Innehållsförteckning för 6 March 2025 från Huisgenoot

1 ‘MY SKOENE PAS NOU WEER!’ Nadat Anita Lloyd van Real Housewives nie haar voete in haar skoene kon kry nie, het sy 20 kg afgeskud, en middels soos Ozempic is weer onder die loep Sou graag wou sien hoe volhoubaar en maklik is dit sonder middels soos Ozempic. En ek’s ook nuuskierig oor die gesondheidsgevare wat Ozempic inhou, of nie, vir al die mense wat dit deesdae so baie gebruik. NOLENE Ek het ook 24 kg so verloor. Dit het my fibromialgie weggevat, asook die pyn in my hande. Dit het my hele lewe verander. Ek’s al ’n jaar daarsonder (inspuitings) en het nog nie weer gewig aangesit nie. Ek’s gesonder as ooit. SUZE Jy lyk stunning, Anita Lloyd. Volg jou nie meer baie in Suid-Afrika nie, want ons kry…

DIE lewe kan ’n mens soms met ’n hartseer slaan wat so pynlik is dat jy dink jy sal nooit weer geluk beleef nie. En tog kan hoop ’n mens weer verras. Hier sit die twee knus langs mekaar op die bank. Soos twee jong verliefdes kan hulle nie hulle oë van mekaar af hou nie. Ryno Mulder (38) sit met sy hand op sy nuwe liefde se been terwyl sy uitbundig lag vir sy kwinkslae en haar hare agteroor gooi. Die vrou aan sy sy is die vliegtuigtegnikus Sumandi Janse van Rensburg (33). Hulle ken seerkry. Ryno het ’n kind aan die dood afgestaan. Sumandi se verloofde is vermoor. En tog het hulle nie opgegee op die lewe nie, en uiteindelik het hulle in mekaar weer hoop gevind. Ryno,…

DIS onmiskenbaar hý. Daardie ligte krulhare wat lyk asof ’n seebries met souterige vingers daardeur gevryf het. Dieselfde ondeunde blou oë en skewe glimlag wat vroulike aanhangers in die paviljoene se harte vinniger laat klop het. Die legendariese Dok Craven het hom as een van ons beste Springbokke ooit bestempel. Altyd selfversekerd onder druk. Blitsig op die aanval, met daai systap wat teenstanders na lug laat gryp het. En plettervatte wat jou laat hik het. Met sy 70ste verjaardag net weke weg is Rob Louw se rugbydae natuurlik lankal verby. Maar jy kom gou agter hy lewe steeds soos hy gespeel het – volstoom en vreesloos. Komkommerkoel te midde van erge terugslae. Soos daardie dag 16 jaar gelede toe sy spesialis in Durbanville, dr. Etienne Swanepoel, hom meedeel die kanker…

Die Amerikaanse groep CIGA-RETTES AFTER SEX tree tans die eerste keer in Suid-Afrika op as deel van hulle X’s World Tour. Aanhangers kan op 4 en 5 Maart in die GrandWest Arena in Kaapstad en op 7 Maart in die SunBet Arena in Pretoria na hulle gaan kyk. Die groep is bekend vir hulle droomagtige klanke en die hoofsanger, Greg Gonzalez, se androgiene stem. Hy het die groep in 2008 gestig, maar niks het gebeur tot in 2015 toe hulle liedjie “Nothing’s Gonna Hurt You Baby” skielik op die internet versprei is nie. Die drie lede se volgende liedjie, 2017 se “Apocalypse”, is meer as ’n miljard keer op Spotify gestroom en het hulle beroemd gemaak. Hulle het drie ateljeealbums uitgereik. Die laaste een was in 2024, getiteld X’s. ››…

GROOT BLOKRAAI NO 2586 KOMPETISIEVRAAG Watter Bybelboek is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Hemel en aarde en ons deur Zirk van den Berg (Queillerie, R300). Kolmanskop se inwoners is in die vroeë 1900’s oorhoops toe Hans-Peter Kranz, die mynbaas, ’n dokter aanstel wat ’n vrou is. Dokter Alexandra Stackelberg kom om die x-straalmasjien by die diamantmyn te bedryf – nie bloot om mediese redes nie, maar ook om diamantdiewe vas te trek. Haar werk raak ’n morele dilemma en twee mans ding mee om haar aandag, terwyl oorlogswolke op die horison saampak . . . Soos…

‘DAAR bo, regs van die orrel. Daar’t ons gesin gesit. Ek en my Darryl en ons ses kinders. Die ses van hulle nes orrelpypies. Ek het die kinders as babas sommer in carrycots op die grond laat lê. En nou’s dit 55 jaar later. ’n Oogwink. Eendag moes ek vir ’n bruid begeleiding speel, en ons tweelingseuns, toe maar amper drie jaar oud, het by die leer opgeklim na die kerkklok toe. My senuwees was gedaan. So in die speel van die orrel bid ek net, Here, asseblief moet net nie dat hulle val nie. Ek was 13 jaar oud toe ek orrel begin speel het vir kerke. Alle kerke. Die dominee het my kom optel by die skool in Frankfort en dan speel ek ’n begrafnisdiens en daarna laai…

Weet jy wat ’n subredakteur is? Baie mense dink dis die adjunkredakteur – die tweede-in-bevel. Dit kan nie verder van die waarheid af wees nie. Die subredakteur is die laaste-in-bevel, ná die tannie wat koffie aandra vir die baas. Die subredakteur is ook geneig om te oordryf. ’n Subredakteur, of kortweg “sub”, is iemand wat geskrewe materiaal nagaan en versorg. Hulle werk daaraan om die leesbaarheid te verbeter, onnodige woorde te verwyder en die storie te herstruktureer. Hulle skryf opskrifte, prikkels (die kort paragrawe wat stories aan jou bekendstel), onderskrifte en heelwat versoeke vir oortydbetaling. Hulle speel met woorde, soek die krakies in die teks waar die lig kan deurskyn en los vingerafdrukke in andersins strakke sinne sodat jy kan sien ’n regte mens met ’n siel het vir jou…

Wanneer en waar was jy op jou gelukkigste? Ek’s gelukkig waar ek nou is in my lewe. Dankbaar vir my liefste man, Tony, dankbaar vir werk, dankbaar vir musiek en stories vertel. Tydens die pandemie het ek besef hoe maklik ons alles as vanselfsprekend aanvaar. Ek leef voluit en in dankbaarheid. Wat sou jy anders doen as jy jou lewe kon oorhê? Ek sou nie my wenkbroue in st. 8 gepluk het nie! Die goed het nooit weer behoorlik uitgegroei nie. Wat is die ding wat jy die meeste in mense bewonder? Opregtheid, eerlikheid, lojaliteit en ’n lekker sin vir humor. Wat kan jy nie verduur nie? Onverdraagsaamheid. Wat is jou diepste put van ellende? Oorloë en haat. Wat is jou gunstelingwoord in Afrikaans? Piekfyn! Wat is jou gunstelinggesegde in…

‘DIE STORIE VAN DIÉ IMAM MET SY BOODSKAP VAN LIEFDE MOET OORVERTEL WORD’ AS MENS nou daaraan terugdink, klink dit byna profeties. Net ’n maand voor sy dood het hy op sosiale media ’n video gelaai waarin hy in Arabies sing: Jy sal my nooit vergeet nie. Muhsin Hendricks het nou wel nie na homself verwys nie, hy het die woorde gesing oor die God aan wie hy sy lewe gewy het. Maar tog lyk dit asof Muhsin se naam, sy woorde en sy waagmoed wêreldwyd onthou sal word. Dié 58-jarige Moslemleier het nuus gemaak as die wêreld se eerste openlik gay imam, ’n titel wat lof uit baie oorde en wrewel uit ander ontlok het. Maar nou het hy om ’n tragiese rede weer die nuus gehaal: Aanvallers…

KRY DIT HIER @HOMEBY BASH.COM; BABYLONSTOREN SHOP.BABYLONSTOREN.COM, 021-300-3919; CHECKERS.CO.ZA 0800-010-709; LECREUSET.CO.ZA, ONLINE.ZA@LECREUSET.COM; MRPHOME.COM 064-584-1000 (WHATSAPP); NIFTYGIFTS.CO.ZA, HELP@NIFTYGIFTS.CO.ZA; THATBLOKE.CO.ZA; WOOLWORTHS.CO.ZA 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DIE impak van demensie is skrikwekkend. Die geheueverlies, kognitiewe agteruitgang en gedragsveranderinge wat daarmee gepaardgaan, is nie net uitdagend vir mense wat dit ontwikkel nie, maar ook hul geliefdes. As daar dus enigiets is wat jy kan doen om jou risiko vir hierdie neurologiese toestand te verminder, behoort jy dit te doen. Nuwe navorsing wat aan die Universiteit van Cork gedoen is, wys jou middeljare is die beste tyd vir ingryping wanneer dit by demensie kom. Dit beklemtoon ook hoe hierdie “voorheen onderbestudeerde lewensfase” deurslaggewend is om jou toekomstige kognitiewe gesondheid te voorspel. Oor waarom hierdie lewensfase so belangrik is, word nog bespiegel, sê Sebastian Allard, een van die medeskrywers van die artikel waarin die navorsing beskryf word. Volgens prof. Naji Tabet, direk teur van die Sentrum vir Demensiestudies by…

VISSE 19 FEBRUARIE – 20 MAART Dit kan dalk ’n moeilike week wees, maar wat jy ook al moet trotseer, doen dit met moed en ’n oop gemoed. Saturnus span kragte saam met die son wat tans in jou teken is, wat daarop dui dat jy alles meer intens sal voel. Maak die begrippe verantwoordelikheid, struktuur, volwassenheid en toewyding deel van jou woordeskat en begin daardie woorde uitleef. RAM 21 MRT – 19 APR Jy het hierdie week meer energie as waaraan jy die laaste ruk gewoond geraak het. Ook maar goed so, aangesien belangrike besluite op jou wag, veral teen die 12de, wanneer die son en Saturnus, jou loopbaanplaneet, byeenkom. Dis nou die tyd om skouer aan die wiel te sit, op te tree en te wys jy het…

HAAR troetelnaam vir haar aanhangers is “little monsters”, en vir hulle staan sy bekend as “Mother Monster” – iets wat destyds in 2009 momentum gekry het met haar Monster Ball Tour. En nou basuin haar aanhangers dit uit op sosiale media: “Mother is back!” Want Lady Gaga se nuutste album, Mayhem, word op 7 Maart uitgereik, en die liedjies daarop wat reeds te hoor is, doen baie goed op die trefferlyste. Die mees onlangse uitreiking, “Abracadabra”, keer terug na Gaga se popwortels – iets wat ’n bietjie vervaag het in onlangse samewerkings met kunstenaars soos Tony Bennett en Bruno Mars, saam met wie sy onlangs ’n Grammy gewen het vir die treffer “Die with a Smile”. Sy sê die terugkeer na popmusiek is te danke aan haar verloofde, Michael Polansky.…

DAAR is geen rede om dit te ontken nie: Sy is indrukwekkend. En op die jong ouderdom van 26 is die Amerikaanse rapper DOECHII slegs die derde vroulike rapper naas Lauryn Hill en Cardi B wat met ’n Grammy vir beste rap-album weggestap het. Dit was in Februarie vanjaar. Die boorling van Tampa, Florida, wat graag na haarself verwys as die “swamp princess”, was skoon in trane toe sy haar prys ontvang het vir haar derde album, Alligator Bites Never Heal. “Ek het my hart en my siel in die album gesit,” sê Doechii. “Ek het my lewe blootgelê. Ek het drank opgegee en God het vir my gesê ek sal daarvoor beloon word en Hy sal my wys hoe my lewe sal floreer. En hier is ek nou.” Die…

1 Wat noem ’n mens dennebome se blaarstrukture? 2 Watter een van die oorspronklike sewe wonders van die antieke wêreld staan vandag nog in Egipte? 3 Wat is die naam van die toweryskool in die Harry Potter-reeks? 4 Wat is die vyfde planeet van die son af? 5 Wie het penisillien, die eerste ware antibiotika, ontdek? ANTWOORDE 1 Naalde 2 Die meer as 4 000 jaar oue Groot Piramide van Giza is die enigste van dié groot wonders wat nog bestaan. 3 Hogwarts 4 Jupiter, ook verreweg die grootste planeet in ons sonnestelsel 5 Alexander Fleming, ’n Skotse mediese dokter en mikrobioloog BRONNE: YALEDAILYNEWS.COM, BBC, IBE.UPF-CSIC.ES, NPR.ORG, THEGUARDIAN.COM, BRITANNICA.COM, NEWSCIENTIST.COM, CNN, DOGONEWS.COM, SMITHSONIANMAG.COM, BOOMSUPERSONIC.COM, YOUTUBE…

OP PAD huis toe ná werk groet die oggendstrale van ’n nuwe dag haar. By die voordeur staan haar jongste reg om skool toe te gaan. Toe sy terugkom van die aflaairit skool toe, skink sy haar tweede koppie koffie. Dan skop sy haar skoene uit, maak haar tuis op die rusbank in die sitkamer en sit die televisie aan om haar daaglikse sepie te kyk. Erica Lötter se daaglikse roetine is heel verkeerdom, maar mense betaal haar om snags te werk sodat hulle kan rus kry. Wel, soortvan. Sy is ’n slaapkonsultant, en al beteken dit háár nagte word gereeld onderbreek, bring sy saam met haar die een ding waarna alle ouers met babas smag: slaap. Vyf dae van die week bring Erica (56) haar nagte in ander mense…

‘AS JY DIEP LIEFGEHAD HET, DAN ROU JY DIEP’ EEN Donderdagoggend nie te lank gelede nie het Irma de Klerk in haar bed wakker geword en nie kans gesien om op te staan nie. Ook nie om die telefoon te antwoord of met enigiemand te praat nie. “Ek het net daar gelê en rou,” onthou sy. Hoe is dit dan dat Irma van alle mense haarself in so ’n toestand bevind? Sy’s dan Huisgenoot se troostante, die een met al die antwoorde, wat week ná week raad gee aan afvlerkmense wat weer wil leer sweef, wat mense aanmoedig om moedeloosheid te oorkom en elke dag aan te gryp. Maar Irma is nie verhewe bo die dinge wat almal soms ervaar nie. Sy’s ook maar net mens. En daardie dag, 7…

’NMENS herken hom skaars. Iewers in jou agterkop onthou jy die skoongesigseun met die lang, bruin kuif wat op 13 die popwêreld stormgeloop het. Die een wie se stem skaars gebreek het, maar wat tienermeisies se hormone laat kook het. In sy plek sien jy ’n man wat lewensmoeg lyk, ouer as sy 30 jaar, met ’n inge-valle gesig en ’n leë uitdrukking in sy oë. Dis amper asof ’n mens al vooraf kan voorspel: Elke keer wanneer Justin Bieber sy gesig in die openbaar wys, gaan hy erger as die vorige keer lyk, sy wange meer hol, sy stoppelbaard slordiger, sy uitdrukking meer weemoedig. Op sy Instagram sal jy vergeefs gaan soek na kaalbolyffoto’s uit die dae toe hy en sy sespak nog Calvin Klein-onderbroeke geadverteer het. Die Beliebers,…

IS DAAR ’n nagmerrie erger as wanneer jy weer in die skoolbanke sit, onvoorbereid vir ’n wiskundevraestel? Nou is daar ’n fliek daaroor. Som van twee, geskryf deur Simoné Pretorius, ondersoek die komiese sy van dié petalje op die grootskerm. In die fliek bieg Henk, gespeel deur Louw Venter, by sy vrou se begrafnis dat hy jare gelede die matriekwiskundevraestel aan die hele Barberton gelek het. Die duur prys vir sy eerlikheid? Henk en al sy ou klasmaats moet dié vraestel weer aflê. En net soos in jou koorsdrome verloop dinge in die fliek ook nie vlot nie. “Ons het oor ’n tydperk van drie weke op 30 plekke geskiet, maar die meeste daarvan was in Johannesburg en Pretoria,” sê Simoné. Sy het haar regisseursdebuut met dié fliek gemaak. Anders…

1 ’N HARTSEER VAARWEL VIR ’N LEGENDE Sy was een van die herkenbaarste stemme van die 1970’s, so musiekliefhebbers was hartseer oor die nuus van ROBERTA FLACK se onlangse dood. Die 88-jarige, veral bekend vir liedjies soos “Killing Me Softly with His Song” en “The First Time I Ever Saw Your Face”, het haar vermoë om te sing verloor nadat Lou Gehrig se siekte in 2022 by haar gediagnoseer is. “Sy het in vrede gesterf, omring deur haar familie,” het haar agent gesê. Roberta het in 1973 geskiedenis gemaak deur die eerste kunstenaar te word wat agtereenvolgens Grammys vir opname van die jaar wen. In 2020 is sy met ’n Grammy bekroon vir haar lewenslange bydrae. 2 ALEC BALDWIN NOOI JOU BINNE Maak gereed om ALEC en HILARIA BALDWIN te sien soos…

I’M SO glad we had this time together, just to have a laugh or sing a song. Seems we just get started and before you know it, comes the time we have to say so long. Elf jaar lank het sy die televisiegehoor van The Carol Burnett Show só gegroet ná haar skreeusnaakse komediesketse. Maar Carol se groetliedjie het ook iets van die mens agter die grapmaker verklap. Sy sou altyd haar linkeroog speels trek. Vir haar ouma, wat haar deur moeilike tye grootgemaak het, het sy al gesê. “Om haar te laat weet dit gaan goed, ek is lief vir haar.” Carol Creighton Burnett is op 26 April 1933 in San Antonio, Texas, gebore. Haar ouers, albei alkoholiste, is uitmekaar toe Carol baie jonk was. Ouma Mae het…

DIS haar pelgrimstog vir Piet wat haar terug hierheen gebring het. Al die pad van die vredige dorpie Bad Endorf in Beiere, waar sy die afgelope twee dekades ’n nuwe lewe gebou het. Terug na die Kaap, waar die opspraakwekkende liefdesverhouding tussen ’n jong bruin vrou en ’n voormalige apartheidsminister destyds uitgespeel het. Sy het vir haar Piet kom kuier, sê Marcelle Adams. Om vir hom te sê sy is jammer vir die seer wat hy voor sy dood moes deurmaak. Want op 56 is Marcelle ouer en wyser as die 25-jarige sekretaresse vir wie dr. Piet Koornhof, destyds al 67, sy vrou in 1993 verlaat het. Hulle was twaalf jaar saam voor sy in 2005 ’n vlug Duitsland toe gehaal het saam met haar huidige lewensmaat, Fritz Cherdron. Twee…

MOKKA-MAL PAMPOENKLEUR MATCHA-LUIM GRANAATSTEEN KRY DIT HIER ACKERMANS 0860-900-100; ADIDAS.CO.ZA; BASH.CO.ZA; BASKETLY.CO.ZA; COTTONON.COM; EDGARS.CO.ZA; EXACT 0860-834-834; FOREVERNEW.CO.ZA; H&M 0860-690-707; IDENTITY 021-460-2400; JET 021-418-8175; JOBORKETT.COM; LOVISAJEWELLERY.CO.ZA; PICKNPAYCLOTHING.CO.ZA; POETRY 0860-333-329; PUMA.COM; SUPERBALIST.COM; THE FIX 021-938-7096; TRUWORTHS 021-460-2300; QUEENSPARK.COM; WOOLWORTHS 0860-022-002; ZARA 021-408-7600 ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. MY LOSEERDER-SUS IS EEN TE VEEL V My jonger sussie het by my kom bly terwyl sy haar finale jaar op universiteit voltooi. Ons trek nou by maand een en ek klim al klaar die mure uit. Sy kom en gaan op die eienaardigste ure, en soms is sy eers om middernag tuis. Ek slaap sleg en word elke keer wakker en sukkel om weer daarna aan die slaap te raak. Haar…

1 WAT IS DIE PRIMA UIT-LEENKOERS? Dis wat finansiers soos banke gebruik om te bepaal teen watter rentekoers hulle geld uitleen. Die prima koers is gekoppel aan die repokoers, waarteen banke geld by die Suid-Afrikaanse Reserwebank leen, en kan styg of daal. Tans is die repokoers 7,50% en die prima rentekoers 11%. Jy kan dit altyd nagaan by resbank.co.za. 2 PRIMA PLUS EN PRIMA MINUS ➧ Prima plus beteken die rentekoers op jou lening is hoër as die prima uitleenkoers. As die prima koers byvoorbeeld 11% is en die bank gee jou prima plus 2, betaal jy 13% rente. ➧ Prima minus is wanneer ’n lening se rentekoers laer as die prima koers is. ’n Laerisiko-kliënt kan byvoorbeeld dieselfde lening teen prima minus 1 kry en 10% rente betaal. 3 WAT IS ’N…

IE reeks SLOW HORSES is een van daardie reekse wat jy eintlik net vir jouself wil hou. Jy wil niemand daarvan vertel nie, want wat sê jy nou? Dat Gary Oldman met sy olierige haarslierte die beste ding van die reeks is, maar nie naastenby die enigste goeie ding nie? Dat Kristin Scott Thomas die perfekte teenstelling vorm met haar netjiese kapsel en gevoelvolle oë sonder om enigiets anders as totaal onverbiddelik te wees? Dat die jong Jack Lowden – wat ’n bekroonde verhoogakteur is en met Saoirse Ronan getroud is, nogal – genoeg charisma het om alleen die reeks te kan dra, maar glad nie hoef nie want almal daarin is so sjarmant? Nee, jy kan nie al hierdie dinge sê nie, want dan klink jy soos een wat…

Met meer as 2 miljoen strome op Apple, 50 oorspronklike Afrikaanse liedjies en ’n suksesvolle album, Arende en engele, wat verlede jaar uitgereik is, kan LEN MULLER beslis ’n gewilde sanger in die Afrikaanse musiekmark genoem word. Onlangs het hy weer groot sukses behaal met sy jongste treffer, “Soos ’n engel”, wat soos ’n veldbrand op TikTok versprei het. “Ek stap al ’n lang pad met die liedjie,” sê Len. “Ek het dit vier jaar terug in covid geskryf, en dit was oorspronklik eers ’n gedig wat ek vir my vrou geskryf het en toe later getoonset het. “Die tweede vers is met die hulp van my vriend die sanger Juan Boucher geskryf,” sê hy. “Om meer as 200 000 kyke op TikTok te kry het my heeltemal verbaas, maar…

HEKWAGTERS Vanoggend sit ek ewe trots ’n selfie op Facebook van my wat gaan draf. Toe ek weer sien, is dit verwyder, want dis glo fopnuus! Emmie, Mosselbaai LAASTE HULDEBLYK “Waar kry jy daai yslike diamant?” vra die vrou vir haar vriendin. “By my skoonma. Op haar sterfbed stop sy my toe R30 000 in die hand en vra ek moet tog net ’n mooi steen gaan koop.” Anne, Bloemfontein SIMPTOOM AFWESIG “Hoe gaan dit met daai pyn in jou nek?” vra die dokter vir Koos. “Nee, dis vir eers weg, sy het by haar ma gaan kuier.” Wollie, Pretoria KRY DIT AGTER DIE RUG Ek wens om te oefen was soos om jou belastingopgawe in te dien. Ja, dis nog steeds baie inspanning, maar jy hoef dit net een…

BRITTANJE NAVORSERS: SÓ LAAT NATUUR MENSE BETER VOEL ’n Studie deur die Universiteit van Kent toon natuurlewe kan ons gemoedstoestand aansienlik baat. Hulle het ’n opname onder meer as 10 000 mense gedoen om meer te leer oor hoe die natuur ons emosies beïnvloed. Meer as 90% van respondente se antwoorde het gewys hulle ervaring van ’n verskeidenheid natuurlewe in woude en bosse bevorder beslis hulle geestelike welstand. Volgens die studieverslag is woud-en bosgeluide soos voëlsang (byvoorbeeld blou mese, lysters en vinke s’n), die geritsel van blare onder jou voete en die wind byvoorbeeld goeie doepa. Seisoenale veranderings soos lenteblomme is ook besonder goed vir die gees. JAPAN GROOTSTE SNEEUBALGEVEG GEHOU Uonuma, toe onder 3 m sneeu, het onlangs sy jaarlikse Koide Internasionale Sneeubalgeveg gehou, die grootste sodanige kompetisie in…

DIE verskil tussen ’n wêreldtoer op 31 en een op 71, sê Cyndi Lauper, is vyf uur per dag. Toe sy nog in haar 30’s was, kon haar stem moeiteloos oor vier oktawe strek en mense tot in die agterste ry gaande hê. “Ek was ’n uitstekende sangeres. Dit het nie veel geverg om my aan die sing te kry nie,” sê sy in haar meisiestem. Maar nou in haar 70’s en halfpad deur haar wêreldwye afskeidstoer, moet sy elke dag vyf uur lank stem-en fisieke oefeninge doen. “Net sodat ek kan uitgaan en sing soos ’n vuurspuwende draak.” Cyndi het haar hele lewe daaraan gewy om haar stem te laat hoor. In die vroeë dae wou talentbestuurders haar voorhou as die volgende Debbie Harry, of enige ander reeds beroemde…

ONTHOU jy die lewe voor YouTube? DIY sonder Suzelle, musiek wat jy self moes koop – en ’n totale gebrek aan katvideo’s. Vandag kan jy alles op YouTube kry. Dis ’n video-biblioteek wat groei soos wat die mensdom elke skerfie van die lewe afneem. En dis vanjaar 20 jaar oud. Ter viering kyk ons vandag hoe hy soos ’n bom ontplof het. Uit volle bors ▶ Play All YouTube het begin by Janet Jackson se boob. By die Super Bowl van 2004 was Janet en Justin Timberlake op die verhoog toe Janet en haar bostuk meteens ’n uitval het. Drie rekenaarprogrammeerders, Jawed Karim, Steven Chen en Chad Hurley, was rondom daardie tyd op die uitkyk vir ’n nuwe sakegeleentheid. Dis nadat eBay hulle vorige maatskappy, PayPal, gekoop het. Steve en Chad…

OM MET jou voete op twee vastelande te staan, is net opwindend tot op ’n punt. Op ’n dag word die vlugte tussen Suid-Afrika en Amerika moeisaam en hunker ’n mens na stabiliteit in jou lewe. Vra maar vir Marguerite Harris en haar man, Roy. Toe hulle verlief geraak het, het Marguerite geweet haar hart is eintlik in Suid-Afrika, maar ook dat Roy al jare lank vir hom ’n loopbaan as eiendomsagent en fotograaf in Amerika uitgekerf het. Maar toe kom hulle verlowing einde 2023, hulle troue in die herfs verlede jaar en bietjie vir bietjie begin hulle droom oor meer standvastigheid en ’n nessie van hulle eie. Nou het dit ’n werklikheid geword: Marguerite en Roy het hulleself nou in die Paarl gevestig. “Die heel lekkerste is dat ons…