Innehållsförteckning för 2 October 2025 från Huisgenoot

1 ‘DIE ANGS HET NET TE ERG GERAAK’ Die intensiteit van sy werk het bygedra tot sy angs. Daarom vat hy nou ’n blaaskans en fokus hy op sy geestesgesondheid en gesin, sê Reynardt Hugo Ons gaan jou baie mis in Binnelanders, Reynardt. Jou storielyn was vir ons ook baie swaar. Hulle het dit só lank uitgerek, dis mos onnodig. Mense kom van die werk af en wil na ligte storielyne kyk. Rus, rus, rus, Reynardt! MARI Jy het soveel hooi op jou vurk gehad. Binnelanders was maar een program, daarby nog vele ander produksies. Ons mis jou, maar mag jou batterye nou ten volle gelaai word. In rus en vrede by jou gesin en by God. RIEKIE Ek is so bly jy neem nou hierdie rustyd, Reynardt. Jy kyk altyd…

AS IEMAND vir Sanet Prinsloo sou sê haar lewe gaan op ’n Saterdagaand in Junie 2016 vir altyd verander, sou sy net gelag het. Sy was toe 44, ’n dokter in Knysna, in 2012 geskei en heeltemal klaar met mans en hulle mooipraatjies. Sy’t saam met ’n vriendin by ’n geldinsamelingspitbraai opgedaag, vasbeslote om net gou iets te eet en huis toe te gaan. Maar toe val haar oog vir ’n oomblik vas in die vlamme van die vuur. Aan die ander kant staan ’n netjiese man, gemaklik tussen die mense. Louis Theron. Agt-en-veertig jaar oud, bekend as een van Knysna se mees gesogte vrygeselle. En net daar het iets gebyt. Voor sy mooi kon uitwerk hoe dit gebeur het, het hulle begin gesels – oor alles behalwe visvang. Sanet,…

OPGELOS Gas in ’n restaurant: “Kelner, my koffie is yskoud!” Kelner: “Miskien kan jy ruil met die ou daar by die venster. Hy sê sy bier is te warm.” Louise Noeth DROOGWEG Besoeker aan die oudste inwoner op die dorp: “Ai, Oom, die droogte hier lyk darem vanjaar verskriklik erg. Julle bid seker elke dag vir reën?” Oom: “Ja, boet. Veral vir my kinders en kleinkinders se onthalwe. Ek het darem al een keer reën gesien.” Johan H, Gonubie SELFGENESEND Dokter: “Jy is nou heeltemal oor jou gesondheidskrisis. En dis geheel en al te danke aan jou wilskrag en sterk gestel!” Pasiënt: “Dis nou sommer baie goeie nuus, Dokter. Dan gaan jy ook seker nie vir my ’n rekening stuur nie?” Wollie, Pretoria DWAALOOG Jong man aan die omie van…

HAYLEE SE OOMBLIK Sy’s al ’n bekende gesig in Skemergrond, en deesdae skitter sy in haar eie storielyn. En dis uiteindelik haar tyd om haar talent te wys. Haar karakter, Haylee Dalton, is die sekretaresse van Christine Atkins by Atkins Affairs, ’n maatskappy wat gesellighede reël. “Sy’s ’n angstige meisie. Sy dink vinnig op haar voete en is desperaat om haarself in die werkplek te bewys. Sy is die soort wat wrokke koester, en as jy aan haar slegte kant beland, gebruik sy haar onskuldige voorkoms om jou subtiel te manipuleer. “Ek en Haylee verskil. Sy’s ambisieus tot die punt waar sy mense wat vir haar belangrik is, sou verraai om haar doel te bereik, terwyl ek lojaliteit baie waardeer.” Daar kom groot drama vir haar karakter. “Haylee kruip ook…

AS JY dink visvang is die enigste aksie langs die Vaalrivier, dink weer. Daar’s oorgenoeg sports van ’n ander soort hier – en soms veroorsaak dit groot tweespalt in ’n stad waarvan die naam op eenheid dui. Ons praat hier van kafoefel in Vereeniging. Te wete, die lief en leed van ’n paartjie wat eers ander viswaters gaan soek het. Maar toe weer met méning in dieselfde dammetjie begin plas het. Seks as huweliksterapie, twee keer per dag, het ’n kenner vir hulle voorgeskryf. En dít verkondig hulle nou op televisie. Dit lyk soos ’n wenresep. Want hier sit Charl en Bernelee Arangies vandag styf teen mekaar op die rusbank en handjies vashou. In bypassende blou jeans en wit hemde, nes twee tieners wat pas gekys het. “Ons is vandag…

JY HET heel waarskynlik soos talle ander kinders in die sangklas geleer: Doe, a deer, a female deer, ray, a drop of golden sun. Of dalk neurie jy just a spoonful of sugar helps the medicine go down, in a most delightful way wanneer jy nie lus is vir ’n taak wat wag nie. Twee tydlose, opbeurende liedjies. Die eerste uit The Sound of Music (1965), die tweede uit Mary Poppins (1964). Albei gewild gemaak deur die sprankelende Julie Andrews. Haar stem is haar grootste geskenk, het dié nagtegaal al gesê, min wetend dat sy eendag ’n nuwe een sou moes vind. Julia Elizabeth Wells is op 1 Oktober 1935 in Surrey, Engeland, gebore. Op 12 het sy reeds West End-gehore bekoor. Teen die vroeë 1960’s was sy ’n hardwerkende…

Wanneer en waar was jy op jou gelukkigste? Elke keer wanneer ek vir my ouers op ons plaas in Riversdal gaan kuier. Wat sou jy anders doen as jy jou lewe kon oorhê? Ek wonder baiekeer hoe dit sou wees as ek ’n volle studentelewe kon hê. Ek het op die ouderdom van 18 ingeskryf vir Idols en het nooit ’n studentelewe gehad nie. Wat is die ding wat jy die meeste in mense bewonder? Ek is mal oor mense wat uitstyg bo hulle omstandighede. Wat kan jy nie verduur nie? Koue kos en ongeskikte mense. Die wêreld is soms donker genoeg. Dit kos ons niks om nice te wees nie. Wie is of was die liefde van jou lewe? My hondjie, Seven. Wat is jou gunstelingwoord in Afrikaans? Pampoenpoffertjie.…

DIS nie asof enkellopende vroue in hulle massas rondloop hier in die Windsortondistrik in die Noord-Kaap nie. Hier’s plase en windpompe, ja. ’n Drankwinkel, ’n koöperasie en ’n plekkie waar mens die nodigste kan kry om liggaam en siel aanmekaar te hou. Die Vaalrivier verdwaal hierdeur, en die naaste hoofpad, so 60 km hiervandaan, is die N12. Maar in dié geweste sal jy nie sommer ’n winkelsentrum raakloop nie. En die liefde? Jy sal moet sóék. Ver en lank. Dít het Boer Rudi H (56) van Boer soek ’n vrou goed geweet. “Die kans om hier liefde te vind is maar bitter skraal,” sê Rudi. Toe doen hy ’n ding waaroor hy al lank spot: Hy skryf in vir die televisiereeks, word gekies en die briewe stroom in. Van oral…

Victoriaanse AARBEI-SPONSKOEK LEWER 1 MIDDELSLAGSTAPELKOEK/BEREIDING: 30 MIN./BAK: 45 MIN. ’n Spoggerige aarbeistapelkoek, ideaal vir teetyd of ’n verjaardag. KOEK ◗ 500 ml (2 k) bruismeel◗ 5 ml (1 t) bakpoeier◗ ’n knippie sout◗ 250 g botter of margarien, teen kamertemperatuur◗ 375 ml (1½ k) strooisuiker◗ 4 eiers◗ 5 ml (1 t) vanieljegeursel VERSIERSEL ◗ 250 ml (1 k) room, styfgeklits, of spuitroom◗ 250-400 g vars aarbeie, afgespoel en in skyfies gesny◗ 60 ml (¼ k) versiersuiker◗ eetbare blommetjies (opsioneel) Voorverhit die oond tot 180 °C. Voer die bodem van ’n 18 cmlosboomkoekpan met bakpapier uit en bespuit goed met kossproei. 1 Koek Sif die bruismeel, bakpoeier en sout saam. 2 Sit die botter in ’n skoon mengbak en klits met ’n elektriese klitser tot glad. Voeg die strooisuiker by en…

SKIELIK verskyn daar rooi kolle oral op jou kind se lyf, en jy weet nie wat dit is nie. Hier is vyf van die bekendste uitslagsiektes, waarvoor om uit te kyk en hoe om dit te behandel. DUITSE MASELS (RUBELLA) Duitse masels is ’n aansteeklike infeksie wat met ’n rooi veluitslag gepaardgaan. Dit kom gewoonlik by skoolkinders voor, en in jonger kinders gaan dit dikwels ongemerk verby. Dit kan skielik verskyn of ná twee dae van olik wees en ’n seer keel daar wees. Die eerste klein, plat pienk kolletjies verskyn op die gesig, voor dit dan na die ledemate en lyf versprei. Teen dag twee smelt die kolle saam. Die limfkliere agter die kop en in die nek vergroot. Wat kan jy doen? Daar is nie ’n spesifieke behandeling…

WEEGSKAAL 23 SEPTEMBER – 22 OKTOBER As jy tipies van jou sonteken is, weet jy dat liefde en verhoudings ’n groot deel van jou lewe is. Die volmaan op die 7de raak jou liefdeshoroskoop en kan liefdeverwante dinge na vore bring. Let rondom die 4de op daardie knaende gevoel dat iets nie pluis voel nie. Dit kan daartoe lei dat jy iets laat gaan en ’n nuwe insig oor jou liefdeslewe kry. SKERPIOEN Jy’s weer in jou ritme met Mars wat energiek deur jou sterreteken beweeg, en Mercurius, die kosmiese boodskapper, wat op die sesde daarby aansluit. Jy kan verwag dat jou gedagtes helder, gefokus en skerp sal wees terwyl dit in jou teken is – min sal jou oog ontgaan. Die volmaan op die 7de wys jou of jou…

MUSIEK EK SAL NIE BANG WEES NIE JO BLACK Sy stem, die lirieke en melodie van sy liedjies het die vermoë om enigiemand wat na sy musiek luister diep te raak. Van “Skepe” tot “Voel jy die genade”. En nou kom Jo Black en verras ons weer met sy nuutste liedjie, “Ek sal nie bang wees nie”. Dis oorspronklik deur Joe Niemand geskryf en gesing, en Jo gee dit ’n nuwe baadjie. “Die rede hoekom ek hierdie liedjie uitbring, is dat dit 13 jaar gelede ’n groot impak op my lewe gemaak het,” sê Jo. “Ek voel nou meer as ooit dat dit tyd is dat mense hierdie boodskap weer hoor en ter harte neem. Daar is soveel vrees daar buite, maar ons moet besef dat ons nie bang hoef…

FOTOBLOKRAAI NO 2362 KOMPETISIEVRAAG Watter land is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFEL BERG Hierdie week wen een leser Sekelmaan deur Jaco Wolmarans (Tafelberg, R360). ’n Groep jong Suid-Afrikaanse Jode, die teiken van ’n terreuraanval in Kaïro, is die vlam in ’n kruitvat vir grootskaalse oorlog in die Midde-Ooste, aangevuur deur Hamas se glibberige brigadeleier Hassan Al-Masri uit die tonnels van Gasa. In die middel daarvan, die joernalis Ruby Heyns, in besit van verdoemende inligting wat die skaal in dié konflik kan swaai. Staatsekuriteit se Reuben Kruger probeer die geheime ontrafel terwyl die SSA sy net stywer span om ’n groep ekstremiste se geheime Palestynse befondsing. Die skadu-verlede van Ruby se ma,…

’NINHEEMSE dier is een wat natuurlik in ’n sekere gebied of ekostelsel voorkom. So ’n dier is nie deur mense daar aangebring nie. Die teenwoordigheid van ’n inheemse dier in sy gebied is te danke aan aanpassing oor ’n baie lang tyd – soms duisende jare. Die term “inheems” kan ook op plante, mense of enige lewende ding toegepas word. Leeus is byvoorbeeld inheems aan Afrika, maar kangaroes is nié – hulle hoort oorkant die see in Australië. Suid-Afrika het ’n fassinerende en diverse verskeidenheid inheemse diere wat in alle vorms, groottes en kleure voorkom. Hierdie inheemse diere vorm deel van die land se natuurlike erfenis en is daarom belangrik. Hulle het perfek aangepas by die eindelose verskeidenheid van ons landskap, van woestyne en grasvelde tot woude en berge. Kom…

AS BARBRA STREISAND én Jane Fonda op jou verlief raak, moet jy weet jy hét dit. En Robert Redford het “dit” beslis gehad. Wat was dít? Die helderblou oë? Die blonde kuif? Die mond, die glimlag? Die sjarme van ’n tipiese all-American boy, of die wete dat daar agter daardie bruingebrande voorkoms ook iets meer skuil? Wat dit ook al was, dit het álmal laat swymel. En toe Robert onlangs op 89 in sy slaap oorlede is in sy geliefde berghuis in Utah, het sy medesterre laat blyk daardie “álmal” het hulle ingesluit. “Ek kan nie ophou huil nie,” sê Jane, wat saam met hom gespeel het in flieks soos The Chase, Barefoot in the Park en The Electric Horseman. “Hy’t baie vir my beteken en was ’n pragtige mens.”…

SCHALK EN HELGA Haar naam is Helga Vorster. Sy’t bruinrooi hare, sy’s mal oor die bosveld, oor reise oorsee, en haar lippe is dikwels rooi geverf. Sý is die een wat hom weer laat voel het hy verdien liefde, sê SCHALK BE-ZUIDENHOUT. “Wanneer jy iemand ontmoet wat jou weer soos ’n mens laat voel, veral ’n mens wat liefde verdien, dan moet jy dit met albei hande aangryp. “En as iemand dit nie vir jou gun nie, het hulle nie ’n hart nie.” Vir hom was dit Helga. Die komediant is verlede jaar van die kunsdirekteur Mica McKechnie geskei. Dit was seer, seer, seer, maar dis nou in die verlede en hy wil vorentoe kyk. Sy verhouding met Helga is nog in sy babaskoene, sê Schalk. “Ek en Helga geniet…

HET jy geweet die wit vere in Lady Gaga se uitrusting tydens haar vertoning by verlede jaar se Olimpiese Spele kom van Oudtshoorn? Of dat Louis Leipoldt as mediese student in Londen vir die Franse kok Auguste Escoffier waterblommetjiebredie gekook het terwyl hy ekstra geld as skottelgoedwasser in die Savoy-hotel verdien het? Miskien is dit aan jou onbekend dat Anton Rupert sy sakeryk begin het as die eienaar van ’n droogskoonmakery. Jy weet dalk nie al dié dinge nie, maar wel dat Afrikaans oor die afgelope eeu sy kwota baanbrekers opgelewer het – mense wat in die geskiedenis verewig is, soos filosowe, kunstenaars, skrywers, medici, entrepreneurs en talle ander. Daar is staatsleiers soos genl. Jan Smuts, die destydse eerste minister van die Unie van Suid-Afrika en selfs die Springbokrugbyafrigter Rassie…

1 ED SE TESTAMENT Die sanger ED SHEERAN hou duidelik daarvan om vooruit te beplan. Ed (34) het onlangs uitgewei oor sy plan om ná sy dood ’n album met die titel Eject uit te reik. In ’n onderhoud sê hy die instruksies is in sy testament en dat sy vrou, Cherry Seaborn (33), die liedjies sal kies. “My wens is dat ’n album gemaak word met al die liedjies sedert ek 18 was, so wanneer ek eendag weg is, kies dan die tien bestes,” sê hy. “Baie mense gaan nie daarvan hou nie, maar baie van my aanhangers sal dit ongelooflik interessant vind.” 2 BELLA WEER IN DIE HOSPITAAL Die model BELLA HADID het onlangs haar volgelinge op hoogte gebring van haar stryd met Lyme-siekte met ’n reeks ontstellende foto’s van…

In Afrikaans klim twee woorde in die bokskryt: ronde met die blou broek, rondte met die rooi handskoene. Hoor jy daai ekstra t? Dis omdat hy trap – hy hou van beweeg. Ronde is die ou wat hou van vorms: ’n ronde tafel, ’n ronde brood, ’n ronde klank. Hy sit rustig en wys die omtrek uit. Rondte, weer, is ’n rustelose soort: Jy stap ’n rondte, die dokter doen sy rondtes, iemand bestel ’n rondte drankies. Hy’s altyd aan die gang. Net toe jy dink dis maklik, lui die klokkie: die eerste ronde van die geveg, die halfeindronde, die kwalifiseringsronde. Dis nie vorm nie, dis fases – maar Afrikaans laat die twee tog saam dans. In party kroeë vra mense sommer vir ’n “ronde drankies” en niemand bel die…

‘KYK, dis Marita van der Vyver dié; as ons julle nie betaal nie, kan julle háár in Calvinia se selle toesluit.” Die vrou wat by die betaaltafel staan, gee ’n tree nader en kyk onder Marita se bofbalpet in. “Ja, wraggies, dis sy! Dis jy! Ek het net gister in die Noordwester gelees jy en jou man is op die dorp.” Die weeklikse koerantjie met nuus uit die Karoo en Hantamstreke het ’n voorbladberig gehad oor Marita en haar Alain wat verdwaal het en ’n rillerrit in die donker oor die Botterkloofpas oorleef het. In die stikdonker het hulle in gietende reën in modder rondgegly, en as dit nie was dat Alain weet hoe om op gladde, toegesneeude paaie te bestuur nie . . . Dié pas op die R364…

A-LYN Die romp begin nou om die middel en klok dan soos ’n A geleidelik tot by die soom uit. Dis ’n tydlose styl wat alle liggaamsvorms pas, en dit werk goed saam met ’n tenktop, bloes of korsetgeïnspireerde bostuk. MINI-ROMP ’n Romp wat bokant die knie sit, is perfek vir die warm weer. Dit laat jou bene langer lyk en skep die illusie van lengte. Jy kan dit optof met hakskoene of saam met tekkies dra vir naweek-avonture. PANEELROMP Dink daaraan as ’n koekstaander met verskillende lae: Dit begin nouer aan die bokant (om jou middel) en word in panele breër na onder. Dra dit saam met moulose tops of bloese vir ’n ontspanne, stylvolle voorkoms. DENIM Dié staatmaker is perfek vir elke dag se dra. Dit gaan nooit…

MY VROU HET ’N PROBLEEM IN DIE BED V Ek en my vrou het die eerste keer seks gehad toe ons 17 was. Soos die lewe se draaie loop, het ons mekaar eers weer 14 jaar later raakgeloop. Ons het die drade dadelik opgetel waar ons dit verloor het en was agt jaar in ’n verhouding voor ons ge troud is. Ons albei is nou 51 jaar oud en het twee dogtertjies. Ons het egter ’n probleem in die bed wat al die jare saam met ons stap. My vrou het nog nooit ’n orgasme bereik nie. Aan die begin het ek gedink dit is omdat sy onervare was. Later het ek besef dat sy geen gevoel ervaar in die sensitiefste dele van haar lyf nie, selfs haar borste. Ek…

1 JOU EIE AFTREE-SPAARGELD Of jy geregtig is op ’n gedeelte van jou gade se aftreefonds indien julle skei, sal van julle huwelikskontrak afhang. Dis beter as die broodwinner aparte voorsiening maak vir julle albei. Opsies ◗ ’n Aftreeannuïteit in jou naam: Jou lewensmaat finansier dit, maar dis volgens wet joune. Die bydraer kan dit van belasting eis (tot 27,5% van die persoon se belasbare inkomste, of R350 000 ’n jaar). Die belegging sal groei oor tyd danksy saamgestelde rente, sê Sue Torr van Crue Invest. ◗ ’n Belastingvrye spaarplan in jou naam: Die leeftydbeleggingslimiet is R500 000. Rente, dividende of onttrekkings is belastingvry. ◗ As jy jou voltydse werk verlaat het om tuis te bly, probeer om nie jou aftreefondsvoordele te gebruik nie. Los dit vir die rente om te…

TOE die reeks DEXTER amper 20 jaar gelede op ons skerms begin wys het, het ek besluit om dit nié te kyk nie. Dit was ’n besluit gegrond op morele beginsels – ek wou nie iets kyk waarin ’n reeksmoordenaar die held is nie – en praktiese oorwegings – my kinders was nog baie klein en ek het eenvoudig nie laat genoeg gaan slaap of my eie tyd gehad om seker te maak hulle sien nie die bloederige tonele nie. Maar soos enige lewensfase gaan dit ook verby. Tien jaar later, met kinders wat ’n streng slaaptyd het en reekse soos BREAKING BAD wat lankal reeds die morele eenvoud agtergelaat het vir meer ingewikkelde kykervarings, het ek versigtig optimisties die reeks begin kyk. En glad nie teruggekyk nie. Die karakters…

1 Watter edelstene is in 1871 in Kimberley ontdek? 2 In watter land is die Maasai Mara-wildreservaat? 3 Wat noem jy iets met agt kante? 4 Vir watter koerant werk Clark Kent in die Superman-fliek? 5 Speel mens Magic: The Gathering met kaarte of dobbelstene? ANTWOORDE 1 Diamante 2 Kenia 3 Oktagoon 4 The Daily Planet 5 Kaarte BRONNE: THEGUARDIAN.COM, STUFF.CO.NZ, SMITHSONIANMAG.COM, BBC.COM, GOODNEWSNETWORK.ORG, EARTH.ORG, DISNEYREWARDS.COM, DISNEYWORLD.DISNEY.GO.COM, WIKIPEDIA.ORG…

‘EK IS agt jaar al in die kosbedryf. Oorsee gewerk en kos berei vir celebs soos Oprah en Justin Bieber. ’n Sjef wat spesialiseer in fyngebak en ’n dosent by die sjefskool Capsicum. Ek kon onlangs vir my ’n slim-TV koop en is ook aangewys as die Taste Master SA-wenner. Maar dit was nie altyd so nie. 1827. Dis al wat ek kon onthou. Die nommer van ’n townshiphut. Die sekuriteitswag het hard probeer om my te help, maar meer as dít kon ek nie onthou nie. Ek was so sewe jaar oud toe ek daardie dag by Springs-stasie afklim. Ek het my stop gemis. Ek was op pad skool toe, alleen. Ons het in Lawley-township gebly, maar ek het in Tshiawela in Soweto skoolgegaan. Dan sou ek elke oggend…

AS JY één gesig soek om langs die beskrywing “Hollywood-stoutseun” te plak, sou syne goed werk. Noem maar op en hy was dit: ’n vuilbek, suiplap en dwelmslaaf wat nie genoeg kon kry van wilde partytjies en porno-sterre nie. Jare lank het Charlie Sheen se wilde lewe die nuus oorheers. Hy het ál meer buite beheer geraak en dit geniet om almal te skok deur basies enigiets wat hy wil te doen en sê. Nou is hy 60 en weer in die nuus. Hy is al agt jaar nugter, maar deel als oor sy chaotiese lewe in sy memoires, The Book of Sheen, en ’n nuwe Netflix-dokumentêr, Aka Charlie Sheen. Hy speel oop kaarte oor sy doen en late – die vroue, die dwelms, die malligheid – en verklap dat…

Is ’n koek en ’n paar kersies genoeg wanneer ’n mens jou 50ste verjaardag vier? Nie as jy LOUKMAAN ADAMS is nie. Die sanger en TV-persoonlikheid en sy vrou, Shaakirah, vier dié mylpaal in styl – in Zanzibar! Hulle het op 11 September, op sy verjaardag, soontoe gevlieg, sê Loukmaan. “Dit het die hele reis sommer ekstraspesiaal gemaak.” Loukmaan en Shaakirah is al sewe jaar getroud en vertel Zanzibar is een van hulle gunstelingplekke. “Ons wou nie te ver reis nie, net ’n plek waar die weer mooi is, maar wat jou nie uitgeput laat voel nog voor die vakansie begin nie,” sê Loukmaan. Die eerste vyf dae het hulle in die AHG Hisia Nungwi gebly. Toe drie dae in die Chuini Zanzibar Beach Lodge. “Ons volgende bestemming vir drie…

NIE so lank gelede nie het min mense die sanger JUSTIN BIEBER en sy vrou, HAILEY, se huwelik ’n kans gegee. Die afgelope jaar het Justin (31) maar mismoedig en onversorgd gelyk, hy’s afgeneem terwyl hy in die openbaar dagga rook, en hy het selfs gesinspeel op ernstige geestesgesondheidsprobleme. In hierdie tyd was die 28-jarige Hayley se binnekring veral bekommerd oor haar. Sy moes nie net haar skoonheidsryk bestuur nie, sy het ook verlede Augustus die paartjie se seun, Jack, in die wêreld gebring. Maar die laaste weke het hulle weer ’n verenigde front voorgehou nadat hulle in September hulle sewende huweliksherdenking gevier het. Bronne reken die paartjie het ’n moeilike tyd beleef omdat Justin onder groot druk was terwyl hy aan sy jongste albums, Swag en Swag II,…

SY’S bekend vir haar heerlike kos, maar MARTHA STEWART het onlangs begin om die koppe om ’n heel ander rede te laat draai. Die 84-jarige leefstylghoeroe bou ’n reputasie op vir die plasing van “thirst traps” – sosialemediaplasings van ’n seksuele aard – op Instagram. In die geselsprogram Today with Jenna & Friends het Martha gepraat oor haar stuitige foto’s aanlyn, en hoe sy tans gelukkig is as enkellopende. “Ek gaan nie met iemand spesiaals uit nie. Maar ek het baie vriende, en my vriende hou my gelukkig,” het sy met ’n vonkel in die oog gesê. Aanhangers is al gewoond daaraan om te sien hoe sy haar lippe verleidelik vir die kamera tuit, soms net in haar kamerjas of in die swembad. In ’n plasing om die koffiehandelsnaam…