Innehållsförteckning för 30 October 2025 från Huisgenoot

1 WILLEM KRUGER SE RAAISELDOOD Ná drie jaar gis die land steeds – het die jong boer regtig per ongeluk in die rivier beland? HG Ware Lewensdramas het die tragiese voorval herbekyk Wag maar, die waarheid vind altyd ’n manier om uit te kom. Die skuldige gewetes gaan wel begin knaag, en dan sal alles oor wat met Willem gebeur het op die lappe kom. Ai, dit bly maar ’n hartseer storie. ALETTA Kyk mens objektief na die beskikbare inligting, lyk dit nie of enigiets toegesmeer is nie. Dis bloot ’n ongeluk. Hoekom noem een van die slimmes wat so rotte ruik dan nie die feite waarop hulle waarnemings gegrond is nie? PHILIP Die bakkie is ná ongeveer ’n week gekry, op ’n plek waar duikers vroeër al gesoek het. Vir…

HY’T sy vrou al soveel keer verneuk dat hy nie eens kan raai hoeveel keer dit was nie. Nie dat hy wil probeer nie, sê Ren Bester. Hy wéét dis ’n skrikwekkende getal. Daar was báie vroue, sê hy. Tien? Ren (46) skud sy kop. Méér. 20? 30? 100? “Eerlikwaar, ek weet nie,” sê Ren. “Hordes.” Jonger vroue, ouer vroue. Dit het nie saak gemaak nie. Hy was verslaaf aan goedkeuring, en seks het die dwelm geword waarmee hy daardie behoefte vervul het, sê hy. “Ek’t die vroue meestal in die musiekbedryf ontmoet,” sê Ren, eens ’n lid van die groep The Suits. “In hotelkamers, badkamers, karre . . . enige plek.” Tuis het Ren voorgegee hy’s ’n betrokke gesinsman vir sy drie minderjarige kinders en sy vrou, Adelé (41).…

Mooi in rooi Niks sê piekniek soos ’n rooi ruitjiesrok nie. Kombineer dié tydlose patroon met geweefde insteekskoene, ’n strooi-drasak en sonbril vir ’n moeitelose sjiek voorkoms. Parys sê ja – en ons ook. Die modeblogger Julia Comil lyk treffend in ’n ruitjiespatroon by die Yanina Haute Couturevertoning by die Paryse Modeweek. Wenk Rond dit af met ’n raffia-kopband of goue hoepeloorbelle. Die voorkoms werk ewe goed met plat skoene as blokhakskoene. Dubbelspel Hoekom net een patroon kies as jy twee kan kombineer? ’n Geruite top met pofmoue saam met ’n romp met strepe is speels en vars. Neutrale espadrille-skoene en ’n gehekelde handsak balanseer die kontras van patrone. Wenk Hou by dieselfde kleurpalet wanneer jy patrone meng – dis speels maar bots nie. Retro-kinkel ’n Spierwit bloes ingesteek by ’n…

V In ons huis beteken Oktober net een ding: My vrou raak Kersfees-behep. Sy beplan lank voor die tyd al wat sy in elke vertrek gaan doen en maak dan in Oktober seker haar voorraad blinkgoed is genoeg. Ek laat haar gewoonlik begaan. Vanjaar het sy egter besluit om die slaapkamers ook te versier. Sy het aanlyn gekoop en nou kan sy nie wag om volgende maand matte, gordyne en selfs klein dorpie-tonele te doen nie. Ek moet erken: Sy doen dit stylvol en gebruik ’n begroting vir haar aankope. Sy betaal self vir alles en vra my niks. Gelukkig het sy tot nou toe geen Kersmusiek in die huis begin speel nie. Ek is dankbaar, want dít sal my beslis mal maak. Vir my voel dit effens oordoen. Kersfees…

Jy weet dalk dat sekere kosse vir jou hond lekkerder is as ander. Maar het jy geweet dat jy sekeres, soos sjokolade en druiwe, glad nie vir jou hond moet voer nie? Sjokolade en koffie bevat metielxantiene, chemikalieë wat baie toksies is vir honde en lewensgevaarlik kan wees. Soek eerder van hierdie alledaagse dinge in jou spens – dis alles goed wat sorg dat hulle die regte voedingstowwe inkry. ◗ Rou of gekookte eiers is baie voedsaam. Een groot eier per hond is genoeg. Dit kan ’n derde van ’n koppie hondekos vervang. ◗ Jogurt kan jou hond ’n probiotiese hupstoot gee. Voeg een teelepel vetvrye, onversoete jogurt per 5 kg liggaamsgewig by jou hond se kos. Dis goed vir honde met ’n delikate spysverteringstelsel. ◗ Klapperolie is goed vir…

SKERPIOEN 23 OKTOBER – 21 NOVEMBER Die stemming is perfek om ’n goeie daad te doen, verkieslik anoniem. Om onselfsugtig te gee stel ook ’n ketting van goeie karma vir die toekoms in werking. Met jou medeheerser Mars wat op die 4de na jou geldhoek skuif, sal jou wederhelf dalk baie te sê hê oor hoe jy dit uitgee. Hoe jy reageer, is jou keuse, maar hou in gedagte dat dinge dalk taamlik broos is met die volmaan op die 5de. BOOGSKUTTER 22 NOV – 20 DES Jy is van nature ’n vrygewige mens, so as jy teen die 3de lus voel om jou vriende te bederf, doen dit. Hulle sal weet dit kom uit jou hart en sonder enige bybedoelings. Vanaf die 4de, wanneer Mars in jou teken inbeweeg,…

In my wit 1989-model 318i BMW met dobbelstene aan die spieëltjie het ek destyds “Antibiotika” en “Hemel op die platteland” suf geluister. Ek was selfs dáár in 2010 in Aandklas, ’n studente-kuierplek in die destydse Square in Hatfield, toe Francois van Coke van ’n tafel afgeval en sy ribbes gebreek het – ’n storie wat hy in sy boek Hoe ek dit onthou ook vertel. Daai was ander dae. Die dae van “Dagdronk” kliphard luister, voel soos eeue gelede. Nou is daar drie pare oortjies wat elke moontlike vloekwoord optel in die Coetzeehuis. Terwyl ek en my man (wat nie daai val-voorval kan onthou nie, al was hy self ook daar) gereedmaak vir FRANCOIS VAN COKE & VRIENDE in Pretoria, luister ons na die Apple-playlist wat net uitkom as die…

HOE WERK DIT? Huisgenoot se boekklub bied twee pakkette wat jy aanlyn kan bestel elke drie maande. ’n Leespakket vir volwassenes en een vir kinders. Jy kies watter boeke jy wil lees uit ons gekeurde lys, en ons lewer dit by jou af. DIE PAKKETTE VOLWASSENES SLEGS R520 Vir die volwassenepakket kry jy leesstof ter waarde van byna R1 000. KINDERS SLEGS R360 Vir die kinderpakket kry jy leesstof ter waarde van meer as R750. Koop na hartelus volgens jou begroting en leesgewoontes! Jy kies wat jy wil lees. KRY OOK ONS BOEKE VAN DIE MAAND! Die boeke op Netwerk24 se topverkoperlys is ook elke maand teen ’n winskoop beskikbaar by ons aanlyn winkel. Dié boeke word individueel verkoop. + NOG BAIE MEER BESOEK WWW.MEDIA24SHOP.COM OM JOU BOEKE TE BESTEL.…

1 In watter gholftoernooi kry die wenner ’n groen baadjie? 2 Buig iets wat konkaaf is binnetoe of buitetoe? 3 Wat is die kleinste hondesoort? 4 Watter Muppets-karakter is lief vir tel? 5 Watter stad word as Suid-Afrika se geregtelike hoofstad beskou? ANTWOORDE 1 Die Meesters 2 Binne 3 Die chihuahua 4 Count von Count 5 Blo emfon tein BRONNE REUTERS.COM, SPACENEWS.COM, THAMESWATER.CO.UK, NEWSFORKIDS.NET, NATIONALTRUST.ORG.UK, BBC.CO.UK, WAT-CHERS.NEWS, GREENMATTERS.COM, THEGUARDIAN.COM, JUSTICE.GOV.ZA, EN.WIKIPEDIA.ORG…

IN DIÉ huis trek die kinders nie hulle teddiebere nader as dit slaaptyd is nie. Hulle krul eerder heel snoesig op met hulle gunstelingtroeteldiere. Nie katjies of hasies nie, maar luislange wat elk tot 1,5 m lank kan word. En nee, hulle is nie die sterre van die een of ander gruwelreeks nie. Hulle is doodgewone kinders wie se pa mal is oor slange en 130 van hulle by die huis aanhou. Danksy hulle pa se obsessie is Ariana (10) en Maximus (6) Christoforou heeltemal gemaklik daarmee om die glibberige skepsels te hanteer. Socratis Christoforou van Suid-Florida in Amerika het ’n bietjie van ’n internetsensasie geword nadat video’s waarin hy en sy kinders moeiteloos slange hanteer wyd versprei het. “Slange is vir ons deel van die familie,” sê Socratis (45).…

DIT was veronderstel om ’n heerlike dag te wees by die temapark wat as die gelukkigste plek op Aarde bekendstaan. Maar onder die Kaliforniese son het die towerkrag vinnig vervaag. Vir Leah Hope Mancuso het die uitstappie Disneyland toe in ’n nagmerrige ontaard. Sy’t ’n migraine gekry, haar rug het haar hel gegee, haar voete was opgeswel en seer, en die sweet het haar afgetap. Sy wou graag die dag vir haar jong nefie, Lincoln, spesiaal maak, maar sy kon glad nie byhou nie. Sy het amper die hele tyd eenkant gesit met haar oë toe om die geklop in haar kop te probeer stop. Die meeste van die pretritte was in elk geval buite die kwessie – met ’n gewig van 177 kg was sy eenvoudig te groot. Iets…

AL SE GROOT BEROU ALPACINO (85) het onlangs gesê hy is spyt dat hy nooit met DIANE KEATON (79), wat begin Oktober dood is, getrou het nie. Die paartjie het twee dekades lank aan en af uitgegaan voor sy hom in die 1990’s ’n ultimatum gegee het: Trou of trap. Hy wou nie trou nie. “Deur die jare het Al dikwels gesê: ‘As dit bedoel is om te wees, is dit nooit te laat vir ’n tweede kans nie,’ ” het ’n vriend van die akteur gesê. “Ongelukkig is dit nou regtig te laat.” Baie mense het op sosiale media gesê dit was nogal vermetel van Al. BRITNEY KAP TERUG BRITNEY SPEARS het genoeg daarvan gehad dat haar eksman, KEVIN FEDER LINE, geld verdien uit haar lewensverhaal. Kevin (47) het ontstellende bewerings oor…

TWEE is al middeljarig, een brandmaer, die ander het ’n bierboepie. Danstalent? Nul. Dan begin Joe Cocker oor die luidspreker kreun: Baby take off your coat, real slow . . . Take off your shoes . . . yes, yes, yes . . . En dis presies wat die onsexy viertal doen. Met lomp heupswaaie terwyl die hele dorp toekyk. Tot hulle net die nodigste met ’n pet bedek. You can leave your hat on, maan Joe Cocker nog. Maar verniet, want met flambojante armswaaie vlieg die pette deur die lug. En siedaar – die “full monty” staar die gehoor in die gesig. The Full Monty (1997), ’n fliek oor vier mans wat begin ontkleedans nadat die staalfabriek sluit, is skreeusnaaks. Maar dis ook ’n harde kykie na werkloosheid, mans…

Wanneer en waar was jy op jou gelukkigste? Op die Weskus saam met my geliefdes. Wat sou jy anders doen as jy jou lewe kon oorhê? Ek sou minder wou omgee oor wat mense dink. Wie sou jy die graagste vir ete wou nooi en wat sou jy vir ete maak? My oorlede ouma en oupa. Potjiekos en sagopoeding. Wie is of was die liefde van jou lewe? Frikkie de Villiers, my lewensmaat. Wie of wat sou jy in jou volgende lewe wou wees? Ek sou weer myself wou wees, met al die lewenservaring wat ek nou het. (En ’n groter bankbalans dat ek ander kan help en meer kan travel.) Wie sal jou speel in die fliek oor jou lewe? Cameron Diaz of Uma Thurman. Wat sal die boek oor…

DIS dalk nie die beste poets wat hy al bekook het nie. Geen vermomming, snaakse aksent of versteekte kamera nie. Maar hy’s Leon Schuster, en humor is sy lewe. Toe Rian van Heerden en sy span by die gewilde grapjas se deur opdaag vir ’n dag se skietwerk aan die dokkiereeks Schuster, word hy meegedeel Leon is vort. Hy gaan heeldag weg wees. “Rian was sneeuwit en bekommerd,” sê Leon nou met smaak. Toe die vervaardiger genoeg gesweet het, kom Leon uit sy slaapkamer met daardie alombekende uitroep: “You’ve been Schucksed!” Terwyl hy die staaltjie deel, is hy weer die ou Leon. Die poetsbakker wat niks en niemand ontsien nie. Wat lagdoppe by die emmersvol aan Suid-Afrikaners uitgedeel het. Maar dan verdwyn daai groot glimlag weer. Want ja, op die…

GEBEDE, juigkrete, vryheidsliedere – oor Israel en Palestina het dit weerklink terwyl mense die terugkeer van gyselaars en gevangenes gevier het ná die sluiting van ’n ooreenkoms wat, net soos die afgryslike oorlog self, die wêreld verdeel het. By Gyselaarsplein in Tel Aviv het duisende mense byeengekom om die laaste 20 oorlewende Israeliese gyselaars, wat op 7 Oktober 2023 deur Hamas gevange geneem is, te verwelkom. En in Gasa en die Wesbank het families by kontrolepunte gewag, met foto’s van geliefdes in hul hande wat hulle gehoop het sou terugkom – selfs al was dit na ’n streek wat die afgelope twee jaar deur bomme verwoes en deur honger verlam is. Die toekoms van die Midde-Oosterse streek bly onseker. ’n Deel van die vredesooreenkoms wat deur die Amerikaanse president Donald…

KLEURKNAL Verveeld met jou gewone oogskadu? Iets in roesrooi of wynrooi kan jou oë opkikker en nuwe lewe gee. Gaan voluit en voeg ook ’n gekleurde oogomlyner of maskara by. WEG MET DONKER KRINGE ’n Goeie verbloemer kan wondere verrig om die illusie te help skep dat jy ’n goeie nagrus gehad het. KRAG VAN ’N KRUL Om jou wimpers te krul is ’n maklike manier om jou oë te “lig” en jou wakkerder te laat lyk. Gebruik ’n wimperkruller: Knyp eers ’n paar keer teen die wortels, en beweeg dan op na die punte. LIG & GLAD Die vel naby jou oë het min talgkliere, wat dit meer vatbaar maak vir lyne. KOEBAAI, POF-OË Word jy dikwels wakker met pofferige oë? Oogmaskers het ’n kalmerende uitwerking en is veral…

V My lewe het heeltemal anders uitgedraai as wat ek ooit gedink het. Ek is nou ’n weduwee ná ’n huwelik van 45 jaar. Ek was gelukkig getroud behalwe vir die feit dat my man alles gedoen het soos wat hy dit wou hê. Ons het die meubels wat hy uitgekies het. Die breekware is alles waarvan hy hou, asook die gordyne, linne, tafeldoeke. Hy het selfs my klere in die winkels gekies. Hy was nooit dominerend of ongeskik nie, maar het alles gedoen met ’n vriendelike, beslissende toon. Moenie my verkeerd verstaan nie, ek was baie lief vir my man. Hy het goed vir my gesorg en ek het altyd veilig gevoel. Ek is in ’n fase van rou en hanteer dit so goed ek kan. Die probleem is…

1 HY IS ONPARTYDIG Die Pensioenfondsberegter is ingevolge die Wet op Pensioenfondse aangestel om klagtes oor pensioen-en voorsorgfondse onafhanklik op te los. Sy beslissings is wetlik afdwingbaar, nes ’n hofbevel. Jy het nie ’n prokureur nodig om jou klagte in te dien nie, en die diens is gratis. 2 WIE KAN HULP VRA WAAROOR? Jy kan ’n klag indien as jy ’n lid, begunstigde of selfs ’n werkgewer van ’n pensioenof voorsorgfonds is. ◗ Jou klag moet verband hou met die fonds se administrasie, die belegging van fondsbates of die toepassing van fondsreëls. Dis byvoorbeeld wanneer eise sloer, pensioenvoordele verkeerd bereken is of die fonds nie sy wetlike verpligtinge nakom nie. Of wanneer daar wanadministrasie of magsmisbruik deur die fonds se trustees of administrateurs is. ◗ Jy kan ook kla wanneer jou…

DIT sou nie korrek wees om my as ’n bang mens te beskryf nie, maar dis ’n feit dat ek glad nie hou van skrik of angs in ’n fliek nie. Die gruwelflieks wat so gewild was in die 1980’s – van FRIDAY THE 13TH tot NIGHTMARE ON ELM STREET – het ek met groot moeite vermy. Sulke naweekaande van horror-&-hotdogs was nogal ’n groot ding destyds, gewoonlik gevolg deur een of ander bangmaak-plan om iemand in die groep se senuwees te toets. Dalk was my gebrek aan ’n uitgebreide vriendekring op skool die gevolg hiervan, maar ek het baie ver weggebly. Selfs toe ek ouer word, en die soort flieks meer hoofstroom raak, soos THE BLAIR WITCH PROJECT en SCREAM, kon ek myself steeds nie sover kry om te…

FOTOBLOKRAAI NO 2366 KOMPETISIEVRAAG Watter fietsdeel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG Hierdie week wen een leser Die drie weduwees deur Irma Venter (Tafelberg, R365). Ami het geweet sy gaan eendag moet afskeid neem van Paul de Jager, die afgetrede polisiegeneraal. Wat sy nie verwag het nie, is sy laaste opdrag aan haar: Sy moet met die hulp van sy drie eksvroue na ’n stokou onopgeloste saak kyk. Die drie weduwees, soos hulle genoem word, is aanvanklik ewe min lus vir die taak. Niemand kon bepaal hoe ’n vyftienjarige seun van Pretoria in 1999 op pad kafee toe met net R20 in sy sak verdwyn het nie. Al leidraad wat sy…

SY KYK eers taamlik ernstig voor haar uit en stel haarself voor. En dan is dit asof Lynn-Marí Nel diep asemhaal voor haar hele gesig lewe kry op die skerm en sy ontpop in ’n wafferse storieverteller. Nie een keer nie, nie twee keer nie, maar drie keer betower die negejarige ster ’n mens, en skitter sy só dat die beoordelaars van Huisgenoot se eisteddfodkompetisie besluit sy moet al drie afdelings waarvoor sy ingeskryf het wen: poësie, prosa en redenaars. En toe daar besin moes word oor die groot prys, dié van Eisteddfod-ster van die Jaar, skop Lynn-Marí met haar indrukwekkende veelsydigheid stof in die ander deelnemers, almal ewe talentvol, se oë. Daar was die gediggie oor ’n dogtertjie wat dink haar ma het haar by die skool vergeet, ’n…

SIENER TUSSEN DIE DUINE Sandy en haar dogter Babs leef op die oorskiet van hulle verlede. Die vier mure van hulle karavaan ken al hulle geheime, en al is dit ’n nederige dak oor hulle kop, is dit hulle pondokpaleis. Sandy het haar swerwersbestaan langs die N7 gegroet om ’n lewe te begin in Rodney se karavaan net buite Springbok. TINARIE VAN WYK-LOOTS se spel as Sandy in Huis van sand is asemrowend, nes René Cloete, KRISTEN RAATH en Jefferson J. Dirks-Korkee ook betower. Die rekwisiete laat ’n mens voel of jy saam kuier in die Kalahari – die groot karavaanstruktuur, die reusebord waarop TikTok-video’s en WhatsApp-boodskappe geprojekteer word, en selfs skoolbanke en egte sand. Die teks is geskryf deur DIANNE DU TOIT ALBERTZE wat die Reinet Nagtegaal-prys daarvoor gewen…

Die kat is swanger. Dis voortydig en traumaties, maar hier sit ons nou. Haar pensie pronk prominent. Wat my natuurlik aan woorde laat dink het. Sy’s swanger. En in die ou dae het ons ’n sêding in Afrikaans gehad. As iets in die mode was, het ons gesê die ding is in swang. Maar toe het iemand besluit ’n modegier was so intens in swang dat dit in volle swang moes wees. Taalredigeerders het gedink dit klink darem te veel na die verraderlike Engelse uitdrukking: “It’s in full swing.” Hulle het by koerante landwyd ’n stokkie voor die swang gesteek. Van toe af skryf taalkenners altyd ’n tendens is “in volle gang”. Weg was swang, selfs in die korrekte gebruik. Ons het ons van swang ontneem. Ons was lustige swangers,…

WYNAND de Villiers het waarskynlik nie vanoggend besoekers verwag nie. Hy’t ’n grys sweetpakbroek en wit Crocs aan toe hy by die dubbelvoordeur kom groet. Netjies, tog, met sy blou trui en gekamde kuif. En ewe vriendelik. Hy glimlag vir die onverwagte gaste – maar steek vas toe hy die fotograaf op sy voorstoep gewaar. Wie’s julle en wat maak julle hier? vra hy. En dan, toe hy hoor “Huisgenoot”, verander als. Hy’s skielik vies. Omgekrap. Die glimlag is weg. Hoe het jy hier ingekom? vra hy. Tik-tik met sy duime op sy foon om sekuriteit te bel. “Ek gaan nie met die media praat nie,” sê hy. En klap die voordeur toe. Die ding waaroor hy nie wil praat nie, is die bewering dat hy ’n klomp geld skuld…

'TYDENS die Leeusreeks in 2021 was ek dikwels op my eie. Al het ons soms pokertoernooie in die spankamer gehou, het ek meestal my eie ding gedoen in my hotelkamer. Baie van die ander spelers het hul gesinne by hulle gehad, maar ek was enkellopend. Dit was op die punt om te verander. Ek is nie juis ’n ou vir rekenaarspeletjies of sosiale media nie, maar ironies genoeg is dit hoe ek my vrou ontmoet het. Anlia van Rensburg was ’n sanger en aktrise in die sepie Getroud met rugby. Ons het mekaar op Instagram gevolg en sy het na ’n gawe meisie gelyk. Toe besluit ek eendag om vir haar ’n boodskap te stuur. Dit was net iets soos: “Haai, hoe gaan dit?” Sy het nie geantwoord nie, maar…

BIER-GESTOOFDE MOSSELS met VETERTJIE-TJIPS GENOEG VIR 4 MENSE AS LIGTE MAALTYD / BEREIDING: 15 MIN. / GAARMAAK: 45 MIN. ◗ 4 groot aartappels, geskil en in dun stokkies gesny◗ sout, soos nodig MOSSELS ◗ 50 g botter◗ 30 ml (2 e) olyfolie◗ 1 ui, gekap◗ 4 knoffelhuisies, fyngekap, OF 10 ml (2 t) gekapte knoffel◗ 4 takkies vars tiemie OF 2,5 ml (½ t) droë tiemie◗ 1 x 500 ml-blik bier◗ 250 ml (1 k) vis-OF hoenderaftreksel◗ 800 g tot 1 kg gaar heelskulpmossels (ontdooi, indien bevrore)◗ sap van 1 suurlemoen◗ sout en varsgemaalde swartpeper, na smaak AFRONDING ◗ olie, vir diepbraai◗ 1 ui, in skyfies gesny◗ sout, na smaak◗ 30 ml (2 e) gekapte vars grasuie (opsioneel)◗ ertjiespruite (opsioneel)◗ dijonmosterd, as doopsous 1 Sit die gesnyde aartappels in ’n…

KRY DIT HIER @HOME BASH.COM; MRPHOME.COM 064-584-1000; POETRYSTORES.CO.ZA 021-464-6455; SHEETSTREET.COM; WOOLWORTHS.CO.ZA 0860-100-987; YUPPIECHEF.COM 021-702-4969 HOEWELONSALLESINONSVERMOË DOENOMKORREKTEPRYSETEVERSKAF, KAN FOUTEVOORKOMWAARVOOR HUISGENOOT ENDIEVERSKAFFERSNIE VERANTWOORDELIKGEHOUKANWORDNIE.…

DIE tiende seisoen van die gewilde werklikheidsreeks is hier – Kokkedoor: Son & see. Agt spanne van twee deelnemers elk gaan die kospotte roer met een doel voor oë: om met die prys van R500 000 weg te stap. Die beoordelaars wat die reusetaak het om te besluit watter span dié seisoen se kosboffins is, is die bekende koskenners Herman Lensing en Yolani Abrahams. Hierdie seisoen se deelnemers bestaan uit familiespanne. Lede moet uit dieselfde familie kom, en hulle moet ook ’n generasiegaping van minstens 20 jaar weerspieël. Die 16 deelnemers is pas bekendgemaak – kom ons ontmoet hulle. SPAN 1 ANTON STEMMET (PA) & STEFVAN (SEUN) Anton (64) is ’n afgetrede onderwyser van Yzerfontein wat ná sy aftrede ook kommersieel visgevang het. Hy beskou homself as ’n tradisionele kok…

BELOFTES MAAK SKULD Vrou: “Jy het my belowe jy sal jou lewe daaraan wy om my gelukkig te maak, en kyk nou net!” Man: “Ja, maar ek het nie verwag ek sou so lank leef nie.” San Marchand CHRONIES Kallie: “Haai ou Mike, hoekom lyk jy so bekommerd?” Mike: “Ek was nou net by die dokter. Hy sê ek moet elke dag een van hierdie pille drink vir die res van my lewe.” Kallie: “Ag moenie worrie nie, baie mense drink mos elke dag pille.” Mike: “Ja, maar hy’t vir my net tien gegee!” Wollie, Pretoria ALTE BEKEND “Wanneer ek jou sien, dink ek dadelik aan ou Piet,” sê die ou aan sy drinkebroer. “Dis snaaks, ek en Piet het niks in gemeen nie,” antwoord sy pel. “O ja, julle…

Begin doen solank jou byedans, want jy het dié seisoen se blokraai-heuningpot gevind! Hierdie lente vier ons Huisgenoot se 40ste blokraaitydskrif met nog ’n soet aanbieding vir raaiselliefhebbers. Laat ons jongste raaiseluitgawe jou dae lekkerder maak! NOU IN DIE WINKELS IN DIÉ UITGAWE ■ groot blokraaie ■ fotoblokraaie ■ lentebielie ■ blitsblokraaie ■ koderaaisels ■ breinknopers ■ anagramblokraaie ■ kort raaisels ■ sudoku’s BESTEL DIT SO: AANLYN media24shop.com BEL 021-406-4962 Gaan na www.media24shop.com…

MET ekstreme winde wat al draaiend oor warm oseane brul, is orkane van die kragtigste – en mees vreesaanjaende – natuurverskynsels op Aarde. Hulle kan die oorsaak wees dat die lug dae lank donker is, reusegolwe vorm en reën laat val wat so swaar is dat dit hele woonbuurte kan oorstroom. In sommige dele van die wêreld is orkane ’n gereelde en baie werklike gevaar. Hier in Suid-Afrika word ons grootliks die verwoesting gespaar. Natuurlik is ons nie onbekend met skouspelagtige donderstorms, vernietigende droogtes en winde wat jou maklik van jou voete af kan waai nie – maar ons ervaar nie die volle woede van orkane nie. Wat presies is ’n orkaan, en waarom tref dit ander lande meer as vir ons? Kom ons gaan loer na die wetenskap –…

HAAR werk is popliedjies wat stadions vol mense laat saamsing en haar klere sit gewoonlik styf met lekker baie blinkers. Hy is deesdae werkloos, maar was op sy dag ’n landsleier in ’n pak en das wat ’n sê het oor ernstige wêreldsake. Saam is hulle ’n taamlik onwaarskynlike paartjie. Maar as ’n mens die nuwe foto’s kan glo, het Katy Perry inderdaad geval vir die voormalige eerste minister van Kanada, Justin Trudeau. Baie mense sal verstaan hoekom. Hy is al beskou as die wêreld se sexyste politikus en is so sjarmant dat selfs die prinses van Wallis heel giggelrig geraak en met haar hare gespeel het toe sy hom ontmoet het. Die 40-jarige Katy en 53-jarige Justin se onlangse uitstappie op ’n luukse jag in sonnige Santa Barbara, Kalifornië,…