.COM, SMITHSONIANMAG.COM, HISTORY.COM, YOUTUBE…

1 Wat is die naam van Chappell se eerste treffer? Die liedjie wat haar ’n superster gemaak het? A: Hot to Go. B: Pink Pony Club. C: Good Luck, Babe. 2 Chappell het ongelukkig die nuus gehaal toe twee “onbeskofte” joernaliste ’n legenda- 2 riese sanger se onderhoud kortgeknip het omdat hulle eerder ’n onderhoud met Chappell wou doen. Wie was die sanger wat so lelik behandel is? A: Babyface. B: Stevie Wonder. C: Elton John. 3 Haar naam is Kayleigh Rose Amstutz. Sy’t nooit daarvan gehou nie. Toe vat sy ’n nuwe van by ’n familielid. En die “Roan” kom van die familielid se gunstelingliedjie,“Strawberry Roan”. Watter familielid se van is haar verhoognaam? A: Haar niggie. B: Haar oupa. C: Haar ouma. 4 Haar album The Rise and Fall of…

DAAR verskyn sy toe in haar wit rok en stap met die paadjie tot by die kansel. Haar hare, noem hulle dit, is in ’n “1940’s pageboy updo”, en aan haar ore hang fyn diamantjies. Sy lyk beeldskoon, ja, maar álmal hou hulle asem op, want voor dié wit rok en dié lang paadjie na die kansel, weet almal, lê ’n báie lang geskiedenis. Nou gaan jy moet kophou – dis ’n mondvol. Een stormagtige nag soek Binnelan  ders se Tracy (Melinda Viljoen) en Conrad (Hykie Berg) lêplek by mekaar. Hulle verhouding het eintlik lankal skipbreuk gely, die kinkel vergete, maar op dié nag het die passievure vir ’n aand alleen opgevlam. Met die nag van passie eers verby, besef Tracy toe haar hart lê eintlik by Tertius (Reynardt Hugo), en die…

DIS 1942 en die alarms loei terwyl Duitse vliegtuie in die lug bo Londen dreun. In ’n ondergrondse teater, waar die BBC kinderboodskappe vir soldate opneem, vra ’n organiseerder ’n vrywilliger om te sing om almal kalm te hou. Die agtjarige Sally Clark trek los met ’n wiegeliedjie en die BBC-programbestuurder is so beïndruk dat hy dit opneem. “Dis waar alles begin het,” onthou die vrou wat as Petula Clark die wêreld met “Downtown” sou verower. Sy is op 15 November 1932 in Surrey gebore en het as sewejari ge vir die grootmense in die pub begin sing. Maar ná daardie opname met die lugaanval het sy ’n kinderster geword en haar pa het die verhoognaam Petula geskep. In die oorlogsjare het sy honderde kere vir soldate gesing. “Ek was…

TOE Alison Botha onlangs in die hospitaal was om twee breinoperasies te ondergaan, het sy opnuut onverdunde vrees beleef. Sy is die vrou wat Suid-Afrikaners al drie dekades lank met haar moed inspireer nadat sy ’n wrede aanval oorleef en 8 20 FEBRUARIE 2025 huisgenoot.com haarself as motiveringspreker herskep het. Maar nou was die angs van destyds terug. Dit was boonop so erg, sê diegene naby aan haar, dat dit waarskynlik tot haar gesondheidstryd bygedra het. Die rede? Die eerste keer in 30 jaar het Alison geweet die twee mans wat haar destyds so verniel het, loop weer buite die tronk rond. Meteens kon sy nêrens meer veilig voel nie. In Junie 2023 is sy sonder fanfare – sommer per e-pos – deur die owerhede ingelig dat Frans du Toit…

ONTBYT-RANCHEROS met BOEREWORS-‘BANGERS’ GENOEG VIR 4 MENSE / BEREIDING: 15 MIN. / GAARMAAK: 30 MIN. Rancheros is ’n geliefde ontbytkos in Mexiko. Brosgebraaide tortillas neem hier die plek van roosterbrood in en word tradisioneel voorgesit met tamatiesalsa of -smoor en gebakte eiers. Hierdie plaaslike weergawe sit ons voor met sappige boerewors-“bangers”. SMOOR ◗ 15 ml (1 e) olyfolie◗ 1 ui, gekap◗ 2 knoffelhuisies, gekap, of 5 ml (1 t) gekapte knoffel◗ 1-2 brandrissies, gekap (opsioneel)◗ 1 soetrissie, ontpit en in blokkies gesny◗ 2,5 ml (½ t) elk fyn komyn en koljander◗ 1 x 410 g-blik gekapte tamaties◗ 15 ml (1 e) suiker◗ 5 ml (1 t) witwyn-of bruinasyn◗ sout en varsgemaalde peper RANCHEROS ◗ olyfolie, soos nodig◗ 4 middelslagtortillavelle◗ 250-300 g boerewors◗ 4-8 eiers◗ sout, na smaak VIR VOORSIT ◗…

KRY DIT HIER @HOME BASH.COM; CORICRAFT.CO.ZA 087-245-0005; ITALTILE.CO.ZA 010-271-2272; MRPHOME.COM 064-584-1000 (WHATSAPP); BABYLONSTOREN.COM 021-300-3919; WOOLWORTHS.CO.ZA 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

BOEKE DIE FANTASTIESE VERDWYNING VAN CHARLIE PRINS DEUR JACO JACOBS Pan MacMillan, R189* ◗ Ek was nog besig om aan die storie te skryf toe Francois Nolte van Green Planet my vra om ’n storieidee vir kykNET se Storiefilms-projek voor te lê. Toe die voorlegging die groen lig kry, het ek die manuskrip opsygeskuif en die draaiboek geskryf. Die fantastiese verdwyning van Charlie Prins is in 2023 uitgesaai. Eers ná ek die draaiboek geskryf het, het ek die manuskrip vir die boek voltooi. Van my boeke is al voorheen verfilm, maar dit was nogal ’n ongewone ervaring om die boek te voltooi nadat ek die draaiboek geskryf het. Daar is op die ou end heelwat verskille tussen die fliek en die boek. ◗ My dogters, Mia (12) en Emma (10),…

1 SPOTLIGHT 2015 Die ware verhaal van hoe die Boston Globe die skandaal van kindermolestering binne die Katolieke Kerk ontbloot het. Dit het in 2016 twee Oscars gewen en spog met groot name soos Mark Ruffalo en Michael Keaton. 2 ALL THE PRESIDENT’S MEN 1976 Joernaliste van die Washington Post krap detail oop van die Watergate-skandaal, wat tot pres. Richard Nixon se bedanking lei. Dit het vier Oscars in 1977 gewen. Met Robert Redford en Dustin Hoffman. 3 THE POST 2017 ’n Toesmeerdery wat vier VSA-presidente betrek, dwing Amerika se eerste vroulike koerantuitgewer en haar redakteur tot ’n ongekende stryd teen die regering. Met Meryl Streep, Tom Hanks en Sarah Paulson.…

SNUF IN DIE NEUS Die eiendomsagent haal alles uit. “Die huis is wonderlik sentraal geleë. Aan die noordekant is die vismark en aan die suidekant die kunsmisfabriek. Oos is die dorp se vullishoop en wes die varkplaas.” “En wat’s nogal so goed daaraan?” vra die voornemende koper baie skepties. “Jy weet altyd van watter kant die wind waai, natuurlik!” Johanna Rademeyer PRAGMATISME Vir almal wat altyd so na verhoudingsraad soek, hoor my vandag: As jy bo 50 is, trou jy nie meer vir liefde nie, jy trou vir medies. Wollie, Pretoria VAN DIE KANTLYN “My buurman noem sy vrou geel kaart,” sê Sarel vir Gert. “Maar hoekom dan?” “Sy’s so groot, as sy verby die TV loop, mis hy tien minute van die rugbywedstryd.” Wollie, Pretoria SNOB “My nuwe ou…

SYFERSTORIES $545 371 Soveel (R10 miljoen) het ’n superseldsame goue medalje van die Olimpiese Spele in 1904 op ’n veiling in Boston gehaal. Die 1904-byeenkoms was die derde Spele en die eerste een in Amerika. Die stelsel van goue, silwer- en bronsmedaljes is daardie jaar gevestig. Dié kosbare medalje is aan Fred Schule, die Amerikaner wat die 110 m-hekkies gewen het, toegeken. Dis nou die enigste 1904-goue medalje in privaat besit. 2 470 jaar So oud is die Helm van Coțofenești, ’n onvervangbare artefak uit die Roemeense geskiedenis wat in ’n museumrooftog gebuit is. Roemenië het die helm, uit die Daciese beskawing, vir ’n uitstalling aan die Drents Museum in Nederland geleen. Skurke het met plofstof hul weg oopgeskiet tot in die museumgalerye. Die Daciese ryk het die hedendaagse Roemenië…

STER VAN DIE WEEK DÍS HOEKOM Haar naam is ’n verkleinwoord, maar haar impak op die internasionale musiekbedryf is grootskool. Dis byna onmoontlik om haar liedjie “That’s So True” mis te luister. HOEKOM HOU ONS DAARVAN? Op sosiale media word die liedjie gebruik om te wys hoe mense deur die hartseer en pyn glimlag en aangaan, want dis hoe die lewe soms is. Dis wat die liedjie so lekker maak. En die lekker ritme en refrein: ’n bonus. DIE BETEKENIS Die liedjie se inspirasie kom van ’n meme wat sy en haar vriende rondgestuur het. Nadat ’n joernalis die basketbalspeler LeBron James gekritiseer het oor sy “negatiewe kommentaar” oor Amerika se president, het hy ’n foto gelaai waar hy lê en glimlag met die woorde daarby: Smiling through it all,…

‘EK HET nooit ophou leer nie. Inteendeel, ek leer elke dag nog iets nuuts. Kennis is mag. Niemand kan dit van jou af wegneem nie. Ek’s 91 en ek’t nog nooit ’n dag in my lewe af gevat nie. Selfs nou is ek elke dag by die werk. Ek klok seweuur die oggend in en gaan vieruur die middag huis toe. Deesdae werk ek vir ons familiebesigheid, Zinplex. Ons maak hoofsaaklik vitamienaanvullings en strope vir kinders. Ek werk in die pakkamer waar ek al die bestellings behartig. Dis vir my baie lekker. Ek glo mens moet heeltyd besig bly. Daar moet ’n doel wees. As mens net op die stoep sit, gaan jy baie vinnig oud word. Jy gaan begin dink jy’t kwale en siektes wat nie regtig daar is…