Innehållsförteckning för 16 October 2025 från Huisgenoot

1 ‘EK WEIER DAT MY SIEKTES MY ONDERKRY’ Ten spyte van daaglikse ondraaglike pyn verval Anmar Pretorius nie in selfbejammering nie en hou sy ondanks alles aan met werk Anmar, jy is so ’n ongelooflike vrou. Jy lag en glimlag altyd. Dis hoe ek jou ontmoet het, en Johan sê vir my dis presies hoe jy elke liewe dag is. Baie sterkte vir jou, ek bid vir jou. CHRISTEL Ek kry haar so jammer! Ek stap ook al dié pynpad vir 18 jaar weens outoÏmmuunsiekte, en ’n rug onherstelbaar beskadig deur ’n chirurg. Dis hel. My hart gaan uit na Anmar. Ek hoop en bid vir ’n wonderwerk vir haar en vir my. RENÉ Myasthenia gravis is ’n paar maande terug by my gediagnoseer. Tot dusver werk die behandeling goed. Ek…

DIS ’N yskoue lenteoggend hier in Brackenfell en Romi Crawford sit al van vroeg af so regop soos ’n standbeeld in die grimeerstoel. Romi is Huisgenoot se Mej. Tiener, en ’n mens kan net raai dat sy haar vir ’n groot geleentheid mooimaak – dalk ’n glansgala saam met silwerdoeksterreof ’nfondsinsamelingsbanket met ’n rooi tapyt. Maar nee, sal sy jou vertel, dis veel belangriker. Vanaand hou sy matriekafskeid. Sy’s al van agtuur vanoggend af met haar hare besig. Halftien het sy met die grimering begin. In haar kamer lê die duur Gucci-parfuum, skitterende oorbelle en ’n silwer handsak netjies gereed op haar bed. “Moet dit nog nie oopmaak nie,” waarsku Romi haar nuuskierige niggie wat desperaat haar pragtige matriekafskeid rok wil sien. Dié rok is geheimsinnig in ’n roksak weggesteek.…

HIERDIE somer is varser, natuurliker naels die in ding. Blinkers, sierstene en patrone is steeds gewild, maar die klem val nou op eenvoud. Die “naked manicure” is deel van die neiging om stille weelde en skoon estetika uit te beeld wat nou oral gesien word. Die vorm is natuurlik, die politoer subtiel en die afronding luuks. Die resultaat is netjiese, eenvoudige naels wat moeiteloos stylvol lyk. Die beste van alles is die voorkoms pas by almal. Dit voel altyd afgerond en gepas – van die kantoor tot ’n deftige aand uit. Ons verduidelik hoe om die voorkoms reg te kry en gee maklike variasies om dit vars te hou. WAT IS NAAKTE NAELS? Die “naked manicure” is nie heeltemal kaal nie. Dis bloot geverf op ’n manier wat eerder jou…

MET ANDER WOORDE DEUR WILNA ADRIAANSE Tafelberg, R416* Kristina Lazarus, ’n regstudent by die Universiteit van Stellenbosch raak vermis nadat sy gaan draf het. Die polisie vind haar in die vroeë oggendure teen die berg. Sy is by haar bewussyn, maar weet nie wat sy daar maak nie. Ná vele ondersoeke vind die dokters geen verklaring vir haar toestand nie. Sy word in ’n psigiatriese kliniek buite die dorp opgeneem waar die psigiater, Ben Krige, probeer uitvind wat die probleem is. Die pad wat sy en Ben stap, loop deur baie woorde, baie afdraaie en baie emosies. Soms kan ’n mens beplan soos jy wil, maar die lewe het sy eie planne met jou. Met ander woorde is amper 20 jaar gelede die eerste keer uitgegee. “Ek sou dalk graag…

THE GREAT GATSBY Hierdie is ’n goue oue en weer in die nuus nadat die akteur Robert Redford onlangs oorlede is. Hy het in die 1974-weergawe van die fliek gespeel en ’n ikoniese liefdeskombinasie met Mia Farrow as Daisy gevorm. Die 2013-weergawe met Leonardo DiCaprio is egter ’n effens beter fliek, en gaan oor die pierewaaier Jay Gatsby in die historiese roman uit 1925 wat deur F. Scott Fitzgerald geskryf is en in talle skole ’n voorgeskrewe boek is. Die spesifieke tydvak gryp al dekades lank die verbeelding aan en vorm dikwels die tema van partytjies. Die verhaal word vertel deur die veteraan uit die Eerste Wêreldoorlog Nick Carraway (Tobey Maguire), wat in 1929 in ’n psigiatriese hospitaal behandel word. Daar vertel hy sy dokter van sy ontmoeting met Jay…

1 Watter twee state word ten volle deur Italië omring? 2 Waar of vals: Weerlig is warmer as die son? 3 Watter woestyn is in Botswana, Suid-Afrika en Namibië? 4 Hoeveel elemente is daar op die periodieke tabel? 5 Vlugbal is watter land se nasionale sport? ANTWOORDE 1. San Marino en die Vatikaanstad 2. Waar 3. Die Kalahari 4. 118 5. Nepal BRONNE: EDITION.CNN.COM, THEGUARDIAN.COM, BBC.COM, INSIDE.FIFA.COM, BRITANNI-CA.COM, LONELYPLANET.COM, LIVESCIENCE.COM, ETYMOLOGIEBANK.NL, STUFF.CO.NZ GALLO IMAGES/GETTY IMAGES, CHANDAN KHANNA/AFP, BLOCKWORK, GREG NEWTON/AFP, REDBULL CONTENT POOL VIA AFP, NUR PHOTO VIA AFP, WIKIPEDIA, INSTAGRAM/@DINO_DOCTOR, FACEBOOK/JIMNY GATHERING…

WANNEER mense my vra hoe gaan dit, antwoord ek altyd : “Goed dankie, ek is baie dankbaar en geseënd.” Soms kan ek sommer in hulle oë sien hulle verstaan nie. Want hoe kan dit dan met my goed gaan, wonder hulle seker. Want ek is gebore met die baie skaars Miller-sindroom. Ek is gestremd. Ek is doof. Maar as ek terugkyk op al my prestasies, hoe kan dit dan nie met my goed gaan nie? Ek is op die oomblik genomineer as een van die top-50-finaliste in Voelgoed Media se Inspirasievrou 2025-kompetisie. In Maart was ek die wenner in die kategorie Vroue met Gestremdheid by die Gauteng Women’s Excellence Awards in Johannesburg. Verlede jaar het ek my Ph. D. in Drama en Rolprentstudies by Tukkies verwerf. Ek het ’n voltydse…

‘SNAKES.Why does it have to be snakes?” sê Indiana Jones toe hy in Raiders of the Lost Ark met sy groot vrees gekonfronteer word. Sommer ’n grafkelder vol van die kriewelende, sissende reptiele. Maar toe ’n nuwe slangspesie twee jaar gelede in Peru ontdek word, het dit die naam Tachymenoides harrisonfordi gekry. Ter ere van die akteur Harrison Ford, oftewel Indy. “Ek voel nederig,” sê hy oor dié twyfelagtige eer. Dis toe al die tyd nie ’n nare grap nie. Anders as sy karakter met die cool hoed en sweep was Harrison kleintyd al mal oor slange. Die avontuurlustige argeoloog wat Nazi’s en antieke demone aanvat, ’n ruimtesmokkelaar wat vryheidsvegter word, ’n Amerikaanse president wat self die slegte ouens se gatte skop – vir ses dekades al red Harrison Ford…

Wanneer en waar was jy op jou gelukkigste? Toe ons gesin vroeër vanjaar Kroasië toe was en eenvoudig geleef het op die eilandjie Mljet. Om daar op die beton-jetty op die Adriatiese See te kon chill was soos ’n droom. (Maar in die konteks van my hele lewe sou ek sê ek is nou op my gelukkigste. Dis nie ekstaties nie. Dis stabiel. Dít maak my gelukkig.) Wat sou jy anders doen as jy jou lewe kon oorhê? Om eerlik te wees, nie veel nie. Ek sou hier en daar dinge beter hanteer het, maar nie die groot goed verander nie. Wat is die ding wat jy die meeste in mense bewonder? Verbeelding, verset, uithouvermoë en eienaardigheid. Wat kan jy nie verduur nie? Skynheiligheid, patronising mense, politieke teater, transhumaniste en…

PANZANELLA met EIERVRUG & CIABATTA-CROUTONS GENOEG VIR 4 MENSE, AS ’N BYKOS/BEREIDING: 15 MIN./GAARMAAK: 30-40 MIN. ◗ 2 groot eiervrugte, in blokke gesny◗ 60 ml (¼ k) olyfolie◗ sout, na smaak CROUTONS ◗ ½ ciabatta, in growwe stukke gebreek◗ 60 ml (¼ k) olyfolie, soos nodig◗ 2 knoffelhuisies, fyngerasper◗ 30 ml (2 e) fyngerasperde harde Italiaanse kaas (opsioneel)◗ sout, na smaak SLAAISOUS ◗ 80 ml (⅓k) olyfolie◗ 60 ml (¼ k) rooiwynasyn◗ 1 knoffelhuisie, fyngerasper SLAAI ◗ 500 g gemengde tamaties, afgespoel en kleiner gesny◗ sout en varsgemaalde swartpeper◗ 150-200 g gemengde slaaiblare◗ 1 rooi-ui, in dun ringetjies gesny Voorverhit die oond tot 200 °C. Bespuit 2 bakplate met kossproei. 1 Versprei die eiervrugblokkies op een van die bakplate. Drup die olyfolie oor en meng deur die eiervrug. Geur met…

KRY DIT HIER @HOME BASH.COM; CIELO.CO.ZA 0861-107-108; DECO-FURNSA.CO.ZA 0870-494-155; HERTEXHAUS.CO.ZA 021-948-4764; MONEXTERIORS.COM 060-641-9905; MRPHOME.COM 064-584-1000; PEDERSEN-LENNARD.CO.ZA 021-447-2770; WOOLWORTHS.CO.ZA 0860-100-987 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOOR-DELIK GEHOU KAN WORD NIE.…

WEEGSKAAL 23 SEPTEMBER – 22 OKTOBER Maak jou gereed – ’n belangrike gesprek oor geld en finansies rondom die 20ste gaan waarskynlik nie rustig, regverdig of sonder konflik wees nie. Die aanstoker blyk jou ge liefde te wees, maar alles dui daarop dat iets al ’n rukkie broei. Gelukkig val die nuwemaan hierdie maand op die 21ste in jou teken, en daar is geen ander teken wat gemoedere kan sus soos jy nie. SKERPIOEN 23 OKT – 21 NOV Jy voel hierdie week skerp en wakker. Rondom die 20ste kry jy ekstra woema wanneer die slim Mercurius en energieke Mars saam in jou teken staan. Verwag meer as een insig of deurbraak. Daar’s ’n moontlikheid van reis wat voorlê, en jy is reeds besig om planne te maak daarvoor. Handhaaf…

BETER DAE Hoe wonderlik is die jeug darem nie, mymer my buurman by die ouetehuis op die stoep. Net jammer dit word deesdae op die jong mense vermors. Anton, Bellville KITSRESEP Gehoor van die blondine wat 8 000 kilojoules in ’n japtrap verbrand het? Sy’t vergeet om die sjokoladekoek uit die oond te haal. Louise Noeth KEN JOU RUGBY As die Bokke so op die Saterdag wen, is dit heildronktyd. As hulle die dag verloor, is dit huildronktyd. E. Moelich WINSKOOPJAGTER Waarom vat die blondine altyd net produkte van die heel onderste winkelrak af? Want sy wil die laagste prys betaal, natuurlik. San Marchand OORDRYWING Ek sê nou die dag vir my sielkundige dit voel vir my almal in die wêreld haat my. Toe sê hy dis glad nie so…

VOLTOOIDE GROOTTE Lengte: 47 cm Omtrek (middellyf): 39 cm Vaardigheidsvlak: Gemiddeld BREIDRAAD Charity Double Knit 100 g: ■ Geel vir lyf – 057 Sunshine ■ Blou vir strikkie – 078 Indigo ■ Swart vir hande, voete, en mond – 017 Black Gebruik sommer van jou oorskietbreidraad vir die strikkie. BENODIGDHEDE ■ Hekelpen: 3 mm ■ Skêr ■ Tapisserienaald ■ Pollyfill of speelgoedstopsel (jy kan kussingstopsel gebruik) ■ Steekmerker ■ 2 x 10 mm-veiligheidsogies of knope LET WEL: Dié amigurumi-patroon is ’n bietjie anders as die gewone amigurumi patrone en word in halwe langbeen (hlb) gewerk, maar kan ook in kortbeen (kb) gewerk word vir ’n stywer steek en kleiner pop. Palawa word van die voete af boontoe gehekel. Sy kop, arms, ore en horings word apart gehekel en aangewerk. DIE…

HOEVEEL pare Crocs moet ’n mens hê voor jy dit ’n obsessie kan noem? Twintig? Vyftig? Honderd? Dit hang seker af wie jy vra. Maar as jy ’n wêreldrekord sáám met jou obsessie wil kry, sal jy groter moet gaan en moet mik na min of meer 4 000. Want doer in Connecticut, Amerika, woon ’n ou met die bynaam Croc King. En in die kelder onder sy huis is rye en rye rakke, met duisende pare Crocs daarop uitgestal. Om presies te wees: 3 569 pare. Dis die getal wat Guinness World Records se mense gekry het toe hulle sy skoene getel het. En dis nou amptelik die grootste Crocs-versameling ter wêreld. Maar moenie dink Doogie Sandtiger het ophou koop toe hy die rekord kry nie. Sy versameling staan…

DIE aktrise SYDNEY SWEENEY en die musiekmagnaat SCOOTER BRAUN is reg om hulle verhouding vir die wêreld te wys. Die vonk tussen Sydney (28) en Scooter (44) – wat voorheen sangers soos Justin Bieber, Demi Lovato en Ariana Grande se sake bestuur het – het in Junie vlam gevat toe hulle die troue van Jeff Bezos en Lauren Sánchez in Venesië, Italië, bygewoon het. Hulle het hulle verhouding drie maande lank geheim gehou, maar die afgelope paar weke het die liefdesvlam hoog begin brand. “Hulle’s baie ernstig. Dis nie ’n oppervlakkige verhouding nie,” het ’n bron aan Page Six gesê. “Dis volstoom, dis vuurwarm. Hulle’s bymekaar.” Scooter was langs Sydney toe sy onlangs ’n verjaardagpartytjie met ’n ruimtetema gehou het, met Jeff, Lauren, Ashton Kutcher, Glen Powell en Diplo onder die…

“Verhoudings” klink na blou regmerkies op WhatsApp: intens, intiem, twee mense wat met mekaar playlists uitruil. “Verhoudinge,” weer, is die groter sirkel: kollegas, vriende, tannies, die buurman met die blareblaser sesuur op ’n Sondagoggend – die hele sosiale ekostelsel. Jou taalgevoel is reg: Die -s zoem in; die -e zoem uit. Die verskillende meervoudsvorme met ’n s of ’n e kry ons by Nederlands en Duits en eintlik Germaans in die algemeen. In sommige woorde – byvoorbeeld motors/motore en faktors/faktore – het die twee in betekenis vertak. Dit gee ons daai ekstra lemmetjie op ons Swiss Army Knife om betekenis te onderskei. Maar onder die warm element van die Engelse oond bak die -s nou ook gedurig in ons pragtige taalpastei in. Wat is die verskil tussen herinnerings en herinneringe?…

DIT moes ’n helder tyd in haar loopbaan as pianis en rolprentkomponis wees. Maar daar in Bulgarye, ver van haar geliefdes, het Kate Borthwick se meestersgraadstudies ’n donker simfonie van pyn geword. Om soggens op te staan, die kort stappie kampus toe, om musiek te maak – als was vir haar ’n erge ontbering. Maar sy het vasgebyt, die seer in haar lyf uit haar gedagtes probeer verban en gefokus op haar doelwit. “Ek was bang,” sê Kate (40) vandag. “Jy weet nie wat fout is met jou nie, maar jy weet dis ernstig.” Die jaar was 2021. Die oorsaak van haar pyn was miëloom, ’n seldsame bloedkanker. Maar destyds het sy geen idee gehad nie. “Ek het nog nooit eens daarvan gehoor nie,” sê Kate, dogter van die akteurspaar…

‘KYKdaardie klein wonderwerkie,” sê Therese Bam en beduie na die seuntjie op die rusbank, sy bruin ogies onder lang wimpers vasgenael op die TV-skerm, die eetgoed wat sy ma vir hom aangedra het, tydelik vergete. As aktrise en Kwêla-aanbieder is sy self ’n bekende gesig op daardie einste skerm, maar hier by haar en haar argitek-man, Christian (58), se huis in Houtbaai buite Kaapstad is Therese op haar gelukkigste – as ma vir klein Jack. Vier jaar nadat sy haar jarelange droom bewaarheid het om ma te word, verwonder sy haar steeds aan die klein mensie wat haar lewe so kom verryk het. “Hoe kan ek nié oor hierdie reis praat nie,” sê sy oor haar lang pad na moederskap. Eers ná vyf rondes vrugbaarheidsbehandeling kon sy en Christian uiteindelik…

LIGBLOU Dis koel, kalm en moeiteloos sjiek, en laat alles soveel makliker voel. Perfek vir dae wanneer jy elegant wil lyk sonder om te hard te probeer. WENKE • Verruil jou klassieke jeans vir ’n ligblou langbroek of romp. • Meng dit met pastelle soos pistachio of ligpers. • Gooi ’n ligblou baadjie oor ’n noupassende rok in ’n neutrale kleur vir die kantoor. BOTTERGEEL Dié goedvoelkleur is sag maar treffend, en helder sommer dadelik jou dag op. Kies ’n vloeiende geel somerrok, ’n netjiese geel baadjie of selfs ’n tikkie geel in jou bykomstighede. WENKE • Kombineer dit met metaalkleure, silwer hakskoene of ’n mooi palmsakkie vir die aand. • Voeg net ’n geel handsak of hakskoene by as jy nie van kop tot tone geel wil dra nie.…

Ek stem heelhartig met die digter C. Louis Leipoldt saam dat Oktober die mooiste, mooiste maand is. Alles in my tuin blom, en die ritme van die natuur voel net anders. Maar nie almal raak opgewonde wanneer die lente aanbreek nie. Soos met enige ander seisoensverandering, en veral met die einde van die jaar wat nader kom, is party mense meer geneig om dan depressief te voel. Ek het by lesers gaan aanklop om te vra hoe hulle voel wanneer die seisoen verander. MANDIE Ek werk by ’n dokter, en ons het elke jaar die gewoonte om Lentedag te vier met blomme oral in die spreekkamer. Ons deel ook koekies uit om die soet van die nuwe seisoen te vier. Maar ons het nog ’n ander gewoonte. Ons weet uit…

1 WAARVOOR MOET EK PASOP? ◗ E-posse, SMS’e of Whats-App-boodskappe oor uitstaande koerier-, BTW-of doeanegeld. Die skakel in die boodskap neem jou na ’n vals betalingsportaal. Sodra jy jou kaartbesonderhede invoer, besteel die skurke jou bankrekening. ◗ Boodskappe wat sê jou afleweringsadres is verkeerd of onvolledig, en jy moet op ’n skakel kliek om dit reg te stel. Daai kliek neem jou na phishing-webtuistes, wat persoonlike inligting aflaai. As jy jou persoonlike of bankinligting via die skakel verskaf, kan dit vir bank-of identiteitsbedrog misbruik word. 2 HOE BESKERM EK MY BESON-DERHEDE EN GELD? ◗ Ignoreer boodskappe wat geld vra. Afleweringsfooie is gewoonlik ingesluit by die totale koopsom. ◗ Volg pakkies deur diensverskaffers se amptelike apps of webtuistes. Nooit, ooit deur skakels in ’n SMS of e-pos nie! As jy ’n boodskap kry…

UIT die aard van my werk word ek gereeld gevra om reekse of flieks vir vriende en familie aan te beveel. Dit maak my soms moedeloos, want dis regtig nie so maklik soos om te sê: Kyk dit! of Kyk dat! nie. Anders as vir Huisgenoot se lesers – wie se smake en voorkeure wyd en omvattend is – ken ek my familie en vriende persoonlik, en dis moeiliker om te weet waarvan hulle sal hou. Ek weet in die wêreld daar buite is daar talle lesers met dieselfde tipe voorkeure as ek. En selfs wanneer ek nie heeltemal mal is oor iets nie, kan ek die meriete raaksien en lesers byvoorbeeld bedag maak op dinge – of dit agtergrondkennis of skindernuus in die bedryf is – wat hulle kan…

WAARNA LUISTER JY IN JOU KAR? Baie mense dink ek is vreemd, maar ek luister gewoonlik na niks. Ek geniet die stilte as ek die langpad aandurf vir vertonings. Maar ek sal nou en dan na van my demo’s luister om te bepaal waaraan daar nog gewerk kan word. WATTER BOEK LÊ LANGS JOU BED? ’n Blokkiesraaiselboek en gewoonlik verkies ek dit om na audioboeke te luister, soos The 48 Laws of Power deur Robert Greene. WATTER LIEDJIE SAL JY BY ’N KARAOKE SING? The Bellamy Brothers se “I Need More Of You”. WATTER KOS MAAK JY TUIS AS JY HAASTIG IS? ’n Lekker medium rare steak. WATTER FLIEK HET JY ON LANGS GEKYK WAARVAN JY GEHOU HET? The Greatest Showman en Netflix se fliek oor Robbie Williams, Better Man. WAT…

FOTOBLOKRAAI NO 2364 KOMPETISIEVRAAG Watter houer is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE Hierdie week wen een leser Waterman deur Herman Wasserman (Queillerie, R250). ’n Toeganklike, innemende bundel waarin die digter in soepel, gevoelige taal sy persoonlike ervarings verwoord én in gesprek tree met digters wat hom voorafgegaan het. Wasserman skroom nie om in sy verse eerlik en openhartig om te gaan met diep persoonlike belewenisse sowel as maatskaplike en politieke kwessies nie. Hy verras die leser telkens met vernuwende perspektiewe. Water dien deurgaans as ’n metafoor vir vloei, verandering en aanpasbaarheid – die noodsaaklike element vir lewe in ’n digterlike heelal. NEEM SO DEEL Vul die blokraai in en gebruik…

WANNEER jy die lug in opkyk, sal jy dinge soos wolke, voëls, die son of maan, en tallose sterre sien. Snags sal jy dalk ook liggies opmerk wat vinnig deur die hemelruim flits. Party van dié liggies is satelliete wat ver bo ons koppe om die Aarde draai. Satelliete is ’n bewys van hoe vindingryk die mens is. Kom ons vind saam meer uit oor satelliete en wat hulle daar bo in die lug doen. WAT IS ’N SATELLIET? Die woord “satelliet” kom van die Latynse woord satelles wat “metgesel” beteken. Eenvoudiger gestel: ’n Satelliet is iets wat om ’n groter voorwerp draai. Daar is twee soorte satelliete – natuurlike satelliete en kunsmatige (mensgemaakte) satelliete. ■ Natuurlike satelliete is voorwerpe wat deur die natuur geskep is. Die bekendste voorbeeld is…

VAN mooi vroue kan jy hom niks vertel nie. Die popster Nicole Scherzinger was jare lank sy meisie. Noem maar op: Gigi Hadid, Rihanna, Rita Ora. Al dié skoonhede was glo op ’n stadium heel danig met Lewis Hamilton. Maar die een wat dit régtig kon regkry om die renjaer se hart te steel was aansienlik minder . . . aandoenlik. Hy was eintlik nogal bonkig, met ’n onderkaak wat uitsteek en ’n gesig vol plooie. O, en hy was lief daarvoor om winde te los. Vir meer as ’n dekade was Roscoe die bulhond die liefde van Lewis se lewe – die een wat saam met hom gereis en by hom geslaap het, sy gelukbringer en ware vriend, en die een konstante in die taai wêreld van Formule 1.…

DAAR onder ’n blaredak in ’n woud in die Elginvallei was die Expresso-aanbieder RYLE DE MORNY en sy vrou, Mel Corbett, se naastes nie die enigste getuies wat gekyk het hoe hulle ewige trou aan mekaar beloof nie – selfs die voëltjies het goedkeurend gesing. Hy sal niks aan sy troudag wil verander nie, sê Ryle. “Dit was vir ons belangrik om ’n venue te kry wat ’n stukkie van ons weerspieël, veral ons liefde vir die buitelewe,” sê hy. Daarom het hy en Mel toe Cherry Glamping in die Wes-Kaap gekies as die plek om hulle nuwe hoofstuk saam te begin. Daar kon hulle die unieke troue reël wat hulle graag wou hê – met geen lang, vervelige toesprake of tradisionele kookkos nie. Nee, dit was sommer ’n heelnaweekaffêre.…

1 KIERAN SE OSCAR-BABA In Maart by die Oscars het die Succession-ster KIERAN CULKIN sy vrou, JAZZ CHARTON, herinner aan haar belofte dat as hy wen, hulle ’n derde baba kon hê. Dit lyk of hulle by hulle ooreenkoms gehou het. Toe hulle die toneelstuk Waiting for Godot op Broadway bygewoon het, het Jazz (37) trots haar babamagie op die rooi tapyt gewys, en Kieran (43) het langs haar gestraal. Hulle het reeds twee kinders: ’n dogter, Kinsey (6), en ’n seun, Wilder (4). 2 JK SE STEKIE NA EMMA Die Harry Potter-skrywer, JK ROWLING, probeer beslis nie haar verhouding met die aktrise EMMA WATSON herbou nie. Emma (35), wat Hermione in die Harry Potter-rolprente gespeel het, het onlangs in Jay Shetty se podcast gesê sy’s steeds lief vir JK (60), al…

DIS byna twee dekades sedert die berugte seksvideo met KIM KARDASHIAN en haar ekskêrel Ray J daarin uitgekom het – en ná al die jare is hy steeds ’n doring in haar vlees. Kim (44) en haar ma, Kris Jenner (69), dagvaar Ray J (44) nou vir laster nadat hy beweer het daar is ’n strafregtelike ondersoek vir swendelary teen die Kardashian-familie aan die gang. In die TMZ-reeks United States V. Sean Combs: Inside the Diddy Trial het Ray J gesê hy werk saam met die federale regering om ’n saak teen die familie op te bou. Diddy is uiteindelik onskuldig bevind aan swendelary. Dis wanneer ’n onderneming onwettige aktiwiteite gebruik om wins te maak. “Die federale RICO-saak (Racketeer Influenced and Corrupt Organizations Act) wat ek teen Kris en Kim…

Ons gunstelingkinderoppasser het onlangs haar eie ster op die Hollywood Walk of Fame ontvang. Geklee in ’n stywe luiperdpatroonrokkie met bypassende hakskoene het FRAN DRESCHER gelyk asof sy pas van die stel van haar 1990’s-sitkom The Nanny afgestap het by die onthulling van haar ster in Los Angeles. “Die dinge wat jy oor Hollywood hoor, is alles waar. Dit is die land van drome, maar om met jou voete op die grond en eg te bly, is noodsaaklik,” het Fran (68) vir die gehoor gesê. “Om ou vriende naby jou te hou, en om nooit te vergeet waar jy vandaan kom nie, is noodsaaklik.” Sy is vergesel deur Nicholle Tom (47), wat Maggie gespeel het, en Madeline Zima (40), wat Gracie in die reeks gespeel het.…