Innehållsförteckning för 15 May 2025 från Huisgenoot

1 ‘EK IS SO DANKBAAR VIR SY LEWE’ Izelle Els van Pretoria kon nie ’n skool vir haar downsindroomkind kry nie. Toe begin sy self een. Vandag floreer Jan-Herman (25) en talle ander soos hy Twaalf uit tien vir julle. Dit is net spesiale ouers aan wie sulke spesiale kinders toevertrou word. Sulke mammas is Liewe Jesus se witbroodjies. Ek weet, want ek was ook een. Mag julle uit jul sokkies uit geseën word. JACQUI Jou skool is vir seker ’n wonderlike uitkoms vir so baie ander ouers ook. Is daar ’n spesiale leerplan en lei jy self die personeel op? Daar is so baie wat mense graag wil weet. Ek is so bly saam met die ouers en die kinders. MARIETTE Welgedaan aan julle. Ek glo onse Hemelse Vader kies…

EK HET Lyle op die maatsoekapp Bumble ontmoet. Hy het toe nog in Potchefstroom gewoon, maar was op pad Kaap toe vir ’n werksonderhoud. Ons het besluit om mekaar te ontmoet wanneer hy in die Kaap is. Maar toe besluit ons om mekaar te video-call voordat ons mekaar in persoon ontmoet. Ek moet bieg: Teen daardie tyd was ek al verlief. Lyle het my laat voel asof ek hom al vir jare ken. Daar was net hierdie tipe gemak. Ons was vir twee ure op die foon voordat ons mekaar eindelik gegroet het. Ek wou nie baai sê nie. Toe ek Lyle vir die eerste keer sien, was ek ’n gone girl. Ek was tot my ore toe verlief. Hy is vir my die mooiste man. Ons het mekaar by…

DIE senuwees knaag aan die twee mans wat op die afgespreekte plek tussen Rayton en Bronkhorstspruit wag. Sê nou iets loop verkeerd? Dit sal nie die eerste keer wees dat hulle ’n bloutjie loop nie. Dan hou ’n vragmotor stil en hulle stap versigtig nader. Die bestuurder hou ’n plastiekkrat na hulle uit . . . en dan is daar pandemonium. Uit ’n geboutjie naby die toneel storm drie mans en neem die vragmotorbestuurder in hegtenis. Want hy is ’n smokkelaar en die “transaksie” is ’n goed beplande lokval. Een van die “kopers” – prof. Ray Jansen, ekoloog van die Tshwane Universiteit van Tegnologie – het egter net oë vir die krat. Want binne is ’n babamiervreter, oftewel ietermagog. Een van Afrika se mees bedreigde spesies weens die onwettige handel…

DIE bros konfytkoekies het geproe soos hoe ek dit as kind in die 1980’s onthou. Ek en ons Bonanza Films-span het in Junie verlede jaar by die taalkundige en skrywer prof. Hans du Plessis en sy vrou, Madgaleen, in ’n aftreeoord op Potchefstroom geskiet. Hans, toe 79 jaar oud, is al sedert sy middel-40’s siggestremd. Hy het vir ons sy “leesmasjien” gewys wat die letters aansienlik op ’n rekenaarskerm vergroot. “Ek het net besluit genade is groter as moeilikheid,” het hy gesê. Hy is natuurlik bekend vir sy Griekwapsalms, wat benewens verskeie bundels en Randall Wicomb-verwerkings ook hulle weg gevind het na ’n magdom skinkborde, kussings en tafeldoeke in stalletjies reg oor die land. Gewoonlik sonder dat sy naam daarby verskyn. “My vrou sê dis brood op die water,” het…

BUL 20 APRIL – 20 MEI Jy hou van stabiliteit, maar hierdie week gaan alles onderstebo keer. Uranus en die son is in jou teken en daag jou uit om groot veranderinge te oorweeg. Jy kan dit óf as ’n krisis sien óf as ’n kans om uit jou roetine te breek en iets nuuts te probeer. Dit verg dalk ’n bietjie waagmoed, maar die uitkoms sal jou verras. TWEELING 21 MEI – 20 JUN Mars en Mercurius bots, en dit maak mense knorrig, onvoorspelbaar en moeilik. Daar’s konflik in die lug, maar moenie jou laat intrek in ander se drama nie. Jou energie kan beter gebruik word vir planne vir jou nuwe astrologiese jaar. Bly kalm, vermy rusies en weet: Van die 20ste af is dit amptelik Tweeling-seisoen, en…

Hoe het June Osborne verander sedert seisoen 1? Toe ons June in seisoen 1 ontmoet, is sy al ’n paar jaar in Gilead. Sy is sonder stem. Sy mag nie praat nie. Ons hoor net haar gedagtes. Sy is reeds nie meer die persoon wat sy vroeër in haar lewe was nie, wat interessant is vir ’n akteur om te speel. In die loop van die reeks word June ’n totaal nuwe mens, iemand wat wel haar stem vind: kwaai en kragtig. Teen die laaste seisoen is June sterker, woedender en slimmer. Ja, sy dra baie meer pyn as voorheen, maar sy het ’n kragtigheid wat sy nie voorheen gehad het nie. Sy word al hoe meer ’n superheld. Alle mammas, alle ouers, alle versorgers van enige aard is superhelde.…

Waar kom jou liefde vir musiek vandaan? Die plaas. Die natuur wemel van half-heilige musiek en metafore. As kind het die radio heeldag in ons huis gespeel. My ma het elke liedjie saamgesing of saamgefluit. Plaaskinders bestuur al voor hulle voete behoorlik by die pedale kan bykom. Dikwels het my pa my op sy skoot geplak om bo die stuurwiel uit te sien. Terwyl ons deur die mielielande ry, het Pa oneindige liedjies en rympies opgemaak en uitgeryg. Dit sit steeds vas in my. Wou jy altyd ’n liedjieskrywer en digter word? Ek kon nie een van die twee voorsien nie. Al my belangstellings het egter altyd om visuele-of skryfkuns, musiek of drama gewentel. Ek was ’n onderwyseres, spelterapeut, opvoedkundige kinesioloog, skoolhoof, en betrokke in ons familieboerdery. Verder was…

GROOT BLOKRAAI NO 2596 KOMPETISIEVRAAG Watter huisdeel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. KOM IN AANMERKING VIR DIE MAANDELIKSE TREKKING VAN R1 000. WEN ’N BOEK VAN HUMAN & ROUSSEAU Hierdie week wen een leser ’n Droomman vir Carmi deur Elize Davies (H&R, R285). Carmi Molenaar, ’n eerstejaarstudent op Potchef-stroom, sukkel om tegelyk haar studies én haar bankbalans te laat klop. Ná ’n motorongeluk waarin haar halfsuster, Jolene, verlam is, besef Carmi sy is ál een wat haar sussie finansieel kan bystaan, ondanks haar grootmaakouers se afkeer van haar bloedfamilie. Een middag, terwyl sy diep ingedagte op haar fiets ry, kruis Carmi se pad met dié van Herman Hattingh. Al lyk dié regstudent soos haar droomman,…

KONSERT VAN HOOP VANJAAR SE OPENINGSKONSERT WAS IETS BESONDERS. Die Suid-Afrikaanse Jeugkoor en die Kaapstadse Filharmoniese Jeugorkes onder leiding van Liam Burden het uit al die uithoeke van die Wes-Kaap hier bymekaargekom. Die verhoog het gekreun onder die jong talent. “Hulle kom wys ons hoekom ons nog kan hoop hê vir ons land se toekoms,” sê Ilse Klink, een van die aanbieders by die konsert. Die Dance for All-geselskap van die Kaapse Vlakte het die gehoor ook op hulle voete gehad. Feesgangers kon feeskaartjies vir kinders borg teen R150 elk, en so kon bykans 6 000 kinders van reg oor die provinsie die fees met sy 200 produksies bywoon. KUNS TOT BY DIE KROONTJIE KIRBY VAN DER MERWE Daar was vanjaar sewe kunsuitstallings by die fees te sien, onder meer…

HUISGENOOT SE MEJ. TIENER- KOMPETISIE IS TERUG! In 2024 was dit Carli Oosthuizen. Is dit dalk vanjaar jy? SKRYF NOU IN H uisgenoot is op soek na Mej. Tiener 2025 – ’n rolmodel vir ’n nuwe generasie. Daar is weer groot pryse op die spel. Waarvoor wag jy? Skryf nou in! IS JY OF JOU TIENER TUSSEN 14 EN 18 JAAR OUD? Inskrywings is oop. Kry solank jou selfoonkamera gereed. HOE WERK DIT? 1. Besoek huisgenoot.com en gaan na ons spesiale inskrywingswebblad. Laai ’n foto van jouself op en vul die inskrywingsvorm in. 2. Maak ’n kreatiewe TikTok-video waarin jy meer oor jouself vertel. Volg en tag @Huisgenoot en gebruik #HGMejTiener2025 sodat ons jou video kan vind. 3. Inskrywings sluit op 9 Mei 2025 om 17:00. Skandeer die kode om…

DIE skrywer Ian Fleming het waarskynlik in sy graf omgedraai. Want hier is nou ’n vrou wat nié swig voor James Bond se sjarme nie. “I think you’re a sexist misogynist dinosaur,” snou sy hom toe. Om alles te kroon is dit die superspioen se baas, M, wat hom so op sy plek sit. Sien, Ian het al die hoofkarakters van sy gewilde fiksiereeks gegrond op ware lede van die spioenasiewêreld wat hy as Britse vlootoffisier tydens die Tweede Wêreldoorlog leer ken het. En dít was ’n manswêreld. Dus was M in sy boeke en die eerste rits Bond-flieks ’n man. Toe, 30 jaar ná Ian se dood, word Judi Dench die eerste vroulike M in GoldenEye (1995). “Ek’t nie besef dit sal so ’n op -skudding veroorsaak nie,” het…

Akteur en komediant Wanneer en waar was jy op jou gelukkigste? Op die verhoog. Ek love my werk en ek love dit om shows te doen. Dit voel nie soos werk nie. Wat sou jy anders doen as jy jou lewe kon oorhê? Ek sou vroeër begin rolbal speel het. Ek het saam met my ouers begin speel vir die grap, maar toe besef ek ek’s goed daarin! Wat is die ding wat jy die meeste in mense bewonder? Ek hou daarvan as iemand rêrig hulself is. Wie sou jy die graagste vir ete wou nooi en wat sou jy vir ete maak? Jim Carrey, en ek sal pasta maak. Ek’s lui. Wat kan jy nie verduur nie? Mense wat kliphard in die publiek video’s kyk op hulle foon. Wie is…

‘EK SING EN SPEEL NOU TONEEL VAN ’N ANDER PLEK AF. DANKSY DIE GROEI EN GENESING’ KUNS kan soms kom krap aan jou eie seer. Hildegardt Whites het as aktrise al baie moeilike storielyne vertolk. As Bonita in 7de Laan moes haar karakter rowwe draaie stap. En onlangs het haar karakter in Skemergrond, Lily, bekendgemaak sy is as tiener verkrag. Maar dít was haar karakters se stories. Hulle pyn. Nie haar eie nie. En tog vat dit aan ’n aktrise as sy op die spoor van swaarkry moet stap. Dit ruk ook aan haar eie rowe. Sy wat Hildegardt is, moes die afgelope tyd self moeilike dinge verwerk. Eers is haar pa oorlede en toe, net vier maande later, haar ma ook. In dieselfde tyd het 7de Laan sy deure…

GROENTE-DUMPLINGS in THAISE SOP GENOEG VIR 4 MENSE /BEREIDING: 45 MIN. /GAARMAAK: 45 MIN. Hierdie dumplings het ’n geurige groente-vulsel, word gestoom en voorgesit in ’n heerlike rooi kerriesop. VULSEL ◗ 15 ml (1 e) olie◗ 1 ui, fyngekap◗ 1 x 5 cm-stuk vars gemmer, fyngerasper◗ 2 knoffelhuisies, fyngekap◗ 350 g koolslaaimengsel◗ 50 g gesoute, geroosterde kasjoeneute OF grondboontjies, fyngekap (opsioneel)◗ 60 ml (¼ k) soet brandrissiesous◗ 15 ml (1 e) sojasous◗ 5 ml (1 t) witwynasyn OF ’n skeut suurlemoensap DUMPLINGS ◗ 1 x klaarbereide tuisgemaakte dumpling-deeg (sien bl. 25)◗ ’n bietjie mielieblom vir uitrol SOP ◗ 15 ml (1 e) olie◗ 30 ml (2 e) Thaise rooikerriepasta◗ 15 ml (1 e) tamatiepasta◗ 750 ml (3 k) groente- of hoenderaftreksel◗ 1 ui, in lobbe gesny◗ 2 stingeluie, gekap◗ 5…

KRY DIT HIER @HOMEBASH.COM, 0861-111-761; CIELO.CO.ZA 0861-107-108; HERTEXHAUS.CO.ZA 021-948-4764; MRPHOME.COM 064-584-1000; MUNGO.CO.ZA 010-595-2227; POETRY-STORES.CO.ZA 0860-555-529; SHEETSTREET.COM 087-754-5277; SHOP.BABYLONSTOREN.COM 021-300-3919; VOLPES.CO.ZA 041-402-6800; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

ACK trek Sundance se teuels i n. Die dorre vlakte lê voor hulle uitgestrek. Klippe en plek-plek ’n bossie. In die verte die ruwe toppe van die Sierra Nevadaberge. Hy lig sy hoed om sweet van sy voorkop af te vee en sien kraaie wat hoog in die lug sirkel. Is dit ’n mens wat daar onder lê? Sundance spits sy ore en trippel ongeduldig. “Sien jy dit ook?” Jack verslap sy greep op die teuels, en die perd kies versigtig ’n roete teen die steil helling af. Hy kniel by die man, skroef sy waterbottel se prop af en help hom om te drink. “Waar’s jou perd?” “Queho.” Jack knik. Dit verklaar die mes in die man se maag, die vingernaels wat uitgetrek is. Queho se foto pryk oral…

DIS al vroeër in hierdie rubriek genoem dat ek ’n aanhanger is van boeke wat flieks of reekse word. Dis fassinerend om te sien hoe vervaardigers kreatief raak om die betowering wat so dikwels in ’n uitstekende boek op papier vasgevang word te probeer vertaal na ’n visuele medium. As aanhanger van Margaret Atwood was THE HANDMAID’S TALE een van my gunstelinge. Ek het met groot afwagting die eerste seisoen van die reeks gekyk en was aangenaam verras oor hoe getrou hulle aan die boek was, en hoe hulle die benoude angstigheid van ’n land onder ’n tirannieke regering visueel kon uitbeeld. Die laaste episode van die reeks het geëindig waar die boek eindig – op ’n cliffhanger in televisietaal, met ’n “oop einde” in literêre taal. Die implikasie was…

DIE burgemeester van ’n Nederlandse dorpie moes met skaamte erken werkers by die gebou het waarskynlik ’n kunswerk van Andy Warhol, asook 45 ander, in die asblik gegooi. Die Andy Warhol-kunswerk kom uit sy reeks getiteld Reigning Queens en is van die voormalige Nederlandse koningin Beatrix. Die Amerikaanse kunstenaar het Reigning Queens in 1985 geskilder oor vier heersende koninginne van daardie tyd – koningin Beatrix, die Verenigde Koninkryk se koningin Elizabeth II, Denemarke se koningin Margrethe II en koningin Ntfombi Tfwala van Eswatini (toe nog Swaziland). “Dis nie hoe jy kuns hanteer nie. Dit het gebeur en ons is spyt daaroor,” sê Hans van der Pas, die burgemeester van Maashorst. Die munisipaliteit was besig om die kunswerke te herrangskik toe ’n misverstand ingesluip het en van die kunswerke verlore geraak…

1 Op watter vasteland is daar geen reptiele nie? 2 Watter sosialemediaplatform is vanjaar 20 jaar oud? 3 Waar woon Peter Pan? 4 Watter land het al die meeste Wêreldbekers vir sokker gewen? 5 Watter voël vlieg die hoogste? Antwoorde 1. Antarktika 2. YouTube 3. Neverland 4. Brasilië 5. ’nValk BRONNE HISTORY.COM, KIDS.BRITANNICA.COM, TRANSPORTATIONHISTORY.ORG, EURONEWS.COM, PEOPLE.COM, EDITION.CNN.COM, ALLENINSTITUTE.ORG, APNEWS.COM…

“Ek is verlief.” Die logika van die sin impliseer dat ek tot onlangs nie baie lief was nie. Ek was onlief. “Lief” beteken baie dinge, maar vernaamlik “dierbaar” en “bemind”. Dis gerusstellend om te weet dat iets kan gebeur wat jou dierbaarheidstatus kan verander. Vir al die ondiere onder ons is dit ’n stukkie genade. In die Germaanse tale hang al die “liefs” in ’n wolkie bymekaar, afkomstig van ’n wortel wat min of meer beteken het “die ding waarna jy verlang” of “die onderwerp van jou begeerte”. Daardie ou, ou woord was leubh. Hy sit in Goties liufs, Duits lieb, Engels love – en in Latynse woorde soos libet en libido. Die verband tussen “lief” en “leef” is dalk nie etimologies nie, maar dit voel tog reg. En sonder…

ENKELSTEWELS Hierdie kort stewels wat tot by of net bo die enkels kom, is ’n staatmaker – perfek vir alles van jeans en spanbroeke tot rokke en rompe. CHELSEA-STEWELS Dié enkellengtestewels het ’n rekbare sypaneel en lae hakke, wat dit stylvol en gemaklik maak. BROGUES MET VETERS Dié modieuse, stewige skoene word deur veters en soms ’n gaatjiespatroon gekenmerk. Dis ’n sjiek keuse vir elke dag. INSTEEKSKOENE Insteekskoene het nie veters nie en ’n lae hak. Dis stylvol en gemaklik. MILITÊRE STEWELS Dié “soldatestewels” met enkel-ondersteuning sal enige uitrusting skop gee. Dit werk die beste by noupassende broeke, rompe en rokke. OORVOUSTEWELS Hierdie tekstuurryke stewels is ’n stelling op hulle eie. Dit pas die beste by ’n eenvoudige uitrusting wat hulle tot hulle reg laat kom. KNIEHOOGTE- STEWELS Dié stewels…

V Ek was in ’n familie waar ek baie ontuis gevoel het. My ma het my broer en suster aanbid, terwyl ek nader was aan my oorlede pa. My ma en suster was boesemvriendinne en intieme vertrouelinge. Ek was die vyfde wiel aan die wa. Deur die jare het dinge baie toksies geraak. My suster is ongetroud, selfgesentreerd en soms ’n ware drama queen. My man en ek lei ’n goeie, standvastige lewe met goeie waardes en beginsels. Ek het later begin agterkom dat ek en my man beskinder word, selfs deur my broer en sy gesin. Ook dat hulle ons agteraf bespot en verneder. Dit was duidelik vir my dat my ma nie dieselfde liefde en lojaliteit vir my het nie. Omdat ek hulle nie meer kon glo of…

DIE vertaalregte vir 27 boeke van NB-Uitgewers is in die huidige boekjaar aan buitelandse uitgewers gelisensieer – die meeste in hul geskiedenis. “Dis wonderlik om te dink dat Suid-Afrikaanse verhale gelees gaan word van New York en Warskou tot in Beijing. Ons weet dit nog altyd, maar hierdie regteverkope bewys opnuut dat ons skrywers boeke van internasionale standaard skryf,” sê Annie Olivier, hoofbestuurder van NB. Ons het met vyf van die skrywers gesels. INGRID WINTERBACH Karolina Ferreira, wat al in Engels vertaal is, word nou ook in Bulgaars uitgegee. In my Engelse vertalings kan ek op Michiel Heyns vertrou om my stem en stemtoon te kry. In Frans en Bulgaars het ek geen idee nie! Soos ek kan agterkom deur Google Translate is dit in Bulgaars vertaal as Karolina Ferreira,…

LITTLE WOMEN (2019) Dié klassieke verhaal wat in die 19de eeu in Massachusetts in die Amerikaanse Burgeroorlog af-speel, gaan oor die vier Marchsusters – Jo (Saoirse Ronan), Meg (Emma Watson), Amy (Florence Pugh) en Beth (Eliza Scanlen). Dis ’n groot gunsteling en sal seker altyd een wees. Die susters woon saam met hulle ma, Marmee (Laura Dern), en die groep vroue moet alleen die mas opkom met hulle pa wat in die oorlog veg. Die geld is min en die March-gesin doen hulle bes om in die moeilike tyd te oorleef. Jo, ’n aspirantskrywer, be-land in New York, waar sy probeer om haarself te vestig in ’n bedryf wat hoofsaaklik uit mans bestaan. Meg trou, en die kunssinnige Amy gaan woon by haar tante (Meryl Streep) oorsee in Parys. Maar…

ALTE BEKEND Kallie: “Ek is seker ek het jou gesig al êrens gesien?” Mike: “Nee, dis mos nie moontlik nie. Ek dra my gesig altyd saam met my.” Johan H, Gonubie SLAAPTYD “Hallo, my skat!” groet die boemelaar vrypostig en gaan sit langs die deftige vrou op die parkbankie. “Ek is g’n jou skat nie,” sê sy verontwaardig en skuif weg. “Nou wat soek jy dan hier op my bed?” wil hy weet. San Marchand KOPSTUKKE ■ Waarom het die afgetrede bankwerker ’n sielkundige gaan sien? Onttrekkingsimptome, natuurlik. ■ Die rugbyskeidsregter kla: “Dok, ek’s vreeslik gestres. Niemand is ooit tevrede met my werk nie.” Toe verwys die sielkundige hom na die oogarts. Johanna Rademeyer SONDEVRY Ek was dokter toe vir my jaarlikse ondersoek. Hy sê toe vir my ek is…

‘ONS WOU HULLE GROOT LANDSKAPPE WYS: WOESTYNE, BERGE, VLAKTES. ONS WOU HÊ HULLE MOES DIE WYDSTE, ASEMROWEND-STE UITSIGTE MOONTLIK SIEN’ TOE Mia Pelletier drie was, het sy gesukkel om in die donker te sien. Wanneer sy in die nag opgestaan het, het haar ouers opgemerk sy loop in mure vas en struikel oor meubels. Hulle het gedink dis vreemd en het dit aan ’n oogkundige genoem, maar Mia was hulle eerste kind, so hulle het nie van beter geweet nie. Hulle het probeer om hulle nie daaroor te bekommer nie. Oor die volgende vier jaar, terwyl hulle gesin uitgebrei het om Leo, Colin en Laurent in te sluit, het Edith Lemay en Sébastien Pelletier hulle dogter Mia na ’n paar oogspesialiste geneem. Hulle het toetse vir ’n ver skeidenheid siektes…

‘LET them.” Daai twee klein woordjies kan jou bevry, sê Mel Robbins. Laat mense wees wie hulle is en doen wat hulle doen. Laat hulle toe. Hou op om jou tyd en energie te mors op dinge wat nie in jou beheer is nie – soos ander mense se opinies, buie en optrede. Jou pa maak wéér ’n opmerking oor jou lewenskeuses? Laat hom. Van jou kollegas is in ’n slegte bui? Laat hulle knorrig wees. Moenie toelaat dat hulle negatiewe energie jou dag bederf nie. ’n “Let them”-ingesteldheid bevry jou van die uitputtende siklus waar jy probeer om alles en almal om jou te hanteer en te beheer, sê die topverkoperskrywer en motiveringspreker in haar nuwe boek, The Let Them Theory. Dit gee jou die vryheid om te fokus…

DIS douvoordag in Kalifornië se Montecito en ’n TV-span staan bont in ’n deftige huis nie ver van waar die prins en sy gesin woon nie. Hou toe die deure, hoor die span – die skreeuende poue op die grasperke sal inloop as hulle die kans kry. Harry daag op en stel homself voor. Saaklik in sy donker baadjie en oopkraaghemp. Hy skud hand met Nada Tawfik, die BBC se New York-korrespondent wat die onderhoud gaan doen. Sy’t net tien minute vir die onderhoud, hoor sy. Maar toe hy eers lostrek, kan hy nie ophou nie. En ’n halfuur lank spoel die rooikopprins toe mond uit. Wat hy te sê het, sorg toe ook vir meer as wat die onderhoudvoerder verwag het – ’n opspraakwekkende ontboeseming amper soos prinses Diana…

Dis 14 jaar sedert die wêreld gesien het hoe PRINS WILLIAM en PRINSES CATHERINE van Wallis in die huwelik tree. En op hulle huweliksherdenking vanjaar lyk die tweetjies selfs meer verlief as toe. William (42) en Kate (43) het onlangs die bewoners van die eilande Mull en Iona in Skotland bekoor op ’n besoek van twee dae wat toevallig saamgeval het met hulle huweliksherdenking. In Skotland gebruik die egpaar die titel hertog en hertogin van Rothesay, wat in 2022 aan hulle toegeken is. Volgens Kensington-paleis het William en Kate tydens hulle besoek met die plaaslike mense koppe bymekaargesit om te besin oor die krag van sosiale verbintenisse en hoe belangrik dit is om die natuur te beskerm. Al was die reis deel van hulle koninklike pligte, was die vonk…

Chanel Cruisevertoning PREMIÈRE VAN THUNDERBOLTS*…