Innehållsförteckning för 18 September 2025 från Huisgenoot

1 ‘ALLEEN MET MY GEDAGTES’ Dis wanneer hy nie besig is nie dat hy haar die meeste mis, sê wyle Crystal-Donna Roberts se man, Schalk Cornelessen Hier waar ek lees, kry ek nou trane in my oë. Ek het die voorreg gehad om haar te ontmoet, en ons het lekker gesels en gelag. Sy was ’n klein mensie met ’n groot hart. Ons mis jou, Donna. FRANCOISE Ai, ’n mens kan goed verstaan hoe dit nog baie seer is. En dis asof dit maar net nie wil ophou nie, want oral waar jy kyk, sien jy nog jou geliefde. Baie sterkte, Schalk, aan jou en julle seuntjie. JEANNE Die dood van ’n geliefde plaas jou op ’n lang, styl en moeilike pad. Dis drie tree vorentoe en twee tree agtertoe soos…

VIR Nicolas Hohls was dit die einde van nog ’n perfekte dag in die paradys. Een van baie, want vir dekades al kom span sy familie hier op die ongerepte strand aan die Kwa Zulu-Natalse Noordkus uit. Elke Julie, vir twee weke lank. Waar jy vanuit jou tent tot in die skuimende branders kan hardloop, oor die koraalriwwe snorkel of blink visse uit die water trek. “Van my beste herinneringe is aan Kaap Vidal,” sê Nicolas (27) vandag aan Huisgenoot. “Ek was ses jaar oud toe my pa my daar leer visvang het.” En Saterdag 30 Augustus was geen uitsondering nie. Nie eens die lang rit van Eshowe, waar hy sy pa, Colin, op die plaas gaan oplaai het, kon Nicolas se geesdrif demp nie. Ná ’n dag van wildkyk…

JARE gelede al het sy hom belowe: As jy die dag ’n nier benodig, sal ek myne vir jou gee. En toe, net voor hul 30ste huweliksherdenking, wás dit sulke tyd: Cathleen Mercuur sou ’n nier aan haar man, Aldridge, skenk. Hy moes so te sê sy hele lewe lank in die skadu van ’n oorerflike niersiekte leef, en teen 2017 het dit sy gesondheid ernstig begin raak. Maar daar was hoop. Toetse het gewys sy vrou sou vir hom ’n skenker kon wees. En sy wóú haar belofte van destyds aan hom nakom. Hulle is in Augustus saam opgeneem in die Christiaan Barnard-hospitaal in Kaapstad – sy vir die operasie om een van haar gesonde niere te verwyder, hy vir die oorplanting in sy liggaam. Die aand voor die…

MAAGD 23 AUGUSTUS – 22 SEPTEMBER Jy geniet die kollig – dalk ’n bietjie té veel vir ’n beskeie Maagd. Net voor jou seisoen tot ’n einde kom, kry jy die kans om ’n tweede nuwe maan in die Maagd te vier, op die 21ste. Pas jou voornemens effens aan omdat die liefdesdiva, Venus, op die 19de jou teken binnegaan en hoop op liefde bring. As ’n nuwe begeerte na werkonafhanklikheid na vore kom, moet jy dit nie ignoreer nie. WEEGSKAAL 23 SEP – 22 OKT Jy kan ’n week vol uitsonderlike sterreontwikkelings verwag. Die Weegskaalseisoen begin op die 22ste, maar met Mercurius, die kosmiese boodskapper, se oorgang na die Weegskaal op die 18de, sal jou gedagtes reeds daarheen neig. Buigsaamheid moet jou sleutelwoord wees, veral as jou liefdeslewe teleurstellend…

Tussen middernag en drieuur lê RIKUS STRAUSS soms wawyd wakker, en dis dan wanneer die inspirasie hom tref. Hy sal blaaie en blaaie lirieke neerskryf, en mettertyd word dit in ’n volwaardige liedjie omskep. Sy nuutste liedjie, die Afrikaanse rockballade “Ek bly wag”, was een van daai middernag-inspirasies. Dit volg kort op die hakke van sy vorige treffers “Somer in die winter” en “Laurika was reg”. “Die liedjie gaan nie net oor liefde nie,” sê Rikus. “Dis vir enige iemand wat al moes vasbyt tussen hoop en onsekerheid. Dis hard, dis eerlik, en dis reg uit die hart uit.” Jy sal dalk ook sy gesig herken van sy rol as Tjattas in 7de Laan, waarvan die laaste episode in 2023 uitgesaai het. Sedertdien het hy sy tyd daaraan gewy om…

HAAR klokhelder stem pronk in vele liedjies – van die 2019-rolprent Fiela se kind se akoestiese weergawe van “Toe vind ek jou” met Francois van Coke en Karin Zoid, tot “Ek en jy” se akoestiese weergawe deur Die Heuwels Fantasties. Selfs in Jack Parow se “Demone” kan jy haar soet stem hoor. Dan is daar ook haar eie popgeïnspireerde liedjies – “Tydelike afleiding” en “110”. Ja, Margo Rothman is ’n superster uit eie reg, en op 25 is sy gereed om uiteindelik die musiekbedryf voltyds te betree met die uitreiking van haar nuutste liedjie, “By my”, wat vroeër vanjaar gehoor kon word in Netflix se Afrikaanse dramareeks Tuiskoms. “My broer Loki (Rothman, ’n bekende musikant en vervaardiger) het die klankbaan vir die reeks geskep en gekomponeer. Vir een van die…

FOTOBLOKRAAI NO 2360 KOMPETISIEVRAAG Watter vrug is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG Hierdie week wen een leser Kronkelpad deur Irma Joubert (Tafelberg, R370). Lettie Louw en Marco Romanelli, karakters met wie lesers al in Anderkant Pontenilo en Pérsomi kennisgemaak het, is die hoofkarakters in Kronkelpad. Lettie se vriendinne raak verlief en trou die een na die ander, maar niemand sien háár raak nie. Sy besluit om die beste dokter moontlik vir haar mense te word, en in 1947 keer sy terug na haar grootworddorp in die Bosveld om haar pa se praktyk oor te neem. Marco oorleef die Nazi-konsentrasiekamp, maar dit is as siek, verwese man wat hy in 1945 by…

HY’T Huisgenoot sommer al ’n paar weke voor die tyd laat weet die groot vraag is om diedraai. Sy senuwees is aan flarde, het die geoktrooieerde rekenmeester COBUS VERMAAK laat weet. Hy en die TV-ster NYKIE PRETORIUS, sy meisie van die laaste 15 maande, was op pad na Europa – sý het geglo dis vir ’n vakansie, hý wou haar vra om te trou. Uiteindelik kom die antwoord: Nykie het ja gesê in Wengen in Switserland. En ja, sy wás toe verras. “Ek het van die begin af geweet dit gaan iets baie spesiaal moet wees,” sê Cobus. Die paartjie het deur Turkye, Italië, Frankryk en Switserland getoer. Wáár hy haar die groot vraag sou vra, wou hy nie tot op die oomblik besluit nie. “Dit was soos ’n geheime…

‘ I’LL be back,” sê sy robotkarakter, draai om en stap uit. Oomblikke later bars hy met ’n motor deur die muur. Vier dekades later is dié woorde uit Terminator (1984) een van die bekendste stukkies rolprentdialoog ooit. Arnold Alois Schwarzenegger is op 30 Julie 1947 in Thal, Oostenryk, gebore. Hy het arm grootgeword en is erg mishandel deur sy pa, ’n voormalige Nazi en polisiebeampte. “Dit was die destydse Oostenrykse mentaliteit, baie kinders is so deur hul ouers gebreek.” Maar Arnie het gerebelleer. “Elke keer as ek geslaan is, het ek vir myself gesê: Dié lewe is nie vir my nie. Ek gaan hier wegkom en iemand word.” Die skraal, disleksiese kind was tien toe hy ’n fliek oor Amerika sien. “Al daai mooi huise, glansmense en groot motors…

Wanneer en waar was jy op jou gelukkigste? Tuis, saam met my man, seuns en honde. Sonder ’n foon, net saam. Wat sou jy anders doen as jy jou lewe kon oorhê? Ek sou vroeër my ware identiteit in God wou vestig. Wat is die ding wat jy die meeste in mense bewonder? Nederigheid en opregtheid. Wie sou jy die graagste vir ete wou nooi en wat sou jy vir ete maak? Jesus. Ek sou ’n eenvoudige bord kos maak en net luister. Wat kan jy nie verduur nie? Wanneer kinders swaarkry. Wat is jou gunstelingwoord in Afrikaans? Genade. Wat is jou gunstelinggesegde in Afrikaans? Waar jou hart vol van is, loop jou mond van oor. Wie sal jou speel in die fliek oor jou lewe? ’n Jong Brooke Shields,…

AL MANIER om dit regtig te beskryf is om te sê die geraas in sy kop het ál harder geword. ’n Paar maande terug, so met die koms van die herfs vanjaar, het ’n soort angstigheid hom in sy gees kom tuismaak. Hy’t emosies meer intens as vantevore ervaar, sê Reynardt Hugo. Hy sou fikseer op klein dingetjies – storielyne, netheid, dialoog, gesprekke. Die dinge van ’n betrokke dag sou oor en oor in sy gedagtes bly draai, soos ’n maalkolk waarin hy later vasgekeer was. “Ek sou met ander akteurs op stel gesels en vir hulle raad gee oor hoe hulle húl angs kan bestuur, maar dan, net deur daaroor te praat, het ek senuagtig geraak en self ’n angsaanval gekry.” Sy rug was soms snaarstyf gespan, sê Reynardt,…

IN DIE OOND Wes-Afrika- GRONDBOONTJIE- HOENDER GENOEG VIR 4-6 MENSE /BEREIDING: 15 MIN. /GAARMAAK: 1 UUR ’n Wes-Afrika-stowe word tradisioneel gemaak met grondboontjies. Ek gebruik grondboontjiebotter om die sous hiervoor heerlik ryk te geur. ◗ olie, soos benodig◗ 1 groot heel hoender◗ sout, na smaak◗ sap van 1 suurlemoen OF lemmetjie◗ 4-6 oranje-OF gewone patats, skoongeskrop SOUS ◗ 1 ui, gekap◗ 4 knoffelhuisies, fyngekap, OF 10 ml (2 t) gekapte knoffel◗ 1 x 5 cm-stuk gemmer, geskil en gekap◗ 1-2 brandrissies, gekap (opsioneel)◗ olie soos benodig◗ 5 ml (1 t) geroosterde paprika◗ 5 ml (1 t) komynsaad OF 2,5 ml (½ t) fyn komyn◗ 5 ml (1 t) koljandersaad OF 2,5 ml (½ t) fyn koljander◗ ’n knippie fyn kaneel◗ 30 ml (2 e) tamatiesmeer◗ 125 ml (½ k) gladde…

KRY DIT HIER @HOME BY BASH.COM; MRPHOME.COM 0800-212-535; POETRYSTORES.CO.ZA 0860-555-529, SHOP.BABYLONSTOREN.COM 079-573-3429; WOOLWORTHS.CO.ZA 0860-022-002; YUPPIECHEF.COM 021-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERAN WOORDELIK GEHOU KAN WORD NIE.…

1 HOE WERK MY SKEIDINGS-PAKKET? Gewoonlik een week se vergoeding vir elke voltooide diensjaar. Dit behels jou basiese salaris, gereelde toelaes en kommissies. Doen die som só: Deel jou maandelikse salaris deur 4,33 (vir een week se betaling) en vermenigvuldig dit met diensjare. Voorbeeld: Jy verdien R30 000 per maand en het agt jaar gewerk. Een week se betaling: R30 000 ÷ 4,33 = R6 928  Skeidingsbetaling: R6 928 × 8 jaar = R55 424 Onthou: Jou totale afleggingspakket moet ongebruikte verlof insluit. Ook enige gereelde of pro ratabonus in jou kontrak. Jy kan ook geld onttrek, bewaar of oordra uit jou pensioen-of voorsorgfonds. 2 MAG EK BETALING VRA EERDER AS OM DIE KENNISTYDPERK TE WERK? Ja, as jou kontrak so sê. Jou werkgewer kan ook kies om jou kontrak…

OM TE moet kies tussen reekse en flieks, is soos om tussen roomys en sjokolade te kies. Elkeen is heerlik op sy eie manier, maar baie hang af van omstandighede: Hoe warm of hoe koud is dit? Hoeveel tyd het jy? Is daar ’n nat lappie? Daar is talle mense in die bedryf wat verklaar dat die era van die rolprente verby is – reekse en die moontlikhede van karakter-of storieontwikkeling is net soveel beter dat dit nie die onkoste van ’n korter medium regverdig nie. Reekse is baie soos ’n boek wat jou die ruimte gee om werklik die karakters te leer ken, om hul groei te sien, hul foute te vergewe en saam met hulle ’n pad te stap. Dink byvoorbeeld aan THE CROWN – ses seisoene om…

TERUG VIR NOG Die reeks HACKS is terug vir ’n Emmy-bekroonde vierde seisoen en gaan voort met die skerp humor en boeiende storielyn wat so gewild is onder aanhangers. Die komedie volg die Las Vegasikoon Deborah Vance (Jean Smart) en haar eens protégé, nou hoofskrywer, Ava Daniels (Hannah Einbinder), terwyl hulle die vermaakbedryf probeer navigeer en balans probeer vind tussen ambisie, lojaliteit en ego. Die reeks begin met die gevolge van Ava se afpersing, wat hulle goeie werkverhouding aan ’n draadjie laat hang. Deborah probeer wraak neem, maar dit sit net om in kleinlike grappe en agteraf beskuldigings, terwyl Ava hard probeer om haar gesag in ’n nuwe laatnagprogram te laat geld. ›› HACKS IS WOENSDAE OM 22:00 OP M-NET (DSTV-KANAAL 101). AND JUST LIKE THAT . . . In…

NASA en Google het aangekondig hulle is besig om ’n mediese assistent te toets wat deur kunsmatige intelligensie (AI) aangedryf word om ruimtevaarders te help op lang ruimtesendings. Op uitgerekte ruimtesendings kan daar kwessies soos kommunikasievertragings met die beheerkamers op Aarde wees, wat beteken dat dokters nie onmiddellik sal kan help nie. Nasa het dus besluit om saam met Google te werk om die assistent te ontwikkel. Die digitale assistent sal ruimtevaarders kan bystaan wanneer hulle op sendings na die maan of Mars gaan. Dit sal hulle in staat stel om diagnoses te maak en simptome te behandel sonder die bystand van ’n dokter op Aarde. So ’n stelsel sal veral nuttig wees soos wat Nasa voorberei om weer mense maan toe te stuur. Die ruimteagentskap en sy vennote beoog…

1 In watter land is die Angkor Wat-tempel? 2 Hoeveel kleure is daar in Google se logo? 3 Watter diere hou soms hande vas wanneer hulle slaap? 4 Wie is die Griekse god van die see? 5 Watter speletjie bevat die skurke Blinky, Pinky, Inky en Clyde? ANTWOORDE  1 Kambodja 2 Vier(blou, rooi, groenengeel)  3 Otters  4 Poseidon 5 Pac-Man BRONNE: ALJAZEERA.COM, CBSNEWS.COM, DOGONEWS.COM, GLOBALPLASTICACTION.ORG, HEALTHPOLICY-WATCH.ORG, UNEP.ORG, THEGUARDIAN.COM, WHO.INT, CLOUD.GOOGLE.COM, SPACE.COM…

’NGESONDE menslike liggaam werk danksy baie verskillende dele wat almal saam funksioneer. Hierdie dele noem ons organe. Elke orgaan het sy eie spesifieke rol wat ’n invloed op die hele liggaam het. Ons longe help ons om asem te haal. Ons hart pomp bloed na elke deel van ons liggaam. Ons niere maak seker dat ons liggaam van afvalstowwe ontslae raak en ons lewer breek die kos af wat ons eet. Die pankreas help met kosvertering én reguleer bloedsuiker deur insulien te produseer. Intussen doen ons ingewande die harde werk om energie uit die kos en vloeistowwe wat ons inneem, te absorbeer en dit in brandstof vir ons liggame te omskep. Al hierdie organe werk saam om ons aan die lewe te hou. Soms gebeur dit dat ’n siekte veroorsaak…

NIEMAND het gedink dit gaan hou nie. Sy was tennis se goue meisie en op die voorblad van al wat ’n tydskrif was. Hy was die kroonprins van Latynse musiek, ’n hartebreker deur en deur met die een treffer ná die ander. Toe Anna Kournikova en Enrique Iglesias dus ’n paartjie word, het die bitterbekke gesê dis net nog ’n gevlerksleep tussen bekendes wat morsig gaan eindig. Hoe verkeerd was hulle nie. Dis al amper ’n kwarteeu later en die paartjie maak reg vir hulle vierde kind. Al is hulle nooit getroud nie, het die oudtennisster en die Spaanse sanger se verhouding gehou, en gehou, en gehou. Anna (44) en Enrique (50) was nog altyd baie privaat en lewe rustig in hulle Miami Beach-herehuis saam met hulle tweeling, Lucy en…

Huisgenoot is ’n gesinstydskrif. Ek weet mens wonder soms watter soort gesin dit nou eintlik is, maar die ding is ons het iets vir almal. Die kinders loer daardeur. Ma en Pa vind elkeen iets, partykeer met ’n bietjie heimwee, partykeer ’n guilty pleasure. Oupa en ouma lees van hekel en rugbyspelers. ’n Allegaartjie. Surf ’n’ turf. Maar dan gooi die wêreld vir ons ’n warm patat. My f*k, Marelize! word uitgereik. Of daar’s ’n quirky nuwe musiekgroep genaamd Fokofpolisiekar. En dis ook ’n ietsie vir die mixed grill. Ons kan dit nie ignoreer nie, julle sal dink ons is agter die klip. Deur die jare moes ons al baie die letters tel en die sterretjies insit. Tog weet jy: Almal weet wat jy bedoel, en almal tel die st*rretjies.…

DIE bruid dra wit, die bruidegom bruin. Maar haar uitrusting is nie ’n rok nie en syne nie ’n pak nie. Wel, nie ’n kerkpak nie. Toe Petro en Gerhard van Rooyen mekaar weer vind jare nadat hulle as tieners ogies gemaak het – en albei met ’n verbrokkelde huwelik agter hulle – het hulle een ding geweet: Dié keer doen hulle dit anders. Geen drome van ’n wit trourok, ’n ellelange gastelys en ’n onthaal met ’n hemelhoë koek nie. Nee, net ’n ewige belofte aan die een wat jy liefhet voor julle kinders – in julle pajamas. Darem spesiale onesies wat spesifiek vir die groot dag gekoop is, maar nietemin supergemaklik. Petro (39) het ’n spierwit wollerige slaappakkie gedra, en Gerhard (42) ’n bruine, met sy plakkies daarby.…

WILD THANG (2024) Die agtjarige pekinees het uiteindelik gewen ná vier jaar se probeerslae. PEGGY (2023) Die vyfjarige “pugese” het eers Brittanje se weergawe van die kompetisie gewen, en toe ’n rol gekry in Deadpool & Wolverine. SCAMP THE TRAMP (2019) ’n Voormalige straathond met hare wat glad nie wil gaan lê nie. Sy eienaar noem hom ’n “Rastabrak”. Scamp werk as trooshond by ’n ouetehuis. ZSA ZSA (2018) Dié Engelse bulhond met haar reuseonderbek en lang tong het harte gewen, maar sy is twee weke ná haar kroning dood. SWEEPEE RAMBO (2016) Hierdie 17-jarige kuifhond met ’n melkoog het verskeie kere uit hondeskuilings ontsnap voor hy ’n huis gekry het. Hy’s ’n paar maande ná sy kroning dood. QUASI MODO (2015) Die boggelrugkruising tussen ’n pitbull en wolfhond het…

UURGLAS Wees trots op jou kurwes en vier dit met style wat jou middel en gebalanseerde proporsies beklemtoon. WENKE ■ Peplum-, oorvou- en noupassende style, asook style met ’n hoë midddellyf vlei ’n uurglasfiguur natuurlik. ■ V-nekke en oorvou-boklere beklemtoon jou kurwes. VERMY ■ Boks-agtige of vormlose tops – dit steek jou middel weg en laat jou figuur verdrink. ■ Boklere met te veel detail by die skouers of jou hals. BOLYF ONDERLYF ROKKE BOLYF ONDERLYF ROKKE REGHOEK Hierdie figuur kom tot sy reg in style wat kurwes skep, die middellyf beklemtoon en sorg vir balans – dink struktuur, lae en slim snitte wat al die werk vir jou doen. WENKE ■ Definieer jou middel met detail soos plooie, ’n uitklokstyl of ’n belt. ■ Beklemtoon jou kurwes met rokke…

V Sowat twee maande gelede het ek ’n sotlike ding aangevang en ek weet nie hoe om dit reg te maak nie. Oujaarsaand het my kêrel my die jawoord gevra met ’n baie spesiale ring. Dié ring is reeds meer as 100 jaar in die familie. Sy ouma, wie se oogappel hy is, het dit vir hom gegee. Dit was ’n baie romantiese aand en my verloofde het moeite gedoen om die aand vir my spesiaal te maak. Sy familie het my met ope arms ontvang. My verloofde het my baie bederf, hy is bedagsaam en het hard gewerk aan ons verhouding. Ons plan was om twee jaar lank te spaar vir ons droomtroue en wittebrood. Einde Junie het ons groep vriende saam gekuier en gebraai, daar is baie gelag…

DRIE MOORDE IN DIE BAAI DEUR MADELEIN RUST Human & Rousseau, R239* Hoeveel keer deur die jare het ek nie die e-posadres maddyrust@. . . ingetik om met haar ’n onderhoud te voer nie. Met haar krimi’s soos Monstersaad en Bloedlyn het Madelein Rust my bang geskryf en ek het dit vir haar gesê. Ek onthou dat sy gelag het en seker trots was dat sy dit kon regkry om ’n boekjoernalis tot vrees te dryf. Die een vlot krimi na die ander het uit haar pen gevloei, en toe kom Kanker Schmanker. Hierin het sy probeer om die siekte tongin-die-kies te benader en ek is seker vir baie mense wat in die greep van die groot K is, was dit ’n verligting om hul stryd vir ’n oomblik uit…

BONUSSIE Die nuwe pa kan nie meer wag om sy eersteling te sien nie. Toe ’n verpleegster vir ’n oomblik uit die kraamvertrek kom, roep hy uit: “Sê seblief net vir my, is dit toe ’n seuntjie?” “Ja, die middelste enetjie is!” Johan H, Gonubie ONGEWILD Almal was so lelik met my toe ek klein was. Selfs my twee denkbeeldige maatjies het net met mekaar gespeel. Wollie, Pretoria JOU PLEK, JOU PROBLEEM Die pa kry ’n oproep van die skoolhoof: “Jou kind veroorsaak gedurig probleme by die skool!” “Hy veroorsaak probleme hier by die huis ook,” sê die pa. “Maar het ek jou al ooit daaroor gebel?” Louise Noeth VLIETEND Vriende is nes geld. Makliker om te maak as om te hou. Denise, Pretoria TAWWE BEROEP By die skoolreünie spog…

DIE kaalvoetseuntjie lees met swaaiende bene, meegesleur deur die verhaal van die drie varkies wat veg teen die wolf wat hulle wil verslind. “Dis al die tiende boekie wat hy vanjaar lees. Hy hou baie van lees. Hy lees ses bladsye elke dag. En hy lees vlot,” sê sy ma. Maar klein Marno Muller lyk salig onbewus daarvan dat hy die middelpunt van alle aandag hier in die woonstel is. Nog minder dat soveel wildvreemde mense hom die afgelope drie jaar in hulle harte en gebede gedra het. In 2022 het Marno se lewe letterlik aan ’n draadjie gehang. Oftewel die toutjies van sy kappietop wat aan ’n glyplank by ’n speelskool vasgehaak het. Vir ses lang minute het hy hulpeloos daar gehang en wurg. Die bloedtoevoer na sy…

HULLE is twee akteurs met uiteenlopende agtergronde, maar albei met een doel: om soveel moontlik bewusmaking vir Loslitdag te doen. Sy is Zandélle Meyer, die aktrise wat Riekie in Binnelanders speel en wat nou onlangs in die fliek My f*k, Marelize! te sien was. Hy is die akteur Erik Holm, wat al byna twee dekades as kwadrupleeg leef nadat hy sy nek in 2007 gebreek het. Toe die Nasionale Raad vir en van Persone met Gestremdhede (NCPD) vanjaar weer geldinsamelings vir Loslitdag dryf, was Zandélle en Erik voor in die ry. Geld wat deur dié jaarlikse projek, nou al in sy 31ste jaar, ingesamel word, ondersteun meer as 600 organisasies en spesiale skole, sê Therina Wentzel, nasionale direkteur van die NCPD. Die projek het verlede jaar R20 miljoen ingesamel. Zandélle…