Innehållsförteckning för 22 May 2025 från Huisgenoot

1 ‘EK KIES ELKE DAG OM NIE TE RELAPSE NIE’ Hy is al jare lank skoon van sy verslawings. Maar dit bly ’n daaglikse stryd waarin hy elke dag as die oorwinnaar uittree, sê die akteur Hykie Berg As mense kom ons voor baie keuses te staan. Ek is trots en dankbaar, Hykie, dat jy die regte keuse gemaak het. Dit vat ’n man om te sê “ek het dit of dat gebruik, maar met God se genade is ek skoon en ’n ander mens”. MONICA Jy is ’n baie goeie mens en ’n inspirasie vir soveel ander. Weet net, ons as jou aanhangers staan almal bankvas agter jou. En ons weet jy sal nie weer ingee vir die slegte dinge in die lewe nie. MELINDA Jy is ’n kind van…

AS ’N mens van die straat af na dié huis in die Kaapse rykmansbuurt Higgovale kyk, kan jy jou nie indink die mense wat daar woon, beleef ooit ’n oomblik se kommer of hartseer nie. Die huis staan tussen die eikebome teen die hange van Tafelberg, gebou op drie vlakke, met ’n lushof van ’n tuin. Die dekor en kunsversameling binne sal fynproewers na hul asem laat snak. Die instapklerekas is iets om te aanskou. En die inwoners het selfs hul eie voltydse barista om vir hulle koffie te maak. Die gesin het ook ’n sjef, ’n huisbestuurder en ’n tuinbestuurder. Hier woon die TV-persoonlikheid Shari Kennedy (Van Niekerk), aanbieder van Hokaai, my meisie op kykNET, en haar gesin. Mooi mense, innig lief vir mekaar. Sekerlik kan die lewe nie…

Die moulose baadjie Hierdie moderne staatmaker bied eindelose moontlikhede vir ’n laag-op-laag-voorkoms. Die luiperdrok Dié treffende stuk word as eietyds en neutraal beskou en kan met verskillende basiese items in jou klerekas gekombineer word. Die trui met ’n kort ritssluiter Hierdie trui is geïnspireer deur atletiek-en militêre drag en het ontwikkel tot ’n basiese kledingstuk wat gemak en gesofistikeerdheid kombineer. Dra dit alleen of in lae. Sakkerige jeans Die afgelope dekade het jeans gegaan van sakkerig en groot na noupassend, slank en reguit. En toe weer terug na sakkerig! KRY DIT HIER BASH.COM; BELLALUNA.CO.ZA; COTTONON.COM; COUNTRY ROAD 021-408-7600; EDGARS 031-010-0005; EMMELINES.CO.ZA; EXACT 0860-834-834; FOREVER NEW.CO.ZA; FOSCHINI 0860-834-834; H&M 0860-690-707; JET 0860-111-881; JOBORKETT.COM; LOVISAJEWELLERY.CO.ZA; MARKHAM 0860-834-834; MRP.COM; OLDKHAKI.CO.ZA; OLDSCHOOL.CO.ZA; POETRY.CO.ZA; PRINGLE 021-555-3377; PUMA.COM; QUEENSPARK.COM; SHOE CITY.CO.ZA; SUPERBALIST.COM; THE FIX 0860-834-834; TRENERY…

VEk wil graag weet of ander mans ook so maak en of dit net my man is wat so optree. Hy is nou amper 70. Ek is ses jaar jonger. Die afgelope maande het hy met geite begin en dit irriteer my grensloos. Hy het tot die slotsom gekom dat ek ons klere gedaan was, hoewel ek net een keer per week wasgoed doen. Nou maak hy só: Hy dra ’n hemp ’n dag lank, daarna hang hy dit in die kas en dra dit ’n paar dae later weer. Soms dra hy klere drie dae ná mekaar! Sy denims sommer ’n week. Sy redenasie is dat hy nie sweet nie en die hemp word nie vuil nie. Naweke gee hy net die plante water, kyk televisie en gee die…

1 HOE VERSKIL DIT VAN KREDIET KAARTE? ◗ ’n Oortrokke rekening word gekoppel aan jou transaksierekening, soos ’n tjekrekening. Wanneer jou rekening leeg is, maar jy moet iets betaal, skop die oortrokke rekening in. Jy betaal rente op die oortrokke bedrag van die oomblik wat jy dit bestee. ◗ ’n Kredietkaart is ’n aparte rekening met ’n rentevrye tydperk (tot 55 dae) as jy die volle saldo maandeliks getrou betaal. Ná die vervaldatum word rente op enige onbetaalde kredietskuld gehef. 2 IS DAAR VASTE TERUGBETA LINGS? Die bank sal die oortrokke bedrag aftrek van jou rekening sodra jy weer genoeg geld (soos jou salaris) inkry. Voorbeeld Jou banksaldo is nul, maar jy moet onverwags die loodgieter R2 000 betaal. Jou oortrokke gerief dek die bedrag en gevolglik is jou banksaldo -R2 000.…

DIT gebeur soms dat ’n mens ’n reeks totaal en al misloop – dit val deur die krake of jy besef nie lekker dat dit iets is wat jy eintlik graag sal wil kyk nie. Ek het nogal so ’n klein fobie daaroor, so ek is alewig besig om te lees en te luister waarna mense kyk, wat hulle geniet, wat hulle kettingkyk en wat ’n mens eintlik maar kan los. Dit val seker onder fomo (fear of missing out), maar dis so spesifiek en slegs van toepassing op TV dat dit dalk eerder fomas moet wees – fear of missing a series. Ek is daarom altyd verras wanneer ek iets ontdek wat ek misgeloop het. Dit gebeur selde, want ek hou baie daarvan om deur Netflix of Showmax te…

1 In watter land is die fliekreekse The Lord of the Rings en The Hobbit verfilm? 2 Hoe oud is Ethel Caterham, wat onlangs die oudste persoon in die wêreld geword het? 3 Watter soort kat is Garfield? 4 Vir watter span speel Lebron James basketbal? 5 Watter popster het onlangs ruimte toe gegaan saam met ’n groep vroue? ANTWOORDE 1 Nieu-Seeland  2 115 jaar oud 3 ’n Persiese kat 4 LosAngelesLakers 5 KatyPerry BRONNE: LATIMES.COM, OUTSIDEONLINE.COM, VAULT.SI.COM, INCAT.COM.AU, BBC.CO.UK, JORDANTIMES.COM, NEWS.SKY.COM, ABCNEWS.GO.COM, WIRED.COM, FORMULA1.COM, SPACE.COM, THEGUARDIAN.COM, NETWERK24.COM…

DIE vierde aflewering van Huisgenoot Eisteddfod is hier. Vanjaar soek ons weer na die heel blinkste sterre – en hulle kan weer R10 000 wen. O, en natuurlik spog met die gesogte titel van Huisgenoot Eisteddfod se ster van die jaar. Net verlede jaar het Saskia McDilling van Gordonsbaai en Stofberg Smit van Heidelberg in Gauteng dié titel verower. Twéé wenners? Ja, ons Huisgenoot-paneel was so beïndruk met hulle albei, ons het sommer op twee groot wenners besluit. “Iets het vir my gesê ek moet aanhou, want my talent is ’n geskenk wat ek met mense moet deel,” sê Saskia, wat toe in matriek was en ons met haar voordrag van ’n gedig beïndruk het. Saskia neem al sedert 2022 deel toe die eisteddfod begin het. Toe sy uiteindelik dié…

ELLEN DeGENERES het die glanslewe van Hollywood vir ’n plaaslewe met hoenders verruil. Sy woon nou op ’n rustige dorpie in Oxfordshire, Engeland. Ellen (67) en haar vrou, Portia de Rossi (52), gee gereeld vir aanhangers ’n kykie in hulle nuwe leefstyl, en deel video’s waar Ellen in die grond werk en die hoenders voer. In een van die byskrifte sê Ellen grappenderwys: “Party mense droom daarvan om ’n boer te wees. Blykbaar was ons droom om ’n landskap-instandhoudingspan te wees met ’n bietjie boerdery daarby.” Die komediant het sedertdien ook haar blonde voorkoms vir haar natuurlike grysbruin hare verruil – en lyk gelukkig en gemaklik met dié nuwe hoofstuk in haar lewe. Die paartjie het aanvanklik ’n huis gekoop in die Cotswolds, ’n streek wat bekend is vir sy beroemde…

Mariëtte is soos: Het jy geweet ’n tafel in Swahili is meza en in Portugees is dit mesa? Dit kan nie toevallig wees nie. Mense met hulle naïwiteite, dink ek. Natuurlik kan dit toevallig wees, lig ek haar in, want iemand moet. “Trouens,” sê ek (want ek gebruik woorde soos trouens) . . . “Trouens, het jy geweet as jy sê ag so nè in Afrikaans, dan klink dit presies net soos a so ne in Japannees – én boonop (nog ’n woord wat ek skaamteloos gebruik) . . . Boonop beteken dit presies dieselfde. Toevallig? “Ja. Ja, dis toevallig.” Mariëtte kyk my so. “Ag so, nè?” sê sy. “Jy weet, jy het baie goeie eienskappe wat jou ’n groot aanwins vir die wêreld kon gemaak het. Maar jy’s nogtans…

Wanneer en waar was jy op jou gelukkigste? Nou. Dis byna aandete. Ek sien hoe my kinders sonder moeite huiswerk wil doen, en ek en my man is gemaklik met ons liefde. Wat sou jy anders doen as jy jou lewe kon oorhê? Om in een van my kinders of honde te reïnkarneer. Hulle het ’n heerlike lewe. Wat is die ding wat jy die meeste in mense bewonder? Eerlikheid en die bekwaamheid om iemand te laat lag. Wie sou jy die graagste vir ete wou nooi en wat sou jy vir ete maak? Robert De Niro. Skaapboud. Wat kan jy nie verduur nie? Iemand het dié week gesê ek jok en ek het soveel aanstoot geneem. Wat is jou diepste put van ellende? Suiker. Ek probeer dit nou al ses…

SOOS enige boorling van Chicago jaag hy pizzasnobs die harnas in deur “deep dish” bo die tradisionele dun, bros kors te verkies. Sy gunstelingbofbalspan? Chicago se White Sox, natuurlik. Maar Robert Francis Prevost (69) praat ook vyf tale en het vir jare onder die armes van Peru gewerk. En nou is sy nuwe woonadres die Vatikaanstad in Rome. Voortaan heet hy pous Leo XIV, hoof van die Katolieke Kerk. Min mense het verwag hý sou op die balkon verskyn nadat die tradisionele wit rook uit die skoorsteen van die Sixtynse kapel geborrel het. Maar daar staan hy toe, die eerste pous uit Noord-Amerika. En boonop een wat skynbaar krities is jeens pres. Donald Trump se beleidsveranderinge in sy geboorteland. Art Purcaro, ’n Katolieke sendeling wat Leo deur die jare goed…

DIE oudkurator van die Genadendal-sendingmuseum, die 76-jarige dr. Isaac Balie, beweeg met ’n skuifelstappie na die uitstalruimte. Hy gaan staan voor ’n gelamineerde stukkie papier teen die muur en dra die handgeskrewe Afrikaanse woorde daarop trots voor, met sy stem wat deur die stil vertrek eggo: “Komplimente en beste wense aan ’n beroemde inrigting. Nelson Mandela.” Madiba het Genadendal, die dorpie buite Greyton in die Wes-Kaap, op 10 Oktober 1995 besoek. Bo die aanhaling wat Isaac lees, pryk ’n foto van hom, byna 30 jaar jonger, langs ons voormalige president. “ ’n Reuseskare was hier tesame op die kerkwerf,” vertel Isaac met blink oë asof hy daardie dag herleef. Hy wys na verskeie koerantuitknipsels teen die muur. “Hierdie is die persberigte wat sê die president herdoop sy ampswoning. Dit was…

As jy kort nadat jy by die werk aangekom het, gaap of jou kop knik in ’n vergadering, is dit dalk ’n teken dat jy ernstig oor moegheid moet begin dink en dit nie net aan verveling of ’n slegte nag se slaap toeskryf nie. Volgens die American Academy of Sleep Medicine is slaperigheid deur die dag ’n ernstige gesondheidsrisiko. Dit verhoog jou kanse vir ongelukke, foute by die werk en selfs probleme in jou persoonlike en professionele verhoudings. Navorsing ondersteun deur 25 mediese instansies wys dat minder as sewe tot agt uur slaap per nag die risiko vir toestande soos diabetes, depressie, nier-en hartkwale, hoë bloeddruk, vetsug en beroertes verhoog. Tog is dit iets wat baie mense afmaak – tot hulle in die openbaar begin indut of hulle gemoed…

MIETSIE MEERKAT SE DAPPER DAAD DEUR JURINA AUCAMP, ILLU-STRASIES: RONÉLL LAREMAN Turksvy Publikasies, R110 “My ervaring as onderwyseres het vir my gewys ons kinders is uitgehonger vir interessante stories wat hul verbeelding prikkel. Hul woordeskat word deur lees van storieboeke uitgebrei. Dit kom mens gou agter wanneer hulle naweeknuus of hul eie storie moet skryf.” Jurina Aucamp het by Laerskool Gene Louw in Durbanville vir graad 3 klasgegee en was langer as 30 jaar in die onderwys. Sy en haar man het op Hartenbos aan die Tuinroete afgetree. “Wanneer lees vir ’n kind ’n uitdaging is, is dit só belangrik om vir hulle eers ’n boek te gee wat maklik lees en oor iets gaan waarin hulle sal belangstel. So word daar geleidelik ’n liefde vir boeke ontwikkel. In my…

MARY POPPINS RETURNS (2018) ’n Mens neig om skepties te wees oor opvolgprente, veral as die eerste rolprent so ’n reusesukses was soos Mary Poppins (1964). Wie kan dan nou beter wees as die immergewilde Julie Andrews in die titelrol? Maar Mary Poppins Returns is eerlikwaar net so vermaaklik, en Emily Blunt het haar baie goed van haar taak in die titelrol gekwyt. Die fliek speel sowat 20 jaar ná die eerste een af. Die Banks-kinders Jane (Emily Mortimer) en Michael (Ben Whishaw) is nou volwassenes. Michael en sy drie kinders, John, Annabel en Georgie, sukkel om aan te pas ná die dood van sy vrou, en boonop het Michael ernstige finansiële probleme, met die bank wat dreig om sy huis te vat. Hy het ook dringend hulp nodig met…

ONSKULDIG Die pakhuiswerker is oorbluf en sê vir die voorman: “Ek kan nie verstaan waarom meneer al weer vir my kwaad is nie. Ek het dan heeldag nog niks gedoen nie.” E. Moelich VYFSTER “Is jy seker hierdie plek is higiënies?” vra die restaurantgas aan die kelner. “O ja, Meneer!” antwoord die kelner. “Meneer kan van die vloer af eet.” “Dis juis my probleem. Dit lyk asof iemand dit reeds gedoen het.” San Marchand HIER’S HY WEER “Glo jy in lewe ná die dood?” wil die werkgewer van sy werknemer weet. “Beslis nie, daar is geen bewys daarvan nie.” “Wel, daar is nou. Nadat jy gister vroeg weg is om na jou oom se begrafnis toe te gaan, het hy jou hier kom soek.” Wollie, Pretoria HENGELSTORIES “Liefie, jy vang…

DIE eerste ding wat ’n mens opval, is die foto’s op die blou kombers oor Eben Beukes se brose lyfie. Dis vrolike tonele van die tienjarige Eben en sy maats, sien jy. Toe hy nog gesond genoeg was om te speel. Maar vandag laat pa Hendrik se sagte aanraking en “hallo, Boeta” sy oë net vlugtig oop en toe fladder. Hendrik (46) trek die kombers versigtig hoër op. “Dit breek my hart om my kind so te sien. Om te weet hy gaan nooit weer vir my kan vertel wat hy by die skool gedoen het nie. My lewe het in ’n oogwink verander.” Net minder as ’n jaar gelede het Eben nog saam met sy suster, die 15-jarige Ané, in die branders gespeel, sê Hendrik. Min het hy toe…

BUITE was die hemel dalk grou en het die reën gesorg vir ’n nat en koue herfsdag, maar op die De Grendel-wynlandgoed naby Kaapstad was al die kleure van die reënboog en vrolikheid net waar jy kyk. Tussen die geel, pienk, groen, blou, oranje en pers het Marciel Hopkins en die 45 spesiale vriendinne wat haar babatee bygewoon het, skoon vergeet dis eintlik maar ’n trietsige dag. “Die idee was om kleur en vreugde na die dag te bring omdat dit so baie gereën het,” sê dié voormalige Boer soek ’n vrou aanbieder. “Maar ek het die reën in elk geval beskou as die Here se seën.” Bekendes, onder wie Donnalee Roberts, Mila Fourie, Marguerite Harris en Anna-Mart van der Merwe, het van reg oor die Kaap gereis om die…

SY SUPERGEWILDE TV-karakter kon met sy vuis deur mure slaan, 60 km per uur hardloop en het ’n oog gehad wat soos ’n kameralens kon inzoem. Want hy was die Bioniese Man, ’n mens wat herbou is ná ’n verskriklike ongeluk. Maar in die werklike lewe was daar geen tegnologie wat kon verhoed dat Lee Majors, gebore op 23 April 1939, op ’n bitter jong ouderdom wees gelaat word nie. Sy pa is vyf maande voor sy geboorte in ’n ongeluk in ’n staalfabriek dood. En hy was net 17 maande toe sy ma deur ’n kar doodgery is. Hy is onder die dak van ’n oom in die platteland van Kentucky grootgemaak. Op hoërskool is Lee se droom om professionele voetbal te speel deur ’n ernstige rugbesering verpletter. Hy…

‘DIE TAAL WAT OUMA GEPRAAT HET, HOOR MENS NIE MEER NIE’ WANNEER my redakteur se treë kort en vinnig in die gang gehoor word, het sy ’n plan. Sy het dikwels planne, en sy voer dit meedoënloos uit. Dis hoekom sy redakteur is. En dis hoekom ek nou hier sit, oorkant my ma, die skrywer en digter Antjie Krog, met ’n notaboek in die hand. Ek dink ons is albei ewe senuweeagtig. Ek omdat ek skielik vrae moet vra wat ek voorheen vermy het. Sy omdat sy nie weet watter nare skryfgewoontes ek by Huisgenoot aangeleer het nie. “Ag nee wat,” val my ma my sommer dadelik in die rede. “Jou ouma het self al die jare vir die Sarie geskryf en haar beste werk so gelewer. So watter…

HAAR lewe is ’n geskarrel oor Amerika heen om motiveringstoesprake te lewer, maar binnekort lewer sy haar laaste praatjie vir ’n baie lang ruk. En dis nie omdat haar loopbaan vashaak nie, maar omdat sy plek maak in haar lewe vir iets wat gelyk piepklein en gróót is. Die koms van haar eersteling. “Diep in my hart wou ek nog altyd ’n ma word,” sê Demi-Leigh Tebow aan die vooraand van haar dogtertjie se koms. “Ek is tans agt maande swanger, my kraamverlof is net om die draai en ek kan nie wag om ons baba te ontmoet nie.” Verlede jaar het die voormalige Mej. Suid-Afrika en Mej. Heelal vertel sy en haar man, Tim Tebow (37), droom van hulle eie kroos noudat hulle goed gevestig is in hulle gedeelde…

CHINESE ROER-BRAAI met EIERRYS GENOEG VIR 4-6 MENSE /BEREIDING: 20 MIN. MARINEER: 1 UUR OF OORNAG /GAARMAAK: 45 MIN. Ons gebruik beesvleis vir hierdie wegneemgunsteling, maar hoenderfilet, varkfilet of varknek werk net so lekker. ◗ 400-500 g beeslendesteaks of◗ 1-minuut-steaks◗ 2,5 ml (½ t) Chinese vyfspeserye◗ 30 ml (2 e) sojasous◗ 1 knoffelhuisie, fyngerasper KRUMMELLAAG ◗ 125 ml (½ k) koekmeel◗ 125 ml (½ k) mielieblom◗ sout na smaak ◗ olie vir diepbraai ROERBRAAI ◗ 125 ml (½ k) soetrissiesous◗ 30 ml (2 e) sojasous◗ ’n bietjie olie vir braai◗ 1 groot ui, in wiggies gesny en die lobbe van mekaar afgebreek◗ 2 knoffelhuisies, fyngekap◗ 5 cm-stuk vars gemmer, geskil en fyngekap of fyngerasper◗ 1 elk rooi en geel soetrissie, ontpit en in skyfies gesny◗ 1 bos spinasie, stele uitgesny,…

TWEELING 21 MEI - 20 JUNIE Jy’s nie iemand wat graag op die agtergrond bly nie, so wees reg om te skitter op die 26ste wanneer Mercurius terugskuif na jou teken toe. Jy gaan lus voel vir ’n partytjie en om nuwe mense te ontmoet. Met die nuwemaan op die 27ste en gelukkige Jupiter in jou teken, kan jy groot doelwitte vir jouself stel en dinge aan die gang kry. KREEF 21 JUN – 21 JUL Op die 25ste maak Saturnus ’n groot skuif in jou loopbaanhoroskoop, en dit kan belangrike besluite vereis. Jy het tyd om daaroor te dink, maar dis wys om eerlik na jou werkvooruitsigte te kyk. Groot veranderinge kom dalk, maar dit gaan nie maklik wees nie. Harde werk en deursettingsvermoë is nodig. Wees oop vir…

HULLE is bekend vir hulle unieke elektroniese, dans-en klubmusiek. Met treffers soos “Jy bly stil” saam met Jack Parow (Waar bly jy? Jy bly stil!) en “Dronk op die liefde” saam met Early B het hulle vele dansvloere en huispartytjies aan die brand laat slaan. Tog is die duo van Van Pletzen, bestaande uit PEACH VAN PLET- ZEN en MATTHIEU AURIACOMBE oftewel Makkie, meer as net die klanke waarvoor hulle bekend is. Hulle beweeg op die snykant van alternatiewe Afrikaanse musiek, en hou daarvan om te eksperimenteer met musiek en lirieke. Met die uitreiking van hulle vierde album aan die einde van April, heel gepas getiteld Om lig te maak, het Peach en Makkie besluit om ’n nuwe rigting met hulle musiek in te slaan. “Ons wortels sal altyd gegrond wees…

IN HIERDIE WEER TINO Sy stem streel die hartsnare in sy nuutste liedjie, “In hierdie weer”. In die musiekvideo stap hy kaalvoet op Mosselbaai se strand met ’n donkerbril en ’n breë glimlag terwyl hy sing van die liefde en ewe vrolik sy kitaar tokkel. Die liedjie is iets wat jy langs ’n kampvuur kan geniet saam met vriende terwyl die vleis oor die kole braai. Tino sê die liedjie het vir hom groot persoonlike betekenis. Dit verteenwoordig sy groei as kunstenaar en sy eerlike benadering tot die liefde. Hy vertel die skryfproses het spontaan op Schwabie, sy medekunstenaar en vriend, se stoep op Mosselbaai begin. Dit was bloot ’n eenvoudige melodie en eerlike woorde uit sy hart. Tino glo musiek moet ’n mens iets binne jou laat voel, en…

GROOT BLOKRAAI NO 2597 KOMPETISIEVRAAG Watter vertrek is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Die Suid-Afrikaanse lugbraaier-kookboek 2 deur Louisa Holst (H&R, R350). Vinnig, flatervry en perfek vir Suid-Afrikaanse gesinne. Louisa Holst ken die lugbraaiermark en bring weer plaaslike geure na vore. Haar resepte in dié uitgawe sluit springbokkie-kaaskoek in, asook brandewyn-en-Coke-hoendervlerkies, snoek-en-appelkoos-filosamoesas en ’n visvinger-gatsby vir honger kinders wat hulle self aanmekaar kan flans. Peri-peri-hoenderpastei, gammon (ja, dit kan in die lugbraaier berei word), karringmelkbeskuit, gebraaidelam, pavlovaenmini-vrugtekoekeis van die ander watertandgeregte in die boek. NEEM SO DEEL Vul die blokraai korrek in, skryf…

IN 1907 het die Belgiese chemikus Leo Baekeland die eerste heeltemal sintetiese plastiek gemaak. Hy het die nuwe “wonderproduk” gemaak deur formaldehied (’n kleurlose, vlambare gas) en fenol (’n organiese stof ook bekend as karbolsuur) saam onder druk te verhit. Daai tyd was dit iets nuuts en mense was mal daaroor – dis gou in groot hoeveelhede gemaak. Spring ’n paar dekades later, en plastiek is oral. Ons borsel ons tande met plastiektandeborsels, slaap op kussings vol plastiek, eet en drink uit plastiekhouers, en ons maak selfs kos warm in plastiek. Dit het so deel van die alledaagse lewe geword dat mense die 20ste en 21ste eeue die plastiek-era noem. Maar daar is ’n groot probleem met plastiek, en dit bedreig baie dele van die wêreld waar ons leef. ’N…

AS JY die nuus oor bekendes getrou volg, voel jy dalk jy weet reeds alles van Brad Pitt en Angelina Jolie se kinders waaroor jy gewonder het. Van die dramatiese tot die onnodigste klein detailtjie. Maddox het in Korea studeer. Pax het van sy e-fiets afgeval. Zahara se hart klop warm vir maatskaplike geregtigheid. Shiloh dans graag. Vivienne help haar ma om toneelstukke op die planke te bring. Maar wat van die ander een? Knox. Genugtig, besef jy dalk, hy is ’n bietjie van ’n raaisel. As baba het ons hom gesien, vasgegespe voor Brad se bors. As peuter het hy op lughawens agter Brangelina aan geskarrel. By geleentheid het die paparazzi dié blonde seuntjie afgeneem waar hy saam met sy ma en tweelingsuster inkopies doen, uiteet of die gesin…

NIE- MAND betrap ’n mens so onkant met ’n babamagie soos RIHANNA nie. Met haar onlangse verskyning by die Met Gala in New York het sy die gerugte bevestig dat sy en haar kêrel, A$AP Rocky (36), hulle derde kind verwag. Die paartjie het reeds twee seuns, RZA (3) en die 21 maande oue Riot. Rihanna (37) en Rocky was laat en het opgedaag ure nadat aankomste op die rooi tapyt begin het. Rihanna het met haar swangerskap gespog in ’n Marc Jacobsskepping wat bestaan het uit ’n kort wolbaadjie, grys lyfpak en lang swart romp. Toe hulle daar aankom, het dit begin reën en ’n verslaggewer het haar gevra waar haar “umbrella-ella-ella-eh” is, met verwysing na haar treffer “Umbrella”. Die stralende ma het gelag en gesê Rocky het die…

Sy’s een van die bekendste gesigte op die planeet en die TV-reeks Friends is al deur miljoene mense gekyk. Maar selfs die grootste sterre is nie altyd veilig teen vreemde gedrag van aanhangers nie. JENNIFER ANISTON (56) was by haar huis in Bel Air toe ’n man met sy voertuig deur haar voordeurhek probeer jaag het. Volgens die polisie was dit JIMMY WAYNE CARWYLE (48) van New Albany in Mississippi wat met sy grys Chrysler PT Cruiser teen haar hek vasgejaag het. Jennifer se sekuriteitspan het hom aangekeer, en hy is van vandalisme aangekla. Nadat dit aan die lig gekom het dat hy haar al twee jaar aanlyn teister, is hy ook van bekruiping aangekla. Volgens die aanklaer het Jimmy verskeie stemboodskappe, e-posse en sosialemedia-boodskappe in dié tyd vir Jennifer…