Innehållsförteckning för 20 March 2025 från Huisgenoot

1 ‘EK WIL VIR MENSE SÊ HULLE IS NIE ALLEEN NIE’ Die Bravo-aanbieder Reynard Slabbert praat oor sy depressie, terapie en medikasie. Hy glo sy nuwe lewe in die Wes-Kaap sal ’n positiewe skof wees Reynard Slabbert, ek weet presies hoe jy voel. Dit is nie ’n maklike pad om te loop nie. Maar onthou net daar is een ding wat jy glad nie is nie, en dit is ’n swakkeling. Jy is ’n baie goeie mens. MARTIE Een van die groot dinge van depressie is jou gebrek aan belangstelling in dinge wat eers lekker was. Jy kan dit nie glo nie. Angs, bekommernis, woede en frustrasie is al wat jy voel. Jy voel magteloos en irrelevant. ADRIAAN Weet net dat jy nie alleen is nie. En dit maak beslis nie van…

ROOIBEER, Spicy Plum en Shrek is hy al gedoop. En as jy al gesien het hoe dié vurige breker sy opponente uit die pad vee, dan weet jy hoekom. Want op sy beste was dié voorrybreker van die Stormers en die Bokke onstuitbaar. Vyftien jaar lank was Steven Kitshoff een van die grootste helde van Suid-Afrikaanse rugby. Figuurlik, maar ook letterlik. In dié fisiek uitmergelende spel moet jy weet wanneer om jou tokse op te hang. En vir Kitsie, soos sy spanmaats hom ook noem, het daardie dag nou aangebreek. “Vir lank het ek gewonder: Moet ek dit nog ’n go gee?” sê hy. Sy vrou het dié innerlike tweestryd dopgehou. “Aimee het my een aand in ’n hoek gekry en vir my gesê sy kan sien ek’t nog hoop.”…

BLINK UIT Soos gesien op SELENA GOMEZ Nes lipglans lewe en lig na jou lippe bring, bied deursigtige, blink naelpolitoer ’n delikate, gesofistikeerde voorkoms. Dis ideaal as jy hou van ’n minimalistiese benadering tot naels, en dit lyk elegant. Deursigtige, blink naels vlei alle naelvorms, van lank en gepunt tot kort en vierkantig. Of jy melkerige wit, sagte pienk of bleek kies, die subtiele styl versterk jou hande se natuurlike skoonheid, wat dit geskik maak vir enige geleentheid. PROBEER DÍT VLOOT TOE Soos gesien op JENNIFER HUDSON Terwyl subtiele babablou perfek is vir somerdae, is vlootblou die ideale keuse as jy iets donkerder wil hê sonder om op swart te moet staatmaak. Dié ryk skakering is gesofistikeerd en die topkleur om vanjaar te dra. Vlootblou se elegansie is gepas vir…

V Hoe gaan ’n mens aan met jou lewe as jou hart steeds na ’n ou liefde hunker? Almal het aanbeweeg en lei hulle lewe, maar die verlange en hunkering na wat kon gewees het, knaag aan jou. ’n Mens maak keuses in jou lewe wat in daardie stadium reg voel, maar niemand weet ooit of dit die regte besluit was nie. Karring jy maar so aan? A Ek gaan jou eerlike raad gee, want twee verhoudings is dalk op die spel. As jy intussen met iemand anders getroud is, het jou eie huwelik aandag nodig. Die man met wie jy getroud is, verdien dit nie om ’n lewensmaat te hê wat nie honderd persent teenwoordig is nie. As jy nie vir hom lief is nie, moet jy met hom…

1 JY VERSTAAN JOU DEKKING VERKEERD Elke polis het bepalings en voorwaardes, en dikwels weet polishouers en hul begunstigdes nie waarvoor hulle kan eis nie. Gestel iemand neem ’n beperktelewensverseke-ring-polis uit wat toevallige dood insluit, maar gevreesde siektes en ongeskiktheid uitsluit. Wanneer hy aan ’n siekte sterf, wil sy vrou eis. Die siekte word egter nie gedek nie en die eis misluk. Sou hy in ’n motorongeluk (toevallige dood) gesterf het, sou dit uitbetaal het. 1Life beveel aan dat jy jou polis noukeurig lees. Jy kan byvoorbeeld gevreesde-siekteversekering hê wat hartaanvalle dek, maar nie angina nie. Tipiese uitsluitings is selfmoorduitsluitings op sterftevoordele, en voordeelspesifieke uitsluitings (jy is byvoorbeeld nie gedek vir eise weens kosmetiese of elektiewe chirurgie nie, tensy dit ontstaan as gevolg van komplikasies van die operasie). Lewensversekeraars sluit ook…

DAAR is min flieks wat die hartsnare so roer soos die 1998-fliek STEPMOM met Julia Roberts en Susan Sarandon. Benewens die hartverskeurende verhaal van ’n ma wat besef sy sal haar kinders moet groet, is dit ook die gesprekke oor wat dit is om ’n ma te wees, en hoe elke vrou eintlik verskillende dinge het om te gee en vrese het wat hulle moet hanteer wat die kern van die verhaal vorm. ’n Ander treffende fliek oor die uitdagings van ma-wees, veral net ná die geboorte van ’n baba, is TULLY, met ons eie Charlize Theron in die hoofrol. Hoewel die kinkel aan die einde van die fliek jou beslis lank sal bybly, is dit ’n realistiese uitbeelding van daardie brose tyd in ’n vrou se lewe en hoe…

AL GEHOOR van mikrokuns of mikroskopiese kuns? Dis kunswerke wat dikwels so klein is dat dit in ’n naald se oog of op ’n speldkop pas. So klein dat jy ’n mikroskoop benodig om hulle te sien of werklik te waardeer. Soms so klein soos ’n bloedsel! Ja, mikrokuns “is ’n ding” – ’n aanvaarde kunsvorm. En David A. Lindon noem homself “die wêreld se grootste mikrokunstenaar”. Daar’s ook ander bekende mikrokunstenaars, maar hy mag dit seker maar sê, want hy’t onder meer onlangs die wêreldrekord vir die kleinste handgemaakte beeldhouwerk verpletter. Die afmetings van sy uitbeelding van ’n Lego-blokkie is ’n ongelooflike 0,02517 mm x 0,02184 mm. “Dis dieselfde grootte as ’n menslike witbloedsel, vier keer so klein soos die vorige rekord deur my vriend Willard Wigan,” sê David,…

1 Watter papegaaispesie inheems aan Afrika en algemeen in Suid-Afrika is bekend vir hul intelligensie en langlewendheid? 2 Uit watter twee materiale bestaan komete hoofsaaklik? 3 Watter gewapende stryd is tussen die Noorde en Suide in die VSA gevoer? 4 Watter wildreservaat in die Oos-Kaap is bekend vir sy groot olifantbevolking? 5 Hoeveel pare chromosome het mense gewoonlik? ANTWOORDE 1 DieAfrika-gryspapegaai (“Africangrey”, Psittacus erithacus) 2 Ys en stof 3 Die Amerikaanse Burgeroorlog 4 Addo-olifant Nasionale Park 5 Gewoonlik 23 pare chromosome, dus 46 in totaal BRONNE: ESO.ORG, DAVIDALINDON.COM, NASA.GOV, BBC, NPR.ORG, THEGUARDIAN.COM, BRITANNICA.COM, NEWSCIENTIST.COM, CNN, DOGONEWS.COM, SMITHSONIANMAG.COM, HISTORY.COM, YOUTUBE, GUINNESSWORLDRECORDS.COM…

‘SPACE, the final frontier. These are the voyages of the Starship Enterprise . . .” Met dié woorde ‘SPACE, begin die bevelvoerder van die ikoniese ruimtetuig elke nuwe Star Trek-avontuur. Altyd kalm en onverstoord, want Moeder Aarde maak staat op kapt. Jean-Luc Picard. Maar die kaalkopakteur wat die hoofrol vertolk, Patrick Stewart, het dikwels nie so in beheer van sy eie lewensreis gevoel nie. Hy is op 13 Julie 1940 in Mirfield, Engeland, gebore. Die klankbaan van sy armoedige grootwordjare was die gille van sy ma terwyl sy aangerand word deur sy pa, ’n oorlogsveteraan met posttraumatiese stressteuring. “Ek en my boetie het soms met ons lywe tussen hulle probeer kom,” het Patrick onlangs vertel. Sy ontvlugting was die dorpsbiblioteek. Sy uitkoms? “Die onderwyser wat my ’n Shakespeare-bundel gegee het.”…

Wanneer en waar was jy op jou gelukkigste? By die geboorte van my seun. Wat sou jy anders doen as jy jou lewe kon oorhê? Niks nie. Wat is die ding wat jy die meeste in mense bewonder? Passie. Wie sou jy die graagste vir ete wou nooi en wat sou jy vir ete maak? Tiger Woods. Steak. Wat kan jy nie verduur nie? Selfsugtigheid. Wie is of was die liefde van jou lewe? My seun. Wie of wat sou jy in jou volgende lewe wou wees? Jislaaik. Ek sal sê ’n voël, om als van ’n ander uitsig te kan aanskou. Wat is jou gunstelingwoord in Afrikaans? Huisgenoot! Jou gunstelingakteur en -fliek? Will Smith. The Pursuit of Happyness. Wat sal die boek oor jou lewe se titel wees? Never Giving…

TRIPPELLEKKER SJOKOLADEKOEKIES BEREIDING EN BAK: 10 MIN. /LEWER 4 GROOT KOEKIES ◗ 40 g ongesoute botter◗ 50 g sagte bruinsuiker◗ 30 ml (2 e) melk◗ 110 g koekmeel◗ 1,25 ml (¼ t) bakpoeier◗ 20 g melksjokoladesplinters◗ 20 g witsjokolade-splinters◗ 20 g donkersjoko-ladesplinters◗ ’n knippie sout 1 Plaas die botter en suiker in ’n middelslag- mikrogolfbestande bak. Mikrogolf 15 sek. op hoog (800 W), roer en mikrogolf nog 15 sek. As die botter nog nie heeltemal gesmelt het nie, mikrogolf nog ’n paar sekondes. 2 Meng die res van die bestanddele by, maar pasop dat jy nie die deeg oormeng nie. 3 Voer ’n mikrogolfbestande bord met bakpapier uit. Verdeel die deeg in 4 en vorm in balle. Plaas dit eweredig versprei op die bord en druk elke koekie platter tot…

LEEUMENS DEUR RUDIE VAN RENSBURG Queillerie, R309* 1 In jou nuutste misdaadroman, Leeumens, maak Kassie en Rooi slapende honde wakker. Maak jy ooit in die regte lewe slapende honde wakker? In mens se jonger dae as joernalis het jy maar altyd daarna gestreef om slapende honde wakker te maak deur ongerymdhede te probeer ontbloot. Deesdae is dit nie meer by my ’n behoefte nie. 2 Hulle maak kennis met ’n onderwêreld waar antieke voorwerpe miljoene rande haal op swartmarkveilings. Jy is benewens skrywer ook ’n skilder. Wat dink jy van die netwerk wat pas weer in Europa oopgevlek is waar nagemaakte werk van beroemde skilders soos Warhol, Banksy en Picasso verkoop word deur vei lingfirmas wat saamspeel? Ek dink bogenoemde is maar net die oortjies van die seekoei. Daar is veel…

STAAN opsy, Johannesburg en Durban. Die Jakarandastad gaan kykers nou wys hoe skitter die blinkste mammas in die jongste weergawe van ’n ou gunstelingreeks. Kykers is reeds voorheen vermaak met twee seisoene van die manewales van die Johannesburgse mammas in die gewilde The Mommy Club – die derde seisoen is nou op Showmax. Dis gevolg deur die Durbanse mammas in The Mommy Club: Sugar & Spice wat gewys het hoe dié divamammas die ding doen. Nou is Pretoria se glansryke mammas aan die beurt. The Mommy Club: Van die Hoofstad is van 14 Maart af op Showmax te sien met vyf Afrikaanse mammas wat wys hoe hulle moederskap, hulle loopbane en die glitz & glam van die land se administratiewe hoofstad met mekaar versoen. En moenie vir een oomblik ’n…

KREATIEWE PASSIE As kind het Sannie altyd vertel sy wil eendag ’n skrywer word: “Ek wil hê die hele wêreld moet lees wat ek skryf, dat mense emosioneel daarop sal reageer, dat dit hulle sal laat huil van pyn en woede.” En haar droom het waar geword, want vandag werk sy as ’n boetebessie. Louise Noeth GROEIKOERS “Groei Oupa nog?” vra klein Hennie. “Ek glo nie, maar hoekom vra jy?” wil Oupa weet. “Want ek sien Oupa se kop groei deur Oupa se hare.” San Marchand LEENARBEID Klaas gaan klop aan sy lui buurman se deur. “Koos, kan ek ’seblief jou grassnyer leen?” vra hy. “Nee, ek is jammer, sy is nog nie terug van die werk af nie.” San Marchand VERNEUKSPUL Die hen wil graag aandag trek en verf…

SKEMERGROND SE KIRBY KOM MET BAIE DRAMA ‘DAAR kom baie drama Gemoedsdrift toe.”Endis Kirby wat dit na Skemergrond se fiktiewe dorp toe bring. “Kirby is ’n jong vrou sonder enige kommer wat haar in ’n moeilike situasie bevind. Haar storielyn is pret, maar ook baie hartseer,” sê Chanté Grainger, die 25-jarige aktrise wat haar speel. “Dis my gunstelingrol tot dusver. Dis na aan my hart en ek is so dankbaar vir die geleentheid.” Sy en Kirby het wel hulle verskille. “Kirby kan gou ’n liegstorie spin, maar ek raak senuagtig. Jy sal agterkom as ek ’n leuen vertel.” Die meeste van haar storielyn is saam met Talia Davis, wat Amber speel. “Ons speel so lekker saam en het ’n vriendskap buite werk ontwikkel,” sê Chanté. Sy’t in Uitsig in Kaapstad grootgeword. “Ek’t…

BAIE dinge kan ’n huwelik van balans af gooi. Een van julle wil dalk ’n nuwe huis hê, maar die ander een nie. Een wil ’n baba hê, maar die ander een nie. Vir die fliekregisseur en aktrise Susanna Cappellaro en haar man, Scott Cohen, was dit ’n baie meer fundamentele kwessie wat die balans versteur het. “Ek het baie daaroor nagedink,” sê Scott, ’n bestuurder in die Amerikaanse musiekbedryf. “Behalwe om ’n geslagsverandering te ondergaan, was dit die grootste skok denkbaar vir ’n verhouding.” “Ek sal nie daarmee stry nie,” sê sy vrou. Een aand in 2016 het Scott van die werk af gekom, vir Susanna gevra om te sit en vir haar gesê hy wil ’n cyborg word. Ná ’n loopbaan waarin hy met die nuutste tegnologie in…

S DIT kalwerliefde of ’n Hollywood-sprokie? Hy is Jake Bongiovi, die 22-jarige seun van die rock-ster Jon Bon Jovi, en sy is die 21-jarige aktrise Millie Bobby Brown. Hulle verhouding en huwelik het ál die elemente van eersgenoemde, maar ook van laasgenoemde. Albei laat die koppe draai, en toe hul wêrelde bots – op die mees GenZ-manier denkbaar: via Instagram – was dit liefde met die eerste teksboodskap. Nou’s dit vier jaar later en aanhangers noem hulle die vermaakwêreld se oulikste paartjie. Maar tog kan mens nie anders as om te wonder of hulle bietjie oorhaastig is gegewe hoe jonk hulle is nie. Die twee het al verlede jaar in Mei stilstil verloof geraak. In September het hulle op ’n swierige bruilof in Italië hul huwelik saam met familie en…

DAAR staan hy in ’n deftige troupak voor die kansel, ’n rooi roos aan die lapel vasgesteek en die oë van 97 van hulle geliefdes op hom. Toe die troumars begin speel en sy bruid aan die einde van die paadjie verskyn, begin sy lippe eers bewe, dan sy hande, en dan skiet sy oë vol trane. Dié vrou met wie hy vandag trou, is vir hom só mooi, Clint Aplon kan sy emosies nie onderdruk nie. Hy huil nou soos ’n baba, maar dis darem alles trane van blydskap. Clint en Mahren Swartz is einde Februarie by Beuld The Venue buite Robertson getroud. En hy kon kwalik sy geluk glo dat hy aan dié mooie vrou, die een van sy drome, se vinger ’n ring kon steek. “Dit voel…

Kan ons ’n app maak wat eens en vir altyd uitvind wat ’n mens se gunstelingkleur is? Hy gee jou twee prente van random dinge – ’n kar en ’n boom – en jy swiep links of regs op die een wat vir jou die mooiste is. Karmosyn of skarlaken? Niemand kan dit weet nie – tot jy dinge sien in daai kleure: Verkies jy ’n persrooi perske of ’n vurige Ferrari? Fuchsia of salm? Amber of mandaryn? Olyf of ment? Ons app moet algoritmes toepas wat dit onmoontlik maak om te kroek. Soos die kruisverwysings wat in sielkundige toetse ingebou is. Soos jy kan sien, sal daar duisende vrae wees. Jy sal jou vinger kobaltblou swiep. Want die tyd is verby van mense wat so onverskillig praat van hulle…

‘EK DROOM BAIE OOR HOE HY GAAN LYK, WANT EK IS ’N GROOT PRENTJIEMENS’ ONS stap al so ’n lang pad saam met haar. Deur ons mooi land en ook die lief en leed van haar eie lewe. Op dié pad het sy nie minder nie as agt keer haar glans aan Huisgenoot se voorblad verleen. Soos mylpale op haar reis, kan ’n mens maar sê. Die heel eerste keer was met haar aanwysing as die nuwe Kupido van die maatsoekreeks Boer soek ’n vrou. Toe raak sy verloof, en sy deel dit weer met ons. Met haar troudag was sy in ’n noupassende wit trourok op die voorblad. En laat ons ook nie vergeet van daardie vuurwarm voorblad in haar bloedrooi Baywatch-swembroek op die strand nie. En hier is…

SY WORD yskoud toe sy hom sien. Haar oom. Die man wat veronderstel is om agter tralies te wees nadat hy haar as kind verkrag het. Hier, in die bin-nelandsesakekantoor. Op vrye voet. “Ek was bang en geskok, ek weet nie hoe om my emosies te beskryf nie,” sê Simone Kanayee (36) vandag oor daardie oomblik. Met die paniek wat dreig om haar te verlam wend sy haar toe tot die naaste amptenaar vir hulp. Dié konfronteer vir John-Daniel Premakaram (77). En toe kom die volgende skok: Premakaram sê hy is op parool vrygelaat. “Dit was oorweldigend, ’n baie groot skok,” sê Simone. Net twee jaar tevore is haar oom vir tien jaar tronk toe gestuur. Simone was een slagoffer. Die ander was sy eie dogter, Jessica Louwrens (52). Hoe…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. V Ek het ongeveer drie jaar gelede uitgevind my pa is MIV-positief. Ek moes dié nuus aan my ma oordra. Hulle was toe reeds 30 jaar getroud. Sy het die nuus nie goed gevat nie. Ons het gedink ons kan die situasie met gebed en hoop hanteer en het dus nooit berading ontvang nie. Om eerlik te wees breek hierdie soort ding ’n mens emosioneel. Jou binnekant is ’n warboel van emosies.…

“Vir optimale gesondheid moet ons daarna streef om ’n fiksheidsouderdom te hê wat gelyk aan of laer is as ons werklike ouderdom,” sê die welstandsafrigter Michelle Brewster. Bereken jou puntetelling. Begin met jou werklike ouderdom. Vir elke A tel 1 by, vir elke B tel 0 by, en vir elke C trek 1 af. SELFDE OUDERDOM OF JONGER Baie geluk! Jou oefenroetine werk goed. “Hoë vlakke van fiksheid is 80% dieet en 20% oefening,” sê Michelle. “Gee jouself ’n ekstra hupstoot deur jou liggaam te voed met volop proteïene, gesonde vette en komplekse koolhidrate.” Dit sluit in maer vleis, vis, olyfolie, neute en sade, volgraanvoedsel en quinoa. “Daag jouself uit,” sê Michelle. “Stel persoonlike doelwitte – en behaal dit – of neem deel aan ’n liefdadigheidsbyeenkoms om jouself verder te…

RAM 21 MAART – 19 APRIL Die son beweeg op die 20ste by jou teken in en dui op die begin van ’n nuwe kosmiese jaar. Jou verjaardagmaand voorspel ingewikkelde dinge en ’n ongemaklike tyd waarin min volgens plan sal verloop. Jy sal iets kan bereik as jy die lewe kan vat soos dit kom, al is dit bitter moeilik vir ’n perfeksionis. Probeer om van dag tot dag in die oomblik te leef en min verwagtinge te hê. BUL 20 APR – 20 MEI As jy ontnugter voel oor iets wat ’n vriend gesê of gedoen het, vra jy jouself dalk af hoe dit kon gebeur het. Probeer om nie te hard op jouself te wees nie, want dis waarskynlik net een van daardie goed wat in die lewe…

’N VERHAAL WAT JOU SAL UITKLOP Die geskiedkundige dramareeks A THOUSAND BLOWS is geskep deur Steven Knight, vervaardiger en skrywer van die gewilde Peaky Blinders, en is geïnspireer deur die ware verhale van ’n groep karakters in die 1880’s wat om oorlewing veg in die rowwe distrik bekend as East End in Londen. Hezekiah Moscow (Malachi Kirby) en Alec Munroe (Francis Lovehall) is beste vriende van Jamaika wat hulleself in die misdadige onderwêreld bevind van die stad se winsgewende kaalvuisboksgevegte. Daar vang Hezekiah die oog van die berugte Queen of the Fourty Elephants, Mary Carr (gespeel deur Erin Doherty), wat besluit om sy talente in te span vir haar eie gewin. Dis ’n reeks om na uit te sien met sy Victoriaanse boksgevegte, sakkerollerbendes en top-Britse toneeltalent. ›› A THOUSAND…

GROOT BLOKRAAI NO 2588 KOMPETISIEVRAAG Watter vetplant is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Die Onsigbare deur PJO Jonker (Tafelberg, R320). Jan-Dawid (Jada) Olivier word van kleins af toe-gelaat om sy eie kop te volg op die familieplaas Erfdeel in die Klein-Karoo, dig teenaan die Swartberge. Hy het ’n sagte hart en ontferm hom maklik oor mens én dier. Toe sy ouers verongeluk, erf hy op ’n jong ouderdom die plaas. Anys, die huishulp, word soos ’n moeder vir hom en staan hom lojaal in alles by. Hy probeer aanvanklik sy pa se boerstyl navolg en word…

WINDE VAN VERBYSTERING Die vinnigste wind wat al in ons sonnestelsel gemeet is, was op Neptunus – sowat 1 800 km/h. Maar dit word heeltemal oorskadu deur die winde wat sterrekundiges op die reuse-eksoplaneet WASP-127b ontdek het. Die ontsaglik kragtige winde by die ewenaar van dié eksoplaneet (dus buite ons sonnestelsel) bereik tot 33 000 km/h, wat die vinnigste straalstroom skep wat al ooit rondom ’n planeet gemeet is. Dis omtrent 80 keer so vinnig soos die vinnigste windvlaag wat al ooit op Aarde aangeteken is! Die ontdekking is onlangs in Astronomy & Astrophysics beskryf. WASP-127b, wat in 2016 ontdek is, is ’n gasreus 520 ligjare van die Aarde af binne die Melkweg-sterrestelsel. In deursnee is dit omtrent ’n derde groter as Jupiter, die grootste planeet in ons sonnestelsel, maar…

In die vroeë oggendure van hierdie dag het Boston se Isabella Stewart Gardner Museum die toneel van die grootste kunsdiefstal in die geskiedenis geword. Twee mans vermom as polisiemanne het toegang tot die museum verkry deur te sê hulle ondersoek ’n klag van rusverstoring. Toe hulle binne is, het hulle die nagwagte, Richard Abath en Randy Hestand, aan toerusting in die kelder vasgeboei sodat hulle ongehinderd verskeie kunsskatte kon vaslê. Alles het 81 minute geduur, waarin die diewe 13 uiters kosbare kunswerke ter waarde van $500 miljoen gesteel het. Dit het sketse en twee meesterstukke ingesluit van Rembrandt, waaronder Storm op die See van Galilea, Johannes Vermeer se Die konsert, een van net 36 skilderye deur die Nederlandse meester, die Franse modernistiese skilder Edouard Manet se Chez Tortoni en ’n…

KOGLEÊRE INPLANTINGS Dis ontwerp om beskadigde gedeeltes van ’n oor te omseil deur die gehoorsenuwee direk te stimuleer. ’n Klankverwerker agter die oor stuur seine na ’n ontvanger wat onder narkose onder die vel geplaas is. Die ontvanger voer die seine na elektrodes wat in die koglea geplaas is, wat dit na die brein stuur. Koste: R472 000 per oor. SKYFIE-INPLANTINGS AS AFSTANDBEHEERDERS (waarmee jy byvoorbeeld jou kardeur oopmaak) ’n Radiofrekwensie-identifikasieskyfie, of nabyveldkommunikasieskyfie, die grootte van ’n ryskorrel, word in ’n skouer of hand ingeplant. Daarmee kan jy ’n slot oopmaak sonder ’n sleutel of afstandbeheerder. Koste: R5 900-R23 600. DIE ‘DERDE DUIM’ ’n Uitvinding van Dani Clode van die Universiteit van Cambridge. Die 3Dgedrukte buigsame toestel voeg ’n ekstra duim by die hand. Dit word deur druksensors onder die…

SY HET só na haar tyd in Frankryk uitgesien. Dit sou Julie Williams se eerste groot vakansie in 15 jaar wees, spesiaal om haar 40ste verjaardag te vier. In Frankryk aangekom, het sy Google Maps op haar selfoon oopgemaak om die aanwysings na haar Airbnb-verblyfplek te kry. Dis mos wat ’n mens in ’n vreemde bestemming doen. Maar dit was ’n duur internetbesoek. Kort daarna het sy ’n SMS van haar diensverskaffer, Cell C, ontvang om te sê sy het 100 MB se data gebruik en haar maandelikse limiet oorskry. Julie was nie gelukkig nie. Sy het dan kort voor haar vertrek uit Suid-Afrika met Cell C kontak gemaak en gereël dat hulle haar internasionale “roaming” aktiveer en haar limiet met R2 000 verhoog. Hoe kon sy dit alles in…

DAAR is ’n verskil tussen vriendelik wees met jou eks en té vriendelikwees.Nuwefoto’svanBENAF- FLECK wat sy arm om sy eksvrou en die ma van sy kinders, JENNI- FER GARNER, se lyf sit, laat die wenkbroue lig. Die twee het onlangs hulle seun Samuel (13) en sy maats op ’n paintball-uitstappie vergesel toe Ben (52) in ’n stadium sy arm om Jen (52) se middel gesit en haar nader getrek het. Later het hy ook langs die baan sy arm om haar skouers gesit en haar teen hom vasgedruk. Ben, wat sedert sy egskeiding van J.Lo dikwels mistroostig voorkom, is oor die algemeen gelukkiger wanneer Jen in die nabyheid is, sê bronne. Die laaste tyd is hy egter ekstra vrolik en liefdevol wanneer sy by hom is. Ben en Jen se…

Dis neusie verby as jy AARON PIERRE (30) in die oog gehad het. Die ster van Mufasa en die aktrise TEYA-NA TAYLOR (34) het onlangs op sosiale media hulle buiging as ’n paartjie gemaak met ’n stylvolle swart-en-wit fotosessie nadat hulle Vanity Fair se gewilde Oscarpartytjie bygewoon het. Hulle is vanjaar al by ’n paar geleenthede saamgesien, en dit lyk of Teyana nou hulle verhoudingstatus bevestig het met die byskrif “Oscaraand in swart-en-wit, geen grys areas nie”. Teyana, wat lof gekry het vir haar spel in die fliek A Thousand and One, is in 2023 van die Amerikaanse basketbalspeler Iman Shumpert geskei. Aaron het oor die jare sy liefdeslemeestal uit die kollig gehou. Sy’s’n opkomende ster en hy ’n aantreklikeHol lywood-staatmaker – en hulle lyk uitgeknip vir mekaar. ANDREW GARFIELD…