Innehållsförteckning för 8 January 2026 från Huisgenoot

1 ‘HY WAS MY GROOT-STE ONDERSTEUNER’ In die oujaar het Jakkie Louw sy pa, ds. Nico Louw (85), weens kanker verloor. ‘Pappa was ’n held vir die armes, rykes, ’n vriend vir enige alleenmens,’ sê hy Ek is so jammer vir julle verlies, Jakkie. Ek onthou julle pa nog so goed toe hy predikant was van ons gemeente op Gansbaai. En ook vir julle kinders, julle was nog klein. Baie sterkte vir jou ma en ook vir die res van jou familie. JOHANNA Dit is baie hartseer nuus om te moet hoor. Ek onthou hom nog so goed. Hy was destyds ons dominee in die Moedergemeente op Oudtshoorn. Ek was toe nog ’n tiener gewees. Baie sterkte aan Jakkie en die hele familie. REINETTE Ja, ds. Louw was ook my ouers…

SY SIT doodstil op die bank en lig geduldig haar stompies terwyl die skoliose-stut versigtig om haar bolyf gepas word. Die 14-jarige Felicity Ncube kla nie. Sy moet al haar lewe lank by nuwe uitdagings aanpas. Dis vyf jaar sedert Huisgenoot hierdie merkwaardige tiener laas besoek het, en die meisietjie wat destyds so sonder arms en bene rondgespring het, is nou ’n bedagsame gr. 8-leerder wat lief is daarvoor om seetonele te verf en sjokoladekoek te bak. Maar nou is daar ’n nuwe uitdaging wat sy moet oorkom. Felicity is met Tetra-amelia-sindroom gebore, ’n skaars genetiese afwyking wat veroorsaak dat iemand geen ledemate het nie. As baba het sy haarself geleer om te rol tot waar sy wil wees. Later het sy geleer om op haar stompies deur Tshwane Haven…

OM IETS te begin is maar altyd moeilik. Die begin van ’n skooljaar, veral in ’n nuwe skool, of die begin van ’n nuwe werk is moeilik. Die begin van ’n oefenprogram is ook nogal ’n bulletjie, want jy sien nie resultate nie en voel net die pyn. Net so die begin van ’n dieet of die begin daarvan om iets uit te sny, soos suiker of alkohol. Die deel vóór die begin is eintlik lekker, want dis wanneer jy entoesiasties is. Jy het die eindpunt in gedagte. Jy dink aan die wen. Jy fokus op die resultaat. Maar sodra ’n ding begin, dan is jy in. Geen omdraaikans nie. Jy is in die oomblik. Dieselfde met ’n reeks of ’n fliek. Jy doen vooraf navorsing en jy besluit wat…

Ter viering van 25 jaar in die musiekbedryf, agt baanbrekeralbums en onvergeetlike konserte deur die jare, het die plaaslike rockgroep PRIME CIRCLE ’n spesiale liedjie uitgereik. “Unsteady Hearts” is ’n liedjie wat die baskitaarspeler en stigter van die groep, Marco Gomes, beskryf as ’n rockballade wat maklik op die oor val. “Die hooftema is om jouself nie te kort te skiet nie,” sê Marco. “Die lewe is kort, en jy moet die beste maak van wat jy het. As jy jou lewe met iemand deel, moet dit met iemand wees wat jou ’n beter mens maak. “Maar hierdie boodskap strek verder as net verhoudings. Dit kan by die werk, in ’n vriendskap of in enige situasie wees waar jy op een plek bly wanneer jy eerder vorentoe moet beweeg.” Die…

FOTOBLOKRAAI NO 2376 KOMPETISIEVRAAG Watter vak is ter sprake? As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. WEN ’N BOEK VAN HUMAN & ROUSSEAU Hierdie week wen een leser Die vyf susters deur Eleanor Baker as Alex Muller (H&R, R270). Die vyf ongetroude Delport-susters woon saam in hul oorlede ouers se huis. Toe die oudste suster, Rosa, laat een aand koelbloedig doodgeskiet word, is daar dus minstens vier verdagtes. Maar mettertyd kom dit aan die lig dat die slagoffer allermins geliefd was en dat talle mense haar graag uit die pad wou hê. Die moord-en-roofspeurder Adriaan Kruger is ’n wewenaar en bedrewe origamibeoefenaar. Hy moet ál sy vernuf inspan om die skuldige te probeer ontmasker. Dis makliker gesê as gedaan, veral…

IN DIE vroeë 1970’s het John Lennon en Yoko Ono se utopiese liedjie “Imagine” ’n enorme treffer geword: Imagine all the people, livin’ life in peace . . . You may say I’m a dreamer, but I’m not the only one, I hope someday you’ll join us, and the world will be as one. Hulle droom sou inslag gevind het by Ludovico Zamenhof, die medikus wat ’n eeu tevore ’n nuwe wêreldtaal geskep het in die hoop om ’n einde aan haat en verdeeldheid te maak. As lid van die Joodse gemeenskap in Pole was Ludovico diep verontrus deur die konflik tussen etniese groepe in die destydse Oos-Europa. As ’n begaafde student wat tien tale kon praat, was die oplossing vir hom duidelik – as almal mekaar verstaan, sal daar…

Wanneer en waar was jy op jou gelukkigste? Waar ek nou bly in Scarborough en as kind by my ouma en oupa se huis op Knysna. Wat sou jy anders doen as jy jou lewe kon oorhê? Ek sou ná skool eers gaan reis het eerder as om dadelik te gaan studeer. Wat is die ding wat jy die meeste in mense bewonder? Eerlikheid. Wie sou jy die graagste vir ete wou nooi en wat sou jy maak? Die Russiese skrywer Fjodor Dostojéfski en my ma se suurlemoen-en-roosmaryn-lamsboud. Wat kan jy nie verduur nie? Onbedagsaamheid. Wat is jou diepste put van el lende? ’n Leë maag. Wie is of was die liefde van jou lewe? My lewensmaat. Wie of wat sou jy in jou vol gende lewe wou wees? ’n Wetenskaplike…

STIL sit die straatkunstenaar agter sy esel. Dan lig hy sy verfkwas en begin met seker hale ’n prent op die doek voor hom verf. Straatskilders is natuurlik niks nuuts nie. Kanse is goed jy’t al een by ’n vlooimark, winkelsentrum of kunstefees gesien. Sommige klets maar te graag met omstanders terwyl hulle werk. Nie dié outjie nie. Hy werk woordeloos, sy fokus intens. Jy probeer verniet ’n geselsie met hom aanknoop. Hy knik of skud net sy kop en skilder verder. Erg inkennig dalk, of sommer net ongeskik? Nee, nie een van die twee nie. Dis net dat Kwasper nie jou gewone straatkunstenaar is nie. Hy’s ’n marionet – die enigste in Suid-Afrika wat kan skilder! Wiebke Holm-Mikula is die vrou na wie se toutjies Kwasper so kunstig dans.…

EK IS STERWEND – MY NAGMERRIES MAAK MY MAL V My tyd is min, my kop en emosies erg deurmekaar, en daarom is my brief deurmekaar. My vrou is net meer as twee jaar gelede oorlede, kort nadat kanker by my gediagnoseer is. Medies gesproke is daar niks meer wat vir my gedoen kan word nie. Ek het alle behandeling gestaak sodat ek eerder kan fokus op tyd saam met my kinders. Ek bid om net nog een feestyd saam met hulle te wees en my jongste deur matriek te sien. My pa het laat weet dat hy by my wil intrek en sedertdien het ek die vreeslikste nagmerries oor my kinderjare. Ek is vreeslik skaam om dit eens hardop te dink, maar hy het my as kind gemolesteer. Ek…

DIT is ’n situasie wat elke troeteldiereienaar vrees – ’n gegrom en gesnork waarby hul geliefde hond betrokke is. Ongelukkig kan selfs die rustigste hond uitgelok word, of dit nou is omdat hulle hul eienaar of grondgebied beskerm, bedreig voel of deur ’n ander hond getart word. Dit kan enige tyd, enige plek gebeur, en dit kan beteken die dier óf sy eienaar kry seer, wat ook finansiële gevolge kan inhou. Hier is ’n paar moets en moenies as jy jouself midde-in ’n hondegeveg bevind. WAT OM TE DOEN ◗ Moenie paniekerig raak nie Dis moeilik, maar probeer om kalm en gefokus te bly. Skree en gil maak die situasie net erger. ◗ Moenie probeer om die honde self van mekaar te skei nie Om die honde uitmekaar te trek,…

DIE GRAFDIGTER DEUR GERDA TALJAARD Penguin, R249* “Mila is ’n Moskouse sielkundige. Nie juis ’n goeie een nie. Haar aandagspan is kort. Tydens beradingsessies sit sy en fantaseer oor geroosterde salm en seks, onthou sy haar vurige verhouding met Martin Joubert, ’n Suid-Afrikaner by wie sy ’n dogter gehad het. “Mila dink ook aan haar kinderjare: sprokiesagtige winters saam met haar ouma Baboesja in ’n donker woud waar wolwe, vosse en takbokke woon. “Verder onthou sy haar ouers wat, volgens die ouma, as ruimtevaarders in die buitenste ruim verdwyn het. Wat steek Baboesja vir haar kleindogter weg? Wat het werklik met Mila se ouers gebeur? “Intussen loop Mila ’n ou skoolvriendin raak – Zhanna wat Mila se moeilike kinderjare draaglik gemaak het, wie se skeel oog die onsigbare kan sien,…

DIE Monte Sierpe (Slangberg) in Peru is ’n reeks van tussen 5 000 en 6 000 gate waarvoor niemand tot dusver ’n verklaring gehad het nie. Niemand weet hoe of hoekom hulle gemaak is nie. Die vraag het ook vir Charles Stanish van die Universiteit van Florida en sy eertydse student Jacob Bongers gepla. Ná amper 50 jaar en vele besoeke aan die area, dink Charles en Jacob hulle het die raaisel opgelos. Die twee se teorie is dat die heuwel waar die gate is, eers gebruik is as ’n mark in ’n tyd voor die Inkas daar gewoon het. Die Inkas het toe die gate aangepas en gebruik as ’n rekenkundige stelsel en stoorplek. Die Inkas het in die tydperk wat as die Middeleeue bekendstaan geleef, tussen 1438 en…

TEGNOLOGIE ’NNAVORSINGS-PROJEK in Italië het gebruik gemaak van ’n stel robotiese arms wat deur kunsmatige intelligensie aangedryf word om fresko’s te herstel. Die hoop is dat die tegnologie eindelik gebruik sal kan word om fresko’s uit Pompeii te herstel wat in die uitbarsting van Vesuvius in die jaar 79 beskadig is. Om die fresko’s aanmekaar te sit is soos om ’n legkaart te bou, net baie meer ingewikkeld. Dit vat baie tyd en baie presiese metodes. Vir die doel van die navorsing het hulle egter nog nie die Pompeiifresko’s gebruik nie, maar eerder fragmente van fresko’s wat in die Tweede Wêreldoorlog beskadig is. Die robot het twee arms wat beweegbare hande het wat elkeen ’n ander grootte is. Dit het sensors vir “oë” wat die klein stukkies gryp en aanmekaarsit…

1 Watter land se volkslied is bekend as “The Star-Spangled Banner”? 2 In watter Disney-fliek is die tier Rajah ’n karakter? 3 Watter skaakstuk tel die meeste punte? 4 Watter regeringsberaad is in 2025 in Suid-Afrika gehou? 5 Wat is Wallis se hoofstad? ANTWOORDE 1 Amerika 2 Aladdin  3 Die koningin  4 Die G20 5 Car diff BRONNE: CAMBRIDGE.ORG, EDITION.CNN.COM, EN.WIKIPEDIA.ORG, THEGUARDIAN.ORG, ETYMOLOGIEBANK.NL, ARCHAELOGY.ORG, STUFF.CO.NZ, REPAIRPROJECT.EU, REUTERS.COM, TIME.COM, BRITANNICA.COM, ABC.NET.AU, ENCA.COM, SANDIEGOZOOWILDLIFEALLIANCE.ORG, WORLDPOPULATIONREVIEW.COM…

'EK HET tog altyd geweet ek wil my deel doen vir die natuur. Van kleins af het ek geweet ek wil met diere werk. My pa was die bestuurder van ’n plantasie in KwaZulu-Natal. Die buitelewe en die natuur was sentraal tot my grootwordjare. Ons het later na Jonkershoek in Stellenbosch getrek, en ek het daar my voorgraads en my nagraads in ekologie voltooi. Ek het eers by Elephants Alive aangesluit, waar ek hoofsaaklik die gedragspatrone van olifante in die Krugerwildtuin bestudeer het. Ek het ’n besonderse groot liefde vir hierdie diere. Hulle is hiperintelligent, heg ’n besonderse band aan hulle kalfies en mekaar, en daar is eintlik nog baie wat ons by dié diere kan leer. Ek het nie aanvanklik gedink ek sal met voëls werk nie. Ek spot…

VERLEDE jaar dié tyd was hulle vier. Maar baie dinge kan in ’n jaar verander – ’n hele nuwe lewetjie kan bykom, so asof dit nog altyd bestem was om te wees. Die vorige keer wat hulle as gesin op Huisgenoot se voorblad verskyn het, was Harper ’n dogtertjie van drie in haar pa se arm, en Jamie ’n pop van tien maande op sy ma se skoot. Maar Simoné en Andries Pretorius het toe al geweet daar’s eintlik nog ’n derde hartkloppie op die foto van hul kinders. Nog enetjie wat nog onsigbaar vir die kamera haar plek in die gesin inneem. En hier’s hulle nou weer, net ’n jaar later, voor die kamera – en nou is hulle vyf. Harper is vier en Jamie amper twee – en…

NIEMAND kan oor elke ou laaste stukkie erfgoed baklei soos die rykstes onder die rykes nie. Hoe meer daar is om te deel, hoe meer wil mense klaarblyklik soms hóú. En dis nie net in reekse en flieks wat twis so woed oor die dinge van ’n testament nie. Neem nou maar die verhaal van die twee baronesse van die Rothschilddinastie wat die afgelope tyd hul fyn vuisies vir mekaar bal asof hulle nie reeds ’n ring aan elke vinger kan bekostig nie. Al sedert die 1700’s waak die Rothschilds oor ’n familiefortuin wat hulle in die bankwese verdien het, maar nou word hul vuil wasgoed in die openbaar gewas asof hulle ook maar net gewone sterflinge is. Dié klomp het mekaar nou in die hare gevlieg oor een van…

WANNEER sy by ’n deur kom, koes sy al sonder om eens daaroor te dink, want sy wéét sy gaan haar kop teen die kosyn stamp. Wanneer sy uitgaan, staar die mense haar aboraan, remen maak in pa iemand dikwels ’n flou int dolorisgrappie apeliquibus dest mag- soos: “Hoe’s die weer daar bo?” ’n Kar voel altyd te klein, en as sy skoe-ne nodig het, kos dit soekwerk om dit in ’n erootte 16 te kry. Maar dit alles is so deel van Savanna Trapp-Blanchfield se dag as asemhaal. Sy weet dis maar deel van die pakkie as jy 2,04 m lank is. Dis darem nie 'n las wat sy alleen dra nie. As lid van die wêreld se langste gesin het dié 30-jarige van Minnesota geliefdes wat presies weet…

BOOGSKUTTER 22 NOVEMBER – 20 DESEMBER Die een of ander gelukskoot wag dalk op jou, maar wees versigtig om nie te veel te waag nie. Jy dink baie aan geld. Eiendom en beleggings kan ’n belangrike rol speel. Jy is van nature optimisties, maar hou eerder jou oog op die werklikheid. Die kans op sukses is hierdie week goed, maar moenie jou geld of tyd vermors en jou te veel inspan nie. STEENBOK 21 DES – 20 JAN Jy is gelukkig realisties, anders sou die ophemeling wat jy tans geniet jou kop op hol kon jaag. Geniet maar die aandag wat jy trek, met Venus en die son wat op die 8ste en die 9de met Mars verenig. Hier is jou kans om te vra vir wat jy nodig het,…

“Ek wil hê mense moet weer hoop voel, werklik glo dat die wêreld kan verander. So baie ander wil dieselfde ding hê, en jy is nie die enigste een wat wil sien dat liefde wen nie,” sê John Ellis, hoofsanger en kitaarspeler van die Suid-Afrikaanse Christelike rockgroep TREE63. Hy praat oor hulle nuutste liedjie, “How Much Longer?”, wat hulle onlangs uitgereik het. Dit is die eerste stukkie nuwe musiek in ’n dekade, en soos hulle vorige treffers, “Treasure” en “A Million Lights”, het die nuutste een ’n sterk rock-invloed met ’n diep boodskap wat die luisteraars dwing om te dink oor dit wat werklik belangrik is in die lewe. “Hierdie enkelsnit is geïnspireer deur daardie mense wat ’n toekoms kan visualiseer wat meer vriendelik, regverdig en verdraagsaam is as die…

SAAM MET DIE STROOM Die nasionale vervoerdepartement het besluit om dringend iets aan al die slegte bestuurders op ons paaie te doen. Van nou af is teks-en-bestuur deel van alle rybewystoetse. Gautvol NUTTELOOS Die blondine sukkel om haar hond te beheer en koop ’n opleidingsvideo by die troeteldierwinkel. Maar ná twee weke kom sy terug en sê vir die winkelassistent: “Ek soek my geld terug, die hond het nou al tien keer die video gekyk maar niks het verander nie!” Louise Noeth EEN SE DOOD IS DIE ANDER SE BROOD Voor hulle opstyg vir ’n pretvlug, wys die vlieënier vir die politikus hoe sy uitskietstoel werk. “En wat gebeur as dit nie werk nie?” vra die politikus. “Dan’s daar ’n tussenverkiesing in jou wyk.” Anton, Bellville RIGTINGVAS “Ekskuus,” vra Annie…

SKEMERGROND SE NUWELING IS ’N VEGTER EN INSPIRASIE! DARREN SE OOMBLIK “Ongelooflik en surrealisties.” Dis hoe die 24-jarige akteur van Ocean View in die Kaap sy rol in Skemergrond beskryf. Dis immers een van die land se gewildste reekse en hy’t tans een van die grootste storielyne daarop. “Dis mense waarmee ek op die skerm grootgeword het. Hulle is uiters nederig en gasvry en het my veilig op stel laat voel. Hulle wil regtig hê jy moet jou beste werk lewer. Ek het soveel van hierdie veterane geleer,” sê Tarique. Hy speel Darren op Skemergrond. “Hy is intelligent, maar bevind hom soms in die verkeerde situasies. Darren probeer steeds sy plek in die lewe vind, net soos die meeste tieners van sy ouderdom, wat hom meer vatbaar maak vir invloede.”…

DIE meeste mense dink nie twee keer voor hulle ’n leë houer weggooi nie. As daardie heel laaste bietjie tandepasta met moeite uitgedruk is, die laaste tjips-krummeltjies geëet is en die laaste bietjie mosterd uit die flessie geskraap is, is dit reguit vullisdrom toe. Maar hulle sê nie verniet die een se gemors is die ander se skat nie. Vir dié klompie versamelaars het die opgaar van goed wat ander sou weggooi ’n stokperdjie geword. En danksy hul toewyding kan hulle nou elkeen met ’n Guinness-wêreldrekord spog. TANDEPASTA VAL KOLPAKOV (VSA) Hierdie tandarts uit die deelstaat Georgia hou die rekord vir die wêreld se grootste tandepasta‑versameling: 2 037 buisies. “My stokperdjie het in 2002 begin toe ek op die internet rondgelees het,” sê Val. “Ek het gelees oor Carsten Gutzeit, ’n…

SY LYFIE skarrel selfversekerd en doelgerig op die rugbyveld sonder die geringste aanduiding dat die rugbyreuse rondom hom en die derduisende mense wat hom van die paviljoen af dawerend toejuig, hom enigsins benoud maak. Al is hy net vier jaar oud en weeg hy niks meer as ’n sak kruideniersware nie, tree Jemelio Singer op asof hy ’n gesoute vermaak-ster is. Al 55 000 toeskouers se aandag is op hom terwyl hy die bal aandra waarmee die Blitsbokke hul seweswedstryd teen Argentinië in die DHL-stadion in Kaapstad gaan speel. Nadat hy die bal plegtig oorhandig en omgedraai het om weer die veld te verlaat, bring die klein mannetjie ’n groen hemp te voorskyn, vou dit oop, en wapper op sy lompe maar sjarmante manier dié trui in die lug. Die…

TUSSEN die vier wit kalklyne was Ruan Smith in sy element. Hy het immers al vir topspanne soos Australië se Brumbies, Melbourne Rebels en Queensland Reds in die skrum gesak. Maak nie saak hoe rof dinge geraak het nie, hy’t die reëls van rugby geken en verstaan. En jou spanmaats was altyd daar vir jou. Sy beroepsloopbaan het hy in 2024 hier by die Leeus in Suid-Afrika kom afsluit. Ruan het uitgesien na ’n nuwe hoofstuk saam met sy gesin. Maar weg van die speelveld het dinge begin skeefloop – en daardie selfde jaar word die eindfluitjie vir sy huwelik ook geblaas. Sy eksvrou en hulle dogtertjies, Madison (9) en Saskia (3), is toe terug na Australië. Sedertdien soek Ruan (nou 35) na daardie spesiale nuwe spanmaat – en om…

BEWUSTELIK FIKS In 2010 het OPRAH WINFREY ’n dubbele knievervanging ondergaan – iets wat die welstandsreis waarop sy is maklik sou kon benadeel. Maar tydens haar herstel was een van die dinge waartoe Oprah (71) haar gewend het staptoere, en sedertdien klim sy berge en heuwels waar sy ook al gaan. “Ná my knieoperasie het ek begin stap en elke week nuwe afstanddoelwitte gestel. Ek kon uiteindelik elke dag drie tot vyf myl stap. Ek het sterker, fikser en lewendiger gevoel as wat ek in jare gevoel het,” het sy aan People gesê. Verlede maand, Desember 2025, het sy ’n foto gedeel van haar op ’n staptoer in Auckland, Nieu-Seeland, wat sy besoek het as deel van haar Oprah: In Conversation-gesprekstoer. Sy deel gereeld foto’s van haar op skilderagtige staproetes,…