Innehållsförteckning för 26 June 2025 från Huisgenoot

DIS 1983. Gisteraand is ’n episode van die televisiereeksKoöperasiestories op TV2 uitgesaai. In die episode het Willie Esterhuizen se karakter, Vissertjie, vir die jong, sexy Kelsey Middleton se karakter, Hermientjie, gaan help om miershope uit te grou sodat daar ’n tennisbaan gebou kan word. Die sweet tap oor Vissertjie se wenkbrou soos hy grou. Die miere begin hom byt en klim in sy broek in, wat hy vinnig-vinnig uit trek. Skielik sny die toneel na Vissertjie se vrou, Myta, gespeel deur Anna lise Bosch. Sy staan doer ver met ’n verkyker stewig teen haar oë. Wat sy sien, skok haar tot in haar diepste! Haar ou Vissertjie het sy broek vir Hermientjie verloor en nou sien sy net rooi . . . “Die volgende dag ná die uitsending loop ek…

Nee kyk, 2025 het tekkies aangetrek en is besig om onder ons uit te hol dat die stof so staan! Hier is ons reeds in die middel van die jaar en dis boonop die maand van Vadersdag. Vandeesweek het ek by die kinders kers opgesteek om te help met my rubriek. Ek het hulle gevra om vir my te vertel of om neer te skryf wat vir hulle spesiaal is aan hulle pa, iets wat vir hulle uitstaan. ’n Mens kry ’n knop in jou keel oor die goed wat hulle noem. Vir elke pa wat misluk, is daar soveel meer wat net weet hoe. WERNER (35) My pa was net eenvoudig altyd daar. Of dit nou koor, krieket, rugby, atletiek of die akademie was, hy’t niks misgeloop nie. Hy’t…

APPLE CIDER VINEGAR ’n Ware verhaal gegrond op ’n leuen. Jy gaan hierdie woorde aan die begin van elke episode in dié fantastiese reeks hoor. Dis baie soos Inventing Anna oor die bedrieër Anna Sorokin wat talle mense se geld gesteel het, maar hierdie keer teen die agtergrond van die gesondheidsbedryf. Met spesiale effekte soos hartjies en likes wanneer iets op sosiale media geplaas word, asook ’n paar slim ander truuks, gaan hierdie reeks in jou mond smelt soos organiese botter op varsgebakte brood. Kaitlyn Dever lewer ’n uitstekende vertolking as die gesondheidsbeïnvloeder Belle, wat haar rykdom en lewe bou op haar storie dat sy self breinkanker oorkom het deur gesond te leef. Natuurlik is dit onwaar, maar met haar sjarme en bokkie-oë gryp desperate kankerlyers haar storie aan en…

ENGELAND SKEEPSWRAK NÁ EEU GEVIND Die wrak van ’n stoomskip wat in 1888 gesink het ná ’n botsing op see is in die Engelse Kanaal gevind. Dom Robinson, die duiker wat dit gevind het, sê hy het van die skip te hore gekom by die Britse Hidrografiese Kantoor. Dié instansie het egter nie geweet dis die SS Nantes wat daar lê nie. Eers toe Dom ’n bord kry met die naam “Cunard”, die maatskappy wat die skip besit het, is die skip se identiteit bevestig. INDIË HOOGSTE TREINBRUG IN DIE WÊRELD OPEN Die Indiese premier, Narendra Modi, het die wêreld se hoogste treinbrug amptelik geopen. Die Chenab- brug is in die Indiese provinsie Kasjmir. Dit is 359 m bo die Chenab-rivier en is 1 315 m lank. Die brug gaan…

SYFERSTORIES 0.003 sekondes Dit was die verskil tussen die eerste plek en tweede plek in die Moto2 Grand Prix van Aragon in Spanje. Deniz Oncu van Turkye het die eerste plek voor die neus van die Brasiliaan Diogo Moreira weggeraap. Dis die kleinste verskil tussen die twee plekke in die geskiedenis van Moto2. 16 Tom Cruise is met ’n Guinness-wêreldrekord vereer vir die persoon wat die meeste keer met ’n brandende valskerm gespring het. Tom het dit vir die 16de keer gedoen in die agtste Mission: Impossible-fliek. Die akteur is bekend daarvoor dat hy sy eie waagtoertjies uitvoer. 50 tot 150 jaar Danksy ontleding met ’n kunsmatige intelligensie bekend as Enoch het argeoloë vasgestel dat die Dooie See-rolle soveel jaar ouer kan wees as wat ons eers gedink het. Die…

HOEKOM WERK DIT? • Muskiete word gelok deur die koolsuurgas wat ons uitasem. As jy water, suiker en gis meng, werk dit saam om koolsuurgas te maak – en dit laat die muskiete nader vlieg! • Die skottelgoedseep breek die oppervlak van die water sodat die muskiet nie veilig kan land nie. Pleks daarvan val hulle in en verdrink. • Muskiete is mal oor donker, knus plekke – dis hoekom ons die bottel in swart papier toedraai. As jy nie het nie, kan jy koerantpapier gebruik. WAT JY BENODIG Plastiekbottel van 1,5 of 2 liter Kunsvlytmessie Sowat 200 ml warm water 50 g (¼ koppie) bruinsuiker 1 g (teelepel) droë aktiewe gis 1 vel swart papier of koerantpapier Maskeerband (verkieslik swart) 15 ml (1 eetlepel) skottelgoedseep LET WEL ’n Volwassene…

KATJA PIETERS KATJA en die winkeleienaar JONATHAN TATTERSALL het in Maart in Windhoek verloof geraak.  Wanneer is die groot dag? Toe ons dit bespreek het, was daar net een datum wat vir ons uitgestaan het, en dit is volgende jaar Januarie. So ons is só opgewonde vir ’n somertroue. Waarna sien jy die meeste uit op die dag? Dis ’n moeilike vraag – want die hele dag is vir ons spesiaal. Ek dink waarna ek die meeste uitsien, is dat my familie en vriende almal kan saamkom om die spesiale oomblik te vier. Om almal te sien kuier en te sien hoe al die harde werk en voorbereiding mooi saamval vir ’n besonderse dag, gaan spesiaal wees.  En watter deel van getroud wees maak jou opgewonde? Die hele ding! Ek…

DIT was ’n lieflike, sonnige dag in Londen vir die jaarlikse Trooping the wat die Colourseremonie, amptelike verjaardag van die Britse monarg vier. Koning Charles (76) het ’n inspeksie van die militêre parade, met 1 350 troepe, gedoen. Die Coldstream Guards het vanjaar hulle vaandels vertoon. Terwyl die geleentheid steeds sy tradisionele praal en seremonie behou het, is daar op versoek van die koning ’n oomblik van herinnering ingesluit vir die slagoffers van die onlangse Air India-vliegramp. Lede van die koninklike familie het swart roubande gedra. Die ramp het verlede week die lewe geëis van 241 passasiers en bemanningslede, insluitend meer as 50 Britte, en agt mense op die grond toe die vliegtuig neergestort het. Om die seremonie af te sluit het die koninklikes, insluitend KONING CHARLES, KONINGIN CAMILLA, PRINS…

DIE uShaka-strand in Durban is vandag gepak met deelnemers. Groen en rooi swemkeppies oral waar jy kyk. Op die promenade staan omstanders met koffie in die hand. Almal salig onbewus van die wêreldberoemde figuur wat in een van die helder keppies gereed staan om saam te swem. Teen seweuur op hierdie Sondagoggend van 1 Junie begin die atlete gereedmaak. Hulle senuwees knaag, ’n halwe Ysterman sit nie in almal se broek nie. Die water waar hulle oor 10 minute moet inhardloop om 1,9 km te swem, lê uitgestrek voor hulle. Durban is kenmerkend bedompig – die lug is vroegoggend reeds 16 °C en die blou seewater ’n entjie verder selfs warmer, 22 °C. Dan weergalm die geluid van die afsitterspistool by die Durban-hawe en honderde mans en vroue hardloop die…

DIE proses van ouer word sien ons dikwels aan ons vel én hare – en nie altyd op ’n goeie manier nie. Ja, daar’s hope raad vir plooie, donker vlekke en droë vel, maar wat van die ander veranderinge waaroor ons wonder? Ons het vir jou antwoorde. V My hare was altyd sag en glansend, maar nou raak dit gryser, growwer en al hoe moeiliker om te hanteer. Wat kan ek doen? A Dis heeltemal normaal, aangesien die haarkutikel – die buitenste beskermende lagie – van grys hare omtrent vier keer dikker is as hare wat nog pigment in het. Dis wat die growwe tekstuur veroorsaak. Dit kan ook dof lyk omdat hierdie buitenste vlies nie meer so glad is nie. Die geheim? Verstaan wat jou hare nou nodig het.…

VAN dag tot dag dink ’n mens nie juis aan jou bene nie – hoekom sou jy? Dis gewoonlik eers wanneer iets ernstig gebeur, soos ’n fraktuur, dat ons aandag aan ons bene gee. Maar om ons skelet sterk en gesond te hou, is noodsaaklik soos wat ons ouer word. Volgens die Nasionale Osteoporose-stigting van Suid-Afrika (Nofsa) word tussen 4 miljoen en 6 miljoen Suid-Afrikaners deur osteoporose geraak. Vroue het ’n baie groter risiko as mans om bros en swak bene te ontwikkel. Een uit elke drie vroue en een uit elke vyf mans loop die risiko om osteoporose in hulle leeftyd te ontwikkel, sê Nofsa, en byna die helfte van alle Suid-Afrikaners ouer as 80 het dit. So, wat help jou om langer sterk te bly soos jy ouer…

YBLY sekerlik die oorspronklike enkeling – die talentvolle RICHARD VAN DER WEST HUIZEN, skepper van die gewilde liedjie “Ballade vir ’n enkeling”. Destyds in 1986, toe die reeks op televisie almal vasgenael gehou het, was dit veral die temaliedjie wat op radio groot aftrek gekry het. Richard het dit kort daarna opgevolg met “Tussen treine” wat hy saam met Lochner de Kock gesing het – nóg ’n legendariese liedjie binne die Afrikaanse musiekbedryf. Toe Die Heuwels Fantasties hulle eie weergawe van “Ballade vir ’n enkeling” in 2015 uitreik, saam met ’n fliekweergawe van Leon van Nierop se oorspronklike boek, is die liedjie en die idee van ’n enkeling, vreemdeling, verstoteling gedeel met ’n nuwe generasie. Treffers soos dié en nog talle ander kry weer lewe wanneer Richard (72) dit sing…

Ken jy Krone? Ja, daai musiekkonsert met ’n 360-grade-verhoog wat 40 000 sitplekke op Loftus Versfeld vol maak. Waar 140 plaaslike sowel as internasionale treffers op een aand gesing word deur ’n verskeidenheid van ons knapste kunstenaars. ’n Konsert wat vir vele aanhangers ’n hoogtepunt op hulle kalender is. En iets wat aanhangers van Afrikaanse musiek nie behoort mis te loop nie. Vanjaar op Saterdag 30 Augustus op Loftus is dit weer sulke tyd, met Kaptein Kurt Darren, Snotkop, Juanita du Plessis, Brendan Peyper, Leah, Liezel Pieters, Karen Zoid, Irene-Louise van Wyk, Refentse, Die Piesangskille, Bobby van Jaarsveld, Bernice West en nog vele meer wat optree – ’n aand propvol talent. Krone het die afgelope 13 jaar baie ontwikkel en gegroei. Die eerste Krone is in 2013 in die Grand…

Navorsers in Japan sê hulle het ’n soort plastiek ontwikkel wat in water kan oplos. Daar word al lank gewerk aan biodegradeerbare plastiek, maar die wateroplosbare een is ’n eerste. Dit is gemaak deur twee klein molekules saam te bind wat die nuwe materiaal sterk maar buigbaar maak. As dit in ’n soutwateroplossing gesit word, los dit binne twee tot drie ure op. Die wetenskaplikes agter die skepping is verbonde aan die RIKEN Center for Emergent Matter Science en die Universiteit van Tokio. Die RIKEN-sentrum se doel is om die energieprobleme op te los waarmee die mensdom sukkel en ’n volhoubare samelewing te skep wat nie skade aan die omgewing aanrig nie. Die wetenskaplikes sê die plastiek los nie oorblyfsels agter nie. Die Verenigde Nasies se omgewingsprogram sê plastiekbesoedeling sal…

Lonesome George was die laaste Pintaeiland-skilpad en is op dié dag in 2012 dood van natuurlike oorsake. Dié reuseskilpad is ’n subspesie van die Galápagos-skilpad en kom voor op die Pinta eiland in Ecuador. Lonesome George was oor 100 jaar oud en het by die Galápagos Nasionale Park in dié Suid- Amerikaanse land gewoon. Hy is as een van die seldsaamste diere op aarde beskou. Die lede van die Pintaeiland-spesie kan tot oor die 200 jaar oud word. George is in 1971 deur die bioloog Joseph Vagvolgyi op Pintaeiland gevind. Vir sy eie veiligheid is George na die Charles Darwin- navorsing-stasie op die Santa Cruz-eiland geskuif. Daar is lank gehoop om nog van sy spesie te vind, maar dit het nooit gebeur nie. Toe het die be-waarders by die navorsingstasie…

KPOP DEMON HUNTERS OP NETFLIX Wanneer die K-pop-supersterre Rumi, Mira en Zoey nie stadions uitverkoop nie, gebruik hulle hul geheime identiteite as spookjagters om hul aanhangers teen bonatuurlike gevare te beskerm. Saam moet hulle hul grootste bedreiging trotseer: ’n K-popboyband wat eintlik bestaan uit bose, hipnotiserende spookgedrogte. MILEY CYRUS: SOMETHING BEAUTIFUL 27 JUNIE IN TEATERS Miley Cyrus se nuwe album, Something Beautiful, is einde Mei uitgereik. En nou as ’n lekker bonus kry ons ’n visuele uitbeelding van die 13 oorspronklike liedjies van haar negende album met dieselfde naam as dié fliek. Dié fliek deur die popsangeres is ’n unieke popopera geïnspireer deur fantasieverhale. “ ‘Something Beautiful’ is my droomprojek wat waar geword het. Dis mode, film en oorspronklike musiek wat in harmonie saamstaan,” sê Miley. ELIO NOU IN TEATERS…

26 SEPTEMBER 2021 Ek is besig om pynpille en ’n hangverband vir ’n seuntjie met ’n gebreekte sleutelbeen reg te kry toe ek iemand in die wagkamer hoor snik. Die susters bring haar in, en ek sien dadelik die pienk wasgoedpennetjie op haar neus. Dis nogal ’n spoggerige een, en ek is heeltemal verward oor wat dit daar maak. Die pasiënt is twaalf weke swanger en sy braak al ses van daardie weke aanmekaar. Nou is daar bloed in die braaksel. Sy kan nie reuke verdra nie en weier om die wasgoedpennetjie af te haal, al kan ek skaars verstaan wat sy sê. Ons sit haar op ’n drup en gee haar iets vir naarheid. Sy hou egter aan opgooi, en ons vang ’n bietjie daarvan in ’n kartonhouertjie op.…

DIE musiek begin soos skuimende branders oor jou spoel. Jy kan net nie anders nie, dis dansvloer toe met jou. Waarskynlik met ’n glimlag, dalk met vlinders in jou maag. Dis dalk iewers in die 60’s – of nou onlangs. Want vir meer as 60 jaar al is die Beach Boys se musiek die klankbaan van gelukkige tye. Liedjies soos “Surfin’ Safari”, “Surfin’ U.S.A.”, “I Get Around” en “Good Vibrations” laat jou dink aan son, see, branderplankry en daai vakansieromanse. Drie van die vyf groeplede was broers: Brian, Dennis en Carl Wilson. Maar as stigter, liedjieskrywer, baskitaarspeler, sanger en vervaardiger was Brian die kreatiewe dryfkrag. Hy is al die Mozart van popmusiek genoem. ’n Inspirasie vir supergroepe soos die Beatles. Selfs Bob Dylan het hom as ’n “genie” beskryf. Maar…

MY OUERS was die vroegste uitdaging in ons verhouding. Toe ons begin uitgaan, het sy kontrak by die werk pas klaargemaak. My ouers het ’n prentjie in hulle kop gehad van die persoon met wie ek moes wees, hulle wou net die beste vir my gehad het. En hier kom ek met iemand wat nie ’n werk het nie. Maar ek’t gekies om te kyk na hoe hy my laat voel, hoe hy my behandel, en na die mens wat hy is. Ek’t die potensiaal in hom raakgesien: wat hy kan wees en wat hy kan word. Ek’t nie toegelaat dat enigeen, nie eens my ouers, tussen ons kom nie. Hy’t daai tyd nou wel nie die een boks vir hulle getiek nie, maar hy’t al die ander bokse vir…

SYHET geweet James gaan sterf. Sy hét geweet. Maar sy was nog steeds nie daarop voorberei nie. Hoe kan ’n mens ooit wees? “Ek het nog so gegoogle: ‘What do you need to do before somebody dies?’ Toe’s die lysie wat opkom: ‘Go see the pyramids, go to Paris.’ Maar toe dink ek: Ek benodig die ander soort lysie . . .” Anel Alexander bly ’n oomblik lank stil. Dan, met slim, helder oë, voltooi sy haar gedagte. “Dit fassineer my, want ons weet hoe om ’n ooievaarstee vir iemand te hou, maar wanneer iemand sterf, iets wat net so dikwels gebeur, weet mens nie hoe om dit te hanteer nie. Mens weet nie wat om te sê nie.” Sy en haar man, die akteur James Alexander, het byna vyf…

DIS moeilik vir ’n ma om te erken sy het haar dogter vir ’n bos blomme verkoop, maar dit sou ’n erger sonde wees om dit nooit te erken nie. Vieruur op ’n Sondagoggend is seker ’n goeie tyd om jou sonde te bely. “Ouma Daphne?” vra haar suster se kleinkind, Kayla, en steek die grys botteltjie agter haar rug weg. Een van die ander jonges wat saam met Kayla in die winkelstraat die aand weggedans het, vat die botteltjie uit haar hande. Bottels drank en okapype verdwyn voor haar oë soos die jongmense bewus word van ’n grootmens in hul midde. Die dink-jysy’t-gesien- en watmaak-sy-hier-fluisteringe is nie so sag soos hulle dink nie. Haar kind moes ook hier gewees het. Jonk en lig genoeg om die aand weg te…

TROTS SA SEISOEN 2 VAN SHAKA BEGIN Die eerste seisoen van SHAKA iLEMBE het die mees gekykte DStv-dramareeks ooit geword en het ook die meeste Safta-pryse in 2024 ontvang – en met reg. Dis ’n verstommende reeks, hoewel glad nie vir sensitiewe kykers nie. Die tweede seisoen begin wanneer Shaka saam met Nandi by KwaNobamba aankom om sy troon as die nuwe Zoeloe- koning op te eis. Lemogang Tsipa en Nomzamo Mbatha keer terug in hulle rolle as Shaka en Nandi, vars van hulle benoeming en oorwinning onderskeidelik by die 2024-Septimius-toekennings in Amsterdam. Ander bekroonde sterre sluit in Thembinkosi Mthembu as Dingiswayo en Wiseman Mncube as Zwide. As jy nog nie die eerste seisoen gekyk het nie, gaan doen dit dadelik op Showmax. Die reeks is ’n triomf vir die…

ONS GESELS OOR MEER as 30 jaar nadat dit vir die laaste keer gesien is, is wetenskaplikes verheug dat hulle weer ’n Blyderivier-platgeitjie ontdek het. Dié geitjie was as “verlore” beskou omdat daar vir meer as tien jaar nie een van hulle gesien is nie, maar is in April weer in die Blyderivierspoort in Mpumalanga opgespoor. Dr. Niels Jacobsen het die geitjie in Desember 1991 in die poort ontdek toe hy twee van hulle gesien het. Die geitjie is ’n voorbeeld van ’n spesie wat “mikro-endemies” is. Dit beteken hulle kom net op een plek voor. In die geval van die geitjie is die plek ’n inselberg (’n geïsoleerde rotsheuwel) in die Blyderiviers poort. IS HULLE OF IS HULLE NIE? Omdat daar vir so lank geen ander geitjies gesien is…

DIEREGEDRAG WETENSKAP LIKES is al lank daarvan bewus dat sjimpansees plante eet wat pyn kan verlig en dat hulle dit aan hulle lyf smeer. Kenners aanvaar nou die soogdiere gee so vir hulleself basiese mediese sorg. Nou blyk dit sjimpansees pas ook hierdie soort “noodhulp” toe op ander lede van hulle spesie. Navorsers in Gaboen het in 2019 opgemerk die sjimpansees daar smeer soms insekte op ander se wonde. Die spesifieke insekte het moontlik ontsmettende eienskappe. Die kenners het toe besluit om meer navorsing daaroor te doen. Hulle het ook na sjimpansees in Uganda se Budongowoud gekyk. Uit hulle waarnemings het hulle gesien ’n gesonde sjimpansee sal soms die wonde van ’n ander een lek – of die twee nou verwant was of nie. Daar was ook gevalle waar die…

OORDRAAGBARE siektes is siektes wat van een persoon na ’n ander kan versprei. Dit kan gebeur deur hoes, nies of aanraking, of selfs deur kos en drinkgoed te deel met iemand wat die siekte dra. Sommige oordraagbare siektes kan ook versprei word deur ander lewende dinge soos bosluise of muskiete. Dit kan ook van die omgewing af kom, soos om aan iets te vat wat besmet is of besmette kos te eet. Hierdie siektes word veroorsaak deur mikroskopiese lewende goed soos virusse, bakterieë of swamme. Dit is so klein dat ’n mens dit nie met die blote oog kan sien nie. Voorbeelde van oordraagbare siektes sluit in: malaria, gewone verkoue, griep en waterpokkies. Jy het waarskynlik al van griep oftewel influenza gehoor, want dis een van die algemeenste oordraagbare siektes.…

’NGELUKSKOOT. ’n Wonderwerk. Noem dit wat jy wil. Maar Vishwash Kumar Ramesh kon regkry wat ’n mens sou dink onmoontlik is: Hy het oorleef. Hy’s ook nie die enigste oorlewende van sommer enige ramp nie, maar van ’n onlangse vliegongeluk wat die lewens van al sy medepassasiers geëis het. Op die een of ander manier kon Vishwash (40) ontsnap uit die vlamme wat die 242 ander mense aan boord verkool of vermink het toe die vliegtuig neergestort het. Toe reddingswerkers op hom afkom waar hy tussen die wrakstukke rondstrompel, was sy lyf seer en gekneus, maar hy was andersins ongedeerd. In die hospitaal wou almal by hom weet: “Hoe het jy jouself gered?” Maar hy weet self nie. Vishwash en sy broer, Ajay Kumar Ramesh (45), was op pad terug…