Innehållsförteckning för 9 October 2025 från Huisgenoot

1 WOORDE KAN NIE ALTYD SALF NIE Mooi boodskappies van meegevoel op sosiale media is nutteloos vir mense wat rou, het navorsers onlangs bevind. Kenners sê praktiese gebare is beter Ek het onlangs my ma verloor. En met ’n skok besef woorde is leeg. Dié wat sê hulle het nie woorde nie, het meer opreg gevoel, want ek het self nie gehad nie. Wat help, is die mense wat weke later nog inloer en vra of jy oukei is. DOREEN Doreen, jammer vir jou verlies. Dis waar wat jy sê, en elkeen rou anders. Ek kan ná baie lank nog steeds nie oor my pa se dood kom nie. En dan vra mense my of ek nie al genoeg gerou het nie. Baie sterkte vir jou in jou verlies. ILZE Ek…

MET ’n sagte glimlag kyk Michele Potgieter na die onvoltooide skildery van ’n vrou wat haar hand pleitend na Jesus se kleed strek. Haar dogter, Mari-Alena, het voor haar kankerstryd ook hierdie kunswerk bewonder, sê sy. Dit was ’n stryd wat ma en dogter net maande gelede na Israel geneem het. Daar het hulle bomme en missiele oorleef, maar nie genesing gevind nie. En kort ná hul terugkeer is Mari-Alena hier in die rustige oord op Stellenbosch oorlede Sy was 23 jaar oud. Dis net drie dae ná haar dogter se dood toe Huisgenoot aanklop by die ma wie se verhaal mense landwyd aangegryp het, tog is Michele se oë vol vrede. “Weet jy, ek was nooit kwaad nie. Nooit. Ek voel die Here verstaan wanneer iets verkeerd gaan in…

TREK is iets wat Bushie en Welma Engelbrecht al tot vervelens toe moes doen. Dis maar hoe dit gaan in die polisie. En hierdie dag in 1995, drie dae ná Kersfees, is g’n uitsondering nie. Vir elke boks wat uitgepak word, is daar nog drie wat wag. Skielik lui Bushie se foon. “Engelbrecht,” antwoord hy soos altyd. Dan kry hy daai kyk op sy gesig, en Welma weet: Hier kom ’n ding. Dit was die grootbaas, hoor sy toe Bushie aflui. George Fivaz, die nasionale polisiekommissaris. Daar was ’n bloedige menseslagting op die KwaZulu-Natalse platteland op Kersdag. Kry jouself daar, trek die skuldiges vas. “Wees veilig, my man,” is al wat Welma sê. Sy is meer as net ’n eggenoot, sy’s ook ’n jarelange polisielid. Dan pak sy verder alleen…

GRIMERING het deesdae ’n nuwe benadering, met die vel-eerste-neiging wat sorg vir produkte wat die beste van velsorg met alledaagse grimering kombineer. Hierdie veeldoelige formules – onderlae wat bevogtig, basislae wat glans versterk, lipglans wat sag maak én kleur gee – beteken jy hoef nie meer te kies tussen jou vel se gesondheid en produkte wat mooimaak nie. Hier is twaalf van my gunstelinggrimeerprodukte. 1 HOEKOM EK DAARVAN HOU Om blosser aan te wend is een van die belangrikste stappe in my grimeerroetine, want dit kan jou hele voorkoms maak of breek. Op hierdie jel-serum-formule kan ek altyd staatmaak. Dit gly sommerso oor jou vel en smelt heerlik saam met ander produkte. Dit bevogtig my wange en gee dit kleur wat die hele dag hou. Boonop hou net ’n klein bietjie…

1 WAT IS DIE WARE, BRUIKBARE INKOMSTE? Kyk wat jou netto salaris ná belasting en ander werknemeraftrekkings is. Trek dan jou persoonlike werkuitgawes, soos vervoer, maaltye tydens werksure en datakoste, van die netto bedrag af. Wat dan oorbly, is jou ware, bruikbare inkomste. 2 BEPAAL JOU UURLIKSE VERDIENSTE Deel jou inkomste deur die totale ure wat jy werk. Doen dit só: ◗ By jou voltydse werk het jy ’n maandelikse inkomste van R20 000. Jou werkverwante uitgawes is R4 200, sodat jy R15 800 oorhou. Jy werk 40 uur per week (160 uur per maand). Dus, jou uurlikse verdienste is R15 800 ÷ 160 = R98,75 per uur. ◗ By jou tweede werk verdien jy R5 000 per maand, vir 10 uur per week (40 uur per maand). Ná uitgawes (vervoer, toerusting,…

DIT was aan die begin van hoërskool en ek was nog net enkele maande in ’n skoolkoshuis. Ons groep standerdsesse het die Vrydagmiddag stad toe gestap om te gaan fliek. Dit was die eerste keer wat ek op my eie sou fliek, sonder my ouers of broers, en dit was ongelooflik vir my dat ek self sou kon besluit oor watter fliek ek sou kyk. Die fliek wat ek toe kies, was die “epic romance” genaamd FAR AND AWAY met Tom Cruise en Nicole Kidman. Definitief nie die tipe fliek wat ek saam met my broers sou kyk nie – ek was toe al uitgekyk aan INDIANA JONES, STAR WARS en al die Eddie Murphy-flieks – en dit was so luuks om daar tussen my vriendinne te kon sit en…

WETENSKAPLI-KES van die Harvard-universiteit het ’n manier ontwikkel om alledaagse afval soos hare, wol en vere in volhoubare materiale te omskep sonder die gebruik van chemikalieë – en dit kan dalk plastiek permanent vervang. Hul onlangs gepubliseerde studie toon hoe ’n gewone sout kan doen wat duur en besoedelende metodes nie kon nie. Keratien is volop in dierlike neweprodukte, maar om dit in iets nuttigs te omskep behels gewoonlik giftige oplosmiddels en tegnieke wat baie energie verbruik. Maar ’n span onder leiding van Kit Parker, professor in bioingenieurswese en toegepaste fisika aan Harvard se Skool vir Ingenieurswese en Toegepaste Wetenskappe, het ’n ty delike oplossing gevind wat vermy dat die proteïen met chemikalieë vernietig word. In plaas daarvan om die proteïen aan te val, het hulle gefokus op wat rondom…

1 Watter beerspesie is die grootste? 2 Watter land in Afrika produseer die meeste kakao in die wêreld? 3 Wat is die naam van die grootste en langste been in ons liggaam? 4 Wat is die provinsiale hoofstad van die Oos-Kaap? 5 Wie het meer Grand Slams in tennis gewen, Serena Williams of Roger Federer? Antwoorde  1 Ysbeer 2 DieIvoorkus 3 Diefemur 4 Bhisho 5 SerenaWilliams BRONNE LIVESCIENCE.COM, NEWSFORKIDS.NET, APNEWS.COM, EDITION.CNN.COM, ORIENTEXPRESS.COM, FOCUSONBELGIUM. BE, STUFF.CO.NZ, BRITANNICA.COM, DAILY-GALAXY.COM…

SATURNUS, die sesde planeet van die son af, is bekend vir sy ringe en sy baie mane, wat mense al jare lank nuuskierig maak. Dis dalk nie die grootste planeet in ons stelsel nie, maar Saturnus is beslis ’n hemelse skouspel. ’N GASREUS Glo dit of nie, Saturnus het geen vaste oppervlak nie! Dit is ’n gasreus: ’n reuse-bal wat hoofsaaklik uit waterstof en helium bestaan. Dis die tweede grootste planeet ná Jupiter, maar met ’n radius om sy ewenaar van 60 268 kilometer is dit steeds massief – ongeveer nege keer so breed as die Aarde. Die gemiddelde digtheid van Saturnus is so laag dat dit op water sou kon dryf. (Nie dat daar ’n oseaan groot genoeg is om dit te probeer nie!) Saturnus se vorm is afgeplat (breër…

VAN drama en skandale kan jy haar niks vertel nie. Sarah Ferguson wás al hier – en elke keer het sy dit reggekry om aan die ander kant uit te kom en kon sy steeds glimlaggend met koninklikes en ander belangrike mense omgaan. Maar nou het die soveelste storm om Fergie se berugte rooikop losgebars, en of sy dit dié keer gaan regkry om dit netjies af te skud, weet nugter. Weer is Jeffrey Epstein die middelpunt van ’n koninklike skandaal, en dié keer kan dit dalk net die laaste spyker in die doodskis wees vir die hertogin van York en haar eksman, prins Andrew. ’n Uitgelekte e-pos wys Fergie (65) het in April 2011 aan Epstein geskryf en hom “nederig” verskoning gevra omdat sy hom in die openbaar verwerp…

SY KINDERJARE in Kanada klink soos ’n hartseer countryliedjie. Hy’s gebore in die doodsnikke van die Tweede Wêreldoorlog en is op vyf amper dood aan polio. Hy’s voortdurend geteister deur epilepsie en diabetes. Smiddae ná skool het hy koerante afgelewer en eiers gesmous. Snags het hy in ’n tentjie by sy lêhenne geslaap om ongediertes weg te hou. Op 12 het sy ouers geskei. Die jong Neil Percival Young se terapie was sy goedkoop kitaar. “Wanneer ek begin speel, voel dit of ’n vars, ysige Noordpoolwind deur my waai. Dis magies,” het hy later gesê. Op 19 het hy ’n tweedehandse lykswa gekoop en die langpad gevat. Dwarsoor die Noord-Amerikaanse vasteland, van Kanada na Kalifornië. In Los Angeles se verkeer het hy ’n bekende gesig gesien. En net daar langs…

Wanneer en waar was jy op jou gelukkigste? Op Kaap St. Francis tydens die Kersvakansie in gr. 6. Ek het my eerste vakansieromanse met Edwin Marx gehad. Ons is vandag nog in kontak. Wat is die ding wat jy die meeste in mense bewonder? Ondersteuning. Wat kan jy nie verduur nie? Egoïstiese mense. Wat is jou diepste put van ellende? Ongeskikte, nors mense. Wie is of was die liefde van jou lewe? Al die mans wat ek al gedate het. Wat is jou gunstelingwoord in Afrikaans? Koekemakranka. Wat is jou gunstelinggesegde in Afrikaans? Wat jy saai, sal jy maai. Wie sal jou speel in die fliek oor jou lewe? My tweelingsussie, hahahaha. Wat sal die boek oor jou lewe se naam wees? “?” Watter talent sou jy wou hê? Om te…

ONTBYT-GEBAK met EIER & GROEN GOED GENOEG VIR 6/BEREIDING: 15 MIN. ◗ 50 ml olyfolie◗ 2 rooi soetrissies, ontpit en gekap◗ 200 g babaspinasie, gekap◗ 12 eiers◗ 125 ml (½ k) suurroom◗ hand vol grasuie, fyngekap sout en swartpeper, na smaak◗ 250 ml (1 k) fetakaas of bokmelkkaas, gekrummel Verhit die oond tot 180 °C. 1 Verhit die olyfolie in ’n groot pan en soteer die soetrissie tot sag. Voeg die spinasie by en roer tot dit verwelk. Skep in ’n oondvaste skottel en laat effens afkoel. 2 Klits die eiers, suurroom, grasuie, sout en peper in ’n groot bak of maatbeker. Roer die helfte van die kaas by. 3 Giet die eiermengsel oor die groente en meng liggies. 4 Bak 10-15 min. tot die eiers net gaar is en…

MY STIEFSEUN IS GEWELDDADIG V My vrou het kinders uit ’n vorige huwelik en haar seun gee my opdraande. Hy sê ek is nie sy pa nie en luister glad nie na my nie. Hy praat met my nes hy wil. Nadat hy my met sy vuiste getakel het, het ek ’n beskermingsbevel teen hom bekom en ook ’n klag van aanranding by die polisie ingedien. Die saak kom binnekort voor. Sy ma staan by hom en is so kwaad vir my dat sy uit ons kamer getrek het. Tree ek reg op? A Absoluut. Die gevaar wat baie huisgesinne loop, is dat die belhamels die toon aangee. Dis uiters wanfunksioneel. Dit gebeur in die meeste gevalle waar iemand nie verantwoordelik gehou word vir hulle dade nie. Jou vrou tree…

KOEBAAI Vakansietyd kom nader en almal praat oor waarheen hulle vanjaar gaan. Jy hoor net Mosselbaai, Bettiesbaai, Hentiesbaai, Gansbaai . . . En ek gaan maar weer op “standbaai” by die werk wees. Heidi Melemma DOODLOOPSTRAAT Aansoek om werkloosheidsvoordele tydens die covid-inperking: Beroep? Inbreker. Rede vir werkloosheid? Almal is heeltyd tuis. Denise, Pretoria EEN TE VEEL Piet loop vir Koos buite die hospitaal raak. “Hoekom lyk jy so bekommerd?” wil hy van sy pel weet. “My vrou het so pas ’n tweeling gehad,” antwoord Koos. “Maar dis mos wonderlike nuus!” roep Piet uit. “Jaa,” sê Koos, “maar wie’s die ander pa?” Charlotte Pietersen SPANBOU Hier so laat in die jaar raak ek al diep opgewonde oor die kantoor se jaarlikse Kerspartytjie. Ek moet nou net eers ’n werk kry. Heidi…

‘VISUAL practitioner, conference scribe, grafiese optekenaar, doelwit-afrigter . . . Daar’s baie maniere om my werksveld en verskillende aspekte daarvan te beskryf. Maar laat iemand my vra wat ek doen, dan sê ek: “Dink aan my as iemand wat in ’n vergadering notas neem. Maar in plaas van woorde gebruik ek tekeninge.” En dis nie sommer enige prente nie. Ek verweef hierdie beelde in ’n storie, sodat dit sin maak vir almal – of hulle teenwoordig was of nie. Uiteindelik, omdat mense nie meer lus het om verslae te lees nie, word die tekeninge ’n visuele verslag ná die tyd. Ek is in 1970 in Komga gebore, ’n dorpie so 45 minute noord van Oos-Londen. My tannie Ruth, wat vandag 103 is, was destyds ’n verpleegster by die kliniek waar…

DIS oor húlle dat mense gesê het sprokies bestaanrégtig. Want in 2021 het die sjarmante boer DÉAN BOTMA, ’n makadamiaboer van die George-distrik, in die 13de seisoen van Boer soek ’n vrou na liefde gesoek. Hy nooi toe drie vroue na sy plaas, maar stuur sommer eerste vir MEGAN WILLE huis toe. Maar ai, dinge tussen hom en die ander twee vroue op die plaas wou net nie lekker werk nie, en kort voor lank erken Déan toe dit was ’n fout om Megan huis toe te stuur. Die reeks het tot ’n einde gekom, Déan het weer met Megan kontak gemaak en die twee het saam gaan koffie drink. In Desember 2022 is hulle in die Franschhoekvallei getroud. Maar sprokies, weet ons almal, is net sprokies. Want vandag onthul…

Ons voëlname is ’n kykie in ons kop in. Vat die hadeda: ’n alarmstelsel met vere. Dis net ’n klankopdrag – HA-de-DA – en op ’n Sondagoggend laat dit jou skuldig voel oor alles wat jy gister gedoen het. Die piet-my-vrou is ’n gesinsberader met ’n trompet. Hy blaas sy raad hardop die wêreld in. En daar’s die hoep-hoep, ’n rockster. Hy hou van reduplikasie: hoephoep-hoep. Klaar. Hy hou dit eenvoudig en lekker – net hoephoep. The early bird catches the earworm. Intussen loop die janfrederik rond asof iemand hom op ’n lys gesit het. Net sy eie naam, oor en oor. Wat, as jy mooi dink, eintlik ideaal is. Ons hou van samestellings. Visvanger. Krombek. Suikerbekkie. What you see is what you get. Maar die laksman klink soos ’n…

DIS 45 °C buite, maar hier binne lyk die glanspaar wat op die skerm verskyn so koel soos mense wat nooit in ’n sweet uitslaan nie. Nie eens as dinge régtig warm raak nie – dis nou letterlik of figuurlik. Nicky van der Walt en Lee-Ann Liebenberg sit in ’n klankateljee met lugverkoeling in die middestad van Dubai, die woestynstad waar hulle deesdae woon. Hulle hare is perfek gestileer, hulle lyk asof hulle aangetrek is vir ’n glanspartytjie, en die glimlag blink in hulle oë. ’n Mens sou nooit kon raai dat die lewe die laaste ruk vir dié twee nogal stresvol was nie. Hulle was onlangs in die nuus toe daar berig is hulle het Suid-Afrika verlaat omdat Nicky ’n berg skuld met hom saamsleep en dat die skadu…

UITGEVAT IN ’N BROEKPAK Hierdie mosterdkleurige langbroekpak wys dat ’n snit gestruktureerd én vroulik kan wees. Skep balans met ’n wyepyplangbroek, ’n baadjie wat netjies pas en ’n vallebloes vir sagtheid. BEMEESTER DIE MIDIROK ’n Helder midirok is een van Kate se gunstelinge. Dis tydloos en elegant en kan in die dag en in die aand gedra word. Die regte skoene maak die verskil as jy die voorkoms goed onder die knie wil kry. BESTE VAN DIE BESTES WENK Die geheim is om skoene te kies wat lengte gee – of dit met ’n gepunte toon of ’n effense hak is. Dit skep die perfekte balans met die kuitlengte snit van die rok. WEN MET WIT Kate se wit plooiromp en kort baadjie is die toppunt van afgeronde minimalisme. Die…

WEEGSKAAL 23 SEPTEMBER – 22 OKTOBER Daar kaN struwelinge en spanning in jou huislewe wees, veral as gevolg van verskille oor geldsake en skuld. Probeer geduldig bly, want daar’s beter dinge op die horison. Die lewe sal veel rooskleuriger raak wanneer jou heersende planeet, Venus, op die 13de by jou teken inbeweeg. Jy sal ook in hierdie tyd nuwe kreatiwiteit ervaar wat eindelose moontlikhede kan beteken. SKERPIOEN Teen die 11de is dit dalk tyd dat jy ’n vriendskap heroorweeg wat oor die jare stagneer het. Jy sal moet besluit of dit nog die moeite werd is. Jy vat nie so iets sommer ligtelik op nie, so dink mooi oor wat die regte ding is om te doen. BOOGSKUTTER 22 NOV – 20 DES As jy voel die balans tussen jou…

N SY hart is HUNTER KENNEDY ’n rocker. As lid van drie ikoniese Suid-Afrikaanse bands – Fokofpolisiekar, Die Heuwels Fantasties en aKING – het hy jare se ondervinding van ’n rocker wees. Hy dra vele hoede as sanger, musikant en liedjieskrywer, maar dis die hoed van pa wat hom tans diep inspireer. Dis hierdie inspirasie wat oorspoel in sy nuutste liedjie, “Waiting for Maria”. “Die lied kom al ’n lang pad saam met my,” sê Hunter. “Ek het die koor daarvan tien jaar terug geskryf terwyl ek in die wagkamer van die hospitaal gesit het met die geboorte van my dogter, Maria. “Die gedagte het by my opgekom dat ek waarskynlik vir die res van my lewe vir haar gaan wag. Of dit nou ná skool is, by ’n partytjie…

FOTOBLOKRAAI NO 2363 KOMPETISIEVRAAG Watter wapen is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU Hierdie week wen een leser Weg is nie ’n plek nie deur Santie van der Merwe (H&R, R290). Natasja se hart is in stukke. Johnny het haar sowaar weer in die steek gelaat. En nou, ná ’n baie lang nag, bevind sy haar op die snelweg in die verre noorde met al haar aardse besittings agter in haar kar. Eers nadat sy op die N18 afgedraai het en sy die bordjie opmerk, onthou Natasja: George, haar pa se boesemvriend, woon nog hier op Lelievlei. Miskien moet sy soontoe mik en gaan aanklop? Sy is doodmoeg, verward…

DIE SON WORD ‘WAKKER’ Nasa sê die son is besig om “wakker te word”, en dit kan groot probleme op Aarde veroorsaak. Nasa-wetenskaplikes waarsku dat die son moontlik ontwaak uit ’n kort tydperk van relatiewe onaktiwiteit, wat vorige aannames oor die son weerspreek. Indien waar, kan dit beteken dat dekades van potensieel gevaarlike ruimteweer op ons wag. Die son volg ’n siklus van ongeveer elf jaar van sonaktiwiteit, wat begin met ’n lang, stil tydperk, bekend as sonminimum, en bou op na ’n plofbare piek, bekend as sonmaksimum – wanneer hy gereeld kragtige sonstorms na ons uitspoeg. Hierdie patroon staan ​bekend as die “sonvleksiklus” omdat die getal donker kolle op die son se oppervlak styg en daal met sonaktiwiteit. Die sonvleksiklus word op sy beurt beheer deur ’n langer siklus…

BOEKE JAKKALS EN WOLF 2 WENDY MAARTENS Dis weer tyd vir nuwe avonture met Jakkals en Wolf. Dié boek is ’n versameling van ses stories van die gewilde skelmstreke van die twee wat steeds probeer om mekaar uit te oorlê. Hulle is eintlik goeie vriende. Sonder die een is die ander se lewe maar saai, maar dit staan nie in hul pad om mekaar poetse te bak nie. Daar is stories oor Jakkals wat Wolf letterlik onder ’n hangklip in kul. Dan is daar ook die verhaal van die twee wat vir kos werk op Boer se plaas, maar daar’s altyd iets in die boord as dit by dié twee kom. KOMBUISTAAL VICKIE DE BEER As jy of jou kind van kosmaak hou, en wil tyd saam in die kombuis…

HY WAS die rock-ster van tennis: skraal en aantreklik in sy kort wit tennisbroekies, die droom van ’n hele generasie verliefde tienermeisies. In die laat 1970’s en vroeë 1980’s het hy 11 Grand Slam-titels gewen, insluitend vyf Wimbledons agtereenvolgens. En toe, op 25, draai Björn Borg sy rug op alles – sonder ’n woord van verduideliking. Aanhangers was verpletter, al moes hulle eintlik nie verbaas gewees het oor sy stilte nie. Die ster was die sport se groot raaisel. Sy bynaam was “Ice Borg” vanweë sy yskoue kalmte en sy onleesbare klipgesig. Vir dekades het niemand regtig geweet hoekom hy uitgetree het of waarmee hy hom besig hou nie. Van tyd tot tyd was hy by ’n Grand Slam, en hy is gereeld gesien by Wimbledon, steeds elegant met ’n…