Innehållsförteckning för 4 December 2025 från Huisgenoot

1 ‘HOU OP, OF . . .’ Die sanger Nicholis Louw is behoorlik die harnas in oor iemand wat hom op ’n vals TikTok-profiel naboots en na bewering mense so besteel. Hy sê hy’t ’n idee wie dit is en gaan dit nie langer duld nie Jy is al vir baie jare my gunstelingkunstenaar. Sonder weerga, en jy sal dit altyd wees. Nicholis, weet maar net jy is nou eenmaal die beste wat daar is. Ek hoop jy spoor die scammer gou op. SURITHA Wêreldwyd word sangers en ander kunstenaars se brood uit hulle mond gesteel deur be drieërs. Om nie eens te praat van e-boeke wat onwettig versprei word nie. Steel is steel. Hoe sou jy voel? GERT Nicholis Louw, die ware jy is een in ’n miljoen en…

OP SY heel swaarste het hy die naald van die skaal op 144 kg laat bewe. Hy was áltyd moeg, sy suikervlakke was duiselingwekkend hoog, hy’t gehyg as hy ’n stel trappe klim en na sy asem gesnak wanneer hy sy skoenveters wou vasmaak. Hy’t geweet sy gewig is ’n probleem, sê die sanger Fatman. Sy verhoognaam sê dit dan nog al die jare in soveel woorde – hy was “die vet man wat 47 kinders” destyds nie by die Randse Skou kon optel nie, vandaar die naam Fatman. Maar vir Johan Brümmer het daar verlede jaar ’n keerpunt gekom. Want êrens laas jaar begin hy rondbel vir ongeskiktheidsdekking. En nêrens maar nêrens wil ’n versekeraar hom dek nie, sy gewig en gesondheid is ’n te groot risiko. Dis toe…

Luukse INDIESE HOENDER GENOEG VIR 5 MENSE / BEREIDING EN GAARMAAK: 80 MIN. (MARINEER OORNAG) ◗ 1 heel hoender (1,8-2,2 kg)◗ sout en witpeper, na smaak MARINADE ◗ 2 uie, grofgekap◗ 90 ml (6 e) sonneblomolie, verdeel◗ 15 ml (1 e) garam masala◗ 60 ml (¼ k) rosyne◗ ½ groen brandrissie◗ 2 knoffelhuisies, fyngerasper◗ 7 cm-stuk gemmer◗ 250 ml (1 k) gekapte vars koljanderblare en -stingels◗ sap van 1 suurlemoen◗ skil van ½ suurlemoen◗ 5 ml (1 t) sout◗ 4 ml (¾ t) fyn borrie◗ 375 ml (1½ k) volroomjogurt (of meer indien nodig) VIR VOORSIT ◗ 30 ml (2 e) grofgekapte rosyne◗ 125 ml (½ k) ontpitte kersies, gehalveer◗ 10 ml (2 t) papawersaad◗ 60 ml (¼ k) geroosterde amandelvlokkies◗ 20 g grofgekapte koljander◗ 60 ml (¼ k) granaatpitte…

JOU HAKKE Enige skoen met ’n oop hak veroorsaak dat jou hakke uitdroog, wat tot eelte en gebarste vel lei. Die dun sole van plakkies verskaf ook nie genoeg ondersteuning vir die hak nie en kan druk op jou Achilles-tendon plaas. BENE Plakkies kan stresfakture aan die metatarsale – die lang, dun bene van die voet – veroorsaak. TONE Plakkies los jou ontbloot, wat lei tot meer gevalle van gestampte tone, sonbrand, snye en kneusplekke. Die manier waarop die tone die plakkies vasgryp, kan ook die manier verander hoe jy loop, wat pynlik kan wees vir jou voete, knieë en heupe. ENKELS Daar is geen ondersteuning vir jou enkels nie, wat kan veroorsaak dat jy jou enkels meer verstuit of swik. DIE BOOG VAN JOU VOET Die meeste plakkies het…

BOOGSKUTTER 22 NOVEMBER – 20 DESEMBER Die volmaan op die 5de plaas jou liefdeslewe vir die oomblik in die kollig, maar nie noodwendig weens probleme nie. Miskien moet jy jou waardering meer wys en jou maat meer komplimenteer. Gesinsverantwoordelikhede kan teen die 9de uitputtend en frustrerend wees, maar dit kan nie vermy word nie. Sit skouer aan die wiel en doen wat gedoen moet word, maar jy verdien ’n blaaskans op die 10de. STEEKBOK 21 DES – 20 JAN Hierdie week doen jy selfondersoek, veral rakende jou gesondheid. Frustrasie is rondom die 9de die sleutelwoord en dit lyk asof ’n familie-aangeleentheid nie uitgeklaar kan word nie. Bly geduldig en wag – dis ’n goeie strategie. ’n Vriend se raad is insiggewend, hoewel dit ’n mate van risiko insluit. WATERDRAER 21…

DIE Australiese komediereeks FISK, wat gaan oor ’n prokureur wat almal verkeerd opvryf, het ’n wêreldwye treffer geword toe dit die eerste keer op Netflix verskyn het. Hier is nege dinge wat jy moet weet oor die skepper en aktrise, KITTY FLANAGAN (57). 1. Kitty is een van die reeks se medeskrywers. “Om een of ander rede het ek myself nog altyd as ’n skrywer gesien eerder as ’n aktrise.” 2. FISK het egter gebeur nadat Kitty in 2019 ’n boek uitgegee het: 488 Rules for Life: The Thankless Art of Being Correct. Dis nie ’n selfhelpboek nie, “want dis nie jý wat hulp nodig het nie – dis ander mense. Hulle loop terwyl hulle op hulle fone is, sit te naby aan jou op die bus, of los een…

NOBODY WANTS THIS Indien jy virTeam Joanne en Noah is, hou nou op lees, want jy gaan nie daarvan hou nie. Moet dit ook nie lees indien jy nog nie seisoen 1 gekyk het nie! Joanne (KRISTEN BELL), wat nou glad nie meer so wild is nie, en die rabbi Noah (ADAM BRODY) is verlief en die vonke spat steeds wanneer hulle mekaar sien. Maar nou begin die werklikheid van hul verskillende leefstyle na vore kom. Die reeks voel soms vervelig omdat Noah en Joanne se verlieffase verby is en die lewe kan soms maar vervelig wees. Tog gaan jy begin wonder of dié twee wel die beste in mekaar uitbring. Wat lekker is van dié seisoen, is dat die krake in ander paartjies se verhoudings ook begin wys. Die…

DIS HOPELOOS Ná ’n ellelange, snikhete dag in die hof word Vingers skuldig bevind. “Waarom het jy nie maar dadelik skuld beken nie, eerder as om die hof se tyd te mors?” vra die landdros. “U Edele, ek’t eers besef ek’s skuldig nadat ek al hierdie bewyse teen my gehoor het.” Denise, Pretoria NIE SÓ NAT Die jaloerse Gautengers sê altyd dit sous net heeltyd hier in die Kaap. Dis nie waar nie! Verlede week het dit byvoorbeeld net twee keer gereën. Die eerste keer drie dae lank, die tweede keer vier dae lank. San Marchand NET IN SA Wanneer ’n Suid-Afrikaner vir jou sê “luister hier, my vriend”, moet jy weet hy’s g’n jou pel nie en die kanse vir ’n gemoedelike gesprek is lankal verby. Denise, Pretoria WENPLAN…

BEVRYDENDE ROL Vir baie akteurs is toneelspel ontvlugting – en dit was presies die geval vir Jacques. Dié akteur van Pretoria is te sien as Francois in kykNET se Appels en tee. “Francois is nie die tipiese18-jarige seun nie. Hy is baie volwasse, moontlik omdat sy ouers hom genoeg ruimte gee om homself te wees sonder om hom te probeer verander. Hy’t ook nie ’n rebelse gees nie. Hy’t baie respek vir sy ouers. Francois is ’n goeie mens, die beste van sy ma en sy pa.” “Ek’t die jeugdigheid van die karakter vreeslik geniet,” sê Jacques. “Dit was bevrydend.” ’N GOUE SPAN Om deel te kon wees van Appels en tee, met ’n rolverdeling wat spog met Diaan Lawrenson en Neels van Jaarsveld, “was ’n ongelooflike groot seën”. “Ek…

WÊRELDWYD staan miljoene mense soggens voor hul klerekas en wonder: Wat gaan ek vandag aantrek? Vir baie gewone mense beteken dit dalk bloot om te kies hoe netjies jy op daardie dag wil lyk, maar vir Michelle Obama was dit ’n besluit wat veel meer betekenis gedra het. In haar jare in die Withuis het kritici fikseer op alles – van haar moulose rokke wat haar “te manlike” arms gewys het tot hoekom sy ontwerpersklere met alledaagse handelsmerke meng. Deur dit alles het sy geglimlag en dag ná dag haar beste modevoetjie voor gesit. En nou, agt jaar nadat haar dae as presidentsvrou tot ’n einde gekom het, vertel Michelle haar kant van haar stylstorie.koms Haar nuwe boek, The Look, het foto’s van meer as 100 verskillende uitrustings en verklap…

REBECCA GAYHEART het vorige konflik eenkant toe geskuif om daar te wees vir haar vervreemde man, ERIC DANE (53), met ’n ernstige gesondheidstryd wat hom nou in die gesig staar. Ten spyte van hulle ingewikkelde geskiedenis ondersteun die 54-jarige model hom terwyl hy teen die neurodegeneratiewe siekte amiotrofiese laterale sklerose (ALS) veg. Die siekte veroorsaak toenemende spierswakheid en verlamming. Dit lei uiteindelik daartoe dat ’n mens nie self kan asemhaal nie. In ’n onlangse episode van die Broad Ideas-podcast het sy erken dat, hoewel dit “superingewikkeld” is, sy kies om daar te wees vir Eric sodat sy ’n goeie rolmodel vir hulle dogters, BILLIE (15) en GEORGIA (13), kan wees. “Ek sê vir hulle: ‘Maak nie saak wat nie, hy is ons familie en hy is julle pa,’ ” het…

BILLY BOB THORNTON het onlangs teruggekyk op sy huwelik met ANGELINA JOLIE. Hy noem dit “een van die beste tye van my lewe” en sê hulle is nog baie goeie vriende. Hulle was van 2000 tot 2003 getroud. Billy (70) beskryf hul egskeiding as “beskaafd” en sê hulle leefwyses was te verskillend. Hy onthou ook die sterk mediaaandag rondom hul verhouding, insluitend oordrewe stories oor hul beroemde bloed-halssnoere. Ten spyte van die breuk het albei sterre steeds hulle liefde en respek vir mekaar verklaar. “Ek is nog baie lief vir hom en dink die wêreld van hom,” het Angelina (50) in ’n onderhoud in 2008 gesê, “en ek is trots dat ek vir ’n tyd sy vrou was.”…

SY’S net ’n doodgewone, soet Katolieke meisie, sê sy altyd. “Ek’s baie square!” Nottendêm, seg haar rockdissipels soos Joan Jett, Chrissie Hynde en Debbie Harry. Wanneer sy in daai swart leerklere die baskitaar laat brul, is sy die godin van badass. As tiener had Joan selfs ’n plakkaat van haar teen haar kamermuur. So wie is die ware Susan Kay Quatro, vra jy? Suzi is op 3 Junie 1950 in Detroit gebore. Haar ma, Helen, was ’n streng en toegewyde Katoliek. Haar pa, Art, ’n ingenieur en jazzmusikant. “Ons was vyf kinders en nege pleegkinders. Die een wat die hardste kon skreeu, is gehoor . . . En kon ek vir jou skreeu!” Haar ma had die ysere hand, haar pa was altyd beskermend: “Hy’t nie daarvan gehou dat ons…

Wanneer en waar was jy op jou gelukkigste? Elke stadium van my lewe het goeie tye, maar ek dink hier waar ek myself nou bevind – in my 40’s – is flippen amazing. Wat kan jy nie verduur nie? Suur melk, tamaties en selfsugtige mense. Wat is jou diepste put van ellende? As diere en kinders seerkry of mishandel word. Wie is die liefde van jou lewe? My man, André. Wie of wat sou jy graag in jou volgende lewe wou wees? ’n Tuinboukundige wat heeltyd met grond en plante werk. Wie is tans jou celeb crush? Talent is vir my baie aantreklik en die outydse bad boy-look is nogal lekker, so daar is nogal baie: Pedro Pascal, Ryan Gosling, James Franco, Tom Hardy. Wat is die woord of frase wat…

DIS nou Pandora se boks as daar ooit een was. Gaan dit verwoesting saai as dit uitgelap word, of moet dit ter wille van geregtigheid juis onthul word? En wat ís verbloem in die berugte “Epstein Files”? Daar’s lanklaas so gegons en gestry oor ’n klomp geheime Amerikaanse dokumente. Dit word al vyf jaar lank in Washington bewaar terwyl politici en bekendes wat moontlik daarin betrek word bewe by die gedagte dat die inhoud ooit bekendgemaak sal word. Die lêers bevat die inhoud van die ondersoek na Jeffrey Epstein, die seksmisdadiger wat sy eie lewe in 2019 in die tronk geneem het nadat sy misbruik van minderjarige meisies op die lappe gekom het. Sy voormalige meisie en meeloper, Ghislaine Maxwell, dien 20 jaar tronkstraf uit vir haar betrokkenheid. Maar ander…

HOE VERGEWE EK MY KÊREL? V Die laaste geskenk wat my broer vir my gegee het, was my hond. Hierdie dierbare bondel energie was my troos deur die moeilikste tyd van my lewe. My broer se dood was onverwags en ek sukkel nog om sin daarvan te maak. My kêrel het verlede maand ná ’n kuiertjie in my oprit oor my hond gery. Ek was histeries en het in ongevalle beland, so groot was my skok. Ek het vir my kêrel gesê ek wil hom nooit weer sien nie en dit voel vir my of ek erger rou oor my hond as oor ’n mens. My kêrel stuur gereeld boodskappe en probeer heeltyd na my toe kom. Ek weier om die hek vir hom oop te maak. Gaan ek ooit…

DIS tog snaaks hoe sommige kosprogramme jou lus maak om self ’n gereg aan mekaar te slaan, en hoe ander kosprogramme jou lus maak om te eet. (En dan is daar kos programme wat nie een van die twee doen nie, maar meer daaroor later.) Wanneer ek enigiets van Jamie Oliver kyk, raak ek lus vir kosmaak. Hy laat dit maklik lyk – so asof ’n los gewrig en ’n skerp mes al is wat nodig is om wonderbaarlike disse op te tower. Dis natuurlik deel van sy sjarme. JAMIE: FAST & SIMPLE op BBC (kanaal 174) gee jou hoop vir jou eie onvermoëns, want die bestanddele is eenvoudig en die vaardighede lyk nie onoorkombaar nie. Tot jy self begin kosmaak en sommer baie gou leer om nie jou stoofplaat…

HY IS die eintlike naam agter baie groot treffers. Dink maar aan Irene-Louise van Wyk se “Tekkies Brand”, Fatman se “Vuil Coke”, Die Piesangskille se “Lyntjie” en Ivan Roux se “Pitte”. Dit is alles liedjies uit sý pen. Om te sê hy het ’n passie vir musiek en liedjieskryf is net gedeeltelik waar, want ROUX CLOETE is ook lief vir sing. En vanjaar het hy besluit om in die kollig te tree en sy eie sololoopbaan na te jaag. “Dis ’n besluit wat al lankal aankom,” sê Roux (35). “Vir jare het ek agter die skerms gewerk in die musiekbedryf nadat ek my graad in kommunikasie by die NWU-Puk voltooi het. Vir ’n tydperk was ek die A&R-bestuurder (Artists & Repertoire) by Universal Musiek en het dit werklik baie geniet,…

FOTOBLOKRAAI NO 2371 KOMPETISIEVRAAG Watter bok is ter sprake? Vra gerus op die Facebook-blad Huisgenoot-Blokraaie ander lesers se raad as jy vashaak. WEN ’N BOEK VAN HUMAN & ROUSSEAU Hierdie week wen een leser Al die swendelaars deur Chris Karsten (H&R, R350). Die speurder Arrie Dogh tel die dae af tot hy en vroulief hul oudag kan geniet. Maar kort voor sy aftrede beland ’n oënskynlik doodgewone inbraaksaak op Arrie se lessenaar. Toe hy ondersoek instel na die inbrekers op Louis Jooste se perdeplaas neffens Wildernis, besef hy daar skuil ’n slinkse slang in die gras. Waar begin die storie wat Arrie eindelik oorvertel? By die lyding en sterwe van Bertie Greeff se geliefde Mirjam? By dieTurkse perdekopers? By Jooste se ponzi wat Bertie en vriend Diek se neseiers ingesluk het?…

AS ONS terugkyk na hoe vervoer oor die afgelope paar honderd jaar ontwikkel het, sien ons maklik hoe diere sommige van die maniere geïnspireer het waarop ons vandag reis. As ons na voëls kyk, het ons vliegtuie uitgevind met vlerke wat ons oor die wêreld kon neem. Treine en waens het byna soos sterk perde geword wat lang afstande kon aflê sonder om te rus – solank jy genoeg brandstof gehad het. Wat van die ontdekking van die onderwaterwêreld? Daar het visse in die spel gekom – perfek glad, vinnig en stil. Ons het geleer hoe om onder water te beweeg met duikbote. Hierdie vaartuie kan vir lang tydperke onder water reis. Soms is hulle besig met verkenning of navorsing, en soms verdedig hulle lande. HOE GAAN DUIKBOTE ONDER WATER?…

HUL wêrelde verskil hemelsbreed. Sy het in ’n herehuis op die Engelse platteland grootgeword en kon nog altyd kry net wat sy wil, en haar pa is een van die bekendste sjefs ter wêreld. Hy kom uit ’n doodgewone agtergrond, sy pa was ’n supermark-opsigter en sy ma ’n kleuterskoolbestuurder, en die twee moes hulle vingers stompies werk sodat hy sy droom om ’n Olimpiese swemmer te word kon nastreef. Holly Ramsay en Adam Peaty het mekaar vier jaar gelede op die stel van ’n televisieprogram ontmoet – en nou gaan die tweetjies trou. Sy is ’n beïnvloeder en die dogter van die beroemde sjef en aanbieder Gordon Ramsay, en hy is ’n driemalige Olimpiese gouemedaljewenner – dus oënskynlik ’n glanspaar gemaak vir die kollig. Maar hul troue is die…

Gisteroggend het ek met die verkeerde broek uit die bed uit opgestaan. Die appel wou net nie van die boom af val nie. Blind soos ’n bol moes ek die dag aandurf. Maar bootjie kry sy lootjie, het ek myself herhinder. Ek gaan die bal by die horing plak. Eers moes ek ’n kat uit die boks kyk. Buite het dit hout aan die knopkieries gereën. Gelukkig sê hulle elke hond kry sy bad. Ek het die wol oor my ore getrek en met die beur in die huis geval. Onmildelik het ek dit berou, maar spruit kom altyd te laat. Met die kind van voor het ek die poot aan die kok gehou. Hy’t my bladsy geskud en die toon aangegee. Ek kon maar net my rots in my…

DIS nou al twee jaar gelede, maar hy lyk steeds ongemaklik wanneer hy praat oor die dag wat sy jong lewe so wreed verander het. Tydens die twee uur lange rit van Humansdorp na Knysna, sê Anzil Williams, het hy musiek deur sy oorfone geluister eerder as om met sy spanmaats te gesels oor die toernooi wat voorlê. Want die 16-jarige seun, gewoonlik so passievol oor rugby, was vreemd onrustig. “Ek het ’n gevoel gehad iets gaan met my gebeur. Voor die game wou ek nie gespeel het nie.” Anzil (nou 18) praat vandag vir die eerste keer self met Huisgenoot oor die besering wat hy daardie dag opgedoen het. Maklik is dit nie. Hy kyk eers ’n slag na sy tannie Shahida Japhta voor hy moed skep om verder…

IN DIE stilte klink haar eie voeteval op die ys vir Woutri Mugglestone onnatuurlik hard. Die koue byt selfs deur die laag op laag klere wat elke duim van haar vel bedek. Tree vir tree veg sy teen die binnestem wat haar probeer oorreed om tou op te gooi. “Dit was verskriklik,” onthou die 50-jarige ma van Bloemfontein die ervaring later. “Nog nooit in my lewe moes ek myself so baie moed inpraat nie. Maar jy is reeds daar, jy’t reeds hierdie ding aangepak.” Die “ding” waarna sy verwys, is die Ultra Ice-marathon. Ál 50 km daarvan, een voet ná die ander, oor die bevrore landskap van Antarktika se Union-gletser. Tou opgooi was geen opsie nie. En sy hét ook nie. Hier in die Rosestad waar ons met Woutri gesels,…

JOHANNES DE VILLIERS ◗ ’n Klein wonder werk, Naòmi Morgan se vertaling van Paul Gallico se verhaal oor ’n seun en sy donkie, is presies wat die titel sê: klein (nie eens 100 bladsye nie), maar dit vervul mens met ’n ontsag vir die magiese krag van deernis. ◗ Die Booker-prystoekenning aan Samantha Harvey vir Orbital het mense laat kopkrap; die storie is dan so karig. Tog, as jy die sware verwagting van ’n tradisionele intrige laat vaar, ligkens deur die roman se beskrywings en bepeinsings dryf, is dié skets van die lewe op die Internasionale Ruimtestasie ’n aangrypende meditasie oor verwondering. OP PAD NA ’N KLOOSTER IN DIE SNEEU In 1964 studeer ’n Suid-Afrikaner in Rome om ’n priester te word. Hy hoor van ’n wonderwerker wat in ’n klooster…

REEKS NCIS: OU LIEFDE ROES NIE Tony DiNozzo en Ziva David was nog altyd hierdie 22 jaar oue aksiereeks se gewildste karakters, veral toe hulle ’n romantiese NCIS-kragpaar geword het. Dit ten spyte van die feit dat Cote de Pablo in 2013 die reeks verlaat het en Michael Weatherly in 2016 dieselfde gedoen het. Met NCIS: TONY & ZIVA kan aanhangers uiteindelik hul gunstelinge terug in aksie sien. Ná Ziva se oënskynlike dood maak Tony hulle dogter, Tali (Isla Gie), groot. Jare later keer Ziva terug en herenig met Tony. Dan word Tony se onderneming aangeval, en die gesin reis na Europa om uit te vind wie agter die aanval sit. Intussen moet hulle leer hoe om mekaar weer te vertrou. Elke episode volg maar jou gewone NCIS-storielyn, maar sjoe!…

1 Op watter mitologie is die TV-reeks Percy Jackson and the Olympians gegrond? 2 Watter land produseer die meeste piesangs in die wêreld? 3 Wat is die algemeenste oogkleur in die wêreld? 4 Wat noem ’n mens ’n groep uile? 5 In die Harry Potter-reeks, in watter land is Hogwarts? ANTWOORDE 1 Grieks  2 Indië 3 Bruin  4 ’n Parlement 5 Skotland BRONNE: BBC.CO.UK, HISTORY.COM, JHR. PENSOFT.NET, POPULARMECHANICS.COM, GUARD-ARCHAEOLOGY.CO.UK, ABCNEWS.GO.COM, ETYMOLOGIEBANK.NL, APNEWS.COM, COLLINSDICTIONARY.COM, WIKIPEDIA.COM, THEGUARDIAN.COM…

DIE SPROKIESTROUE TOE die saggeaarde wiskundeonnie dit destyds nie kon regkry om Brendan Peyper se hart in Op my eish! te steel nie, het skoonma’s landwyd tougestaan. Ons sal vir RACHELLE FOU-RIE vat, het hulle uit alle oorde gesê – stuur haar hierheen. Nou’s dit te laat. Sy het meer as ’n jaar terug haar hart aan die geoktrooieerde rekenmeester ROUBERT ROUSSEAU gegee – en nou ook haar hand waaraan hy ’n ring gesteek het. Die paartjie het in November verlede jaar verloof geraak en nou, ’n jaar later, by die Bona Bonavenue buite Wolmaransstad getrou. Sagte reën het buite die kapel neergesak toe die huweliksbevestiger, past. Hennie van Vreden van die Nuwe Lewegemeente op Calvinia, onder meer uit Mattheus 6:33 voor gelees het. Dit was die einste Hennie wat…

AUSTIN BUTLER het sy stilte verbreek oor gerugte dat daar iets tussen hom en EMILY RATAJKOWSKI broei ná hul ete-afspraak in New York. “Die ware antwoord is dat ek baie vriende het, en ons is vriende. Ons het saam geëet, en ons is vriende,” het die akteur gesê, en beklemtoon dat hy enkellopend is. Vroeg in September is Austin en Emily (albei 34) by die Waverly Inn in New York gesien. Hulle het knus gelyk, openlik in ’n middelste hokkie gesit en omtrent twee uur lank gesels. Ooggetuies het hulle as “giggelrig en oulik” beskryf, maar hulle het nie eintlik intiem gelyk nie. Die twee se name is die eerste keer in Augustus aan mekaar gekoppel by Austin se Caught Stealing ná-partytjie, al het albei onlangs hoëprofielverhoudings gehad. Austin en…