Innehållsförteckning för 13 November 2025 från Huisgenoot

1 NICO WAS MEER AS NET ’N DWELMSLAAF Hy was haar seun, skryf Petro le Roux. Hy is telkens vir rehabilitasie opgeneem, maar nou is hy oorlede op 33. Dit kan met enigeen gebeur, waarsku sy Ek is so bitter jammer vir jou. Ek weet hoe dit is, want my eie seun is op dieselfde pad, en hy is nou al 43 jaar oud. Hoekom gebeur dit met ons pragtige kinders? Baie sterkte, ek bid vir ons albei. SANDRA Ek het jare lank met dwelmverslaafdes gewerk. Meeste was verslaaf aan heroïen. Die sielewroeging waardeur hulle gaan, is intens. Baie het gesterf, ander het dit gemaak. My hart gaan uit na die mense en hulle geliefdes. JANET Dis absoluut hel op aarde. Ek het twee kinders aan die dood afgestaan as…

AS JOU ouers so passievol oor reis is dat hulle jou die naam van ’n skilderagtige dorpie in Griekeland gee, kan jy maar weet: Nog voor jy kan loop of die woord “paspoort” kan sê, gaan jy op jou eerste buitelandse reis vertrek. Vra maar vir klein Halki Hopkins-Lourens. Hy was skaars drie maande oud toe hy saam met ma Marciel (32) en pa Handré (35) dwarsoor die wêreld tot in Suid-Asië gevlieg het vir ’n eilandvakansie. “Die reis Maldives toe was omtrent 24 uur lank, met drie verskillende vlugte, en deur die hele gedoente het hy net rustig weggedroom. Ek vermoed dit was eintlik sy droom, want hy kon die hele tyd lekker teen mamma se bors wegsluimer,” vertel die voormalige Boer soek ’n vrou-aanbieder laggend. “Ek moet eerlik…

Strandsjiek ’n Serp met blou-en-wit patrone, wat jy soos ’n skouerlose top saam met ’n wit palazzobroek dra, is die ster van dié voorkoms. Dis lekker lig en koel om teen sononder langs die strand te gaan stap of aandete in die buitelug te geniet met die sand nog tussen jou tone. STYLWENK Kies ’n serp van sy of satyn wat sag hang en maak dit met ’n eenvoudige knoop agter jou rug vas, of werk die punte mooi netjies weg. Swem-badmooi Met ’n lang sarong of ’n serp wat jy soos ’n kort romp dra, gekombineer met oorbelle deur die see geïnspireer, is jy reg vir ’n ontspanne middagete in die koelte of laatmiddagdrankies langs die swembad. STYLWENK Dra jou sarong soos ’n romp of vou dit soos ’n…

V Dit is nou al ’n paar jaar sedert my man se dood. Ek het eers gedink die kinders is dierbaar toe hulle vra dat ek by hulle moet kom woon, maar nou weet ek nie meer so mooi nie. Ek het gedink dit sou finansiële verligting bring, want die woonstel gekoppel aan ’n ouetehuis waar ek was, het onbekostigbaar geword. Toe nou nie. Die kinders het gevra hoeveel pensioen ek per maand verdien en toe geëis dat ek die volle bedrag elke maand aan hulle oorbetaal. Dit is nogal ’n groot bedrag. Wanneer ek saam met vakansie gaan, moet ek my eie deel betaal én steeds my volle pensioen maandeliks betaal. Ek mag nie die vakansiegeld daarvan aftrek nie. Wanneer ek vir ’n paar maande by my ander kinders…

4 DINGE WAAROP IRMA HOOP 1 ’n Veiliger 2 meer stabiele 3 minder korrupte 4 gelukkiger Suid-Afrika. 4 DINGE WAAROP CHRIS HOOP 1 Meer tyd saam met geliefdes. 2 Etiese leiers 3 wat doelgerig saamspan teen geweld en korrupsie 4 en wat bereid is om meer te doen en minder te praat tot beswil van elke Suid Afrikaner, sonder uitsondering. DIE DRIE WEDUWEES DEUR IRMA VENTER Tafelberg, R239* Ami Prinsloo se ou vriend generaal Paul de Jager los haar met ’n dubbele tameletjie – sy moet saam met sy drie eksvroue na ’n ou, onopgeloste saak uit 1998 kyk, en sy moet ook saam met sy suster werk om die gevolge van sy selfdood te hanteer. Irma Venter se vierde misdaadverhaal met Ami Prinsloo as hoofkarakter is geïnspireer deur ’n ware misdaad.…

→ ROAN ASH IN 2019 het Roan Ash (47) se lewe soos handomkeer verander. Die Suid-Afrikaner het uiteindelik deurgebreek in die musiekbedryf met sy treffers “Heaven” en “Whiskey to My Soul”. Die sielvolle countryrockliedjies het oorsee aandag getrek en in 2021 het hy by Warner Music in Nashville, Amerika, aangesluit. “Vandag verdeel ek my tyd drie maande op ’n slag tussen Suid-Afrika en Amerika en ontwikkel so my loopbaan as sanger,” sê Roan aan Huisgenoot waar hy vanuit George in die Wes-Kaap met ons gesels. “In 2022 het ek en my vrou, Zonika, en ons geliefde German shepherd, Zeus, na Nashville verhuis. Ons het lekker daar gebly, maar ons het aanhou verlang na Suid-Afrika en ons mense. So ná ’n jaar het ons toe sak en pak weer teruggetrek. Nou…

FOTOBLOKRAAI NO 2368 KOMPETISIEVRAAG Watter huisdeel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU Hierdie week wen een leser Die man van elders deur Helene de Kock (H&R, R350). Jean Botha verkeer tans elders: iewers en tegelykertyd nêrens. Ná drie jaar op ’n passasierskip smag hy na sy eie plek waar hy gewoon net mens kan wees. Toe hy terug op eie bodem vir Renette Brink op Stellenbosch ontmoet, weet Jean vir seker: Hy sal haar nooit weer kan vergeet nie. Renette is egter verloof aan Martin Hoogendyk, ’n Vrystaatse boer. Toe Duncan Weston aanbied dat Jean op sy plaas by Bethlehem gaan toesig hou, gryp hy die geleentheid aan. Daar…

’n Man wat net bekend is as Liam, het in Mei 2024 sy branderplank naby Tasmanië verloor. Dis in Oktober vanjaar 2 400 km daarvandaan gekry by Raglan aan die kus van Nieu-Seeland. Alvaro Bon was besig met vlieërbranderry naby Raglan toe hy dit gesien het. Hy het die eienaar opgespoor nadat hy op Suid-Afrikaanse en Australiese branderry-groepe op Facebook rondgevra het. Binne twee ure het mense begin bespiegel waar dit vandaan kon kom en aan wie dit kon behoort. ’n Seekundige van Australië sê die kans is goed dat die branderplank dalk op ’n avontuur om die wêreld gegaan het voor dit in Nieu-Seeland uitgespoel het. Volgens Edward Doddridge is dit moontlik dat die branderplank vanaf Australië suid geneem is deur die vinnige Antarktiese stroom. Alvaro dink die branderplank…

EK’T gehou van buite wees. Soos enige kind in my area. Maar as die ander kinders in die pad gespeel het, het ek buite gesit en boek lees. So af en toe het ek met hulle gespeel, maar my social battery het baie vinnig afgeloop. Dan gaan sit ek eenkant met ’n boek. Dit was nie ABC’s nie. Ek’t daar gesit met dik boeke. As dit nie fiksie soos Harry Potter was nie, was dit oor wetenskap-dinge. Want ek was altyd interested in hoe die wêreld werk. Ek’t daai dik boeke by die biblioteek gaan uithaal. Ek het altyd my beste vriendin gepes om saam my die tien minute stap na die biblioteek te doen. Maar ek’t haar moeg gemaak, want die volgende dag wou ek weer biblioteek toe, dan…

Het ’n mens haar destyds vertel haar bitterste seer sal haar grootste oorwinning word, sou sy dit waarskynlik nie kon insien nie. Maar vandag weet die sangeres KARLIEN VAN JAARS-VELD niks is vir altyd nie, selfs nie pyn en vrees nie. Toe die sangeres se dogter, Elah (8), destyds ’n baba was, het sy die bloedklontsiekte portale hipertensie gehad. Elah was in en uit die hospitaal en met tye dodelik siek, só siek dat dokters drie keer vir Karlien gesê het hulle twyfel of sy dit sal oorleef. Haar en haar man, JOE BREYTENBACH, se lewe is toe geken aan nagte van trane, pyn en vrees. Nou’s dit agt jaar later, en liewe Elah is deesdae ’n oulike rabbedoe met blou oë en blonde lokke – en heeltemal gesond. Uit…

DOVE GAAN TROU Die Disney-liefling DOVE CAMERON gaan met haar Italiaanse rocker-kêrel, DAMIANO DAVID, trou. Hulle is onlangs in Sydney, Australië, opgemerk en niemand kon die diamant aan Dove se vinger miskyk nie. Dove (29) en Damiano (26) het onlangs hulle verhouding van twee jaar herdenk en die Descendants aktrise het ’n plasing aanlyn gemaak wat sy aan haar kêrel opgedra het. “Ek is lief vir jou op ’n manier wat geen woorde ooit kan uitdruk nie, maar ek sal nooit ophou probeer nie. Buon anniversario amore mio (gelukkige herdenking, my lief),” het sy in Italiaans geskryf. OOR EN UIT? Nadat hulle verhouding warm en vinnig begin het, is daar gerugte dat dinge tussen ARIANA GRANDE en haar Wickedmedespeler ETHAN SLATER besig is om af te koel. Die twee, wat…

GEWERE langs die bed, by die etenstafel, in die plaasbakkie. Liefde vir die plaas, maar vrees vir die vryheidsvegters in die bos. En drank, altyd drank. Só beleef jy die doodsnikke van die destydse Rhodesië deur die oë van die agtjarige plaaskind Bobo (Lexi Venter), in die nuwe fliek Don’t Let’s Go to the Dogs Tonight. Ook haar ingewikkelde verhouding met haar ma, Nicola (Embeth Davidtz), wat deur die verlies van drie kinders tot alkoholisme gedryf is. grafiese boek deur Alexandra Fuller. Sý isBobo. Haarreaksieop die fliek? “Dis soos om in ’n spieël te kyk.” Haar ma het haar nooit vergewe oor hoe sy in die boek uitgebeeld word nie, sê Alexandra (56). Maar ná die verlies van haar eie seun in 2021 verstaan sy haar ma se depressie en…

Wanneer was jy op jou gelukkigste? Op my troudag en met die geboorte van ons kinders. Wat sou jy anders doen as jy jou lewe kon oorhê? Niks. Wat bewonder jy die meeste? Mense se vasbyt en vriendelikheid. Wie sou jy die graagste vir ete wou nooi en wat sou jy maak? Jennifer Lawrence. Sy’s skreeusnaaks. Ons eet chicken wings. Wat kan jy nie verduur nie? Wanneer iemand geboelie word. Wat is jou diepste put van ellende? Om alleen te wees. Wie is die liefde van jou lewe? My man, John. Wie sou jy in jou volgende lewe wou wees? Myself. Ek is so gelukkig om die lewe te leef wat ek leef. Wie is tans jou celeb crush? Sjoe, daar’s so baie. Ryan Reynolds, Taylor Perez en Henry Cavill.…

TOE hy ’n tiener en jong volwassene was, was hy vasgevang in ’n speletjieverslawing wat byna sy studies ontspoor het. Daarom wéét die psigiater dr. Alok Kanojia presies waarvan hy praat. Ná ’n verandering in sy ingesteldheid – waaroor hy in sy boek How to Raise a Healthy Gamer vertel – het hy sy graad voltooi, verder studeer in geneeskunde en eindelik as psigiater gekwalifiseer. Omdat hy self gesukkel het met ’n drang om heeltyd speletjies te speel, het hy begin belangstel daarin om mense te help wat te veel tyd aan gaming – soos die meeste mense dit noem – bestee. Hy het gou besef baie van die voorste kenners in psigiatrie het geen ervaring met dié probleem nie. “Die meeste van hulle het nog nooit ’n moderne videospeletjie…

SKERPIOEN 23 OKTOBER – 21 NOVEMBER Iets wat met geld te doen het, irriteer jou teen die 13de, tot so ’n mate dat jy lus voel om ’n beker stukkend te gooi. Met Mercurius tans in ’n kreeftegang, maak net seker dat jy nie die kat aan die stert beet het nie, want dit kan jou in die verleentheid stel. Verkeerde inligting is baie moontlik, en wag eerder tot die 19de as jy dit met jou naastes wil uitklaar. Te midde van dit alles voel jy merkwaardig optimisties. BOOGSKUTTER 22 NOV – 20 DES Dit gaan net te maklik wees om hierdie week kwaad te raak, veral omdat Mercurius en Mars op die 13de in jou teken saamkom. Op die een of ander manier is jou maat/eggenoot ook by die…

9 dinge om te weet oor PLURIBUS 1 GOEIE BEGIN. Die nuwe reeks met nege episodes deur Vince Gilligan, skepper van Breaking Bad en Better Call Saul, word beskryf as ’n “ligte wetenskapsfiksiedrama”. Daarin vertolk RHEA SEEHORN, wat Kim Wexler in Better Call Saul speel, die rol van die “most miserable person on earth”. 2 WAG, WAT? Rhea speel Carol Sturka, ’n topverkoperskrywer van historiese hygromans wat op ’n bemarkingstoer is vir haar nuutste boek. Dan is daar skielik ’n geheimsinnige verskynsel in Albuquerque, Nieu-Mexiko – ’n soort virus wat die mensdom met optimisme en tevredenheid besmet. 3 KLINK NIE SO ERG NIE. Carol blyk immuun te wees teen hierdie kwaal en is verstaanbaar verward en woedend dat juis sy uitgesonder word terwyl sy deur hierdie vreemde nuwe wêreld probeer…

ELKE jaar migreer miljoene Kerseiland-krappe vanaf die eiland se reënwoude na die kus en sorg vir indrukwekkende foto’s en video’s. David Attenborough het dit al voorheen beskryf as die skouspelagtigste van alle dieremigrasies. Vanjaar se migrasie het glad nie teleurgestel nie. Die groot rooi krappe laat die verkeer gewoonlik stilstaan, en mense kom in hulle hordes om dit in persoon te kan sien. Die krappe bring die grootste deel van hulle lewe op die land deur. Elke jaar rondom Oktober of November, net nadat die eerste reën van die nat seisoen geval het, kies hulle koers see toe om hulle eiers te lê. Presies wanneer dit gebeur, hang van die maan af. Dis asof die krappe ’n interne horlosie het wat vir hulle sê die tyd het aangebreek. Hulle gaan…

1 Watter land produseer die meeste lemoene in die wêreld? 2 Wat noem ons lawa as dit ondergronds is? 3 Wat gebruik Mary Poppins om te vlieg? 4 Nairobi is die hoofstad van watter Afrikaland? 5 Watter stad staan bekend as die “Ewige Stad”? ANTWOORDE 1 Brasilië 2 Magma  3 Haar sambreel 4 Kenia  5 Rome BRONNE: SI.EDU, NATIONALGEOGRAPHIC.COM, CAPETOWNDIAMONDMUSEUM.ORG, DW.COM, NEWSFORKIDS.NET, NPR.ORG, STUFF.CO.NZ, DOGONEWS.COM…

’NKLOMPIE kinders baljaar lustig in ’n speelparkie, min gepla oor die hope bourommel om hulle. Maar toe hulle ’n man met ’n welige haredos aan die oorkant van die straat opmerk, gaan staan hulle botstil en gaap hom verwonderd aan. “Is daai nie die man van die flieks nie?” vra een. “Nee, man, hy’s op die TV,” merk ’n ander laaitie op. Reginald Hufkie, ook bekend as die sanger Reggie Peace, het al in TV-reekse soos 7de Laan, Huis Lelieveld, Desert Rose, Swartwater, Generations en Poena verskyn, asook in die bekroonde kortfliek Cowboy Dan en in Vlamme, die fliek waarvan hy ook die draaiboek geskryf het. Vandag het hy teruggekom na Schauderville in Gqeberha, na die verwaarloosde huis waar hy in ’n “hokkie” in die agterplaas grootgeword het. “Ek het…

HY HET 37 jaar gelede vir die eerste keer deur die Lae Lande getoer – dit was in 1988 en toe vir sy toer Blik en snaar. Nou doen JANNIE DU TOIT dit vir die twaalfde keer. Dis elke keer vir hom verstommend hoe die Nederlanders byna alles kan verstaan, al sing hy ook in Afrikaans, sê Jannie. Hy’t al vroeg in Oktober op die Schiphol-lughawe geland en toe amper dadelik met sy toer van 24 vertonings deur Nederland begin. Jannie sing 18 van sy eie komposisies in dié solovertoning, en hy deel van sy hoogtepunte daar uit die verre vreemde.…

Party mense dink Kaaps is die “jong sussie” van Afrikaans. Feit is, Kaaps is eintlik ouer. Dis die oorspronklike Afrikaans – hoe mense gepraat het lank voor genootskappe, Afrikaanders en standaardisering. Die humor en flair van Kaaps is duidelik: “Ek’s nou gatvol vir die drama, my broe!” Maar agter die speelsheid lê ’n storie van identiteit en oorlewing. Kaaps is taal wat mense in gemeenskappe bou en besit. Dis hoekom party mense dit nou wil afsonder en “terugvat”. Hulle wil woordeboeke daarin maak, sodat die taal op die blad en in die hart dieselfde lyk. Die gevaar? Die establishment kan daarna wys en sê: “Ag, hoe oulik, maar dis nie regte Afrikaans nie.” Dit kan afstand skep, nie erkenning nie. Kaaps is nie ’n speelding vir buitestanders nie – dit…

PEET VILJOEN is nie ’n man wat skaam is om sy mond uit te spoel nie. Praat doen hy graag – en dan loop álmal deur. Hy spog, dreig en skel. Vloek, vlei en koggel. Op kamera, oor die foon, in onderhoude, op sosiale media. Gee hom ’n seepkis en hy sê sy kwetsende sê dat dit jou disnis slaan. Maar vandag trap hy versigtiger. Net so ’n bietjie. Sit julle vrae eers op skrif, laat weet die beleërde pierewaaier toe Huisgenoot wil weet wat hy en sy vrou, Mel van Real Housewives-faam, in Amerika doen sedert hulle vroeër vanjaar soontoe verkas het. “My woorde is al baie in die media verdraai. Ek wil nie gehighjack word in ’n vraag nie,” sê hy. “Vra my enigiets, ek sal dit antwoord.…

JARE lank het sy die wêreld probeer vertel wat aan haar gedoen is, en daarvoor is sy uitgekryt as ’n aandagsoeker en leuenaar deur aanhangers van die mense wat sy beskuldig het. Maar sy het nogtans nie stilgebly nie. Miljoene mense het Virginia Roberts Giuffre as ’n heldin beskou, ’n dapper jong vrou wat geweier het om ’n slagoffer te wees en opgestaan het teen die rykes en magtiges, selfs toe hulle álles moontlik gedoen het om haar stil te maak. Dít kon nie eens haar dood regkry nie. Virginia se memoires, Nobody’s Girl, het pas ná haar dood verskyn en laat haar stem nou vanuit haar graf voortleef. Die boek is geskryf met die hulp van die bekroonde Amerikaanse joernalis Amy Wallace. Daarin herbesoek Virginia elke vieslike detail van…

HEUNING-en-SOJA- VARKRIBBETJIES GENOEG VIR 4-6 MENSE, AS HAPPIES / BEREIDING: 15 MIN. / GA ◗ 1 kg varkribbetjies◗ 1 ui, in kwarte gesny◗ 2 knoffelhuisies, gekneus◗ 1 hoenderaftrekselblokkie◗ 250 ml (1 k) sterk rooibostee◗ kookwater, soos nodig SMEERSOUS ◗ 125 ml (½ k) heuning◗ 60 ml (¼ k) bruinsuiker◗ 60 ml (¼ k) sojasous◗ 60 ml (¼ k) tamatiesous◗ 15 ml (1 e) worcestersous◗ 5 ml (1 t) vissous◗ 1 knoffelhuisie, fyngerasper, of 5 ml (1 t) gekapte knoffel◗ 2,5 ml (½ t) droë brandrissievlokkies (opsioneel) Hou ’n drukkoker byderhand. Sit ’n noupassende draadrakkie op ’n bakplaat en spuit goed met kossproei. 1 Sny die varkribbetjies kleiner sodat dit in die drukkoker sal pas. Pak die ui en varkribbetjies in die drukkoker en voeg die knoffel by. 2 Los die…

HANDDOEKE Maak jou handdoeke deel van die dekor in jou badkamer. Strandhanddoeke het gewoonlik patrone en is ook ’n goeie toevoeging. DIE KLEIN DINGETJIES Kies praktiese items wat ook mooi is en tot die algehele voorkoms en gevoel van jou badkamer sal bydra. BADMATJIES Vergeet van ’n vervelige mat –belê eerder in iets wat die oog vang. KRY DIT HIER @HOME BASH.COM; HERTEXHAUS.CO.ZA 021-948-4764; ITALTILE.CO.ZA 011-510-9000; MRPHOME.COM 064-584-1000; POETRYSTORES.CO.ZA 021-464-6455; SUPERBALIST.COM 087-362-7300; VOLPES.CO.ZA 041-402-6800; WOOLWORTHS.CO.ZA 0860-100-987; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF; KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

1 JOU BANK SE APP Dis gerieflik en bied gewoonlik dié funksies:  Begroting Sommige kategoriseer jou besteding in groepe soos kruideniersware, vervoer en vermaak. Jy kan maandelikse limiete stel, waarskuwings ontvang, ’n visuele uiteensetting van jou besteding kry, en sien hoeveel jy oorhet. Spaar en belê Opsies soos belastingvrye spaarrekeninge, effektetrusts, beursverhandelde fondse en aandeleverhandeling. Voordele Ontwerp vir Suid-Afrikaners, gebruik min data, bied goeie sekuriteit en moet Popia nakom om jou persoonlike inligting veilig en privaat te hou. Jy betaal gewoonlik net jou standaardbankrekeningfooie. Nadele Nie so gevorderd soos gespesialiseerde begrotingsapps nie. Hulle is bankspesifiek, so jy kan nie noodwendig rekeninge van ander bronne koppel nie. 2 ANDER APPS Gespesialiseerde apps (nie jou bank s’n nie) sluit in: Vault22 ’n Plaaslike app met funksies om geld in verskeie rekeninge te bestuur. ◗…

ALL’S FAIR Hierdie nuwe regsdrama gaan oor ses prokureurs, almal vroue, wat vroeg in hul loopbane besluit het hulle wil nie meer vir mans werk nie. Hulle besit hulle eie firma wat spesifiek fokus op egskeidings, en skrik nie vir morsige, ingewikkelde sake vol emosie en skandalige geheime nie. Dis gou duidelik dat jy hierdie span nie moet onderskat nie. In die hofsaal en in die kantoor is hulle ewe ongenaakbaar, want hulle het lankal geleer die wêreld gee net om vir geld en dat die liefde blind is. Op hierdie manier kan hulle ’n oorlog voer waarvan hulle die reëls maak of verander soos dit hulle pas. Die karakter Allura Grant (Kim Kardashian) is die middelpunt van die reeks as hoof van die firma. Dina Standish (Glenn Glose) is…

GEE MY KRAG Daar was netnou groot paniek tydens besoektyd hier in die waaksaal. Allerhande alarms het begin skree hier by die tannie in die bed langs my. Toe kom hulle agter een van die kleinkinders het haar masjien uitgeprop om sy selfoon te laai. Wollie, Pretoria KOMPULSIEWE GEWOONTES Sosiale media is vir my nes ’n yskas. Wanneer jy niks beter het om te doen nie, gaan loer jy heeltyd net om te kyk of daar nie dalk iets lekkers in is nie. L. Saayman DIE SKYN KAN BEDRIEG Die bejaarde egpaar stoot hulle trollie in die supermark se paadjie af en sien ’n ander bejaarde egpaar wat hand aan hand loop. “Dit lyk soos ’n gelukkig getroude paartjie,” sê die vrou. “Moenie so seker wees nie,” antwoord haar man.…

1 Appels en tee se Annie Om toneel te speel sit nie in enige een se kleredrag nie – en om ’n hele gemeenskap te verteenwoordig, sit ’n ekstra uitdaging bo-op. Maar nie as jy Bianca is nie. Sy speel geloofwaardig en moeiteloos haar rol as ’n dowe student in die nuwe kykNET-reeks, Appels en tee. In die reeks kom Lisa (Diaan Lawrenson) en haar voormalige beste vriendin, Henriette (Tinarie van Wyk Loots), se gesinne jare later bymekaar ná ’n karongeluk. Maar die onbeplande hereniging ná 27 jaar bring nie net herinneringe terug nie. Dit veroorsaak ook dat ou wonde en geheime weer uitpeul. Bianca speel Henriette se dogter, Annie de Klerk, “ ’n 17-jarige ambisieuse, kreatiewe en uitgesproke jong vrou met gehoorverlies”, wat graag ’n aktrise wil wees en smag…

VIR die meeste van ons beteken die feestyd jaar ná jaar dieselfde ding: familie, kos, geskenke, te veel eet en drink, en daai vlietende oomblik voor middernag waar almal belowe om volgende jaar “gesonder te lewe”. Maar vir Anthony Hopkins het Desember nog ’n ander betekenis. En jy kan maar bank daarop: Hy gaan beslis nie “cheers” sê met enigiets alkoholies nie. Elke jaar op 29 Desember vier hy sy nugterword-dag. Die dag in 1975 toe hy finaal gesê het: Genoeg is genoeg. Twee dae voor sy verjaardag. Dis nou al byna ’n halfeeu later, en op 87 skryf hy eerlik daaroor in sy nuwe memoires, We Did Ok, Kid. In dié boek vertel hy nie net van sy jare as alkoholis nie, maar ook van sy gebroke verhouding met…

AS DIE kind van een van die bekendste glanspare, is baie mense maar skepties oor CRUZ BECKHAM se verhouding met JACKIE APOSTEL, ’n taamlik onbekende sangeres tien jaar ouer as hy. Wat kan ’n amper 30-jarige vrou in gemeen hê met iemand wat nog onlangs ’n tiener was? Is die Duits-Brasiliaanse skoonheid besig om haar by die Beckhams in te wurm om haar eie loopbaan ’n hupstoot te gee? En is dit nie ’n bietjie vreemd dat sy nogal baie soos ’n jong Victoria (nou 51) lyk nie? Dis net paar van die vrae wat mense oor Cruz (20) en Jackie (29) vra sedert hulle in Junie 2024 begin uitgaan het. Toe Victoria onlangs ’n foto plaas waarop Jackie saam met Cruz, David (50) en hulle kinders Romeo (23) en…