Innehållsförteckning för 3 April 2025 från Huisgenoot

1 ‘EK’S NOG NIE REG OM HAAR OP TV TE SIEN NIE’ Michelle Botes se dogter, Cara, sê sy is nog nie gereed om na haar ma se roerende spel in Tuiskoms te kyk nie Het dit gekyk. Moes dit net klaar kyk, dit was fantasties. Amper soos ’n afskeidsfliek vir Michelle. Rus in vrede, Michelle. Al die akteurs was briljant in hul rolle en dis ’n mooi storielyn. Welgedaan aan die draaiboekskrywer. GERHARD Cara kan so trots wees op haar ma. Maar ek kan my indink dit sal seer wees om haar nou te sien. Daar is vertroosting dat sy in die toekoms, wanneer sy gereed is, daarna sal kan kyk om haar ma se stem te hoor. KIMBERLEY Michelle is ’n aktrise uit my era. Arende was so gewild…

AS JY na vars grimeer-idees op soek is, kan jy maar net by die bekendes gaan afloer. Daar’s lekker nuwe tendense waaruit jy kan kies – van grimering met ’n sagte fokus en stralende gloed tot futuristiese metaalkleure. Ons wys jou hoe om dié voorkomste by die huis te herskep. 1 Sagte fokus Grimering met ’n sagte fokus gaan daaroor om “ ’n tweede vel” sonder harde lyne te skep wat jou natuurlike skoonheid verbeter. Dit skep ’n wasige afronding wat die gesig versag en ’n gladde en vars voorkoms gee. Die geheim met dié tendens is om romerige, glanslose formules te gebruik wat moeiteloos by jou gelaat inskakeer. Dink aan ’n natuurlike kleurpalet met bessie tone en bleek skakerings, en subtiele aksente wat dimensie gee sonder om die gesig…

V Tannie Irma, ek en my beste vriendin het ’n probleem en hoop Tannie kan help. Ons het by die skool se toneelgroep aangesluit, want die tannie wat dit aanbied, is baie goed en ons geniet dit. My vriendin het eendag gevra vir wenke om ’n aktrise te word. Die tannie sê toe sy was in haar jong dae ’n rolprentaktrise en vertel ons bietjie meer daaroor. My vriendin het haar ma vertel. Sy het so kwaad geword dat sy die tannie gebel en uitgetrap het as ’n leuenaar wat haar kind se kop vol wol maak. Ons het gegoogle en uitgevind die tannie se stories was alles waar. Ons is intussen weg by die groep, want ons voel vreeslik sleg. Wat kan ons doen? Haar ma weier om verskoning…

JYHET amper vier maande tyd om in te skryf vir die vyfde Kommadagga-skryfskool, maar moet liewers nie tot op die laaste wag nie, want daar is net plek vir vyf kandidate! Dié gewilde skryfskool word aangebied deur die Jakes Gerwelstigting in vennootskap met Huisgenoot en LitNet en is ’n mentorskapprogram vir belowende opkomende kortverhaalskrywers. Die aspirantskrywers se hand sal by wyse van spreke vanjaar weer vasgehou word deur die bekwame mentor FOURIE BOTHA. Hy is ’n digter en ’n ervare uitgewer van gerekende skrywers. “Ek is daar vir aanmoediging sodat almal die pas volhou,” sê hy. “Vir die meeste skrywers is dit ’n luukse om dagin en daguit drie weke lank aan hulle eie projekte te werk, so ’n mens moet gefokus bly. “Ek sorg dat almal daagliks soveel moontlik…

SELENA GOMEZ & BENNY BLANCO Musiek saam met my maatjie Verhoudings tussen celebs kom en gaan, maar daar is net iets aan Selena Gomez se verhouding met die vervaardiger en liedjieskrywer Benny Blanco wat ’n mens weer in ware liefde laat glo. Die duifies het onlangs verloof geraak, maar wat almal tans aan die praat het, is die album wat Selena en Benny in Maart uitgereik het. I Said I Love You First is die eerste vollengtealbum wat Selena in vyf jaar uitreik ná haar derde soloalbum in 2020 getiteld Rare. Op die nuwe album is 14 liedjies, elkeen uniek in sy soort. Dis heerlike luistergenot, van die folksy “Scared of Loving You” en die elektroniese dansliedjie “I Can’t Get Enough” saam met die Colombiaanse sanger J Balvin en Puerto…

THE THEORY OF EVERYTHING (2014) NETFLIX Hierdie fliek vertel die lewensverhaal van die hoog aangeskrewe teoretiese fisikus Stephen Hawking, gespeel deur Eddie, en sy romanse met die kunsstudent Jane Wilde (Felicity Jones) toe hulle in die 1960’s aan die Universiteit van Cambridge studeer het. Eddie se absoluut briljante vertolking van die beroemde fisikus se lewe as begaafde en borrelende jong student by wie die dodelike amiotrofiese laterale sklerose (ALS) gediagnoseer word, asook die druk wat dit op sy studies en verhouding met Jane plaas, het aan hom in 2015 die Oscar as beste akteur besorg. Die skrander Stephen was net 21 jaar oud toe hy gehoor het hy’t ALS en hy gesê is dat hy hoogstens twee jaar het om te lewe. Nie veel is daarna van hom verwag op…

REISPLAN “Skat, wat’s nou weer die naam van die hotel waar ons laas gebly het?” vra Frik vir Karen. “Mm, wag net ’n oomblik. Ek kyk gou deur die handdoeke om seker te maak.” Johan H, Gonubie MISVERSTAND Ek sal nou regtig oogarts toe moet gaan. Vanoggend is ek van winkeldiefstal aangekla net omdat ek die hoender buitentoe gevat het om die vervaldatum beter in die sonlig te kan lees. Denise, Pretoria ONGENOOID Pa en seun trek na ’n klein dorpie. “Glo Pa in spoke?” vra die seun. “Nee!” antwoord die pa. “Ons nuwe huiswerker sê sy glo in spoke.” “Pak jou goed dat ons hier kan wegkom.” “Hoekom, Pa?” “Ons het nie ’n huiswerker nie.” L. Saayman KITSKUUR Ou Koos Kwale gaan vir ’n mediese ondersoek. “Dok, sal jy…

OP DIE oog af is die toneel doodnormaal: ’n gesin in hul ruim voortuin in die noorde van Pretoria besig om onder die skadu van ’n boom ’n bal te skop. En tog is dit juis die normaliteit van die oomblik wat dit vir die Mouton-gesin heilig maak. Hulle het oor die jare geleer om niks as vanselfsprekend te aanvaar nie. En dat iets soos om saam ’n bal te skop op ’n manier ’n soort wonderwerk is. Kyk jy nader hoe die vier van hulle op die grasperk baljaar, sal jy die seuntjie sien wat nie soos die res van sy gesin moeiteloos die bal kan skop of soos sy ouboet rats sirkels met die bal om sy pa kan hardloop nie. Die 12-jarige Caelam tel die bal met…

MAANDE lank hou hulle al vol daar’s niks romanties tussen hulle aan die gang nie. Tog weet ’n mens teen dié tyd as Hollywoodsterre so geesdriftig volhou dat hulle “net vriende” is, is die kans goed daar roer ietsie agter die skerms. En nou’s die aap uit die mou: Meryl Streep en Martin Short is ’n paartjie. Dis al Hollywood se “oopste geheim” genoem, die feit dat dié bekroonde aktrise en grapjas mekaar gevind het. Hulle word selfs van tyd tot tyd gesien waar hulle handjies vashou. Volgens skindertonge het hulle al meer as ’n jaar gelede op mekaar verlief geraak, destyds “heeltemal onverwags”. “Meryl kon nie anders as om op Martin verlief te raak nie,” sê dié fluisterstem. “Hy is ’n ware heer. Hy laat haar lag en is…

DIE syfers vertel haar ongelooflike suksesverhaal. Altesaam 167 enkelspeltitels en 177 dubbelspeltitels. Nege keer baas op Wimbledon. En 18 Grand Slams as enkelspeler en 31 as dubbelspeler. Maar dis meer as net haar kragspel wat van haar so ’n baanbreker gemaak het. Kleintyd in Praag het Martina Navratilova se hele menswees gerebelleer teen ’n lewe agter die Ystergordyn. Sy wou doen en sê wat sy wou. Liefhê wie sy wou. As tiener het sy vryheid gesmaak tydens tennistoernooie buite haar geboorteland. Gesmul aan gemorskos en oppassers van die Tsjeggiese geheime polisie omgekrap deur Westerse spelers te bevriend. Tuis is sy in die bek geruk en haar wengeld gevat. In 1975, ná ’n nederlaag teen Chris Evert in New York, stap die 18-jarige Martina van die tennisbaan en ontmoet FBI-agente in…

Wanneer en waar was jy op jou gelukkigste? Die laaste kwarteeu is ek sielsgelukkig. Eers was ek saam met Gerrit, my reismaat wat later my man geword het, in Cambridge en die Skotse Hoogland, toe in Kaapstad, en die laaste 17 jaar woon ons in ’n kuswoud in die Tsitsikamma. Wat bewonder jy die meeste in mense? Iemand wat bo die wrakstukke van die lewe uitstyg. ’n Zero-to-hero soos Siya Kolisi of Oprah Winfrey. Mense wat ten spyte van trauma floreer. Wie is die liefde van jou lewe? Gerrit en ons twee tienerseuns. Wat is jou gunstelingwoorde in Afrikaans? Die name van ons drie katte: Tierlantyntjie, Katedraal en Mooiloop. Warrelwind, skemer, bolmakiesie, horriepiep, spookasem en ritteltits is lekker woorde. Ek is ook lief vir die titels van my boeke: Vloedbos. Wildvreemd.…

DIE weer is so ’n bietjie ondeund. So asof dit weet die paartjie loop al ’n dekade lank ’n pad tot hier. En toe trek die hemelsluise op die vooraand van hul groot dag net so effentjies oop om hulle te laat wonder: Gaan die reën ons droomtroue kelder? Maar die weer is darem nie wreed nie, want op hierdie Sondagoggend steek die son sy kop deur die wolke en baai die Cavalli-wynlandgoed buite Stellenbosch in ’n sagte herfslig. Net die reuk van die nag se reënbui hang nog soos ’n seënwens oor die tuin waar Natasha Joubert en Enrico Vermaak (albei 27) binnekort afhaak. Niks gaan die voormalige Mej. Suid-Afrika en haar hoërskoolliefde se dag bederf nie. Teen laatmiddag begin die 99 genooide gaste opdaag. Die meeste het al…

GENOEG VIR 4 MENSE /BEREIDING: 15 MIN. /GAARMAAK: 25-30 MIN. KERRIEPASTA ◗ 4 knoffelhuisies of◗ 15 ml (1 e) gekapte knoffel◗ ’n 5 cm-stuk vars gemmer, geskil◗ 2-4 groen brandrissies, grofgekap◗ 40 g vars koljanderblare (2 groot hande vol)◗ 5 ml (1 t) geroosterde komynsaad of◗ 2,5 ml (½ t) fyn komyn◗ 5 ml (1 t) bruinsuiker◗ 5 ml (1 t) fyn koljander◗ 30 ml (2 e) olie◗ 15 ml (1 e) suurlemoensap of 5 ml (1 t) witwynasyn KERRIE ◗ 300-400 g varkneksteaks, -lende of -filet, in blokkies gesny sout na smaak◗ 5 ml (1 t) witpeper◗ 30 ml (2 e) olie◗ 1 groot ui, in skyfies gesny◗ 250 ml (1 k) klappermelk◗ 10 ml (2 t) mielieblom, gemeng met◗ 30 ml (2 e) water◗ 15 ml (1 e)…

BENODIGDHEDE ◼ ELLE SEASONS (100 g-bolle): 3(4;4;5;5) bolle in die kleur van jou keuse (ons het Maple 731 gebruik) ◼ 4 mm-breipenne ◼ Breispeld ◼ Kabelpen GROOTTE Pas vir borsmaat: 82(87;92;97; 102) cm Werklike rondommaat van trui: Borsmaat: 86(92;98;104;110) cm Lengte tot by skouer: 50(52;54;56;56) cm Moulengte: 45(46;47;48;49) cm SPANNING 22 ste en 30 rye = 10 cm oor koussteek met 4 mm-penne. Vir die beste resultate is dit noodsaaklik om die regte spanning te verkry. As daar te min steke in die toetslappie is, gebruik dunner penne. As daar te veel steke is, gebruik dikker penne. OM TE BREI AGTERPANT Stel 95(101;109;115;121) ste op met 4 mm-penne. 1e ry: RKV, r1, (aw1, r1) tot einde. 2e ry: Aw1, (r1, aw1) tot einde. Na dié 2 rye word nou verwys…

AS JY swangerskappe gehad het wat jou maag baie laat rek het of jy het op ’n stadium baie gewig verloor, het jy dalk nou wat in Engels ’n “apron belly” genoem word. Die kans is goed dat jy iets daaraan wil doen, want buiten dat dit onooglik kan lyk, kan dit pyn veroorsaak of jou laat sukkel om in jou klere te kom en te oefen. WAT PRESIES IS ’N ‘APRON BELLY’? ’n Voorskootmaag is ’n erkende toestand waar oortollige vet en vel ’n flap aan die onderkant van die maag vorm – byna soos ’n voorskoot wat laag om jou middel gebind is. Dit staan in die mediese wêreld as ’n abdominale pannus of panniculus bekend. “In kort is dit ’n stuk vel aan die onderkant van die…

RAM 21 MAART – 19 APRIL Dit voel vir jou of alles agter jou rug gebeur of waar jy dit nie kan sien nie. Probeer om nie paranoïes te raak nie en moenie mense van iets beskuldig as jy nie bewyse het nie. Jy hou van aksie, en dit sal moeilik wees om nie op te tree nie, maar dis wat nou nodig is. Laat dinge natuurlik ontvou, sonder om dit aan te jaag. BUL 20 APR – 20 MEI Mercurius, die planeet van kommunikasie, beweeg op die 7de vorentoe en daarmee verbeter kommunikasie in jou lewe. Jou heerser, Venus, beweeg steeds agteruit en kom voor Saturnus te staan. Die lewe gaan nie rooskleurig wees nie. Wat op die oomblik van jou verwag word, is om jou toewyding te wys,…

“Dit het my dag gemaak om my skryfwerk sommer so oor twee bladsye te sien!” sê TIAAN LA GRANGE oor sy kortverhaal “Wakkerboom” wat in Huisgenoot van 13 Maart verskyn het. “My ma is in die sewende hemel om te dink ek is in ’n tydskrif wat al deel is van elk van ons seevakansies vandat ek kan onthou.” Hy was een van die vyf aspirantskrywers wat gekies is om verlede jaar die Jakes Gerwelstigting se vierde Kommadaggaslypskool by te woon. “Paulet-huis in KwaNojoli is ’n plek wat met soveel detail in my geestesoog uitgekerf is. Om drie weke saam met skrywer-en uitgewermentors te leef, lees en leer was onvergelykbaar met enigiets wat ek al beleef het. Dit het my vooropgestelde idees oor wat dit beteken om ’n skrywer te…

GEWOONLIK is ons saans om sesuur nog besig om kos te maak, maar die kinders weet al: Skakel oor na BBC Brit en druk pause. Ons maak dan rustig klaar en gooi ietsie in om te drink – ’n glasie water vroeg in die week, ’n glasie wyn laat in die week – en roep die kinders om te kom eet. Elkeen kry sy skinkbord en dan skuif ons reg. Wanneer almal reg is, die nat lappie en ’n ekstra houer aangemaakte Oros op die koffietafel, word play gedruk en begin die temamusiek van TIPPING POINT. Dis ’n mengsel van twee genres – ’n vasvra en dobbelspel. Albei is ewe boeiend. Die vasvra is altyd lekker, want dit wissel in moeilikheidsgraad en ’n mens leer altyd iets nuuts. Die dobbelspel…

PA SE SEUN JAKKIE LOUW Dis verfrissend om ’n diep, sielvolle kant van die sanger Jakkie Louw nie net te sien nie, maar ook te hoor in sy musiek. Van die melodieuse kitaarklanke tot die betekenisvolle lirieke is Jakkie se “My pa se seun” een van daardie liedjies wat jy gaan haal wanneer jy bietjie oorweldig voel en nodig het om na iets inspirerends te luister. “Die liedjie het ek saam met ’n vriend van my wat in Bloemfontein woon, geskryf,” sê Jakkie. “Hy het my die storie vertel van hoe hy eenkeer uit sy hart uit gelag het terwyl hy in ’n winkelsentrum geloop het, en toe kom daar ’n oom na hom wat hy ken wat sê: ‘As jy so lag, laat dit my aan jou pa dink’.…

GROOT BLOKRAAI NO 2590 KOMPETISIEVRAAG Watter taal is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN LUX VERBI KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Dink jouself gelukkig deur Pieter van Jaarsveld (Lux Verbi, R350). Gelukkige mense leef langer en is meer suksesvol in alles wat hulle aanpak. Die wonderlike is dat geluk nie daar buite is nie, maar binne-in jou! Dit is ’n ingesteldheid: Verander jou ingesteldheid en jou lewe verander. Met dié boek wys Pieter van Jaarsveld jou hoe jy jou lewe kan omkeer. Daar is praktiese, eenvoudige oefeninge wat jy kan doen om jou gelukkiger te maak. Jy kán floreer – hierdie praktiese gids…

Op 30 Maart 1939 het Detective Comics No. 27 uitgekom. Die comic het ’n nuwe superheld bekendgestel – Batman, en ook die man agter die superheld, Bruce Wayne. Die titel van die eerste storie waarin Batman verskyn, was “The Case of the Chemical Syndicate”. Die illustrasies vir die strokiesprent is deur Bob Kane gedoen en die storie is deur Bill Finger geskryf. Batman is die alter ego van die ryk Amerikaanse sakeman Bruce Wayne. Nadat die uitgewers by National Comics Publications gesien het hoe goed Superman gevaar het, is daar gevra dat die skrywers nog superhelde skep. Bob het toe met die idee van “Bat-Man” vorendag gekom. Soos wat tyd verloop het, het die karakter al hoe meer van sy kenmerkende bykomstighede en ook metgeselle bygekry. Robin, Batman se getroue…

ATLETE op die topvlak van hulle sport het dit lekker. Roem, rykdom, reise. En natuurlik ’n beeldskone vrou wat hulle van die kantlyn af aanmoedig. Terwyl Max, Lewis, Carlos en die res van die ouens hierdie seisoen se wedrenne aanpak, kyk ons na Formule 1 se eie spannetjie WAG’s – die wives and girlfriends – wat elke draai, elke verbysteek en elke kuipestop dophou terwyl hulle hoop die geruite vlag waai vir hulle man. ROMEO VAN DIE RENBAAN LEWIS HAMILTON♥ SOFÍA VERGARA . . . EN RAYE Die sewemalige wêreldkampioen Lewis (40) het deur sy loopbaan al met heelwat pragtige vroue uitgegaan. Die jongste gerug? Hy’s dalk saam met die Modern Familyster Sofía Vergara (52). Al beweer ’n bron hulle is net vriende, het dit nie die skinderpraatjies stilgemaak nie.…

In ’n Dief aan die kers vertel Anton Prinsloo waar die woord charlatan vandaan kom. ’n Kwaksalwer genaamd Monsieur Latan het in Parys sy towerbotteltjies uit sy kar verkwansel. As hy aankom, sou die mense sê: Voilà! Le char de Latan! Die kar van Latan! Party mense lees net die eerste paragraaf, so hulle dink nou hierdie storie is waar. Maar dis suiwer twak. Anton verklaar die storie “net so betroubaar soos die medisyne van die kwak”. “Die woord kom van die Spaans charlar ‘gesels, babbel’ met die bygedagte aan die gekekkel van eende.” Daar was nooit ’n M. Latan nie. Wat my laat dink: Wat doen eende nog? Hulle kwaak mos. Nes die “quack” wat die Engelse gebruik vir “kwaksalwer”. Het ons met charlatan toevallig die sirkel voltooi van…

HIER woon mense met geld. Jy sien dit sommer aan die vier motorhuise en die imposante twee verdiepings. ’n Prentjie van voorstedelike welvaart. Hierdie is die soort huis waar familie en vriende skemerkelkies kan drink terwyl hulle tuur na die son wat oor die horison sak. En tog is dit moeilik om dié huis se inwoners hul glanslewe te beny. ’n Vrou is hier dood. En dít onder verdagte omstandighede. Aanvanklik is gedink sy het haarself om die lewe gebring. Maar haar skatryk man, die een wat so troosteloos oor sy vrou se dood gehuil het, is onlangs in hegtenis geneem en van haar moord aangekla, ’n volle drie jaar nadat sy haar laaste asem uitgeblaas het. Sheri-Ann Jacobs en Jacques Pretorius se huwelik was nog kwalik uit die wittebroodfase…

NET ’n paar weke gelede het feitlik niemand buiten sy familie en skoolmaats nog geweet wie hy is nie. Nou, meteens, is hy die gesig van menige ouer se grootste vrees – en die karakter wie se verhaal ouers snags laat wakkerlê. Owen Cooper het op die ouderdom van 15 oornag beroemd geword, en daar word oral gepraat oor die reeks waarin hy sy debuut as akteur maak. Hy speel die hoofrol in Adolescence, ’n Netflix-reeks wat mense wil laat wakker skrik met die boodskap: Kyk net watter ondenkbare skade kan sosiale media aan ons kinders berokken. Hy speel die 13-jarige Jamie, wat daarvan beskuldig word dat hy sy klasmaat, Katie, in ’n parkeerterrein doodgesteek het. Die moord is net ’n stukkie van die storie, want die verhaal wat agter…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. V Ek is absoluut woedend vir my kinders. Op die ouderdom van 55 het ek ’n weduwee geword. Ek was dankbaar dat my kinders toe reeds almal getroud was met hul eie gesinne, want dit sou vir my vreeslik gewees het as hulle nog klein en weerloos was. Ek is finansieel onafhanklik, met my eie huis en motor. My oorlede man het goed vir my voorsiening gemaak. Ná sowat twee jaar het…

Die Jakes Gerwel-stigting vier die nalatenskap van wyle prof. Jakes Gerwel. Een van die doelwitte van die stigting is die ontwikkeling van die talente van opkomende skrywers uit benadeelde gemeenskappe. Prof. Gerwel was onder meer hoof van die departement Afrikaans en Nederlands aan die Universiteit van Wes-Kaapland. Hy het in sy tyd die departement uitgebou tot die grootste daarvan aan ’n Suid-Afrikaanse universiteit – en dit in ’n tydperk toe daar in die radikale bruin gemeenskap intense verset en weerstand teen Afrikaans as die “taal van die verdrukker” was. Later het hy die dekaan van die Fakulteit Lettere en Wysbegeerte geword en toe in 1987 rektor en visekanselier van sy alma mater. Tussen Mei 1994 en Junie 1999 het Gerwel gedien as direkteur-generaal van oudpres. Nelson Mandela se kantoor en…

1 Wat is die warmste planeet in die sonnestelsel? 2 Van watter provinsie is die Leeus-rugbyspan? 3 Wat is Nieu-Seeland se hoofstad? 4 Waar woon Lilo en Stitch? 5 Watter president se gesig is op Suid-Afrikaanse geldnote te sien? ANTWOORDE: 1 Venus 2 Gauteng 3 Wellington 4 Hawaii 5 NelsonMandela BRONNE OCEANCENSUS.ORG.ZA, EDITION. CNN.COM, CBSNEWS.COM, FORBES.COM, BBC.CO.UK, HISTORY.COM, NASA.GOV…

‘MY MA en pa het geglo jy klim nie agter die stuurwiel as jy nie jou learner’s het nie. Wat ek nie kon verstaan nie, want my cousins het almal daai tyd gery sonder hulle learner’s. Ek was eers 18 toe my uncle my geleer ry het. Ek was baie nervous om te begin bestuur en nog meer toe ek moes gaan uitpass. Bid help baie. Maar snaaks genoeg was ek nie nervous toe ek vir my buslisensie gaan nie. My eerste keer agter die stuur van ’n bus was by Golden Arrow. Ek was daai tyd baie skraal en het soos ’n kind gelyk. Die interviewer kon nie verstaan wat ek daar soek nie. “Het jy al ’n bus gery?” “Nee, nog nie. Maar as jy my agter ’n…

OP DIE derde dag van vanjaar se Suid-Afrikaanse Ope is Dylan Naidoo en Laurie Canter kop aan kop. Dylan het die laaste putjie gemis, maar hy weet ’n nuwe rondte wag waarop hy al sy aandag kan fokus. Maar toe hy die volgende dag met lang treë op die deurdrenkte gholfbaan uitstap, sak sy moed in sy skoene. Só hard reën dit dat die vierde rondte gekanselleer is. “Ek kon dit nie glo nie,” sê Dylan. “Die voorspelling het gewys net ligte reën en wind, maar toe ek by die baan aankom, het dit gesous.” Oomblikke later kondig die organiseerders aan die titel gaan met ’n uitspeelstryd beslis word. Dylan het opgewarm en reggemaak vir die 18de putjie. Die laaste hou kon hy nie mis nie. Om hier te land,…

HULLE is ’n handvol. Of is dit liewer twee arms vol? Beskryf dit nes jy wil, die TV-aan-bieder Zoë Brown Anderson sêhaar tweelingseuns is vir haar en haar man, Robbie Anderson, ’n dubbele seën. Die boeties Jordan en Luke het op 12 Maart om onderskeidelik 18:11 en 18:38 die wêreld in ’n hospitaal in Sydney, Australië, binnegekom. Zoë en Robbie woon al byna ’n jaar Doer Onder. Jordan het 2,6 kg by geboorte geweeg en Luke 2,3 kg. Dinge het nou nie juis seepglad verloop nie, sê Zoë. Daar was aanvanklik groot kommer oor Luke. “Dit was skrikwekkend, want die naelstring was om sy nek gedraai,” sê sy. “Maar dokters het geweet wat om te doen en eindelik was alles oukei. Die geboorte was regtig spesiaal, veral toe albei seuntjies…

Ons het nie heeltemal geweet waar om te kyk toe PATRICK SCHWARZENEGGER in seisoen 3 van The White Lotus begin uittrek nie, maar vir sy nuwe Skims-veldtog hou hy dinge darem bietjie meer bedek. Patrick (31) en sy verloofde, ABBY CHAMPION (28), is te sien in die klerewinkel se nuwe troureeksveldtog. Die paartjie is al jare saam en het in Desember 2023 verloof geraak. Agt sekondes. Dis al wat jy hoef te kyk van die voorprent vir BRAD PITT se nuwe fliek, F1, om ’n vinnige kykie te kry na daai beroemde gespierde lyf. Benewens sy perfekte borsspiere wys Brad (61) ook sy indrukwekkende versameling tatoeëermerke, insluitend een wat hy in 2014 saam met sy eksvrou Angelina Jolie op sy arm laat ets het. In die fliek speel Brad ’n…